ਡੋਸੀ ਵਰਲਡ ਦਾ ਅਧਿਆਤਮਿਕ ਦਰਜਾ ਅਤੇ ਮਹਾਰਾਜ ਰਾਜਾ ਨੂ ਤੋਂ ਸੂਝ-ਬੂਝ, ਪੰਜ ਹਿਸਿਆਂ ਦਾ ਪਹਿਲਾ ਭਾਗ

ਪਿਆਰੇ ਸ੍ਰਿਸ਼ਟੀ ਦੇ ਤਾਜ, ਮਨੁੱਖੀ ਜੀਵ ਅਤੇ ਇਸ ਧਰਤੀ ਦੇ ਸਾਰੇ ਸਭ ਤੋਂ ਪਿਆਰੇ ਲੋਕ, ਅੱਜ ਮੈਂ ਡੋਸੀ ਵਰਲਡ 'ਤੇ ਕੰਮ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ। "ਡੋਸੀ ਵਰਲਡ" ਦਾ ਅਰਥ ਹੈ "ਪਿਆਰ ਦੀ ਦੁਨੀਆ।" ਅਤੇ ਤੁਸੀਂ ਇਸ ਦੁਨੀਆਂ ਬਾਰੇ ਕੁਝ ਜਾਣਕਾਰੀ ਪਹਿਲਾਂ ਸੁਣੀ ਹੋਵੇਗੀ। ਇਹ ਨਿਰੰਤਰਤਾ ਹੈ। ਡੋਸੀ ਲੋਕ, ਉਹ ਪਹਿਲਾਂ ਵੀਗਨ ਸਨ। ਪਰ ਉਨ੍ਹਾਂ ਨੂੰ ਹੁਣ ਖਾਣਾ ਨਹੀਂ ਪੈ ਰਿਹਾ। ਉਹ ਪ੍ਰਮਾਤਮਾ ਦੀ ਕਿਰਪਾ ਦੀ ਪ੍ਰੇਮ ਊਰਜਾ ਨਾਲ, ਪ੍ਰਮਾਤਮਾ ਦੀ ਕਿਰਪਾ ਨਾਲ ਜੀਉਂਦੇ ਹਨ। ਜਿਵੇਂ ਤੁਹਾਡੇ ਟਿਮ ਕੋ ਟੂ ਲੋਕ, ਪ੍ਰਮਾਤਮਾ ਦੀ ਊਰਜਾ ਵਿੱਚ, ਉਹ ਲੋਕ ਜੋ ਹੁਣ ਨਹੀਂ ਖਾਂਦੇ, ਚੌਥੇ ਪੱਧਰ ਦੇ ਉੱਪਰ ਵੱਲ ਹਨ, ਨਾਲ ਹੀ ਕੁਆਨ ਯਿਨ ਵਿਧੀ ਵੀ। ਕੁਝ ਹੋਰ ਇਕ ਹੇਠਲੇ ਪੱਧਰ 'ਤੇ ਜਾਰੀ ਰਹਿੰਦੇ ਹਨ ਜਦੋਂ ਤੱਕ ਉਹ ਚੌਥੇ ਸਥਾਨ 'ਤੇ ਨਹੀਂ ਪਹੁੰਚ ਜਾਂਦੇ। ਅਤੇ ਫਿਰ ਤੁਸੀਂ... ਜਦੋਂ ਤੱਕ ਉਹ ਪਹੁੰਚ ਨਹੀਂ ਜਾਂਦੇ... ਮਹਾਰਾਜ, ਰਾਜਾ, ਉਨ੍ਹਾਂ ਨੂੰ ਉਦੋਂ ਤੱਕ ਸਿਖਾਉਂਦੇ ਰਹਿਣਗੇ ਜਦੋਂ ਤੱਕ ਉਨ੍ਹਾਂ ਦਾ ਪੱਧਰ ਉੱਚਾ ਨਹੀਂ ਹੋ ਜਾਂਦਾ।

ਮੈਂ ਮਹਾਰਾਜ ਨੂੰ ਪੁੱਛਿਆ ਕਿ ਕੀ ਉਸ ਦੁਨੀਆਂ ਵਿੱਚ ਕੋਈ ਜੰਗ ਜਾਂ ਕੁਝ ਵੀ ਨਕਾਰਾਤਮਕ ਵਾਪਰਦਾ ਹੈ, ਭਾਵੇਂ ਉਨ੍ਹਾਂ ਵਿੱਚੋਂ ਇੱਕ ਛੋਟਾ ਜਿਹਾ ਪ੍ਰਤੀਸ਼ਤ ਅਜੇ ਵੀ ਚੌਥੇ ਪੱਧਰ 'ਤੇ ਨਹੀਂ ਪਹੁੰਚਿਆ, ਅਤੇ ਅਜੇ ਤੱਕ ਬਿਨਾਂ ਭੋਜਨ ਦੀ ਲੋੜ ਦੇ। ਉਸਨੇ ਕਿਹਾ, "ਨਹੀਂ, ਉਧਰ ਉੱਥੇ ਹੁਣ ਕੋਈ ਜੰਗ ਨਹੀਂ ਹੈ, ਬਿਲਕੁਲ ਵੀ ਜੰਗ ਨਹੀਂ, ਕਿਉਂਕਿ ਉੱਥੋਂ ਦੇ ਸਾਰੇ ਨਾਗਰਿਕ ਘੱਟੋ-ਘੱਟ ਵੀਗਨ ਹਨ।" ਤਾਂ ਇਸ ਤੋਂ ਪਹਿਲਾਂ ਮੈਂ ਪੁੱਛਿਆ ਕਿ ਕੀ... ਮੇਰੇ ਕੋਲ ਦੋ ਛੋਟੇ ਨੋਟ ਹਨ, ਅਤੇ ਮੈਂ ਦੂਜਾ ਪਹਿਲਾਂ ਪੜ੍ਹਿਆ, ਇਸੇ ਲਈ।

ਇਸ ਲਈ ਪਹਿਲੇ ਨੋਟ ਵਿੱਚ, ਮੈਂ ਆਪਣੇ ਸਵਾਲ ਨੂੰ ਨੋਟ ਕੀਤਾ ਹੈ, ਕੀ ਡੋਸੀ ਵਰਲਡ ਟਿਮ ਕੋ ਟੂ ਦੀ ਨਵੀਂ ਧਰਤੀ ਨਾਲੋਂ ਮਿਲਦੀ-ਜੁਲਦੀ ਹੈ ਜਾਂ ਬਿਹਤਰ ਹੈ। ਤਾਂ ਇਹ ਮਹਾਰਾਜ ਦੇ ਸ਼ਬਦ ਹਨ। ਉਸਨੇ ਕਿਹਾ, "ਅਧਿਆਤਮਿਕ ਤੌਰ 'ਤੇ, ਕੋਈ ਵੀ ਟਿਮ ਕੋ ਟੂ ਦੇ ਨਵੇਂ ਖੇਤਰ ਅਤੇ ਡੋਸੀ ਖੇਤਰ ਦੀ ਤੁਲਨਾ ਨਹੀਂ ਕਰ ਸਕਦਾ, ਕਿਉਂਕਿ ਟਿਮ ਕੋ ਟੂ ਖੁਦ ਪ੍ਰਮਾਤਮਾ ਹੈ।" ਇਸੇ ਲਈ ਮੈਂ ਤੁਹਾਨੂੰ ਕਿਹਾ ਸੀ ਕਿ ਮੈਂ ਤੁਹਾਨੂੰ ਇਸ ਦੁਨੀਆਂ ਬਾਰੇ ਨਹੀਂ ਦੱਸਣਾ ਚਾਹੁੰਦੀ ਸੀ। ਇਹ ਪਹਿਲੀ ਦੁਨੀਆਂ ਸੀ, ਪਰ ਮੈਂ ਝਿਜਕਦੀ ਸੀ। ਭਾਵੇਂ ਮੈਂ ਇਹ ਕਰ ਸਕਦੀ ਸੀ। ਮੈਂ ਯਕੀਨਨ ਰੁੱਝੀ ਹੋਈ ਸੀ, ਅਤੇ ਬਹੁਤ, ਬਹੁਤ ਸਾਰਾ ਕੰਮ ਦੇ ਨਾਲ, ਪਰ ਫਿਰ ਵੀ, ਮੈਂ ਇਸਨੂੰ ਪਹਿਲਾਂ ਕਰ ਸਕਦੀ ਸੀ, ਪਰ ਮੈਂ ਜਿਵੇਂ ਬਹੁਤ ਝਿਜਕਦੀ ਸੀ। ਮੈਨੂੰ ਉਮੀਦ ਹੈ ਕਿ ਇਸ ਸਾਰੀ ਗੱਲਬਾਤ ਦੀ ਰਿਪੋਰਟ ਕਰਨ ਤੋਂ ਬਾਅਦ ਵੀ ਮੈਂ ਇਸ ਦੁਨੀਆਂ ਵਿੱਚ ਸੁਰੱਖਿਅਤ ਹਾਂ।

ਡੋਸੀ ਵਰਲਡ ਉਸ ਮਹਾਨ ਸਰਵ ਵਿਆਪਕ ਯੋਜਨਾ ਦਾ ਇੱਕ ਹਿੱਸਾ ਹੈ, ਜਿਸ ਬਾਰੇ ਮੈਂ ਤੁਹਾਨੂੰ ਪਹਿਲਾਂ ਦੱਸਿਆ ਸੀ, ਜਿਸਨੂੰ ਇੱਕ ਚੁਣੇ-ਹੋਏ, ਵਿਸ਼ੇਸ਼ ਅਧਿਕਾਰ ਪ੍ਰਾਪਤ ਅਧਿਆਤਮਿਕ ਯੋਜਨਾ ਦੇ ਦਰਜੇ ਤੱਕ ਉੱਚਾ ਚੁੱਕਿਆ ਗਿਆ ਹੈ ਕਿਉਂਕਿ ਉਨ੍ਹਾਂ ਨੇ ਕੁਲੀਨਤਾ, ਪਰਉਪਕਾਰੀ ਅਤੇ ਜੀਵਨ ਪੱਧਰ ਦੇ ਹਮਦਰਦੀ-ਭਰੇ ਦਰਜੇ ਦੇ ਸਿਧਾਂਤ ਦੀ ਪਾਲਣਾ ਕੀਤੀ ਹੈ। ਇਸ ਲਈ ਉਹ ਉਸ ਕਿਸਮ ਦੇ ਵਿਕਸਤ, ਬਹੁਤ ਵਿਕਸਤ ਜੀਵਾਂ ਵਿੱਚ ਸ਼ਾਮਲ ਹਨ, ਜੋ ਸਾਡੇ ਗ੍ਰਹਿ ਦੇ ਉਲਟ ਹਨ। ਅਸੀਂ ਅਜੇ ਵੀ ਇਸ ਰੈਂਕ ਵਿੱਚ ਨਹੀਂ ਹਾਂ, ਅਜੇ ਇਸ ਚੋਣ ਵਿੱਚ ਨਹੀਂ ਹਾਂ। ਅਤੇ ਇਹ ਤਬਾਹ ਹੋ ਸਕਦਾ ਹੈ ਜੇਕਰ ਅਸੀਂ ਆਪਣੀ ਵਿਨਾਸ਼ਕਾਰੀ ਜੀਵਨ ਸ਼ੈਲੀ ਵਿੱਚ ਅੱਗੇ ਵਧਦੇ ਰਹੀਏ।

ਇਮਾਨਦਾਰੀ ਨਾਲ, ਮੈਂ ਇਸ ਦੁਨੀਆਂ ਬਾਰੇ ਇਸ ਦਾ ਜ਼ਿਕਰ ਨਹੀਂ ਕਰਨਾ ਚਾਹੁੰਦੀ, ਪਰ ਮੈਨੂੰ ਲੱਗਦਾ ਹੈ ਕਿ ਸਮਾਂ ਬਹੁਤ ਦੇਰ ਨਾਲ ਆ ਗਿਆ ਹੈ। ਮੈਨੂੰ ਪਤਾ ਹੈ, ਮੈਨੂੰ ਪਤਾ ਹੈ। ਮੈਂ ਇਸ ਬਾਰੇ ਗੱਲ ਨਹੀਂ ਕਰਨਾ ਚਾਹੁੰਦੀ, ਅਤੇ ਤੁਸੀਂ ਇਸ ਬਾਰੇ ਸੁਣਨਾ ਨਹੀਂ ਚਾਹੁੰਦੇ, ਪਰ ਆਪਣੇ ਆਲੇ ਦੁਆਲੇ ਦੇਖੋ, ਅਤੇ ਤੁਹਾਨੂੰ ਪਤਾ ਲੱਗੇਗਾ ਕਿ ਮੈਂ ਸੱਚ ਬੋਲ ਰਹੀ ਹਾਂ। ਅਤੇ ਉਥੇ ਇੱਕ ਬਹੁਤ ਹੀ ਆਸਾਨ ਹੱਲ ਹੈ। ਬਸ ਹੋਰ ਪੱਧਰਾਂ ਦੀ ਪਾਲਣਾ ਕਰੋ ਜੋ ਪਹਿਲਾਂ ਹੀ ਅੱਪਗ੍ਰੇਡ ਕੀਤੇ ਗਏ ਹਨ। ਭਾਵੇਂ ਉਹ ਚੌਥੇ ਪੱਧਰ 'ਤੇ ਨਹੀਂ ਪਹੁੰਚੇ ਹਨ, ਉਹ ਪਹਿਲਾਂ ਹੀ ਵੀਗਨ ਹਨ ਅਤੇ ਕੁਆਨ ਯਿਨ ਮੈਡੀਟੇਸ਼ਨ ਵਿਧੀ ਦਾ (ਅੰਦਰੂਨੀ ਸਵਰਗੀ ਰੌਸ਼ਨੀ ਅਤੇ ਆਵਾਜ਼ 'ਤੇ) ਅਭਿਆਸ ਕਰ ਰਹੇ ਹਨ। ਪ੍ਰਮਾਤਮਾ ਦੀ ਕਿਰਪਾ ਨਾਲ, ਉਨ੍ਹਾਂ ਦਾ ਸਥਾਨ ਪਹਿਲਾਂ ਹੀ ਸ਼ਾਂਤ, ਭਰਪੂਰ, ਅਸੀਸਾਂ, ਖੁਸ਼ੀ, ਅਨੰਦ ਨਾਲ ਭਰਪੂਰ ਹੈ।

ਅਤੇ ਉਨ੍ਹਾਂ ਦੀ ਸੁੰਦਰ ਦੁਨੀਆਂ ਸਾਡੀ ਧਰਤੀ ਦੀ ਭਾਸ਼ਾ ਤੋਂ ਪਰੇ ਹੈ ਜਿਸ ਦਾ ਵਰਣਨ ਕਰਨਾ ਸੰਭਵ ਨਹੀਂ ਹੈ। ਉਨ੍ਹਾਂ ਦੀ ਆਬਾਦੀ 6,393,562 ਹੈ, ਜੋ ਕਿ ਨਾਗਰਿਕਾਂ ਦੀ ਆਬਾਦੀ ਹੈ। ਅਤੇ ਜੇ ਉਹ ਚਾਹੁਣ ਤਾਂ ਉਹ ਹੋਰ ਵੀ ਪ੍ਰਗਟ ਕਰ ਸਕਦੇ ਹਨ, ਜਾਂ ਉਹ ਹੇਠਲੇ ਪੱਧਰ ਦੇ ਹੋਰ ਲੋਕਾਂ ਨੂੰ ਆਪਣੇ ਨਾਲ ਲੈ ਸਕਦੇ ਹਨ ਜੋ ਉਨ੍ਹਾਂ ਦੇ ਨਾਲ ਰਹਿਣਾ ਚਾਹੁੰਦੇ ਹਨ। ਉਨ੍ਹਾਂ ਦੀ ਦੁਨੀਆ ਸਾਡੇ ਤੋਂ ਲਗਭਗ 890,000 ਪ੍ਰਕਾਸ਼ ਸਾਲ ਦੂਰ ਹੈ। ਅਸੀਂ ਕਦੋਂ ਇੰਨੀ ਯੋਗਤਾ ਇਕੱਠੀ ਕਰ ਸਕਾਂਗੇ ਕਿ ਕੁਝ ਵਾਹਨ ਬਣਾ ਸਕੀਏ ਕਿ ਅਸੀਂ ਇਸ ਸ਼ਾਨਦਾਰ ਧਰਤੀ 'ਤੇ ਜਾਣ ਲਈ ਇੰਨੀ ਦੂਰ ਉੱਡ ਸਕੀਏ? ਤੁਸੀਂ ਦੇਖੋ, ਹੋ ਸਕਦਾ ਹੈ ਕਿ ਬਹੁਤ ਸਾਰੇ ਮਨੁੱਖ ਅਜੇ ਤੀਜੀ ਦੁਨੀਆਂ ਤੋਂ ਉੱਪਰਲੇ ਪੱਧਰ 'ਤੇ ਨਹੀਂ ਪਹੁੰਚੇ ਹਨ। ਪਰ ਜੇ ਅਸੀਂ ਵੀਗਨ ਬਣ ਜਾਂਦੇ ਹਾਂ, ਤਾਂ ਅਸੀਂ ਇਸ ਡੋਸੀ ਵਰਲਡ ਵਰਗੇ ਦਰਜੇ 'ਤੇ ਹੋ ਸਕਦੇ ਹਾਂ। ਮੈਂ ਤੁਹਾਡੇ ਸਾਰਿਆਂ ਲਈ ਸੱਚਮੁੱਚ ਪ੍ਰਾਰਥਨਾ ਕਰਦੀ ਹਾਂ ਕਿ ਤੁਸੀਂ ਇਸ ਭਿਆਨਕ ਭਰਮ ਤੋਂ ਸੱਚਮੁੱਚ ਜਾਗੋ ਅਤੇ ਇੱਕ ਬਿਹਤਰ ਜੀਵਨ ਢੰਗ ਬਾਰੇ ਜਾਣੂ ਹੋਵੋ।

ਮੈਂ ਮਹਾਰਾਜਾ ਰਾਜਾ ਨੂ ਨੂੰ ਪੁੱਛਿਆ ਕਿ ਕੀ ਉਸਦੀ ਦੁਨੀਆਂ ਵਿੱਚ ਜਾਨਵਰ-ਲੋਕ ਹਨ ਜਾਂ ਨਹੀਂ। ਮਹਾਰਾਜ ਨੇ ਕਿਹਾ, "ਨਹੀਂ। ਡੋਸੀ ਵਰਲਡ ਵਿੱਚ ਮਨੁੱਖ ਵਜੋਂ ਜਨਮ ਲੈਣ ਲਈ ਉਹਨਾਂ ਵਿੱਚ ਹੋਰ ਵਿਸ਼ੇਸ਼ ਯੋਗਤਾਵਾਂ ਹੋਣ ਦੀ ਲੋੜ ਹੈ। ਪਰ ਜੋ ਵੀ ਪਹਿਲਾਂ ਹੀ ਉੱਥੇ ਹੈ ਉਹ ਅਪਣਾ ਸਕਦਾ ਹੈ। ਜੇਕਰ ਉਹ ਉੱਚ ਪੱਧਰ ਦੇ ਹਨ, ਤਾਂ ਉਹ ਅਪਣਾ ਸਕਦੇ ਹਨ।” ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਇੱਥੋਂ ਤੱਕ ਅਜੇ ਵੀ ਤੀਜੇ ਪੱਧਰ 'ਤੇ ਹਨ, ਪਰ ਇਹ ਸਿਰਫ ਇੱਕ ਛੋਟੀ ਜਿਹੀ ਗਿਣਤੀ ਹੈ, ਅਤੇ ਉਹ ਪਹਿਲਾਂ ਹੀ ਤੀਜੇ ਅਤੇ ਚੌਥੇ ਦੇ ਵਿਚਕਾਰ ਸੀਮਾ 'ਤੇ ਹਨ। ਇਸ ਲਈ ਹੁਣ ਹਰ ਪਲ, ਉਹ ਚੌਥੇ ਦੀ ਅਧਿਆਤਮਿਕ ਚੇਤਨਾ ਦੇ ਉੱਚ ਪੱਧਰ 'ਤੇ ਛਾਲ ਮਾਰ ਸਕਦੇ ਹਨ। ਇਸ ਲਈ ਉਨ੍ਹਾਂ ਲਈ ਆਪਣੇ ਗ੍ਰਹਿ ਵਿੱਚ ਕਿਸੇ ਹੋਰ ਖੇਤਰਾਂ ਦੇ ਜੀਵਾਂ ਨੂੰ ਅਪਣਾਉਣਾ ਮੁਸ਼ਕਲ ਨਹੀਂ ਹੈ, ਉਨ੍ਹਾਂ ਦੇ ਅਧਿਆਤਮਿਕ ਪੱਧਰ 'ਤੇ ਜਿੱਥੇ ਡੋਸੀ ਲੋਕ ਇਸ ਸਮੇਂ ਰਹਿ ਰਹੇ ਹਨ। ਪਰ ਇਹਨਾਂ ਗੋਦ-ਲਏ ਜੀਵਾਂ ਕੋਲ ਕਾਫ਼ੀ ਯੋਗਤਾ ਹੋਣੀ ਚਾਹੀਦੀ ਹੈ, ਬੇਸ਼ੱਕ, ਅਤੇ ਉਨ੍ਹਾਂ ਦੇ ਦਿਲਾਂ ਵਿੱਚ ਇਮਾਨਦਾਰੀ ਅਤੇ ਸ਼ੁੱਧ ਵਿਸ਼ਵਾਸ ਹੋਣਾ ਚਾਹੀਦਾ ਹੈ।

ਤੁਸੀਂ ਜਾਣਦੇ ਹੋ, ਮੈਂ ਇਹ ਸਭ ਰਿਪੋਰਟ ਕਰਨ ਤੋਂ ਝਿਜਕਦੀ ਹਾਂ ਕਿਉਂਕਿ ਇਹ ਮੈਨੂੰ ਅਸੁਰੱਖਿਅਤ ਲੱਗਦਾ ਹੈ। ਯਿਸੂ ਮਸੀਹ ਵੱਲ ਦੇਖੋ। ਪੁਰਾਣੇ ਸਮੇਂ ਦੇ ਸਾਰੇ ਨਬੀਆਂ ਵੱਲ ਦੇਖੋ - ਉਹ ਕਿਵੇਂ ਜੀਉਂਦੇ ਸਨ, ਕਿਵੇਂ ਮਰ ਗਏ। ਅਤੇ ਇਹ ਕਾਰਨਾਂ ਵਿਚੋਂ ਇੱਕ ਹੈ ਕਿ ਮੈਂ ਤੁਹਾਨੂੰ ਇਕ ਲੰਬੇ ਸਮੇਂ ਤੋਂ ਰਿਪੋਰਟ ਨਹੀਂ ਕੀਤੀ - ਬਹੁਤ ਸਾਰੀਆਂ ਚੀਜ਼ਾਂ ਜੋ ਮੈਂ ਕੀਤੀਆਂ, ਬਹੁਤ ਸਾਰੀਆਂ ਥਾਵਾਂ ਜਿੱਥੇ ਮੈਂ ਗਈ, ਜਾਂ ਬਹੁਤ ਸਾਰੇ ਬੁੱਧ ਜਿਨ੍ਹਾਂ ਨਾਲ ਮੈਂ ਗੱਲ ਕੀਤੀ, ਉਦਾਹਰਣ ਵਜੋਂ। ਅਸੀਂ ਅਸਲ ਵਿੱਚ ਇਸ ਤਰ੍ਹਾਂ ਗੱਲ ਨਹੀਂ ਕਰਦੇ। ਅਸੀਂ ਬੋਲੀ-ਜਾਣ ਵਾਲੀ ਭਾਸ਼ਾ ਦੀ ਵਰਤੋਂ ਨਹੀਂ ਕਰਦੇ। ਹੁਣੇ ਹੁਣੇ ਮੈਨੂੰ ਲੱਗਦਾ ਹੈ ਕਿ ਮੈਂ ਬੁੱਢੀ ਹੋ ਰਹੀ ਹਾਂ। ਕੌਣ ਜਾਣਦਾ ਹੈ ਕਿ ਮੈਂ ਇਸ ਦੁਨੀਆਂ ਵਿੱਚ ਬਹੁਤਾ ਸਮਾਂ ਰਹਾਂਗੀਂ ਜਾਂ ਨਹੀਂ। ਇਸ ਲਈ ਮੈਂ ਤੁਹਾਨੂੰ ਬਹੁਤ ਸਾਰੀਆਂ ਗੱਲਾਂ ਦੱਸੀਆਂ, ਜੋ ਮੈਂ ਪਹਿਲਾਂ ਨਹੀਂ ਕੀਤਾ ਸੀ, ਪ੍ਰਮਾਤਮਾ ਦੇ ਹੁਕਮ ਨਾਲ ਵੀ। ਮੈਂ ਬਹੁਤ ਝਿਜਕਦੀ ਰਹਿੰਦੀ ਜੇ ਪ੍ਰਮਾਤਮਾ ਮੈਨੂੰ ਹੁਕਮ ਨਾਂ ਦਿੰਦਾ ਰਹਿੰਦਾ, ਮੈਨੂੰ ਦੱਸਣ ਦਾ ਹੁਕਮ ਦਿੰਦਾ।

ਮੈਂ ਮਹਾਰਾਜਾ ਰਾਜਾ ਨੂ ਨੂੰ ਪੁੱਛਿਆ, "ਇਹ ਇੰਨਾ ਸੌਖਾ ਕਿਉਂ ਹੈ? ਸਭ ਤੋਂ ਉੱਚੇ ਤੀਜੇ ਪੱਧਰ 'ਤੇ ਸਥਿਰ ਰਹਿਣ ਅਤੇ ਸਿਰਫ਼ ਵੀਗਨ ਹੋਣ ਲਈ, ਤੁਸੀਂ ਆਪਣੀ ਧਰਤੀ ਵਾਂਗ ਇੱਕ ਸ਼ਾਨਦਾਰ ਧਰਤੀ 'ਤੇ ਹੋ ਸਕਦੇ ਹੋ, ਕਿਉਂਕਿ ਇਹ ਬਹੁਤ ਸੌਖਾ ਲੱਗਦਾ ਹੈ - ਸਿਰਫ਼ ਵੀਗਨ ਅਤੇ ਕੁਆਨ ਯਿਨ ਮੈਡੀਟੇਸ਼ਨ।" ਤਾਂ ਮਹਾਰਾਜ ਨੇ ਮੈਨੂੰ ਦੱਸਿਆ - ਉਸਦੇ ਸ਼ਬਦ: ਉਸਨੇ ਕਿਹਾ,"ਕਿਉਂਕਿ ਪ੍ਰਮਾਤਮਾ ਨੇ ਸਾਰੇ ਜੀਵਾਂ ਨੂੰ ਇੱਕ ਬਹੁਤ ਹੀ ਸਧਾਰਨ ਸੰਕਲਪ ਨਾਲ ਬਣਾਇਆ ਹੈ। ਜਿਵੇਂ ਪ੍ਰਮਾਤਮਾ ਨੇ ਪਹਿਲਾਂ ਹੀ ਲਿਖਿਆ ਹੈ, ਉਸੇ ਤਰ੍ਹਾਂ ਬਣੋ। ਬਸ ਪਿਆਰ ਕਰਨ ਵਾਲੇ, ਹਮਦਰਦ ਅਤੇ ਪ੍ਰਮਾਤਮਾ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਬਣੋ ਅਤੇ ਪ੍ਰਮਾਤਮਾ ਦੀ ਸ਼ਕਤੀ ਨਾਲ ਜੁੜੇ ਰਹੋ।"

ਮਹਾਰਾਜਾ ਰਾਜਾ ਨੇ ਕਿਹਾ ਕਿ ਉਹ ਅਜੇ ਵੀ ਜ਼ਿੰਮੇਵਾਰੀ ਲੈਂਦਾ ਰਹਿੰਦਾ ਹੈ ਅਤੇ ਜੋ ਵੀ ਆਉਂਦਾ ਹੈ, ਜੋ ਵੀ ਸੀ, ਅਤੇ ਜੋ ਵੀ ਅਜੇ ਵੀ ਆਪਣੀ ਧਰਤੀ 'ਤੇ ਹੈ, ਉਸਨੂੰ ਸਿਖਾਉਂਦਾ ਰਹਿੰਦਾ ਹੈ। ਉਹ ਉਨ੍ਹਾਂ ਨੂੰ ਸਿਖਾਉਣਾ ਜਾਰੀ ਰੱਖੇਗਾ ਅਤੇ ਉਨ੍ਹਾਂ ਨੂੰ ਆਪਣੀ ਯੋਗਤਾ ਅਤੇ ਅਧਿਆਤਮਿਕ ਸ਼ਕਤੀ ਦੀ ਵਰਤੋਂ ਕਰਕੇ, ਆਪਣੀ ਸਮਰੱਥਾ ਅਨੁਸਾਰ, ਸਭ ਤੋਂ ਉੱਚੇ ਪੱਧਰ, ਮੁਕਤੀ ਵੱਲ ਲੈ ਜਾਵੇਗਾ। ਅਸੀਂ ਪ੍ਰਮਾਤਮਾ ਦੇ ਨਾਮ ਤੇ ਉਸਦਾ ਧੰਨਵਾਦ ਕਰਦੇ ਹਾਂ ਉਨ੍ਹਾਂ ਸਾਰਿਆਂ ਲਈ ਜਿਨ੍ਹਾਂ ਨੂੰ ਉਸਨੇ ਬਚਾਇਆ ਹੈ ਅਤੇ ਅਜੇ ਵੀ ਉਨ੍ਹਾਂ ਨੂੰ ਸਵੀਕਾਰ ਕਰਨਾ ਜਾਰੀ ਰੱਖਣ ਲਈ ਜੋ ਉਸਦੀ ਅਧਿਆਤਮਿਕ ਬੁੱਧ ਦੀ ਧਰਤੀ ਵਿੱਚ ਰਹਿਣ ਦੇ ਯੋਗ ਹਨ।

ਅਤੇ ਉਸਦੀ ਅਧਿਆਤਮਿਕ ਧਰਤੀ ਅਮਿਤਾਭ ਬੁੱਧ ਦੀ ਧਰਤੀ ਦੇ ਬਰਾਬਰ ਹੋ ਸਕਦੀ ਹੈ। ਤੁਸੀਂ ਉਹ ਸੂਤਰ ਲੱਭੋ ਅਤੇ ਆਪਣੀ ਜਾਣਕਾਰੀ ਲਈ ਇਸਨੂੰ ਪੜ੍ਹੋ। ਫਿਰ ਤੁਸੀਂ ਬੁੱਧਾਂ ਦੀ ਧਰਤੀ ਬਾਰੇ ਥੋੜ੍ਹੀ ਹੋਰ ਕਲਪਨਾ ਕਰ ਸਕਦੇ ਹੋ।

"ਬੁਧ ਨੇ ਫਿਰ ਬਜ਼ੁਰਗ ਸਾਰੀਪੁਤਰਾ ਨੂੰ ਕਿਹਾ: 'ਜੇਕਰ ਤੁਸੀਂ ਇਥੋਂ ਪਛਮ ਵਲ ਜਾਂਦੇ ਹੋ, ਇਕ ਸੌ ਹਜ਼ਾਰ ਕੋਟੀਆਂ ਬੁਧ ਧਰਤੀਆਂ ਵਿਚ ਦੀ ਲੰਘਦੇ ਹੋ, ਤੁਸੀਂ ਇਕ ਧਰਤੀ ਤਕ ਪਹੁੰਚ ਜਾਵੋਂਗੇ ਜਿਸ ਨੂੰ ਅਤਿਅੰਤ ਅਨੰਦ ਕਿਹਾ ਜਾਂਦਾ ਹੈ ਜਿਥੇ ਉਥੇ ਇਕ ਬੁਧ ਹੈ ਜਿਸ ਦਾ ਨਾਮ ਅਮੀਤਬਾ ਹੈ। ਉਹ ਹੁਣ ਉਥੇ ਰਹਿ ਰਿਹਾ ਹੈ, ਧਰਮ ਸਿਖਾ ਰਿਹਾ ਹੈ। 'ਸਾਰੀਪੁਤਰਾ, ਉਸ ਧਰਤੀ ਨੂੰ ਅਤਿਅੰਤ ਅਨੰਦ ਕਿਉਂ ਕਿਹਾ ਜਾਂਦਾ ਹੈ? ਉਸ ਧਰਤੀ ਦੇ ਜੀਵਾਂ ਨੂੰ ਕੋਈ ਦੁਖ ਤਕਲੀਫ ਨਹੀਂ ਹੈ ਪਰ ਸਿਰਫ ਸਭ ਕਿਸਮਾਂ ਦੀਆਂ ਖੁਸ਼ੀਆਂ ਦਾ ਅਨੰਦ ਮਾਣਦੇ ਹਨ। ਇਸੇ ਕਰਕੇ, ਉਸ ਧਰਤੀ ਨੂੰ ਅਤਿਅੰਤ ਅਨੰਦ ਕਿਹਾ ਜਾਂਦਾ ਹੈ। ਫਿਰ ਦੁਬਾਰਾ, ਸਾਰੀਪੁਤਰਾ, ਅਤਿਅੰਤ ਅਨੰਦ ਦੀ ਧਰਤੀ ਵਿਚ ਉਥੇ ਸਤ ਛਤਾਂ ਦੇ ਜੰਗਲੇ, ਕਟਿਹਰੇ ਹਨ, ਸਤ ਕਤਾਰਾਂ ਸਜਾਵਟੀ ਜਾਲਾਂ ਦੇ, ਅਤੇ ਸਤ ਕਤਰਾਂ ਰੁਖਾਂ ਦੀਆਂ। ਉਹ ਸਾਰੇ ਚਾਰ ਕਿਸਮ ਦੇ ਰਤਨਾਂ ਦੇ ਬਣਾਏ ਹੋਏ ਹਨ ਅਤੇ ਸਮੁਚੀ ਧਰਤੀ ਤਕ ਫੈਲੇ ਹੋਏ ਹਨ, ਸਭ ਚੀਜ਼ ਨੂੰ ਸ਼ਾਮਲ ਕਰਦੇ। ਇਸੇ ਕਰਕੇ, ਉਹ ਧਰਤੀ ਨੂੰ ਅਤਿਅੰਤ ਅਨੰਦ ਕਿਹਾ ਜਾਂਦਾ ਹੈ। ਦੁਬਾਰਾ, ਸਾਰੀਪੁਤਰਾ, ਅਤਿਅੰਤ ਅਨੰਦ ਧਰਤੀ ਵਿਚ, ਉਥੇ ਸਤ-ਰਤਨਾਂ ਦੇ ਤਾਲਾਬ ਹਨ ਪਾਣੀ ਨਾਲ ਭਰੇ ਹੋਏ ਜਿਨਾਂ ਵਿਚ ਅਠ ਸ਼ਾਨਦਾਰ ਗੁਣ ਹਨ। ਛਪੜਾਂ ਦੇ ਥਲੇ ਸਿਰਫ ਸੋਨੇ ਦੀ ਰੇਤ ਨਾਲ ਭਰੇ ਹੋਏ ਹਨ, ਅਤੇ ਹਰ ਇਕ ਤਲ ਚਾਰ ਪਾਸਿਆਂ ਤੋਂ ਸੋਨੇ, ਚਾਂਦੀ, ਬੇਰੀਲ ਅਤੇ ਬਲੌਰੀ ਦੀਆਂ ਪੌੜੀਆਂ ਚੜਦੀਆਂ ਹਨ। ਇਹਨਾਂ ਉਪਰ ਸੋਨੇ, ਚਾਂਦੀ, ਬੇਰੀਲ, ਬਲੌਰੀ, ਨੀਲਮ, ਗੁਲਾਬੀ ਮੋਤੀ, ਅਤੇ ਕਰੋਨੇਲੀਅਨ ਨਾਲ ਸਜਾਏ ਹੋਏ ਮੰਡਪ ਹਨ। ਛਪੜਾਂ ਵਿਚ ਰਥ ਦੇ ਪਹੀਏ ਜਿਨੇਂ ਵਡੇ ਕਮਲ ਹਨ - ਨੀਲੇ ਵਾਲੇ ਇਕ ਨੀਲੀ ਰੋਸ਼ਨੀ ਨੂੰ ਫੈਲਾ ਰਹੇ, ਪੀਲੇ ਵਾਲੇ ਇਕ ਪੀਲੀ ਵਾਲੀ ਰੋਸ਼ਨੀ, ਲਾਲ ਇਕ ਲਾਲ ਰੋਸ਼ਨੀ, ਅਤੇ ਚਿਟੇ ਅਤੇ ਇਕ ਚਿਟੀ ਰੋਸ਼ਨੀ ਫੈਲਾ ਰਹੇ। ਉਹ ਸ਼ਾਨਦਾਰ ਹਨ ਅਤੇ ਖੂਬਸੂਰਤ, ਸੁਗੰਧਿਤ ਅਤੇ ਪਵਿਤਰ। ਸਾਰੀਪੁਤਰਾ, ਅਤਿਅੰਤ ਅਨੰਦ ਦੀ ਧਰਤੀ ਅਜਿਹੀਆਂ ਸ਼ਾਨਦਾਰ ਸਜਾਵਟਾਂ ਨਾਲ ਭਰੀ ਹੋਈ ਹੈ। "ਦੁਬਾਰਾ, ਸਾਰੀਪੁਤਰਾ, ਬੁਧ ਧਰਤੀ ਵਿਚ ਸਵਰਗੀ ਸੰਗੀਤ ਲਗਾਤਾਰ ਵਜਾਇਆ ਜਾਂਦਾ ਹੈ। ਜ਼ਮੀਨ ਸੋਨੇ ਦੀ ਬਣੀ ਹੋਈ ਹੈ। ਛੇ ਵਾਰ ਦਿਨ ਅਤੇ ਰਾਤ ਦੇ ਦੌਰਾਨ ਮਾਂਡਾਰਵ ਫੁਲ ਅਸਮਾਨ ਤੋਂ ਵਰਸਦੇ ਹਨ। (...) 'ਸਾਰੀਪੁਤਰਾ, ਜੇਕਰ ਇਕ ਚੰਗਾ ਆਦਮੀ ਜਾਂ ਔਰਤ ਜਿਹੜਾ ਅਮੀਤਬਾ ਨੂੰ ਸੁਣਦਾ ਹੈ ਉਸ ਦੇ ਨਾਮ ਨੂੰ ਇਥੋਂ ਤਕ ਇਕ ਦਿਨ ਲਈ, ਦੋ ਦਿਨਾਂ ਲਈ, ਤਿੰਨ, ਚਾਰ, ਪੰਜ, ਛੇ, ਜਾਂ ਸਤ ਦਿਨਾਂ ਲਈ ਇਕ ਕੇਂਦ੍ਰਿਤ ਅਤੇ ਉਚਾਟ-ਰਹਿਤ ਮਨ ਨਾਲ ਮਜ਼ਬੂਤੀ ਨਾਲ ਫੜਦਾ ਹੈ, ਫਿਰ, ਮੌਤ ਦੇ ਸਮੇਂ, ਅਮੀਤਬਾ ਪਵਿਤਰ ਪੁਰਖਾਂ ਨਾਲ ਪ੍ਰਗਟ ਹੋਣਗੇ। ਸਿਟੇ ਵਜੋਂ, ਜਦੋਂ ਉਨਾਂ ਦੀ ਜਿੰਦਗੀ ਖਤਮ ਹੁੰਦੀ ਹੈ, ਚਾਹਵਾਨਾਂ ਦੇ ਮਨ ਉਲਝਣਾ ਵਿਚ ਨਹੀਂ ਪੈਣਗੇ ਅਤੇ ਸੋ ਉਹ ਤੁਰੰਤ ਹੀ ਅਮੀਤਬਾ ਦੀ ਅਤਿਅੰਤ ਅਨੰਦ ਧਰਤੀ ਵਿਚ ਜਨਮ ਲੈਣਗੇ। ਸਾਰੀਪੁਤਰਾ, ਇਹਨਾਂ ਲਾਭਾਂ ਨੂੰ ਸਮਝਦੇ ਹੋਏ, ਮੈਂ ਕਹਿੰਦਾ ਹਾਂ: ਸਾਰੇ ਸੰਵੇਦਨਸ਼ੀਲ ਜੀਵ ਜੋ ਇਸ ਸਿਖਿਆ ਨੂੰ ਸੁਣਦੇ ਹਨ ਉਨਾਂ ਨੂੰ ਉਸ ਧਰਤੀ ਵਿਚ ਜਨਮ ਲੈਣ ਦੀ ਖਾਹਸ਼ ਰਖਣੀ ਚਾਹੀਦੀ ਹੈ।'" ਅਮੀਤਬਾ ਬੁਧ ਉਤੇ ਸੂਤਰ ਤੋਂ ਸ਼ਕਿਆਮੁਨੀ ਬੁਧ (ਵੀਗਨ) ਦੁਆਰਾ ਪ੍ਰਦਾਨ ਕੀਤਾ ਗਿਆ।

ਅਮਿਤਾਭ ਬੁੱਧ ਦੀ ਧਰਤੀ ਨਾਲ ਸਬੰਧਤ ਇੱਕ ਬੋਧੀ ਪਵਿੱਤਰ ਗ੍ਰੰਥ "ਬੁੱਧ ਦੁਆਰਾ ਬੋਲੇ ਗਏ ਅਨੰਤ ਜੀਵਨ ਦਾ ਚਿੰਤਨ ਸੂਤਰ" ਦੇ ਕੁਝ ਅੰਸ਼ ਬੁੱਧ ਨੇ ਵੈਦੇਹੀ ਨੂੰ ਕਿਹਾ: "ਤੁਹਾਨੂੰ ਅਤੇ ਸੰਵੇਦਨਸ਼ੀਲ ਜੀਵਾਂ ਨੂੰ ਆਪਣੇ ਮਨਾਂ ਨੂੰ ਕੇਂਦਰਿਤ ਕਰਨਾ ਚਾਹੀਦਾ ਹੈ ਅਤੇ ਆਪਣੇ ਵਿਚਾਰਾਂ ਨੂੰ ਪੱਛਮੀ ਸ਼ੁੱਧ ਧਰਤੀ 'ਤੇ ਵਿਚਾਰ ਕਰਨ ਵੱਲ ਸੇਧਿਤ ਕਰਨਾ ਚਾਹੀਦਾ ਹੈ। [...] ਅੱਗੇ, ਪਾਣੀ ਦੀ ਕਲਪਨਾ ਕਰੋ। ਅਨੰਦ ਦੀ ਧਰਤੀ ਵਿੱਚ, ਅੱਠ ਤਾਲਾਬ ਹਨ। ਹਰੇਕ ਤਲਾਅ ਦਾ ਪਾਣੀ, ਸੱਤ ਖਜ਼ਾਨਿਆਂ ਤੋਂ ਬਣਿਆ ਹੈ, ਨਰਮ ਅਤੇ ਉਪਜਾਊ ਹੈ, ਜੋ ਕਿ ਰਾਜਾ ਦੀ ਇੱਛਾ-ਪੂਰੀ ਕਰਨ ਵਾਲੇ ਰਤਨ ਤੋਂ ਉਤਪੰਨ ਹੁੰਦਾ ਹੈ। ਇਹ ਪਾਣੀ ਚੌਦਾਂ ਧਾਰਾਵਾਂ ਵਿੱਚ ਵਗਦਾ ਹੈ, ਹਰ ਇੱਕ ਸੱਤ ਖਜ਼ਾਨਿਆਂ ਦੇ ਅਦਭੁਤ ਰੰਗਾਂ ਨੂੰ ਦਰਸਾਉਂਦੀ ਹੈ। ਨਹਿਰਾਂ ਸੋਨੇ ਨਾਲ ਲਕੀਰੀਆਂ ਹੋਈਆਂ ਹਨ, ਅਤੇ ਉਨ੍ਹਾਂ ਦੇ ਬਿਸਤਰੇ ਬਹੁ-ਰੰਗੀ ਵਜਰਾ ਰੇਤ ਨਾਲ ਬਣੇ ਹਨ। ਹਰੇਕ ਧਾਰਾ ਵਿੱਚ, 6 ਬਿਲੀਅਨ ਸੱਤ-ਰਤਨਾਂ ਵਾਲੇ ਕਮਲ ਹਨ। ਹਰੇਕ ਕਮਲ ਬਿਲਕੁਲ ਗੋਲ, ਆਕਾਰ ਵਿੱਚ ਇੱਕਸਾਰ, ਅਤੇ 12 ਯੋਜਨਾਵਾਂ ਵਿੱਚ ਫੈਲਿਆ ਹੋਇਆ ਹੈ। ਮੁਨੀ ਦਾ ਪਾਣੀ ਫੁੱਲਾਂ ਦੇ ਵਿਚਕਾਰ ਵਗਦਾ ਹੈ, ਰੁੱਖਾਂ ਦੇ ਨਾਲ-ਨਾਲ ਉੱਪਰ ਅਤੇ ਹੇਠਾਂ ਵੱਲ ਵਧਦਾ ਹੈ। ਇਸਦੀ ਸੂਖਮ ਅਤੇ ਉੱਤਮ ਆਵਾਜ਼ ਦੁੱਖ, ਖਾਲੀਪਨ, ਅਸਥਿਰਤਾ, ਅਹੰਕਾਰ ਅਤੇ ਪਰਮਿਤਾਵਾਂ ਬਾਰੇ ਸਿੱਖਿਆਵਾਂ ਦਾ ਵਿਸਥਾਰ ਕਰਦੀ ਹੈ, ਜਦੋਂ ਕਿ ਬੁੱਧਾਂ ਦੇ ਚਿੰਨ੍ਹ ਅਤੇ ਸਰੀਰਕ ਵਿਸ਼ੇਸ਼ਤਾਵਾਂ ਦੀ ਵੀ ਪ੍ਰਸ਼ੰਸਾ ਕਰਦੀ ਹੈ। ਰਾਜੇ ਦਾ ਇੱਛਾ-ਪੂਰੀ ਕਰਨ ਵਾਲਾ ਰਤਨ ਇੱਕ ਸੂਖਮ, ਅਦਭੁਤ ਸੁਨਹਿਰੀ ਚਮਕ ਛੱਡਦਾ ਹੈ ਜੋ ਸੈਂਕੜੇ ਹੀਰਿਆਂ ਵਾਲੇ ਰੰਗਾਂ ਦੇ ਪੰਛੀਆਂ ਵਿੱਚ ਬਦਲ ਜਾਂਦਾ ਹੈ। ਇਹ ਪੰਛੀ ਸ਼ਾਨਦਾਰ, ਸੁਮੇਲ ਵਾਲੇ ਸੁਰਾਂ ਵਿੱਚ ਗਾਉਂਦੇ ਹਨ, ਬੁੱਧ, ਧਰਮ ਅਤੇ ਸੰਘ ਨੂੰ ਬੁਲਾਉਣ ਦੇ ਅਭਿਆਸ ਦੀ ਲਗਾਤਾਰ ਪ੍ਰਸ਼ੰਸਾ ਕਰਦੇ ਹਨ। ਇਹ ਅੱਠ ਗੁਣਾਂ ਦੇ ਪਾਣੀ ਦਾ ਦ੍ਰਿਸ਼ਟੀਕੋਣ ਹੈ, ਜਿਸਨੂੰ ਪੰਜਵਾਂ ਚਿੰਤਨ ਕਿਹਾ ਜਾਂਦਾ ਹੈ। ਇਸ ਅਣਗਿਣਤ ਖਜ਼ਾਨਿਆਂ ਦੀ ਧਰਤੀ ਵਿੱਚ, ਹਰ ਖੇਤਰ ਵਿੱਚ 50 ਬਿਲੀਅਨ ਹੀਰਿਆਂ ਨਾਲ ਜੜੇ ਮਹਿਲ ਹਨ। ਇਨ੍ਹਾਂ ਹਵੇਲੀਆਂ ਦੇ ਅੰਦਰ, ਅਣਗਿਣਤ ਸਵਰਗੀ ਜੀਵ ਸਵਰਗੀ ਸੰਗੀਤ ਪੇਸ਼ ਕਰਦੇ ਹਨ। ਅਸਮਾਨ ਵਿੱਚ ਲਟਕਦੇ ਸੰਗੀਤ ਯੰਤਰ ਵੀ ਹਨ, ਜਿਵੇਂ ਕਿ ਦੇਵਤਾ ਰਤਨਧਵਜ (ਜਵਾਹਰਾਤ ਝੰਡੇ) ਦੇ, ਜੋ ਬਿਨਾਂ-ਵਜਾਏ ਸੁਰਾਂ ਨੂੰ ਛੱਡਦੇ ਹਨ। ਇਹ ਵੱਖ-ਵੱਖ ਆਵਾਜ਼ਾਂ ਬੁੱਧ, ਧਰਮ ਅਤੇ ਸੰਘ ਦੇ ਸੱਦੇ ਦੀਆਂ ਸਿੱਖਿਆਵਾਂ ਨਾਲ ਗੂੰਜਦੀਆਂ ਹਨ।" [...]

ਵੱਖ-ਵੱਖ ਬੁੱਧ ਹਨ, ਵੱਖ-ਵੱਖ ਬੁੱਧ ਦੀਆਂ ਧਰਤੀਆਂ ਹਨ। ਅਤੇ ਇਹ ਤੁਹਾਨੂੰ ਇਸ ਬਿਰਤਾਂਤ ਨੂੰ ਪੜ੍ਹਨ ਵਿੱਚ ਮਦਦ ਕਰੇਗਾ - ਤੁਹਾਡੀ ਮਦਦ ਕਰੇਗਾ, ਤੁਹਾਨੂੰ ਉਤਸ਼ਾਹਿਤ ਕਰੇਗਾ, ਤੁਹਾਨੂੰ ਸੰਤਾਂ, ਰਿਸ਼ੀਆਂ ਨੂੰ ਯਾਦ ਕਰਨ ਲਈ ਪ੍ਰੇਰਿਤ ਕਰੇਗਾ, ਅਤੇ ਬੇਸ਼ੱਕ, ਸਰਬਸ਼ਕਤੀਮਾਨ ਪ੍ਰਮਾਤਮਾ ਨੂੰ ਯਾਦ ਕਰੇਗਾ। ਮੈਂ ਤੁਹਾਨੂੰ ਸ਼ੁਭਕਾਮਨਾ ਦਿੰਦੀ ਹਾਂ.

ਦੋਸੀ ਦੇ ਮਹਾਰਾਜਾ ਰਾਜਾ ਨੂ, ਅਤੇ ਦੋਸੀ ਬੁੱਧ ਦੀ##ਧਰਤੀ ਦੇ ਲੋਕ ਵੀ, ਤੁਹਾਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹਨ। ਅਤੇ ਉਹ ਸਾਡੇ ਗ੍ਰਹਿ ਲਈ ਵੀ ਪਿਆਰ ਅਤੇ ਅਸੀਸ ਲੈ ਕੇ ਆਇਆ, ਤਾਂ ਜੋ ਉਹ ਉਨ੍ਹਾਂ ਸਾਰਿਆਂ ਦੀ ਮਦਦ ਕਰ ਸਕੇ ਜਿਨ੍ਹਾਂ ਦਾ ਉਸ ਨਾਲ ਇਕ ਪਿਆਰ ਵਾਲਾ ਨਾਤਾ ਹੈ ਜਾਂ ਉਸ ਵਿੱਚ ਵਿਸ਼ਵਾਸ ਹੈ, ਅਧਿਆਤਮਿਕ ਮੁਕਤੀ ਦੇ ਯਤਨਾਂ ਵਿੱਚ ਹੋਰ ਉੱਨਤੀ ਹੋ ਸਕੇ, ਅਤੇ ਨਾਲ ਹੀ ਉਨ੍ਹਾਂ ਲੋਕਾਂ ਨੂੰ ਵੀ ਜੋ ਅਜੇ ਵੀ ਹੇਠਲੇ ਦਰਜੇ ਵਿੱਚ ਹਨ। ਅਸੀਂ ਉਸਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ ਅਤੇ ਉਸਨੂੰ ਜੀਵਾਂ ਨੂੰ - ਇੱਕ ਉੱਚ ਅਧਿਆਤਮਿਕ ਪਲੇਟਫਾਰਮ 'ਤੇ ਲੈ ਜਾਣ - ਅਤੇ ਹਮੇਸ਼ਾਂ ਲਈ ਮੁਕਤ ਹੋਣ ਵਿਚ - ਆਸਾਨ ਕੰਮ ਦੀ ਕਾਮਨਾ ਕਰਦੇ ਹਾਂ। ਆਮੇਨ।

ਮੈਂ ਤੁਹਾਨੂੰ ਸਾਰਿਆਂ ਨੂੰ, ਬੇਸ਼ੱਕ ਮੇਰੇ ਪੈਰੋਕਾਰਾਂ ਨੂੰ, ਅਤੇ ਅਨੁਯਾਈਆਂ ਨੂੰ ਅਤੇ ਗੈਰ-ਪੈਰੋਕਾਰਾਂ ਨੂੰ, ਗੈਰ-ਅਨੁਯਾਈਆਂ ਨੂੰ ਵੀ ਸ਼ੁਭਕਾਮਨਾਵਾਂ ਦਿੰਦੀ ਹਾਂ। ਮੈਂ ਤੁਹਾਡੇ ਸਾਹਮਣੇ ਉਹ ਸਭ ਕੁਝ ਪੇਸ਼ ਕਰਦੀ ਹਾਂ ਜੋ 100% ਤੋਂ ਵੱਧ ਸੱਚਾਈ ਹੈ। ਅਤੇ ਕਿਉਂਕਿ ਮੈਨੂੰ ਆਪਣੇ ਪੈਰੋਕਾਰਾਂ ਨੂੰ ਕੁਝ ਗੱਲਾਂ ਦੱਸਣ ਦੀ ਲੋੜ ਹੈ ਜੋ ਮੈਂ ਕਰਦੀ ਹਾਂ, ਜਿਨ੍ਹਾਂ ਨਾਲ ਮੈਂ ਗੱਲ ਕਰਦੀ ਹਾਂ, ਕਿਉਂਕਿ ਮੈਂ ਉਨ੍ਹਾਂ ਨੂੰ ਬਹੁਤ ਘੱਟ ਦੱਸਦੀ ਹਾਂ ਜੋ ਮੈਂ ਕਰਦੀ ਹਾਂ। ਮੈਂ ਉਨ੍ਹਾਂ ਨੂੰ ਕੁਝ ਦੱਸਿਆ, ਪਰ ਇਨ੍ਹਾਂ ਦਿਨਾਂ ਵਾਂਗ ਇੰਨਾ ਡੂੰਘਾ ਨਹੀਂ, ਇੰਨਾ ਵਿਸਥਾਰ ਵਿੱਚ ਨਹੀਂ। ਅਤੇ ਮੈਨੂੰ ਉਮੀਦ ਹੈ ਕਿ ਮੈਂ ਇੱਕ ਹੋਰ ਬਣਾ ਸਕਾਂਗੀਂ, ਅਗਲਾ ਰਾਜਾ। ਮੈਂ ਸੋਚਿਆ ਸੀ ਕਿ ਡੋਸੀ ਲੈਂਡ ਤੋਂ ਬਾਅਦ ਦੂਜਾ ਪੂਸੇ ਲੈਂਡ ਹੋਵੇਗਾ। "ਪੂਸੇ" - ਇਸਦਾ ਅਰਥ ਹੈ "ਆਜ਼ਾਦੀ।" ਮੈਨੂੰ ਉਮੀਦ ਹੈ ਕਿ ਮੇਰੇ ਕੋਲ ਇਸ ਰਿਪੋਰਟ ਨੂੰ ਜਾਰੀ ਰੱਖਣ ਲਈ ਕਾਫ਼ੀ ਸਮਾਂ ਹੋਵੇਗਾ - ਇੱਕ ਤੋਂ ਬਾਅਦ ਦੂਜੇ ਰਾਜੇ ਨਾਲ ਇੱਕ ਗੱਲਬਾਤ। ਹੁਣ ਲਈ ਅਲਵਿਦਾ। ਮੈ ਤੁਹਾਨੂੰ ਸਾਰਿਆ ਨੂੰ ਪਿਆਰ ਕਰਦੀ ਹਾਂ। ਮੇਰੇ ਸਾਰੇ ਪਿਆਰ ਨਾਲ ਜੋ ਮੈਂ ਪਾ ਸਕਦੀ ਹਾਂ।

Photo Caption: "ਦੁਬਾਰਾ ਵੱਡਾ ਹੋਣਾ ਚੰਗਾ ਹੈ ਅਤੇ ਵਧਦੇ ਰਹੋ"

ਫੋਟੋ ਡਾਊਨਲੋਡ ਕਰੋ