MAPA ਵੱਲੋਂ ਨਿਰਵਿਘਨ ਸ਼ਾਂਤੀ ਵਾਲੇ ਵਿਸ਼ਵ ਆਗਮਨ ਲਈ ਨਿਰਦੇਸ਼

ਅੱਜ 23 ਜੂਨ 2026 ਹੈ, ਤੜਕੇ ਸਵੇਰੇ। MAPA ਅਤਿਅੰਤ ਸ਼ਕਤੀਸ਼ਾਲੀ ਨੇ ਮੈਨੂੰ ਕਿਹਾ, "ਮੈਨੂੰ ਆਪਣੀ ਜਗ੍ਹਾ ਤੋਂ ਨਹੀਂ ਉੱਠਣਾ ਚਾਹੀਦਾ ਕਿਉਂਕਿ ਮਜ਼ਬੂਤ ਇੱਛਾ ਸ਼ਕਤੀ ਨੂੰ ਨਰਮੀ ਨਾਲ, ਅਤੇ ਪਿਆਰ ਨਾਲ ਵਰਤਿਆ ਜਾਣਾ ਚਾਹੀਦਾ ਹੈ, ਭਾਵ ਹੌਲੀ ਹੌਲੀ ਵੀ।" ਮੈਂ ਪੁੱਛਿਆ ਕਿ ਕਿਉਂ ਅਤੇ MAPA ਨੇ ਕਿਹਾ, "ਕਿਉਂਕਿ ਵਿਸ਼ਵ ਸ਼ਾਂਤੀ ਹੌਲੀ ਹੌਲੀ ਯੂਕਰੇਨ (ਯੂਰੇਨ) ਵੱਲ ਵਧ ਰਹੀ ਹੈ।" ਅਤੇ ਮੈਂ ਆਪਣੇ ਤੰਬੂ ਤੋਂ "ਬਾਹਰ ਨਹੀਂ ਹੋ ਸਕਦੀ," ਪੂਰੀ ਤਰ੍ਹਾਂ ਸਰਗਰਮ, ਆਮ ਹਰਕਤਾਂ ਵਾਂਗ, ਤੇਜ਼ ਹਰਕਤਾਂ, ਜਾਂ ਬਹੁਤ ਸਾਰੀਆਂ ਹਰਕਤਾਂ ਨਾਲ, ਕਿਉਂਕਿ ਇਹ ਸ਼ਾਂਤੀ ਦੀ ਹੌਲੀ ਹਰਕਤ ਨਾਲ ਸਮਕਾਲੀ ਨਹੀਂ ਹੋਵੇਗਾ।

ਮੈਂ ਤੁਹਾਡਾ ਧੰਨਵਾਦ ਕਰਦੀ ਹਾਂ, ਪਿਆਰੇ ਪਿਤਾ ਜੀ, ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਤੁਸੀਂ ਸਾਨੂੰ ਇੰਨਾ ਪਿਆਰ ਕਰਦੇ ਹੋ ਅਤੇ ਸਾਨੂੰ ਹਰ ਛੋਟੀ ਜਿਹੀ ਗੱਲ ਸਿਖਾਉਂਦੇ ਹੋ, ਜਿਸ ਬਾਰੇ ਭੌਤਿਕ ਸੰਸਾਰ ਵਿੱਚ ਭੌਤਿਕ ਸਰੀਰ ਹਮੇਸ਼ਾ ਨਹੀਂ ਜਾਣ ਸਕਦਾ ਕਿ ਇਸ ਬਾਰੇ ਕੀ ਕਰਨਾ ਹੈ। ਹੁਣ, ਮੇਰੇ ਕੋਲ ਅਜੇ ਵੀ ਧੀਮੀ ਊਰਜਾ ਅਤੇ ਧੀਮੀ ਹਰਕਤਾਂ ਹਨ। ਇਸ ਲਈ ਇਹ ਤੁਹਾਨੂੰ ਥੱਕੇ ਹੋਏ ਮਹਿਸੂਸ ਕਰਾਉਂਦਾ ਹੈ, ਪਰ ਤੁਸੀਂ ਥੱਕੇ ਨਹੀਂ ਹੋ। ਇਸ ਲਈ, ਅੱਜ ਮੇਰੀਆਂ ਹਰਕਤਾਂ ਕਾਫ਼ੀ ਹੌਲੀ ਹੋਣੀਆਂ ਚਾਹੀਦੀਆਂ ਹਨ, ਜਿਵੇਂ ਕੱਲ੍ਹ ਦੀਆਂ। ਕੱਲ੍ਹ, ਮੈਨੂੰ ਸਵੇਰੇ ਅਤੇ ਦੁਪਹਿਰ ਨੂੰ ਵੀ ਕਿਹਾ ਗਿਆ ਸੀ ਕਿ ਮੈਨੂੰ ਇਕ ਤੰਬੂ ਵਿੱਚ ਰਹਿਣਾ ਪਵੇਗਾ ਅਤੇ ਸ਼ਾਂਤ ਰਹਿਣਾ ਪਵੇਗਾ, ਸ਼ਾਂਤ ਰਹਿਣਾ ਪਵੇਗਾ, ਸ਼ਾਂਤੀਪੂਰਨ ਅੰਦੋਲਨ ਦੇ ਅਨੁਸਾਰ ਰਹਿਣਾ ਪਵੇਗਾ। ਅਸਲ ਵਿੱਚ, ਸ਼ਬਦ ਸਨ "ਵਿਸ਼ਵ ਸ਼ਾਂਤੀ ਲਹਿਰ"।

ਮੈਨੂੰ ਖੁਸ਼ੀ ਹੈ ਕਿ ਮੈਨੂੰ ਦੱਸਿਆ ਗਿਆ ਹੈ, ਪਰ ਗੱਲ ਇਹ ਹੈ ਕਿ ਕੱਲ੍ਹ ਕੁਝ ਜੋਸ਼ੀਲੇ ਭੂਤ, ਜਿਨ੍ਹਾਂ ਵਿੱਚੋਂ ਨੌਂ ਸਨ, ਮੇਰੇ ਇਲਾਕੇ ਦੇ ਨੇੜੇ ਉੱਡ ਗਏ ਅਤੇ ਮੇਰੀ ਸ਼ਾਂਤੀ ਨੂੰ ਬਹੁਤ ਭੰਗ ਕਰ ਦਿੱਤਾ। ਅਤੇ ਇਹ ਮੁਸ਼ਕਲ ਸੀ ਕਿਉਂਕਿ ਉਹ ਜਾਣਦੇ ਹਨ ਕਿ ਮੈਨੂੰ ਸ਼ਾਂਤ, ਅਡੋਲ ਰਹਿਣਾ ਪਵੇਗਾ ਅਤੇ ਇਕ ਲੜਨ ਦੇ ਮੂਡ ਵਿੱਚ ਨਹੀਂ, ਜਾਂ ਜਾਂ ਲੜਨਾ ਨਹੀਂ, ਆਲੇ ਦੁਆਲੇ ਦੇ ਸੰਸਾਰਕ ਕਰਮਾਂ ਅਤੇ ਉਨ੍ਹਾਂ ਦੇ ਵਿਰੁੱਧ ਵੀ ਲੜਨ ਦੇ ਵਿਰੋਧ ਵਿੱਚ ਨਹੀਂ ਰਹਿਣਾ ਪਵੇਗਾ। ਬਾਅਦ ਵਿੱਚ, ਉਹਨਾਂ ਨੂੰ ਫੜ ਲਿਆ ਗਿਆ ਅਤੇ ਹਮੇਸ਼ਾ ਲਈ ਨਰਕ ਵਿੱਚ ਬੰਦ ਕਰ ਦਿੱਤਾ ਗਿਆ, ਤਾਂ ਜੋ ਉਹ ਹੋਰ ਕਦੇ ਵੀ ਮੁਸੀਬਤ ਨਾ ਖੜ੍ਹੀ ਕਰ ਸਕਣ! ਇਹ ਸੱਚਮੁੱਚ ਥਕਾ-ਦੇਣ ਵਾਲਾ ਸੀ। ਪਰ ਫਿਰ ਵੀ, ਸਾਨੂੰ ਇਹ ਪ੍ਰਮਾਤਮਾ ਦੀ ਇੱਛਾ ਲਈ, ਵਿਸ਼ਵ ਸ਼ਾਂਤੀ ਲਈ ਕਰਨਾ ਪਵੇਗਾ।

ਮੈਨੂੰ ਉਮੀਦ ਹੈ ਕਿ ਇਹ ਜਲਦੀ ਹੀ, ਜਲਦੀ ਹੀ, ਜਲਦੀ ਹੀ ਖਤਮ ਹੋ ਜਾਵੇਗਾ - ਨਾ ਸਿਰਫ਼ ਇਹ ਕਿ ਸ਼ਾਂਤੀ ਸਾਡੀ ਦੁਨੀਆ ਵਿੱਚ ਇਕ ਦੂਜੀ ਵਾਰ ਆਵੇਗੀ, ਪ੍ਰਭਾਵਿਤ ਖੇਤਰ ਵੱਲ ਹੌਲੀ ਹੌਲੀ ਵਧਦੀ ਜਾਵੇਗੀ, ਸਗੋਂ ਕਿ ਇਹ ਵਿਸ਼ਵ ਸ਼ਾਂਤੀ ਸੌਦਾ ਹੁਣ ਨਾਲੋਂ ਕਿਤੇ ਤੇਜ਼ੀ ਨਾਲ ਪੂਰਾ ਹੋਵੇਗਾ। ਫਿਰ ਵੀ, ਹੌਲੀ ਫਿਰ ਵੀ ਕੁਝ ਨਾ ਹੋਣ ਨਾਲੋਂ ਬਿਹਤਰ ਹੈ। ਮੈਂ ਪ੍ਰਮਾਤਮਾ, ਸਾਡੇ MAPA, ਸਾਡੇ ਅਤਿਅੰਤ ਸ਼ਕਤੀਸ਼ਾਲੀ, ਬਹੁਤ ਹੀ ਜਿਆਦਾ ਪਿਆਰੇ ਮਾਤਾ-ਪਿਤਾ ਦੀ ਧੰਨਵਾਦੀ ਹਾਂ ਕਿ ਉਨ੍ਹਾਂ ਨੇ ਸਾਨੂੰ ਬਚਾਇਆ, ਇਸ ਦੁਨੀਆਂ ਨੂੰ ਇਸ ਵਿੱਚ ਮੌਜੂਦ ਸਾਰੇ ਸੁੰਦਰ ਜੀਵਾਂ ਨਾਲ ਬਚਾਇਆ। ਮੇਰੇ ਕੋਲ ਹੋਰ ਸਾਰ/ਛੋਟੀਆਂ ਰਿਪੋਰਟਾਂ ਹਨ, ਪਰ ਅਸਲ ਵਿੱਚ ਪ੍ਰਮਾਤਮਾ ਬੋਲਿਆ ਹੈ, ਇਸ ਲਈ, ਮੈਂ ਤੁਹਾਨੂੰ ਹੁਣ ਪਹਿਲਾਂ ਇਹ ਦੱਸਾਂਗੀ।

ਸਵੇਰੇ, MAPA ਨੇ ਮੈਨੂੰ ਦੱਸਿਆ - ਕਿਉਂਕਿ ਹਰ ਰੋਜ਼ ਮੈਨੂੰ MAPA ਤੋਂ ਪੁੱਛਣਾ ਪੈਂਦਾ ਹੈ ਕਿ ਕੀ ਕੁਝ ਖਾਸ ਹੈ ਜੋ ਉਹ ਚਾਹੁੰਦੇ ਹਨ ਕਿ ਮੈਂ ਉਸ ਦਿਨ ਕਰਾਂ, ਜਿਵੇਂ ਕਿ ਅੱਜ, ਕੋਈ ਅਪਵਾਦ ਨਹੀਂ ਅਤੇ ਕਿਉਂਕਿ ਮੈਂ ਕਿਹਾ ਸੀ ਕਿ ਮੈਨੂੰ ਹੁਣ ਬਾਹਰ ਜਾਣਾ ਚਾਹੀਦਾ ਹੈ ਅਤੇ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਲਈ ਕੰਮ ਕਰਨਾ ਚਾਹੀਦਾ ਹੈ - ਤਾਂ MAPA ਨੇ ਮੈਨੂੰ ਕਿਹਾ, "ਨਹੀਂ, ਰੁਕੋ। ਇੱਥੇ ਹੀ ਰਹੋ।" ਤਾਂ ਮੈਂ ਪੁੱਛਿਆ ਕਿ ਕਿਉਂ ਅਤੇ MAPA ਨੇ ਕਿਹਾ, "ਕਿਉਂਕਿ ਵਿਸ਼ਵ ਸ਼ਾਂਤੀ ਹੌਲੀ-ਹੌਲੀ ਅੱਗੇ ਵਧ ਰਹੀ ਹੈ, ਇਸ ਲਈ ਤੁਹਾਡੀ ਹਰਕਤ ਵੀ ਇਸਦੇ ਨਾਲ ਮੇਲ ਖਾਂਦੀ ਕੋਮਲ ਹੋਣੀ ਚਾਹੀਦੀ ਹੈ।" ਤਾਂ ਇਹ ਪ੍ਰਮਾਤਮਾ ਦੇ ਸ਼ਬਦ ਹਨ। ਅਤੇ ਮੈਂ ਫਿਰ ਪੁੱਛਿਆ, "ਪਰ ਮੇਰੀ ਲਹਿਰ ਨੂੰ ਵਿਸ਼ਵ ਸ਼ਾਂਤੀ ਲਹਿਰ ਨਾਲ ਕਿਉਂ ਜੋੜਿਆ ਗਿਆ ਹੈ?" ਇਸ ਲਈ ਪ੍ਰਮਾਤਮਾ ਨੇ ਕਿਹਾ, "ਸ਼ਾਂਤੀ ਲਈ ਤੁਹਾਡੀ ਇੱਛਾ ਸ਼ਕਤੀ ਨੂੰ ਵਿਸ਼ਵ ਸ਼ਾਂਤੀ ਲਹਿਰ ਨਾਲ ਜੋੜਿਆ ਜਾਣਾ ਚਾਹੀਦਾ ਹੈ। ਨਹੀਂ ਤਾਂ, ਇਹ ਪਰੇਸ਼ਾਨ ਹੋਵੇਗਾ ਜਾਂ ਦੇਰੀ ਦਾ ਕਾਰਨ ਬਣੇਗਾ," ਅਤੇ ਹੋਰ ਚੀਜ਼ਾਂ।

ਇਸ ਲਈ, ਹੁਣ ਮੈਂ ਆਪਣੇ ਪਿਛਲੇ ਕੰਮਾਂ ਬਾਰੇ ਸੋਚ ਰਹੀ ਸੀ। ਕਈ ਵਾਰ ਉਹ ਬਹੁਤ ਜ਼ਿਆਦਾ ਰੁਝੇਵੇਂ ਵਾਲੇ ਹੁੰਦੇ ਹਨ, ਅਤੇ ਇਹ ਸ਼ਾਂਤੀਪੂਰਨ ਵਾਂਗ ਨਹੀਂ ਹੋਵੇਗਾ। ਪਰ ਮੈਂ ਕੀ ਕਰਾਂ? ਮੇਰੇ ਆਲੇ-ਦੁਆਲੇ ਬਹੁਤ ਸਾਰੀਆਂ ਗੜਬੜੀਆਂ ਹਨ, ਪ੍ਰਤੱਖ ਜਾਂ ਅਦਿੱਖ ਰੂਪ ਵਿੱਚ, ਅਤੇ ਨਕਾਰਾਤਮਕ ਸ਼ਕਤੀ ਮੈਨੂੰ ਪਰੇਸ਼ਾਨ ਨਹੀਂ ਕਰ ਸਕਦੀ, ਇਸ ਲਈ ਉਹ ਮੈਨੂੰ ਪਰੇਸ਼ਾਨ ਕਰਨ ਲਈ ਮੇਰੇ ਲੋਕਾਂ ਦੀ ਵਰਤੋਂ ਕਰਦੇ ਹਨ। ਉਹ ਉਨ੍ਹਾਂ ਨੂੰ ਪਰੇਸ਼ਾਨ ਕਰਦੇ ਹਨ ਅਤੇ ਉਹ ਮੈਨੂੰ ਵੀ ਪਰੇਸ਼ਾਨ ਕਰਦੇ ਹਨ ਕਿਉਂਕਿ ਉਨ੍ਹਾਂ ਦਾ ਮੇਰੇ ਨਾਲ ਸਿੱਧਾ ਸਬੰਧ ਹੈ। ਇਹ ਕਈ ਵਾਰ ਸਾਡੀ ਟੀਮ ਦੇ ਬਹੁਤ ਸਾਰੇ ਮੈਂਬਰਾਂ ਦੁਆਰਾ ਹੈ, ਅਤੇ, ਬੇਸ਼ੱਕ, ਮੈਨੂੰ ਇਸਦਾ ਧਿਆਨ ਰੱਖਣਾ ਪੈਂਦਾ ਹੈ। ਕੁਝ ਹਰਕਤਾਂ ਇੰਨੀਆਂ ਕੋਮਲ ਨਹੀਂ ਹੋ ਸਕਦੀਆਂ। ਮੈਂ ਕਿਸੇ ਨਾਲ ਲੜਨ ਲਈ ਬਾਹਰ ਨਹੀਂ ਜਾ ਰਹੀ, ਪਰ ਮੇਰਾ ਮਤਲਬ ਹੈ ਕਿ ਅੰਦਰੂਨੀ ਸ਼ਕਤੀ ਜੋ ਨਕਾਰਾਤਮਕ ਸ਼ਕਤੀ ਨਾਲ ਲੜਦੀ ਹੈ, ਉਹ ਪੂਰੀ ਤਰ੍ਹਾਂ ਸ਼ਾਂਤਮਈ, ਕੋਮਲ ਅਤੇ ਪਿਆਰ-ਕਰਨ ਵਾਲੀ ਨਹੀਂ ਹੋ ਸਕਦੀ।

ਮੇਰੀ ਜ਼ਿੰਦਗੀ ਕਾਫ਼ੀ ਗੁੰਝਲਦਾਰ ਹੈ। ਹਰ ਵੇਲੇ ਸਮਝਾਉਣਾ ਔਖਾ ਹੁੰਦਾ ਹੈ। ਇਸ ਲਈ ਮੈਂ ਆਮ ਤੌਰ 'ਤੇ ਬਹੁਤ ਜ਼ਿਆਦਾ ਵਿਆਖਿਆ ਨਹੀਂ ਕਰਦੀ। ਅਤੇ ਮੈਂ ਕਦੇ ਵੀ ਪ੍ਰਮਾਤਮਾ ਨਾਲ ਜਾਂ ਬ੍ਰਹਮ ਟੀਮਾਂ ਨਾਲ, ਜਾਂ ਸਵਰਗੀ ਪ੍ਰਬੰਧਾਂ, ਆਦਿ ਨਾਲ ਆਪਣੀਆਂ ਗੱਲਬਾਤਾਂ ਨੂੰ ਰਿਕਾਰਡ ਨਹੀਂ ਕੀਤਾ। ਇਹ ਕਾਫ਼ੀ ਮਿਹਨਤ ਵਾਲਾ ਕੰਮ ਹੈ, ਅੰਦਰੋਂ ਵੀ ਅਤੇ ਬਾਹਰੋਂ ਵੀ। ਬੇਸ਼ੱਕ, ਜੇਕਰ ਮੇਰੇ ਕੋਲ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਸ਼ੋਅ ਨਹੀਂ ਹਨ ਜਿਨ੍ਹਾਂ ਨੂੰ ਦੇਖਣ ਜਾਂ ਸੰਪਾਦਤ ਕਰਨ ਜਾਂ ਟਿੱਪਣੀਆਂ ਜੋੜਨ ਲਈ, ਜਿਵੇਂ ਕਿ ਹੋਰ ਕੁਝ ਜਾਂ ਹੋਰ ਸ਼ਬਦ ਨਾਲ ਜੋੜਨ ਲਈ, ਤਾਂ ਮੇਰੇ ਕੋਲ ਸ਼ਾਇਦ ਹੋਰ ਸਮਾਂ ਅਤੇ ਅੰਦਰ ਅਤੇ ਬਾਹਰ ਇੱਕ ਸ਼ਾਂਤੀਪੂਰਨ ਕਿਸਮ ਦੀ ਜ਼ਿੰਦਗੀ ਹੋਵੇਗੀ। ਪਰ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਲਈ ਇਹ ਚੀਜ਼ਾਂ, ਮੇਰੇ ਹੋਰ ਕੰਮ, ਸ਼ਾਂਤੀ ਦੇ ਕੰਮ ਜਾਂ ਦੁਨੀਆ ਲਈ ਕਿਸੇ ਹੋਰ ਕੰਮ ਨਾਲ ਵੀ ਜੁੜੀਆਂ ਹੋਈਆਂ ਹਨ। ਇਸ ਲਈ, ਇਸ ਸਮੇਂ, ਮੈਂ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਦੇ ਕੰਮ ਨੂੰ ਆਪਣੇ ਰੋਜ਼ਾਨਾ ਦੇ ਕੰਮ ਵਿੱਚੋਂ ਨਹੀਂ ਕੱਢ ਸਕਦੀ। ਪਰ ਪ੍ਰਮਾਤਮਾ ਦਾ ਸ਼ੁਕਰ ਹੈ ਕਿ ਉਹ ਅਜੇ ਵੀ ਮੇਰੀ ਰੱਖਿਆ ਕਰਦਾ ਹੈ, ਮੈਨੂੰ ਪਿਆਰ ਕਰਦਾ ਹੈ, ਅਤੇ ਮੈਨੂੰ ਆਪਣਾ ਕੰਮ ਹੋਰ ਸਹੀ ਢੰਗ ਨਾਲ ਕਰਨ ਵਿੱਚ ਮਦਦ ਕਰਦਾ ਹੈ।

ਇਹ ਨਾ ਸੋਚੋ ਕਿ ਜੇ ਤੁਸੀਂ ਇਕ ਬੁੱਧ (ਪੂਰੀ ਤਰਾਂ ਗਿਆਨਵਾਨ ਵਿਅਕਤੀ) ਹੋ, ਤਾਂ ਤੁਸੀਂ ਇਸ ਦੁਨੀਆਂ ਵਿੱਚ ਰਹੋਗੇ ਅਤੇ ਸਭ ਕੁਝ ਉਸੇ ਤਰ੍ਹਾਂ ਸੰਪੂਰਨ ਹੋਵੇਗਾ ਜਿਵੇਂ ਤੁਸੀਂ ਚਾਹੁੰਦੇ ਹੋ ਕਿ ਇਹ ਹੋਵੇ। ਇਹ ਇਸ ਤਰ੍ਹਾਂ ਨਹੀਂ ਹੈ। ਤੁਹਾਨੂੰ ਨਕਾਰਾਤਮਕ ਸ਼ਕਤੀ ਨਾਲ ਨਜਿੱਠਣਾ ਪਵੇਗਾ, ਜੋ ਕਿ ਇੰਨੀ ਸ਼ਕਤੀਸ਼ਾਲੀ ਹੈ ਕਿ ਤੁਹਾਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ, ਕਿਉਂਕਿ ਇਹ ਪੂਰੀ ਮਨੁੱਖਤਾ ਅਤੇ ਸਾਰੇ ਜੀਵਾਂ ਦੁਆਰਾ ਬਣਾਈ ਗਈ ਹੈ। ਅਤੇ ਇਸਦੇ ਕਈ ਪਹਿਲੂ ਹਨ। ਤੁਸੀਂ ਇਸ ਕਰਮ ਨਾਲ ਇੱਕ ਜਾਂ ਦੂਜੇ ਤਰੀਕੇ ਨਾਲ ਨਹੀਂ ਨਜਿੱਠ ਸਕਦੇ। ਇਸ ਵਿੱਚ ਬਹੁਤ ਸਾਰੀਆਂ ਵੱਖ-ਵੱਖ ਸ਼ਖ਼ਸੀਅਤਾਂ ਹਨ, ਜੇ ਤੁਸੀਂ ਕਹਿ ਸਕਦੇ ਹੋ ਕਿ ਕਰਮ ਦੀ ਇੱਕ ਸ਼ਖ਼ਸੀਅਤ ਹੁੰਦੀ ਹੈ - ਭਾਵ ਇਸਦੇ ਵੱਖੋ-ਵੱਖਰੇ ਗੁਣ ਹਨ, ਵੱਖੋ-ਵੱਖਰੇ ਸਬੰਧ ਹਨ, ਦੂਜਿਆਂ ਨਾਲ ਸਬੰਧਤ ਵੱਖੋ-ਵੱਖਰੇ ਕਰਮ ਹਨ, ਦੂਜਿਆਂ ਨਾਲ, ਹੋਰਨਾਂ ਦੂਜਿਆਂ ਨਾਲ, ਸਿਰਫ਼ ਇੱਕ ਵਿਅਕਤੀ ਨਾਲ ਨਹੀਂ। ਇਸ ਲਈ, ਇਸ ਨਾਲ ਨਜਿੱਠਣਾ ਕਾਫ਼ੀ ਗੁੰਝਲਦਾਰ ਹੈ।

ਅੰਦਰਲੀ ਦੁਨੀਆਂ ਇੱਕ ਵੱਖਰਾ ਕੰਮ ਹੈ, ਬਾਹਰੀ ਦੁਨੀਆਂ ਇੱਕ ਵੱਖਰਾ ਕੰਮ ਹੈ, ਪਰ ਉਹ ਇੱਕ ਦੂਜੇ ਨਾਲ ਜੁੜੇ ਹੋਏ ਹਨ। ਤੁਸੀਂ ਦੇਖੋ, ਇਸ ਅਖੌਤੀ ਹੋਂਦ ਦਾ ਅੰਦਰੂਨੀ ਹਿੱਸਾ, ਜਿਸਨੂੰ ਤੁਸੀਂ "ਮੈਂ" ਕਹਿ ਸਕਦੇ ਹੋ, ਬ੍ਰਹਮਤਾ ਸ਼ਕਤੀ, MAPA, ਪ੍ਰਮਾਤਮਾ ਅਤਿਅੰਤ ਸ਼ਕਤੀਸ਼ਾਲੀ, ਤ੍ਰਿਏਕ ਅਤਿਅੰਤ ਸ਼ਕਤੀਸ਼ਾਲੀ, ਬੁੱਧੀਮਾਨ ਅਤੇ ਪਰਉਪਕਾਰੀ ਨਾਲ ਕੰਮ ਕਰ ਰਿਹਾ ਹੈ। ਬਾਹਰੀ ਦੁਨੀਆਂ ਵਿੱਚ, ਮੈਨੂੰ ਇਸ ਸਰੀਰ ਦੀ ਵਰਤੋਂ ਕਰਨੀ ਪੈਂਦੀ ਹੈ, ਜਿਵੇਂ ਇਕ ਮਨੁੱਖ ਵਾਂਗ ਕੰਮ ਕਰਦਾ ਹੈ, ਪਰ ਅੰਦਰੋਂ ਬਹੁਤ ਸ਼ਕਤੀ ਨਾਲ। ਫਿਰ ਵੀ, ਭੌਤਿਕ ਅਤੇ ਬ੍ਰਹਮਤਾ ਦਾ ਹਮੇਸ਼ਾ ਤਾਲਮੇਲ ਬਣਾਉਣਾ ਆਸਾਨ ਨਹੀਂ ਹੁੰਦਾ। ਇੱਕ ਸੰਤੁਲਨ ਹੋਣਾ ਚਾਹੀਦਾ ਹੈ। ਉਦਾਹਰਣ ਵਜੋਂ, ਅੰਦਰੂਨੀ-ਸੰਸਾਰ ਗੁਰੂ ਨੂੰ ਕਿਸੇ ਚੀਜ਼ ਦੀ ਲੋੜ ਨਹੀਂ ਹੈ, ਖਾਣ ਦੀ ਲੋੜ ਨਹੀਂ ਹੈ, ਬੋਲਣ ਦੀ ਲੋੜ ਨਹੀਂ ਹੈ, ਬਿਲਕੁਲ ਵੀ ਕਿਸੇ ਚੀਜ਼ ਦੀ ਲੋੜ ਨਹੀਂ ਹੈ। ਪਰ ਬਾਹਰੀ ਗੁਰੂ ਨੂੰ ਖਾਣਾ, ਪੀਣਾ ਪੈਂਦਾ ਹੈ, ਭਾਵੇਂ ਗੁਰੂ ਇਹ ਨਹੀਂ ਚਾਹੁੰਦਾ, ਕਿਉਂਕਿ ਇਹ ਹਿੱਸਾ ਇਸ ਸੰਸਾਰ ਵਿੱਚ ਭੌਤਿਕ ਜੀਵਾਂ ਨਾਲ ਜੁੜਨ ਦੇ ਕੰਮ ਦਾ ਇੱਕ ਹਿੱਸਾ ਹੈ।

ਕਿਉਂਕਿ ਭੋਜਨ ਇਸ ਗ੍ਰਹਿ 'ਤੇ ਆਮ ਮਨੁੱਖਾਂ ਦੁਆਰਾ ਪੈਦਾ ਕੀਤਾ ਜਾਂਦਾ ਹੈ, ਅਤੇ ਕਈ ਵਾਰ ਇਸ ਵਿੱਚ ਮਦਦ, ਪਰੀਆਂ ਅਤੇ ਜਾਨਵਰ-ਲੋਕਾਂ ਦੀ ਦੇਖਭਾਲ ਅਤੇ ਬਹੁਤ ਸਾਰੀਆਂ ਚੀਜ਼ਾਂ ਸ਼ਾਮਲ ਹੁੰਦੀਆਂ ਹਨ। ਤੁਹਾਡੇ ਦੁਆਰਾ ਖਾਧੇ ਜਾਣ ਵਾਲੇ ਭੋਜਨ ਨੂੰ ਪੈਦਾ ਕਰਨ ਦੀ ਕੋਸ਼ਿਸ਼ ਵਿੱਚ ਬਹੁਤ ਸਾਰੀਆਂ ਚੀਜ਼ਾਂ ਇਕੱਠੀਆਂ ਹੁੰਦੀਆਂ ਹਨ। ਇਸ ਤਰ੍ਹਾਂ, ਤੁਸੀਂ ਇਨ੍ਹਾਂ ਸਾਰੇ ਲੋਕਾਂ ਨਾਲ ਜੁੜੇ ਹੋ ਜੋ ਇਸਦੇ ਲਈ ਕੰਮ ਕਰਦੇ ਹਨ, ਅਤੇ ਇੱਥੋਂ ਤੱਕ ਕਿ ਜਾਨਵਰ-ਲੋਕਾਂ ਨਾਲ ਵੀ, ਅਤੇ ਬਹੁਤ ਸਾਰੀਆਂ ਪਰੀਆਂ ਅਤੇ ਦੇਵਤਿਆਂ ਨਾਲ ਜੋ ਜ਼ਮੀਨ ਦੀ ਦੇਖਭਾਲ ਕਰਨ ਵਿੱਚ ਮਦਦ ਕਰਦੇ ਹਨ, ਜੋ ਫ਼ਸਲ ਦੀ ਰੱਖਿਆ ਕਰਨ ਵਿੱਚ ਮਦਦ ਕਰਦੇ ਹਨ, ਆਦਿ। ਅਤੇ ਨਾਲ ਹੀ, ਮੌਸਮ ਦੇ ਦੇਵਤੇ ਨੂੰ ਮੌਸਮ ਨੂੰ ਜਿੰਨਾ ਸੰਭਵ ਹੋ ਸਕੇ ਅਨੁਕੂਲ ਬਣਾਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਪਰ ਕਈ ਵਾਰ, ਬੇਸ਼ੱਕ, ਉਹ ਨਹੀਂ ਕਰ ਸਕਦੇ, ਕਿਉਂਕਿ ਮਾੜੇ ਕਰਮ ਉਨ੍ਹਾਂ ਨੂੰ ਹਾਵੀ ਕਰ ਦੇਣਗੇ ਅਤੇ ਉਨ੍ਹਾਂ ਦੇ ਕੰਮ ਵਿੱਚ ਵਿਘਨ ਪਾ ਦੇਣਗੇ। ਅਤੇ ਨਕਾਰਾਤਮਕ ਨੂੰ ਅਸਥਾਈ ਤੌਰ 'ਤੇ ਆਪਣਾ ਕੰਮ ਸੰਭਾਲਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ, ਉਸ ਸਮੇਂ, ਉਸ ਖੇਤਰ ਵਿੱਚ ਜਿੱਥੇ ਕਰਮ ਭਾਰੀ ਹਨ, ਅਤੇ ਵਾਤਾਵਰਣ ਨੂੰ ਤਬਾਹ ਕਰਨ, ਚੰਗੇ ਮੌਸਮ ਨੂੰ ਤਬਾਹ ਕਰਨ, ਅਤੇ ਜ਼ਮੀਨ ਨੂੰ ਤਬਾਹ ਕਰਨ, ਫ਼ਸਲ ਨੂੰ ਤਬਾਹ ਕਰਨ ਲਈ, ਉਦਾਹਰਣ ਵਜੋਂ। ਇਸ ਲਈ, ਨਜਿੱਠਣ ਲਈ ਬਹੁਤ ਸਾਰੇ ਵੇਰਵੇ ਹਨ।

ਇਹ ਇੰਨਾ ਸੌਖਾ ਨਹੀਂ ਹੈ, ਜਿਵੇਂ, "ਠੀਕ ਹੈ, ਗੁਰੂ ਬੁੱਧ ਹੈ। ਉਹ ਕੁਝ ਵੀ ਕਰ ਸਕਦਾ ਹੈ।" ਇਹ ਇਸ ਤਰ੍ਹਾਂ ਨਹੀਂ ਹੈ। ਯਾਦ ਰੱਖੋ, ਸ਼ਾਕਿਆਮੁਨੀ ਬੁੱਧ, ਜਦੋਂ ਉਨ੍ਹਾਂ ਦੇ ਵੰਸ਼ ਨੂੰ ਯੁੱਧ ਵਿੱਚ ਬੇਰਹਿਮੀ ਨਾਲ ਨੁਕਸਾਨ ਪਹੁੰਚਾਇਆ ਜਾ ਰਿਹਾ ਸੀ, ਤਾਂ ਉਹ ਵੀ ਦਖਲ ਨਹੀਂ ਦੇ ਸਕਦੇ ਸਨ। ਇਹ ਉਹਨਾਂ ਦੇ ਵਿਅਕਤੀਗਤ ਕਰਮ ਦੇ ਕਾਰਨ ਹੈ। ਉਹ ਸ਼ਾਇਦ ਬੁੱਧ ਦਾ ਸਤਿਕਾਰ ਅਤੇ ਪੂਜਾ ਕਰਦੇ ਸਨ, ਪਰ ਉਹ ਉਨ੍ਹਾਂ ਦੀਆਂ ਸਿੱਖਿਆਵਾਂ ਅਨੁਸਾਰ ਨਹੀਂ ਜੀਉਂਦੇ ਸਨ। ਇਸ ਤਰ੍ਹਾਂ, ਉਹਨਾਂ ਨੂੰ ਆਪਣੇ ਕਰਮਾਂ ਦਾ ਕਰਮ ਵੱਢਣਾ ਪਵੇਗਾ, ਜਾਂ ਇਹ ਉਹਨਾਂ ਦੇ ਪਿਛਲੇ ਜੀਵਨ ਦਾ ਕਰਮ ਵੀ ਹੋ ਸਕਦਾ ਹੈ, ਇਕੱਠੇ, ਇਹਨਾਂ ਦੋ ਦੁਸ਼ਮਣ ਟੀਮਾਂ ਦਾ। ਬੁੱਧ ਨੇ ਹਮਲਾਵਰ ਧਿਰ ਨੂੰ ਸ਼ਾਂਤੀ ਦੀ ਯਾਦ ਦਿਵਾਉਣ ਲਈ ਸੜਕ ਦੇ ਕਿਨਾਰੇ ਬੈਠ ਕੇ ਮਦਦ ਕੀਤੀ। ਅਤੇ ਇਸਨੇ ਦੋ ਵਾਰ ਮਦਦ ਕੀਤੀ, ਪਰ ਤੀਜੀ ਵਾਰ ਇਸਨੇ ਹੋਰ ਮਦਦ ਨਹੀਂ ਕੀਤੀ। ਕਰਮ ਬਹੁਤ ਜ਼ਿਆਦਾ ਮਜ਼ਬੂਤ ਸੀ। ਇਸਨੇ ਉਸ ਹਮਲਾਵਰ ਰਾਜੇ ਦੇ ਫੈਸਲੇ ਨੂੰ ਪ੍ਰਭਾਵਿਤ ਕੀਤਾ। ਫਿਰ ਯੁੱਧ ਬੇਰਹਿਮੀ ਨਾਲ ਸ਼ੁਰੂ ਹੋਇਆ ਅਤੇ ਉਸਦੇ ਕਬੀਲੇ ਨੂੰ ਇੰਨੇ ਬੇਰਹਿਮ ਤਰੀਕੇ ਨਾਲ ਤਬਾਹ ਕਰ ਦਿੱਤਾ, ਜਿੰਨਾ ਬੇਰਹਿਮ ਤੁਸੀਂ ਕਲਪਨਾ ਕਰ ਸਕਦੇ ਹੋ। ਇਹ ਬਹੁਤ ਭਿਆਨਕ ਹੈ। ਇਸ ਬਾਰੇ ਸੋਚਣ 'ਤੇ, ਇਹ ਤੁਹਾਨੂੰ... ਹਾਏ ਪ੍ਰਮਾਤਮਾ, ਮੈਨੂੰ ਨਹੀਂ ਪਤਾ ਕਿ ਮੈਂ ਆਪਣੀ ਭਾਵਨਾ ਨੂੰ ਕਿਵੇਂ ਬਿਆਨ ਕਰਾਂ। ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਜਾਣਦੇ ਹੋ।

ਮੈਂ ਸਾਡੇ MAPA, ਅਤਿਅੰਤ ਸ਼ਕਤੀਸ਼ਾਲੀ, ਸਭ ਤੋਂ ਸ਼ਕਤੀਸ਼ਾਲੀ ਤੋਂ ਸ਼ਕਤੀਸ਼ਾਲੀ ਨੂੰ ਪੁੱਛਿਆ ਸੀ, ਵਿਸ਼ਵ ਸ਼ਾਂਤੀ ਊਰਜਾ ਕਿੱਥੇ ਜਾ ਰਹੀ ਹੈ? ਤਾਂ ਉਨਾਂ ਨੇ ਕਿਹਾ, "ਯੂਕਰੇਨ (ਯੂਰੇਨ)।" ਸਾਨੂੰ ਹੁਣ ਲਈ ਬਹੁਤ ਉਮੀਦਾਂ ਹਨ। ਅਤੇ ਮੈਂ ਪ੍ਰਮਾਤਮਾ ਨੂੰ ਪੁੱਛਿਆ, ਸਾਡਾ MAPA, “ਵਿਸ਼ਵ ਸ਼ਾਂਤੀ ਊਰਜਾ ਇੰਨੀ ਹੌਲੀ ਕਿਉਂ ਚਲਦੀ ਹੈ?” ਇਹ ਹੈ ਜੋ ਉਨਾਂ ਨੇ ਇਥੇ ਕਿਹਾ ਸੀ: "ਕਿਉਂਕਿ ਵਿਸ਼ਵ ਸ਼ਾਂਤੀ ਦੀ ਊਰਜਾ…" ਉਨਾਂ ਦੇ ਸ਼ਬਦਾਂ ਵਿੱਚ - ਮੇਰਾ ਅੰਦਾਜ਼ਾ ਹੈ ਕਿ ਇਸਦਾ ਅਰਥ ਵਿਸ਼ਵ ਸ਼ਾਂਤੀ ਹੈ - "...ਇਸ ਸੰਸਾਰ ਦੇ ਕਰਮ ਬਹੁਤ ਭਾਰੀ ਹੋਣ ਕਰਕੇ ਇਹ ਬਹੁਤ ਹੌਲੀ ਚਲਦੀ ਹੈ।" ਪਰ ਤੁਸੀਂ ਜਾਣਦੇ ਹੋ, ਤੁਹਾਨੂੰ ਅਤੇ ਮੈਨੂੰ, ਸਾਨੂੰ ਸੋਚਣ ਵਿੱਚ, ਉਮੀਦ ਕਰਨ ਵਿੱਚ, ਪ੍ਰਾਰਥਨਾ ਕਰਨ ਵਿੱਚ, ਧੰਨਵਾਦ ਕਰਨ ਵਿੱਚ ਸਕਾਰਾਤਮਕ ਹੋਣਾ ਪਵੇਗਾ ਕਿ ਵਿਸ਼ਵ ਸ਼ਾਂਤੀ ਆਵੇਗੀ, ਕਿਉਂਕਿ ਸਾਡਾ ਪਿਤਾ ਮਾਫ਼ ਕਰ ਸਕਦਾ ਹੈ, ਉਨਾਂ ਦੇ ਪਿਆਰ ਨਾਲ ਕਈ ਤਰੀਕਿਆਂ ਨਾਲ ਸਾਡੀ ਮਦਦ ਕਰ ਸਕਦਾ ਹੈ, ਜੇਕਰ ਅਸੀਂ ਬਹੁਤ ਹੀ ਇਮਾਨਦਾਰੀ ਅਤੇ ਨਿਮਰਤਾ ਨਾਲ ਉਨਾਂ ਦਾ ਧੰਨਵਾਦ ਕਰਦੇ ਹਾਂ ਅਤੇ ਉਨਾਂ ਨੂੰ ਸਾਨੂੰ ਮਾਫ਼ ਕਰਨ ਅਤੇ ਇਸ ਸੰਸਾਰ ਨੂੰ ਇੱਕ ਸ਼ਾਂਤੀਪੂਰਨ ਸੰਸਾਰ ਬਣਾਉਣ ਲਈ ਬੇਨਤੀ ਕਰਦੇ ਹਾਂ।

ਪਰ ਸਾਡੇ ਰੋਜ਼ਾਨਾ ਖ਼ਬਰਾਂ ਦੇ ਸੰਗ੍ਰਹਿ ਰਾਹੀਂ, ਅਸੀਂ ਦੇਖ ਸਕਦੇ ਹਾਂ ਕਿ ਲੋਕ ਵੀਗਨ ਜੀਵਨ ਸ਼ੈਲੀ ਪ੍ਰਤੀ ਸੱਚਮੁੱਚ ਵੱਧ ਤੋਂ ਵੱਧ ਜਾਗਰੂਕ ਹੋ ਗਏ ਹਨ, ਜੋ ਵਿਸ਼ਵ ਸ਼ਾਂਤੀ ਦੇ ਨਾਲ-ਨਾਲ ਵਿਸ਼ਵ ਮੌਸਮ, ਵਿਸ਼ਵ ਦਿਆਲੂ ਊਰਜਾ ਅਤੇ ਵਾਤਾਵਰਣ ਲਈ ਬਹੁਤ ਮਦਦਗਾਰ ਹੋਵੇਗਾ। ਸਭ ਕੁਝ ਇਸ ਇੱਕਲੇ, ਦਇਆ ਦੇ ਸਧਾਰਨ ਕਾਰਜ ਤੋਂ ਆਵੇਗਾ, ਦਿਆਲਤਾ, ਦੂਜਿਆਂ ਨਾਲ ਉਸੇ ਤਰ੍ਹਾਂ ਦਾ ਵਿਵਹਾਰ ਕਰਨ ਤੋਂ ਜਿਵੇਂ ਅਸੀਂ ਚਾਹੁੰਦੇ ਹਾਂ ਕਿ ਸਾਡੇ ਨਾਲ ਕੀਤਾ ਜਾਵੇ, ਤਾਂ ਜੋ ਸਾਨੂੰ ਉਹ ਬੇਰਹਿਮ ਕਰਮ ਨਾ ਵੱਢਣਾ ਪਵੇ ਜੋ ਅਸੀਂ ਨਹੀਂ ਬੀਜਿਆ। ਪ੍ਰਮਾਤਮਾ ਸਾਨੂੰ ਦੁਨੀਆਂ ਦੀ ਮਨੁੱਖੀ ਚੇਤਨਾ ਨੂੰ ਉੱਚਾ ਚੁੱਕਣ ਵਿੱਚ ਸਹਾਇਤਾ ਕਰੇ, ਤਾਂ ਜੋ ਉਹ ਇਸਨੂੰ ਹੋਰ ਅਤੇ ਹੋਰ ਵੀ ਜ਼ਿਆਦਾ ਮਹਿਸੂਸ ਕਰਨ। ਇਸ ਵੇਲੇ, ਇਹ ਅਜੇ ਵੀ ਕਾਫ਼ੀ ਨਹੀਂ ਹੈ। ਸਰਕਾਰਾਂ, ਮੀਡੀਆ, ਲੋਕਾਂ ਨੂੰ, ਸਾਰਿਆਂ ਨੂੰ ਇਸ ਗ੍ਰਹਿ ਨੂੰ ਅਧਿਆਤਮਿਕ ਵਿਕਾਸ ਦੇ ਉੱਚੇ ਪੱਧਰ 'ਤੇ ਲਿਆਉਣ ਵਿੱਚ ਸ਼ਾਮਲ ਹੋਣਾ ਪਵੇਗਾ। ਸਾਨੂੰ ਇੱਕ ਦਿਆਲੂ ਜੀਵਨ ਢੰਗ, ਇੱਕ ਹਮਦਰਦੀ-ਭਰਿਆ ਢੰਗ, ਇੱਕ ਪਿਆਰ ਭਰਿਆ, ਦੇਖਭਾਲ ਕਰਨ ਵਾਲਾ, ਦਿਆਲੂ ਜੀਵਨ ਢੰਗ ਨਾਲ ਜਿਊਣਾ ਪਵੇਗਾ, ਫਿਰ ਸਾਡੀ ਦੁਨੀਆ ਯਕੀਨੀ ਤੌਰ 'ਤੇ, ਪੂਰੀ ਤਰ੍ਹਾਂ ਇੱਕ ਸਵਰਗ ਬਣ ਜਾਵੇਗੀ। ਪ੍ਰਮਾਤਮਾ ਸਾਡੀ ਮਦਦ ਕਰੇ, ਸਾਨੂੰ ਇਸ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਅਸੀਸ ਦੇਵੇ। ਤੁਹਾਡਾ ਧੰਨਵਾਦ, ਮੇਰੇ ਪ੍ਰਮਾਤਮਾ ਜੀਓ। ਆਮੀਨ।

ਓਹ ਹਾਂਜੀ, ਵੈਸੇ, ਮੈਨੂੰ ਹੁਣੇ ਤੁਹਾਡੇ ਭੈਣਾਂ-ਭਰਾਵਾਂ ਦੀਆਂ ਦਿਲ ਦੀਆਂ ਲਾਈਨਾਂ ਵਿੱਚੋਂ ਇੱਕ ਯਾਦ ਆਈ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਉਹ ਆਪਣੇ ਪੁਰਾਣੇ ਸ਼ਹਿਰ ਵਿੱਚ ਵਾਪਸ ਆ ਗਏ ਜਿੱਥੇ ਉਹ ਪਹਿਲਾਂ ਰਹਿੰਦੇ ਰਹੇ ਸਨ। ਅਤੇ ਪਹਿਲਾਂ, ਉਥੇ ਸਿਰਫ਼ ਇੱਕ ਸ਼ਾਕਾਹਾਰੀ ਰੈਸਟੋਰੈਂਟ ਸੀ, ਅਤੇ ਹੁਣ ਉਥੇ 40 ਵੀਗਨ ਰੈਸਟੋਰੈਂਟ ਹਨ। ਅਤੇ ਤੁਹਾਡੇ ਭਰਾ ਅਤੇ ਭੈਣ ਕੋਲ ਸੀਟਾਂ ਵੀ ਨਹੀਂ ਸਨ। ਉਨ੍ਹਾਂ ਨੂੰ ਇੱਕ ਵੱਡੇ ਰੈਸਟੋਰੈਂਟ ਵਿੱਚ ਸੀਟਾਂ ਲਈ ਇੰਤਜ਼ਾਰ ਕਰਨਾ ਪਿਆ, ਜਿਸ ਵਿੱਚ ਘੱਟੋ-ਘੱਟ 100 ਸੀਟਾਂ ਹਨ।

ਪਿਆਰੇ ਅੰਤਲੇ ਸਤਿਗੁਰੂ ਜੀ, ਅਤਿਅੰਤ ਸ਼ਕਤੀਸ਼ਾਲੀ ਯੂਨਾਈਟਿਡ ਹੋਲੀ ਟ੍ਰਿਨਿਟੀ, ਅਤੇ ਸੁਪਰੀਮ ਮਾਸਟਰ ਟੀਵੀ ਟੀਮ ਦੇ ਸੰਤ, ਦਿਲੋਂ ਧੰਨਵਾਦ ਦੇ ਨਾਲ, ਮੈਂ ਨਵੇਂ ਪ੍ਰੋਗਰਾਮ, ਡੇਅਲੀ ਨਿਊਜ਼ ਸਟ੍ਰੀਮ, 'ਤੇ ਤੁਹਾਡੇ ਸ਼ਾਨਦਾਰ ਕੰਮ ਲਈ ਤੁਹਾਡਾ ਧੰਨਵਾਦ ਕਰਨਾ ਚਾਹੁੰਦੀ ਹਾਂ, ਜੋ ਕਿ ਪਹਿਲਾਂ ਹੀ ਸਾਡੇ ਪਰਿਵਾਰ ਦੇ ਦੇਖਣ ਵਾਲੇ ਪ੍ਰੋਗਰਾਮਾਂ ਵਿੱਚੋਂ ਇੱਕ ਬਣ ਗਿਆ ਹੈ। ਇਸ ਪ੍ਰੋਗਰਾਮ ਰਾਹੀਂ, ਸਾਨੂੰ ਹੁਣ ਦੁਨੀਆ ਵਿੱਚ ਕੀ ਹੋ ਰਿਹਾ ਹੈ, ਇਹ ਸਮਝਣ ਲਈ ਔਨਲਾਈਨ ਖੋਜ ਕਰਨ ਅਤੇ ਆਪਣੇ ਆਪ ਨੂੰ ਇੰਨੀ ਜ਼ਿਆਦਾ ਨਕਾਰਾਤਮਕਤਾ ਜਾਂ ਅਵਿਸ਼ਵਾਸ਼ਯੋਗ ਜਾਣਕਾਰੀ ਦੇ ਸਾਹਮਣੇ ਲਿਆਉਣ ਦੀ ਜ਼ਰੂਰਤ ਨਹੀਂ ਹੈ। ਸਾਨੂੰ ਰਾਸ਼ਟਰਪਤੀ ਟਰੰਪ ਅਤੇ ਸਕਾਰਾਤਮਕ ਪੱਖ ਦੀ ਜਿੱਤ ਨੂੰ ਦੇਖਣਾ, ਵੱਖ-ਵੱਖ ਪੌਦਿਆਂ ਦੇ ਪੋਸ਼ਣ ਮੁੱਲ ਬਾਰੇ ਸਿੱਖਣਾ, ਮੌਤ-ਦੇ-ਨੇੜੇ ਅਨੁਭਵਾਂ ਦੀਆਂ ਅਸਲ ਕਹਾਣੀਆਂ ਸੁਣਨਾ, ਅਤੇ ਸਾਡੇ ਸੁੰਦਰ ਸਵਰਗੀ ਘਰ ਦੀ ਇਕ ਝਲਕ ਦਿਵਾਉਣੀ, ਸੱਚਮੁੱਚ ਬਹੁਤ ਪਸੰਦ ਹੈ। ਇਹ ਸਭ ਸਾਨੂੰ ਹਰ ਰੋਜ਼ ਉਤਸ਼ਾਹਿਤ ਕਰਦੇ ਹਨ।

ਮੈਂ ਇੱਕ ਖੁਸ਼ੀ-ਭਰਿਆ ਨਿੱਜੀ ਅਨੁਭਵ ਵੀ ਸਾਂਝਾ ਕਰਨਾ ਚਾਹਾਂਗੀ। ਹਾਲ ਹੀ ਵਿੱਚ, ਮੈਂ ਵੀਗਨ ਮੇਕਅਪ ਉਤਪਾਦ ਖਰੀਦਣ ਲਈ ਇੱਕ ਫਰੈਂਚਾਇਜ਼ ਸਟੋਰ ਗਈ। ਮੈਨੂੰ ਹੈਰਾਨੀ ਹੋਈ, ਮੈਨੂੰ ਪਤਾ ਲੱਗਾ ਕਿ ਸਟੋਰ ਵਿੱਚ ਇੱਕ-ਤਿਹਾਈ ਤੋਂ ਵੱਧ ਕਾਸਮੈਟਿਕ ਬ੍ਰਾਂਡ ਵੀਗਨ ਅਤੇ ਬੇਰਹਿਮੀ ਤੋਂ ਮੁਕਤ ਸਨ। ਬਹੁਤ ਸਾਰੇ ਵਿਕਲਪ ਸਨ, ਗੁਣਵੱਤਾ ਸ਼ਾਨਦਾਰ ਸੀ, ਅਤੇ ਕੀਮਤਾਂ ਕਿਫਾਇਤੀ ਸਨ। 2017 ਦੇ ਮੁਕਾਬਲੇ, ਜਦੋਂ ਸੁਪਰੀਮ ਮਾਸਟਰ ਟੀਵੀ ਹੁਣੇ ਸ਼ੁਰੂ ਹੋਇਆ ਸੀ, ਅਤੇ ਸੀਮਤ ਵਿਕਲਪਾਂ ਵਾਲਾ ਸਿਰਫ਼ ਇੱਕ ਵੀਗਨ ਬ੍ਰਾਂਡ ਸੀ, ਇਹ ਬਦਲਾਅ ਕਮਾਲ ਦਾ ਹੈ। ਹਾਲ ਹੀ ਵਿੱਚ, ਮੈਨੂੰ ਇੱਕ ਹੋਰ ਵੱਡਾ ਫਰੈਂਚਾਇਜ਼ ਸਟੋਰ ਮਿਲਿਆ ਜਿੱਥੇ ਇੱਕ-ਤਿਹਾਈ ਤੋਂ ਵੱਧ ਕਾਸਮੈਟਿਕ ਬ੍ਰਾਂਡ ਵੀ ਵੀਗਨ ਹਨ। ਇਹ ਤਰੱਕੀ ਬਹੁਤ ਹੀ ਸੁਵਿਧਾਜਨਕ ਮਹਿਸੂਸ ਹੁੰਦੀ ਹੈ ਅਤੇ ਇਸਨੇ ਮੈਨੂੰ ਕੁਝ ਦਿਨਾਂ ਲਈ ਖੁਸ਼ ਰੱਖਿਆ।

ਇਸ ਤੋਂ ਇਲਾਵਾ, ਪਿਛਲੀ ਗਰਮੀਆਂ ਵਿੱਚ ਅਸੀਂ ਚੀਨ ਦੀ ਯਾਤਰਾ ਕੀਤੀ ਅਤੇ ਦੁਪਹਿਰ ਦੇ ਖਾਣੇ ਲਈ ਇੱਕ ਵੀਗਨ ਬੁਫੇ ਦਾ ਦੌਰਾ ਕੀਤਾ। ਸਾਨੂੰ ਹੈਰਾਨੀ ਹੋਈ ਕਿ ਉੱਥੇ ਕੋਈ ਵੀ ਸੀਟ ਖਾਲੀ ਨਹੀਂ ਸੀ, ਭਾਵੇਂ ਇਹ ਇੱਕ ਬਹੁਤ ਵੱਡਾ ਰੈਸਟੋਰੈਂਟ ਸੀ ਜਿਸ ਵਿੱਚ ਲਗਭਗ 100 ਸੀਟਾਂ ਸਨ। ਸਾਨੂੰ ਬੈਠਣ ਤੋਂ ਪਹਿਲਾਂ ਇੰਤਜ਼ਾਰ ਕਰਨਾ ਪਿਆ। ਹੋਰ ਵੀ ਹੈਰਾਨੀਜਨਕ ਭੋਜਨ ਦੀ ਵਿਸ਼ਾਲ ਕਿਸਮ ਸੀ - ਲਗਭਗ 50 ਤੋਂ 60 ਵੱਖ-ਵੱਖ ਵੀਗਨ ਪਕਵਾਨ, ਸੁੰਦਰਤਾ ਨਾਲ ਪੇਸ਼ ਕੀਤੇ ਗਏ; ਇਹ ਬਿਲਕੁਲ ਸ਼ਾਨਦਾਰ ਸੀ। 10 ਸਾਲ ਪਹਿਲਾਂ ਦੇ ਮੁਕਾਬਲੇ, ਜਦੋਂ ਸਿਰਫ਼ ਇੱਕ ਸ਼ਾਕਾਹਾਰੀ ਰੈਸਟੋਰੈਂਟ ਸੀ ਜਿਸ ਵਿੱਚ ਬਹੁਤ ਘੱਟ ਗਾਹਕ ਸਨ, ਇਹ ਬਦਲਾਅ ਸੱਚਮੁੱਚ ਸ਼ਾਨਦਾਰ ਹੈ। ਸਾਨੂੰ ਇਹ ਵੀ ਪਤਾ ਲੱਗਾ ਹੈ ਕਿ ਕੁਝ ਜਾਨਵਰ-ਲੋਕਾਂ ਦੇ ਮਾਸ ਵਾਲੇ ਰੈਸਟੋਰੈਂਟ ਬੰਦ ਹੋ ਗਏ ਹਨ, ਜਦੋਂ ਕਿ ਵੀਗਨ ਰੈਸਟੋਰੈਂਟ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੇ ਹਨ। ਸ਼ਹਿਰ ਵਿੱਚ ਹੁਣ ਲਗਭਗ 40 ਵੀਗਨ ਰੈਸਟੋਰੈਂਟ ਹਨ। ਲੋਕ ਸੱਚਮੁੱਚ ਹਰ ਰੋਜ਼ ਵੀਗਨ ਭੋਜਨ ਦਾ ਆਨੰਦ ਮਾਣ ਰਹੇ ਹਨ। ਇੱਕ ਵੀਗਨ ਅਤੇ ਸ਼ਾਂਤੀਪੂਰਨ ਦੁਨੀਆਂ ਜਲਦੀ ਆਵੇ। ਸਤਿਗੁਰੂ ਜੀ ਅਤੇ ਸਾਰੇ ਭਰਾ ਅਤੇ ਭੈਣਾਂ ਜਲਦੀ ਹੀ ਸਾਰੇ ਸੰਵੇਦਨਸ਼ੀਲ ਜੀਵਾਂ ਨਾਲ ਧਰਤੀ ਉੱਤੇ ਸਵਰਗ ਦਾ ਆਨੰਦ ਮਾਣਨ। ਤੁਹਾਡੀ ਪ੍ਰਮਾਤਮਾ ਦੀ ਪੈਰੋਕਾਰ, ਕੈਨੇਡਾ ਤੋਂ ਸਕਾਰਲੇਟ

ਇਹ ਬਹੁਤ, ਬਹੁਤ ਆਸ਼ਾਵਾਦੀ, ਬਹੁਤ ਸਕਾਰਾਤਮਕ ਲੱਗਦਾ ਹੈ। ਇਹ ਸੱਚਮੁੱਚ ਇਸ ਦੁਨੀਆਂ ਵਿੱਚ ਇੱਕ ਵੱਡੀ ਤਬਦੀਲੀ ਹੈ, ਕਿ ਲੋਕ ਜ਼ਿਆਦਾ ਤੋਂ ਜ਼ਿਆਦਾ ਵੀਗਨ ਬਣ ਗਏ ਹਨ। ਇਹ ਸੱਚਮੁੱਚ ਬਹੁਤ ਵਧੀਆ ਹੈ। ਤੁਹਾਡਾ ਧੰਨਵਾਦ, ਪ੍ਰਮਾਤਮਾ । ਤੁਹਾਡਾ ਧੰਨਵਾਦ, ਮੇਰੇ ਪ੍ਰਮਾਤਮਾ । ਤੁਹਾਡਾ ਧੰਨਵਾਦ, ਅਤਿਅੰਤ ਸ਼ਕਤੀਸ਼ਾਲੀ ਟ੍ਰਿਨਿਟੀ। ਤੁਹਾਡਾ ਧੰਨਵਾਦ, ਸਾਰੇ ਸੰਤਾਂ ਅਤੇ ਰਿਸ਼ੀਆਂ ਦਾ, ਅਤੇ ਸਾਰੀਆਂ ਸਵਰਗੀ ਟੀਮਾਂ ਦਾ ਜਿਨ੍ਹਾਂ ਨੇ ਇਸ ਨੂੰ ਵਾਪਰਨ ਵਿੱਚ ਬਹੁਤ ਮਦਦ ਕੀਤੀ ਹੈ, ਅਤੇ ਇਸਨੂੰ ਹਮੇਸ਼ਾ ਬਿਹਤਰ ਅਤੇ ਬਿਹਤਰ ਅਤੇ ਬਿਹਤਰ ਬਣਾਉਣ ਲਈ, ਤਾਂ ਜੋ ਇਸ ਸੰਸਾਰ ਦੇ ਲੋਕ ਇੱਕ ਸਵਰਗੀ ਜੀਵਨ ਜੀ ਸਕਣ, ਤਾਂ ਜੋ ਜਾਨਵਰ-ਲੋਕ ਮਨੁੱਖਾਂ ਦਾ ਕੋਈ ਪਰਛਾਵਾਂ ਦੇਖ ਕੇ ਨਾ ਡਰਨ, ਅਤੇ ਮਨੁੱਖ ਦੂਜੇ ਮਨੁੱਖਾਂ ਦੇ ਕਿਸੇ ਪਰਛਾਵੇਂ ਨੂੰ ਦੇਖ ਕੇ ਨਾ ਡਰਨ। ਆਮੇਨ।

Photo Caption: “ਜੰਗਲੀ ਦੀ ਸ਼ਾਨ ਵਿਅਕਤੀ ਨੂੰ ਕੋਮਲ, ਰਹੱਸਮਈ ਅਤੇ ਸੁੰਦਰ ਸੁਪਨੇ ਦੀ ਯਾਦ ਦਿਵਾਉਂਦੀ ਹੈ!”

ਫੋਟੋ ਡਾਊਨਲੋਡ ਕਰੋ