ਅਫਰੀਕਾ ਤੋਂ ਪਿਆਰ ਨਾਲ, ਦਸ ਹਿਸਿਆਂ ਦਾ ਦਸਵਾਂ ਭਾਗ

ਇੱਥੇ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨਿਰਾਸ਼ਾ ਦੇ ਵਿਚਕਾਰ ਨਿਰਸਵਾਰਥ ਸੇਵਾ ਅਤੇ ਲਗਨ 'ਤੇ ਪ੍ਰਤੀਬਿੰਬਤ ਕਰਦੇ ਹਨ, ਇੱਕ ਦਿਲੋਂ ਵਿਦਾਈ ਵਿੱਚ ਗਿਆਨ ਅਤੇ ਹਾਸੇ ਨੂੰ ਮਿਲਾਉਂਦੇ ਹਨ।

ਜ਼ਿਆਦਾਤਰ ਲੋਕ, ਉਹ ਅਧਿਆਤਮਿਕ ਅਭਿਆਸ ਲਈ ਆਉਂਦੇ ਹਨ। ਉਹ ਸੰਸਾਰ ਤੋਂ ਪਹਿਲਾਂ ਹੀ ਥਕ ਗਏ ਹਨ। ਇਸ ਲਈ, ਤੁਸੀਂ ਉਨ੍ਹਾਂ ਨੂੰ ਕੰਮ ਨਾ ਕਰਨ ਲਈ ਦੋਸ਼ੀ ਨਹੀਂ ਠਹਿਰਾ ਸਕਦੇ। ਪਰ ਅਸਲ ਵਿੱਚ, ਉਨ੍ਹਾਂ ਨੂੰ ਇਹ ਨਾ ਕਰਨ ਦਾ ਹੱਕ ਹੈ, ਕਿਉਂਕਿ ਇਹ ਵੀ ਠੀਕ ਹੈ। ਪਰ ਬਦਕਿਸਮਤੀ ਨਾਲ, ਜੇਕਰ ਸਾਡੇ ਵਰਗੀ ਕੋਈ ਕੰਪਨੀ ਹੈ ਜਿਸਨੂੰ ਸੰਸਾਰ ਭਰ ਵਿੱਚ ਭੱਜਣਾ ਪੈਂਦਾ ਹੈ, ਤਾਂ ਉਹ ਵੀ ਕੰਮ ਕਰਨ ਲਈ ਮਜਬੂਰ ਹਨ। ਪਰ ਅਸੀਂ ਇਸ ਤਰ੍ਹਾਂ ਕੰਮ ਨਹੀਂ ਕਰਦੇ।

ਅਸੀਂ ਵੱਖ-ਵੱਖ ਤਰੀਕਿਆਂ ਨਾਲ ਕੰਮ ਕਰਦੇ ਹਾਂ। ਇਸ ਲਈ, ਤੁਹਾਡੇ ਅਤੇ ਤੁਹਾਡੇ ਸਮੂਹ ਵਾਂਗ - ਤੁਸੀਂ ਜ਼ਮੀਨ ਦੀ ਖੇਤੀ ਕਰਦੇ ਹੋ ਅਤੇ ਖੇਤੀਬਾੜੀ ਅਤੇ ਉਸ ਸਭ ਵਿੱਚ ਮਦਦ ਕਰਦੇ ਹੋ - ਅਤੇ ਅਸੀਂ ਸਿਰਫ਼ ਅਧਿਆਤਮਿਕ ਖੇਤਰ ਦੀ ਖੇਤੀ ਕਰਦੇ ਹਾਂ, ਅਤੇ ਅਸੀਂ ਲੋਕਾਂ ਨੂੰ "ਹਲ" ਚਲਾਉਂਦੇ ਹਾਂ। ਅਸੀਂ ਗਿਆਨ ਦਾ ਬੀਜ ਬੀਜਦੇ ਹਾਂ। (ਹਾਂਜੀ।) ਸੋ ਅਸਲ ਵਿੱਚ, ਅਸੀਂ ਵੀ ਇੱਕ ਤਰ੍ਹਾਂ ਦੇ ਕਿਸਾਨ ਹਾਂ, ਅਸੀਂ ਲੋਕਾਂ ਵਿਚ ਗੁਣ ਅਤੇ ਆਉਣ-ਵਾਲੀ ਪੀੜ੍ਹੀ ਲਈ ਅਧਿਆਤਮਿਕ ਬੀਜ ਬੀਜਦੇ ਹਾਂ। ਇਸ ਲਈ, ਮੈਂ ਇਨ੍ਹਾਂ ਸਾਰੀਆਂ ਚੀਜ਼ਾਂ ਵਿੱਚ ਇਕ ਮਾਹਰ ਨਹੀਂ ਹਾਂ ਜਿਨ੍ਹਾਂ ਬਾਰੇ ਤੁਸੀਂ ਗੱਲ ਕਰ ਰਹੇ ਹੋ। ਪਰ ਸਾਡੇ ਕੁਝ ਪੈਰੋਕਾਰ ਹਨ ਜੋ ਕੁਝ ਚੀਜ਼ਾਂ ਜਾਣਦੇ ਹਨ, ਅਤੇ ਮੈਂ ਸੋਚ ਰਿਹਾ ਸੀ ਕਿ ਸ਼ਾਇਦ ਖੂਹ ਖੋਦਣ ਅਤੇ ਇਸ ਸਭ ਕੁਝ ਨਾਲ, ਸ਼ਾਇਦ ਅਸੀਂ ਮਦਦ ਕਰ ਸਕਦੇ ਹਾਂ।

ਅਸੀਂ ਦੇਖਾਂਗੇ ਕਿ ਕੀ ਜ਼ਰੂਰੀ ਹੈ ਅਤੇ ਅਸੀਂ ਕੀ ਕਰ ਸਕਦੇ ਹਾਂ, ਜਾਂ ਉੱਥੇ ਪਹੁੰਚ ਸਕਦੇ ਹਾਂ। ਨਹੀਂ ਤਾਂ, ਤੁਹਾਡਾ ਸਮੂਹ ਸਾਡੇ ਨਾਲੋਂ ਕਿਤੇ ਜ਼ਿਆਦਾ ਉਤਸ਼ਾਹੀ ਹੈ। ਤੁਹਾਡੇ ਕੋਲ ਬਹੁਤ ਸਾਰੀਆਂ ਯੋਜਨਾਵਾਂ ਹਨ, ਅਤੇ ਤੁਸੀਂ ਇਹ, ਉਹ ਅਤੇ ਹੋਰ ਕਰਨਾ ਚਾਹੁੰਦੇ ਹੋ। ਸਾਡੇ ਕੋਲ ਕੋਈ ਯੋਜਨਾਵਾਂ ਨਹੀਂ ਹਨ, ਹਹ? ਅਸੀਂ ਇੱਕ ਆਲਸੀ ਸਮੂਹ ਜਾਪਦੇ ਹਾਂ।

ਸੱਚਮੁੱਚ, ਮੈਂ ਉਹੀ ਕਰਦੀ ਹਾਂ ਜੋ ਬੇਨਤੀ ਕੀਤੀ ਜਾਂਦੀ ਹੈ, ਅਤੇ ਮੈਨੂੰ ਇਸ ਯੋਜਨਾ ਅਤੇ ਕਿਸੇ ਹੋਰ ਯੋਜਨਾ ਲਈ ਕੋਈ ਉਤਸ਼ਾਹ ਨਹੀਂ ਹੈ। ਮੈਨੂੰ ਇਹ ਅਹਿਸਾਸ ਕਦੇ ਨਹੀਂ ਪਤਾ ਸੀ। ਇਸ ਲਈ ਕਈ ਵਾਰ ਜਦੋਂ ਮੈਂ ਤੁਹਾਡੇ ਵਰਗੇ ਲੋਕਾਂ ਦੇ ਸਮੂਹ ਨੂੰ ਦੇਖਦੀ ਹਾਂ, ਤਾਂ ਮੈਨੂੰ ਲੱਗਦਾ ਹੈ ਕਿ ਮੈਂ ਸੰਪਰਕ ਤੋਂ ਬਾਹਰ ਹਾਂ, ਜਗ੍ਹਾ ਤੋਂ ਬਾਹਰ ਹਾਂ - ਕਿਉਂਕਿ ਮੇਰੇ ਵਿੱਚ ਕਦੇ ਵੀ ਕੁਝ ਕਰਨ ਦਾ ਇਹ ਉਤਸ਼ਾਹ ਨਹੀਂ ਹੁੰਦਾ। ਮੈਂ ਇੱਥੇ ਸਿਰਫ਼ ਇਸ ਲਈ ਆ ਰਹੀ ਹਾਂ ਕਿਉਂਕਿ ਮੈਨੂੰ ਆਉਣ ਲਈ ਕਿਹਾ ਗਿਆ ਹੈ। ਜਾਂ ਵੈਸੇ ਹੀ। ਮੈਂ ਮੇਰੀਆਂ ਪੇਂਟਿੰਗਾਂ ਦੀ - ਕਲਾ ਦੀ ਪ੍ਰਦਰਸ਼ਨੀ ਲਈ - ਬੇਨਤੀ ਅਨੁਸਾਰ ਆਈ ਹਾਂ। ਅਤੇ ਫਿਰ, ਵੈਸੇ, ਮੇਰੀ ਫੇਰੀ ਲਈ ਵੱਖ-ਵੱਖ ਦੇਸ਼ਾਂ ਤੋਂ ਇੱਕ ਲੰਬੀ ਉਡੀਕ ਸੂਚੀ ਹੈ, ਇਸ ਲਈ ਮੈਂ ਰਸਤੇ ਵਿੱਚ ਹੀ ਆ ਗਈ, ਕਿਉਂਕਿ ਇਹ ਯੂਰਪ ਦੇ ਨੇੜੇ ਹੈ, ਇਸ ਲਈ ਮੈਂ ਆ ਗਈ। ਬਸ ਇਹੀ ਗੱਲ ਹੈ।

ਅਤੇ ਮੈਂ, ਉਦਾਹਰਣ ਵਜੋਂ, ਜਾਣਬੁੱਝ ਕੇ ਅਮਰੀਕਾ ਗਈ ਸੀ ਕਿਉਂਕਿ ਕਿਸੇ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਨਾਲ ਕਿਸੇ ਗੱਲ ਲਈ ਮੁਲਾਕਾਤ ਦਾ ਪ੍ਰਬੰਧ ਕੀਤਾ ਸੀ। (ਹਾਂਜੀ।) ਪਰ ਬਦਕਿਸਮਤੀ ਨਾਲ, ਆਖਰੀ ਸਮੇਂ 'ਤੇ, ਇਹ ਸੰਭਵ ਨਹੀਂ ਸੀ ਕਿਉਂਕਿ ਉਹ ਰੂਸ ਨਾਲ ਗੱਲਬਾਤ, ਰੂਸ ਲਈ ਸਹਾਇਤਾ ਅਤੇ ਇਸ ਤਰ੍ਹਾਂ ਦੀਆਂ ਚੀਜ਼ਾਂ ਵਿੱਚ ਬਹੁਤ ਰੁੱਝਿਆ ਹੋਇਆ ਸੀ, ਸੋ ਬੇਸ਼ੱਕ, ਇਹ ਮਹੱਤਵਪੂਰਨ ਹੈ। ਜਦੋਂ ਕਿ ਮੈਂ ਅਮਰੀਕਾ ਗਈ ਸੀ, ਆਲੇ-ਦੁਆਲੇ ਵੀ ਸ਼ਾਮਲ ਸਨ।

ਤਾਂ ਹੁਣ, ਅਫਰੀਕਾ ਵੀ - ਮੈਨੂੰ ਕਈ ਸਾਲਾਂ ਤੋਂ ਉੱਥੋਂ ਦੇ ਕੁਝ ਪੈਰੋਕਾਰਾਂ ਦੁਆਰਾ ਕਈ ਵਾਰ ਸੱਦਾ ਦਿੱਤਾ ਗਿਆ ਹੈ, ਪਰ ਮੈਂ ਕਦੇ ਇਸ 'ਤੇ ਵਿਚਾਰ ਨਹੀਂ ਕੀਤਾ ਕਿਉਂਕਿ ਸਾਡੇ ਕੋਲ ਉੱਥੇ ਕਾਫ਼ੀ ਪੈਰੋਕਾਰ ਨਹੀਂ ਹਨ, ਅਤੇ ਮੈਂ ਸੋਚਿਆ, "ਅਫਰੀਕਾ - ਓਹ, ਇਹ ਬਹੁਤ ਦੂਰ ਹੈ।" ਇਹ ਸਿਰਫ਼ ਇੱਕ ਹਜ਼ਾਰ ਅਤੇ ਇੱਕ ਰਾਤਾਂ ਦੀ ਕਹਾਣੀ ਵਿੱਚ ਪ੍ਰਗਟ ਹੋਇਆ ਸੀ, ਪਰ ਮੈਨੂੰ ਕਦੇ ਨਹੀਂ ਪਤਾ ਕਿ ਇਹ ਮੌਜੂਦ ਹੈ ਜਾਂ ਨਹੀਂ ਅਤੇ ਇਸ ਤਰ੍ਹਾਂ ਦੀਆਂ ਚੀਜ਼ਾਂ।

ਤਾਂ ਸ਼ਾਇਦ ਤੁਹਾਡੇ ਗੁਰੂ ਕਰਕੇ ਕਿ ਮੈਂ ਘੱਟੋ ਘੱਟ ਇੱਕ ਵਾਰ ਉੱਥੇ ਜਾਵਾਂਗੀ। ਨਹੀਂ ਤਾਂ, ਕੌਣ ਜਾਣਦਾ ਹੈ ਕਿ ਮੈਂ ਕਦੋਂ ਆਪਣੇ ਆਪ ਨੂੰ ਜਗਾਵਾਂਗੀ ਅਤੇ ਆਪਣੇ ਸਰੀਰ ਨੂੰ ਉੱਥੇ ਲੈ ਆਵਾਂਗੀ। ਤਾਂ, ਤੁਸੀਂ ਸਮਝ ਗਏ ਮੇਰਾ ਕੀ ਮਤਲਬ ਹੈ? ਤੁਹਾਡੇ ਅਤੇ ਸਾਡੇ ਗਰੁੱਪ ਵਿੱਚ ਕੀ ਫ਼ਰਕ ਹੈ? ਤੁਸੀਂ ਸਾਡੇ ਵਿਦਿਆਰਥੀਆਂ ਦੇ ਸਮੂਹ ਨੂੰ "ਆਲਸੀ ਹੋਣ" ਦਾ ਦੋਸ਼ ਨਹੀਂ ਦੇ ਸਕਦੇ। ਸੋ ਖੁਸ਼ਕਿਸਮਤੀ ਨਾਲ, ਤੁਹਾਡੇ ਕੋਲ ਇੱਕ ਬਹੁਤ ਸਰਗਰਮ ਗੁਰੂ ਹੈ। ਜਦੋਂ ਤੁਸੀਂ ਉਸਦੀ ਆਵਾਜ਼ ਸੁਣਦੇ ਹੋ, ਉਹ ਬਹੁਤ ਉਤਸ਼ਾਹੀ, ਜੋਸ਼ ਅਤੇ ਊਰਜਾ ਨਾਲ ਭਰਪੂਰ ਹੁੰਦਾ ਹੈ।

(ਮੰਨ ਲਓ, ਅਜਿਹਾ ਕਰਨ ਦੀ ਜ਼ਰੂਰਤ ਵੀ ਹੈ ਕਿਉਂਕਿ, ਤੁਸੀਂ ਦੇਖੋ, ਸਾਡੀ ਫਾਊਂਡੇਸ਼ਨ ਵਿੱਚ, ਅਸੀਂ ਇੱਕ ਪੇਂਡੂ ਖੇਤਰ ਵਿੱਚ ਸਥਿਤ ਹਾਂ। ਉਦਾਹਰਣ ਵਜੋਂ, ਤੁਹਾਡੇ ਕੋਲ ਇੱਕ ਮੈਡੀਕਲ ਸੈਂਟਰ ਹੈ, ਪਰ ਤੁਸੀਂ ਇਸਨੂੰ ਇਕ ਹਸਪਤਾਲ ਕਹਿੰਦੇ ਹੋ।) ਸਮਝੇ। (ਪਰ ਮੈਨੂੰ ਲੱਗਦਾ ਹੈ ਕਿ 40 ਕਿਲੋਮੀਟਰ ਜਾਂ 50 ਕਿਲੋਮੀਟਰ ਦੇ ਆਲੇ-ਦੁਆਲੇ, ਉਥੇ ਕਿਤੇ ਵੀ ਅਜਿਹਾ ਇਕ ਹਸਪਤਾਲ ਨਹੀਂ ਹੈ।) ਓਹ, ਮੈਂ ਸਮਝ ਗਈ।। (ਅਤੇ ਅਸੀਂ ਸਿਰਫ਼ ਫਾਉਂਡੇਸ਼ਨ ਦੇ ਮੈਂਬਰਾਂ ਦੀ ਹੀ (ਹਾਂਜੀ, ਹਾਂਜੀ।) ਮਦਦ ਨਹੀਂ ਕਰ ਰਹੇ, ਪਰ ਅਸੀਂ ਆਲੇ ਦੁਆਲੇ ਦੇ ਲੋਕਾਂ ਦੀ ਮਦਦ ਕਰਦੇ ਹਾਂ।) ਸਮਝੇ। (ਹਾਂਜੀ, ਸਕੂਲਾਂ ਵਾਂਗ - ਸਾਡੇ ਕੋਲ ਵੀ ਇੱਕ ਸਕੂਲ ਹੈ। ਇਸ ਲਈ ਅਸੀਂ ਇਹ ਸਮਾਜਿਕ-ਗਤੀਵਿਧੀਆਂ ਕਰਨ ਲਈ ਮਜਬੂਰ ਹਾਂ।) ਸਮਝੇ।

ਪਰ ਇਸ ਸੰਸਾਰ ਵਿੱਚ ਵਿਕਾਸ ਦਾ ਕੋਈ ਅੰਤ ਨਹੀਂ ਹੈ। (ਹਾਂਜੀ।) ਸਿਰਫ਼ ਅਫ਼ਰੀਕਾ ਵਿੱਚ ਹੀ ਨਹੀਂ - ਇੱਥੋਂ ਤੱਕ ਕਿ ਔ ਲੈਕ (ਵੀਐਤਨਾਮ) ਜਾਂ ਫਿਲੀਪੀਨਜ਼ ਵਰਗੇ ਹੋਰ ਦੇਸ਼ਾਂ ਬਾਰੇ ਵੀ ਗੱਲ ਕਰੋ - ਓਹ, ਉਹ ਜ਼ਰੂਰੀ ਚੀਜ਼ਾਂ ਨਾਲ ਭਰੇ ਹੋਏ ਹਨ ਜੋ ਤੁਹਾਨੂੰ ਕਰਨੀਆਂ ਚਾਹੀਦੀਆਂ ਹਨ। ਅਤੇ ਕਈ ਵਾਰ ਜਦੋਂ ਤੁਸੀਂ ਇਸ ਸੰਸਾਰ ਦੀ ਪੂਰੀ ਸਮੱਸਿਆ ਨੂੰ ਦੇਖਦੇ ਹੋ, ਤਾਂ ਤੁਸੀਂ ਬਸ ਆਪਣਾ ਸਿਰ ਹਿਲਾਉਂਦੇ ਹੋ। ਅਤੇ ਤੁਹਾਨੂੰ ਨਹੀਂ ਪਤਾ ਕਿ ਕਿੱਥੋਂ ਸ਼ੁਰੂ ਕਰਨਾ ਹੈ ਅਤੇ ਤੁਸੀਂ ਕਦੋਂ ਪੂਰਾ ਕਰੋਗੇ। (ਹਾਂਜੀ।) ਅਤੇ ਕਈ ਵਾਰ ਪੈਸੇ ਸਿਰਫ਼ ਵਿਚ ਪਾਏ ਜਾਂਦੇ ਹਨ। ਅਤੇ ਬਿਲਕੁਲ ਤੁਹਾਡੇ ਵਾਂਗ - ਗਰਮ ਰੇਤ 'ਤੇ ਪਾਣੀ ਦੀ ਇੱਕ ਬੂੰਦ।

ਮੈਂ ਇਸ ਸੰਸਾਰ ਬਾਰੇ ਸੋਚਦੀ ਰਹੀ ਹਾਂ ਕਿਉਂਕਿ ਉਹ ਅਗਿਆਨੀ ਹਨ। ਇਸੇ ਕਰਕੇ ਉਹ ਅਜਿਹੀ ਹਾਲਤ ਵਿੱਚ ਰਹਿੰਦੇ ਹਨ। ਜੇਕਰ ਉਹ ਸਾਰੇ ਗਿਆਨਵਾਨ ਹੋ ਜਾਣ, ਤਾਂ ਸੰਸਾਰ ਇੱਕ ਸਵਰਗ ਬਣ ਜਾਵੇਗਾ। (ਹਾਂਜੀ।) ਇਹ ਮੇਰਾ ਦ੍ਰਿਸ਼ਟੀਕੋਣ ਹੈ, ਕਿਉਂਕਿ ਮੈਂ ਇਸਨੂੰ ਜਾਣਦੀ ਹਾਂ। ਮੈਂ ਇਸਨੂੰ ਚੰਗੀ ਤਰ੍ਹਾਂ ਜਾਣਦੀ ਹਾਂ। ਪਰ ਇਹੀ ਹੈ ਬਸ ਸੰਸਾਰ ਦੇ ਲੋਕ ਇਸ 'ਤੇ ਵਿਸ਼ਵਾਸ ਨਹੀਂ ਕਰਨਗੇ। ਇਸ ਲਈ, ਮੈਨੂੰ ਧੀਰਜ ਰੱਖਣਾ ਪਵੇਗਾ, ਉਹ ਕਰਨਾ ਪਵੇਗਾ ਜੋ ਮੈਂ ਕਰ ਸਕਦੀ ਹਾਂ, ਜੋ ਮੈਨੂੰ ਕਿਹਾ ਜਾਂਦਾ ਹੈ, ਅਤੇ ਆਪਣੀ ਸਰੀਰਕ ਧੀਰਜ ਅਤੇ ਮਾਨਸਿਕ ਯੋਗਤਾ ਦੇ ਅਨੁਸਾਰ ਕਰਨਾ ਪਵੇਗਾ।

ਜਦੋਂ ਮੈਂ ਸੰਸਾਰ ਭਰ ਵਿੱਚ ਉਥਲ-ਪੁਥਲ ਨੂੰ ਦੇਖਦੀ ਹਾਂ, ਅਤੇ ਲੋਕ ਆਪਣੀਆਂ ਜ਼ਿੰਦਗੀਆਂ ਕਿਵੇਂ ਜੀਉਂਦੇ ਹਨ - ਆਪਣੇ ਅੰਦਰਲੇ ਖਜ਼ਾਨੇ ਤੋਂ ਅਣਜਾਣ ਅਤੇ ਸੰਸਾਰ ਦੇ ਭਰਮਪੂਰਨ ਦੁੱਖਾਂ ਤੋਂ ਇੰਨੇ ਦੁਖੀ - ਮੈਂ ਬਸ ਆਪਣਾ ਸਿਰ ਹਿਲਾਉਂਦੀ ਹਾਂ। ਮੈਂ ਸੋਚਿਆ ਸੀ ਕਿ ਮੇਰਾ ਕੰਮ ਕਦੇ ਖਤਮ ਨਹੀਂ ਹੋਵੇਗਾ, ਅਤੇ ਮੈਂ ਕਦੇ ਵੀ ਕਾਫ਼ੀ ਨਹੀਂ ਕਰ ਸਕਦੀ, ਅਧਿਆਤਮਿਕ ਤੌਰ 'ਤੇ ਵੀ। ਇਸ ਲਈ ਜਦੋਂ ਅਸੀਂ ਦੌਰੇ 'ਤੇ ਜਾਂਦੇ ਹਾਂ, ਤਾਂ ਅਸੀਂ ਇਸ ਲਈ ਬਹੁਤ ਸਾਰਾ ਸਮਾਂ, ਪੈਸਾ, ਸਰੀਰਕ ਸਿਹਤ, ਅਤੇ ਸਹਿਣਸ਼ੀਲਤਾ ਖਰਚ ਕਰਦੇ ਹਾਂ। ਪਰ ਕਿੰਨੇ ਲੋਕ ਸੱਚਮੁੱਚ ਤੁਹਾਡੇ ਸੁਹਿਰਦ ਸੱਦੇ ਵੱਲ ਧਿਆਨ ਦੇਣਗੇ? (ਹਾਂਜੀ।) ਸਤਿਗੁਰੂ ਨੂੰ ਇਮਾਨਦਾਰ ਹੋਣਾ ਚਾਹੀਦਾ ਹੈ, ਪੈਰੋਕਾਰਾਂ ਨੂੰ ਨਹੀਂ। ਅੱਜ, ਸੱਚੇ ਇਮਾਨਦਾਰ ਪੈਰੋਕਾਰ ਲੱਭਣੇ ਔਖੇ ਹਨ।

ਸਤਿਗੁਰੂ ਨੂੰ ਸਭ ਤੋਂ ਵੱਧ ਇਮਾਨਦਾਰ ਹੋਣਾ ਚਾਹੀਦਾ ਹੈ। ਅਤੇ ਮੈਨੂੰ ਲੱਗਦਾ ਹੈ ਕਿ ਮੈਂ ਬਹੁਤ ਇਮਾਨਦਾਰ ਹਾਂ, ਅਤੇ ਮੈਂ ਆਪਣੀ ਪੂਰੀ ਕੋਸ਼ਿਸ਼ ਕੀਤੀ ਹੈ। ਮੈਂ ਇਹ ਨਹੀਂ ਕਹਿ ਸਕਦੀ ਕਿ ਮੈਂ ਇਹ ਹਰ ਸਮੇਂ ਕਰਦੀ ਹਾਂ। ਕਈ ਵਾਰ ਤੁਸੀਂ ਨਿਰਾਸ਼ ਹੋ ਜਾਂਦੇ ਹੋ, ਅਤੇ ਤੁਹਾਨੂੰ ਲੱਗਦਾ ਹੈ ਕਿ ਇਹ ਕਦੇ ਖਤਮ ਨਹੀਂ ਹੋਵੇਗਾ। ਕਦੇ ਖਤਮ ਨਹੀਂ ਹੋਵੇਗਾ। ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਜੋ ਵੀ ਕਰਦੇ ਹੋ, ਭਾਵੇਂ ਤੁਸੀਂ ਆਪਣੀ ਪੂਰੀ ਕੋਸ਼ਿਸ਼ ਕਰਦੇ ਹੋ, ਇਹ ਮਾਰੂਥਲ ਵਿੱਚ ਸਿਰਫ ਪਾਣੀ ਦੀ ਇੱਕ ਬੂੰਦ ਹੀ ਹੈ। ਕਈ ਵਾਰ ਤੁਸੀਂ ਨਿਰਾਸ਼ ਮਹਿਸੂਸ ਕਰਦੇ ਹੋ, ਪਰ ਫਿਰ ਵੀ ਤੁਸੀਂ ਅੱਗੇ ਵਧਦੇ ਹੋ ਅਤੇ ਉਸ ਕੋਨੇ ਵਿੱਚ ਜੋ ਵੀ ਕਰ ਸਕਦੇ ਹੋ ਕਰਦੇ ਹੋ। ਸ਼ਾਇਦ (ਇਹ) ਕੁਝ ਨਾ ਹੋਣ ਨਾਲੋਂ ਬਿਹਤਰ ਹੈ। ਇਹੀ ਮੈਂ ਸੋਚਦੀ ਹਾਂ। ਤੁਸੀਂ ਸਮਝ ਗਏ? (ਹਾਂਜੀ।)

ਇਸ ਲਈ, ਮੇਰੇ ਮਿਸ਼ਨ ਦੀ ਸ਼ੁਰੂਆਤ ਵਿੱਚ ਵੀ, ਮੈਨੂੰ ਕਦੇ ਵੀ ਉਤਸ਼ਾਹ ਨਹੀਂ ਸੀ। ਮੈਂ ਬਸ ਕੰਮ ਕਰਦੀ ਹਾਂ । ਮੈਂ ਬਸ ਉਦੋਂ ਕੰਮ ਕਰਦੀ ਹਾਂ ਜਦੋਂ ਇਹ ਮੌਜੂਦ ਹੁੰਦਾ ਹੈ, ਜਦੋਂ ਇਸਦੀ ਲੋੜ ਹੁੰਦੀ ਹੈ। ਪਰ ਮੇਰੇ ਵਿੱਚ ਕੋਈ ਉਤਸ਼ਾਹ ਨਹੀਂ ਹੈ। ਭਾਵੇਂ ਤੁਸੀਂ ਮੈਰੇ ਸੰਸਾਰ ਭਰ ਵਿੱਚ ਦੌੜਦੇ ਹੋਏ ਦੇਖਦੇ ਹੋ, ਪਰ ਇਹ ਉਤਸ਼ਾਹ ਤੋਂ ਨਹੀਂ ਹੈ। ਮੈਨੂੰ ਲੱਗਦਾ ਹੈ ਕਿ ਮੈਂ ਇਹ ਉਸੇ ਤਰ੍ਹਾਂ ਕਰਦੀ ਹਾਂ ਜਿਵੇਂ ਤੁਸੀਂ ਸਾਹ ਲੈਂਦੇ ਹੋ। ਜਾਂ ਜਦੋਂ ਤੁਹਾਨੂੰ ਬਹੁਤ ਜ਼ਿਆਦਾ ਪਸੀਨਾ ਆਉਂਦਾ ਹੈ, ਅਤੇ ਤੁਸੀਂ ਕੁਝ ਸਮੇਂ ਬਾਅਦ ਆਪਣੇ ਕੱਪੜੇ ਬਦਲਦੇ ਹੋ ਤਾਂ ਤੁਹਾਨੂੰ ਨਹਾਉਣਾ ਪੈਂਦਾ ਹੈ।

ਅਤੇ ਜਦੋਂ ਮੈਂ ਬਹੁਤ ਸਾਰੇ ਸਮੂਹਾਂ ਨੂੰ ਮਿਲਦੀ ਹਾਂ, ਜਿਵੇਂ ਕਿ ਤੁਹਾਡਾ ਸਮੂਹ ਜਾਂ ਹੋਰ ਲੋਕ, ਮੈਂ ਸੰਸਾਰ ਨੂੰ ਬਦਲਣ ਲਈ ਸ਼ਾਨਦਾਰ ਵਿਚਾਰ ਸੁਣਦੀ ਹਾਂ ਅਤੇ ਉਹ ਕਰਨਾ, ਇਹ ਕਰਨਾ, ਮੈਂ ਥੋੜ੍ਹੀ ਸ਼ਰਮਿੰਦਾ ਅਤੇ ਬੇਚੈਨ ਮਹਿਸੂਸ ਹੁੰਦੀ ਹੈ, ਜਿਵੇਂ ਮੈਂ ਉਹ ਹਾਂ ਜੋ ਕਦੇ ਸੰਸਾਰ ਬਾਰੇ ਨਹੀਂ ਸੋਚਦੀ, ਕਦੇ ਸੰਸਾਰ ਲਈ ਕੁਝ ਨਹੀਂ ਕਰਦੀ। ਕੋਈ ਉਤਸ਼ਾਹ ਨਹੀਂ। ਸ਼ਾਇਦ ਇਹੀ ਗੁਣ ਹੈ ਜਿਸ ਦੀ ਮੇਰੇ ਵਿਚ ਘਾਟ ਹੈ। ਅਤੇ ਤੁਹਾਡੇ ਵਰਗੇ ਕੁਝ ਲੋਕਾਂ ਕੋਲ ਹੋਣਾ ਚਾਹੀਦਾ ਹੈ।

ਠੀਕ ਹੈ, ਮੈਂ ਤੁਹਾਨੂੰ ਬਹੁਤਾ ਚਿਰ ਲਈ ਨਹੀਂ ਰੱਖਣਾ ਚਾਹੁੰਦੀ। ਤੁਸੀਂ ਸੁਨੇਹਾ ਪਹੁੰਚਾ ਦਿੱਤਾ ਹੈ, ਅਤੇ ਫਿਰ ਅਸੀਂ ਦੇਖਾਂਗੇ ਕਿ ਅਸੀਂ ਕੀ ਕਰ ਸਕਦੇ ਹਾਂ। ਠੀਕ ਹੈ? ਹਰ ਜਗ੍ਹਾ ਲੋਕ ਚਾਹੁੰਦੇ ਹਨ ਕਿ ਅਸੀਂ ਕੁਝ ਕਰੀਏ, ਉਹ ਹਮੇਸ਼ਾ ਮੇਰੇ ਕੋਲ ਆਉਂਦੇ ਹਨ। ਮੈਨੂੰ ਲੱਗਦਾ ਹੈ ਕਿ ਲੋਕਾਂ ਨੂੰ ਇਹ ਅਹਿਸਾਸ ਹੋਣਾ ਚਾਹੀਦਾ ਹੈ ਕਿ ਸਮਾਨ ਚੀਜ਼ ਉਸੇ ਤਰਾਂ ਦੀ ਚੀਜ਼ ਨੂੰ ਆਕਰਸ਼ਿਤ ਕਰਦੀ ਹੈ। ਅਤੇ ਹਮੇਸ਼ਾ ਸਭ ਤੋਂ ਇਮਾਨਦਾਰ ਅਤੇ ਉਤਸ਼ਾਹੀ ਲੋਕ ਮੇਰੇ ਕੋਲ ਆਉਂਦੇ ਹਨ, ਅਤੇ ਮੈਂ ਬੇਵੱਸ ਮਹਿਸੂਸ ਕਰਦੀ ਹਾਂ, ਉਨ੍ਹਾਂ ਲਈ ਤਰਸ ਕਰਦੀ ਹਾਂ ਕਿ ਕਈ ਵਾਰ ਉਹ "ਗਲਤ" ਸੰਗਤ ਵਿੱਚ ਆ ਜਾਂਦੇ ਹਨ। ਹਾਂਜੀ।

ਤੁਸੀਂ ਕਿਵੇਂ ਮਹਿਸੂਸ ਕਰਦੇ ਹੋ? ਤੁਸੀਂ ਅਜਿਹੇ ਇੱਕ ਮਾਹੌਲ ਵਿੱਚ ਆਉਂਦੇ ਹੋ। ਤਾਂ ਤੁਸੀਂ ਇੱਥੇ ਕਈ ਘੰਟੇ ਬੈਠਦੇ ਹੋ, ਧੀਰਜ ਰੱਖਦੇ ਹੋ, ਮੇਰੇ ਸਾਰੇ ਚੁਟਕਲੇ ਸੁਣਦੇ ਹੋ, ਅਤੇ ਬੱਸ ਇਹੀ ਹੈ। ਤਾਂ ਤੁਸੀ ਮੈਨੂੰ ਜ਼ਰੂਰ ਜਾਣਦੇ ਹੋਵੋਂਗੇ। ਇਸੇ ਲਈ ਜ਼ਿਆਦਾਤਰ ਗੁਰੂ ਮਰਦ ਹਨ। ਪ੍ਰਮਾਤਮਾ ਜਾਣਦਾ ਹੈ। ਪ੍ਰਮਾਤਮਾ ਜਾਣਦਾ ਹੈ। ਪ੍ਰਮਾਤਮਾ ਜਾਣਦਾ ਹੈ ਕਿ ਆਦਮੀ ਜ਼ਿਆਦਾ ਹਮਲਾਵਰ ਹੁੰਦੇ ਹਨ, ਵਧੇਰੇ ਉਤਸ਼ਾਹੀ, ਵਧੇਰੇ ਮਿਲਣਸਾਰ, ਅਤੇ ਹਿੰਮਤੀ। ਅਸੀਂ ਔਰਤਾਂ ਪੈਸਿਵ ਹਾਂ। ਕੋਈ ਗੱਲ ਨਹੀਂ। ਅਸੀਂ ਦੇਖਾਂਗੇ ਕਿ ਅਸੀਂ ਕੀ ਕਰ ਸਕਦੇ ਹਾਂ। ਇਸ ਲਈ ਤੁਸੀਂ ਉਹ ਚੁਣੋ ਜੋ ਤੁਸੀਂ ਚਾਹੁੰਦੇ ਹੋ - ਬਸ ਜੋ ਤੁਸੀਂ ਚਾਹੁੰਦੇ ਹੋ ਲਓ।

ਅਤੇ ਜੋ ਵੀ ਤੁਹਾਡੇ ਨਾਲ ਜਾਣਾ ਪਸੰਦ ਕਰਦਾ ਹੈ, ਉਸਦਾ ਸਵਾਗਤ ਹੈ - ਸਾਰੇ ਅਫਰੀਕਾ ਵਿੱਚ ਪਰਵਾਸ ਕਰੋ। ਅਤੇ ਮੈਨੂੰ ਇਕੱਲਾ ਛੱਡ ਦਿਓ। ਮੈਂ ਠੀਕ ਹੋਵਾਂਗੀ, ਮੈਂ ਠੀਕ ਹੋਵਾਂਗੀ। ਹਾਂਜੀ, ਉਹ ਦਿਨ ਹੋਵੇਗਾ ਜੋ ਮੈਂ ਮਨਾਵਾਂਗੀ। ਪੂਰੀ ਤਰ੍ਹਾਂ ਭਾਫ ਨਾਲ ਬਣਾਇਆ ਕੇਲਾ। ਹਾਏ ਮੇਰੇ ਰੱਬਾ! ਕੀ ਕੋਈ ਅਫਰੀਕਾ ਜਾਣਾ ਚਾਹੁੰਦਾ ਹੈ? (…) ਸ਼ਾਇਦ, ਉਹ ਪ੍ਰਤਿਭਾ ਨਾਲ ਭਰਪੂਰ ਹੈ। (ਓਹ, ਹਾਂਜੀ।) ਉਹ ਕੁਝ ਵੀ ਕਰ ਸਕਦਾ ਹੈ। (ਹਾਂਜੀ।) ਉਹ ਸਭ ਕੁਝ ਉਗਾ ਸਕਦਾ ਹੈ। ਤੁਸੀਂ ਦੇਖਿਆ ਕਿ ਉਹ ਆਪਣੀ ਦਾੜ੍ਹੀ ਕਿਵੇਂ ਵਧਾਉਂਦਾ ਹੈ? ਫਿਰ ਤੋਂ ਤੁਹਾਡੇ ਖਰਚੇ 'ਤੇ। ਇਹ ਦਾੜ੍ਹੀ ਕਿਸੇ ਹੋਰ ਕੋਲ ਨਹੀਂ ਹੈ, ਇਸ ਲਈ...

ਠੀਕ ਹੈ, ਕੱਲ੍ਹ ਨੂੰ ਤੁਹਾਨੂੰ ਮਿਲਦੇ ਹਾਂ। ਤੁਹਾਡੇ ਕੋਲ ਕਰਨ ਲਈ ਬਹੁਤ ਕੰਮ ਹੈ ਜਾਂ ਨਹੀਂ? (ਹਾਂਜੀ।) ਹਾਂਜੀ? ਅਜੇ ਵੀ? ਕੀ ਉਹ ਸਾਰੇ ਦਿੱਤੇ ਨਹੀਂ ਗਏ? (ਲਗਭਗ।) (ਉਹ ਕਹਿੰਦੇ ਹਨ ਕਿ ਇਹ ਲਗਭਗ ਪੂਰਾ ਹੋ ਗਿਆ ਹੈ।) (ਲਗਭਗ ਹੋ ਗਿਆ।) ਲਗਭਗ ਹੋ ਗਿਆ, ਵਧੀਆ। ਠੀਕ ਹੈ, ਕੱਲ੍ਹ ਮਿਲਦੇ ਹਾਂ। ਬਸ ਇਹੀ ਹੈ! ਇਹ ਬਹੁਤ ਦੇਰ ਹੋ ਗਈ ਹੈ। ਬਹੁਤ ਦੇਰ ਹੋ ਗਈ ਹੈ ਅਤੇ ਹੁਣ ਅਸੀਂ ਤੁਹਾਨੂੰ ਬਹੁਤ ਦੇਰ ਤੱਕ ਰੋਕ ਕੇ ਰੱਖਿਆ। ਅਫਰੀਕਾ ਵਿੱਚ, ਤੁਸੀਂ ਜਲਦੀ ਸੌਂਦੇ ਹੋ, ਠੀਕ ਹੈ? (ਇਕ ਫਾਉਂਡੇਸ਼ਨ ਵਿਚ, ਨਹੀਂ।) ਨਹੀਂ? ਸਵੇਰੇ ਦੋ ਵਜੇ? (ਅੱਜ, ਪਰ ਇਹ ਨਿਰਭਰ ਕਰਦਾ ਹੈ।) ਹਾਂਜੀ, ਇਹ ਨਿਰਭਰ ਕਰਦਾ ਹੈ। (ਪਰ ਆਮ ਤੌਰ 'ਤੇ ਸੌਣ ਦਾ ਸਮਾਂ (ਰਾਤ ਦੇ) ਦਸ ਵਜੇ ਦੇ ਆਸਪਾਸ ਹੁੰਦਾ ਹੈ।) ਓਹ, ਇਹ ਸਭ ਤੋਂ ਵਧੀਆ ਸਮਾਂ ਹੈ। ਹਾਂਜੀ, ਸਾਡੇ ਸੈਂਟਰ ਵਿੱਚ ਵੀ। ਪਰ ਮੈਂ ਸਵੇਰੇ ਦਸ ਵਜੇ ਤੋਂ ਪਹਿਲਾਂ ਕਦੇ ਨਹੀਂ ਸੌਂਦੀ। ਭਿਆਨਕ। ਮੈਂ ਕੱਲ੍ਹ ਰਾਤ ਸਿਰਫ਼ ਡੇਢ ਜਾਂ ਦੋ ਘੰਟੇ ਹੀ ਸੁੱਤੀ। ਹਮੇਸ਼ਾ ਕੰਮ ਕਰਦੀ ਅਤੇ ਗੱਲਾਂ ਕਰਦੀ। ਤਾਂ, ਠੀਕ ਹੈ, ਮੈਂ ਤੁਹਾਨੂੰ ਕੱਲ੍ਹ ਲੈਕਚਰ 'ਤੇ ਮਿਲਾਂਗੀ, ਸ਼ਾਇਦ।

ਅਤੇ ਮੈਂ ਚਾਹੁੰਦੀ ਹਾਂ ਕਿ ਤੁਹਾਡਾ ਠਹਿਰਾਅ ਵਧੀਆ ਰਹੇ। ਇਕ ਸ਼ੁਭ ਰਾਤ। (ਸ਼ੁਭ ਰਾਤਰੀ।) ਸ਼ੁਭ ਰਾਤਰੀ। ਅੱਜ ਸ਼ਾਮ ਠਹਿਰਨਾ ਸੁਹਾਵਣਾ ਰਹੇ। (ਚੰਗੀ ਨੀਂਦ ਆਵੇ ਅਤੇ ਪਿਆਰੇ ਸੁਪਨੇ!) ਪਿਆਰੇ ਸੁਪਨੇ! ਹਾਂਜੀ। ਠੀਕ ਹੈ, ਭਰਾਵੋ। ਮੈਂ ਤੁਹਾਡਾ ਆਉਣ ਅਤੇ ਤੁਹਾਡੇ ਗੁਰੂ ਦੇ ਪਿਆਰ-ਭਰੇ ਸੰਦੇਸ਼ ਲਈ ਧੰਨਵਾਦ ਕਰਦੀ ਹਾਂ। ਜੇਕਰ ਭਵਿੱਖ ਵਿੱਚ ਅਸੀਂ ਕੁਝ ਵੀ ਕਰ ਸਕਦੇ ਹਾਂ, ਤਾਂ ਤੁਸੀਂ ਖੁਸ਼ਕਿਸਮਤ ਹੋਵੋਗੇ। (ਯਕੀਨਨ।) ਜੇ ਅਸੀਂ ਇਹ ਨਹੀਂ ਕਰ ਸਕਦੇ, ਤਾਂ ਤੁਸੀਂ ਜਾਣਦੇ ਹੋ ਕਿ ਤੁਸੀਂ “ਗਲਤ” ਸਮੂਹ ਵਿੱਚ ਆ ਗਏ ਹੋ। (ਅਸੀਂ ਆਤਮਵਿਸ਼ਵਾਸ ਰੱਖਦੇ ਹਾਂ। ਚਿੰਤਾ ਨਾ ਕਰੋ।) ਤਾਂ ਤੁਹਾਨੂੰ ਇਹ ਕਿੱਥੋਂ ਮਿਲਿਆ? ਕੀ ਸਾਰੇ ਅਫਰੀਕਾ ਤੋਂ ਆਏ ਹੋ? ਇਹ ਸਭ ਤਾਜ਼ਾ ਹੈ। ਠੀਕ ਹੈ, ਮੈਨੂੰ ਜਾਣਾ ਪਵੇਗਾ। ਜੇ ਮੈਨੂੰ ਬਹੁਤ ਜ਼ਿਆਦਾ ਖੰਘ ਆਉਂਦੀ ਹੈ, ਤਾਂ ਕੱਲ੍ਹ ਨੂੰ ਮੈਂ ਆਪਣੀ ਆਵਾਜ਼ ਗੁਆ ਬੈਠਾਂਗੀ। ਅਲਵਿਦਾ। ਤੁਸੀਂ ਸਭ ਕੁਝ ਸਮਝਦੇ ਹੋ, ਠੀਕ ਹੈ? (ਹਾਂਜੀ।) ਤੁਹਾਡਾ ਜਨਮ ਅਫਰੀਕਾ ਵਿੱਚ ਹੋਇਆ ਸੀ ਅਤੇ ਤੁਸੀਂ ਸਹੀ... ਤੁਸੀਂ ਸਭ ਕੁਝ ਜਾਣਦੇ ਹੋ। ਸੋ, ਭਰਾ... ਕਲ੍ਹ ਮਿਲਾਂਗੇ। ਤੁਸੀਂ ਕੱਲ੍ਹ ਤੱਕ ਰਹੋਗੇ ਜਾਂ ਬਾਅਦ ਵਿੱਚ? (ਹਾਂਜੀ।) ਠੀਕ ਹੈ। ਅਤੇ ਫਿਰ ਤੁਸੀਂ ਘਰ ਕਦੋਂ ਜਾਓਗੇ? (ਅਸੀਂ ਇੱਥੇ ਕੁਝ ਹਫ਼ਤਿਆਂ ਲਈ ਹੋ ਸਕਦੇ ਹਾਂ।) ਠੀਕ ਹੈ। ਠੀਕ ਹੈ। ਬੈਲਜੀਅਮ ਵਿੱਚ ਤੁਹਾਡਾ ਠਹਿਰਾਅ ਚੰਗਾ ਰਹੇ। ਅਤੇ ਭੈਣ ਤੁਹਾਡੀ ਬਹੁਤ ਚੰਗੀ ਤਰ੍ਹਾਂ ਦੇਖਭਾਲ ਕਰੇਗੀ। ਸ਼ੁਭ ਰਾਤਰੀ। (ਤੁਹਾਡਾ ਧੰਨਵਾਦ।) ਸ਼ੁਭ ਰਾਤਰੀ! (ਸ਼ੁਭ ਰਾਤਰੀ।)

Photo Caption: "ਪ੍ਰਮਾਤਮਾ ਦਾ ਧੰਨਵਾਦ ਕਿਸੇ ਵੀ ਅਜਿਹੇ ਬ੍ਰਹਮ ਤੋਹਫ਼ੇ ਲਈ!" (ਇੱਥੇ ਜੋ ਕੁਝ ਦਿਖਾਈ ਦਿੰਦਾ ਹੈ ਉਹ ਦਰਦ-ਰਹਿਤ ਹੈ)

ਫੋਟੋ ਡਾਊਨਲੋਡ ਕਰੋ