ਅਫਰੀਕਾ ਤੋਂ ਪਿਆਰ ਨਾਲ, ਦਸ ਹਿਸਿਆਂ ਦਾ ਪੰਜਵਾਂ ਭਾਗ

ਇਸ ਐਪੀਸੋਡ ਵਿੱਚ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਖੁਸ਼ੀ ਨਾਲ ਅਫ਼ਰੀਕਨ ਮਹਿਮਾਨਨਿਵਾਜ਼ੀ, ਕਾਵਿਕ ਬੋਲੀ, ਅਤੇ ਬੰਬੀ ਬਾਬਾ ਅਤੇ ਉਨ੍ਹਾਂ ਦੇ ਪੈਰੋਕਾਰਾਂ ਵਿਚੋਂ ਇਕ ਤੋਂ ਪ੍ਰਾਪਤ ਸੁੰਦਰ-ਲਿਖੇ ਪੱਤਰਾਂ 'ਤੇ ਵਿਚਾਰ ਕਰਦੇ ਹਨ।

ਓਹ, ਇਹ ਬਹੁਤ ਸੋਹਣਾ ਹੈ, ਜਿਸ ਤਰੀਕੇ ਨਾਲ ਤੁਸੀਂ ਬੋਲਦੇ ਹੋ। ਮੈਂ ਜਿੰਨੇ ਵੀ ਅਫਰੀਕਨ ਲੋਕਾਂ ਨੂੰ ਮਿਲੀ ਹਾਂ, ਉਨ੍ਹਾਂ ਨੇ ਇਸੇ ਤਰ੍ਹਾਂ ਗੱਲ ਕੀਤੀ। ਉਹ ਕਵਿਤਾ ਵਾਂਗ ਬੋਲਦੇ ਹਨ, ਅਤੇ ਇਹ ਮੈਨੂੰ ਬਹੁਤ ਪਸੰਦ ਆਉਂਦਾ ਹੈ। ਮੈਨੂੰ ਲੱਗਦਾ ਹੈ ਕਿ ਮੈਂ ਆਪਣੇ ਪੈਰੋਕਾਰਾਂ ਨੂੰ ਯੂਗਾਂਡਾ ਭੇਜਾਂਗੀ ਤਾਂ ਜੋ ਤੁਹਾਡੇ ਗੁਰੂ ਉਨ੍ਹਾਂ ਨੂੰ ਸਿਖਾ ਸਕਣ ਕਿ ਕਿਵੇਂ ਸ਼ਿਸ਼ਟਾਚਾਰ ਹੋਣਾ ਹੈ, ਅਦਬੋ ਆਦਾਬ ਅਤੇ ਕਿਵੇਂ ਬੋਲਣਾ ਹੈ। (ਪਰ ਅਫਰੀਕਾ ਵਿੱਚ, ਅਸੀਂ ਇਹ ਵੀ ਸੋਚਦੇ ਹਾਂ ਕਿ ਅਸੀਂ ਤਾਈਵਾਨ (ਫਾਰਮੋਸਾ) ਤੋਂ ਉੱਚੇ ਸ਼ਿਸ਼ਟਾਚਾਰ, ਅਦਬੋ ਆਦਾਬ ਸਿੱਖ ਰਹੇ ਹੋਵਾਂਗੇ।) ਓਹ, ਸੱਚਮੁਚ? ਨਹੀਂ। ਤਾਈਵਾਨ (ਫਾਰਮੋਸਾ) ਵਿੱਚ, ਅਸੀਂ ਸਿਰਫ਼ ਕੰਮ ਕਰਦੇ ਹਾਂ। ਅਸੀਂ ਸ਼ਾਇਦ ਅਧਿਆਤਮਿਕ ਜੀਵਨ ਦੇ ਕਵਿਤਾ ਵਾਲੇ ਪਖ ਵੱਲ ਬਹੁਤਾ ਧਿਆਨ ਨਹੀਂ ਦਿੰਦੇ। ਸ਼ਾਇਦ ਇਸ ਲਈ ਕਿਉਂਕਿ ਮੈਂ ਉਸ ਮਿਸ਼ਨ ਪ੍ਰਤੀ ਬਹੁਤ ਬੇਸਬਰੀ ਹਾਂ ਜੋ ਮੈਨੂੰ ਕਰਨਾ ਜ਼ਰੂਰੀ ਹੈ। ਮੈਂ ਚਾਹੁੰਦੀ ਹਾਂ ਕਿ ਇਹ ਜਲਦੀ ਹੋ ਜਾਵੇ ਅਤੇ ਸੇਵਾਮੁਕਤ ਹੋ ਜਾਵਾਂ, ਯੂਗਾਂਡਾ ਜਾਵਾਂ ਅਤੇ ਤੁਹਾਡੇ ਗੁਰੂ ਦੇ ਲਾਗੇ ਇੱਕ ਝਾੜੀ ਲੱਭਾਂ ਅਤੇ ਆਪਣਾ ਸਮਾਂ ਬਿਤਾਵਾਂ। ਅਤੇ ਸੰਸਾਰ ਦੇ ਸ਼ਿਸ਼ਟਾਚਾਰ, ਉਨ੍ਹਾਂ ਨੂੰ ਸਿੱਖਣ ਦਿਓ। (ਤੁਹਾਡਾ ਸਵਾਗਤ ਹੈ।) “ਤੁਹਾਡਾ ਸਵਾਗਤ ਹੈ," ਹਹ?

ਹਾਂਜੀ, ਹਾਂਜੀ। ਮੈਨੂੰ ਵੀ ਉਹ ਜ਼ਿੰਦਗੀ ਪਸੰਦ ਹੈ। ਕਈ ਵਾਰ ਜਦੋਂ ਮੈਂ ਕੁਝ ਸਮੇਂ ਲਈ ਜੰਗਲ ਵਿੱਚ ਇਕੱਲੀ ਬਚ ਕੇ ਭੱਜ ਸਕਦੀ ਹਾਂ, ਤਾਂ ਮੈਂ ਉੱਥੇ ਨਦੀ ਦੇ ਕੋਲ ਰੁਕਦੀ ਹਾਂ, ਘੱਟ ਜਾਂ ਵਧ ਝਾੜੀਆਂ ਵਿੱਚ ਵੀ, ਪਰ ਇੱਕ ਤੰਬੂ ਦੇ ਨਾਲ - ਇੱਕ ਤੰਬੂ ਵਿੱਚ। ਪਰ ਕਈ ਵਾਰ ਮੈਂ ਟੈਂਟ ਵਿੱਚ ਨਹੀਂ ਸੌਂਦੀ, ਪਰ ਜਦੋਂ ਮੀਂਹ ਪੈਂਦਾ ਹੈ। ਨਹੀਂ ਤਾਂ, ਮੈਂ ਕਈ ਵਾਰ ਨਦੀ ਦੇ ਕੰਢੇ ਵਾਲੀ ਚੱਟਾਨ 'ਤੇ ਸੌਂਦੀ ਹਾਂ ਜਾਂ ਅਭਿਆਸ ਕਰਦੀ ਹਾਂ,ਅਤੇ ਅਜਿਹਾ, ਅਤੇ ਇਹ ਬਹੁਤ ਸੁੰਦਰ ਹੈ। (ਸਿਵਾਏ ਜਦੋਂ ਮੀਂਹ ਪੈਂਦਾ ਹੈ, ਮੱਛਰਾਂ ਦੇ ਕਾਰਨ ਤੰਬੂ ਵਿੱਚ।) ਕੀ? ਹਾਂਜੀ - ਮੱਛਰ। ਸਾਡੇ ਕੋਲ ਮੱਛਰਦਾਨੀ ਹੋ ਸਕਦੀ ਹੈ। (ਮੱਛਰਦਾਨੀਆਂ।) ਮੈਨੂੰ ਉਹ ਜ਼ਿੰਦਗੀ ਪਸੰਦ ਹੈ, ਜਿੱਥੇ ਤੁਸੀਂ ਹਵਾ ਮਹਿਸੂਸ ਕਰ ਸਕਦੇ ਹੋ, ਅਤੇ ਤੁਸੀਂ ਚੰਦਰਮਾ ਅਤੇ ਤਾਰੇ ਅਤੇ ਇਹ ਸਭ ਕੁਝ ਵੇਖ ਸਕਦੇ ਹੋ।

ਅਫ਼ਰੀਕਨ ਲੋਕ, ਉਨ੍ਹਾਂ ਦਾ ਅਦਬੋ ਆਦਾਬ ਬਹੁਤ ਵਧੀਆ ਹੈ। (ਹਾਂਜੀ।) ਸੋ ਤੁਸੀਂ ਕੁਝ ਸਿੱਖਦੇ ਹੋ ਜਾਂ ਨਹੀਂ? ਅਤੇ ਤੁਸੀਂ ਉਨ੍ਹਾਂ ਨੂੰ ਕੁਝ ਪੈਸੇ ਦਿਓ... (ਟਿਊਸ਼ਨ।) ਹਹ? (ਟਿਊਸ਼ਨ।) ਟਿਊਸ਼ਨ ਫੀਸ। ਇੱਕ ਕੇਲਾ, ਇੱਕ ਘੰਟਾ। ਤੁਹਾਡਾ ਅਦਬੋ ਆਦਾਬ ਬਹੁਤ ਵਧੀਆ ਹੈ। ਮੈਨੂੰ ਇਹ ਬਹੁਤ ਪਸੰਦ ਹੈ। ਪਰ ਅਸੀਂ ਇੱਥੇ ਜਿਵੇਂ ਬੱਚਿਆਂ ਦੇ ਇੱਕ ਸਮੂਹ ਵਾਂਗ ਹਾਂ। ਉਹ ਖੇਡਦੇ ਹਨ। ਉਹ ਸਿਰਫ਼ ਸੌਣ ਤੋਂ ਪਹਿਲਾਂ ਆਪਣੀ ਕੈਂਡੀ, ਖਾਣਾ ਅਤੇ ਕਹਾਣੀ ਚਾਹੁੰਦੇ ਹਨ। ਮੈਂ ਹਰ ਵੇਲੇ ਘੁੰਮਦੀ ਰਹਿੰਦੀ ਹਾਂ। ਇਹੀ ਤਾਂ ਉਹ ਚਾਹੁੰਦੇ ਹਨ। ਜੇ ਮੈਂ ਉਨ੍ਹਾਂ ਨੂੰ ਕਰਨ ਦੇਵਾਂ, ਤਾਂ ਉਹ 24 ਘੰਟੇ ਆਸ ਪਾਸ ਘੁੰਮਦੇ ਰਹਿਣਗੇ। ਇਸ ਲਈ, ਮੈਂ ਜਿੱਥੇ ਵੀ ਜਾਂਦੀ ਹਾਂ, ਉਥੇ ਇੱਕ ਲੰਬੀ ਪੂਛ ਹੁੰਦੀ ਹੈ, ਅਤੇ ਉਹਨਾਂ ਨੂੰ ਵੱਖ ਕਰਨ ਲਈ ਬਹੁਤ ਝਿੜਕਣਾ ਪੈਂਦਾ ਹੈ।

ਅਤੇ ਗੁਰੂ ਵਿਅਸਤ ਹਨ। ਇਹ ਵੀ ਇੱਕ ਬਹੁਤ ਸੁੰਦਰ ਪੱਤਰ ਹੈ। ਬੇਸ਼ੱਕ, ਜਦੋਂ ਤੁਹਾਡਾ ਗੁਰੂ ਮੈਨੂੰ ਅਫਰੀਕਾ ਬੁਲਾਉਣ ਲਈ ਇੰਨੀ ਮਿਹਨਤ ਕਰਦਾ ਹੈ, ਤਾਂ ਮੈਂ ਸ਼ਰਮ ਮਹਿਸੂਸ ਕਰਾਂਗੀ ਜੇਕਰ ਮੈਂ ਸਵੀਕਾਰ ਨਹੀਂ ਕਰਦੀ। ਕਿਉਂਕਿ ਉਹ ਦੋ ਸੁੰਦਰ ਡੈਲੀਗੇਟਾਂ ਨੂੰ ਮੈਨੂੰ ਮੋਹਿਤ ਕਰਨ ਅਤੇ ਯਕੀਨ ਦਿਵਾਉਣ ਲਈ ਇੱਥੇ ਭੇਜਦਾ ਹੈ। ਬੇਸ਼ੱਕ, ਮੈਂ ਆਵਾਂਗੀਂ। ਪਰ ਕਿਰਪਾ ਕਰਕੇ ਗੁਰੂ ਜੀ ਨੂੰ ਦੱਸ ਦਿਓ ਕਿ ਕੋਈ ਤਿਆਰੀ ਦੀ ਲੋੜ ਨਹੀਂ ਹੈ। ਸਾਨੂੰ ਕੁਝ ਵੀ ਨਹੀਂ ਚਾਹੀਦਾ। ਬਸ ਇਸ ਨੂੰ ਉਸੇ ਤਰ੍ਹਾਂ ਕਰੋ... ਇਸਨੂੰ ਉਸੇ ਤਰ੍ਹਾਂ ਕਰੋ ਜਿਵੇਂ ਅਫ਼ਰੀਕਨ ਲੋਕ ਕਰਨਾ ਪਸੰਦ ਕਰਦੇ ਹਨ। ਮੈਨੂੰ ਇੱਕ ਬਦਲਾਅ ਦਾ ਆਨੰਦ ਲੈਣਾ ਪਸੰਦ ਹੈ। (ਅਫ਼ਰੀਕਨ ਪਰਾਹੁਣਚਾਰੀ - ਅਸੀਂ ਇਸਨੂੰ ਕਹਿੰਦੇ ਹਾਂ।) ਕੀ? (ਅਫ਼ਰੀਕਨ ਪਰਾਹੁਣਚਾਰੀ।) ਓਹ, ਹਾਂਜੀ, ਹਾਂਜੀ। ਤੁਸੀਂ ਉਹੀ ਕਰੋ ਜੋ ਗੁਰੂ ਨੂੰ ਠੀਕ ਲੱਗਦਾ ਹੈ। ਅਤੇ, ਬੇਸ਼ੱਕ, ਅਸੀਂ ਇਸਦਾ ਆਨੰਦ ਮਾਣਾਂਗੇ। ਅਸੀਂ ਉੱਥੇ ਜੋ ਵੀ ਹੈ ਉਸਦਾ ਆਨੰਦ ਮਾਣਾਂਗੇ। ਸਾਨੂੰ ਇਹ ਬਹੁਤ ਪਸੰਦ ਆਵੇਗਾ।

ਅਤੇ ਕੀ ਸਾਨੂੰ ਸਮਾਰੋਹ ਦੇ ਰੰਗ ਵਿੱਚ ਸ਼ਾਮਲ ਕਰਨ ਲਈ ਤਾਈਵਾਨ (ਫਾਰਮੋਸਾ) ਜਾਂ ਹੋਰ ਦੇਸ਼ਾਂ ਤੋਂ ਕੁਝ ਲਿਆਉਣ ਦੀ ਲੋੜ ਹੈ? ਕੀ ਕਿਸੇ ਚੀਜ਼ ਦੀ ਲੋੜ ਹੈ, ਪ੍ਰਤੀਕਾਤਮਕ ਤੌਰ 'ਤੇ? ਕੀ ਗੁਰੂ ਜੀ ਨੇ ਕਿਸੇ ਚੀਜ਼ ਦਾ ਜ਼ਿਕਰ ਕੀਤਾ? ਨਹੀਂ। (ਅਸਲ ਵਿਚ ਨਹੀ। ਅਸਲ ਵਿੱਚ ਕੁਝ ਖਾਸ ਨਹੀਂ। ਪਰ ਸਾਡਾ ਮੰਨਣਾ ਹੈ ਕਿ, ਯੂਗਾਂਡਾ ਦੇ ਜਲਵਾਯੂ ਬਾਰੇ ਕੁਝ ਜਾਣਨ ਤੋਂ ਇਲਾਵਾ, ਅਸਲ ਵਿੱਚ ਕੁਝ ਖਾਸ ਲੋੜੀਂਦਾ ਨਹੀਂ ਹੈ। ਜੇ ਲੋਕ ਸੱਚਮੁੱਚ ਰਹਿ ਸਕਦੇ ਹਨ, ਤਾਂ ਅਫਰੀਕਾ ਵਿੱਚ ਮੱਛਰਾਂ ਦੀ ਸਮੱਸਿਆ ਬਾਰੇ ਜਾਣਨਾ ਮਹੱਤਵਪੂਰਨ ਹੈ।) ਓਹ, ਕੋਈ ਗੱਲ ਨਹੀਂ, ਉਹ ਸਾਰੇ ਲੈਸ ਹਨ। (ਇਸ ਲਈ, ਲੋਕ ਤੰਬੂ ਅਤੇ ਮੱਛਰਦਾਨੀਆਂ ਲੈ ਕੇ ਆਉਣਗੇ।) ਹਾਂਜੀ। ਉਹ ਟੈਂਟ ਅਤੇ ਮੱਛਰਦਾਨੀਆਂ ਲੈ ਕੇ ਆਉਂਦੇ ਹਨ, ਉਹ ਇਸਦੇ ਆਦੀ ਹਨ। (ਅਤੇ ਪਾਣੀ-ਸ਼ੁੱਧ ਕਰਨ ਵਾਲੇ (ਓਹ, ਹਾਂਜੀ। ਹਾਂਜੀ।) ਕਿਉਂਕਿ ਉਥੇ ਕੋਈ (ਪਾਣੀ ਨਹੀਂ ਹੈ।) ਵਗਦਾ ਪਾਣੀ ਨਹੀਂ ਹੈ।) ਓਹ, ਮੈਂ ਸਮਝ ਗਈ। ਮੈਂ ਸਮਝ ਗਈ। ਠੀਕ ਹੈ।

(ਅਤੇ ਤੁਹਾਨੂੰ ਚਾਹੀਦਾ ਹੈ, ਸ਼ਾਇਦ ਮਲੇਰੀਆ ਲਈ ਪਹਿਲਾਂ ਤੋਂ ਕੁਝ ਗੋਲੀਆਂ ਲੈਣੀਆਂ।) ਓਹ, ਹਾਂਜੀ? (.....ਰੋਕਥਾਮ ਲਈ।) ਓਹ! (ਉਥੇ ਇਕ... ਇਹ ਬਹੁਤ ਮਸ਼ਹੂਰ ਹੈ...) ਇਹ ਕਿਵੇਂ ਕਰੀਏ? (ਤੁਸੀਂ ਬੱਸ ਜਾਓ ਅਤੇ ਟੀਕੇ ਲਗਾਓ।) ਇੱਕ ਟੀਕਾ ਲਗਾਉਣਾ।। (ਜਾਂ ਤੁਸੀਂ ਗੋਲੀਆਂ ਲੈ ਸਕਦੇ ਹੋ।) ਗੋਲੀਆਂ - ਗੋਲੀਆਂ ਬਿਹਤਰ ਹਨ। (ਜਦੋਂ ਅਸੀਂ ਹਾਂਗ ਕਾਂਗ ਗਏ ਸੀ ਤਾਂ ਅਸੀਂ ਮਲੇਰੀਆ ਦੀਆਂ ਗੋਲੀਆਂ ਲਈਆਂ। ਤੁਸੀਂ ਉਨ੍ਹਾਂ ਨੂੰ ਬਹੁਤ ਜਲਦੀ ਲੈ ਸਕਦੇ ਹੋ।) ਹਾਂਗ ਕਾਂਗ ਵਿੱਚ ਵੀ ਤੁਹਾਨੂੰ ਲੈਣਾ ਜ਼ਰੂਰੀ ਹੈ? (ਖੈਰ, ਅਸੀਂ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਸੀ।) ਓਹ, ਹਾਂਜੀ? ਠੀਕ ਹੈ, ਸਾਰਿਆਂ ਨੂੰ ਤਿੰਨ ਗੋਲੀਆਂ। ਕਿੰਨੀਆਂ ਗੋਲੀਆਂ? (ਕੀ ਤੁਹਾਨੂੰ ਯਾਦ ਹੈ?) ਅਤੇ ਕਿੰਨਾ ਚਿਰ ਪਹਿਲਾਂ? (ਆਮ ਤੌਰ 'ਤੇ ਇੱਕ ਨੁਸਖ਼ਾ ਹੁੰਦਾ ਹੈ ਜੋ ਤੁਹਾਨੂੰ ਦੋ ਹਫ਼ਤਿਆਂ ਲਈ ਲੈਣਾ ਪੈਂਦਾ ਹੈ, ਆਮ ਤੌਰ 'ਤੇ ਜਾਣ ਤੋਂ ਪਹਿਲਾਂ।) ਓਹ। ਅਤੇ ਦਿਨ ਵਿੱਚ ਇੱਕ ਵਾਰ? (ਤੁਹਾਨੂੰ ਇਹ ਜਾਣ ਤੋਂ ਦੋ ਹਫ਼ਤੇ ਪਹਿਲਾਂ ਅਤੇ ਆਮ ਤੌਰ 'ਤੇ, ਉੱਥੇ ਹੋਣ ਦੇ ਪੂਰੇ ਸਮੇਂ ਲਈ ਲੈਣਾ ਪੈਂਦਾ ਹੈ। ਮੇਰਾ ਮਤਲਬ ਹੈ ਉੱਥੇ ਹੋਣ ਤੋਂ ਕੁਝ ਹਫ਼ਤਿਆਂ ਤਕ।) (ਇਹ ਸਿਰਫ ਨਿਯਮ ਹਨ।) ਹਾਏ, ਮੇਰੇ ਰੱਬਾ।

(ਇਹ ਬਹੁਤ ਗੁੰਝਲਦਾਰ ਨਹੀਂ ਹੈ। ਅਸੀਂ ਇੱਥੇ ਪਤਾ ਲਗਾਵਾਂਗੇ ਕਿਉਂਕਿ ਬੈਲਜੀਅਮ ਵਿੱਚ...) (ਹਾਂਜੀ, ਇਹ ਸੱਚ ਹੈ।) (ਬੈਲਜੀਅਮ ਵਿੱਚ, ਉਥੇ ਬਹੁਤ ਸਾਰੇ ਲੋਕ ਅਫਰੀਕਾ ਦੀ ਯਾਤਰਾ ਕਰ ਰਹੇ ਹਨ। ਅਤੇ ਅਸੀਂ ਸਭ ਤੋਂ ਵਧੀਆ ਬ੍ਰਾਂਡ ਲੱਭਣ ਜਾ ਰਹੇ ਹਾਂ ਜੋ ਮੌਜੂਦ ਹੈ, ਅਤੇ ਨੁਸਖ਼ੇ ਵਿਚ ਜੋ ਹੈ। ਅਸੀਂ ਤੁਹਾਨੂੰ ਸੂਚਿਤ ਕਰ ਸਕਾਂਗੇ ।) (ਆਮ ਤੌਰ 'ਤੇ, ਜ਼ਿਆਦਾਤਰ ਦੇਸ਼ਾਂ ਵਿੱਚ ਉਨ੍ਹਾਂ ਕੋਲ ਮੁਫ਼ਤ ਕਲੀਨਿਕ ਹੁੰਦੇ ਹਨ ਜਿੱਥੇ ਤੁਸੀਂ ਇਸਨੂੰ ਮੁਫ਼ਤ ਵਿੱਚ ਪ੍ਰਾਪਤ ਕਰ ਸਕਦੇ ਹੋ।) ਮੁਫ਼ਤ ਕਲੀਨਿਕ ਲਈ ਸਮਸ‌ਿਆ ਨਾ ਪੈਦਾ ਕਰੋ, ਤੁਹਾਨੂੰ ਉੱਥੇ ਚੀਜ਼ਾਂ ਲੈ ਕੇ ਜਾਣੀਆਂ ਚਾਹੀਦੀਆਂ ਹਨ। ਤੁਸੀਂ ਇਹ ਲੋਕਾਂ ਤੋਂ ਨਹੀਂ ਲੈਂਦੇ। ਸਾਨੂੰ ਉਡੀਕ ਕਰਨ ਦੀ ਬਜਾਏ ਦਵਾਈ ਉੱਥੇ ਲੈ ਕੇ ਜਾਣੀ ਚਾਹੀਦੀ ਹੈ। (ਉਨ੍ਹਾਂ ਦੇ ਜਾਣ ਤੋਂ ਪਹਿਲਾਂ, ਸਾਨੂੰ ਸਿਰਫ਼ ਇੱਕ ਘਟੋ ਘਟ ਇਕ ਹਫ਼ਤਾ ਪਹਿਲਾਂ ਲੈਣੀ ਪਵੇਗੀ।) ਹਾਂਜੀ, ਦੋ ਹਫ਼ਤੇ ਪਹਿਲਾਂ। (ਦੋ ਹਫ਼ਤੇ ਪਹਿਲਾਂ।) ਓਹ, ਤੁਸੀਂ ਮੈਨੂੰ ਸੱਦਾ ਸਵੀਕਾਰ ਕਰਨ ਤੋਂ ਪਹਿਲਾਂ ਇਹ ਸਭ ਨਹੀਂ ਦੱਸਿਆ ਸੀ। ਹੁਣ ਕੀ ਕਰਨਾ ਹੈ? ਸੋ ਮੈਂ ਤੁਹਾਨੂੰ ਉੱਥੇ ਭੇਜਦੀ ਹਾਂ।

ਮੈਨੂੰ ਨਹੀਂ ਲਗਦਾ ਇਹ ਕੋਈ ਸਮਸ‌ਿਆ ਹੈ। ਮੈਂ ਭਾਰਤ ਵਿੱਚ ਰਹੀ ਹਾਂ। (ਓਹ, ਹਾਂਜੀ।) ਇਹ ਇਸੇ ਤਰ੍ਹਾਂ ਦਾ ਮਾਹੌਲ ਹੈ। (ਇਸੇ ਤਰ੍ਹਾਂ ਦਾ।) ਇਸੇ ਤਰਾਂ ਦਾ ਮਹੌਲ ਹੈ। ਹਾਂਜੀ। ਮੈਨੂੰ ਕੋਈ ਸਮੱਸਿਆ ਨਹੀਂ ਲੱਗਦੀ। (ਨਹੀਂ। ਪਰ ਅਜ਼ੇ ਵੀ ਇਹ... ਮੇਰਾ ਮਤਲਬ ਰੋਕਥਾਮ ਉਪਾਅ ਹੈ।) ਮੈਂ ਕਦੇ ਨਹੀਂ ਰੋਕਿਆ, ਪਰ ਜੇ ਤੁਸੀਂ ਕਹਿੰਦੇ ਹੋ, ਤਾਂ ਸ਼ਾਇਦ। ਮੇਰੇ ਰੱਬਾ, ਜੇ ਤੁਸੀਂ ਨਾ ਕਹਿੰਦੇ ਤਾਂ ਮੈਂ ਉੱਥੇ ਕਾਹਲੀ ਨਾਲ ਪਹੁੰਚ ਜਾਂਦੀ। ਮੈਨੂੰ ਕੁਝ ਨਹੀਂ ਪਤਾ, ਅਤੇ ਪ੍ਰਮਾਤਮਾ ਮੈਨੂੰ ਅਸੀਸ ਦੇਵੇਗਾ। ਓਹ, ਮੈਂ (…) ਨਾਲ ਨਹੀਂ ਜਾਂਦੀ ਕਿਉਂਕਿ ਉਹ ਬਹੁਤ ਗੁੰਝਲਦਾਰ ਹੈ। ਉਹ ਮੈਨੂੰ ਇਹ ਅਤੇ ਉਹ ਸਭ ਰੋਕਥਾਮ ਦੱਸੇਗੀ। ਮੈਨੂੰ ਅਸਲ ਵਿੱਚ ਕੁਝ ਵੀ ਨਹੀਂ ਚਾਹੀਦਾ। ਮੈਂ ਭਾਰਤ ਗਈ ਹਾਂ, ਅਤੇ ਮੈਨੂੰ ਕਿਸੇ ਚੀਜ਼ ਦੀ ਲੋੜ ਨਹੀਂ ਸੀ। ਕੀ ਮੈਨੂੰ ਕੋਈ ਟੀਕਾ ਲਗਾਉਣ ਦੀ ਲੋੜ ਹੈ? ਮੈਨੂੰ ਯਾਦ ਨਹੀਂ। ਨਹੀਂ, ਨਹੀਂ।

ਇਹ ਬਹੁਤ ਸੋਹਣਾ ਪੱਤਰ ਹੈ, ਉਹ ਕਹਿੰਦੇ ਹਨ। ਬਹੁਤ ਸੋਹਣਾ ਪੱਤਰ। ਜਿਸ ਤਰ੍ਹਾਂ ਉਹ ਦਿਖਾਈ ਦਿੰਦੇ ਹਨ, ਸਭ ਕੁਝ ਬਹੁਤ ਅਧਿਆਤਮਿਕ ਹੈ। (ਲੈਟਰਹੈੱਡ ਖਾਸ ਤੌਰ 'ਤੇ ਸੀਸਾਮੀਰੇਂਬੇ ਪ੍ਰੋਗਰਾਮ ਲਈ ਬਣਾਇਆ ਗਿਆ ਹੈ।) ਇਹ ਕੀ ਹੈ? (ਲੈਟਰਹੈੱਡ।) ਹਾਂਜੀ। ਓਹ, ਕੀ ਇਹ ਸਹੀ ਹੈ? (ਹਾਂਜੀ। ਇਹ ਜੁਲਾਈ ਵਿੱਚ ਸਾਡੀ ਕਾਨਫਰੰਸ ਲਈ ਹੈ।) ਸੁੰਦਰ। ਤਾਂ, ਇਹ ਤੁਹਾਡੇ ਦੁਆਰਾ ਬਹੁਤ ਹੀ ਸੰਗਠਿਤ ਹੈ। ਅਸੀਂ ਕਦੇ ਵੀ ਕਿਸੇ ਚੀਜ਼ ਲਈ ਕੋਈ ਖਾਸ ਕੰਮ ਨਹੀਂ ਕੀਤਾ। ਬਹੁਤ ਸੰਗਠਿਤ। ਤੁਹਾਡਾ ਗਰੁੱਪ, ਬਹੁਤ ਸੰਗਠਿਤ। ਉਹ ਕਾਨਫਰੰਸ ਲਈ ਖਾਸ ਤੌਰ 'ਤੇ ਲੈਟਰਹੈੱਡ ਬਣਾਉਂਦੇ ਹਨ। ਅਸੀਂ ਅਜਿਹਾ ਕਦੇ ਨਹੀਂ ਕੀਤਾ। ਤੁਸੀਂ ਮੇਰੇ ਨਾਲ ਕਦੇ ਵੀ ਇੰਨਾ ਚੰਗਾ ਸਲੂਕ ਨਹੀਂ ਕੀਤਾ। ਤੁਸੀਂ ਮੈਨੂੰ ਕਦੇ ਕੋਈ ਖਾਸ ਲੈਟਰਹੈੱਡ ਨਹੀਂ ਦਿੰਦੇ। ਜਦੋਂ ਵੀ ਮੈਂ ਕੁਝ ਲਿਖਣਾ ਚਾਹੁੰਦੀ ਹਾਂ, ਮੈਂ ਪੇਪਰ ਟਿਸ਼ੂ ਲੱਭਦੀ ਹਾਂ। ਮੈਨੂੰ ਅਕਸਰ ਆਪਣੇ ਪੇਪਰ ਟਿਸ਼ੂ ਉੱਤੇ ਲਿਖਣਾ ਪੈਂਦਾ ਹੈ ਕਿਉਂਕਿ ਮੇਰੇ ਕੋਲ ਕੁਝ ਪ੍ਰੇਰਨਾ ਅਤੇ ਨੋਟ ਹੁੰਦੇ ਹਨ, ਅਤੇ ਮੈਨੂੰ ਆਪਣੇ ਆਲੇ-ਦੁਆਲੇ ਕੋਈ ਨੋਟ ਨਹੀਂ ਮਿਲਦਾ। ਉਹ ਮੇਰੇ ਲਈ ਕੋਈ ਲੈਟਰਹੈੱਡ ਨਹੀਂ ਬਣਾਉਂਦੇ। ਓਹ, ਮੈਂ ਸ਼ਿਕਾਇਤ ਕਰਦੀ ਹਾਂ।

ਤੁਸੀਂ ਦੇਖਿਆ। ਓਹ, ਮੈਨੂੰ ਲੱਗਦਾ ਹੈ ਕਿ ਤੁਹਾਡਾ ਗੁਰੂ ਬਹੁਤ ਸੰਗਠਿਤ ਹੈ, ਅਜਿਹੇ ਇੱਕ ਹਾਲਾਤ ਵਿੱਚ ਅਤੇ ਅਜਿਹੇ ਇੱਕ ਦੇਸ਼ ਵਿੱਚ, ਅਤੇ ਉਸਨੇ ਸਭ ਕੁਝ ਬਹੁਤ ਸੁੰਦਰ ਬਣਾਇਆ ਹੈ। ਅਤੇ ਸਾਡੇ ਕੋਲ ਤਾਈਵਾਨ (ਫਾਰਮੋਸਾ) ਵਿੱਚ ਸਭ ਕੁਝ ਹੈ, ਅਤੇ ਅਸੀਂ ਕੁਝ ਵੀ ਪ੍ਰਬੰਧ ਨਹੀਂ ਕਰਦੇ। (ਤਾਈਵਾਨ (ਫਾਰਮੋਸਾ) ਵਧੇਰੇ ਵਿਕਸਤ ਹੈ।) ਪਰ ਅਸੀਂ ਵਿਕਸਤ ਨਹੀਂ ਹਾਂ - ਅਸੀਂ ਅਜੇ ਵੀ ਤੰਬੂਆਂ ਵਿੱਚ ਰਹਿੰਦੇ ਹਾਂ। ਕੋਈ ਗੱਲ ਨਹੀਂ। ਮੈਨੂੰ ਇਮਾਰਤ ਬਣਾਉਣ ਦੀ ਕੋਈ ਪਰਵਾਹ ਨਹੀਂ। ਇਹੀ ਸਭ ਹੈ। ਅਜਿਹਾ ਨਹੀਂ ਹੈ ਕਿ ਅਸੀਂ ਇਸਨੂੰ ਪੁਗਾ ਨਹੀਂ ਸਕਦੇ। ਅਸੀਂ ਕਰ ਸਕਦੇ ਹਾਂ। ਤੁਸੀਂ ਦੇਖੋ, ਕੁਝ ਸਮੇਂ ਲਈ, ਜਿਸ ਚੀਜ਼ ਦੀ ਅਸੀਂ ਬਾਹਰ ਮਦਦ ਕਰਦੇ ਹਾਂ, ਅਸੀਂ ਬਹੁਤ ਸਾਰੀਆਂ ਇਮਾਰਤਾਂ ਬਣਾ ਸਕਦੇ ਹਾਂ। ਪਰ ਅਸੀਂ ਨਹੀਂ ਚਾਹੁੰਦੇ ਸੀ।

ਮੈਨੂੰ ਲੱਗਦਾ ਹੈ ਕਿ ਮੈਂ ਕਾਫੀ ਤੁਹਾਡੇ ਗੁਰੂ ਵਰਗੀ ਹਾਂ, ਇਮਾਰਤਾਂ ਦੀ ਬਹੁਤੀ ਪਰਵਾਹ ਨਹੀਂ ਕਰਦੀ। ਤੁਹਾਡੇ ਕੋਲ ਜੋ ਵੀ ਹੈ, ਤੁਸੀਂ ਬਸ ਇਸ ਵਿਚ ਰਹੋ। ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਮੈਂ ਇਮਾਰਤ ਅਤੇ ਉਸ ਸਭ ਦਾ ਆਨੰਦ ਨਹੀਂ ਮਾਣ ਸਕਦੀ। ਜੇ ਮੇਰੇ ਕੋਲ ਉਹ ਹਨ, ਤਾਂ ਮੈਂ ਉਨ੍ਹਾਂ ਦਾ ਆਨੰਦ ਮਾਣਦੀ ਹਾਂ। ਜੇ ਮੇਰੇ ਕੋਲ ਉਹ ਨਹੀਂ ਹਨ, ਤਾਂ ਮੈਂ ਉਨ੍ਹਾਂ ਨੂੰ ਨਹੀਂ ਬਣਾਉਂਦੀ। ਮੈਂ ਕੋਈ ਖੇਚਲ ਨਹੀਂ ਕਰਦੀ। ਕਿਉਂਕਿ ਜਦੋਂ ਤੁਸੀਂ ਇੱਕ ਘਰ ਜਾਂ ਇੱਕ ਮੰਦਰ ਬਣਾਉਂਦੇ ਹੋ, ਤਾਂ ਇਸ ਵਿੱਚ ਕਈ ਸਾਲ ਲੱਗ ਜਾਂਦੇ ਹਨ। ਅਤੇ ਇਹ ਕਦੇ ਵੀ ਉਸ ਤਰ੍ਹਾਂ ਸੰਪੂਰਨ ਨਹੀਂ ਹੁੰਦਾ ਜਿਵੇਂ ਇਹ ਸਵਰਗ ਵਿੱਚ ਹੈ। ਤਾਂ, ਅਸੀਂ ਪ੍ਰਵਾਹ ਨਹੀਂ ਕਰਦੇ। ਸੋਹਣਾ। ਬਿਲਕੁਲ। ਉਹ 7 ਤੋਂ 14 ਜੁਲਾਈ ਤੱਕ ਹੋਣਾ ਚਾਹੀਦਾ ਹੈ, ਠੀਕ ਹੈ? ਇਹ ਜਗ੍ਹਾ ਬਹੁਤ ਵੱਡੀ ਹੈ, ਠੀਕ ਹੈ? ਅਤੇ ਹਰ ਕੋਈ ਆਪਣਾ ਟੈਂਟ ਲੈ ਜਾਂਦਾ ਹੈ, ਸੋ ਕੋਈ ਸਮੱਸਿਆ ਨਹੀਂ। ਅਤੇ ਪਾਣੀ ਅਤੇ ਸਭ ਕੁਝ... (ਸਾਫ਼।) ਹਾਂਜੀ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਠੀਕ ਹਾਂ। ਅਸੀਂ ਪ੍ਰਬੰਧ ਕਰ ਸਕਦੇ ਹਾਂ। ਅਸੀਂ ਹਰ ਵੇਲੇ ਅਜਿਹਾ ਕਰਦੇ ਹਾਂ। ਕਈ ਵਾਰ ਸਾਡੇ ਕੋਲ ਇਕ ਸੱਤ-ਦਿਨਾਂ ਦੀ ਰਿਟਰੀਟ ਵੀ ਹੁੰਦੀ ਹੈ, ਅਤੇ ਅਸੀਂ ਨਦੀ ਦੇ ਕੋਲ ਡੇਰਾ ਲਾਉਂਦੇ ਹਾਂ, ਅਤੇ ਅਸੀਂ ਅਸਥਾਈ ਬਾਥਰੂਮ ਅਤੇ ਉਹ ਸਭ ਕੁਝ ਬਣਾਉਂਦੇ ਹਾਂ। ਬਹੁਤ ਵਧੀਆ। ਕੋਈ ਸਮਸ‌ਿਆ ਨਹੀਂ। ਪਰ ਹਜ਼ਾਰਾਂ ਲੋਕਾਂ ਦੇ ਬੈਠਣ ਲਈ ਕਈ ਵਾਰ ਇੱਕ ਹਫ਼ਤਾ ਪਹਿਲਾਂ ਇਸਦੀ ਤਿਆਰੀ ਕਰਨੀ ਪੈਂਦੀ ਹੈ।

ਉਹ ਸਭ ਕੁਝ ਜਾਣਦੇ ਹਨ। ਉਹ ਬਿਲਕੁਲ ਉਸੇ ਤਰ੍ਹਾਂ ਲਿਖਦੇ ਹਨ ਜਿਵੇਂ ਭਾਰਤ ਦੇ ਲੋਕ ਲਿਖਣਗੇ। ਉਹ ਕਾਲੀ ਯੋਗ, ਕਰਮ, ਨਿਰਵਾਣ, ਸੰਸਾਰ ਅਤੇ ਗੁਰੂ ਦੇ ਕਮਲ ਚਰਨਾਂ ਬਾਰੇ ਜਾਣਦੇ ਹਨ। ਮੈਨੂੰ ਲੱਗਦਾ ਹੈ ਕਿ ਮੇਰੇ ਪੈਰੋਕਾਰ ਉਹ ਵਾਲੇ ਹਨ ਜੋ ਇਨ੍ਹਾਂ ਸਾਰੇ ਸ਼ਬਦਾਂ ਬਾਰੇ ਘੱਟ ਜਾਣਦੇ ਹਨ - ਸੁੰਦਰ ਸ਼ਬਦ। ਕੀ ਮੈਂ ਕਦੇ ਆਪਣੇ ਭਾਸ਼ਣ ਵਿੱਚ "ਗੁਰੂ ਦੇ ਕਮਲ ਚਰਨਾਂ" ਵਰਗਾ (ਨਹੀਂ।) ਕੁਝ ਕਿਹਾ ਹੈ? ਤੁਸੀਂ ਮੈਨੂੰ ਸੱਤ ਸਾਲਾਂ ਤੋਂ ਸੁਣਦੇ ਰਹੇ ਹੋ। ਕੀ ਤੁਸੀਂ ਕਦੇ ਮੇਰੇ ਤੋਂ ਅਜਿਹਾ ਕੁਝ ਸੁਣਿਆ ਹੈ? ਕਦੇ ਨਹੀਂ। ਮੈਂ ਤੁਹਾਨੂੰ ਸਿਰਫ਼ ਖਾਣਾ ਅਤੇ ਚਾਹ ਬਾਰੇ ਸਿਖਾਉਂਦੀ ਹਾਂ। ਪਰ ਇਹ ਭੋਜਨ ਨਹੀਂ ਹੈ, ਇਹ ਇੱਕ ਅਧਿਆਤਮਿਕ ਭੋਜਨ ਹੈ। ਤਾਂ, ਇਹ ਬਹੁਤ ਸੋਹਣਾ ਹੈ। ਅਤੇ ਜਦੋਂ ਮੈਂ ਇਹ ਸਾਰਾ ਪੱਤਰ ਪੜ੍ਹਦੀ ਹਾਂ, ਤਾਂ ਮੈਨੂੰ ਸ਼ਰਮ ਆਉਂਦੀ ਹੈ। ਮੈਨੂੰ ਲੱਗਦਾ ਹੈ ਕਿ ਸਾਡੇ ਕੋਲ ਕੋਈ ਸੱਭਿਆਚਾਰ ਨਹੀਂ ਹੈ।

ਇਹ ਬਹੁਤ ਸੋਹਣਾ ਹੈ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਇਸਨੂੰ ਨਿਊਜ਼ਲੈਟਰ 'ਤੇ ਛਾਪਾਂਗੇ। ਕੀ ਅਸੀਂ ਇਹ ਕਰ ਸਕਦੇ ਹਾਂ? ਕੀ ਅਸੀਂ ਦੋਵੇਂ ਪਤਰ ਅਖ਼ਬਾਰ 'ਤੇ ਛਾਪ ਸਕਦੇ ਹਾਂ? ਮੈਂ ਇਸਨੂੰ ਨਿਊਜ਼ ਵਿਭਾਗ ਨੂੰ ਦੇ ਦਿਆਂਗੀਂ ਕਿਉਂਕਿ ਇਹ ਬਹੁਤ ਸੁੰਦਰ ਹੈ, ਬਹੁਤ ਸੁੰਦਰ। ਇਹ ਆਪਣੇ ਆਪ ਵਿੱਚ ਇੱਕ ਲੈਕਚਰ ਵਾਂਗ ਹੈ। ਇਹ ਸੁੰਦਰ ਹੈ। ਇੰਨਾ ਸੋਹਣਾ ਕਿ ਕਵਿਤਾ ਵਾਂਗ ਲਿਖਦਾ ਹੈ। ਅਤੇ ਉਹ ਬਿਨਾਂ ਸੁਧਾਰੇ ਲਿਖਦੀ ਹੈ। ਇੱਕ ਬਹੁਤ ਹੀ ਉੱਚ ਅਧਿਆਤਮਿਕ ਵਿਅਕਤੀ ਜ਼ਰੂਰ ਹੋਵੇਗਾ। ਤੁਸੀਂ ਇਸ ਵਿਅਕਤੀ ਨੂੰ ਨਿੱਜੀ ਤੌਰ 'ਤੇ ਜਾਣਦੇ ਹੋ। (ਉਹ ਸਾਡੇ ਭਾਈਚਾਰੇ ਦੀ ਇੱਕ ਮੈਂਬਰ ਹੈ।) ਮੈਨੂੰ ਪਤਾ ਹੈ। ਪਰ ਤੁਸੀਂ ਉਸਨੂੰ ਜਾਣਦੇ ਹੋ? ਤੁਸੀਂ ਇਕੱਠੇ ਕੰਮ ਕਰਦੇ ਹੋ? (ਜਿਸਨੇ ਚਿੱਠੀ ਲਿਖੀ ਸੀ?) ਇਹ ਵਾਲੀ। (ਹਾਂਜੀ। ਉਹ ਇੱਕ ਅਮਰੀਕਨ ਹੈ।) ਉਹ... ਤੋਂ ਆਈ ਹੈ) ਓਹ, ਕੀ ਇਹ ਸਹੀ ਹੈ? (...ਪਰ ਉਹ ਸਾਡੇ ਭਾਈਚਾਰੇ ਵਿਚ ਵਿੱਚ ਰਹਿ ਰਹੀ ਹੈ।) ਓਹ, ਕਿਉਂਕਿ ਉਹ ਗੁਰੂ ਦਾ ਪਾਲਣ ਕਰਦੀ ਹੈ। ਓਹ, ਸਮਝੇ। ਕੋਈ ਹੈਰਾਨੀ ਨਹੀਂ। (ਉਸਨੇ ਇਸਨੂੰ ਬਣਾਉਣ ਲਈ ਵਚਨਬੱਧ ਕੀਤਾ।) ਸਮਝੇ। ਬਹੁਤ ਸੋਹਣਾ। ਬਹੁਤ ਸੁੰਦਰ। (ਪਰ ਲਗਭਗ ਹਰ ਹਫ਼ਤੇ, ਸਾਡੀ ਫਾਊਂਡੇਸ਼ਨ ਤੋਂ ਉਥੇ ਤਾਈਵਾਨ (ਫਾਰਮੋਸਾ) ਨੂੰ ਇੱਕ ਪੱਤਰ ਆਉਂਦਾ ਹੈ।) ਓਹ, ਹਾਂਜੀ? (ਹਾਂਜੀ। ਹਰ ਹਫ਼ਤੇ ਉਥੇ ਇੱਕ ਚਿੱਠੀ ਹੁੰਦੀ ਹੈ।) ਓਹ, ਹਾਂਜੀ। (ਹਫ਼ਤੇ ਵਿੱਚ ਲਗਭਗ ਇੱਕ ਦਿਨ, ਉਹ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਲਿਖਦਾ ਹੈ।) ਓਹ, ਸੱਚਮੁਚ? ਮੈਨੂੰ ਲੱਗਦਾ ਹੈ ਕਿ ਜਦੋਂ ਮੈਂ ਬਾਹਰ ਸੀ, ਤਾਂ ਸਟਾਫ਼ ਨੇ ਮੇਰੇ ਲਈ ਉਨ੍ਹਾਂ ਦੇ ਜਵਾਬ ਦੇਣ ਦੀ ਆਜ਼ਾਦੀ ਲਈ ਹੋਵੇਗੀ। ਹਰ ਹਫ਼ਤੇ ਇੱਕ ਚਿੱਠੀ? (ਹਾਂਜੀ।) ਓਹ, ਇਹ ਇੱਕ ਪ੍ਰੇਮ ਕਹਾਣੀ ਵਾਂਗ ਹੈ। (ਉਨਾਂ ਨੇ ਇਥੋਂ ਤਕ ਕੁਝ ਸ਼ਬਦ ਦਿਤੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਪੋਸਟ ਕਰਨ ਲਈ।) ਓਹ, ਸੱਚਮੁੱਚ? ਤੁਸੀਂ ਇਹ ਜਾਣਦੇ ਹੋ? ਤੁਸੀਂ ਸਭ ਕੁਝ ਜਾਣਦੇ ਹੋ। ਉਹ ਇਹ ਤੁਹਾਨੂੰ ਦਿੰਦੇ ਹਨ, ਨਿੱਜੀ ਤੌਰ 'ਤੇ ਵੀ, ਤੁਹਾਡੇ ਸੂਟਕੇਸ ਵਿੱਚ? (ਹਾਂਜੀ।) ਇਹ ਪਹਿਲਾਂ ਹੀ ਇੱਥੇ ਹੈ। ਦੋ। (ਪਰ ਤੁਹਾਡੇ ਕੋਲ ਹੋਰ ਵੀ ਹਨ।) ਹੋਰ? ਓਹ, ਮੇਰੇ। ਉਨ੍ਹਾਂ ਲਈ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਚਿੱਠੀਆਂ ਲਿਖਣ ਦੇ ਸਿਵਾਏ ਉੱਥੇ ਕਰਨ ਲਈ ਕੁਝ ਨਹੀਂ ਹੈ? (ਨਹੀਂ, ਸਾਡੇ ਕੋਲ ਅਜੇ ਵੀ ਸਮਾਂ ਹੈ…) ਇਹ ਕਰਨ ਦਾ ਸਮਾਂ।

ਉਹ ਬਹੁਤ ਰੋਮਾਂਟਿਕ ਹਨ, ਅਫ਼ਰੀਕਨ। ਓਹ, ਬਹੁਤ ਸੋਹਣਾ। ਮੈਂ ਚਾਹੁੰਦੀ ਹਾਂ ਕਿ ਮੇਰੇ ਵੀ ਕੁਝ ਇਸ ਤਰ੍ਹਾਂ ਦੇ ਪੈਰੋਕਾਰ ਹੋਣ। ਕਿਉਂ ਨਾ ਆਪਾਂ ਅਦਲਾ-ਬਦਲੀ ਕਰੀਏ ਤੁਹਾਡੇ ਗੁਰੂ ਨਾਲ। ਉਹ ਮੇਰੇ ਲੈਂਦਾ ਹੈ ਅਤੇ ਮੈਂ ਉਸਦੇ ਲੈਂਦੀ ਹਾਂ। (ਵਟਾਂਦਰਾ ਸੰਭਵ ਹੈ।) ਐਕਸਚੇਂਜ, ਵਟਾਂਦਰਾ ਸੰਭਵ ਹੈ, ਹਹ? (ਅਸੀਂ ਅਦਲਾ-ਬਦਲੀ ਪ੍ਰਤੀ ਉਤਸੁਕ ਹਾਂ ।) ਪਰ ਮਿਸ਼ਰਣ ਬਿਹਤਰ ਹੈ। ਓਹ, ਮੇਰੇ ਰੱਬਾ। ਇਹ ਸੱਚ ਹੈ। ਇਹ ਸੱਚ ਹੈ। ਇਹ ਸੱਚ ਹੈ ਕਿ ਅਫਰੀਕਾ ਕੋਲ ਇੱਕ ਬਹੁਤ ਸਮੇਂ ਤੋਂ, ਕਈ ਲੱਖਾਂ ਸਾਲਾਂ ਤੋਂ ਗੁਰੂ ਨਹੀਂ ਹੈ। ਇਹ ਸਚ ਹੈ। ਹੁਣ ਉਨ੍ਹਾਂ ਨੇ ਮੇਰੇ ਮੋਢੇ 'ਤੇ ਭਾਰ ਪਾ ਦਿੱਤਾ। ਉਹ ਕਹਿੰਦੇ ਹਨ, "ਅਫ਼ਰੀਕਨ ਲੋਕਾਂ ਨੂੰ ਲੱਖਾਂ-ਕਰੋੜਾਂ ਸਾਲਾਂ ਤੋਂ ਬਹੁਤ ਵਿਕਸਤ ਹਸਤੀ ਦੀ ਮੌਜੂਦਗੀ ਦਾ ਆਸ਼ੀਰਵਾਦ ਨਹੀਂ ਮਿਲਿਆ ਹੈ, ਅਤੇ ਹੁਣ ਉਹ ਤੁਹਾਡੀ ਉਡੀਕ ਕਰ ਰਹੇ ਹਨ।" ਕੀ ਤੁਸੀਂ ਇਸ 'ਤੇ ਵਿਸ਼ਵਾਸ ਕਰ ਸਕਦੇ ਹੋ? ਸਾਰੇ ਬੋਝ।

ਨਹੀਂ। ਤੁਸੀਂ ਤਾੜੀਆਂ ਕਿਉਂ ਵਜਾ ਰਹੇ ਹੋ? ਜਿਵੇਂ, ਕੀ ਮੈਂ ਇਨ੍ਹਾਂ ਵੱਡੇ ਲੱਖਾਂ-ਕ੍ਰੋੜਾਂ ਸਾਲਾਂ ਲਈ ਜ਼ਿੰਮੇਵਾਰ ਹਾਂ? ਮੈਨੂੰ ਕੀ ਕਰਨਾ ਚਾਹੀਦਾ ਹੈ? "ਸੁਪਰੀਮ ਮਾਸਟਰ" ਦੇ ਖਿਤਾਬ ਦੇ ਬਾਵਜੂਦ, ਮੈਂ ਬਹੁਤ ਹੀ ਇੱਕ ਆਮ ਇਨਸਾਨ ਹਾਂ। ਬਿਲਕੁਲ ਕਿਸੇ ਜੀਵ ਵਾਂਗ ਜੋ ਆਪਣੇ ਸਿਰ 'ਤੇ ਇੱਕ ਤਾਜ ਪਹਿਨਦਾ ਹੈ… ਪਰ ਉਨਾਂ ਨੂੰ ਰਾਣੀ ਨਹੀਂ ਹੋਣਾ ਚਾਹੀਦਾ। ਇੱਕ ਰਾਣੀ ਬਣਨ ਦੀ ਜ਼ਿੰਮੇਵਾਰੀ ਕਿਉਂ ਲੈਣੀ ਹੈ? ਬਸ ਤਾਜ ਲੈ ਲੈਣਾ ਕਾਫ਼ੀ ਹੈ। ਮਾਫ਼ ਕਰਨਾ, ਮੈਂ ਬਹੁਤ ਜ਼ਿਆਦਾ ਮਜ਼ਾਕ ਕਰਦੀ ਹਾਂ ਜਾਂ ਨਹੀਂ? ਕੀ ਤੁਸੀਂ ਇਹਦੇ ਨਾਲ ਠੀਕ ਹੋ? ਤੁਹਾਨੂੰ ਇਸਦੀ ਆਦਤ ਹੈ ਜਾਂ ਨਹੀਂ? (ਇਹ ਠੀਕ ਹੈ।) ਸਾਨੂੰ ਪਹਿਲਾਂ ਤੁਹਾਡੇ ਭਾਈਚਾਰੇ ਨੂੰ ਕੁਝ ਮਜ਼ਾਕੀਆ ਟੇਪਾਂ ਭੇਜਣੀਆਂ ਚਾਹੀਦੀਆਂ ਹਨ। (ਸਾਨੂੰ ਅਨੁਕੂਲਿਤ ਕੀਤਾ ਗਿਆ ਹੈ।) ਅਤੇ ਫਿਰ ਉਨ੍ਹਾਂ ਨੂੰ ਤਿਆਰ ਰਹਿਣ ਦਿਓ। (ਇਹ ਠੀਕ ਹੈ।) ਮਜ਼ਾਕ ਉਡਾਉਣ ਦੀ ਮੇਰੀ ਪ੍ਰਤਿਭਾ ਹੈ। ਇਹ ਮੇਰੀਆਂ ਸਾਰੀਆਂ ਕਮੀਆਂ ਨੂੰ ਕਵਰ ਕਰਦਾ ਹੈ ਜੋ ਮੇਰੇ ਕੋਲ ਹਨ ਕਿਉਂਕਿ ਮੈਂ ਉਨ੍ਹਾਂ ਨੂੰ ਢੱਕਦੀ ਹਾਂ।

ਤਾਂ, ਇਹ ਸੱਚਮੁੱਚ ਇੱਕ ਮਜ਼ਬੂਤ ਪੱਤਰ ਹੈ। ਤੁਸੀਂ ਨਾਂਹ ਨਹੀਂ ਕਹਿ ਸਕਦੇ – ਇਸ ਤਰ੍ਹਾਂ ਦੀ ਇੱਕ ਚੀਜ਼ ਨੂੰ। ਪਰ ਕਿਉਂਕਿ ਮੈਂ ਲੋਕਾਂ ਨੂੰ ਪਿਆਰ ਕਰਦੀ ਹਾਂ, ਤੁਹਾਡੇ ਲੋਕਾਂ ਨੂੰ। ਇਸੇ ਲਈ। ਮੈਂ ਉਨ੍ਹਾਂ ਵਿੱਚੋਂ ਬਹੁਤਿਆਂ ਨੂੰ ਮਿਲੀ, ਅਤੇ ਮੈਨੂੰ ਇਕ ਚੰਗਾ ਪ੍ਰਭਾਵ ਪਿਆ ਸੀ। ਅਤੇ ਮੈਂ ਤੁਹਾਡੇ ਗੁਰੂ ਨੂੰ ਪਿਆਰ ਕਰਦੀ ਹਾਂ। ਉਹ ਸੋਹਣਾ ਹੈ। ਇਸ ਲਈ, ਘੱਟ ਜਾਂ ਵੱਧ ਮੈਂ ਤੁਹਾਡੇ ਸਮੂਹ ਦੇ ਵਾਈਬ੍ਰੇਸ਼ਨ ਦੀ ਪਹਿਲਾਂ ਹੀ ਆਦੀ ਹਾਂ। ਸੋ ਇਹ ਕੋਈ ਬਹੁਤੀ ਅਜੀਬ ਜਾਂ ਨਵੀਂ ਗੱਲ ਨਹੀਂ ਹੈ। ਪਾਲਮੀਰਾ ਵਿਚ ਸਦਾ ਦਿਓ? ਆਹ, ਨਿਊ ਜਰਸੀ - ਉਹ ਨਿਊ ਜਰਸੀ ਵਿੱਚ ਇੱਕ ਛੋਟੀ ਜਿਹੀ ਜਗ੍ਹਾ ਹੈ। ਓਹ, ਇਹ ਉਹ ਥਾਂ ਹੈ ਜਿੱਥੇ ਸਾਡਾ ਸੈਂਟਰ ਹੈ।

ਪਰ ਬੰਬੀ ਬਾਬਾ ਬਹੁਤ ਮਸ਼ਹੂਰ ਹੈ। ਬਹੁਤ ਸਾਰੇ ਲੋਕ ਉਸਨੂੰ ਜਾਣਦੇ ਹਨ। ਬਹੁਤ ਸਾਰੇ ਲੋਕ - ਉਦਾਹਰਣ ਵਜੋਂ, ਮੈਂ ਸੰਯੁਕਤ ਰਾਸ਼ਟਰ ਵਿੱਚ ਸੀ। (ਹਾਂਜੀ।) ਅਤੇ ਕਾਫੀ ਸਾਰੇ ਉਸਨੂੰ ਜਾਣਦੇ ਹਨ। ਉਹ ਮਸ਼ਹੂਰ ਹੈ। (ਪਰ ਘਰ ਵਿੱਚ ਨਹੀਂ।) ਕੀ? ਘਰੇ ਨਹੀਂ। (ਘਰ ਨਹੀਂ।) ਹਾਂਜੀ। ਇੱਕ ਨਬੀ ਆਪਣੇ ਜੱਦੀ ਸ਼ਹਿਰ ਵਿੱਚ ਬੇਇੱਜ਼ਤ ਹੁੰਦਾ ਹੈ, ਹਹ? (ਹਾਂਜੀ।) ਪਰ ਇਹ ਮਜ਼ਾਕੀਆ ਹੈ। ਇਹ ਮਜ਼ਾਕੀਆ ਹੈ। ਠੀਕ ਹੈ, ਮੈਂ ਆ ਕੇ ਅਫ਼ਰੀਕਾ ਦੇ ਲੋਕਾਂ ਨੂੰ ਸਿਖਾਵਾਂਗੀਂ ਕਿ ਆਪਣੇ ਗੁਰੂ ਦਾ ਸਤਿਕਾਰ ਕਿਵੇਂ ਕਰਨਾ ਹੈ - ਕਿ ਉਨ੍ਹਾਂ ਦੇ ਘਰ ਵਿੱਚ ਇੱਕ ਹੀਰੇ ਦੀ ਖਾਨ ਹੈ ਅਤੇ ਉਹ ਖੁਦਾਈ ਨਹੀਂ ਕਰਦੇ। ਅਤੇ ਉਹ ਵਿਦੇਸ਼ ਜਾਂਦੇ ਹਨ ਇੱਕ ਛੋਟਾ ਜਿਹਾ ਹੀਰੇ ਦਾ ਟੁਕੜਾ ਖਰੀਦਣ ਲਈ, ਮਹਿੰਗਾ, ਬਹੁਤ ਮਹਿੰਗਾ ਹੈ। ਉਹ ਬਹੁਤ ਸਮਰਪਿਤ ਹੈ।

Photo Caption: “ਸਾਰੀ ਸੁੰਦਰਤਾ ਨੂੰ ਬਣਾਈ ਰੱਖਣਾ ਜੋ ਪ੍ਰਮਾਤਮਾ ਸਾਡੇ ਸੰਸਾਰ ਨੂੰ ਦਿੰਦਾ ਹੈ ਨਿਮਰ ਸ਼ੁਕਰਗੁਜ਼ਾਰੀ ਨਾਲ”

ਫੋਟੋ ਡਾਊਨਲੋਡ ਕਰੋ