ਭਵਿਖਬਾਣੀ ਭਾਗ 420 - ਬਿਪਤਾ ਨੂੰ ਦੂਰ ਕਰਨ ਲਈ ਮੁਕਤੀਦਾਤੇ ਨਾਲ ਸਚੇ ਪਿਆਰ ਨੂੰ ਜਗਾਉ

ਗੋਰੇ ਆਦਮੀਆਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਲਾਲ ਲੋਕਾਂ ਲਈ, ਇਹ ਵਾਕਨ-ਟੰਕਾ, ਮਹਾਨ ਆਤਮਾ ਦੀ ਇੱਛਾ ਸੀ, ਕਿ ਇੱਕ ਜਾਨਵਰ ਆਪਣੇ ਆਪ ਨੂੰ ਦੋ-ਪੈਰਾਂ ਵਾਲੇ ਵਿਅਕਤੀ ਵਿੱਚ ਬਦਲ ਲਵੇ ਤਾਂ ਜੋ ਉਸਦੇ ਲੋਕਾਂ ਤੱਕ ਸਭ ਤੋਂ ਪਵਿੱਤਰ ਪਾਈਪ ਪਹੁੰਚ ਸਕੇ; ਅਤੇ ਸਾਨੂੰ ਵੀ ਸਿਖਾਇਆ ਗਿਆ ਸੀ ਕਿ ਇਹ ਚਿੱਟੀ ਮੱਝ ਗਊ ਔਰਤ ਜੋ ਸਾਡਾ ਪਵਿੱਤਰ ਪਾਈਪ ਲੈ ਕੇ ਆਈ ਸੀ, ਇਸ 'ਦੁਨੀਆਂ' ਦੇ ਅੰਤ 'ਤੇ ਦੁਬਾਰਾ ਪ੍ਰਗਟ ਹੋਵੇਗੀ - ਇੱਕ ਅਜਿਹਾ ਆਉਣਾ ਜਿਸ ਬਾਰੇ ਅਸੀਂ ਇੰਡੀਅਨਜ਼ ਜਾਣਦੇ ਹਾਂ ਕਿ ਹੁਣ ਬਹੁਤਾ ਦੂਰ ਨਹੀਂ ਹੈ।"

ਅੱਜ, 27 ਸਤੰਬਰ, "ਏਕਤਾ ਰਾਹੀਂ ਸ਼ਾਂਤੀ ਦੇ 99 ਦਿਨ" ਪਹਿਲਕਦਮੀ ਦਾ ਆਖਰੀ ਦਿਨ ਹੈ, ਜਿਸਨੂੰ ਇਹੈਂਕਟਨਵਾਨ ਡਕੋਟਾ ਅਤੇ ਚਿਕਾਸਾ ਫਸਟ-ਨੇਸ਼ਨਜ਼ ਦੇ ਮਾਣਯੋਗ ਮੁਖੀ ਫਿਲ ਲੇਨ ਜੂਨੀਅਰ (ਵੀਗਨ) ਨੇ 21 ਜੂਨ, 2026 ਨੂੰ ਸ਼ੁਰੂ ਕੀਤਾ ਸੀ। ਅਜਿਹੇ ਵਿਸ਼ਵਵਿਆਪੀ ਯਤਨਾਂ ਰਾਹੀਂ, ਅਸੀਂ ਇਸ ਸਮਾਗਮ ਦੇ ਥੀਮ - "ਸ਼ਾਂਤੀ ਚੁਣੋ। ਸ਼ਾਂਤੀ ਨਾਲ ਜੀਓ। ਜੰਗ ਖਤਮ ਕਰੋ" ਨੂੰ ਸਾਕਾਰ ਕਰਨ ਦੇ ਨੇੜੇ ਜਾ ਰਹੇ ਹਾਂ।

ਸਥਾਈ ਸ਼ਾਂਤੀ ਕਿਵੇਂ ਪ੍ਰਾਪਤ ਕੀਤੀ ਜਾਵੇ? ਪ੍ਰਸਿੱਧ ਓਗਲਾਲਾ ਲਕੋਟਾ (ਸਿਓਕਸ) ਫਸਟ-ਨੇਸ਼ਨ ਦੂਰਦਰਸ਼ੀ ਅਤੇ ਦਵਾਈ ਦੇ ਪਵਿੱਤਰ ਪੁਰਸ਼ ਬਲੈਕ ਐਲਕ ਨੇ ਇੱਕ "ਤਿੰਨ-ਗੁਣਾ" ਸ਼ਾਂਤੀ ਬਾਰੇ ਚਰਚਾ ਕੀਤੀ।

"ਪਹਿਲੀ ਸ਼ਾਂਤੀ, ਜੋ ਕਿ ਸਭ ਤੋਂ ਮਹੱਤਵਪੂਰਨ ਹੈ, ਉਹ ਹੈ ਜੋ ਮਨੁੱਖਾਂ ਦੀਆਂ ਰੂਹਾਂ ਦੇ ਅੰਦਰ ਉਦੋਂ ਆਉਂਦੀ ਹੈ ਜਦੋਂ ਉਹ ਬ੍ਰਹਿਮੰਡ ਅਤੇ ਇਸਦੀਆਂ ਸਾਰੀਆਂ ਸ਼ਕਤੀਆਂ ਨਾਲ ਆਪਣੇ ਰਿਸ਼ਤੇ, ਆਪਣੀ ਏਕਤਾ ਨੂੰ ਮਹਿਸੂਸ ਕਰਦੇ ਹਨ, ਅਤੇ ਜਦੋਂ ਉਹ ਮਹਿਸੂਸ ਕਰਦੇ ਹਨ ਕਿ ਬ੍ਰਹਿਮੰਡ ਦੇ ਕੇਂਦਰ ਵਿੱਚ ਵਾਕਨ-ਟੰਕਾ ਵੱਸਦਾ ਹੈ, ਅਤੇ ਇਹ ਕੇਂਦਰ ਅਸਲ ਵਿੱਚ ਹਰ ਜਗ੍ਹਾ ਹੈ, ਇਹ ਸਾਡੇ ਵਿੱਚੋਂ ਹਰੇਕ ਦੇ ਅੰਦਰ ਹੈ। ਇਹੀ ਅਸਲੀ ਸ਼ਾਂਤੀ ਹੈ, ਅਤੇ ਬਾਕੀ ਇਸ ਦੇ ਪ੍ਰਤੀਬਿੰਬ ਹਨ। ਦੂਜੀ ਸ਼ਾਂਤੀ ਉਹ ਹੈ ਜੋ ਦੋ ਵਿਅਕਤੀਆਂ ਵਿਚਕਾਰ ਹੁੰਦੀ ਹੈ। ਅਤੇ ਤੀਜੀ ਉਹ ਹੈ ਜੋ ਦੋ ਦੇਸ਼ਾਂ ਵਿਚਕਾਰ ਹੁੰਦੀ ਹੈ। ਪਰ ਸਭ ਤੋਂ ਵੱਧ ਤੁਹਾਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਕੌਮਾਂ ਵਿਚਕਾਰ ਕਦੇ ਵੀ ਸ਼ਾਂਤੀ ਨਹੀਂ ਹੋ ਸਕਦੀ ਜਦੋਂ ਤੱਕ ਪਹਿਲਾਂ ਇਹ ਨਹੀਂ ਜਾਣਿਆ ਜਾਂਦਾ ਕਿ ਸੱਚੀ ਸ਼ਾਂਤੀ, ਜੋ ਕਿ ਜਿਵੇਂ ਕਿ ਮੈਂ ਅਕਸਰ ਕਿਹਾ ਹੈ, ਮਨੁੱਖਾਂ ਦੀਆਂ ਰੂਹਾਂ ਦੇ ਅੰਦਰ ਹੈ।"

ਅੱਠ ਦਹਾਕਿਆਂ ਤੋਂ ਵੱਧ ਸਮੇਂ ਦੇ ਆਪਣੇ ਜੀਵਨ ਕਾਲ ਵਿੱਚ, ਬਲੈਕ ਐਲਕ ਦੇ ਆਪਣੇ ਜੀਵਨ ਅਤੇ ਮਿਸ਼ਨ, ਆਪਣੇ ਲੋਕਾਂ ਦੇ ਜੀਵਨ, ਅਤੇ ਨਾਲ ਹੀ ਪੂਰੀ ਦੁਨੀਆ ਦੇ ਜੀਵਨ ਨਾਲ ਸਬੰਧਤ ਬਹੁਤ ਸਾਰੇ ਅਧਿਆਤਮਿਕ ਦ੍ਰਿਸ਼ਟੀਕੋਣ ਸਨ।

ਨੌਂ ਸਾਲ ਦੀ ਉਮਰ ਵਿੱਚ, ਉਹ ਅਚਾਨਕ ਗੰਭੀਰ ਰੂਪ ਵਿੱਚ ਬਿਮਾਰ ਹੋ ਗਿਆ ਅਤੇ 12 ਦਿਨਾਂ ਲਈ ਕੋਮਾ ਵਿੱਚ ਰਿਹਾ। ਇਸ ਸਮੇਂ ਦੌਰਾਨ, ਉਸਦਾ ਇੱਕ ਸ਼ਕਤੀਸ਼ਾਲੀ ਦ੍ਰਿਸ਼ਟੀਕੋਣ ਸੀ ਜਿੱਥੇ ਉਹ ਛੇ ਦਾਦ‌ਿਆਂ ਨੂੰ ਮਿਲਿਆ ਜਿਨ੍ਹਾਂ ਨੇ ਉਸਨੂੰ ਪਵਿੱਤਰ ਸਿੱਖਿਆਵਾਂ ਦਿੱਤੀਆਂ। ਖਾਸ ਕਰਕੇ, ਚੌਥੇ ਦਾਦਾ ਜੀ ਨੇ ਉਸਨੂੰ ਦੋ ਰਸਤੇ ਦਿਖਾਏ: ਇੱਕ ਲਾਲ ਅਤੇ ਇੱਕ ਕਾਲਾ।

"[...] ਉਹ ਫਿਰ ਬੋਲਿਆ: 'ਧਰਤੀ ਨੂੰ ਵੇਖੋ!' ਇਸ ਲਈ ਮੈਂ ਹੇਠਾਂ ਦੇਖਿਆ ਅਤੇ ਇਸਨੂੰ ਲੋਕਾਂ ਦੇ ਝੁੰਡ ਵਾਂਗ ਉੱਥੇ ਪਿਆ ਦੇਖਿਆ, ਅਤੇ ਵਿਚਕਾਰ ਪਵਿੱਤਰ ਸੋਟੀ ਖਿੜੀ ਹੋਈ ਸੀ ਜੋ ਕਿ ਇੱਕ ਰੁੱਖ ਸੀ, ਅਤੇ ਜਿੱਥੇ ਇਹ ਖੜ੍ਹਾ ਸੀ ਉੱਥੇ ਦੋ ਸੜਕਾਂ ਪਾਰ ਕਰਦੀਆਂ ਸਨ, ਇੱਕ ਲਾਲ ਅਤੇ ਇੱਕ ਕਾਲੀ । 'ਜਿੱਥੋਂ ਦੈਂਤ ਰਹਿੰਦਾ ਹੈ (ਉੱਤਰ) ਤੋਂ ਜਿੱਥੇ ਤੁਸੀਂ ਹਮੇਸ਼ਾ (ਦੱਖਣ) ਵੱਲ ਮੂੰਹ ਕਰਦੇ ਹੋ, ਲਾਲ ਰਸਤਾ ਜਾਂਦਾ ਹੈ, ਭਲਾਈ ਦਾ ਰਸਤਾ,' ਦਾਦਾ ਜੀ ਨੇ ਕਿਹਾ, 'ਅਤੇ ਇਸ 'ਤੇ ਤੁਹਾਡੀ ਕੌਮ ਚੱਲੇਗੀ। ਕਾਲਾ ਰਸਤਾ ਉਸ ਥਾਂ ਤੋਂ ਜਾਂਦਾ ਹੈ ਜਿੱਥੋਂ ਗਰਜਦੇ ਜੀਵ ਰਹਿੰਦੇ ਹਨ (ਪੱਛਮ) ਜਿੱਥੇ ਸੂਰਜ ਲਗਾਤਾਰ ਚਮਕਦਾ ਹੈ (ਪੂਰਬ), ਇੱਕ ਡਰਾਉਣਾ ਰਸਤਾ, ਮੁਸੀਬਤਾਂ ਅਤੇ ਯੁੱਧ ਦਾ ਰਸਤਾ। ਇਸ ਉੱਤੇ ਵੀ ਤੁਸੀਂ ਚੱਲੋਗੇ, ਅਤੇ ਇਸ ਤੋਂ ਤੁਹਾਡੇ ਕੋਲ ਲੋਕਾਂ ਦੇ ਦੁਸ਼ਮਣਾਂ ਨੂੰ ਤਬਾਹ ਕਰਨ ਦੀ ਸ਼ਕਤੀ ਹੋਵੇਗੀ। ਚਾਰ ਚੜ੍ਹਾਈਆਂ ਵਿੱਚ ਤੁਸੀਂ ਧਰਤੀ ਉੱਤੇ ਸ਼ਕਤੀ ਨਾਲ ਤੁਰੋਂਗੇ।’”

ਉੱਤਰ ਤੋਂ ਦੱਖਣ ਵੱਲ ਇੱਕ ਚੰਗਾ ਲਾਲ ਰਸਤਾ ਹੈ, ਜੋ ਕਿ ਅਧਿਆਤਮਿਕ ਰਸਤਾ ਹੈ। ਲਕੋਟਾ ਦੇ ਫਸਟ-ਨੇਸ਼ਨ-ਬਜ਼ੁਰਗਾਂ ਦੇ ਅਨੁਸਾਰ, ਨਕਾਰਾਤਮਕ ਸ਼ਕਤੀ ਖੱਬੇ ਪਾਸੇ ਅਤੇ ਸਕਾਰਾਤਮਕ ਸ਼ਕਤੀ ਸੱਜੇ ਪਾਸੇ ਹੈ। ਅਸੀਂ ਕਈ ਵਾਰ ਖੱਬੇ ਜਾਂ ਸੱਜੇ ਜਾ ਸਕਦੇ ਹਾਂ, ਪਰ ਸਾਨੂੰ ਹਮੇਸ਼ਾ ਵਿਚਕਾਰ ਵਾਪਸ ਆਉਣਾ ਚਾਹੀਦਾ ਹੈ ਅਤੇ "ਚੰਗੀ ਲਾਲ ਸੜਕ" ਦੀ ਯਾਤਰਾ ਕਰਨੀ ਚਾਹੀਦੀ ਹੈ, ਜੋ ਅਧਿਆਤਮਿਕ ਸੰਤੁਲਨ ਨੂੰ ਦਰਸਾਉਂਦੀ ਹੈ। ਇਸ ਦ੍ਰਿਸ਼ਟੀਕੋਣ ਨੇ ਬਲੈਕ ਐਲਕ ਨੂੰ ਸਿਖਾਇਆ ਕਿ ਉਸਦਾ ਮਿਸ਼ਨ ਆਪਣੇ ਲੋਕਾਂ ਨੂੰ ਲਾਲ ਸੜਕ, ਚੰਗਿਆਈ ਦੇ ਰਸਤੇ 'ਤੇ ਚੱਲਣ ਲਈ ਅਗਵਾਈ ਕਰਨਾ ਸੀ।

1890 ਵਿੱਚ ਬਲੈਕ ਐਲਕ ਨੂੰ ਇੱਕ ਹੋਰ ਮਹੱਤਵਪੂਰਨ ਦ੍ਰਿਸ਼ਟੀਕੋਣ ਮਿਲਿਆ ਜਦੋਂ ਉਸਨੇ ਗੋਸਟ ਡਾਂਸ ਵਿੱਚ ਹਿੱਸਾ ਲਿਆ। ਉਸ ਸਮੇਂ ਰਸਮ ਵਿੱਚ ਹਿੱਸਾ-ਲੈਣ ਵਾਲੇ ਬਹੁਤ ਸਾਰੇ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇੱਕ ਮਸੀਹਾ ਚਿੱਤਰ, ਜਾਂ ਮਹਾਨ ਆਤਮਾ ਦੇ ਪੁੱਤਰ ਦੇ ਉਹੀ ਦਰਸ਼ਨ ਹੋਏ ਸਨ, ਜਿਸਨੂੰ ਵਾਨੇਕੀਆ ਕਿਹਾ ਜਾਂਦਾ ਹੈ। ਵਾਨੇਕੀਆ ਇੱਕ ਲਕੋਟਾ (ਸਿਓਕਸ) ਫਸਟ-ਨੇਸ਼ਨ ਸ਼ਬਦ ਹੈ ਜਿਸਦਾ ਅਰਥ ਹੈ "ਉਹ ਜੋ ਜੀਵਤ ਕਰਦਾ ਹੈ।" ਜਦੋਂ ਬਲੈਕ ਐਲਕ ਨੱਚ ਰਿਹਾ ਸੀ, ਤਾਂ ਉਸਨੇ ਦੇਖਿਆ ਕਿ ਉਸਦੀ ਆਤਮਾ ਉਸਦੇ ਸਰੀਰ ਨੂੰ ਛੱਡ ਗਈ ।

"ਅਤੇ ਜਿਵੇਂ ਹੀ ਮੈਂ ਜ਼ਮੀਨ ਨੂੰ ਛੂਹਿਆ, ਬਾਰਾਂ ਆਦਮੀ ਮੇਰੇ ਵੱਲ ਆ ਰਹੇ ਸਨ, ਅਤੇ ਉਨ੍ਹਾਂ ਨੇ ਕਿਹਾ: 'ਸਾਡੇ ਪਿਤਾ, ਦੋ-ਲਤਾਂ ਵਾਲੇ ਮੁਖੀ, ਤੁਸੀਂ ਦੇਖੋਗੇ!' ਫਿਰ ਉਹ ਮੈਨੂੰ ਚੱਕਰ ਦੇ ਕੇਂਦਰ ਵਿੱਚ ਲੈ ਗਏ ਜਿੱਥੇ ਮੈਂ ਇੱਕ ਵਾਰ ਫਿਰ ਪਵਿੱਤਰ ਰੁੱਖ ਨੂੰ ਪੱਤਿਆਂ-ਨਾਲ ਭਰਿਆ ਅਤੇ ਖਿੜਿਆ ਹੋਇਆ ਦੇਖਿਆ। ਪਰ ਮੈਂ ਸਿਰਫ਼ ਇਹੀ ਨਹੀਂ ਦੇਖਿਆ। ਦਰੱਖਤ ਦੇ ਸਾਹਮਣੇ ਇੱਕ ਆਦਮੀ ਆਪਣੀਆਂ ਬਾਹਾਂ ਨੂੰ ਫੈਲਾ ਕੇ ਖੜ੍ਹਾ ਸੀ। ਮੈਂ ਉਸਨੂੰ ਧਿਆਨ ਨਾਲ ਦੇਖਿਆ, ਅਤੇ ਮੈਨੂੰ ਪਤਾ ਨਹੀਂ ਲੱਗ ਸਕਿਆ ਕਿ ਉਹ ਕਿਹੜੇ ਲੋਕਾਂ ਤੋਂ ਸੀ। ਉਹ ਇੱਕ ਵਸੀਚੂ [ਗੋਰਾ ਆਦਮੀ] ਨਹੀਂ ਸੀ ਅਤੇ ਨਾ ਹੀ ਉਹ ਇੱਕ ਇੰਡੀਅਨ ਸੀ। ਉਸਦੇ ਵਾਲ ਲੰਬੇ ਅਤੇ ਖੁਲੇ ਲਟਕ ਰਹੇ ਸਨ, ਅਤੇ ਉਸਦੇ ਸਿਰ ਦੇ ਖੱਬੇ ਪਾਸੇ ਉਸਨੇ ਬਾਜ਼ ਦਾ ਇੱਕ ਖੰਭ ਲਗਾਇਆ ਹੋਇਆ ਸੀ। ਉਸਦਾ ਸਰੀਰ ਮਜ਼ਬੂਤ ਅਤੇ ਦੇਖਣ ਨੂੰ ਵਧੀਆ ਸੀ, ਅਤੇ ਇਸਨੂੰ ਲਾਲ ਰੰਗ‌ਿਆ ਹੋਇਆ ਸੀ। ਮੈਂ ਉਸਨੂੰ ਪਛਾਣਨ ਦੀ ਕੋਸ਼ਿਸ਼ ਕੀਤੀ, ਪਰ ਮੈਂ ਉਸਨੂੰ ਪਛਾਣ ਨਹੀਂ ਸਕਿਆ। ਉਹ ਇੱਕ ਬਹੁਤ ਹੀ ਸੋਹਣਾ-ਸੁਨੱਖਾ ਆਦਮੀ ਸੀ। ਜਦੋਂ ਮੈਂ ਉਸਨੂੰ ਧਿਆਨ ਨਾਲ ਦੇਖ ਰਿਹਾ ਸੀ, ਉਸਦਾ ਸਰੀਰ ਬਦਲਣ ਲੱਗ ਪਿਆ ਅਤੇ ਹਰ ਰੰਗ ਦੀ ਰੌਸ਼ਨੀ ਨਾਲ ਬਹੁਤ ਸੁੰਦਰ ਹੋ ਗਿਆ, ਅਤੇ ਉਸਦੇ ਆਲੇ ਦੁਆਲੇ ਰੌਸ਼ਨੀ ਸੀ। ਉਹ ਗਾਉਂਦੇ ਹੋਏ ਬੋਲਿਆ: 'ਮੇਰੀ ਜ਼ਿੰਦਗੀ ਅਜਿਹੀ ਹੈ ਕਿ ਸਾਰੇ ਧਰਤੀ ਦੇ ਜੀਵ ਅਤੇ ਵਧਦੀਆਂ ਚੀਜ਼ਾਂ ਮੇਰੀਆਂ ਹਨ। ਤੁਹਾਡੇ ਪਿਤਾ, ਮਹਾਨ ਆਤਮਾ ਨੇ, ਇਹ ਕਿਹਾ ਹੈ। ਤੁਹਾਨੂੰ ਵੀ ਇਹ ਕਹਿਣਾ ਚਾਹੀਦਾ ਹੈ।’ ਫਿਰ ਉਹ ਇੱਕ ਹਵਾ ਵਿੱਚ ਇੱਕ ਰੌਸ਼ਨੀ ਵਾਂਗ ਬਾਹਰ ਚਲਾ ਗਿਆ। ਉੱਥੇ ਖੜ੍ਹੇ ਬਾਰਾਂ ਆਦਮੀਆਂ ਨੇ ਕਿਹਾ: 'ਉਨ੍ਹਾਂ ਨੂੰ ਵੇਖੋ! ਤੁਹਾਡੀ ਕੌਮ ਦਾ ਜੀਵਨ ਅਜਿਹਾ ਹੋਵੇਗਾ!’ ਮੈਂ ਫਿਰ ਦੇਖਿਆ ਕਿ ਦਿਨ ਕਿੰਨਾ ਸੋਹਣਾ ਸੀ - ਅਸਮਾਨ ਸਾਰਾ ਨੀਲਾ ਅਤੇ ਹਰਿਆਲੀ-ਭਰੀ ਧਰਤੀ ਦੇ ਉੱਪਰ ਪੀਲੀ ਰੌਸ਼ਨੀ ਨਾਲ ਭਰਿਆ ਹੋਇਆ ਸੀ। ਅਤੇ ਮੈਂ ਦੇਖਿਆ ਕਿ ਸਾਰੇ ਲੋਕ ਸੁੰਦਰ ਅਤੇ ਜਵਾਨ ਸਨ। ਉੱਥੇ ਨਾ ਤਾਂ ਕੋਈ ਬੁਢੇ ਸਨ, ਨਾ ਹੀ ਬੱਚੇ ਸਨ - ਸਿਰਫ਼ ਇੱਕ ਹੀ ਉਮਰ ਦੇ ਲੋਕ, ਅਤੇ ਸੁੰਦਰ। ਫਿਰ ਬਾਰਾਂ ਔਰਤਾਂ ਮੇਰੇ ਸਾਹਮਣੇ ਖੜ੍ਹੀਆਂ ਸਨ ਅਤੇ ਬੋਲੀਆਂ: 'ਉਨ੍ਹਾਂ ਨੂੰ ਵੇਖੋ! ਤੁਸੀਂ ਉਨ੍ਹਾਂ ਦੇ ਜੀਵਨ ਢੰਗ ਨੂੰ ਧਰਤੀ 'ਤੇ ਵਾਪਸ ਲਿਜਾਓਗੇ।'”

ਦਿਲਚਸਪ ਗੱਲ ਇਹ ਹੈ ਕਿ, ਬਲੈਕ ਐਲਕ ਦੇ ਇੱਕ ਕਰੀਬੀ ਦੋਸਤ, ਸਟੈਂਡਿੰਗ ਬੈਅਰ ਦੁਆਰਾ ਇਸ ਦ੍ਰਿਸ਼ਟੀਕੋਣ ਦੇ ਨਾਲ ਬਣਾਈ ਗਈ ਚਿਤਰਕਾਰੀ ਵਿੱਚ, ਵਾਨੇਕੀਆ ਨੂੰ ਇੱਕ ਮੱਝ ਚੋਗਾ ਪਹਿਨੇ ਹੋਏ ਦਿਖਾਇਆ ਗਿਆ ਸੀ, ਜਿਵੇਂ ਕਿ ਇਹ ਦਰਸਾਉਂਦਾ ਹੋਵੇ ਕਿ ਉਹ ਚਿੱਟੀ ਮੱਝ ਔਰਤ ਦੀ ਵਾਪਸੀ ਹੈ।

ਬਲੈਕ ਐਲਕ ਦੇ ਦਰਸ਼ਨ ਵਿੱਚ ਮੁਕਤੀਦਾਤਾ ਦਾ ਚਿੱਤਰ, ਜਿਸਦੇ ਲੰਬੇ ਵਾਲ ਹਨ ਅਤੇ ਚਿੱਟੇ ਬਾਜ਼ ਦਾ ਇੱਕ ਖੰਭ ਪਹਿਨਦਾ ਹੈ, ਇੱਕ ਪੱਛਮੀ ਨਹੀਂ ਹੈ, ਅਤੇ ਨਾ ਹੀ ਇੱਕ ਫਸਟ-ਨੇਸ਼ਨ-ਵਿਅਕਤੀ ਹੈ। ਇਹ ਵਰਣਨ ਸਾਨੂੰ ਉਸ ਚਿੱਟੀ ਮੱਝ ਔਰਤ ਦੀ ਯਾਦ ਦਿਵਾਉਂਦਾ ਹੈ ਜੋ 2024 ਵਿੱਚ ਸਾਡੇ ਸੁਪਰੀਮ ਮਾਸਟਰ ਚਿੰਗ ਹਾਈ ਇੰਟਰਨੈਸ਼ਨਲ ਐਸੋਸੀਏਸ਼ਨ ਦੇ ਮੈਂਬਰਾਂ (ਸਾਰੇ ਵੀਗਨ) ਵਿੱਚੋਂ ਇੱਕ ਦੇ ਦਰਸ਼ਨ ਵਿੱਚ ਪ੍ਰਗਟ ਹੋਈ ਸੀ।

ਹਾਲ ਹੀ ਵਿੱਚ, ਦੁਨੀਆਂ ਨੂੰ ਬਚਾਉਣ ਦਾ ਕੰਮ ਬਹੁਤ ਮੁਸ਼ਕਲ ਰਿਹਾ ਹੈ, ਜਿਸਨੇ ਮੈਨੂੰ ਨਿਰਾਸ਼ ਕੀਤਾ ਹੈ। ਇੱਕ ਦਿਨ, ਜਦੋਂ ਮੈਂ ਦੁੱਖ ਵਿੱਚ ਮੈਡੀਟੇਸ਼ਨ ਕਰ ਰਹੀ ਸੀ, ਅਚਾਨਕ ਸਤਿਗੁਰੂ ਜੀ (ਪਰਮ ਸਤਿਗੁਰੂ ਚਿੰਗ ਹਾਈ ਜੀ) ਇੱਕ ਬੁੱਢੀ ਮੂਲ ਅਮਰੀਕਨ ਔਰਤ ਦੇ ਰੂਪ ਵਿੱਚ ਪ੍ਰਗਟ ਹੋਏ। ਉਨਾਂ ਨੇ ਇੱਕ ਬਹੁਤ ਚੌੜਾ ਅਤੇ ਲੰਬਾ ਚਿੱਟਾ ਚੋਗਾ ਪਾਇਆ ਹੋਇਆ ਸੀ ਅਤੇ ਉਨਾਂ ਦੇ ਮੱਥੇ 'ਤੇ ਕੁਝ ਝੁਰੜੀਆਂ ਸਨ। ਉਹ ਲਗਭਗ 60 ਸਾਲਾਂ ਦੀ ਇੱਕ ਮਨੁੱਖੀ ਔਰਤ ਵਾਂਗ ਲੱਗ ਰਹੇ ਸਨ। ਉਨਾਂ ਦੇ ਮਥੇ ਤੇ ਇੱਕ ਤਿੰਨ ਰੰਗਾਂ ਵਾਲਾ ਹੈਡਬੈਂਡ ਬੰਨਿਆ ਹੋਇਆ ਸੀ, ਇਕ ਲੰਮਾ ਚਿੱਟਾ ਖੰਭ ਇਕ ਹੈਡਬੈਂਡ ਵਿਚ ਬੰਨ੍ਹਿਆ ਹੋਇਆ ਸੀ, ਅਤੇ ਉਨਾਂ ਦੇ ਗਲੇ ਵਿੱਚ ਇੱਕ ਦੇਸੀ ਹਾਰ ਕਈ ਪ੍ਰਾਚੀਨ ਗੂੜ੍ਹੇ ਲਾਲ ਮਣਕਿਆਂ ਵਾਲਾ ਲਗਿਆ ਹੋਇਆ ਸੀ। [...]

ਅਸੀਂ ਬਾਜ਼-ਲੋਕਾਂ ਵਾਂਗ ਉੱਡਦੇ ਰਹੇ, ਅਤੇ ਮੈਂ ਆਪਣੇ ਮੱਥੇ 'ਤੇ ਕਾਲੇ ਬਾਜ਼ ਦੇ ਖੰਭ ਦੇਖੇ। ਕੁਝ ਦੇਰ ਉਡਣ ਤੋਂ ਬਾਅਦ, ਅਸੀਂ ਇੱਕ ਪੈਡਲ ਬੇੜੀ 'ਤੇ ਉਤਰੇ। ਸਤਿਗੁਰੂ ਜੀ ਅਤੇ ਮੈਂ ਦੋਵੇਂ ਇੱਕ ਸਿਰੇ 'ਤੇ ਬੈਠੇ । ਪੈਡਲ ਬੇੜੀ ਕਾਫੀ ਵੱਡੀ ਸੀ ਕਿ ਦੋ ਲੋਕ ਬੈਠ ਸਕਦੇ ਸਨ। ਆਪਣੇ ਚਿਹਰੇ 'ਤੇ ਕੋਮਲ ਨਜ਼ਰ ਨਾਲ, ਸਤਿਗੁਰੂ ਜੀ ਨੇ ਮੇਰੇ ਨਾਲ ਗੱਲ ਕੀਤੀ ਅਤੇ ਮੇਰੇ ਦਿਲ ਦੀਆਂ ਬਹੁਤ ਸਾਰੀਆਂ ਗੰਢਾਂ ਖੋਲ੍ਹ ਦਿੱਤੀਆਂ।

ਫਿਰ ਸਤਿਗੁਰੂ ਜੀ ਖੜ੍ਹੇ ਹੋਏ, ਆਪਣੇ ਚਿੱਟੇ ਚੋਲੇ ਨਾਲ ਜ਼ਮੀਨ 'ਤੇ ਇੱਕ ਸੁੰਦਰ ਕੋਣ 'ਤੇ ਲਟਕਦੇ ਹੋਏ। ਉਨਾਂ ਨੇ ਦੂਰੋਂ ਸੂਰਜ ਵੱਲ ਦੇਖਿਆ। ਇਹ ਕੋਈ ਭੌਤਿਕ ਸੂਰਜ ਨਹੀਂ ਸੀ; ਇਹ ਬਹੁਤ ਚਮਕਦਾਰ ਸੀ! ਇਸਦੀ ਚਮਕਦਾਰ ਚਿੱਟੀ ਰੌਸ਼ਨੀ ਮੇਰੀ ਸਿਆਣਪ ਵਾਲੀ ਅੱਖ ਵਿੱਚ ਚਮਕੀ। ਅੰਦਰਲੇ ਗੁਰੂ ਨੇ ਕਿਹਾ, "ਤੁਸੀਂ ਉਨ੍ਹਾਂ ਨੂੰ ਦੱਸ ਸਕਦੇ ਹੋ: ਮੈਂ ਚਿੱਟੀ ਮੱਝ ਦੇਵੀ ਹਾਂ।" ਮੈਂ ਗੋਡੇ ਟੇਕ ਕੇ ਕਿਹਾ, "ਹਾਂਜੀ।"

ਭਾਵੇਂ ਇਹ ਦੋਵੇਂ ਦਰਸ਼ਨ 130 ਸਾਲਾਂ ਦੇ ਸਮੇਂ ਦੌਰਾਨ ਦੋ ਵੱਖ-ਵੱਖ ਵਿਅਕਤੀਆਂ ਨੂੰ ਦਿਖਾਈ ਦਿੱਤੇ, ਪਰ ਉਹਨਾਂ ਵਿੱਚ ਇੱਕੋ ਪਵਿੱਤਰ ਸ਼ਖਸੀਅਤ ਸ਼ਾਮਲ ਜਾਪਦੀ ਹੈ - ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ), ਚਿੱਟੀ ਮੱਝ ਔਰਤ ਦੀ ਵਾਪਸੀ, ਜੋ ਪ੍ਰਭੂ ਯਿਸੂ ਮਸੀਹ, ਪ੍ਰਮਾਤਮਾ ਦਾ ਪੁੱਤਰ ਵੀ ਹੈ ।

ਦਰਅਸਲ, ਜਦੋਂ ਬਲੈਕ ਐਲਕ ਲੇਖਕ ਜੌਨ ਨੀਹਾਰਡਟ ਨੂੰ ਆਪਣੇ ਦ੍ਰਿਸ਼ਟੀਕੋਣ ਵਿੱਚ ਵੈਨੇਕੀਆ ਦਾ ਵਰਣਨ ਕਰ ਰਿਹਾ ਸੀ, ਤਾਂ ਉਸਨੇ ਕਿਹਾ,

"ਇੰਝ ਲੱਗਦਾ ਸੀ ਜਿਵੇਂ ਉਸਦੇ ਹੱਥਾਂ ਦੀਆਂ ਹਥੇਲੀਆਂ ਵਿੱਚ ਜ਼ਖ਼ਮ ਸਨ [...] ਇਸ ਬਾਰੇ ਸੋਚਣ 'ਤੇ ਮੈਨੂੰ ਲੱਗਦਾ ਹੈ ਕਿ ਮੈਂ ਖੁਦ ਮਹਾਨ ਆਤਮਾ ਦੇ ਪੁੱਤਰ ਨੂੰ ਦੇਖਿਆ ਹੈ।"

ਭਾਵੇਂ ਸਾਡੇ ਲਈ ਇਸ ਦਾਅਵੇ ਦੀ ਪੁਸ਼ਟੀ ਕਰਨਾ ਔਖਾ ਹੈ, ਪਰ ਅਸੀਂ ਜਾਣਦੇ ਹਾਂ ਕਿ ਬਲੈਕ ਐਲਕ ਦੀ ਅਧਿਆਤਮਿਕ ਯਾਤਰਾ ਇੱਕ ਫਸਟ-ਨੇਸ਼ਨ ਮੈਡੀਸਨ ਪਵਿੱਤਰ ਆਦਮੀ ਹੋਣ ਤੱਕ ਨਹੀਂ ਰੁਕੀ। 1904 ਵਿੱਚ, ਜਦੋਂ ਉਹ ਲਗਭਗ 41 ਸਾਲਾਂ ਦਾ ਸੀ, ਉਸਨੇ ਬਪਤਿਸਮਾ ਲਿਆ ਅਤੇ "ਨਿਕੋਲਸ" ਨਾਮ ਧਾਰਨ ਕੀਤਾ। ਆਪਣੀ ਬਾਕੀ ਦੀ ਜ਼ਿੰਦਗੀ ਲਈ, ਉਸਨੇ ਆਪਣੇ ਭਾਈਚਾਰੇ ਵਿੱਚ ਇੱਕ ਆਮ ਕੈਥੋਲਿਕ ਕੈਟੇਚਿਸਟ ਵਜੋਂ ਸੇਵਾ ਕੀਤੀ।

ਮੈਨੂੰ ਲੱਗਦਾ ਹੈ ਕਿ, ਇੱਕ ਮੁਸ਼ਕਲ ਸਮੇਂ ਵਿੱਚ, ਬਲੈਕ ਐਲਕ ਨੇ ਇਨ੍ਹਾਂ ਦੋ ਵਿਰੋਧੀ ਸਭਿਆਚਾਰਾਂ ਵਿਚਕਾਰ ਪਾੜੇ ਨੂੰ ਪੂਰਾ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ। ਇਨ੍ਹਾਂ ਦੋ ਸੱਭਿਆਚਾਰਾਂ ਦਾ ਟਕਰਾਅ ਹੋਣਾ ਜ਼ਰੂਰੀ ਨਹੀਂ ਹੈ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਇੱਕ ਅਜਿਹੀ ਜਗ੍ਹਾ 'ਤੇ ਹਾਂ ਜਿੱਥੇ ਸੱਚਮੁੱਚ ਦੋ ਭਾਈਚਾਰਿਆਂ ਵਿਚਕਾਰ ਇਲਾਜ ਹੋ ਸਕਦਾ ਹੈ ਜੋ ਇਤਿਹਾਸਕ ਤੌਰ 'ਤੇ ਇੱਕ ਦੂਜੇ ਦੇ ਵਿਰੋਧੀ ਰਹੇ ਹਨ।

ਬਲੈਕ ਐਲਕ ਦੇ ਦਰਸ਼ਨ ਤੋਂ ਪਵਿੱਤਰ ਹੂਪ ਅਤੇ ਫੁੱਲਾਂ ਵਾਲਾ ਰੁੱਖ, ਪਵਿੱਤਰ ਰੈੱਡ ਰੋਡ ਦਾ ਅੰਤ, ਜਿੱਥੇ ਲੋਕ ਆਉਂਦੇ ਹਨ, ਪ੍ਰਕਾਸ਼ ਦੀ ਕਿਤਾਬ ਦੇ ਅੰਤ ਤੋਂ ਇੱਕ ਦਰਸ਼ਨ ਵਰਗਾ ਹੈ, ਜਿੱਥੇ ਇੱਕ ਪੂਰਤੀ ਹੁੰਦੀ ਹੈ, ਜਾਂ ਗੋਸਟ ਡਾਂਸਰ ਦੇ ਮਾਮਲੇ ਵਿੱਚ, ਇੱਕ ਸਦਭਾਵਨਾ ਦੀ ਬਹਾਲੀ ਜੋ ਉੱਥੇ ਸੀ।

ਬਲੈਕ ਐਲਕ ਦੇ ਜੀਵਨ ਅਤੇ ਵਿਰਾਸਤ ਬਾਰੇ ਵਧੇਰੇ ਜਾਣਕਾਰੀ ਲਈ, ਕਿਰਪਾ ਕਰਕੇ ਇੱਥੇ ਜਾਓ rapidcitydiocese.org/docmentary-nbe

ਬਲੈਕ ਐਲਕ ਖੁਦ ਆਪਣੇ ਦ੍ਰਿਸ਼ਟੀਕੋਣ ਅਤੇ ਆਪਣੇ ਵਿਸ਼ਵਾਸਾਂ ਦੀ ਵਿਆਖਿਆ ਕਿਵੇਂ ਕਰੇਗਾ ਜੋ ਇੱਕ ਦੂਜੇ ਦੇ ਵਿਰੋਧੀ ਜਾਪਦੇ ਹਨ? ਸ਼ਾਇਦ, ਅਸੀਂ "ਦ ਸੈਕਰਡ ਪਾਈਪ: ਬਲੈਕ ਐਲਕ'ਸ ਅਕਾਊਂਟ ਆਫ਼ ਦ ਸੈਵਨ ਰਾਇਟਜ਼ ਆਫ਼ ਦ ਓਗਲਾਲਾ ਸਿਓਕਸ" ਕਿਤਾਬ ਵਿੱਚ ਦਰਜ ਉਸਦੇ ਬਿਆਨ ਰਾਹੀਂ ਉਸਦੇ ਵਿਚਾਰਾਂ ਦੀ ਇੱਕ ਝਲਕ ਦੇਖ ਸਕਦੇ ਹਾਂ।

"ਸਾਨੂੰ ਗੋਰੇ ਲੋਕਾਂ ਦੁਆਰਾ ਦੱਸਿਆ ਗਿਆ ਹੈ, ਜਾਂ ਘੱਟੋ ਘੱਟ ਉਨ੍ਹਾਂ ਦੁਆਰਾ ਜੋ ਈਸਾਈ ਹਨ, ਕਿ ਪ੍ਰਮਾਤਮਾ ਨੇ ਮਨੁੱਖਾਂ ਲਈ ਆਪਣਾ ਪੁੱਤਰ ਭੇਜਿਆ, ਜੋ ਧਰਤੀ ਉੱਤੇ ਵਿਵਸਥਾ ਅਤੇ ਸ਼ਾਂਤੀ ਬਹਾਲ ਕਰੇਗਾ; ਅਤੇ ਸਾਨੂੰ ਦੱਸਿਆ ਗਿਆ ਹੈ ਕਿ ਯਿਸੂ ਮਸੀਹ ਨੂੰ ਸਲੀਬ ਦਿੱਤੀ ਗਈ ਸੀ, ਪਰ ਉਹ ਆਖਰੀ ਨਿਆਂ, ਇਸ ਸੰਸਾਰ ਜਾਂ ਚੱਕਰ ਦੇ ਅੰਤ ਵਿੱਚ ਦੁਬਾਰਾ ਆਵੇਗਾ। ਇਹ ਮੈਂ ਸਮਝਦਾ ਹਾਂ ਅਤੇ ਜਾਣਦਾ ਹਾਂ ਕਿ ਇਹ ਸੱਚ ਹੈ, ਪਰ ਗੋਰੇ ਆਦਮੀਆਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਲਾਲ ਲੋਕਾਂ ਲਈ ਵੀ, ਇਹ ਵਾਕਨ-ਟੰਕਾ, ਮਹਾਨ ਆਤਮਾ ਦੀ ਇੱਛਾ ਸੀ, ਕਿ ਇੱਕ ਜਾਨਵਰ ਆਪਣੇ ਆਪ ਨੂੰ ਦੋ-ਲਤਾਂ ਵਾਲੇ ਵਿਅਕਤੀ ਵਿੱਚ ਬਦਲ ਲਵੇ ਤਾਂ ਜੋ ਉਸਦੇ ਲੋਕਾਂ ਤੱਕ ਸਭ ਤੋਂ ਪਵਿੱਤਰ ਪਾਈਪ ਪਹੁੰਚਾਇਆ ਜਾ ਸਕੇ; ਅਤੇ ਸਾਨੂੰ ਵੀ ਸਿਖਾਇਆ ਗਿਆ ਸੀ ਕਿ ਇਹ ਚਿੱਟੀ ਮੱਝ ਗਊ ਔਰਤ ਜੋ ਸਾਡਾ ਪਵਿੱਤਰ ਪਾਈਪ ਲੈ ਕੇ ਆਈ ਸੀ, ਇਸ 'ਦੁਨੀਆਂ' ਦੇ ਅੰਤ 'ਤੇ ਦੁਬਾਰਾ ਪ੍ਰਗਟ ਹੋਵੇਗੀ - ਇੱਕ ਅਜਿਹਾ ਆਉਣਾ ਜਿਸ ਬਾਰੇ ਅਸੀਂ ਇੰਡੀਅਨਜ਼ ਜਾਣਦੇ ਹਾਂ ਕਿ ਹੁਣ ਬਹੁਤਾ ਦੂਰ ਨਹੀਂ ਹੈ।"

ਇਹ ਬਿਆਨ ਦੱਸਦਾ ਹੈ ਕਿ ਬਲੈਕ ਐਲਕ ਨੂੰ ਬਹੁਤ ਪਹਿਲਾਂ ਹੀ ਅਹਿਸਾਸ ਹੋ ਗਿਆ ਸੀ ਕਿ ਉਸਦੇ ਦਰਸ਼ਨ ਵਿੱਚ ਵਾਨੇਕੀਆ ਇੱਕ ਪਵਿੱਤਰ ਹਸਤੀ ਦੀ ਵਾਪਸੀ ਹੈ ਜਿਸਦੀ ਭਵਿੱਖਬਾਣੀ ਈਸਾਈ ਧਰਮ ਅਤੇ ਫਸਟ-ਨੇਸ਼ਨ ਦੇ ਰਵਾਇਤੀ ਵਿਸ਼ਵਾਸ ਦੋਵਾਂ ਵਿੱਚ ਕੀਤੀ ਗਈ ਹੈ; ਅਤੇ ਪੂਜੇ ਜਾਂਦੇ ਪ੍ਰਭੂ ਯਿਸੂ ਮਸੀਹ ਅਤੇ ਚਿੱਟੀ ਮੱਝ ਔਰਤ ਇੱਕੋ ਅਤੇ ਉਹੀ ਹਨ।

ਆਪਣੇ ਜੀਵਨ ਵਿੱਚ ਦੋਵਾਂ ਵਿਸ਼ਵਾਸਾਂ ਵਿਚਕਾਰ ਸ਼ਾਂਤੀ ਬਣਾ ਕੇ, ਉਨਾਂ ਨੇ ਦੋਵਾਂ ਪਾਸਿਆਂ ਦੇ ਲੋਕਾਂ ਨੂੰ ਇੱਕ ਦੂਜੇ ਨਾਲ ਇਕਸੁਰਤਾ ਵਿੱਚ ਰਹਿਣ ਅਤੇ ਉਸੇ ਸਮੇਂ ਮਹਾਨ ਆਤਮਾ ਜਾਂ ਪ੍ਰਮਾਤਮਾ ਦੀ ਸਮਝ ਨੂੰ ਡੂੰਘਾ ਕਰਨ ਦਾ ਤਰੀਕਾ ਸਿਖਾਇਆ।

"ਸਾਨੂੰ ਇਹ ਚੰਗੀ ਤਰ੍ਹਾਂ ਸਮਝਣਾ ਚਾਹੀਦਾ ਹੈ ਕਿ ਸਾਰੀਆਂ ਚੀਜ਼ਾਂ ਮਹਾਨ ਆਤਮਾ ਦੀਆਂ ਰਚਨਾਵਾਂ ਹਨ। ਸਾਨੂੰ ਇਹ ਜਾਣਨਾ ਚਾਹੀਦਾ ਹੈ ਕਿ ਉਹ ਸਾਰੀਆਂ ਚੀਜ਼ਾਂ ਦੇ ਅੰਦਰ ਹੈ: ਰੁੱਖ, ਘਾਹ, ਨਦੀਆਂ, ਪਹਾੜ, ਅਤੇ ਸਾਰੇ ਚਾਰ ਪੈਰਾਂ ਵਾਲੇ ਜਾਨਵਰ, ਅਤੇ ਖੰਭਾਂ ਵਾਲੇ ਲੋਕ; ਅਤੇ ਇਸ ਤੋਂ ਵੀ ਮਹੱਤਵਪੂਰਨ, ਸਾਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਉਹ ਇਨ੍ਹਾਂ ਸਾਰੀਆਂ ਚੀਜ਼ਾਂ ਅਤੇ ਲੋਕਾਂ ਤੋਂ ਵੀ ਉੱਪਰ ਹੈ। ਜਦੋਂ ਅਸੀਂ ਇਹ ਸਭ ਕੁਝ ਆਪਣੇ ਦਿਲਾਂ ਵਿੱਚ ਡੂੰਘਾਈ ਨਾਲ ਸਮਝ ਲੈਂਦੇ ਹਾਂ, ਤਾਂ ਅਸੀਂ ਮਹਾਨ ਆਤਮਾ ਤੋਂ ਡਰਾਂਗੇ, ਅਤੇ ਪਿਆਰ ਕਰਾਂਗੇ, ਅਤੇ ਉਸਨੂੰ ਜਾਣਾਂਗੇ, ਅਤੇ ਫਿਰ ਅਸੀਂ ਉਸਦੇ ਇਰਾਦੇ ਅਨੁਸਾਰ ਕੰਮ ਕਰਾਂਗੇ ਅਤੇ ਜੀਵਾਂਗੇ।"

ਅੱਜ, ਅਸੀਂ ਇੱਕ ਅਜਿਹੇ ਸਮੇਂ ਵਿੱਚ ਰਹਿੰਦੇ ਹਾਂ ਜਦੋਂ ਬਲੈਕ ਐਲਕ ਦਾ ਦ੍ਰਿਸ਼ਠੀਕੋਣ ਸੱਚ ਹੋ ਗਿਆ ਹੈ - ਲੰਬੇ-ਸਮੇਂ ਤੋਂ ਇੱਕ ਉਡੀਕੇ ਜਾ ਰਹੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਰੂਪ ਵਿੱਚ ਸਾਡੇ ਵਿਚਕਾਰ ਚੱਲ ਰਹੇ ਹਨ, ਜਿਨਾਂ ਨੇ ਆਪਣਾ ਜੀਵਨ ਸਾਰੇ ਧਰਮਾਂ ਨੂੰ ਜੋੜਨ ਅਤੇ ਲੋਕਾਂ ਨੂੰ ਉਨ੍ਹਾਂ ਦੀਆਂ ਆਤਮਾਵਾਂ ਵਿੱਚ ਸ਼ਾਂਤੀ ਕਿਵੇਂ ਬਣਾਈਏ ਸਿਖਾਉਣ ਲਈ ਸਮਰਪਿਤ ਕੀਤਾ ਹੈ।

ਸਾਰੇ ਚੰਗੇ ਧਰਮਾਂ ਦਾ ਅਸਲੀ ਸਾਰ ਇੱਕ ਪ੍ਰਮਾਤਮਾ ਵੱਲ ਇਸ਼ਾਰਾ ਕਰਦਾ ਹੈ। ਮੇਰਾ ਮਤਲਬ ਹੈ, ਅਸਲੀ ਸਿੱਖਿਆ। ਇਸ ਲਈ, ਇੱਕ ਤਰ੍ਹਾਂ ਨਾਲ, ਹਰ ਧਰਮ ਤਾਓ ਧਰਮ ਹੈ, ਹਰ ਧਰਮ ਬੁੱਧ ਧਰਮ ਜਾਂ ਈਸਾਈ ਧਰਮ ਹੈ। ਬੁੱਧ ਦੇ ਦੇਹਾਂਤ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੇ ਆਪ ਨੂੰ "ਬੋਧੀ" ਕਿਹਾ। ਮਸੀਹ ਦੀ ਮੌਤ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੇ ਆਪ ਨੂੰ "ਈਸਾਈ" ਕਿਹਾ। ਮਾਰਗ ਸਿਖਾਉਣ ਵਾਲੇ ਗੁਰੂ ਦੀ ਮੌਤ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੇ ਆਪ ਨੂੰ "ਵੇਇਜ਼ਮ" ਜਾਂ "ਤਾਓਇਜ਼ਮ" ਕਿਹਾ। ਤੁਸੀਂ ਉਹ ਦੇਖ ਸਕਦੇ ਹੋ। ਜਦੋਂ ਕਿ ਅਸੀਂ ਸਾਰੇ ਇੱਕ ਹਾਂ, ਸਾਨੂੰ ਪਰਿਭਾਸ਼ਾਵਾਂ ਬਾਰੇ ਚਰਚਾ ਕਰਨ ਦੀ ਕੋਈ ਲੋੜ ਨਹੀਂ ਹੈ ।

ਸਿਰਫ਼ ਇੱਕ ਹੀ ਸਿਰਜਣਹਾਰ ਹੈ, ਅਤੇ ਅਸੀਂ ਸਾਰੇ ਇਹ ਜਾਣਦੇ ਹਾਂ। ਪਰ ਉਥੇ ਇੱਕ ਸਾਰ ਹੈ। ਸਾਰੇ ਧਰਮਾਂ ਦਾ ਸਾਰ ਗ੍ਰੰਥਾਂ ਵਿੱਚ ਨਹੀਂ ਲਿਖਿਆ ਹੋਇਆ ਹੈ। ਕਿਉਂਕਿ ਪ੍ਰਮਾਤਮਾ ਨੂੰ ਮਨੁੱਖੀ ਭਾਸ਼ਾ ਵਿੱਚ ਨਹੀਂ ਲਿਖਿਆ ਜਾ ਸਕਦਾ, ਸਿਰਫ਼ ਪ੍ਰਮਾਤਮਾ (G-O-D) ਨਾਮ ਤੋਂ ਇਲਾਵਾ। ਅਤੇ ਅਸਲ ਸਾਰ ਨੂੰ ਸਿਰਫ਼ ਸਾਡੀ ਆਤਮਾ ਦੁਆਰਾ ਹੀ ਜਾਣਨਾ ਚਾਹੀਦਾ ਹੈ। ਇਸੇ ਕਰਕੇ ਸਾਨੂੰ ਆਤਮਾ ਤੋਂ ਆਤਮਾ ਤੱਕ ਸੰਚਾਰ ਦੀ ਲੋੜ ਹੈ।

2017 ਵਿੱਚ, ਦੱਖਣੀ ਡਕੋਟਾ ਦੇ ਰੈਪਿਡ ਸਿਟੀ ਦੇ ਡਾਇਓਸੀਸ ਨੇ ਅਧਿਕਾਰਤ ਤੌਰ 'ਤੇ ਬਲੈਕ ਐਲਕ ਦੇ ਕੈਨੋਨਾਈਜ਼ੇਸ਼ਨ ਲਈ ਕੇਸ ਖੋਲ੍ਹਿਆ। ਸ਼ਾਇਦ ਇਸ ਨਾਲ ਬਲੈਕ ਐਲਕ ਨੂੰ ਕੋਈ ਫ਼ਰਕ ਨਹੀਂ ਪੈਂਦਾ ਕਿ ਉਸਨੂੰ ਸੰਤ ਕਿਹਾ ਜਾਵੇ ਜਾਂ ਨਾ, ਪਰ ਜਿਸ ਦਿਨ ਅਸੀਂ ਸੱਭਿਆਚਾਰਕ ਜਾਂ ਧਾਰਮਿਕ ਵੰਡਾਂ ਨੂੰ ਦੇਖ ਸਕਦੇ ਹਾਂ ਅਤੇ ਇੱਕ ਦੂਜੇ ਵਿੱਚ ਸੰਤਤਾਈ ਹੋਣ ਨੂੰ ਪਛਾਣ ਸਕਦੇ ਹਾਂ, ਉਹ ਦਿਨ ਸ਼ਾਇਦ ਅਸੀਂ ਇੱਕ ਲੋਕਾਂ ਵਜੋਂ ਠੀਕ ਹੋਣਾ ਸ਼ੁਰੂ ਕਰ ਦਿੰਦੇ ਹਾਂ। ਉਸ ਸਮੇਂ, ਜੀਵਨ ਦਾ ਪਵਿੱਤਰ ਰੁੱਖ ਪੱਤੇ ਉੱਗਣਾ ਅਤੇ ਖਿੜਨਾ ਸ਼ੁਰੂ ਕਰ ਦੇਵੇਗਾ!