Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн нэвтрүүлэг Авалокитешвара Бодисадва нэрээрээ танигдсан Шүтэн бишрэгдсэн Арьяабал Бодисадвагийн (веган) мэлмий гийсэн өдөрт зориулагдаж байна. Өнөөдөр бид англи хэл рүү Упасака Лу Куан Югийн орчуулснаар Баатраа явагч их хөлгөн судраас “Сонсголын эрхтнээр бясалгахуй”-аас түүвэрлэн хүргэх болсондоо баяртай байна, үүнд Авалокитешвара Бодисадва хэрхэн Аялгууны бясалгалаас дөрвөн үнэмлэхүй ач буян олж авсан тухай өгүүлдэг.Сонсголын эрхтнээр бясалгахуй“[…] Би нэгэн нэвтрэх эрхтнийг ашигласан нь надад сонсох эрхтнээр дамжуулан, бүх амьд төрөлтнүүдэд ухаан бодлоороо нэрийг минь дуудахад төвлөрөхийг сургадаг Дхарма ертөнцийг бие болон оюун бодол минь бүхэлд нь багтааж буйг ухаарахад хүргэсэн. Урган гарах ач буян нь бүх Бодисадва нарын нэрсийг дуудсанаас бий болох ач буянтай ижил. Ертөнцөд Хүндлэгдсэн Нэгэн, цор ганц нэр минь тэдгээр тоо томшгүй олноос ялгарахгүй, дасгал, сургуулилт минь намайг үнэн гэгээрэлд минь хөтөлсөн юм. […] Ертөнцөд Хүндлэгдсэн Нэгэн, Дээдийн Замд хүрэхэд намайг хөтөлсөн миний Төгс Ойлголтоор, би дөрвөн сэтгэшгүй үнэмлэхүй ач буяныг олж авсан. 1. Хамгийн гүнзгий болох сонсож буй оюун бодлыг би анх ухаарах үед Оюун Бодлын Мөн чанар (нэрлэвэл Татхагата агуулах) сонсохоос чөлөөлөгдөж цаашид сонсох, харах, мэдрэх, мэдэхээс үл тусгаарлагдах болсон, ийнхүү нэгэн ариун, цэвэр хаа сайгүй түгэх үнэт Бодь болдог. Ийм учраас би янз бүрийн гайхамшигтай хэлбэрт хувилж тоо томшгүй олон нууцлаг тарнид чадваржсан. Би нэг, гурав, тав, долоо, ес, арван нэг ба 108, 1000 10 000 хүртэлх болон 84 000 бие даасан (чакра) төрхөөр; хоёр, дөрөв, зургаан, найм, арав, арван хоёр, арван дөрөв, арван зургаа, арван найм, хорь, хорин дөрөв болон 108, 1000, 10 000, болон 84 000 мутраар янз бүрийн тэмдгүүдийг (мудра) үзүүлэн; хоёр, гурав, дөрөв, ес, 108, 1000, 10 000 ба 84 000 хүртэлх энэрэнгүй эсвэл догшин цэвэр, ариун үнэт мэлмийтэйгээр, мөн амгалан тайван (дхьяна-самади) эсвэл үнэмлэхүй билиг ухааны (пражна) төлөвт үзэгдсэнээр амьд төрөлтнүүдийг аварч хамгаалан тэдэнд агуу эрх чөлөөг эдлүүлнэ. 2. Сонсголын (эрхтнээр) бясалгасны учраас зургаан мэдрэхүйн өгөгдлөөс чөлөөлөгдсөнөөр дуу чимээ ханыг саадгүй нэвтэлдэгтэй адил би хувилгаан төрх бүртээ тарни бүрийн тусламжтай намайг Чин Зориг Хайрлагч хэмээн дээдэлдэг арван зүгийн хумхын тоос мэт тоо томшгүй олон орны (зовж буй) төрөлтнүүдэд чин зориг хайрлана. 3. Зохистой эрхтнийг бадрааснаар олж авсан төгөлдөржихүйн ачаар миний айлчлан очсон улс орнууд (өөрсдийн хүсэл, хүлээсээ хойш тавьж) энэрэл нигүүлслийг минь гуйн өөрсдийн бие, үнэт зүйлсээ өргөл болгодог. Буддагийн оюун ухааныг ухаарснаар би Үнэмлэхүй (Бодит байдалд) хүрсэн би арван зүгийн Татхагата нарт өргөл өргөж самади, урт нас тэр ч байтугай Паринирванаг эрэлхийлэх […] зургаан ертөнцийн амьд төрөлтнүүдийн хүслийг биелүүлж чадна.Будда төгөлдөржихийн төгс аргыг асууж байгаа тул сонсголын эрхтнийг удирдан, оюун бодлоо намжаан Самади төлөв рүү хөтлөх бясалгалын урсгалд нэвтэрч Гэгээрэлд хүргэхээс бүрдэх миний арга шилдэг нь юм. Ертөнцөд Хүндлэгдэн Нэгэн, тэр Будда төгөлдөржихүйн миний хосгүй аргыг сайшаан надад чуулганы дэргэд Авалокитешвара нэрийг хайрласан. Бүхнийг багтаагч сонсголын (үнэмлэхүй ажиллагааны) минь ачаар миний нэр хаа сайгүй танигдсан”. Үүний дараагаар Будда Өөрийн арслангийн сэнтийгээс лагшин биеийнхээ таван хэсгээс Гэрлийн цацраг илгээсэн нь арван зүгийн хумхын тоос мэт тоо томшгүй олон Татхагата, Бодисадва нарын магнайд хүрч гялбав. Хариуд нь, тоо томшгүй олон Татхагата нар Гэрлийн цацраг илгээсэн нь чуулган дахь Будда, их Бодисадва, Архад нарын магнайд гялбаснаар ойн төгөл, гол горхи Дхармад хөг нийлүүлэн Гэрлийн тоо томшгүй их цацрагууд урьд өмнө үзэгдээгүй үнэт сүлжээ болон сүлжилдэв. Үр дүнд нь бүх (чуулган дахь Бодисадва, Архдууд) Очир Самадиг мэдрэв. Үүнтэй зэрэгцээ ногоон, шар, улаан, болон цагаан бадамлянхуа цэцэгс нийт орон зайг бүхэлд нь долоон өнгийн өргөн уудамд хувиргаж, уулс, голууд, агуу Газрыг алга болгож тоо томшгүй өөр ертөнцүүдийг дуу, уншлагаар дүүрэн нэгэн орчлонд нэгтгэв”.
