Хүн бүр Арьяабалын Аргаар бясалгаж чадна. Цаг хугацаа өнгөрөхөд Арьяабалын Арга, 84,000 арга хожим нь үүнээс бий болсон. Хүмүүсийн сүнслэг чадвараас хамааран би тэдэнд янз бүрийн арга заах болно. Би хүмүүст ганцхан удаа авшиг өгөөд болчихдоггүй. Дотоодоос нь зааж сургахад надад олон арван жил шаардлагатай болдог. Би унтаж байх үед чинь зааж, идэж байх үед чинь заадаг, та нар намайг хаана байгааг харахгүй байхад зааж сургадаг!

Хэрэв та бүхэн намайг дагаж Арьяабалын Аргаар бясалгавал Диваажин болон тамын бүх хүндлэлээр, би та бүхэн энэ насандаа чөлөөлөгдөх болно гэдгийг баталж чадна. Будда болохгүй байсан ч чөлөөлөгдөх болно, ойлгож байна уу? Ядаж л чөлөөлөгдөх болно.

Та бүхэн зүгээр л сүнслэгээр бясалгал дадуулбал Бурханы Хаант Улс ямар байдгийг мэдэх болно, та бүхэн Эзэн Есүс та бүхний бясалгалд Өөрөө үнэнийг заахаар гарч ирэхийг харах болно, мөн би та нарт заах шаардлагагүй. Хэрэв та Эзэн Есүс танд заахыг хүсвэл, Эзэн Есүст мөргөхийн хүсвэл, та миний Арьяабалын Аргыг дагагтун, тэгвэл би та бүхнийг Эзэн Есүс яг одоо хаана байгаа газар руу хөтлөх болно. Улмаар та Түүнтэй хамт сургаалуудыг яг байгаа чигээр нь судалж чадна. Өдөр бүр Эзэн Есүс болон Буддаг хардаг шавь нар надад маш олон бий.

Хэрэв та Будда эсвэл Бодисадва болоход суралцахыг хүсвэл та энэ Самсара дэлхий гэгдэх энэ сургууль руу бууж ирэх ёстой болдог. Орчлон ертөнцөд, энэ нь ийм зохион байгуулалттай байдаг. Энэ бол танд Будда, Бодисадва болохыг заадаг сургууль юм. Тиймээс одоо хэрэв та сурахыг хүсэж буй бол, бүртгүүлээрэй, тэгснээр та Арьяабалын Аргаар тэр даруй бясалгаж чадах болно.

Тиймээс Бурханы дуу хоолойг сонсох нь Библид дурдагдсан “Үг,” “Ариун Үг” юм. Энэ нь Библид олон удаа дурдагдсан байдаг. Бурханы харах үед Бурхан яг л Гэрлийн том цагираг, галын цагираг мэт байдаг гэдэг, харж байна уу? Тодоос тод Гэрлийг гал гэж нэрлэсэн байдаг. Эрт дээр үед, хүмүүсийн үгийн сан ядмаг байсан. Хүмүүс Бурханыг агуу гал гэж харсан гэж ярьсан байна. Тэд Бурханыг аянга цахилгаан, агуу далайн түрлэгийн дуу гэж сонссон байдаг. Тиймээс та авшиг хүртэх үедээ, та тэдгээр (дотоодын Диваажингийн) Аялгуу сонсдог, тэдгээр (дотоодын Диваажингийн) Гэрлийг хардаг, энэ нь Бурханыг харж, Бурханыг сонсож буй юм.

Заримдаа би тайзан дээр гарч ирдэг ч юу гэж ярихаа мэддэггүй, тэгж байж та бүхэн тэрхүү асар их мэргэн ухааныг ойлгож чаддаг. Бид үүнийг Будда, Бодьсадва эсвэл Диваажин, эсвэл Бурхан гэж нэрлэдэг бөгөөд энэ нь таны дотор байдаг. Та хүссэн үедээ үүнийг ажиллуулахаар дуудаж чадна. Та аргыг нь л мэдэх хэрэгтэй. Би авшиг хүртээх үедээ танд арга замыг зааж өгөх болно. Танд үгээр биш, үл үзэгдэх байдлаар харуулах болно.

Жинхэнэ даяанчлалын зам мөр гэдэг нь бид оюун санааны хувьд бясалгал дадуулсны дараа, оюун бодол маань аяндаа энгийн болж бид юу ч дахин хүсэхээ болихыг хэлнэ. Материаллаг зүйл аяндаа хангалттай болдог ба, бид огт хүсэлгүй болдог. Жишээ нь ийм байна. Тиймээс бид сэтгэл хангалуун байдал мэдэрдэг. Учир нь бидэнд ямар нэг зүйл дутагдаж байгаа бол, бидний оюун бодол амгалан бус байдлыг мэдэрдэг. Тэгээд үүнийгээ нэхэх болно, гэвч хэзээ ч хангалттай санагдахгүй.

Библид ийн бичигдсэн байдаг: “Эхлээд Бурханы Хаант Улсыг эрж ол, тэгвэл бүх зүйл тан дээр ирэх болно.” Энэ нь дэлхийн бүх зүйл танд ач тустай байх болно гэсэн үг юм. Сурангама сударт ч мөн адил өгүүлдэг. Арьяабалын бясалгагчид Будда Мөн Чанарыг олж харсны дараа тэдний ертөнцийн ажил ч бас асуудалгүй болдог.

Бидний хүссэн гэвч бусдад хор хөнөөл учруулсан зүйлийг бид хийх бүрт бидний мөн чанар өвддөг, учир нь бид байгалийн хуулийг зөрчиж байдаг. Энэ үед бид үүнийг үйлийн үр төлөөс гэж нэрлэдэг. Үйлийн үр гэж ердөө энэ л юм. Үйлийн үр гэдэг нь бид харамсах зүйл хийсэн гэсэн утгатай. Энэ нь бид өөрсдийн явах зам дээрээ том хад чулуу унагасантай адил, эсвэл бид сэлж байх явцдаа өмнөө хана босгож өөрсдийгөө сэлэхээс болиулж буй явдал юм. Тиймээс юмс шулуун дардан өрнөхгүй байгаа мэт санагддаг.

Бид ертөнц дэх бүх гарагуудыг харж чадахгүй, бидний физик нүдэнд үл харагдах Диваажингууд болон Дэлхийн бүхий л нууцуудыг бүр ч харж чадахгүй. Тэд үнэхээр оршин байдаг боловч бидний нүд хүлээж авч чадахгүй өөр хэмжээст оршдог. Яг л телескопоор хүртэл харж чадахгүй олон вирусууд, эсвэл дэндүү хол орших одод байдаг шүү дээ. Та нар ойлгож байна уу? Тиймээс бидэнд байгаа цор ганц арга бол бидний Диваажингийн Нүд гэгдэх Буддагийн Нүдээ ашиглах юм. Үүнийг яаж ашиглах вэ? Тэр Нүд хаана байдаг юм бэ? Энэ бол Гэгээрсэн Их Багш нарын үүрэг юм. Тэд тэрхүү Нүд хаан байдгийг хэрхэн ашиглахыг та нарт харуулах болно.

Авшиг бол Их Багш Өөрийн Бүхнийг Чадагч Хүчээ ашиглан бидний мөнхийн мунхаглал, мөнхийн үйлийн үрийг мөн бидний анхдагч нүглийг арилгадаг мөч юм, улмаар бид агшин зуур гэрэл үзэж гэгээрдэг бөгөөд, өөрсдийн жинхэнэ мөн чанараа хардаг. Үүний дараагаас бид гэгээрдэг. Бид хэчнээн их бясалгана, төдий чинээ бидний билиг ухаан нээгдэж, бидний хүч нэмэгдэнэ, бид өдөр тутмын амьдралдаа улам сэтгэл хангалуун болно. Бид хэчнээн их бясалгана, төдий чинээ бид яагаад Арьяабалын Аргаар хичээллэж буйгаа ойлгох болно, бид энэ агшин зуурын дотор гэгээрч, энэ амьдралдаа чөлөөлөлтөнд хүрэх болно.

Тиймээс, Багш Арьяабалын Аргыг илэрхийлэхийн тулд “Агшин Зуур Билиг Нээгдэх, Нэг Амьдралд Чөлөөлөгдөх” гэдэг нэршлийг ашигласанд гайхах зүйл алга - энэ бол Сурангама Сударт бүхий л Будда болон Бодисадва нарын өндрөөр магтан сайшаасан арга юм. Тэр үед би хэрэв бид дээд түвшнүүд рүү дэвшихийг хүсэж байвал ачаагаа хөнгөлөх хэрэгтэй тухай ухаарч гэгээрлийн амссан юм. Хэсэг хугацаанд Их Багштай хамт бясалгасны дараа би сүнс маань маш хөнгөн, амар амгалан, нээлттэй болсныг мэдэрсэн. Хичээнгүйлэн бясалгасан тэдгээр өдрүүдэд би сүнс маань баяр хөөрөөр дэлбээлж байгааг мэдэрсэн. Сансар огторгуй дахь нэгэн мэдрэхүйт төрөлтөн гэдэгтээ би маш баяртай байв.

“Ихэнх хүмүүс бодохдоо хэрэв бид Есүс эсвэл Буддад залбирвал, энэ нь хангалттай гэдэг. Гэвч бид үүн дээр бясалгал болон ариун журамтай, зөв амьдралын хэв маягийг нэмэх хэрэгтэй гэж би боддог. Тэгж байж бид билиг ухаан, чөлөөлөлтөө хурдлуулах юм.

“Бидний бясалгал бол мэдрэлийн өвчлөл, үйлийн үрийн өвчлөл, бие махбодын өвчлөл зэрэг өвчин эмгэгийг эдгээх хамгийн шилдэг арга юм. Бүгд эдгэрдэг.”

“Юу тарина, түүнийгээ хураана” Хэрэв бид аливаа төрөлтөнд ямар нэг хэлбэрээр хор учруулбал, шууд эсвэл шууд бус ялгаагүй, бид хэзээ ч гэм зэмгүй байдлыг бүрэн мэдэрч чадахгүй, тиймээс бүрэн аз жаргалтай байж чадахгүй.

Жинхэнэ аз жаргал зөвхөн Бурханыг мэдсэнээр л ирдэг, энэ бол бидний оршихуйн мөн чанар юм. Гэвч энэ дэлхийд аз жаргалыг орлуулах зарим орлуулагч байдаг ба бид тэдгээрийг түр зуур мэдэрч чадна. Гэвч жинхэнэ аз жаргалыг энэ дэлхий дээрх аз жаргал гэгч ямарваа зүйлтэй харьцуулах боломжгүй юм.

Би Бурханыг маш доторхой ойлгодог, учир нь Тэр надад миний дотоодод илчилсэн. Таны Бурхан, миний Бурхан - ижилхэн – зүгээр л та Түүнийг хараахан мэдээгүй байх. Би Түүнийг мэднэ. Та миний аргаар бясалгах юм бол, та Есүсийг өөрөө харж чадна, Түүнээс өөрөө асуулт асууж чадна.

Энэ арга нь бүх зүйлд сайн. Бид Бурханыг олмогц, бид улам илүү энх тайванг бий болгож, дотооддоо хайр дүүрэн болж, эдгээр бүх сэтгэл хөдлөлүүдээ илүү дээр аргаар даван туулна.

Бурханыг мэдэх нь зөвхөн өөрсдийгөө дэвшүүлэх биш юм; энэ нь дэлхийг дэвшүүлэх болно; энэ нь дэлхийн атмосферийг адисладаг; дайн дажин багасах болно; илүү их энх тайван бий болно, бидний эргэн тойрон дахь хүн бүрт их хайр, элбэг дэлбэг байдал ирнэ.

Бид Бурханы хүчинд өөрсдийгөө бүрэн даатгаж бууж өгөх үед, бид Бурхан хүчтэй өөрсдийгөө холбож, тэрхүү хүчинд бүхнээ даатгамагц, бүх зүйл, нарийн ширийнгүй бүгд зохицуулагдах болно.