Дэлгэрэнгүй
Татаж авах Docx
Дэлгэрэнгүй уншаарай
Бид Бурханы Сэрэмжлүүлгийг хүлээн авахын тулд цаг заваа зарцуулж, Орчлон ертөнцийн нууцыг эрэлхийлэн, ойлгох, судлах, мөн өөрсдийгөө ариусгах гэж уйгагүй хөдөлмөрлөсөн бүх далдыг харагч, зөнчдөд талархъя. Бурханы Сэрэмжлүүлэг үргэлж Оройн Дээдээс ирдэггүй. Учир нь Оройн Дээдэд ихэнх хүн хүрч чаддаггүй. Хүмүүс клиник үхэлд орохдоо Эзэн Есүс, эсвэл Будда, Бодисадва, Гэгээнтэн Мэргэд гэж нэрлэдэг хүмүүсээ харсан байж болох юм.
2023 оны 4-р сарын 3-нд би төсөөлж ч байгаагүй зүйлтэй нүүр тулсан юм. Би 12 минутын турш клиник үхэлд орсон. Зүрх цохилохгүй, амьсгал байхгүй. Гэхдээ тэр 12 минутын хугацаанд би зүгээр л хоосон орон зайд хөвж алга болоогүй, харин нэг газар очсон. Тэр газар үнэхээр бодитой, үнэхээр гүн бөгөөд би одоо ч ойлгох гэж хичээж байна. Миний харсан, мэдэрсэн зүйл зөвхөн надад биш, бүгдэд маань хамаарах захиас байлаа. Би өөрийгөө үнэхээр ер бусын газарт байгааг олж мэдсэн. Миний анзаарсан хамгийн эхний зүйл бол гэрэл байв. Гэнэт миний эргэн тойрны гэрэл улам хурц болж, илүү төвлөрсөн мэт болон Есүс гарч ирсэн. Түүнийг дүрслэх гэж оролдох нь бараг боломжгүй юм шиг санагдана гэвэл хэтрүүлсэн болохгүй. Тэр миний урьд өмнө харж байсан аль ч дүр төрхтэй адилгүй байлаа. Түүний оршихуй хүний ч, Бурханы ч мөн чанарыг агуулсан мэт, урьд өмнө хэзээ ч мэдэрч байгаагүй хайр, хүч чадлаар цацарч байсан. Түүний нүдэнд Энэрэл нигүүлсэл, Билиг ухаан, намайг нэвт харж буй мэт гүн гүнзгий чанар гээд бүх зүйл багтсан мэт байв.
Энэ бол цорын ганц Оройн Дээд Бурхан биш, харин Бурханы нэг хэсэг, эсвэл Оройн Дээд Бурханы зарим нэг доод давтамж юм. Эс бөгөөс хүн төрөлхтөн, эсвэл үүнийг хүлээн авсан хэн бүхэн хумхын тоос болж хувирах болно. Тэд Бурханы Хүчнээс, Оройн Дээд Бурханаас, тэр ч байтугай хамгийн дээд Диваажингаас ирсэн анхны, жинхэнэ, бүрэн Есүс Христээс ирсэн хэмжээлшгүй их хүчийг шингээж чадахгүй.Хүмүүс сүнслэг байдал болон давтамжийн хувьд үүнийг хүлээн авах, шингээх хангалттай хүч чадалгүй тул үүнд хүрч чадахгүй. Тэд хумхын тоос болно. Одоо Бүхнийг Нигүүлсэгч, Бүхнийг Энэрэгч, Бүхнийг Хайрлагч Бүхэлдээ Бурхан... Оройн Дээд Бурхан, мөн Түүний Хүү, Цаглашгүй Дээд Их Багш нар Бүгд сүнслэг байдлаар Хүч чадлын хувьд, Билиг ухааны хувьд дахин нэгдэн, Нэг болоод байна. Тэд Гурван өөр түвшинд оршиж байсан ч одоо Нэгдэн, Нэг болоод байна. Гэсэн хэдий ч Тэд Өөрсдийн шинж чанарыг, хувийн өвөрмөц байдлыг бүрэн алдаагүй байгаа. Үүнийг та нарт тайлбарлахад маш хэцүү л дээ. Энэ бол оюун ухаанаар бүрэн ойлгогдохооргүй хэт хийсвэр зүйл. Гэхдээ ямар ч байсан бид Тэдэнд талархах учиртай. Бид зүгээр л Тэдэнд талархан, гэмшиж наманчлан, сайн байх ёстой.Төгсгөлийн энэ цаг үед бүх хэмжүүр маш хатуу, тун хатуу байгаа тул хэн ч зугтаж чадахгүй. Бүр тоосны ганц ширхэг ч энэ цаг үеийн, бидний түүхийн энэ мөчлөгийн шүүлтээс зугтаж чадахгүй. Цорын ганц шийдэл бол веган байж, наманчлан, бүх талаараа сайн байх явдал юм. Энэ тухай би та нарт өмнө нь бүр хувиараа онцлон хэлж байсан гэдгийг мэднэ. Гэхдээ гуйя, эдгээрийг бүү үл ойшоогоорой. Хэрэв сүүлийн үед, сүүлийн саруудад, хэрэв олон хүн, хүн төрөлхтний ихэнх нь гэсэн үг л дээ, чин сэтгэлээсээ залбирч, гэмшин наманчлалгүй, даруухнаар өршөөл, хамгаалалт гуйгаагүй бол бид амьд гарах бараг боломжгүй байх байлаа. Бие махбодын хувьд гэсэн үг шүү. Мөн Асурийн ертөнцөд бид шийтгэгдэх болно. Ээ Бурхан минь! Та нар төсөөлж ч чадахгүй, эцэс төгсгөлгүй. Тиймээс би маш их талархаж байна. Хүн төрөлхтөн ядаж л амь насныхаа төлөө эмээж, илүү даруу болж, Бурханы хууль болон түүнийг зөрчихөд гарах үр дагаврыг илүү хүндэтгэж эхэлсэнд би маш их баяртай байна.Сүүлийн үед, хэдэн сарын турш би өдөр бүр Оройн Дээд Бурханаас энэ гаргийг аврахын тулд, Бурханы бүтээсэн хүмүүсийг болон бусад бүх төрөлтнийг аврахын тулд надад өөр ямар нэг хийж чадахаар зүйл бий болов уу гэж асуудаг байсан. Бид амжихгүй байж магадгүй гэж би маш их санаа зовж байлаа. Эргэн тойрноо хар даа: Өөр ямар нэгэн гаргийг мэдэх үү? Бүр заримыг нь эрдэмтэд амьдрал байх шинж тэмдэгтэй гэж олж тогтоосон байдаг ч та нар өөрсдийн нүдээр энэ дэлхийгээс илүү үзэсгэлэнтэй гараг харж байсан уу?Та нар үүнээс илүү үзэсгэлэнтэй гаргийг харж байсан уу? Энэ бол хайр, маш их хайр, маш их халамж, маш их анхаарал шингээн бүтээгдсэн, урлагийн талаасаа төсөөлж болох бүхий л зүйлээр баялаг: зөвхөн хүн төрөлхтөнд төдийгүй дээр нь оршиж буй бүх төрөлтний хэрэгцээг хангахад зориулагдсан өнгөлөг, үзэсгэлэнтэй элбэг дэлбэг байдалтай. Бидний, ямар ч эрдэмтний төсөөлөхийн аргагүй хамгаас гайхалтай байдлаар амьтан-хүмүүст, ургамал ногоонд, моддод, бүр шавжид хүртэл дэлхий дээрх амьдралаа үргэлжлүүлэх бүхий л оюун ухаан, авьяас чадварыг хайрласан байдаг. Одоо бидэнд байгаа шиг ийм үзэсгэлэнтэй, ийм амар, ийм тухтай болгох гэж хэрхэн бүтээгдсэн, хэрхэн хийгдсэнийг төсөөлшгүй.Тиймээс энэ гараг цааш оршин тогтнох боломжгүй болчихвол харамсалтай. Бид үүрд залбирлаа ч өөр бусад ямар ч гараг энэ гараг шиг ийм үзэсгэлэнтэй, тухтай болохгүй. Хэдийгээр бид саад бэрхшээл туулдаг ч түүнийг өөрсдөө л бий болгосон. Яг л өвөг дээдэс Адам, Эва хоёр шигээ бид бүтээсэн. Тэд Энхжиний цэцэрлэгт жаргалтай амьдарч байгаад өөрсдөө Бурханы үгийг зөрчиж, өчүүхэн зүйлээр л Хуулийг зөрчиж, сөрөг могойг сонссон шүү дээ. Могой заавал могойн дүртэй байх албагүй. Энэ нь сөрөг хүчний, маяагийн, Хий хуурмагийн Хааны бэлгэдэл төдий юм.Тиймээс бид Бурханыг зэмлэх аргагүй. Ерөнхийлөгч жишээ нь сайн, чадварлаг хүүтэй байлаа гэж бодъё. Түүнд бүх хамгаалагч байвч тэр өөрөө улсын хуулийг зөрчвөл үр дагаврыг нь үүрэх ёстой. Нэр төр талаасаа, хайрын талаасаа энэ бол зовлон юм. Тэр олон боломжоо алдах болно. Энэ бол энэ гараг дээрх хүмүүсийнхтэй адил. Орчлон ертөнцийн Хуулийг бид зөрчсөн тохиолдолд өөрсдөө үр дагаврыг нь үүрдэг. Хүн төрөлхтний түүхийн энэ цаг үед үр дагавар нь үнэхээр аймшигтай, нөхөж баршгүй. Нэгэнт бие махбодоо алдвал тамаас бараг л аврагдах боломжгүй. Их Багшийн Хүчтэй жинхэнээсээ холбоогүй бол, амьд Их Багштай холбоогүй бол өнө мөнхөд сүйрч, үүрд зовох болно. Заримдаа та нар Их Багштай өөрсдөө шууд холбогдоогүй ч магадгүй үр хүүхдүүд тань, охин, хүү тань агуу амьд Их Багшийн шавь байдаг. Амьд Их Багш агуу байх тусмаа сайн. Илүү олон төрөлтнийг, зөвхөн хүмүүс ч гэлтгүй амьтан-хүмүүсийг ч мөн адил аврах илүү Хүчтэй байдаг юм.Миний аварсан олон нохой-хүн, шувуу-хүн надтай сүүлчийн удаа нэг уулзах боломж олдолгүй өөд болсон. Гэсэн ч Бурханы Нэрээр надад тэднийг аврах Хүч бий, Тим Ко Түгийн Шинэ Сүнслэг Оронд, Шинэ Газартаа аваачих Хүч бий. Тиймээс миний сэтгэл тэгж их, удаан зовдоггүй. Бид тэднийг сайн асардаг ч гэлээ мэдээж заримдаа би тэднийг санаж, байнга тэдэнтэй хамт байж, илүү сайн харж хандаж чаддаггүйдээ харамсаж өрөвдөх юм. Гэсэн ч би өөрөө харж хандсан ч болоосой, тэднийг Гэртээ харихаар явах хүртэл нь цаг үргэлж дэргэдээ байлгаж чадсан ч болоосой. Гэхдээ ядаж л би тэднийг Тим Ко Түгийн Шинэ Сүнслэг Оронд үүрд жаргалтай, үүрд эрх чөлөөтэй байгааг мэднэ. Үүнээс би нэлээн тайтгарал авч, материаллаг ертөнцөд сэтгэл хөдлөл, бие махбодын мэдрэмжүүд намайг хэт гүн гунигт автуулаагүй.Photo Caption: Боломжтой Бол Ядарсан Нэгэнд Туслаарай
