Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 2026 оны 8-р сарын 10-ны өдөр. Эсвэл 11 болчихсон уу? Би бясалгалын майхандаа л байж байгаа ч өнөөдөр биет ертөнцөд илүүтэй байна. Тиймээс сүнслэг асуудлыг сонирхдог хүмүүст хэлэхэд та бүхэнд миний дуу хоолой илүү тод сонсогдож байгаа байх. Үнэндээ дэлхий дээр байх надад маш хэцүү байдаг. Тиймээс би Эрхэм Дээдэс Клэй Хаантай арай эрт уулзах ёстой байсан ч амжсангүй. Өнөөдөр би энэ ертөнцөд байхаас илүүгээр сүнслэг ертөнцөд оршин байж чадсангүй. Өөр бусад олон зүйлд санаа тавьж, тэр нь мэдээж сүнсний минь ажлыг тодорхой хэмжээгээр удаашрууллаа. Тиймээс уулзалт олон цагаар хойшлогдоод байсан юм. Би Клэй Хаантай бүхий л хайр, хүндэтгэлээ илэрхийлэн мэндчилж байна. Та бүхэн адислагдах болтугай. Та, энд буй Таны бараа бологсод бидний Хамгаас Дээд, ХЭМЖЭЭЛШГҮЙ Хүчит МАПА болон Гурвалын адислал, хайр, ивээлийг хүртэх болтугай. Эрхэм Дээдэс Клэй Хаан Таны амгаланг айлтгая. Тантай уулзаж буй минь туйлын нэр хүндийн хэрэг билээ. Манай гаргийг морилон саатахад Тань тохирно гэж үзсэнд Тань маш их талархаж байна. Баярлалаа. Клэй Хаан мөн хүндэтгэл үзүүлэн, “Үгүй ээ, Хаадын Хаадын Хаадын Хаан Тантай уулзах нь бидний хувьд нэр төрийн хэрэг. Бид болон манай сүнслэг ертөнцийн бүх төрөлтөн Тантай мэндчилэн, сайн сайхан бүхнийг Танд хүсэж байна.” гэв. Баярлалаа, Эрхэм ээ. Баярлалаа. Өнөөдөр Тантай арай эрт уулзаж чадаагүйдээ үнэхээр хүлцэл өчье. Маш олон зүйлд би бараг орооцолдчихсон мэт байлаа. Ертөнцийн үйлийн үр, дэлхийн энх тайвны үйлийн үр. Би БУРХАНЫ Ивээлээр өөрийн үйлийн үргүй ч шавар дундуур туучин яваа хүн уртаас урт түрийтэй гутал өмссөн байсан ч яаж ийгээд л удаж саатах, эсвэл түүн рүү шавар үсчин наалдах нь бий. Үүнийг ойлгон, намайг өршөөхийг хүсье. Клэй Хаан “Өө, үгүй дээ, үгүй, үгүй, үгүй, үгүй. Өөрийгөө ингэтлээ буруутгах хэрэггүй. Тантай уулзахын тулд бид үүрд ч хүлээж чадна.” гэв. Ээ, БУРХАН минь! Энэ үг надад үнэхээр их тайвшрал өглөө, Эрхэм ээ. Эрхэм Дээдэс Клэй Хаантан, бидэнтэй уулзаж, хараахан бүрэн хөгжөөгүй энэ дэлхийг адислахаар алс холоос ирснийг Тань би гүнээ биширч байна. Та аль ертөнцөөс ирсэн, тэр нь энэ гараг дэлхийгээс хэр хол байдгийг бидэнд хэлж өгнө үү. “Бид өөрсдийн сүнслэг ертөнц болох Фло буюу F-L-O хэмээх Буддагийн Орноос ирлээ. Танай энэ гаргаас дөрвөн зиллион гаруй гэрлийн жилийн зайд оршдог.” Өө, гайхалтай! Үүнийг бид төсөөлж ч чадахгүй. Тэр зай хэр хол болохыг дэлхийн нэг ч хүн төсөөлж чадахгүй биз ээ. Тэгэхээр Эрхэм Дээдэс Таны хувьд маш урт, амаргүй аялал болсон байх даа? “Өө, үгүй ээ. Санаа зовох хэрэггүй. Бид аялдаг ч аялаагүй мэт байдаг. Үргэлж нэг газраа байгаатай л адил санагддаг. Энд ирснийхээ дараа ч нэг газраа хэвээр байгаа мэт санагдаж байна. Ертөнцөө орхисон мэт, сансар огторгуйн өөр нэг хэсэгт ирсэн юм шиг бидэнд санагддаггүй. Тиймээс бидний сайн сайханд тэгж их санаа зовох хэрэггүй. Замын уртыг, эсвэл ядаргааг огт мэдрүүлдэггүй онцгой тээврийн хэрэгсэл бидэнд бий.” Дэлхийн хүмүүс нэгэн өдөр Таных шиг ийм хэрэгсэл бүтээгээсэй. “Тийм ээ, Цог Жавхлант Хаадын Хаадын Хаадын Хаан минь. Хэрэв энэ гараг Таны Сургаал, зөвлөгөөг үнэхээр дагаж, БУРХАНД тэмүүлэн, сүнслэг дадал бясалгал сайтай байвал танай ертөнц удалгүй сүнслэг байдлаараа ийм өндөр хөгжилд хүрч, зөвхөн үүн шиг төдийгүй өөр олон онцгой, гайхамшигт хэрэгсэл бүтээх болно.” Гайхалтай. Гайхалтай! Өө, гайхалтай! Тийм өдөр ирээсэй хэмээн залбирцгаая, Эрхэм ээ. Учир нь бид зорчихдоо маш олон төрлийн тээврийн хэрэгсэл ашиглах шаардлагатай болдог. Гэвч яг одоо бол Танайд буйтай адил ийм хэрэгсэлтэй болно гэж мөрөөдөхөд ч ахдах юм байна. БУРХАНЫ Ивээлээр энэ гаргийн бүх хүн сэрж, өдөр тутмын амьдралдаа болон аян замдаа асар их эрх чөлөө, тав тухыг эдэлдэг өөр олон олон гараг эрхсийн адил илүү эрхэм ариун, агуу, мэргэн, ухаалаг бөгөөд чадварлаг болох төрөлхийн заяагдмал эрхээ олж авах болтугай. “Өө, тэгэх болно. Тэгэх болно. Бид ч бас Танай ард түмэн болон Танай гаргийн төлөө залбиръя.” Баярлалаа, Эрхэм Дээдэс ээ. Баярлалаа, Эрхэм ээ. Баярлалаа. БУРХАНЫ Ивээлээр бид илүү тав тухтай, Диваажинд буй мэт санаа амар байж, айдасгүй амьдрахын тулд Танай ертөнцийн чадварын ядаж хагаст хүрч хөгжинө гэж найдаж байна. Дашрамд асуухад Та болон Танай ард түмэн сүнслэг ямар зэрэгт хүрсэн бэ? Эсвэл Танай гайхамшигт ертөнцөд ч өөр өөр түвшин бий юү? “Манайд арай доогуур түвшний оршин суугчид бий. Гэхдээ тэд дээшилсээр байгаа. Эрт орой хэзээ нэгэн цагт бид бүгд ижил түвшинд хүрнэ. Гэхдээ бид сүнслэг хөгжил багатай төрөлтнүүдийг ертөнцдөө үргэлж хүлээн авдаг. Хэрэв тэд биднийг, миний нэрийг, эсвэл манай гаргийн бүх оршин суугчийг дуудан залбирвал, манай гаргийн зөвхөн нэрийг нь л чин сэтгэлээсээ дуудан залбирсан ч, энэрэнгүй буянт амьдралтай бол, тухайлбал веган байвал биелнэ. Энэ бол сүнсний хөгжилд нэн чухал, маш их ач холбогдолтой хүчин зүйл юм. Хэрэв бид тэдний дуудлага, уншлага, мөн энэ дэлхийн бүх лай ланчиг, зовлонгоос чөлөөлөгдөх гэсэн чин сэтгэлийн тэмүүллийг нь сонсвоос, өөрсдийн хүч чадлаар тэдэнд тусалж, сүнс нь бидэнд хүрч чадах хүртэл тэднийг улам бүр дээш өргөн тэтгэх болно. За, Танд баярлалаа, Эрхэм ээ. Та болон Танай ард түмэн үнэхээр өгөөмөр, нигүүлсэнгүй юм. Эрхэм ээ, манай гаргийн хүмүүс Таны алдар болон үзэсгэлэнт гаргийн Тань нэр ямар утгатайг мэдэхийг хүсэх нь дамжиггүй. Бидэнд тайлбарлаж өгнө үү. Мөн ийм адислагдсан сүнслэг түвшинд хүрэхийн тулд ямар бясалгал хийсэн, одоо ямар бясалгал хийдгээ хэлж өгнө үү. “Өө, тэгэлгүй яах вэ. Цог Жавхлант Хаадын Хаадын Хаадын Хаан минь, бид хэлж өгье. Бид хэлж өгье. Юуны өмнө миний нэр Клэй бол ‘Тэнгэрлэг’, манай гараг буюу сүнслэг ертөнцийн нэр Фло бол ‘Эрх чөлөө’ гэсэн утгатай.” Үнэхээр гайхалтай зохицсон нэр юм. Энэ гаргийн хүмүүс тэрхүү Тэнгэрлэг Эрх Чөлөөг эдлэхийг туйлын их хүсэх байсан. Нэгэн өдөр сүнслэг сүр жавхлангийн тийм түвшинд хүрнэ гэж найдаж байна. “Өө, тийм ээ. Тэд хүрнэ, Эрхэм ээ. Гагцхүү маш удаан хугацаа шаардагдана. Хэрэв тэд одоогийнх шигээ амьдарсаар байвал энэ нь Тэнгэрлэг Эрх Чөлөөний эсрэг чиглэж буй тул үнэхээр маш удаан хугацаа шаардагдана.” Эрхэм Дээдэс ээ, Таны зөв. “Тиймээс л Та дэлхийн хүн төрөлхтний сүнсийг дээшлүүлэхээр эрт галавын үеэс хойш уйгагүй зүтгэж ирсэн билээ. Энэ цаг үед бид ч бас Таны үүрэг зорилго, эрхэм үйлсэд туслахыг хичээж байна.” Танд Баярлалаа. Баярлалаа, Эрхэм ээ. Эрхэм Дээдэс Клэй Хаан Танд баярлалаа. Тийм ээ, би бас бүх Будда Хаадын адислал, дэмжлэг, өргөн тэтгэсэн ач тусад маш их талархаж байна. Будда Хаад болон Тэдний удирдлага, сургаал дор буй бүх төрөлтөнд БУРХАН хязгааргүй Адис, Ивээлээ мөнхөд хайрлах болтугай. Амен. Хаан ч мөн “Амен” гэв. Photo Caption: “ГЭРТ Минь Амрахаар Ирээрэй”
