Нарны Хаантай хийсэн яриа,12 цуврал лекцийн 9-р хэсгийг

Сарны Гуравдугаар Түвшин нь Хүмүүсийн Гуравдугаар Түвшинтэй адилгүй. Жишээ нь хэрэв та нар хүн байж, Гуравдугаар Түвшинд хүрсэн бол Гурван Ертөнц дотроо байх бөгөөд дараа нь Гурван Ертөнц нэг өдөр сүйрэх болно. Хэрэв та нар илүү дээр энерги бий болгохгүй л бол Гурван Ертөнц устах болно. Яагаад гэвэл энэ нь бас л доод түвшин юм. Яагаад ч юм зарим хувь нь материаллаг учраас устах боломжтой. Харин Сарны хүмүүсийн Гуравдугаар Түвшин өөр. Тэд тэгээд төрчихсөн, тэгээд бүтээгдчихсэн. Тэд устахгүй. Энэ нь өөр юм. Сарны Гуравдугаар Түвшин нь өөр орчинд, өөр энергитэй, өөр давтамжтай. Яагаад гэвэл тэд манай ертөнцийн гадна байдаг. Гурван Ертөнцийн гадна байрладаг учраас сүйрлийн энэ хуулийн нөлөөнд орохгүй. Сар өөр тогтолцоонд амьдардаг болохоор устаж үгүй болохгүй.

Жишээлбэл, Америкт байгаа Америк иргэн байшинтай, машинтай, паспорттой, үр хүүхэдтэй, ажил энэ тэртэй. Харин өөр нэг тун хязгаарлагдмал улс орны өөр нэг иргэн бас байртай, үр хүүхэдтэй, машинтай, ажилтай ч Америк иргэд шиг эрх чөлөөтэй биш. Тухайн хязгаарлагдмал улс оронд тэдний амьдрал үргэлж, хэзээд ч сүйрч мэднэ, эсвэл алагдаж, хоригдож, эсвэл төрөл бүрийн юмс тохиолдож мэднэ, хэн ч тэдэнд тусалж чадахгүй, хэн ч тэднийг хамгаалж чадахгүй. Гэвч Америкт жишээ нь ямар нэг гэмт хэргийн сэжигтэн байлаа ч засгийн газраас нь тэдэнд хамгаалах хуульч өгдөг.

Харин хязгаарлагдмал оронд бол шоронд орж, улмаар үхэж ч мэднэ, үгүй ч байж мэднэ, эсвэл шоронд орж өөрийг тань хэн ч тоохгүй. Хуульч засгийн газрын төлөө ажиллах ёстой, өөрийн тань төлөө биш. Мөн эрх чөлөөтэй болохын төлөө мөнгө төлөөд хөлсөлчих хувийн хуульч гэж байдаггүй. Энэ нь өөр. Та эрх чөлөөтэй байх эсэхийг мөн амьдрах эсэхийг засгийн газар шийднэ. Зарим хязгаарлагдмал улс оронд тийм байдаг, тэдэнд ард иргэдээ хамгаалах, тэднийг гэмгүйг харуулах хууль байдаггүй.

Америкт хүртэл жишээ нь зарим хүмүүс буруугаар гүтгэгдэж, шоронд ордог, насан туршдаа юм уу бараг л үхэх хүртлээ шоронд хоригддог. Гэвч бусад төрийн бус, ашгийн бус байгууллага бүхий хуульчид тэдгээр гэмгүй хүмүүст баталгаа байвал, илчлэх илчлэл, тухайн хоригдлын үнэн илчлэл байвал тэдэнд туслахыг хичээдэг. Тэд ДНХ-ээс ч юм уу, гэрчүүдээс төрөл бүрийн баримт олохыг хичээж, эсвэл хоригдогчдыг аврах бүх баримтыг олохыг хичээдэг. Олон хүн тэгж суллагддаг.

Америкт зарим хүмүүс жишээ нь, ялангуяа өнгөт арьстан бол чөлөөлөгдөх юм уу хамгаалагдах магадлал жинхэнэ цагаан арьст Америкчуудынхаас бага байдаг. Би урьд нь интернэтээс, эсвэл сэтгүүлээс уншиж байсан. Одоо дээрдсэн байх. Тэгээд нэг Америк хар арьст хүн 27 жилийн дараа суллагдсан. Тэгээд засгийн газраас бүр хэлмэгдүүлснээ ухаарч, түүнд олон сая доллар төлсөн. Мэдээж түүний хувьд аз жаргалыг юугаар ч худалдан авах боломжгүй, эсвэл олон арван жил шоронд зовсныг цайруулах боломжгүй. Гэсэн ч ядаж л шударга ёс байна. Шударга ёсыг дээдэлж бүр төлөөс төлсөн.

Гэтэл хязгаарлагдмал улс оронд үгүй шүү, би тийм зүйл сонсдоггүй. Магадгүй шууд л хорих лагерь руу ч юм уу шорон руу авч явдаг, бүр тэндээ харгис хэрцгий байдлаар алагддаг. Гэсэн ч засгийн газар нь үүнийгээ хүлээн зөвшөөрөхгүй. Ердөө л ороолт ороосны төлөө, эсвэл ороолт нь суларсныг өөрөө анзаараагүй төлөө амиа алдаж мэднэ. Шоронд хоригдож, зодуулж, үхэж мэднэ. Ердөө л залуухан, эмзэг охин байсан ч тийм. Эсвэл магадгүй тэр охин оюун бүрэн чадваргүй байж болно. Зарим хүүхдүүд сэтгэцийн сайн чадваргүй байдаг, тэд хэрхэн сайн байхаа мэддэггүй. Тэгээд л гүйцээ, нууц цагдаа нар ирж баривчилж, машиндаа зодож нүдэж, шоронд хийчихдэг, тэгээд л та амь насаа алдана. Зарим хязгаарлагдмал улс оронд ийм зүйл их болдог.

Тэд ямар Бурханд итгэдгийг би мэдэхгүй. Тэд ямар ч Бурханд итгэдэг бай Бурхан үүнийг нь хүлээн зөвшөөрөхгүй л болов уу. Зүгээр л хүмүүст няцлуулсан мэдрэмж төрүүлж, тэрхүү системийг дагах хүсэлгүй болгодог. Ард түмэн тань хүртэл гарч эсэргүүцэл илэрхийлдэг. Гэтэл тэднийг, тэдгээр босогчдыг зодож нүднэ. Тэд тэнэг гэж бодсон, эсвэл бага залуу ямар ч охин байсан шоронд аваачаад бас зодож нүдэж байгаад аминд хүрэх тохиолдол ч бий. Бурхан та нарыг, тийм улсын удирдагчдыг уучлах эсэхийг мэдэхгүй. Та нарт би үнэнийг хэлсэн юм шүү, та нар уучлагдахгүй. Тамд маш удаан, удаан, удаан, удаан, удаан хугацаагаар, олон эрин галаваар байж мэднэ.

Саран доторх хүмүүс, Сарны гадаргуу дээрх хүмүүс хүртэл Гуравдугаар Түвшнийх ч тэд өөр, өөр системтэй. Сүнслэг шалтгааны улмаас тэд Саран дотор байдаг. Тэнд сатаарал бараг л байхгүй. Мөн тэд дотооддоо гүн төвлөрч, сүнслэг зам мөрөө үргэлжлүүлдэг. Мөн Сар нь Дэлхийн материалаас өөр. Сүйрэх боломжгүй.

Мөн тэдгээр хүмүүс аль хэдийн Гуравдугаар Түвшинд хүрсэн. Тэд хэзээ ч буухгүй. Гэвч энэ материаллаг дэлхийд би зарим шавь нараа Дөрөвдүгээр Түвшин хүртэл өргөж дэвшүүлсэн байдаг ч ямар ч юм шалтгаанаар хоёрдмол сэтгэлгээ тэднийг заримдаа сөргөөр бодоход хүргэж эсвэл гэр бүлийн гишүүд, эхнэр, нөхөр, үр хүүхдийнхээ, эсвэл ажлынхаа нөлөөнд автахад хүргэдэг. Тэгээд тэд зүгээр л сөргөөр сэтгэж, Гуравдугаар Түвшин рүү унадаг. Дор хаяж нэг алхам ухардаг; Дөрөвдүгээр Түвшнөөс Гуравдугаар Түвшинд унана. Энэ бол маш том. Ахиад дэвшихэд маш урт хугацаа ордог. Хэцүү. Тиймээс ялгааг нь ойлгоорой. Хэдийгээр маш олон, олон, олон жил, бараг мянган жил болдог ч тэд дараа Дөрөвдүгээр Түвшинд хүрэх болно.

Учир нь Сар илүү тогтвортой бөгөөд Саран доторх хүмүүс Дөрөвдүгээр Түвшнийх. Тиймээс энэ нь бас энергийг Сарны гадаргуу руу гарахад тусалж, тэдэнд бас нэмэртэй байдаг. Тэгэхээр энэ гараг дээрх хүмүүс Саранд үнэхээр их хайртай байж, ямар ч юм шалтгаанаар сайтар бясалгаж, хангалттай буянтай байж, адилхан түвшинд хүрч, тэндхийн Саран дээрх хүмүүстэй адил хэлбэлзэлтэй байвал тэд ирээд та нарыг тийш аваад явж чадна. Өөр хэн ч тэгж чадахгүй. Асурын биеэрээ ч Саран дээр зочлох боломжгүй. Боломжтой юу? Би асуугаадахъя. Өө үгүй, үгүй, боломжгүй.

Хүмүүс та нар асурын биеэрээ ч Саран дээр очлоо гэхэд, Саран дээр зочиллоо гэхэд дотогш орох боломжгүй, учир нь тэндхийн систем нь та нарыг бас сүнслэгээр шалгаж байдаг. Зүгээр ч нэг материаллаг үнэмлэх биш бас аура. Тэд аурагаар тань, сүнслэг энергиэр тань, сүнслэг хэлбэлзлээр тань та нарыг нэвт хардаг. Тиймээс хэлбэлзэл тань тохирохгүй бол тэнд очих боломжгүй, Сарны доторх болон гадаргуу дээрх хүмүүсийнхтэй адил биш бол шүү дээ.

Би Сарны “гадарга” гэж хэлсэн ч тэд бүгд системтэй. Энэ нь нэг ертөнц, бидэнд харагддаг шиг тэгээд л болчихгүй. Гаднах эсвэл доторх нь ертөнцтэй. Доторх нь материаллаг ертөнц. Тэднийг харах боломжтой, яг л хүмүүс шиг ч гэлээ илүү үзэсгэлэнтэй. Гаднах ертөнцийг нь та нар та нар хардаггүй, яагаад гэвэл энэ нь өөр ертөнц, өөр хэлбэлзэл, тиймээс нүдэнд үзэгдэхгүй ч тэд бүгд дотроо ертөнцтэй бөгөөд хэн ч зөвшөөрөлгүйгээр, Саран дээрх, Наран дээрх хүмүүсийн урилгагүй орох боломжгүй. Тиймээс турших хэрэггүй.

Үнэндээ бид Сарны тухай ярилаа. Би бас Сарны талаар жаахан тодруулж хэлэх гэсэн юм. Сарны хүмүүс энх тайван ертөнцөөс ирсэн гэдэг нь манай гараг шиг ертөнц биш юм шүү, “энх тайван хүмүүсийн ертөнц” эсвэл “энхийг үймүүлэгч ертөнц” гэх мэт ертөнц шиг биш. Ертөнц гэдэг нь манай гараг дэлхий шиг гэсэн үг. Тэгэхээр Саран дээрх хүмүүс анх алс тэртээх гаргаас ирсэн. Хөрш зэргэлдээх түрэмгий хүмүүсээс болж галактик хооронд дайн гарсан учраас тэд тэрхүү гаргаа зүгээр л орхиод Сар руу ирсэн. Үнэхээр гайхалтай үндэстэн байсан гэдгийг л хэлэх гэсэн юм, зүгээр л нэг гаргийн жижиг булангаас ирээгүй, бие даасан гаргаас ирсэн.

Саран дээрх хүмүүсийн анх ирсэн тэр гараг, яг л манай гарагтай адилхан, хүмүүстэй адил төрөлтнүүд дээр нь амьдардаг байсан. Гэвч тэд илүү дээд ухамсрын түвшинтэй, Дөрөвдүгээр Түвшнийх. Та нарт хэлсэнчлэн Дөрөвдүгээр Түвшин нь манай дэлхийгээс Тавдугаар Түвшин хүртэлх таван ухамсрын түвшнийх, сүнслэг хэлбэлзлийн Тавдугаар хэмжээс. Тэд Дөрөвдүгээр Түвшнийх. Саран дотор амьдардаг хүмүүсийн тухай сая ярилаа. Харин Сарны гадна амьдардаг хүмүүс Гуравдугаар Түвшинд хэвээр байгаа ч тэд сүнслэгээр маш хүчирхэг, хүмүүстэй адил бясалган дадуулаад хүрдэг Гуравдугаар Түвшин биш. Ойролцоо хэлбэлзэлтэй ч анхдагч чанарын хувьд энэ нь өөр. Сарны гадаргуу дээр амьдардаг дээрх хүмүүс хүний нүдэнд харагддаггүй. Тэд тэнд амьдрах боломжтой.

Photo Caption: Жинхэнэ Тайтгарал Бурханы Гарт л Бий

Зураг татаж авах