Дэлгэрэнгүй
Татаж авах Docx
Дэлгэрэнгүй уншаарай
Ер нь бол Сар Нарыг харах болгондоо сайн уу гэж мэндчилж, Тэдэнд үнсэлт илгээн, чин зүрхний хайраа илгээдэг ч харилцан ярилцаж байгаагүй. Энэ удаа ярилцсан юм, тиймээс Тэдний талаар илүү жаахан мэдсэнээ та нартай хуваалцлаа, учир нь ихэнх нь тань Наран дотор болон Саран дотор юу байдгийг сониучирхдаг.Гуйя, Наран дотор орох гэсний хэрэггүй шүү. Нэгдүгээрт та нарын багаж, нисэж очсон юу тань ч бай ... шатах болно... хумхын тоос ч болохгүй, харагдах ч зүйлгүй шатна. Тиймээс тэгэх гэсний хэрэггүй. Өндөр технологитой, шинжлэх ухааны мэдлэг энэ тэртэй ямар ч хүн Нарны гаднах давхаргыг нэвтлэх гэж бүү оролдоорой, дэндүү халуун шүү. Бүх зүйл нь хумхын тоосноос ч жижиг болж шатна.Мөн дээрээс нь нэвтэлж гарч чадлаа ч тэд маш бат хамгаалалтын системтэй учраас дотогш орох боломжгүй. Яг л Сартай адилаар Нар бас төрөлтнүүдтэй учрахаас сэргийлсэн, өөрсдөд нь саад болсон зүйлээс зайлсхийх хамгаалалтын системтэй. Үймээн гэдэг нь тэд тэнд очоод тэдэн рүү буудах ч юм уу тэсрэх бөмбөг шидэхийг хэлэхгүй. Хувь хүмүүсийн энерги үймүүлдэг.Зарим үнэхээр хэцүү. Тиймээс тэд юу ч хийсэн санаатай ч бай, санаагүй ч бай амар амгаланг тань үймүүлдэг. Надад тийм хүмүүс бий, тэр бүх хүмүүсийг би мэднэ. Зарим нь эсвэл ихэнх нь миний авшигтан гэгдэгчид. Тэднийг өөрчлөх маш хэцүү. Тэд тэгээд төрчихсөн. Тэд бясалгал дадал энэ тэр хийдэг ч эгэл ертөнцийн зан авир нь тийм ч сайн өөрчлөгдөх боломжгүй. Ялангуяа тэд доогуур түвшнөөс ирсэн бол тийм. Хэрэв тэднийг энийг худалдаад ав гэвэл тэрийг нь авчихдаг, хүссэний тань эсрэг зүйлс. Тэгээд тэд үнэхээр явж худалдан авах хүртэл тэдэнтэй маргах болдог, тэд явж хүссэн зүйлийг тань авбал шүү дээ. Иймэрхүү байдаг.Эсвэл тэд хоол хийж өгвөл, өнөөдөр тэд боломжийн хийж, маргааш талаар нь л хийдэг. Тэгээд нөгөөдөр нь хэт давстай хийчихнэ. Тэрний маргааш нь хэт чихэрлэг эсвэл хэт сул ч юм уу хийчихдэг. Таныг аз жаргалгүй болгох юу ч байсан хийнэ. Тэдэнд ийм, ийм, ийм юм худалдан ав гэж хэлсэн байхад ч тэд хэрэгжүүлдэггүй. Буруу зүйлсийг нь худалдан авч эхлээд уурлуулна. Магадгүй тэдэнд учирлаж, шинийг ав гэж хэлбэл магадгүй нэлээд удаж, удсаны эцэст нэг юм тэд зөвийг нь авдаг. Эсвэл бүгдийг нь эхэлж бүгдийг нь олчхоод түүнд, “Энэ, тэр биш,” гэж хэлбэл нэг юм тэр аваад ирнэ. Тэгэхээр Нар Сарыг хүмүүс биднийг оруулсангүй гэж зэмлэх аргагүй. Хүмүүс магадгүй дотогш ороод ямар нэг зүйл хийхийг оролдох юм уу ямар нэг зүйл барьж байгуулж, болгоомжгүй байдлаасаа болж, эсвэл шинжлэх ухааны мэдлэг хомсоосоо болж Нар, Сарыг дэлбэлж мэднэ. Тэр л асуудал.Нар, Саран дээрх хүмүүс найрсаг биш гэсэн үг биш. Тэд туйлын найрсаг, хайр энэрэлтэй, эелдэг, өгөөмөр, гэвч та нар хүмүүсийг мэднэ, тийм үү? Бүх хүн эелдэг, харьцахад амар байдаггүй. Тиймээс л эхнэр нөхөр хоёр хүртэл ойр ойрхон маргадаг. Хүүхдүүд болон эцэг эхчүүд - хүүхдүүдэд зааж сургах гэж үе үе зодох ёстой болдог. Гэхдээ дандаа хүүхдүүдийн буруу байдаггүй. Эцэг эхчүүд нь бас уур хилэнтэй ч юм уу ажил дээрээ хэцүү байж байгаад гэртээ ирдэг, эсвэл хүүхдүүдээ буруу хийсэн гэж бодсон юм бүхнийхээ төлөө тэднийг зодчихдог. Яг л зодуурын мишок шиг, тун аймшигтай.Тийм учраас би олон удаа хэлж байсан, хүүхдүүдэд эелдэг хандах ёстой, яагаад гэвэл тэд бол хүүхдүүд - тэд яагаад ийм тийм зүйл хийснээ та нарт хэрхэн тайлбарлахаа мэддэггүй. Эсвэл магадгүй байшин нь хэт жижиг, хэт олон хүүхдүүд байдаг болохоор тэдэнд баригдмал санагдаж, энерги нь бүрэн сарних боломжгүй байдаг. Тиймээс тэд тийм ч тайван бус байдлаар үйлдэж мэднэ.Гэвч тэд бол ердөө л хүүхдүүд. Тэд яагаад ийм зүйл хийснээ хэлэх боломж олгох хэрэгтэй. Эсвэл магадгүй тэднийг утаснаас нь нэг өдрөөр ч юм уу салгаж болно. Эсвэл тэд хүмүүжилгүй авирлавал өнөөдөртөө зурагт битгий үзүүл. Дараа нь тэдэнд хэлж, зааж сургаж, сайн муу зан авирынх нь үр дагаврыг харуулах хэрэгтэй. Харин зодох хэрэггүй, тэд дэндүү эмзэг, хэт балчир. Гэтэл та нар бол насанд хүрсэн хүн, уурлаж бухимдсан үедээ та нар бүх хүчээ ашигладаг. Заримдаа үр хүүхдээ алчхаж ч мэднэ, тэгээд насан туршдаа харамсах болно. Тэд маш эмзэг, нялх балчир, хэрхэн тайлбарлахаа ч мэдэхгүй байгаа. Тэд зүгээр л чадахгүй, дээрээс нь тэднийг айлгачихаар бүр ч дор, юу ч хэлэх үгээ тэд олж чадахгүй. Тэд дэндүү их айж, өөр тайлбарлаад өгөх хэн ч тэдэнд байдаггүй, бас тэднийг хамгаалах хэн ч байдаггүй.Тэд бол таны хүүхэд. Тэднийг бүрэн захирах хүч танд бий. Тиймээс тэднийг цохихоосоо өмнө зүгээр л бодоод үзээрэй, учир нь та бол насанд хүрсэн хүн. Хоёр насанд хүрсэн хүн зодолдож, нэгнээ цохилоо гэхэд та гэмтэж бэртэнэ, өөрийгөө хамгаалах чадалгүй хүүхдийг ярилтгүй. Хэрэв та ганцаараа, том, хүчтэй хүн байж хүүхэд зодвол түүнд юу болно гэж бодож байна? Заримдаа та нар хэт чанга зодож, тэднийг газарт унаган газар цохиход хүргэдэг, тэгээд тархи нь гэмтэж насан туршийн бэртэл авч мэднэ. Тэгээд тэднийг тэнэг байна гэж загнаж, эсвэл сургуульд амжилт олсонгүй энэ тэр гэж буруутгана.Энэ бүхнийг бодох болгонд, Бурхан минь, зүрх сэтгэл минь үнэхээр их харанхуйлж, хэцүү байдаг. Тиймээс гуйя, би дашрамд л та нарт сануулсан юм. Хүүхэд цохихоосоо өмнө та нар өвдөглөөд, та нарт тийм зөвшөөрөл байгаа эсэхийг Бурханаас асуугаарай. Тэгвэл ядаж л та нар жаахан тайвширч, хормын уур хилэнгээрээ тэднийг тэгж зодохгүй. Бурханы нэрээр гуйя, хүүхдүүдээ хайрла, тэдэнд тэвчээртэй, эелдгээр зааж сурга.Хүүхдийг хэзээ ч бүү зод. Та болон таны эхнэр, эсвэл нөхөр заримдаа сэтгэл мэдрэмжээ тодорхой тайлбарлаж чаддаггүй, эвсэл болсон зүйлийнхээ учир логикийг ярьж чаддаггүй, тийм байхад бяцхан хүүхдийг ярилтгүй. Тэд тун зөөлөн, эмзэг. Бурхан та нарт хүүхэд өгсөн байхад түүнийг нандигнах ёстой. Тэр хэн болж өсөж торнихыг та нар таашгүй шүү дээ. Магадгүй хоёр дахь Эйнштейн, бас нэгэн Мари Күри ч юм уу бүр Гэгээнтэн, эсвэл бүр Есүс Христийн дараа төрөл байх ч боломжтой.Есүс Христ бас махан биед төрсөн, гэхдээ одоо та нар Түүнийг мэднэ. Тэр бол Бурханы Хүү. Тэр энэ материаллаг, аймшигтай ертөнцөд зарим цөхөрсөн сүнсийг аврахаар бууж ирсэн. Хэрэв Түүнд итгэхгүй бол Түүнийг тайван орхих хэрэгтэй. Тэр хэнд ч ямар ч гэм хийгээгүй. Юунд тийм харгис хандана вэ? Тэгэхээр энэ бас хүүхдүүдтэй адил. Есүсийн дараа төрөл биш байлаа ч түүний дотор Бурхан бий. Тэр алдартай хүн болохгүй байлаа ч, түүнд сайн зааж сургаж, эелдэг зөөлөн хандвал тэр тэгж л авирлана.Хэрэв та хүүхдийг цохиж байвал сайн боловсрол эзэмшээгүй гэсэн үг. Түүнд гар хүрэхийг өөртөө зөвшөөрөх нь бүү хэл хүүхдэдээ ч зааж сургаж та чадахгүй. Хэрэв тэгсэн бол та нар гэмээ наманчилж, ахин хэзээ ч хүүхдэд бүү хүрээрэй. Тэдэнд өөр өөр байдлаар зааж сургах боломжтой. Магадгүй түүнийг нэг өрөөнд 10 минут, 20 минут ганцааранг нь байлгаж болно – хэт удаан биш, үүнээс удаа хэрэггүй, учир нь тэр бол хүүхэд, уйдаж, бухимдаж эсвэл айж, гологдсон мэдрэмж авна. Олон зүйлийг та нар хийхдээ шалтгааныг нь мэдэхгүй бол, эсвэл сайтар зохицуулж чадахгүй бол сэтгэл зүйн нөлөөлөл нь тэдэнд насан туршид нь нөлөөлдөг. Тэд хэвийн бус байдлаар өсөж торниж, хүмүүст итгэхээ байж, гэрээсээ гадуур бусад багш нарт итгэхээ больж мэднэ.Учир нь тэд, “Миний хамгаас илүү итгэж, хамгаас илүү хайрлаж байсан аав ээж хоёр намайг тэгж цохиж байхад гаднын хүмүүст би яаж итгэх билээ?” гэж бодож мэднэ. Тэгээд гэрлэх үед нь тэдэнд энэ бүх сэтгэлийн шарх сорив үлдэж мэднэ, сэтгэл зүйд нь нөлөөлж, тэд аз жаргалгүй болно. Хэрэв та аав ээж бол хүүхдээ аз жаргалтай байхыг хүснэ, тиймээс тэдэнд сайхан хандаж, бурхан мэт, сахиусан тэнгэр мэт хүндэл, учир нь тэд анх төрөхдөө тийм байсан. Тэд Бурхантай холбогдож чадах хэвээр, гэтэл та нар мартчихсан.Ихэнх эцэг эхчүүд хүүхдүүдтэйгээ сайхан харьцдагт би баяртай байна. Гэвч бусад зарим эцэг эхчүүд гуйя, хүүхэдтэйгээ хэрхэн харьцахдаа болгоомжтой байгаарай. Бурхан түүнийг та нарт өгсөн. Та нар тэднийг нандигнаж, хүндэлж, уур хилэнгээрээ, гараараа тэдэнд харгис хандаж болохгүй, юу ч уурыг тань хүргэсэн хамаагүй. Таны ажил хэцүү байж болно, өдөр тань үймээн самуун ихтэй байсан байж болно, гэвч үүнийг хүүхэд дээрээ тохож болохгүй. Эхнэртэйгээ, нөхөртэйгөө харилцаа тааруу байлаа ч, та нар үүнийгээ хүүхэд дээр үүрүүлж болохгүй.Та нарт хэрхэн хандахыг хүснэ, түүн шигээр тэдэнд хандаарай, ялангуяа тэд маш зөөлөн, маш жижиг, тун өрөвдөлтэй. Тэд хэнээс тусламж гуйх вэ? Хэнтэй ярих вэ? Хэрэв та нар тэдэнд тэгж хандаж, тэгж цохидог мишок болгохоор хэн тэдэнд туслах вэ? Хэн тэднийг хамгаалах вэ? Тийм учраас олон хүүхдүүд гэр орноо орхиж, гарч гүйж томоохон асуудалд орж, илүү харгис зүйлстэй учирдаг. Тиймээс бодоод үз. Өдрийн тэмдэглэлдээ бичээд хаа сайгүй наачих, “Бүү хүр,” гээд наачих, тэгвэл та хэнд хүрч болохгүй гэдгээ ойлгоно. Эсвэл “Эелдэг зөөлөн бай. Бурханд залбир.” гээд наачих. Эхлээд залбираарай, хүүхдээ цохихыг хүсэх болгондоо өвдөглөөд эхлээд залбир. За юу? Өөрөө хүүхэд байхдаа хэрхэн хандуулахыг хүсдэг байсан шигээ хүүхдүүдэд ханддагт тань баярлалаа. Есүс, “Хүүхдүүд над дээр ирэг, учир нь тэднийх бол Бурханы Орон” гэж хэлсэн.За одоо Сарны тухай ахиад хэдэн зүйл байна. Сар биднээс жаахан зугтаад байгаа. Зугтаад гэдэг нь хэтрүүлэг ч гэлээ аль эртнээс биднээс бага багаар холдоод байгаа. Би тэднийг яагаад биднээс холдож буйг асуухад тэд “Энэ гаргийн энерги дэндүү тэсрэмтгий, дэндүү найрсаг бус, харгис хэрцгий болохоор тэр. Тиймээс Сарны энергитэй дүйцдэггүй юм.” гэсэн. Тэгэхээр бид л тэднийг түлхэж байгаагаас биш, тэд биднээс зугтаагүй.Сарны Гуравдугаар Түвшин нь Хүмүүсийн Гуравдугаар Түвшинтэй адилгүй. Жишээ нь хэрэв та нар хүн байж, Гуравдугаар Түвшинд хүрсэн бол Гурван Ертөнц дотроо байх бөгөөд дараа нь Гурван Ертөнц нэг өдөр сүйрэх болно. Хэрэв та нар илүү дээр энерги бий болгохгүй л бол Гурван Ертөнц устах болно. Яагаад гэвэл энэ нь бас л доод түвшин юм. Яагаад ч юм зарим хувь нь материаллаг учраас устах боломжтой. Харин Сарны хүмүүсийн Гуравдугаар Түвшин өөр. Тэд тэгээд төрчихсөн, тэгээд бүтээгдчихсэн. Тэд устахгүй. Энэ нь өөр юм. Сарны Гуравдугаар Түвшин нь өөр орчинд, өөр энергитэй, өөр давтамжтай. Яагаад гэвэл тэд манай ертөнцийн гадна байдаг. Гурван Ертөнцийн гадна байрладаг учраас сүйрлийн энэ хуулийн нөлөөнд орохгүй. Сар өөр тогтолцоонд амьдардаг болохоор устаж үгүй болохгүй.Photo Caption: Эрхэм Ариун Зам Мөр дэх Сайхан Мэндчилгээ
