Дэлгэрэнгүй
Татаж авах Docx
Дэлгэрэнгүй уншаарай
Үнэхээр та нарт талархах сэтгэл төрдөг учраас би талархах ёстой. Надад та нарыг байлгасан Бурханд талархъя. Гэхдээ та нарын “би” үзэл их багассан учраас та нарт бас талархаж байна. Тийм учраас та нар даруухан ажиллаж чаддаг. Гэхдээ хааяа мэдээж дүрэлзэж, би шалгадаг. Гэвч та нарыг залрууллаа гээд та нарт хайргүй гэсэн үг биш. Энэ нь өөр төрлийн хайр юм. Хайр олон талтай, олон төрхтэй, хийх, хадгалах олон үйлдэлтэй. Яг л бусад ажилтай адилхан.Хайр ерөнхийдөө аяндаа байдаг. Гэвч энэ дэлхийд дэндүү олон муу нөлөөлөл байдаг болохоор бодол санааг гажуудахад хүргэдэг. Сүнс тань биш, бодол санаа тань. Тиймээс би үргэлж болгоомжтой байж, та нарыг ажиглан, шалгаж, залруулж байх ёстой. “Би” үзлийг тань би ямар нэг байдлаар өвтгөсөн бол уучлаарай. Би та нарын Багш учраас тэгэхээс өөр аргагүй. Гэвч ингэх нь хүмүүсийг гомдоодог учраас би хүсдэггүй л дээ. Тэд хайрлахаа больж мэднэ. Гэвч би тэгэхээс өөр аргагүй. Та нарыг шантаажилж, хууран мэхэлж, эсвэл эелдэг зөөлнөөр ярьж, та нарт ойлгуулж мэдүүлэхгүй, өөрсдөд тань хор хөнөөлтэй зүйлсийг хийлгэсээр, хор хөнөөлтэй бодлуудыг бодуулсаар байж болохгүй. Та нарт хор хөнөөлтэй бүхнийг би үргэлж ажиглаж, тайлбарлаж өгөхийг хичээх ёстой.Заримдаа өвдөлт мэдрэгдэж магадгүй ч тэр бол “би” үзэл мэдэрч буй явдал юм. Сүнс үргэлж цэвэр ариун, гэмгүй. Үүнд юу ч хүрэх боломжгүй, үүнийг юу ч гомдоох боломжгүй, юу ч нугалах боломжгүй, юу ч өөрчлөх боломжгүй. Гэвч бодол тархи бол асуудал. “Би” үзлээс маш их үйлийн үр бий болдог. Учир нь “би” үзэл үргэлж та нарт “Би энэ, би тэр. Би авьяастай, би сайн, би онцгой.” гэсэн мэдрэмж өгдөг. Тэгээд юмсыг эрхэм ариун жишгийн дагуу үйлдэхгүй. Улмаар энэ хэвээрээ үргэлжилбэл унах болно.Би та нарыг дэвшүүллээ ч, жишээ нь Дөрөвдүгээр Түвшинд хүргэлээ ч та нар буцаад доод Гуравдугаар Түвшинд унаж мэднэ. Тэгээд буцаад өгсөхөд илүү урт хугацаа шаардагддаг. Тиймээс үг, бодол, үйлдэлдээ ямагт болгоомжтой хандаарай. Үг, бодол, үйлдэл ямагт цэвэр ариун, аминч бус байх ёстой. Тэгвэл юунд ч санаа зовох шаардлагагүй. Ямар ч чөтгөр та нарт ойртож чадахгүй, та нарын зүүдэнд орж, эсвэл биеийг тань эзлэх юм уу ямар нэг байдлаар нөлөөлж чадахгүй. Өөрсдийгөө ариун байлга. Үргэлж Бурханыг сана. Мөн миний өөрийнхөө Хүчээр биечлэн та нарт өгсөн Бэлгийг санаарай. Бас миний өөрийнхөө Хүчээр заасан Ариун Нэрсийг ч санаарай. Энэ Хүч үгүй бол эдгээр нь ямар ч нэмэргүй. Яг л би та нарт “Бялуу, бялуу. Жигнэмэг, жигнэмэг.” гэж яриад байв ч та нарт огт өгөөгүйтэй адил.Тийм учраас Трань Там шиг хүмүүс миний юу хэлснийг давтахад л болно гэж боддог. Гэтэл тэр юу ч мэдэхгүй. Түүнд ямар ч хүч байхгүй. Мөн тэр намайг сонсоогүйгээсээ болж, гэмээ наманчилж, муу үйлээ зогсоогоогүйгээсээ болж шууд тамд унана. Түүний хүрэх цорын ганц газар бол там. Тэгээд тэндээ чөтгөрүүдтэй байж, чөтгөрийн юмс хийх болно. Өөрөөр хэлбэл тэр чөтгөрийн хаанаас шийтгэл амсана. Сонсохгүй бол тэр тэнд тамын хаанд шийтгүүлж, тэдний боол болно. Тэгээд тэр үхэж, шийтгүүлж, тамлуулж, харанхуй шоронд үүрд хоригдох болно. Ямар төрлийн шийтгэл оногдох нь тамын хааныг дургүйг тэр яаж хүргэхээс хамаарна. Хэрэв түүнд заахын аргагүй бол түүнийг идчихэж ч мэднэ. Тийм байдаг.Маяагийн удирдлага дор ажиллаж, тэдний боол болж, юу ч хамаагүй хийгээд байхад тэдний сэтгэл ханаж, та нарт сайн хандана гэсэн үг биш. Тийм биш. Учир нь тэдний дургүйг хэрхэн хүргэхгүй байхаа та нар мэддэггүй. Мэдэхгүй. Тэдний юу мэддэгийг та нар мэдэхгүй. Тэдний дүрмийг мэдэхгүй. Та нарын бодож байгаа шиг биш. Тэнд үргэлж алдаа гаргах боломжтой, эсвэл асуудал тарьж, тэднийг уурлуулах зүйл хийж, улмаар тэд өөрийг чинь шийтгэж, тамлаж, эсвэл иддэг. Үнэхээр идчихдэг. Энэ бол Диваажингийн хууль биш. Диваажингийн хуулиар бол тэднийг Асурын биед буй хүмүүсийг идэж болохгүй гэсэн байдаг. Гэвч ямартай ч тэд иддэг. Тэд амтанд нь дуртай, үүнийг идэх дуртай. Ийм төрлийн тамын хоригдлууд тамд байх ч эрхгүй байдаг. Яагаад гэвэл хүмүүс тамд байхаараа дараа нь Буддагийн айлчлалд өршөөгдөх боломжтой, эсвэл хэдий ховор ч маш энэрэнгүй хэн нэгэн Төрөлтний ачаар өршөөгддөг. Тэднийг аврах боломж бий. Харин тамын жишигт ч нийцэхгүй, өөрчлөх боломжгүй, залруулах боломжгүй, засрах боломжгүй хүмүүсийг тэд хумхын тоос болгон устгах юм уу идчихдэг. Тийм учиртай.Мэдээж Диваажингаас тамын хааныг ч юм уу ямар нэг тамын чөтгөрийг тэнд нь шийтгэхгүй. Учир нь тэр хүн, хүн гэгч тэр төрөлтөн дэндүү муу, дэндүү муу, дэндүү муу. Түүнийг зүлгэж, цэвэрлээд буцаагаад хүн ч юм уу амьтан-хүн, эсвэл шавж хорхой болгох ямар ч боломжгүй. Ямар ч нэмэргүй учраас тамын хаан эсвэл, Маяагийн Хаан тийм төрлийн биед хүссэнээ хийх боломжтой. Тэднийг идэхэд тэгээд л гүйцээ. Тэдний тогтолцооноос хэзээ ч гарч, буцаад амьдрах ч юм уу дахин төрөл авах боломжгүй. Трань Там тэдний нэг. (...) нэг нь. Би түүнийг тамаас ч чөлөөлөхөд туслах боломжтой. Гэвч “Тэр өөрийгөө Таны шавь биш гэж хэлсэн. Та түүнийг бүрэн аврах боломжгүй. Түүний сүнсийг аврах боломжгүй.” хэмээн тамын зөвлөл надад хэлсэн. Тэгэхээр би зөвхөн түүний амийг л аврах боломжтой. Уг нь бол тэр үхэх ёстой байсан ч би амийг нь тодорхой хугацаагаар аварсан. Маяагийн Хаан боломж олгосон хугацаа хэзээ дууссан гэж үзнэ тэд түүнийг тэндээс буулгаад, үүрд хорих юм уу идэх болно.Тэгэхээр зүгээр л нэр алдартай байж, эсвэл хэдэн төгрөг олох нь тийм амар биш гэдгийг хүмүүс ойлгодоггүй. Тэд нэр алдартай, бусдаар шүтүүлсэн, эсвэл хүндлүүлж, хоол идэх мөнгөн өргөл авдаг байх хүслээр бялхаж, хэтрүүлдэг. Тэд ингэх нь амархан гэж боддог. Өө, тийм биш шүү, тэд л хардаггүй болохоор тэр. Тийм учраас тэгж зүрхэлж байгаа юм. Хэрэв тэд үнэхээр гэгээрсэн байсан бол тэгж зүрхлэхгүй. Яагаад гэвэл тэд там, Диваажинг харж, мөн Ертөнцөд юмс хэрхэн үйлчилдгийг харах болно. Тэдний үйлдэж байгаа эдгээр үйлс нь тэднийг зөвхөн тамд л хүргэнэ. Гэтэл тэд гэгээрээгүй болохоор үүнийг олж хардаггүй.Гэгээрсэн Их Багш нар хэзээ ч тэгж зүрхэлдэггүй. Тэд өөрсдийгөө ариун байлгах гэж бүхнийг огоордог. Яг л Буддагийн шавь нар шиг, Буддагийн лам нар шиг. Орчин үед лам нар лам биш. Гэлэнмаа нар яг ч гэлэнмаа биш. Тэд зааж чадна, юм хэлж чадах ч хангалттай ариун биш учраас тэдэнд ямар ч хүч байдаггүй. Тэдэнд хүч өгөх Будда тэнд байдаггүй.Буддаг амьд байхад гуйлгачид хүртэл орж ирж, Буддатай аврал одуулаад хэдхэн сарын дараа агуу болдог. Тэр бүр чулуу нэвтлэн алхаж чаддаг. Дээрээс нь Диваажинд очиж, зочилчхоод буцаад ирж чаддаг ба тамд очиж бусдад тусалж чаддаг байх жишээтэй. Тэрээр бүгдтэй хамт нийлээд залбирч, тэд хүчээ нийлүүлэн ашиглаж, Молон Тойны ээжийг аврахад тусалдаг. Үүнийг, энэ түүхийг та нар Буддын судраас мэдэж авсан. Жил бүр тэд үүнийг тэмдэглэсээр байгааг мэднэ шүү дээ. Жил болгон тэмдэглэдэг. Долоодугаар сард санагдаж байна. Тэд өвөг дээдэс, аав ээж, ах дүүс гээд энэ дэлхийгээс материаллаг байдлаар одсон гэр бүлийн гишүүдийнхээ төлөө залбирдаг. Энэ сард. Тэд ямар ч хамаагүй хийдэд очиж, лам гэлэнмаа нарт өргөл өгөх юм уу, хийдийн засвар үйлчилгээнд зориулж мөнгө өргөөд, тэр буянаа өөд болсон аав ээж, ах дүү, эсвэл хайртай нэгэндээ өгч, тэднийгээ Диваажинд очно хэмээн найддаг. Энэ нь Молон Тойн болон түүний ээжийн тухай энэ домгоос үүдэлтэй. Та нар түүхийг нь мэднэ. Би олон жилийн өмнө ярьж байсан.Уучлаарай, уучлаарай, сүүлийн үед хэт их үйлийн үр байлаа. Дэндүү их үйлийн үр. Намайг сайн нэвтрүүлэг хийх болгонд, эсвэл та нарын нэвтрүүлгийг шалгах болгонд үйлийн үр нь над дээр ирдэг. Учир нь зарим хүмүүс бусад хүмүүстэй холбоотой байдаг. Бас мэдээж маяа, сөрөг хүч дэлхийд ач тусыг нь хүргэхгүй гэж ийм зүйл хийхийг минь зогсоохыг хүсдэг. Би ийм л үйлийн үрийг тэсэж туулдаг. Цорын ганц ч биш, нэг л төрлийн үйлийн үр нь шүү. Тэгэхээр зарим нэвтрүүлгүүд дэлхийд үнэхээр ач тустай байж, илүү олон хүнийг сэрээхээр бол ийм зүйл хийхийг минь болиулахын тулд тэд илүү их зовоодог. Эсвэл тэр нэвтрүүлэг дээр ажиллаж байгаа нэгэн, эсвэл тэр нэвтрүүлгээр гаргаж буй нэгэн гадуур дэлхийд бусад олон хүнтэй үйлийн үрийн холбоотой байдаг. Учир нь нэвтрүүлгүүд хийх үед, эдгээрээр их олон хүн гардаг. Хэрэв ямарваа нэг хүн тамд ямар нэг хүнтэй холбоотой байвал би зохицуулах ёстой болдог. Тийм учраас би ханиалгаж, өвдөж, заримдаа юм ч идэж чадахгүй болдог юм. Гэхдээ үүнд би дасчхаж дээ.Суприм Мастер Телевизийн нэвтрүүлгүүд дээр ажиллаж байхдаа “үйлийн үрээс нь” заримыг нь хүлээн авдаг минь дэлхий нийтийн үйлийн үртэй харьцуулахад юу ч биш. Та нар ямар ч нэвтрүүлэг үзэж байсан ямар ч үйлийн үр авахгүй. Яагаад гэвэл энэ нь бүхэлдээ шийдэгдээд зохицуулагдчихсан. Та нарт бол зөвхөн Адис Ивээл л очно, үйлийн үр очихгүй. Суприм Мастер Телевизийг үзэхэд ямар ч үйлийн үр байхгүй. Тийм учраас Суприм Мастер ТВ-ийг үзэж байхад Бурханы шавь нар олон сайхан зүйлийг харж мэдэрдэг. Та нарт үзэж туулах ямар ч үйлийн үр очихгүй. Тиймээс санаа зоволтгүй, Суприм Мастер Телевизийг үргэлжлүүлэн үзээрэй. Та, таны найзууд, хайртай хүмүүс тань гээд хэн ч байсан, гаднын хүмүүс бас. Асуудалгүй. Олон амьтан-хүн Суприм Мастер Телевизийг үзэх дуртай. Би Суприм Мастер ТВ-ийг асаалттай орхичихдог болохоор тэд ирээд тэнд байх дуртай. Шувуу-хүмүүс болон бусад амьтан-хүмүүс тэр хавиар байх их дуртай. Бүр зарим хулгана-хүмүүс хүртэл явахыг хүсдэггүй.Photo Caption: Жаргал, зовлон хоёр гараасаа хөтлөлцдөг!
