Дэлгэрэнгүй
Татаж авах Docx
Дэлгэрэнгүй уншаарай
Хуурамч ламыг дагаж, хуурамч багшийг дагаж, тэднийг “Будда” гэх мэтээр алдаршуулна. Ингэснээрээ та нар бас үүрдийн тамын үйлийн үрд унадаг, яагаад гэвэл та нар жинхэнэ Буддаг доромжилж буй. Тэд бол ердөө л энгийн, жирийн, муухай, нүгэлтэй, маш доогуур түвшнийх байтал та нар Буддатай харьцуулдаг. Ингэснээрээ та нар өөрсдөдөө маш том нүгэл үйлдэж, өөрсдийгөө хохироож байна. Би үнэнийг хэлсэн юм шүү. Би хэнийг ч гомдоохоос айхгүй, хэрэв хэн нэгнийг гомдоож байвал тэд хүртэхээ л хүртэж байгаа. Яагаад гэвэл тэд Будда гэж дуудуулах эрхгүй. Огтхон ч үгүй! Тэд зүгээр л төсөөлдөг, эсвэл Асурын ногоон гэрэл харчхаад үүнийгээ Буддагийн Гэрэл гээд бодчихдог. Үгүй, үгүй, үгүй, тийм хялбар биш.Учир нь хэрэв тийм амархан байсан бол Будда амьд байхдаа дэлхийг бүхэлд нь ялчих байсан. Энэ олон арван жилд би аль хэдийн дэлхий нийтийг шавиа болгочих байсан. Гэтэл тэгээгүй байна. Яагаад гэвэл би дэндүү хатуу. Хэн нэгэн сахилаа сахихгүй бол би тэднийг үнэхээр яв гэж хэлдэг. Тран Там бол тэдний нэг. Тэр сахилуудыг зөрчсөн учраас би түүнийг хөөсөн. Гэтэл тэр гарч ирээд хорон муу зам мөрөө үргэлжлүүлж, энэ олон жил миний нэрийг ашигласан. Би мэдээгүй юм, учир нь тэгнэ гэж төсөөлөөгүй. Би их гэнэн хүн. Ийм хорон санаатай, өөрийгөө миний залгамжлагч гэдэг ийм ичгүүргүй хүн байна гэж төсөөлөөгүй. Хэн түүнд ийм цөл өгөө вэ?Өдийг хүртэл надад дагалдагч байсныг би мэдээгүй. Надад нэгийн тал байсан ч болоосой, тал шавь, тал залгамжлагч, тэгсэн бол би илүү бахархах байлаа.. Хэрэв надад жинхэнэ, бүрэн залгамжлагч байсан бол би баярлаад сайхан сууж байх байсан. Би тэтгэвэртээ гарч, гараад орчин тойрноо харж, аялж, Гималайн уулс руу явж, юу ч хийхгүй, бясалгах байсан. Өөрийгөө харж хандаад л.Орчин үед Буддагийн нэр цолтой байлаа ч, надад төрөл бүрийн Буддагийн нэр цол өгсөн ч надад орон гэр алга. Миний хоол ундыг жишээ нь зохицуулаад өгөх туслах ч алга. Тиймээс намайг Будда гээд атаархах хэрэггүй, учир нь би бүр л илүү асуудалтай болно. Өөрийгөө Будда гэж хэлснээр би юу ч олж хүртдэггүй. Гэвч та нарын итгэл үнэмшлийг нэмэгдүүлж байвал би баярлана. Харин дэлхийд зарласан нь миний санаа байгаагүй. Бурхан намайг хүчилсэн. Хэлэх цаг нь болсон учраас хэлэхээс өөр арга байгаагүй. Үнэхээр тийм. Бурхан хаа сайгүй байдаг, Будда хаа сайгүй байдаг. Хэрэв би худал хэлбэл аймшигтай үхнэ. Тамд унана. Үүнийг та нар мэдэх хэрэгтэй.Би дэлхийгээс юу ч авч, юу ч хүртэхийг хүсээгүй. Юу ч хүсээгүй, Бурхан үүнийг мэднэ. Би та нарт л тусалж, та нарыг гэтэлгэхийг хүсдэг, учир нь там бол... Үүнийг үгээр тайлбарлах аргагүй. Аймшигтай, аймшгийн гэж хэлж болох ч энэ бол юу ч биш - тамыг дүрслэхэд хангалтгүй. Зүгээр л өөрсдийгөө шоронгийн маш харанхуй өрөөнд байна гээд төсөөл, тэгээд шоронгийн хуяг өдөржин шөнөжин та нарыг зодож эсвэл ахин дахин шатааж байна гээд төсөөл. Ингэж хэлэх нь тамыг 1% л төсөөлсөн болно. Өлсөж байж болно, цангаж байж болно, гэтэл юу ч хүртэхгүй. Хэн ч юу ч өгөхгүй. Хэрэв хэн нэгэнд шидийн хүч байвал тэд тийш орох боломжтой ч би бол эргэлзэж байна. Зарим тамд орж болдог ч хэзээ ч гарч болдоггүй. Үүнийг “завсарлагагүй там”, Авичи гэдэг. Энэ нь завсарлагагүй там, үүрдийн там гэсэн үг. Хэн ч эндээс гарах боломжгүй, бас хэн ч орох боломжгүй.Молон Тойн шиг агуу шидийн хүчтэй Нэгэн, тамд очин ээжтэйгээ уулзах боломжтой Түүн шиг агуу шидтэн та нарт хоол өглөө ч энэ нь шатах халуун нүүрс болно.Улайссан халуун нүүрс болж хэлнээс тань эхлээд доошлон биеийг тань шатаана. Тэгэхээр өлсөж цангаж байв ч хэзээ ч юм идэх боломжгүй. Мөн хэзээ ч өлсөж цангахаа зогсоох боломжгүй.Энэ дэлхийд та нар дэндүү их өлсөж байв ч юм идэх боломжгүй байна гээд төсөөл, тэгээд үүнийгээ 10,000 дахин үржүүлээрэй. Тэгвэл тамын зовлонг мэдэх болно. Зарим там ийм. Чөтгөрүүд хатгаж, чимхэж, цохиж, зүсэж, хэдэн хэсэг болгон хэрчих тухай ярилтгүй, ингэсний дараа та нар буцаад бүтэн болж тэд ахиад л үүнийгээ ахин дахин үйлдэж, ахин зүсэж, ахин хэрчиж, ахин шадалдаг. Энэ бүхнийг төсөөл. Хэрэв дүр зураг нь та нарт үнэхээр таалагдаж байвал амьтан- хүмүүсийн махаа идээд л бай, үхэр-, гахай-, ямаа-, нохой-, муур-хүмүүс, загас-, нугас-, тахиа-хүмүүс гэх мэт гэмгүй төрөлтнүүдийн аллагад оролцоод л бай. Тэднийг идээд л бай, тэгвэл та нар “дуртай” орон байр буюу завсарлагагүй тамд очих боломжтой, тэнд хүмүүс яг л та амьтан- хүмүүст хэрхэн хандаж байсан шиг хандах болно. Бурхан минь!Энэ гунигтай зүйл одоо хангалттай гэж бодож байна. Би нэг сайхан зүйл хэлмээр байна. Уг нь тэгье гэж бодож байлаа. Уг нь би ханиалгахаа больчихсон байсан. Гэтэл хэдэн нэвтрүүлэг хийх хэрэгтэй болж, нэвтрүүлгээр гарах хүмүүсийн үйлийн үрийг хаан, тэр нэвтрүүлгээр дамжуулан хамаг төрөлтөнд ашиг тусаа өгсөнтэй холбоотой үйлийг үрийг үүрэх хэрэгтэй гэх мэт зүйл болсон юм. Аан, манай Суприм Мастер Телевизийн ажил хэрхэн явагддаг талаар би бүгдийг нь хэлж чадахгүй нь! Би амьтан-хүмүүсийг харах ёстой болж, амьтан-хүмүүсийн зовлон намайг бас өвтгөдөг. Тэгээд хэт их өрөвдөн, тэдэнтэй хэт нэгдмэл болж, би дахиад л ханиалгасан. Гэхдээ тийм ч муугүй шүү, урьдынхтай харьцуулахад маш бага. Их Багш байж, ханиалгах бол хэвийн зүйл, алдартай үзэгдэл.Намайг Такар Синх Жи Их Багшийн нэг ашрамд байх үед Түүний эмэгтэй туслах надаас “Өө, та ханиалгаж эхлээгүй юу?” гэж асуусан. Яагаад тэгж асуусанд нь би их гайхаж билээ. Одоо ойлгосон. Одоо мэдсэн. Хэзээ ч суралцаж дуусахгүй. Их Багш болохоор суралцдаггүй гэсэн үг биш. Үргэлжлүүлэн суралцдаг. Яагаад гэвэл Ертөнцөд маш олон зүйл, маш их зовлон бий. Үүнээс зугтаах аргагүй. Энэ бүхнийг эртнээс мэдээгүйдээ биш, харин зөвхөн шаардлагатай үед л үүнийг гаргадаг. Суралцахтай адилгүй, харин шаардлага гарах болгонд данснаасаа мөнгө авахтай адил. Цаг үргэлж халаасандаа олон сая доллар авч явдаггүй шүү дээ. Шаардлага гарсан үед л хэрэгтэй хэмжээгээрээ авдаг.За, би та нарт сайн зүйл хэлье. Аглагт буй зарим сайхан зүйлийн талаар. Би гарч хэдэн шинэ цэцгийн гэрэл зургийг дарсан. Та нар удахгүй харах байх. Тэгээд нэг өдөр, долоо хоногийн өмнө, эсвэл тэрнээс ч өмнө би Нарыг навчсын дундаас гарч ирж байхыг харсан. Гарч ирэх биш л дээ, Тэр заримдаа ойн өтгөн навчсын дундаас зурвасхан харагддаг. Тиймээс би камераа авахаар дотогш ороод, “Нар аа, одоо би зургийг тань авъя. Та хөдөлгөөнгүй, эсвэл том, тод байж болох уу?” гэж асуутал Тэр хэрэгжүүлсэн. Заримдаа хэрэгжүүлнэ, заримдаа үгүй. Би тод гэрлийг нь л дарах гэж байсан юм. Тэр сүүлд харагдсан шигээ харуулах байх гэж найдсан ч энэ удаа зүгээр л гэрэл, Нарыг тойрсон дугуй солонго шиг ганц л давхарга байсан. Гэхдээ миний авсан зарим байгалийн зурагт Нар байхгүй. Надад товч л харагддаг. Тэр зурагт олон товч харагддаг. Хэрэв би олбол дэлгэцээр гаргаж, та нарт харуулна аа.Их Багшийн тайлбар тэмдэглэл: “Нарны Хааны илгээсэн ‘төрөлх хэлээрх’ захиа”Өнөөдөр л гэхэд Нар яг миний урд байсан болохоор би камераа аваад хэдэн зураг дарсан. Зарим нь их тод, сүүлд авсан шиг Нарны дотор болон Нарны гадна солонгын олон тойрог байгаагүй л дээ. Зөвхөн л Нар маш тод, Нарны гадна талд нэг давхар тод гэрэл, Нарыг хүрээлсэн нарийн дугуй гэрэл л байсан. Үүнтэй бас олон товчнуудтай нэг зураг байсан. Үнэхээр л товчнууд, цамцанд байдаг товч шиг. Тэгээд би Түүнээс “Яагаад энэ вэ? Энэ товчнууд ямар зорилготой юм бэ?” гэж асуув. Тэрээр “Энэ бол Нарны тусгай хэл. Бидний энгийн, нам гүм хэл. Бид чанга ярьдаггүй. Заримдаа бид дүрсээр ярьдаг.” гэсэн.“НАРНЫ Хааны хайр дүүрэн захианы эхлэл. Зарим ‘товчлуур’ үүсэж эхэлж байна: ‘Таны Эрхэм Нандин Ариун Оршихуй энэхүү Адис, Хайраар бялхан, хамгаалагдсан ой дотор аюулгүй.’”Их олон товч. Нэлээд олон зурган дээр товч байсан шүү. Өнөөдөр бас л товчнууд, зарим товч нь бас тод Нартай хамт байсан.“Нарны Хааны Захианы үргэлжлэл. Илүү тод болсон товчнууд.”“Нарны Хааны захианы сүүлчийн хэсэг: ‘Санаа зоволтгүй байгаарай.’”Төсөөл дөө. Өмнө нь ийм зүйл огт болж байгаагүй. Намайг Нарны олон зургийг авч байхад заримдаа үзэсгэлэнт солонго хүрээлж, тод гэрэлтэй, эсвэл гэрэлгүй байдаг. Эсвэл зарим нь олон одтой тун онцгой. Нар манай цонхон дээр тусахад олон од гарч байв. Өөр газар даяан хийж байхад Тэр над дээр зочлон ирсэн юм. Энэ аглаг газраас өмнөх өөр нэг газарт л даа. Тэгээд энэ удаа маш олон товч байсан.Амьдралдаа анх удаа би Нарны зургийг авахад тэр товчнууд тийм тод гарч ирсэн. Харвал яг л товч. Өөр юу ч байхгүй. Өөр юутай ч андуурахгүй. “Энэ товчнууд ямар учиртай юм бэ?” гэхэд Тэрээр “Аюулгүй гэж Танд хэлж байгаа юм. Энд Танд аюулгүй.” гэсэн. Тэгээд л гүйцээ, товчнууд. Тэгэхэд нь би “Өө тийм, мэдээж. Хувцсаа өмсөөд, товчоо товчлоод аюулгүй болдог. Цаг агаарын нөхцөлөөс хамгаалагдсан юм байна.” гэж бодсон. Тэгээд Түүнд талархсан. Ямар эелдэг Нарны Хаан, ямар эелдэг ард түмэн бэ?Нарны тухай түрүүчийн яриандаа Хаантай ярьсан анхны ярианыхаа талаар би нэг зүйл хэлэхээ мартаж. Би “Нар ийм халуун байхад та нар яаж нэвтэлдэг юм бэ?” гэж асуусан. Тэгэхэд Тэрээр “Үгүй ээ, бидэнд үүнд тэсвэртэй хөлөг барих шатдаггүй материал байдаг. Бидэнд технологи нь бий.” гэсэн. Тэр тэгж хэлсэн.Photo Caption: Диваажин ба Дэлхийд Биднийг Хайрладагт нь Талархъя
