“Ананд аа, эдгээр нь утгагүй таамаглалд хүргэдэг даяаны арван төлөв байдал юм. Учир нь бясалгагч эндүү ташаа зүйлд найдан, бүрэн бус ололт амжилтаа бүрэн ухаарал гэгээрэл гэж үздэг. Эдгээр нь ухамсрын тав дахь нэгдэл бясалгасан сэтгэлтэй холилдсоноос үүдэлтэй юм. Өөрсдийн чадвараа мэддэггүй, төөрөлдөж мэхлэгдсэн хүмүүс урьдын дадал зуршлууддаа сохроор автан, эдгээр илэрч буй төлөвт сэтгэл амарч, үүнийгээ эцсийн орших газар гэж эндүүрдэг. Тэд Төгс Дээд Бодь мөрийг ухаарсан гэж буруу тунхаглаж, худал хэлэхгүй байх сахилаа зөрчин, улмаар тэрс үзэлтнүүд болон муу ёрын чөтгөрүүдийн муу үйлийн үрийг бий болгодог бөгөөд энэ нь тэднийг завсарлагагүй там руу илгээнэ.” ~ Баатараа явагч нэрт их хөлгөн судар
Будда юм уу ямар нэгэн Гэгээнтэн, эсвэл Диваажингийн хунтайжийн байр сууринд хүрээгүй байж хүрсэн гэж хэлбэл өөртөө Аюуш тамыг, завсарлагагүй, үүрдийн тамыг бий болгодог. Хэрэв бусад хүмүүсээр өөрийгөө Будда гэж магтуулбал эдгээр хүмүүс бас өөрийн чинь бүтээж буй хамгийн аймшигт үйлийн үрээс хуваалцана. Чамайг дагадаг хүмүүс, итгэдэг хүмүүс, ямар ч юм шалтгаанаар чамайг Будда, Гэгээнтэн, эсвэл Диваажингийн хунтайж, Бурханы отгон Хүү гэж магтдаг хүмүүс энэ аймшигтай үйлийн үрээс хуваалцах ёстой болдог. Тэд бүр чамтай хамт энэ завсарлагагүй тамд унаж мэднэ. Байдлаас хамааран чамаас арай богино хугацаагаар байна байх. Та бүхний зовлонт хашхирааныг хэн ч сонсохгүй тэр аймшигт харанхуй ертөнцөд зовж буй та нарын болон тэдний зовлон зүдүүрийг бодохоор сэтгэл минь өвдөж байна!Ямартай ч тэд харанхуй мунхаг төрөлтнийг буюу чөтгөрийг Буддатай эндүүрэн зүйрлэсэн үйлийн үрээ төлөх ёстой болно. Тэр нь хэчнээн уран цэцэн байж, өөрийгөө хуурамчаар ямар ч харагдуулсан бай хамаагүй. Тэд бүгд, дагагч нар чинь тамд унана. Тиймээс үйлдэл, үг яриандаа болгоомжтой ханд. Учир нь Диваажин, Газар дэлхий, там бүгд та нарыг харж байгаа. Үнэгүй юм юу ч үгүй. Мэдээж Диваажин болон бүхий л Будда нарын хараа хяналтаас юу ч зайлах боломжгүй.Инээдтэй юм. Бурхан намайг Майдар Бурхан гэдгээ зарлан тунхагла гэж хэлсний дараа маш олон, нэлээд олон эрэгтэй гарч ирээд өөрсдийгөө “энэ ч Будда, тэр ч Будда” гэцгээж бүгд л Майдар Бурхан болох гэж оролдоцгоож байна. Өөрсдийгөө тийм гэх тэдэнд юу байна вэ? Буддын сударт өөрийнхөө гэгээрлийн түвшний талаар худал хэлж болохгүй гэсэн байдаг, учир нь тэгвэл Авичи там буюу үүрдийн тамд унана. Тэд Буддаг судалж, жинхэнэ бодит Буддагийн Номлолыг сурч байгаа гэчхээд яагаад үүнийг мэддэггүй билээ? Энэ бол үйлдэж болох хамгийн аймшигт нүгэл. Будда тэгж хэлсэн. Энэ бүх хүмүүс бүгд эрэгтэй, бүгдээрээ эрэгтэй хүмүүс. Зарим тийм үнэхээрийн өрсөлдөгч эрэгтэй төрөл зүйл, тэд эмэгтэйчүүдээс илүү өрсөлддөг. Хэрэв би өөрийгөө Будда гэдгээ хэлэхгүй байж болох байсан бол хэлэхгүй байлаа, учир нь би өөрийгөө хэн гэдгээ хүмүүст хэлэх дургүй. Зүгээр л Их Багш гэдэг хангалттай, тэгснээр энгийн амьдарч, хүмүүс энгийн л хариу үзүүлнэ. Эзэн Есүс Өөрийгөө Бурханы Хүү гэж хэлсэн ба үүнээс болж Тэр урт насалж чадаагүй. Би энэ бүх атаархал, өрсөлдөөн тэмцлийг мэднэ. Инээдтэй шүү, үнэхээр тийм болж таардаг.Хэрвээ Чөтгөрлөг оршихуйгаас арай доогуур эсвэл арай дээгүүр түвшинд байвал, дээрээс нь бага зэргийн шидийн хүчтэй бол магадгүй үүнээс тань болж хүмүүс танд итгэж, таныг дагана, яагаад гэвэл тэд юунаас ч зуурахад бэлэн, цөхөрсөн байдаг. Гэвч Будда энэ бүх төрлийн гар хөлийн хөдөлгөөн заадаггүй. Сүүлд л тэд Энэтхэгийн иогийн-бие тамирын системтэй нэгтгэсэн байсан. Тэгэхээр магадгүй тэд жаахан юм хөдөлгөдөг байж болно, эсвэл күн фү сурч болох ч эдгээр нь хүнийг Буддын хутагт хүргэхгүй.Арьяабалын Арга, Төгс Их Багшийн Хүчээр хөтөчлөгдсөн дотоод (Диваажингийн) мөнхийн Аялгуу, Хэлбэлзэл л та нарын Буддын хутагт хүргэнэ, эсвэл ядаж л Архадын зэрэгт, зарим доогуур бурханы зэрэгт хүргээд, дараа нь аажмаар дэвшүүлнэ. Будда тэгж хэлсэн. Арьяабалын Бодисадва тэгж хэлдэг. Олон судруудад бүгдэд нь Арьяабалын Аргыг дурдсан байдаг. Баатараа явагч их хөлгөн сударт, Пам По Мон, Пү Мен Пинд буюу Бадам лянхуа Судар гэдэг байхаа, энэ бүгдэд Арьяабалын Арга, дотоод (Диваажингийн) Гэрэл, мөнхийн (Диваажингийн) дотоод Гэрэл, мөнхийн (Диваажингийн) дотоод Аялгуу Гэрт тань хүргэнэ гэсэн байдаг. Одоо та нар чихээрээ сонсож, нүдээрээ харж байгаа ч Ертөнцийн илүү өндөр түвшинд нэвтрэхэд ийм зүйл болдог.“Ихийг сурч мэдэх сонирхолтой бүлэг хүмүүс, нөхцөл ёсоор гэгээрсэн хүмүүс, мөн АЯЛГУУ СОНСДОГ хүмүүс одоо дээд Боди, харьцуулшгүй, гайхалтай гэгээрэлд хүрэхээр зорин бодол сэтгэлийг тань эргүүллээ.” ~ Баатараа явагч нэрт их хөлгөн судар“Би одоо Дэлхийн Хүндэт Хүмүүнд энэ дэлхий дээрх бүх Будда өргөн хүрээтэй НЭВТ ТАРХСАН АЯЛГУУ ашиглахад оршдог хамгийн зохистой аргыг заахаар залардаг гэдгийг мэдэгдье. Самади төлөвийг СОНСОХ арга замаар ойлгоно. […] Ананда болон сонссон та бүгд ДАНГААРАА ДЭЭД БОДИД ХҮРЭХ ӨӨРИЙН МӨН ЧАНАРЫГ СОНСОХЫН ТУЛД сонсголын чадвараа дотогшоо эргүүлэх хэрэгтэй. Ингэж л гэгээрлийг олж авдаг. Ганга мөрний элс шиг олон Будда ганц энэ л гарцаар Нирвана руу нэвтрэн орсон. Өнгөрсний бүх Татагата энэ аргыг хэрэгжүүлсэн. Бүх Бодисадва одоо энэхүү төгс төгөлдөр байдалд нэвтэрдэг. Ирээдүйд бясалгал хийх бүх хүн энэ Дармад найдах хэрэгтэй.”Самади гэдэг нь бясалгалын гүн гүнзгий төлөв юм. Нирвана бол Хамгийн Дээд Диваажин гэсэн утгатай. Татагата нь Будда гэсэн үг юм. Бодисадва гэдэг нь оюун санааны бясалгагчдыг хэлнэ. Дарма гэдэг нь Жинхэнэ Сургаал юм. ~ Баатараа явагч нэрт их хөлгөн судар
Шууд Будда болох боломжгүй, тэр аргаар бясалгасан ч боломжгүй. Магадгүй Бодисадва болж, бусдад туслах хүчтэй болох боломжтой ч үүнд ч хүрээгүй байж энд тэнд гайхуулах зүйл биш. Хэрэв та дагагч нартай бол өөрт тань сайн, гэвч өөрийгөө Будда гэж гайхуулж болохгүй, дагагч нараараа өөрийгөө Будда гэж хэлүүлж болохгүй, яагаад гэвэл энэ нь өөрт тань болон тэдэнд муу үйлийн үр тарина.Бурхан минь, яагаад хүмүүс намайг ингэж их үймүүлж, ийм энгийн зүйлс заалгадаг байна вэ, энэ бүхнийг Буддын олон сударт хаа сайгүй л бичсэн байдаг шүү дээ. Библи-д хүртэл энэ бүх дотоод (Диваажингийн) Гэрэл Аялгууг дурдсан байдаг.“Эхэндээ ҮГ байсан. Үг Бурхантай хамт байсан. Үг бол Бурхан байсан.” ~ Ариун Библи, Иохан 1:1“БУРХАНЫ ҮГ болох авралын дуулга, сүнсний илдийг ав.” ~ Ариун Библи, Ефес 6:17“Харин би ДИВААЖИНГААС шуугин урсах ус нүргэлэх лугаа, аянга хүчтэй нижигнэх лугаа АЯЛГУУ СОНСЛОО. МИНИЙ СОНССОН АЯЛГУУ тэдний босоо ятга хөгжим тоглодогтой адил байсан.” ~ Ариун Библи, Илчлэл 14:2
Бурхан Мозест харагдах үед бут бүхэлдээ гал мэт харагдсан, гэхдээ тэр бут шатаагүй, яагаад гэвэл энэ нь жинхэнэ гал биш, зүгээр л Гэрэл байсан. Эрт дээр үед үг хэл дутмаг байснаас болж гал ассан бут шиг харагдсан болохоор “бутны гал” хэмээсэн. Гэвч гал биш. Ямар гээч гал бутыг шатаахгүй байх вэ? Бид бүгд мэднэ. Бид Арьяабалын Аргаар бясалган дадуулдаг. (Дотоод Диваажингийн) Гэрэл Аялгууг бид мэднэ. Та бүхний нүдээрээ харах боломжгүй зүйл. Чихээрээ сонсох боломжгүй зүйл. Учир нь хий хуурмаг нүдээрээ, энэ хий хуурмаг бие, чихээрээ харж сонсож буй бүхэн тань бүгд хуурмаг. Үнэхээрийн гайхалтай Нарны Гэрлээс ч тодыг харахгүй зүгээр л бүдэг гэрэл харж байвал энэ нь жинхэнэ Гэрэл биш. Тэр бол Асурын түвшний гэрэл, бас тамын гэрэл.
