Дэлгэрэнгүй
Татаж авах Docx
Дэлгэрэнгүй уншаарай
Би үргэлж хэтрүүлж, өөр сэдвээр ярьдаг. Миний та нарт хэлэхийг хүссэн чухал зүйл бол өөр ямар ч аргыг дадуулсан Арьяабалын Аргатай адилгүй, маш хэцүү, үнэхээр хэцүү, тун их, маш их хугацаа зарцуулдаг явдал юм. Шууд гэгээрэх буюу агшин зуур гэгээрэлд хүргэх, Диваажинтай, Их Багш нартай, өөр өөр Орны Будда нартай шууд холбогдоход тань туслах, таныг дэвшүүлэн, Гэр рүү тань замчилж чадах цорын ганц арга бол Арьяабалын Арга юм.Би Тэдэнтэй бүгдтэй нь хамтран ажиллаж байгаа. Заримдаа Будда нар бас миний бие махбодыг дэлхийг илүү их Адислах үүднээс ашигладаг. Иймд заримдаа таны сүнслэг ахиц сайн бол миний бие махбодоос Будда нисэн гарч ирэхийг харж болно. Дотоодын ертөнцөд, билиг ухааныхаа төвд үүнийг харж болно. Надад маш олон Будда байдаг учраас биш, бид хамтран зүтгэдэг учраас тэр. Мөн олон Будда нэгэн сүмийг ашиглаж болдог.Гэхдээ бүх Будда нар ийм олон Будда, Гэгээнтэн Мэргэд болон бусад хүмүүсийн ийм агуу хүндлэлийг хүртэж төрөөгүй. Бусад Будда, Гэгээнтэн Мэргэдийн Мэндлэхтэй холбоотой ийм явдлыг та нар Судраас хэзээ ч уншиж байгаагүй... Иймд энэхүү Бие махбод сүм бол маш нандин. Энэ бие маань удахгүй болох асар их үймээн, асар том өөрчлөлтийн онцгой цаг үед бидэнд хэрэгтэй!! Тийм учраас энэ биеийг төрөхөд маш олон Будда нар ирсэн. Зөвшөөрөгдсөн хоёр өдрийн хугацаанд аль болох олуулаа ирцгээсэн.Ирээдүйн Будда болохоор бие ирэх үед мөрдөх ёстой маш олон дүрэм байдаг. Хүссэн үедээ зочид хүлээн авч болохгүй. Ялангуяа анх төрж байхдаа. Гэвч хамгийн ариун үе бол анх төрж байгаа үе. Бүхий л Будда нар ирээд Өөрсдийнхөө Буддагийн зарим Мөн чанараас нялх хүүхдийн биед шингээж өгдөг ба ингэснээр нялх хүүхэд өсөж том болоод ганц Буддагийнхаас илүү Хүчтэй болох боломжтой юм. Учир нь энэ биеийг нялх байхад Буддагийн зарим Мөн чанар үлдсэн байсан. Тэгээгүй бол ганц Будда их зүйл хийж чадахгүй. Чадна л даа, гэхдээ дэндүү завгүй болж, туйлдана. Тиймээс олон Будда нар нийлж тусалдаг. Олон гар оролцвол ажил хөнгөрдөг гэдэг. Тийм байдаг. Гэсэн ч энэ бие маш их зовох ёстой хэвээр. Зөвхөн бие махбод ч биш, сэтгэл зүй, сэтгэл санаа гээд төрөл бүрээр. Маяагийн, хий хуурмагийн хүчний удирдаж захирдаг энэ хар бараан ертөнцийг маш олон Будда зохицуулж чадахгүй л байна. Энэ л асуудал байгаа юм.Арьяабалын энгийн нэгэн бясалгагч байхын тулд та бусад олон арга шиг тийм их хүнд бэрхийг туулах шаардлага байхгүй гэж би хэлэх гэсэн юм. Удахгүй би та нарт ямар төрлийн, бас яаж гэдгийг хэлнэ. Өдөрт ердөө хоёр цаг хагас бясалгана. Өөр юу ч хийх шаардлагагүй. Хэрэв гадагш гарч, хүмүүст веган хооллолтын талаар зөвлөж, амьдралаа дахин эргэцүүлэн бодоход нь туслах, бусдыг хөнөөх, эсвэл бусад төрөлтнийг идэхийн тулд шууд бусаар хөнөөдөг гэдгийг тайлбарлаж байгаа бол таны сайн дурын сонголт. Танаас би юу ч хий гэж гуйдаггүй. Тэгээрэй гэж хэлж магад. “За, гараад хүмүүст тусалцгаая.” гэх байх. Энэ бол хайраас, тэдний төлөөх харууслаас болоод тэр. Учир нь бид тэдэнд одоо л туслахгүй бол тэд үхнэ. Тэдэнд дахин нэг боломж хэзээ ч олдохгүй.Энэ үеийг, энэ цаг үеийг “Төгсгөлийн Үе (цөвүүн цаг)” гэж нэрлэдэг. Ариун шударга байдлыг мөрдөөгүй хэн ч байсан олон олон эрин галавын туршид оршнолоос устгагдах болно. Мод, эсвэл чулуу болсон ч та хэдийнээ тун азтай байгаа хэрэг. Гэтэл тиймгүй. Юу ч байх боломжгүй болно. Яг л цөлөгдсөн мэт, устгагдсан мэт болно гэсэн үг. Амьдрал гэж танд үгүй болно. Олон олон эрин галавын дараа дахин боломж олдож болох юм. Гэхдээ энэ бол тун хийсвэр зүйл учраас одоо энэ талаар хэтэрхий их ярих хэрэггүй. Энэ бол манай Дэлхийн өөр нэгэн цаг үе юм.Бид амьдралдаа, энэ гарагт цус урсгаж байгаа учраас хууль ийм дэндүү хатуу болсон хэрэг. Диваажингууд иймд цаашид тэсвэрлэж чадахгүй болсон. Цэвэрлэхэд дэндүү хүнд өр тул Тэд бүгдийг нь устгаад, шинээр хийхийг хүсэж байгаа. Иймээс азтай байгаад оюун санааны дадал бясалгалтай бол шинэчлэл ирэхэд тэнд байх болно.Яарч үзээрэй. Би олон аргаар та нарт тусалж чадна. Ердөө веган байж, наманчил. Бурханд таларх, бүх Их Багш нарт таларх. Хийх зүйл тань ердөө энэ. Тэдэнд баярлаж таларх, Тэднээс өршөөл гуй. Веган байж, наманчил. Бурханыг болон Их Багш нарыг алдаршуул. Өршөөл гуй. Тэгээд л боллоо. Хэцүү биш.Би та нараас мөнгө юм уу тусламж, ер юу ч гуйгаагүй. Суприм Мастер ТВ-д ажилладаг бүх хүмүүс сайн дурынхан, баяртайгаар тусалдаг. Тэдэнд нэг их боломж олддоггүй учраас ийм зүйл хийх нь нэр төрийн хэрэг байдаг. Тэд нэг удаа юм уу хэдэн удаа хийх боломжтой. Учир нь Суприм Мастер ТВ-д маань нэвтрүүлэгч хийх боломжтой бусад хүмүүст бид боломж олгох ёстой. Өргөдлөө өгсөн хүн бүр хөтлөгч хийх юм уу ажлын багт орох боломжтой байдаг юм биш. Бид бас чанарыг нь харах ёстой. Заримдаа хангалттай олон ариун хүн байдаггүй. Тэр тохиолдолд ариунд ойрхон, тийм ч муугүй, худалч бус хүмүүсийг ашигладаг. Өөрсдөө хэн ч биш байж Будда, Гүрүжи гэж зарладаггүй хүмүүсийг. Тэгж зарлагсад бол сувдаг чөтгөрүүд, эсвэл доод төвшнийх, ихдээ л доод төвшнийх. Тэгээд л гүйцээ. Тийм учраас эго гарч ирдэг юм.Эго маш ихтэй байвал төвшин үнэхээр доогуур гэсэн үг. Диваажин Их Багш бологтун гэж хэлээгүй байхад өөрөө гарч ирээд нэр алдар, ашиг хонжооны төлөө өөрийгөө зарлаж, тэгээд бүр эрх мэдлээ бусдыг хохироож, охид хөвгүүдийг хүчирхийлэхэд ашигладаг. Тийм зарим Гүрүжи нар бол бисексүал. Намайг хэний тухай ярьж байгааг та нар мэднэ. Тэр эхнэртэй хэр нь, гэлэнмаа нарыг, хөвгүүдийг, бүр лам нарыг ч хүчирхийлдэг. Намайг хэний тухай ярьж буйг та нар мэднэ. Тэр Рума – “Гүрүжи”хүртэл, Бурхан минь! Хэн түүнд тийм цол олгосон юм бэ? Чөтгөр л түүнийг хуурсан байх. Гэвч тэр өөрөө чөтгөр учраас яриад байх юм байхгүй.Нэгэн инээдтэй онигоо байдаг. Би нэрийг нь мартчихаж. Тэр далдыг хардаг байсан. Япон хүн байх аа, бас алдартай. Нэрийг нь мартсан байна. Тэр зөгнөн хэлж чаддаг, хүмүүсийг нэвт харж, бодлыг нь уншиж чаддаг байв. Тэдний ирээдүйг харж, үхэл үнэртэж чаддаг байсан. Тийм байж. Хэрэв хэн нэгэн үхэх гэж байвал, тэднийг үхэхээс нь өмнө үнэртээд мэддэг байв. Бусад хүмүүс ч чадна, зөвхөн тэр ч биш. Гэхдээ олон хүн тэгж чадахгүй. Тиймээс өвчтөнүүд ирээд үхэх эсэхээ асуухад тэр үхэл үнэртэж байна гэж хэлбэл тухайн хүн нь удаан амьдардаггүй байж л дээ. Үргэлж оновчтой хэлдэг байж гэнэ. Дандаа оновчтой хэлдэг байж.Хүмүүсийг бэлтгэг гэж, эсвэл ямар нэг зүйл хийг гэж, магадгүй үхлийн ялаа өөрчлөх байх гээд тэр өөрөө үе үе хүмүүст хэлдэг байж гэнэ ээ. Нэг өдөр тэр номын дэлгүүр оржээ. Ном худалдан авахаар оочирлож байгаад тэрээр үхэл үнэртэв гэнэ. Тэгээд оочирт байсан нэгэн өвөөд “Танаас үхэл үнэртэж байгааг би мэдлээ. Одоо хариад, эмчид үзүүлсэн нь дээр. Магадгүй та биеэ эмчилж, эм тан уух боломжтой байх.” гэв. Ингэж хэлээд байхыг нь настай эр сонсож байснаа “Өө зүгээр дээ. Үгүй, үгүй, зүгээр.” гэв. Тэр тэндээ үлдээд хийх юмаа хийнэ гэж гэнэ. Уг нь бол энэ далдыг харагч нэгэн гудамд үл таних нэгэнд ийн хэлэхийг хүсдэггүй аж. Гэвч тэр түүний дэргэд байсан болохоор өрөвдөөд хэлжээ. Түүнд дахин хэлтэл нөгөө хүн бас л хаашаа ч явахыг хүссэнгүй. Тэр “Үгүй, зүгээр дээ. Би эндээ байж байя. Зүгээр дээ, санаа зоволтгүй” гэв.Эцэст нь далдыг харагч түүнд “Ер нь бол би танихгүй хүмүүст ийм зүйл хэлдэггүй. Гэвч гуйя, би таныг өрөвдөөд байна. Гэртээ харь. Эмчид яаралтай үзүүл. Энд бүү бай, та үхэж мэднэ”. гэв. Сүүлчийн удаа ингэж хэлэхэд нөгөө эр түүний нүд рүү хараад “Санаа зоволтгүй дээ. Би хэдийнээ үхчихсэн учраас юу ч болох боломжгүй.” гэжээ. Үхсэн хүн байсан. Тэр сүнстэй ярьсан байдаг. Төсөөл дөө. Тэр сүнс харж чаддаг, биегүй төрөлтнүүдийг хардаг учраас юм.Зарим биегүй төрөлтөн өөрсдийгөө хүн дүрд хувиргах боломжтой. Энэ гараг дээрх олон хүн бас биегүй төрөлтөн, чөтгөрүүдийн хувилгаан, эсвэл чөтгөр, хий үзэгдэлд эзлэгдсэн байдаг. 40 орчим хувь нь тийм гэж би өмнө нь хэлж байсан даа. Мөн зарим нь манай гарагийн чанадаас ирсэн байдаг. Үргэлж манай гарагийн хүмүүс байдаггүй.Үнэхээр инээдтэй. Нөгөө эр түүнд “Би хэдийнээ үхчихсэн, санаа зоволтгүй.” гэж хариулсан. Эцэст нь тэр үнэнийг хэлэх ёстой болсон. Учир нь тэгэхгүй бол далдыг харагч түүнийг гэртээ харьж, эмчид үзүүл гэж шахсаар байх байлаа. Тиймээс эцэст нь тэр “Намайг тайван орхи, би хэдийнээ үхчихсэн. Санаа зоволтгүй” гэж хэлж.Photo Caption: Тайруулсан ч шидэт далавчаараа тэнгэрт хүрч чадна!
