Украин (Урейн) дахь тусламжийн шинэ мэдээ

Төгс Гэгээрсэн Их Багш Чин Хайн Олон Улсын Нийгэмлэгийн тусламжийн сүүлийн үеийн мэдээ Украин (Урейн)-аас...

2022 оны 2-р сард Орос Украин (Урейн)-д ямар ч шалтгаангүйгээр дайрснаас хойш бидний Хайрт Их Багш маань тус улсын ард түмэнд итгэл найдвар, тайтгарлыг авчрахын тулд залбирал, дэмжлэг, санхүүгийн хандив тусламжийг үзүүлж ирсэн.

2022 оны 11-р сард манай Нийгэмлэгийн гишүүд орон нутгийн итгэлт түншүүдтэй хамтран ажиллах замаар Украйн (Урейн)-д тусламж үзүүлэх ажлыг үргэлжлүүлэв. Эдгээрт Дмитрий Биленчук, Мария Башук (веган), Александр Кулаков нар багтжээ. Тэдний тусламжийн ажлын товч тойм:

Баруун хойд нутгийн Луцк хотод манай Нийгэмлэгийн түншүүд өвлийн хүйтэнд хамгаалагчид болон бусад эмзэг нөхцөлд байгаа хүмүүсийг дулаан байлгахад нь туслах зорилгоор 13 мод шатаах зуух, дөрвөн генератор худалдаж авсан. Ойролцоох асрамжийн газар чихмэл бамбарууш, веган амттан, спортын хэрэгсэл, дулаан хувцас, веган хүнсний хангамжийг хүлээн авсандаа их баяртай байв. Анхны тусламжийн хэрэгсэл, ариутгасан боолт, халдварын эсрэг бодис гэх мэт эмнэлгийн тусламжийг тэргүүн эгнээний хамгаалалтын бүсэд хүргэв.

Түүнчлэн Луцк хотод дүрвэгсдийг байрлуулах зориулалтаар өөрчилсөн соёл урлагийн төвд урам зориг өгөх арга хэмжээ болжээ. Энэхүү веган боловсрол, спортын үйл ажиллагаанд Fine Organics Catering-ийн хийсэн амттай веган хоолоор үйлчилжээ. Олон зочид хоолны амттай байдлын талаар сэтгэгдлээ илэрхийлсэн бөгөөд нэг нь хүмүүс веган байхын сүнслэг ач тусыг илүү сайн ойлгож байх шиг байна гэж хэлэв.

Украин (Урейн)-ы Волынь мужийн Луцк хотын ойролцоо манай Нийгэмлэгийн түншүүд тусгай хэрэгцээтэй хүүхдүүдэд зориулсан нөхөн сэргээх төвд хүчирхэг агаар халаагч авчирч чадсан. Энэ нь өвлийн улиралд агаарын хэм буурах үед ажилтнууд болон хүүхдүүдийг дулаацуулах болно.

Баруун хойд нутгийн Львов хотод манай Нийгэмлэгийн түншүүд веган хоол, амттан, эрүүл ахуйн бүтээгдэхүүн, Их Багшийн “Хайр бол цорын ганц шийдэл” ном, Украин (Урейн)-ы веган хүүхдийн “Гар, сарвуу эсвэл туурай” ном, мөн ABC буддаг ном багтсан 12 илгээмж бэлтгэж илгээсэн юм. Эдгээр нь голчлон гаднын дэмжлэг багатай түр орон сууцанд байгаа хүүхэдтэй эмзэг бүлгийн эхчүүдэд очсон байна.

Хуучин биеийн тамирын заалнаас жижиг байшин руу нүүж ирсэн ч хоол хийх тоног төхөөрөмж шаардлагатай байсан 70 орчим дотоодын дүрвэгсдэд туслах зорилгоор баруун хэсгийн Болехив хотод дөрвөн цахилгаан зуух худалдаж авав.

Баруун Ивано-Франковск муж дахь манай нийгэмлэгийн түншүүд мөн тэргүүн эгнээний хамгаалагчдыг хангамжаар хангахаар цаг наргүй сайн дурынхны ажилладаг Ворохта дахь байгууламжид шүршүүрийн иж бүрдэл, дулаан малгай, веган жимсэн амттан бэлтгэж, хүргэсэн. Түүнчлэн тэд Ворохтад 160 гаруй дотоодын дүрвэгсдийг байрлуулж буй дүрвэгсдийн төвийн хүсэлтэд хариу өгч, ашиглах боломжгүй болсон зуухыг нь сольж, шинэ зуух хүргэн өгөв.

Баруун Тернопил мужид мөргөлдөөний аюултай газраас аврагдаж, Pidlisne Residential Home-д авчирсан ахмад настнуудад тусламж шаардлагатай байсан учраас хүнс, ургамлын цай хүргэлээ.

Мөн тээврийн зардалд нь манай Нийгэмлэгийн гишүүд санхүүгийн дэмжлэг үзүүлэх боломжтой байсан тул Германаас Украин (Урейн)-ы төв хэсэгт эмнэлгийн тусламж ирсэн байна. Гэмтсэн хамгаалагчдыг эмчилдэг Кропивницкийн эмнэлэг нэн шаардлагатай эмнэлэг болон хагалгааны ор, матрас, жижиг шүүгээ, оношлогооны төхөөрөмж хүлээн авчээ.

Мөн Украин (Урейн)-д гэрэл ялгаруулах диод (LED) сурталчилгааны зургаан самбар адислал болон бууж, нийслэл Киев хотод суурилуулсан юм. Эдгээр нь бүгд Их Багшийн гэрэлтсэн зураг болон Суприм Мастер Телевизийн веб сайт, түүний QR код, Бурхантай Шууд Холбогдох вебсайт, Дотоодын Гэрэл Аялгууны бясалгалын арга гэх мэт бусад мэдээллийг тод, хөдөлгөөнт горимд харуулдаг. Сурталчилгааны самбаруудыг төв газруудад байрлуулсан ба энэ бүсийг Их Багшийн хязгааргүй, сэрээх Хайраар ивээхийн тулд цахилгаангүй байсан ч гэрэлтэнэ.

Украин (Урейн)-д тайтгарлын тусламж авчрах боломжийг олгож, энэ ажлыг саадгүй явуулах боломжийг олгосон хамгаас өгөөмөр Их Багш, Диваажинд чин сэтгэлээсээ талархъя. Украин (Урейн)-ы ард түмний хүртэх учиртай энхтайван, өдөр тутмын хэвийн амьдралыг сэргээхийн тулд Бурханы өршөөнгүй Ивээлд бид үргэлжлэн залбирч байна.