Төгс Гэгээрсэн Их Багш Чин Хайн Молдав, Польш, Итали дахь Олон Улсын Нийгэмлэгээс Украинчууд (Урейнчууд)-д үзүүлсэн тусламжийн мэдээ

Дайн эхэлсэн цагаас хойш 10 гаруй сая украинчууд нүүн шилжсэн бөгөөд 4.3 сая нь хөрш улс орнууд руу дүрвээд байгаа юм. Төгс Гэгээрсэн Их Багш Чин Хайн Олон Улсын Нийгэмлэгээс 100,000 ам. долларын хандив Украинд илгээсний дараа манай Нийгэмлэгийн дэлхий дахины бусад гишүүд ч мөн хувь нэмрээ оруулцгаан нийтдээ 310,000 еврогийн тусламж болон нэмэлт тусламжийг хүргээд байна. Тусламжийн багт хүргэгдэж Молдав дахь тусламжийн Австри, Канад, Герман, Польш, Словак, Испани, АНУ зэрэг улс орноос ирсэн гишүүд маань уг ажлыг гүйцэтгэлээ.

Молдавын нийслэл Кишинев хотноо багийнхан нийтдээ найман бүхээгт машин дүүрэн хүнсний тусламж, хувцас, эм зэргийг багтаан Украины Киев, Львов, Одесса хотуудад илгээлээ. Мөн тэд олон зуун уут веган хүнс, ундыг бэлтгэн хот даяарх дүрвэгчдийн олон сууринд тараан өгсөн юм.

Үүний зэрэгцээ тусламжийн багийнхан 10,000 гаруй ам. долларын веган хүнс, хэрэгтэй зүйлсийг украин дүрвэгсдийн амьтан-хүн хамтрагчийнх нь асрах газруудад зориулан хандивлажээ.

Мөн Италид Украины хэдэн арван мянган дүрвэгч хүрч иржээ. Римини дэх манай Нийгэмлэгийн гишүүд Италийн цагаачлалын албаны хүсэлтийн дагуу шаардлагатай байсан хэдэн зуун лонх ус, жимсний шүүс, гэрийн хачиртай талх зэргийг хүргэлээ.

Түүнчлэн Их Британи болон Ирланд дахь манай Нийгэмлэгийн гишүүд Польшийн Варшав дахь авшигтнуудтай холбогдон 1,000 еврогийн үнэ бүхий веган хоол хүнс, ариутгалын зүйлсийг дүрвэгсэд олноор ирж байсан галт тэрэг болон автобусны буудлуудад хүргэв. Дараа нь манай Олон Улсын Нийгэмлэгийн гишүүд 15,600 еврогийн хандивын хэрэгцээт зүйлсийг Польшоос Украин руу ачааны машинаар хүргэлээ. Үүнд генераторууд, эмнэлгийн хэрэгсэл, цэнэглэгч банк, сум нэвтрэхгүй хантааз, элстэй уут зэрэг багтжээ.

Бас нэгэн тусламжийн багийн мэдээлснээр Польшоос веган хүнсний хангамжийг Украины Львов хот руу илгээн дүрвэгсдэд үнэгүй хоолоор үйлчилж байгаа ажээ.

Бидэнд нөхцөл болзолгүй хайрыг түгээхийг үргэлж зааж сургадаг Төгс Гэгээрсэн Чин Хай Их Багшдаа бид талархаж байна. Мөн Нийгэмлэгийн гишүүддээ болон дэлхий дахинд Украины ахан дүүстээ тусалж байгаа тэр олон хүнд бүгдэд нь бид талархаж байна. Бидний залбирч байгаачлан Нигүүлслийн замаар манай дэлхийд үүрдийн энх тайван тогтож, Диваажингийн хайрын замчлалаар тэд аюулгүй байдал, ая тухтай амьдралаа олох болтугай.