Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хайн Олон Улсын Нийгэмлэгийн Бангладеш дэх тусламжийн мэдээ... 5-р сарын сүүл үеэс эхлэн Бангладешийн ард түмэн урьд үзээгүй гамшигт үерт автаад байна. 9 сая гаруй иргэд өртөөд байгаа бөгөөд 100 гаруй хүн амиа алдан суурин газрууд бүхэлдээ усанд автжээ. Төгс Гэгээрсэн Их Багш Чин Хай чин сэтгэлээсээ эмгэнэл илэрхийлэн залбирч 30,000 ам. долларыг Бангладеш дахь яаралтай тусламжид зориулж хамгийн их тусламж хэрэгтэй байгаа хүмүүст хүргээрэй гээд тус улс дахь Нийгэмлэгийг гишүүдээс хүссэн юм. Бангладеш дахь манай Нийгэмлэгийн гишүүд хасарваань, давтсан будаа, хөөлгөсөн будаа, сахар, веган жигнэмэг, шингэн сэлбэх давс зэрэг эн тэргүүний хүнсний зүйлсийг завиар тээвэрлэн тусламж хараахан хүрээгүй, алслагдмал газруудад хүргэлээ. Хүнсний тусламжийг хамгийн хүндээр нэрвэгдсэн Силхет дэх 2,700 өрхөд хүргэлээ. Тэнд багаар бодоход 56 хүн амиа алдан гурван сая орчим хүн орон гэргүй, эсвэл цахилгаангүй болсон байжээ. Хоёр өдөр гаруй хугацаанд манай Нийгэмлэгийн тусламжийн багийнхан орон нутгийн албаныхан болон сайн дурынхны хамтаар 95% нь үерт живээд байсан Сулхетын Сунамганж дүүргийн 15 тосгонд тусламжийн багцыг түгээж ажиллаа. Төгс Гэгээрсэн Их Багш Чин Хай Таныхаа нөхцөл болзолгүй хайраар үерт нэрвэгдсэн олонд тусалсанд талархаж байна. Мөн Нийгэмлэгийнхээ тусламжийн багийнханд болон орон нутгийн албаныхан, сайн дурынханд талархаж байна. Бангладешийн сайхан сэтгэлт ард түмнийг Диваажин харж хандах болтугай. Мөн манай гараг илүү энэрэнгүй амьдралын хэв маягаар тэнцвэртэй болж сэргэх болтугай.
