Уламжлалт Хөгжмийн Зэмсэг: Бандонеон, 2-ын 2-р хэсэг

Бандонеон нь 200 хүрэхгүй настай хэдий ч нэлээн олон алдартай хөгжимчидтэй. Тэдний зарим нэгтэй нь танилцацгаая. Хамгийн анх бандонеоныг а-капелла зэмсэг болгон тоглосон хүн бол Педро Мафиа юм. Тэрээр энэхүү хөгжмийн зэмсэгт тохирсон өргөлт, найруулга, хурд зэргийг нээн бүтээсэн хүн билээ. Хөгжмийн багш хүний хувьд бусдад энэ хөгжмийн зэмсгийг зааж сургах тал дээр мөн чухал арга барилыг нээжээ. Дараагийн эрхэм бол Аргентин улсын танго хөгжмийн домог Анибал Тройло, Пичуко ч гэж нэрлэгддэг хөгжимчин маань 400 гаруй пянз бичлэг, хэдэн арван үндэсний хөгжмийн бүтээлийг танго бүжгийн үндсэн аянд суурилан бүтээн туурвижээ. Түүний “Баррио де Танго”, “Сур” зэрэг бүтээлүүд нь танго бүжгийн стандарт болон үлджээ. Хөгжмийн хувьд түүний ансамбль дэлхийд хэдийн алдартай. Тэрээр олон залуу уран бүтээлчдэд тэр дундаа өсөх ирээдүйтэй хөгжмийн зохиолч Астор Пиазолла нарт асар их урам зориг болсон. Аргентин хөгжмийн түүхэнд оруулсан асар их хувь нэмрийг нь өндрөөр үнэлж түүний төрсөн өдрийг бандонеоныг дурсах өдөр хэмээн 2005 онд зарлав. Ингээд жил бүрийн 7-р сарын 11-нийг Аргентинд Бандонеоны Өдөр хэмээн тэмдэглэж байна.