ӨДРИЙН МЭДЭЭ - 2025 оны 10-р сарын 24

Египет улс Хамас бүлэглэлийг зэвсгээ хурааж, эрх мэдлээсээ ухрах Газын аюулгүй байдлын шинэ төлөвлөгөөг хүлээн зөвшөөрөхийг уриалж байна. Дараа нь АНУ-ын Ерөнхийлөгч Трампын 20 зүйл бүхий энхийн төлөвлөгөөний хүрээнд Газын зурвасын аюулгүй байдлыг Палестины засаг захиргааны 1,000 орчим цагдаа болон Азербайжан, Египет, Индонез, Туркийн 4,000 гишүүнтэй "Газын бүсийг тогтворжуулах хүчин"-д шилжүүлнэ. (baotintuc.vn)

АНУ-ын Ерөнхийлөгч Трамп Карибын тэнгист АНУ-ын цэргийнхэн устгасан хар тамхины хөлөг онгоцноос амьд үлдсэн хоёр хүнийг Колумб, Эквадорын эх оронд нь авчирна гэж мэдэгдлээ. Уг хөлөг онгоцонд фентанил болон бусад мансууруулах бодис тээвэрлэж явсан бөгөөд хоёр хүн амь үрэгдэж, хоёр хүн нь АНУ-ын нисдэг тэргээр аврагджээ. (Альжазира)

АНУ-ын Нууц алба [Флорида мужийн] Палм Бич олон улсын нисэх онгоцны буудалд Ерөнхийлөгч Трампын Агаарын зэвсэг хүчин нэгийн гарц руу харсан, агнуурын сэжигтэй зогсоолыг илрүүлсэн нь аллага үйлдэх өөр нэг оролдлого байж болзошгүй хэмээн холбооны мөрдөн шалгалтыг эхлүүлсэн байна. (Фокс Ньюс)

[АНУ-ын] Висконсин мужийн Кэти Нойбауэр хэмээх ээж хүү нь Ардчилсан намын бүхээг дээр "Тэр үхсэн үү?" гэсэн бичигтэй Ерөнхийлөгч Трампын тухай бугуйвч авсны дараа цухалдан уурлажээ. Дараа нь тэрээр Ерөнхийлөгч Трампын эсрэг зурвас бүхий бусад бугуйвчнуудыг олсон бөгөөд үүнд "8647" гэсэн тэмдэгтэй ("86" нь "ангижрах" буюу "алах" гэсэн утгатай, "47" нь ноён Трампыг 47 дахь ерөнхийлөгч гэдэгтэй холбоотой) байжээ. Хатагтай Нойбауэр тус захын удирдлагад гомдол мэдүүлсэн бөгөөд тэд үүнтэй төстэй олон мэдээлэл хүлээн авснаа баталж, орон нутгийн Ардчилсан намын оролцоог улирлын зах зээлийн үлдсэн хугацаанд гаргахыг хориглох шийдвэр гаргажээ. (Фокс Ньюс)

Мьянмарын цэрэг арми Тайландын хилийн ойролцоох цахим луйврын томоохон байгууламжид нэгжлэг хийж, 2,200 гаруй ажилчинтай газраас Старлинк хиймэл дагуулын интернэтийн 30 орчим иж бүрдлийг хураан авчээ. Хэдийгээр АНУ-ын технологийн тэрбумтан Илон Маскийн Старлинк компани Мьянмар улсад албан ёсоор зөвшөөрөгдөөгүй ч олон луйврын төв үүнийг хурдан интернэт авах, засгийн газрын хяналтаас зайлсхийх зорилгоор ашигладаг нь хиймэл дагуулын сүлжээг хууль бус үйл ажиллагаа явуулахад хүргэж байна гэсэн болгоомжлолыг төрүүлж байна. (ВнЭкспресс)

Тайландын эрх баригчид хуурамч онлайн ажил санал болгон хил дээр авчирч, Камбож руу хууль бусаар гаргахаар мэхлэгдсэн Тайландын 13 иргэнийг аварчээ. (VOV)

[Францын] Парис хот: Луврын музейн Аполлоны Галерейгаас гэгээн цагаан өдрөөр хааны найман үнэт эдлэлийг хулгайлжээ. Сэжигтнүүд ачааны машин, шил зүсэх хэрэгсэл ашигласан ба улмаар мотоциклтой зугтжээ. Энэхүү хэрэгт эрүүгийн хэрэг үүсгэн шалгаж буй бөгөөд дэлхийд алдартай музейн хамгаалалтыг чангатгасан байна. (Индепендент)

Мэргэжилтнүүдийн үзэж буйгаар бор будаатай цай нь элэгний эрүүл мэндийг дэмжиж, хоргүйжүүлэхэд тусалдаг ургамлын гаралтай, зөөлөн арга юм. Хуурсан бор будаа нь үл исэлдүүлэгч, В амин дэм, магни, селени ялгаруулж, үрэвслийг намдаан, элэгний хорт бодисыг гадагшлуулахад тусалдаг. Цайг бэлтгэхийн тулд 100 грамм бор будааг анхилуун үнэртэй болтол нь хуурч, дараа нь 1 литр буцалж буй усанд 10-15 минут хандална. Тэнцвэртэй веган хоолны хамт өдөрт 2-3 аяга цайг бүлээнээр уух нь хоол боловсруулалтыг сайжруулж, өөх тосны солилцоог сайжруулж, арьсыг тунгалаг, гялалзсан болгодог. Нэмэлт амт өгч, эрүүл мэндийн ач тусыг хүртэхийн тулд цагаан гаа, чихэр өвс гэх мэт халуун чанартай амтлагч нэмээрэй. (Лао Дон)

Эмч нар цагаан гааны овгийн анхилуун үнэрт амтлагч болох кардамон нь хоол боловсруулалт, зүрх, уушгины эрүүл мэндийг дэмждэг үл исэлдүүлэгч, ургамлын гаралтай хамгаалагч нэгдлээр дүүрэн байдаг гэж үздэг. Судалгаанаас харахад кардамон нь гэдэсний дүүрэн, цусны даралтыг бууруулж, бодисын солилцоог сайжруулж, амны хөндийн эрүүл мэндийг дэмждэг. Хоолны шингэц, цусны эргэлт, ерөнхий эрүүл мэндийг дэмжихийн тулд өдөр бүр уух зүйл, эрүүл веган хоолонд чимхийг нэмээрэй. (Ахмад эрүүл мэндийн аялал)

Их Британийн засгийн газрын мэдээллээс үзэхэд, томоохон супермаркетуудад зарагддаг гахай-хүний махны ихэнх нь олон төрлийн эмд тэсвэртэй "супер хор"-оор бохирдсон бөгөөд тэдний дотор хоолны хордлогын нийтлэг шалтгаан болох Салмонелла багтаж байна. Мэргэжилтнүүд антибиотикийг үйлдвэрийн аргаар өсгөж буй амьтан-хүмүүст буруугаар ашиглах нь амьтан-хүний мах, сүү, амьтан-хүний аж үйлдвэрийн хаягдлаар дамжин хүнд халдварлах аюултай супер нянгийн өсөлтийг өдөөж буйг анхааруулж байна. (Эссекс-ТВ)

Вьетнамын Зүрх судасны нийгэмлэгийн мэдээлснээр Ау Лак (Вьетнам) улсад зүрхний өвчлөл баян хүн амаас ядуу хүн амд шилжиж буй бөгөөд жил бүр 200,000 орчим хүн нас барж, улсын нийт нас баралтын гуравны нэгийг эзэлж байна. (Бао Тань Ньень)

[Шотландын] Эдинбургийн Их Сургуулийн судалгаагаар хөгширч буй муур-хүмүүсийн тархинд амилоид-бета уураг хуримтлагдсанаас болж, хүний Альцгеймерийн ​​өвчинтэй төстэй сэтгэцийн өөрчлөлтийн шинж тэмдэг илэрдэг болохыг тогтоожээ. Муур-хүмүүсийн оюуны хомсдолд илрэх шинж тэмдгүүдэд: - Үйл ажиллагааны баримжаагаа алдсан, эсвэл төөрөлдсөн. - Будилуу болох. - Мяу гэж дуугарах нь ихсэх. - Хана эсвэл булан руу харж байхдаа хоосон зай руу ширтэх. -Дөнгөж хооллосноо мартаад, дахин идэхийг хүсэх. - Бие засах савныхаа гадуур бие засах. - Бусад гэрийн тэжээмэл амьтан-хүмүүс/ гэр бүлийн гишүүдтэй хэвийн бус харьцах (илүү хэрэгцээ хүсэх, илүү хариу үйлдэл өгөх, эсвэл илүү хөндийрөх) - Арчлах зуршил нь муудах (Өдөр тутмын шуудан)

Франц, Италид чикунгунья вирусийн тохиолдол ихсэж байна. 2025 онд Франц улсад орон нутгийн гаралтай 734 тохиолдол, Италид 364 тохиолдол бүртгэгдсэн бөгөөд шумуулаар дамжих өвчин сэрүүн бүсийн Европ тивд ч өсөх эрсдэлтэй байгааг мэргэжилтнүүд анхааруулж байна. (VBT)

Намиби улс Свакопмунд хотод сармагчны цэцэг өвчин дэгдсэнийг зарлаж, тархалтыг зогсоохын тулд тандалтын баг, хавьтлыг илрүүлэх мөрдлөгийг ажиллуулж байна. (Ройтерс)

Судалгаагаар Пакистаны ойролцоох Ираны өмнөд хэсэгт орших унтаа галт уул болох Тафтан уул 2023 оны 7-р сараас 2024 оны 5-р сар хүртэл 10 гаруй сарын хугацаанд нэлээд тэлсэн нь хий болон даралт нэмэгдэж байгааг харуулж байна. (Түөй Трэ)

Баруун Австралийн Кимберли мужид хүчтэй салхи шуурч, мөндөр оржээ. Кунунуррагийн оршин суугчид салхины хурд цагт 104 км хүрч, ховор тохиолдох мөндөр орохыг үзсэн бөгөөд энэ нь дэд бүтцэд хохирол учруулжээ. (ABC Австрали)

Австралид 10-р сард ер бусын халуун болж, агаарын хэм дунджаас 18ºC-ээр нэмэгдэн, олон мужид ой хээрийн түймэр гарч болзошгүйг анхааруулж байна. (Гардиан)

Үүлэн тооцооллын сүлжээ Amazon Web Services-т 10-р сарын 20-нд Нью-Йоркийн цагаар өглөөний 03:11 цагт эхэлсэн томоохон тасалдал болж, төрийн байгууллага, их дээд сургуулиуд, Сигнал мессежийн аппликейшн зэрэг онлайн платформыг олон цагаар саатуулжээ. Кибер аюулгүй байдлын мэргэжилтэн Патрик Буржессийн хэлснээр, энэ осол нь кибер халдлага гэхээсээ илүү техникийн алдаа байсан бололтой. (AP)

АНУ-ын эрдэмтэд [АНУ-ын Нью Мексико мужийн] Уайт Сэндст утасгүй цахилгааныг лазер ашиглан 5 миль (8.5 км) зайд 30 секундийн турш амжилттай дамжуулж, нисгэгчгүй онгоц болон алсын зайн судалгааны станцуудыг тэжээх замыг зассан оптик эрчим хүчний салбарт шинэ нээлт хийлээ. (Earth.com)

Польшийн парламент ЕХ-ны ихэнх улс орнуудад хэрэгжүүлсэн ижил төстэй арга хэмжээний дагуу найман жилийн шилжилтийн хугацаатай амьтан-хүний арьс ширний үйл ажиллагааг хоригийг баталж, эрт хаасан үржүүлэгчдэд нөхөн олговор олгохыг зөвшөөрчээ. Польшийн үслэг эдлэлийн үйлдвэрлэл буурч, 2024 онд экспортын дөнгөж 0,014%-ийг бүрдүүлж буй бөгөөд польшчуудын 66% нь уг хоригийг дэмжиж байна. (Польшийн тэмдэглэл)

Их Британийн ахлах тогооч Софи Сугрю (веган) Их Британийн MasterChef хоол хийх томоохон тэмцээний түүхэнд эцсийн шатанд шалгарсан анхны веган оролцогч болж, хутгасан фета бяслагтай, алтан товч цэцэг, зуун наст, жууцайны тарт татин, колагаар шарсан богино хавирга маягийн тако зэрэг ургамлын гаралтай бүтээлч хоолоороо сүүлийн гуравт шалгарчээ. Түүний ургамалд суурилсан аялал 14 настайдаа цагаан хоолтон болсноор эхэлж, улмаар Смитсийн "Мах бол аллага" дуунд сэтгэл хөдлөн, веган болжээ. (Ургамалд суурилсан мэдээ)

Их Британид төвтэй “Green Alliance” судалгааны төвөөс веган бөөрөнхий мах, татсан мах, бургер зэрэг ургамлын гаралтай уургууд нь амьтан-хүний гаралтай махнаас хамаагүй хямд болсон тухай мэдээлснээр махны үнэ килограмм тутамд 1.18 фунт стерлингээр өсөж, ургамлын гаралтай уургийн үнэ нэг кг тутамд 14 пенсээр буурсан байна. (Ургамалд суурилсан мэдээ)

Герман, Финлянд, Итали, Серби улсуудад хийсэн судалгаанаас харахад, төмс, будаа, вандуй зэрэгт агуулагдах веган уураг нь амьтан-хүний гаралтай мах орлуулагчийн хамгийн их хүлээн зөвшөөрөгдсөн эх үүсвэр бөгөөд энэ нь Европын хоолонд танил байдагтай холбоотой байж болох юм. (Вежкомонист)

Солсбери Веган Зах нь 10-р сарын 26-нд [Их Британийн] Солсбери хотын Гильдхолын талбайд дахин зохиогдох бөгөөд веган хоол, байгальд ээлтэй бүтээгдэхүүн, амьд хөгжим багтаж байна. Дэлгэрэнгүй мэдээллийг VeganFairs.co.uk хаягаас авна уу. (Vegan Fairs)

АНУ: [АНУ-ын] Мичиганы Байгалийн нөөцийн яам өвдөлтгүй унтуулах зарлигаа цуцалсны дараа Пийнат нэртэй хагас хараагүй илийн амь насыг аварч, Ховелл Байгалийн төвд боловсролын зорилгоор үлдэх зөвшөөрөл олгожээ. (mLIVE)

[Өмнөд Солонгосын] Сөүл хотын захиргаа 2026 оны эцэс гэхэд нийт 25 дүүрэгт ахмад настны тоглоомын талбайгаа өргөтгөж, ахмад иргэдийн эрүүл, идэвхтэй, нийгэмтэй холбоотой амьдралын хэв маягийг дэмжих зорилгоор тусгай фитнес тоног төхөөрөмж, олон нийтийн үйл ажиллагааг санал болгохоор төлөвлөж байна. (Бао Түөй Трэ)

[Эквадорын] Ложа хотод хоёр эмэгтэй жолооч автомашины ослын дараа зөөлөн тэврэлдэж, эвдрэл гэмтлийг тайвнаар шалгаж, асуудлыг тайван замаар шийдвэрлэсэн байна. Энэхүү видео нь цахим сүлжээнд хурдтай тархаж, тайван, соёлтой шийдлээрээ үзэгчдэд урам зориг өгч байна. (ВнЭкспресс)

[Энэтхэгийн Махараштра мужийн] Кальян хот: Ургамал, амьтдыг хамгаалах нийгэмлэг (PAWS)-ийн сайн дурын ажилтнууд нуруун дээрээ аварга том хавдартай болж, алхаж чадахгүй байсан Тор нэртэй ахмад нохой-хүнийг аварчээ. Тэд түүнийг яаралтай мал эмнэлэгт хүргэж, доктор Нитиш Пуро гурван цагийн турш хагалгаа хийжээ. Тор одоо эдгэрч байна. (Энэтхэгийн цаг үе)

Аулак (вьетнам)-ын хамгаалалтын ажилтан Дан Нгок Тоан Дананг хотод хүчтэй үерийн ус руу зоригтойгоор үсрэн, мотоциклтойгоо үерт урссан эх, хүүхдийг аварч, дараа нь мотоциклийг нь мөн гаргаж авчээ. (24h.com.vn)

Америкийн энергиэр эмчлэгч Лорели Драче клиник үхэлд орсон тохиолдлоо хуваалцаж байна: Лорели 7 настайдаа авга эгч, ах, 13 настай ахтайгаа хамт цөөрөмд очих үедээ усан онгоцны зогсоолын төгсгөлд ганцаараа зогсож байхад нь бүх зүйл харанхуй болжээ. Дараагийн агшинд тэр усан доор орж, эхлээд хөл нь живэв. Тэр нүүрэн дээр нь бөмбөлгүүд гарч ирэхийг хараад, сэлж, амьсгалж чадахгүйгээ ойлгожээ. "Би живж байна. Би үхэх нь дээ.” гэх эдгээр үгсийг бодох тэр мөчид түүний ухамсар биеэсээ саллаа. Тэр усан дээгүүр хөвж, бие нь живж, үс нь урсаж, гараа дээшээ сунгаж байхыг харжээ.

Лорелигийн ухамсар дээшлэх тусам өргөжин тэлж, доорх хүмүүсийн бодолтой телепатаар холбогдож байв. Тэрээр хамгийн түрүүнд өөрт нь хүрэхийн тулд усанд сэлэх үү, хурдан гүйх үү гэж эргэлзэж байсан ахтайгаа холбогдов. Лорели үүнд инээмсэглэж, цөөрмийн орох хэсэг дэндүү алслагдсан тул аль ч хувилбар нь хангалттай хурдан ажиллахад хэтэрхий хол байгааг мэдэж байв. Дараа нь авга эгчийнхээ хашхирахыг сонссон авга ахтайгаа холбогдов. Тэрээр буруутгагдах вий гэж санаа зовж, "Бид түүнийг харж байх ёстой байсан. Тэр яаж уначхав аа?” гэж бодов. Энэ хооронд Лорелийн авга эгч зогсоол руу яаран доош гүйж, "Энэ миний буруу. Би сэлж чадахгүй, гэхдээ хамгийн ойрхон байна. Түүнийг яаж аврах вэ?" хэмээн боджээ. Тэр төгсгөлийн шонг барьж, Лорелиг үснээс нь татахаар төлөвлөжээ. Лорелийн ухамсар улам тэлж, гэртээ буцаж ирсэн ээждээ хүрчээ. Тэр ногоогоо хэрчиж, тэднийг хэзээ буцаж ирэх бол гэж гайхширч байгааг харжээ.

Дараа нь Лорели тэр даруй үүл мэт манантай, цэвэр цагаан өнгийн орон руу шилжив. Түүний зүүн талд мэдрэгдэх боловч нүдээр харагдахгүй энергийн оршихуй зогсож, тэнд түүнийг чиглүүлж байлаа. Түүний дээр төсөөлж болохуйц хамгийн тод цагаан, үлэмж их Гэрэл байсан ч нүдийг нь өвтгөсөнгүй. Тэр үүнд ухамсраа бүрэн нээхэд, Гэрэл тод неон шар, дараа нь хув, улбар шар өнгөтэй болж хувирав. Энэ нь асар том, шатан дээр байрлах мэт бөгөөд ард нь нуман хаалга буюу орох хаалга харагдаж байв. Тэр Гэрлийн гялбаанд бүрхэгдсэн төрөлтний хэлбэрийн сүүмгэр тоймыг олж харж чадахаар байлаа.

Амар амгалан, хайрын асар их мэдрэмж Лорелиг эхийн хайраас илүү гүн, энэ оршихуйн нандин нялх хүүхэд мэт хучин авлаа. Уг төрөлтөн телепатаар "Чамд хийх зүйл их байна" гэж дамжуулжээ. Амьдрал хэрүүл маргаанаар өнгөрсөн юм шиг санагдсанд, Лорели буцахаас татгалзаж, хэтэрхий их зүйл үзсэн тул буцаж нүүр тулж чадахгүй нь гэж зүтгэлээ. Солилцоо нааш цааш телепати байдлаар мөнхөд үргэлжилсээр байв. Эцэст нь хүчтэй, эрх мэдэлтэй эрэгтэй дуу хоолой: "Чи буцах ёстой. Чамд хийх зүйл их байна." гэж зарлав. Лорели хүлцэнгүй хүүхэд мэт: "За" гэж хариуллаа.

Авга ах, эгч хоёр нь түүнийг эрэг рүү татан, зүлгэн дээр хэвтүүлэхэд Лорели бие дээгүүрээ дахин гарч иржээ. Тэр амьгүй мэт харагдаж байсан ч уушгинд нь ус байсангүй.

Маргааш болтол тэр яриагүй бөгөөд ах руугаа эргэж хараад, “Намайг аврахын тулд ингэж сэлж, гүйж чадна гэж чамайг бодоход юу хүргэсэн бэ?” гэж асуулаа. Ахынх нь царай цайж, "Чи үүнийг яаж мэдсэн юм бэ?" гэж асуув. "Би үхсэн" гэж тэр хэлээд, дараа нь ээждээ түүхийг бүтнээр нь ярив.

Сүнслэг ойлголтыг мэддэг Католик гэр бүл нь түүнд итгэж, хүчтэй дэмжлэг үзүүлжээ.

Энэ явдлын дараа Лорелид сэтгэцийн болон эдгээх өндөр чадвар буюу зөн билэг, зуучлагч, урьдчилан таних чадвар хөгжжээ. Ээж нь түүнийг "хөгшин сүнс" гэж дууддаг. Хүмүүс түүний сэрэмжлүүлэг, үзсэн зүйлст итгэж сурчээ. Нэг удаа эгч нь Лорелийн зөн билгийн улмаас аюултай аяллаас зайлсхийсэн байна.

Хүүхэд байхдаа тэрээр хүмүүс үхэх гэж байхад хоёр долоо хоногийн өмнө сүнс салж эхэлдгийг харсан байна. Нөлөөлөлд өртсөн хүмүүс лав шиг хиймэл зүйл болон хайлж, гэрэлтэж, энерги нь түүнтэй учирсан ижил Эх сурвалжийн Гэрэл рүү буцаж байлаа.

Лорели өөрийн ойлголтоосоо үхэл бол төгсгөл биш харин Гэрэл рүү буцах явдал гэдгийг мэдсэн бөгөөд бүх бүтээлийн мөн чанар болох хайр нь амьд оршихуй бүрийг бидний ирсэн Эх сурвалжтай холбодог гэдгийг мэддэг болжээ. (КҮТ өдрийн тэмдэглэл)

Өдрийн урам зориг өгсөн эшлэл: "Мэргэн ухаан таны түшиг болж, энэрэн нигүүлсэхүй таны хөтөч байх болтугай. Ингэснээр та зүрх бүхэнд цохилох Тэнгэрлэг Аялгууг сонсож чадна.” — Хүндэт Гэгээрсэн Гүрү Нанак Дэв Жи (цагаан хоолтон)