Хайх
Монгол хэл
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
Гарчиг
Тайлбар
Одоо үргэлжлүүлэн
Цааш бий
ӨДӨР ТУТМЫН МЭДЭЭ-ний гол тойм – 2026 оны 11 дүгээр сарын 19
Украин (Урейн) ерөнхийлөгч Володимир Зеленський 11-р сарын 13-нд АНУ-ын зуучилсан хэлэлцээрийн дараа Украин (Урейн), Орос улсууд тус бүр 1,200-1,300 дайны олзлогдогч солилцохоор тохиролцсон бөгөөд нарийн тоог эцэслэн тогтоож байна гэж мэдэгджээ. Ноён Зеленський хэлэлцээр хийгчдэд Европын аюулгүй байдлын зохицуулалтад хийх өргөн хүрээний өөрчлөлтийг хэлэлцэхээс өмнө гал зогсоох, дайныг дуусгах, Украин (Урейн)-д заавал биелүүлэх аюулгүй байдлын баталгаа олгохыг нэн тэргүүнд тавихыг уриалсан байна. (Kyiv Post)
Украин (Урейн)-ы ерөнхийлөгч Зеленський АНУ-ын засгийн газар болон сансрын технологийн SpaceX компанид хандан АНУ-ын засгийн газраас Украин (Урейн)-д нийлүүлсэн цэргийн зориулалттай хиймэл дагуулын интернэтийн Starshield үйлчилгээний хурдны хязгаарлалтыг цуцлахыг уриалжээ. Ноён Зеленський өвөл болохоос өмнө хүний амь нас, эрчим хүчний хангамжийг хамгаалах нь уг хязгаарлалтыг цуцлахаас хамаарна хэмээн анхааруулж, фронтын шугам дагуу болон Оросын эзэлсэн нутаг дэвсгэрт хязгаарлалт хэвээр байна гэж мэдэгдсэн байна. (BBC)
Эстонийн дрон үйлдвэрлэгч Threod Systems компанид хорлон сүйтгэх халдлага үйлдэхийг завдсаны дараа тус улс 12-р сарын 1-нээс Оростой хиллэдэг 3 боомтоо бүгдийг хаахаар болжээ. Уг оролдлогыг Оросын цэргийн тагнуулын ГРУ алба захиалсан гэж Эстонийн эрх баригчид мэдэгдсэн байна. 11-р сарын 14-нд болсон уг хэргийн үеэр 8 хүнийг саатуулсан бөгөөд хүн бэртэж, эд хөрөнгө эвдэрсэн тухай мэдээлэл гараагүй байна. Эстонийн ерөнхий сайд Кристен Михал хил хааснаар дахин халдлага гарах эрсдэл буурна гээд, Украин (Урейн)-д үзүүлж буй Эстонийн дэмжлэгийг сулруулахыг оролдож байна хэмээн Оросыг буруутгажээ. Хилийг хэр удаан хаах талаар мэдэгдээгүй байна. (The Guardian)
Дунай мөрний бэлчир орчмын Хар тэнгист худалдааны 3 хөлөг онгоц дроны цохилтод өртсөний дараа Румыны Батлан хамгаалахын сайд Штефан-Раду Опря [Бельгийн] Брюссельд болох НАТО [Умард Атлантын гэрээний байгууллага]-гийн батлан хамгаалахын сайд нарын уулзалтаар тандалтын нисэх онгоцны эргүүл болон дрон эсэргүүцэх тоног төхөөрөмж хүснэ гэж мэдэгджээ. Ноён Опря Украин (Урейн)-ыг онилсон довтолгооны үеэр эдгээр хөлөг онгоц цохилтод өртсөн гэж хэлсэн байна. (informat.ro)
Индонезийн Ерөнхийлөгч Прабово Субианто тус улсад гарсан ойн түймрийн утаанаас Сингапур, Малайзын ард иргэдэд учирсан аливаа хохирлын төлөө 11-р сарын 15-нд уучлал гуйжээ. Тэрээр [Филиппиний] Манилад болсон Зүүн Өмнөд Азийн улсуудын холбоо [АСЕАН]-ы уулзалтад хэлсэн үгэндээ, түймэртэй холбоотой компаниудад хатуу арга хэмжээ авсаар байхаа амлаж, ойн түймрээс урьдчилан сэргийлэх ажлыг бэхжүүлэх шинэ байгууллага байгуулахаар бэлтгэж байгаагаа мэдэгджээ. Индонез улс сүүлийн 11 жилийн хамгийн хүчтэй ой, хээрийн түймэртэй тэмцэж байгаа ба голомтууд нь голчлон Суматра, Борнео, Папуад байгаа юм. (Reuters)
АСЕАН 11-р сарын 15-нд Манилад болсон дээд хэмжээний уулзалтаараа Мьянмарын улс төрийн удирдагчдыг АСЕАН-ы дээд хэмжээний болон гадаад хэргийн сайд нарын уулзалтад оролцуулахгүй байх шийдвэрээ хэвээр үлдээж, харин улс төрийн бус төлөөлөгчдийг оролцуулахаар тохиролцлоо. Гэвч хүчирхийллийг зогсоох, бүх талыг хамарсан яриа хэлэлцээр, зуучлал, хүмүүнлэгийн тусламжийг тусгасан АСЕАН-ы энх тайвны төлөвлөгөөг хэрэгжүүлэхэд тус улс тууштай, бодит ахиц гаргавал улс төрийн бүрэн төлөөллийг нь үе шаттай сэргээж болно гэж тус холбоо мэдэгджээ. Мьянмарын арми 2021 онд төрийн эрхийг булаан авснаас хойш тус улс иргэний дайнд нэрвэгдээд байна. (Reuters)
Саудын Араб тэргүүтэй эвслийн хүчин 11-р сарын 15-нд Саудын Арабын Мекка, Медина бүс нутгийг онилсон 4 дроныг замаас нь устгасан гэж мэдэгджээ. Үүнээс тусдаа, Йемений Хусит босогчид Саудын Арабын нийслэл Эр-Рияд хот дахь Хаан Халидын олон улсын нисэх буудал, санхүүгийн төв болон тус улсын Зүүн-Баруун газрын тос дамжуулах хоолойн дагуух 2 шахуургын станцад халдсан гэж мэдэгдсэн байна. (Fox News)
Йемений олон улсад хүлээн зөвшөөрөгдсөн засгийн газарт үнэнч хүчнүүд 6 долоо хоног тулалдсаны дараа 11-р сарын 15-нд Баб-эль-Мандебын хоолойгоос гарснаар Улаан тэнгисийн стратегийн чухал гарц Ираны дэмжлэгтэй хуситуудын бүрэн хяналтад орсон гэж хэвлэл мэдээллийн Нью-Йорк Пост агентлаг мэдээлжээ. Саудын Арабын дэмжлэгтэй эвсэл энэ ухралт нь [Йемений] Аден болон зэргэлдээ бүс нутгийг хамгаалахад хүчээ нэн түрүүнд төвлөрүүлэх боломж олгоно гэж мэдэгдсэн байна. Хуситын хүчнүүд бараг бүх талаас нь бүслэн, тусламж оруулахгүй, энгийн иргэдийг гаргахгүй байгаа [Йемений] Таиз хотод хүмүүнлэгийн хямрал үүссэнийг албаныхан мөн мэдээлжээ. (New York Post)
Италийн мэдээлэл хамгаалах газар Фэйсбүүкийн Андройд аппликэйшний нэг үйлдэл Италийн 20 сая орчим хэрэглэгчийн гэрэл зураг, дүрс бичлэг болон холбогдох өгөгдөлд зохих ёсоор мэдэгдэлгүй, хүчинтэй зөвшөөрөлгүйгээр нэвтэрсэн хэргээр тус олон нийтийн сүлжээний толгой компани Метаг 805 сая еврогоор торгожээ. Тус байгууллага Метад 60 хоногийн дотор тодорхой зөвшөөрөл авах, өмнө нь зурагтаа нэвтрэх ерөнхий зөвшөөрөл өгсөн хэрэглэгчдийн хувьд ч уг үйлдлийг анхны тохиргоогоор идэвхгүй болгохыг үүрэгдсэн байна. (Qatar News Agency)
[Их Британийн] Англид антибиотикт тэсвэртэй цусны урсгалын халдвар 2019-2025 онд 16.8%-иар өсөж, 21,129 тохиолдолд хүрсэн бөгөөд өнгөрсөн онд долоо хоног бүр 400 гаруй хүн ийм халдвар авчээ. UKHSA [Их Британийн Эрүүл мэндийн аюулгүй байдлын агентлаг] зөвхөн антибиотикийн хэрэглээг бууруулах нь хангалтгүйг анхааруулж, халдвараас сэргийлэх арга хэмжээг чангатгах, шинэ эмчилгээ нэвтрүүлэхийг уриалсан байна. (euronews)
Нигерийн Өвчний хяналт, урьдчилан сэргийлэх төв [NCDC]-ийн мэдээлснээр, тус улсад 2022 оноос хойших сахуугийн хамгийн том дэгдэлт бүртгэгджээ. 2026 оны 1-р сарын 1-нээс 11-р сарын 7-ны хооронд 26 мужид 37,529 сэжигтэй тохиолдол, 28,151 батлагдсан халдвар, 1,126 нас баралт бүртгэгдсэн байна. Сахуугийн эмчилгээний хомсдол хямралыг улам хүндрүүлж буйг олон улсын ашгийн бус Хил хязгааргүй эмч нар байгууллага анхааруулж байна. (Outbreak News Today/ Médecins Sans Frontières [Doctors Without Borders])
Анар жимс нь эслэг, С аминдэм, эрдэс бодис, үл исэлдүүлэгчээр баялаг, улирлын чанартай шим тэжээллэг жимс юм. Үүний боломжит ач тусад дараах багтана: 1. Хоол боловсруулах эрхтний эрүүл мэндийг дэмжих 2. Үл исэлдүүлэгч хамгаалалт 3. Үрэвслийг бууруулах 4. Тархины эрүүл мэндийг дэмжих 5. Дархлааг дэмжих 6. Зүрхний эрүүл мэндийг дэмжих (VegNews)
[Папуа Шинэ Гвинейн] Ахус аралд ган гачиг, хэт халалт, утаагаар бохирдсон хур тунадас уур амьсгалын дарамтыг нэмэгдүүлснээр ус, хүнсний ноцтой хомсдол нүүрлэжээ. Судалгаанд хамрагдсан өрхийн ердөө 7% нь ундны усны хүрэлцээтэй нөөцтэй байсан бол 81% нь уур амьсгалын өөрчлөлтийг даван туулж чадахгүй байгаагаа мэдээлсэн байна. (The Guardian)
11-р сарын 15-нд Италийн өмнөд нутгаар хүчтэй шуурч, үер, хөрсний гулгалт үүссэний улмаас Вико-Экуэнсе, Позитано орчмын Амальфитана зам хаагдаж, Пеллеццанод хөрс тогтоох хана нурснаар ойролцоох зам дээр шавар, нуранги буусан байна. Түүнчлэн 11-р сарын 14-нд Лауриа хотод аадар борооны улмаас хад нуржээ. (News Minimalist, ANSA, Rai News)
Худаг ширгэж, газрын доорх усны түвшин буурснаар [Афганистаны] Дайкунди мужийн Нейли хотын 3,000 орчим өрх ундны усгүй, эсвэл усны хангамж хязгаарлагдмал байдалтай болжээ. Оршин суугчид цистернээр хүргэдэг өндөр үнэтэй усанд найдаж, нийлүүлж буй усны аюулгүй байдалд санаа зовниж байгаагаа илэрхийлсэн бөгөөд ган гачиг тус мужийн 81 тосгонд нөлөөлсөн байна. Албаныхан хотыг бүхэлд нь хамарсан усан хангамжийн сүлжээ байгуулахаар төлөвлөж байна. (Pajhwok Afghan News)
[Туркийн] Анталья хотод болсон НҮБ-ын Уур амьсгалын өөрчлөлтийн 31-р бага хурал [COP31]-ын дарга Мурат Курум уур амьсгалын төлөө шийдвэртэй арга хэмжээ авахыг уриалж, улс орнуудаас зорилт дэвшүүлэн бодит үр дүн гаргахыг шаардлаа. Тэрээр чулуужсан түлшний хэрэглээг бууруулахын тулд тээвэр, аж үйлдвэрт цахилгааны хэрэглээг өргөжүүлэх, сэргээгдэх эрчим хүчний хэрэглээг нэмэгдүүлэхийг тэргүүлэх чиглэл болгон онцолсон байна. Ноён Курум дээд хэмжээний уулзалтын амжилтыг хотуудын уур амьсгалын нөлөөг тэсвэрлэх чадвар сайжрах, сэргээгдэх эрчим хүчний хэрэглээ нэмэгдэх зэрэг хүмүүсийн амьдралд гарах ахицаар хэмжих ёстой гэжээ. (Anadolu Agency)
[Их Британийн] Эрхэм дээдэс Уэльсийн Ханхүү Уильям, Гүнж Кэтрин нар 11-р сарын 16-нд 3 өдрийн айлчлалаар [Энэтхэгийн] Мумбай хотод хүрэлцэн ир Тэд 11-р сарын 17-нд тэнд болох Earthshot шагнал гардуулах ёслолд оролцож, 11-р сарын 18-нд Шинэ Делид Энэтхэгийн ерөнхий сайд Нарендра Моди (цагаан хоолтон)-той уулзах юм. Ханхүү Уильямын санаачилсан уг шагналаар байгаль орчны сорилтуудыг шийдвэрлэх төслөө өргөжүүлэхэд нь зориулж 5 ялагчид тус бүр 1 сая фунт.Стерлинг олгодог. (Reuters)
[АНУ-ын] Нью-Жерси хотод веган, цавуулаггүй нарийн боовоороо алдартай Папа Ганаш нарийн боовны газар 2027 оны 1-р сард [Нью-Жерсигийн] Хобокенд 3 дахь салбараа нээнэ. Гадаа цэцэрлэгтэй тус салбар эхнээс нь дуустал өөрсдөө хийсэн бялуу, аяган бялуу, пирог худалдаалж, DoorDash [хоол захиалгын цахим үйлчилгээ]-аар хүргэнэ. (NJ.com)
VegNews сэтгүүл түүхий веган хооллолтыг онцолжээ. Үүнд болгоогүй жимс, хүнсний ногоо, самар, үр, соёолж, тэжээллэг хөрөнгө, түүхий веган бяслаг, исгэсэн хүнс багтаж болох бөгөөд амьтны гаралтай бүтээгдэхүүн, 40-48 хэмээс дээш халаасан хүнснээс татгалздаг. Ийм хооллолт нь эслэг, үл исэлдүүлэгч, эрүүл тосоор хангаж, зүрхний эрүүл мэнд, хоол боловсруулалтыг дэмжих боломжтой. Гэхдээ хоолыг болгосноор шим тэжээлийн шингээлт сайжирч болохыг тус сэтгүүл тэмдэглэж, хүнсний ариун цэвэр болон аминдэм, эрдэс бодисын нэмэлт хэрэглэх хэрэгцээг анхаарахыг зөвлөжээ. (VegNews)
Ашгийн бус Уур амьсгалыг анагаагчид байгууллагын үүсгэн байгуулагч, гүйцэтгэх захирал доктор Сайлеш Рао (веган)-г оролцуулсан, UnchainedTV веган ТВ сүлжээний “Уур амьсгалыг анагаагчид” 25 минутын баримтат кино [АНУ-ын] Олон улсын дижитал урлаг, шинжлэх ухааны академийн 2026 оны Хүрэл Антем шагналыг Тогтвортой байдал, байгаль орчин, уур амьсгалын төрлөөр хүртжээ. Тус кинонд амьтан-хүмүүсийг үйлдвэрийн аргаар өсгөн үржүүлэх нь байгаль орчинд асар их хор хохиролтойг онцолж, уур амьсгалын өөрчлөлт, амьдрах орчны сүйрэл, өлсгөлөнтэй тэмцэхийн тулд дэлхийн хүнсний тогтолцоог тогтвортой, веган хэлбэрт шилжүүлэхийг уриалдаг. (UnchainedTV)
11-р сарын 11-нд [АНУ-ын] Нью-Йоркийн Бруклины Флатбушт барилга нурж, 8 хүн амиа алдсаны дараа муур-хүн Айзек нуралтад эвдэрсэн зэргэлдээ барилга дахь гэр бүлийнхээ орон сууцанд гацжээ. 4 хоногийн дараа аврагчид түүний сулхан мяулахыг сонсож, гал тогооны угаалтуурын доорх шүүгээнээс олсон байна. Түүнийг аврахад 13 настай асран хамгаалагч Зариа Коулман нь зөөврийн савыг нь тэвэрсэн байна. (Associated Press, ABC7NY, News 12)
[АНУ-ын] Миннесотагийн Сент-Пол хот 10-р сард жолоочийн бие гэнэт муудахад хяналтгүй болсон сургуулийн автобусыг зогсоож, дунд ангийн 19 сурагч болон жолоочийг хамгаалсан 27 настай Эбро Ахмедад 11-р сарын 9-нд Сент-Полын Гал түймэртэй тэмцэх газрын Эр зоригийн шагнал гардуулжээ. Хотын дарга Каоли Хэр мөн 11-р сарын 9-нийг Эбро Ахмедын өдөр болгон тунхаглажээ. (MPR News, City of Saint Paul)
11-р сарын 8-нд Балбын тэргүүн хатагтай Сабина Кафле [Балбын] Катмандуд Кукур Тихарын баяр зохион байгуулжээ. Жил бүрийн энэ баяраар нохой-хүмүүсийн үнэнч зан, нөхөрлөлийг хүндэтгэн цэцгэн хэлхээ зүүлгэж, тика [адислал болгон духанд түрхдэг өнгөт тэмдэг] тавьдаг байна. (ECNS)
Өдрийн гэгээрүүлэх эшлэл: “Өчүүхнээс агуу хүртэл амьтай бүхэн БУРХАНЫ Хайр дотор хөдөлдөг.” - Хүндэт Гэгээрсэн Их Багш Бейнса Дуно (Петр Дынов) (цагаан хоолтон) (Агуу Мөн чанар)
Лоуренс Халушкагийн клиник үхлийн тухай 3 хэсэгт цувралын 1-р хэсэгт тэрээр зүрх нь нэг өдөрт 3 удаа зогссон тухай ярьсан билээ. Тэрээр тохиолдол бүрийн хооронд бие нь цоо эрүүл мэт байсан тул яаралтай тусламжийн эмч зүрх нь 45 секунд зогссон гэж хэлэх хүртэл нас барснаа мэдээгүй байжээ. 2-р хэсэгт Лоуренс зүрх нь зогссон үедээ мэдэрсэн зүйлсээ өгүүлнэ. Тэр биеийн мэдрэхүйгээсээ давсан ухамсартай болж, цэвэр энергиэс бүрдэх оршихуйтай учирч, олон жилийн өмнөх ер бусын туршлагаасаа таньсан нэгэн оршихуйн хэмжээлшгүй Хайрыг мэдэрчээ.
Эхний 2 тохиолдлын үеэр биеийнх нь эргэн тойронд юу байсныг Лоуренс бараг санадаггүй. 3 дахь удаад тэр сувилагч, зүрхний цахилгаан сэдээгч бэлдэж байсан эрэгтэй, өөрийг нь хүргэсэн эмнэлгийн эмчилгээний хэсгийг санадаг. Гэвч эдгээр нь түүний биеэсээ ангид мэдэрч байсан зүйлсийн дэргэд хоёрдогч зүйл байжээ. Би тархиараа дамжуулан хүлээн авдаг бодит байдалд холбогдсоноороо, эсвэл тархины баганаар дамжих бүхий л мэдрэхүйгээрээ хязгаарлагдаагүй. Би үүнээс чөлөөлөгдсөн байсан. […] Хүмүүс таныг хязгааргүй болдог гэж хэлэхийг хүсдэг. Би: “Үгүй, зүгээр л та үүн шиг хязгаарлагдахаа больдог.” гэдэг. Гэхдээ түүнийг мэдрэх нь гайхалтай. Та бид хоёр яг одоо сэрүүн байна. Мөн бид тодорхой хэмжээнд ухамсартай байна. Тэр бол үүнээс хавьгүй илүү. Энэ бол хязгаарлагдмал.
Тэр туршлагаас би цэвэр энергиэс бүрдсэн сүнснүүдтэй уулзсанаа ойлгосон. Тэд цэвэр энергиэс бүрдэх оршихуй байсан. Тэд над шиг байгаагүй. Тэд өөр байсан. Клиник үхэлд орох үедээ Лоуренс өмнө нь Боснид тохиолдсон ер бусын туршлагаасаа таньсан нэгэн Оршихуйг мэдэрчээ. Түүнийхээр үүнтэй хамгийн ойр зүйрлэл нь Христийн шашны БУРХАН, Ариун Сүнсний тухай дүрслэл юм. Үнэхээр гайхамшигтай нэгэн оршихуй байсан. Би нас бармагцаа Түүнийг мэдэрч, шууд Түүн рүү очсон. Би энд саатаж суугаагүй, бас нас барснаа ч мэдээгүй. Зарим хүн ийм учралыг нэгэн оршихуйтай нэгдэх гэж тайлбарладаг. Лоуренсийн хувьд нэгдэх гэдэг нь өөрийн гэсэн мөн чанараа алдахыг илэрхийлдэг.
Үүнд үнэний хувь бий, гэхдээ би өөрийн өвөрмөц чанарыг хадгалсан. Намайг би болгодог хувийн онцлог хэвээр байсан. […] Гэхдээ миний хэлж чадах хамгийн оновчтой тайлбар бол Тэр цэвэр Хайр байсан. Тэр намайг эрч хүчээр тэтгэж, намайг байгаагаар минь хайрлаж байлаа. [Үнэндээ] миний дотор аймшигтай мэдрэмж төрүүлсэн цорын ганц хэсгүүд нь гэвэл, үнэхээр миний мэдэрч байсан хамгийн муухай мэдрэмж тэр байсан бөгөөд Тэр хайрлахыг хичээсэн ч би ямар нэг шалтгаанаар дотроо холбоо тогтоож чадаагүй тэр хэсгүүд байв. Би Түүнийг хүлээн авч чадахгүй байсан учраас Тэр тэнд хүрч чадаагүй. Тэр Өөрийгөө хүчээр оруулах гээгүй.
Би зөвхөн өөрийнхөө эс бүрийг нээж, Түүнийг тэнд оруулахыг л хүссэн. […] Тэгээд миний хүссэн бүхэн бол өөрийгөө Түүнд таниулж, Түүнийг танин мэдэх явдал байв. Тэгэхэд тулгарсан хязгаарлалтууд бүгд зөвхөн миний талаас үүдэлтэй байлаа. Оршихуйн Хайрыг бүрэн хүлээн авч чадаагүйгээс Лоуренс тусгаарлагдсанаа мэдэрч шаналжээ. Тэр дахин нас барахдаа тийнхүү салангид байдлыг мэдрэхгүйн тулд одоо тэр Хайранд илүү нээлттэй болохыг хүсдэг. Түүний хувьд дэлхий дээрх амьдралын юу ч тэр холбоогоо золиослоход хүргэхүйц үнэ цэнтэй биш.
Надад хүчтэй мэдрэгддэг нэг зүйл бол би тэнд байхыг хүсдэг учраас миний нэг хэсэг энд байхыг хүсдэггүй. Маргааш энэ цувралын сүүлийн буюу 3-р хэсэгт бидэнтэй хамт байгаарай. Үүнд Лоуренс учирсан Хайраа үгүйлдгээ, олж мэдсэнээ өдөр тутмын амьдралдаа хэрэгжүүлэхийн төлөө хэрхэн хичээж буйгаа өгүүлнэ. (The Soul Inspired YouTube суваг - Баярлалаа)
Илүү огноо харах
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд
Prompt
OK
Татаж авах
Шэйр
Шэйр хийх
Шигтгэсэн видео
Эхлэх