Их Багшийн Хүчинд хэдий чинээ их итгэнэ, төдий чинээ амьдрал тань саадгүй болж, энэ амьдралдаа БУРХАНЫГ төдий чинээ бүрэн таньж ухаарна.

Одоо Сингапураас Жин-Вэй-гийн ирүүлсэн сэтгэлийн үгийг хүргэе:

Хамгаас Эрхэм Төгс Гэгээрсэн Их Багш Чин Хай болон Суприм Мастер Телевизийн багийнхан, Намайг хоёр удаа өвдөхөд, Их Багш Шива Бурханы дүрээр үзэгдсэн. Нэг удаа би цор ганцаараа, өвчтэй байхдаа толгой дээрээс “Шива, Шива” гэхийг сонссон. Өөр нэг удаа зүүд мэт дотоод ахуй ойлголтодоо эмчилгээний арга сурахын тулд могой, хилэнцэт хорхой зэрэг бусад жижиг хортой амьтадтай хамт амьдардаг лам нарын гэрт очсон. Эелдэг лам нар надад бүх төрөлтөнд энэрэнгүй хандаж, зоригтой байхыг захисан. Би түгшүүртэйгээр эргэн тойрноо харж байх үедээ, гэнэт ширээний доороос гарч ирсэн жижиг могойд хатгуулж, хурууны үзүүрүүд дээр минь жижиг өтнүүд гарч ирсэн. Сандарч, айсан би хөдөлгөөнгүй зогсоод Их Багшийг дуудсан юм. Аянгын цахилгаан цахих мэт хөх гэрлийн гялбаан дунд Их Багш цэнхэр туяа цацруулан гарч ирээд, “Энэ бүгдийг надад өг. Бүү ай” гэж хэлэв. Би тээнэгэлзэж байснаа эцэст нь зөвшөөрсөн. Их Багш миний гарт хүрэхэд цахилгаан гүйдэл мэт хөх урсгал гар дахь бүх хорыг минь татан гаргав. Их Багш тэр бүхнийг Өөртөө шингээж авсан бөгөөд би тэр даруй тайвширсан. Дараа нь Их Багш шууд зүрх рүү минь нисэн ороход, би сэрсэн.

Өөр нэг удаа бясалгаад унтсан нойрноосоо сэрэхэд, өрөөнд минь өдөр шөнөгүй тоглож байсан Хамгийн Хүчирхэг Өдөр Тутмын Залбиралын бичлэгээс алтан хүрээтэй хар үгс хөвөн гарч ирэхийг харсан. Би анхаарлаа төвлөрүүлэх тусам, тэдгээр үг санскрит хэлээр бичигдсэн бөгөөд Хамгийн Хүчирхэг Өдөр Тутмын Залбирлыг хамгийн эртний, Анхдагч БУРХАНЫ Хүчээр бичсэн гэсэн утгатайг зөнгөөрөө ойлгосон. Би угсаа гарлаараа Хятад хүн бөгөөд Хиндү Бурхадын талаар ч, тэдний хэлний талаар ч хэзээ ч гүнзгий судалж байгаагүй. Эдгээрийн талаар уншиж судлан, итгэлээ бататгах тусам Их Багшийгаа улам их бишрэх болсон.

Нэг удаа удаан үргэлжилсэн нэг асуудлаас болж би маш их бухимдаж байх үед, Их Багш минь Биан Чу болон Эрхэм Дээд Хаан XIV Людовикын дүрээр үзэгдсэн бөгөөд би Түүнийг нүдээр нь таньсан. Их Багш над руу инээмсэглэн нүд ирмээд, миний баруун тийш заасан. Дараа нь би бодит амьдрал дээр хариултууд руу чиглүүлэгдэж, надад дайсагнасан хүмүүсийг илүү сайн ойлгож, өрөвдөн хандах болсон. Зөвхөн Будда нарынх шиг Жинхэнэ Хайрыг тээх нь л миний үүсгэсэн үйлийн үрийн холбоосуудыг тайлан, арилгаж чадна. Миний бүх алдаа, дутагдлыг үл харгалзан Их Багш намайг гэгээрүүлэхийн төлөө хийдэг бүхэндээ ямагт хайр энэрэлтэй, хөгжилтэй, тэвчээртэй, энэрэнгүй, туйлын уужим сэтгэлтэй байдаг. Би гүнээ талархдаг бөгөөд БУРХАН намайг Гэрт минь дуудах хүртэл чадах бүхнээ хийх болно. Одоо болон үүрд бүх ТэнгэрлэгОршихуйнууд Их Багшийг хязгааргүй хамгаалахболтугай. Таныг үүрд хайрлаж, Таны талд үргэлж байх Сингапураас Жин-Вэй

Зөн совинтой Жин-Вэй, Их Багшийн сургаалыг тодруулж, энэ хуурмаг ертөнцөд баригдсан бүх төрөлтний төлөөх Түүний хэмжээлшгүй Энэрэл, тэвчээр, ойлголтыг харуулсан гайхамшигт дотоод ахуй ойлголтуудаа хуваалцсанд тань баярлалаа. Биднийг Гэрт маань хөтлөн чиглүүлж буй Түүний юутай ч зүйрлэшгүй Хайр, Билиг ухаан бидэнд байгаа нь үнэхээр аз завшаан юм. Та болон авхаалжтай Сингапурын ард түмэн Цаглашгүй Хүчирхэг Нэгдсэн Гурав-ын ариун оршихуйд амар амгаланг олох болтугай, Суприм Мастер Телевизийн баг

Жич: Их Багш танд эелдэгээр хариулжээ: “Дахин сэргэсэн Жин-Вэй, Бараг найдваргүй мэт хүнд нөхцөл байдалд байсан ч надад маш их итгэж байгаад баярлалаа. Энэ дэлхий бол хуурмаг гэдгийг санаарай. Нүдэнд харагдаж, биед мэдрэгдэж, мөн бодож байгаа зүйлээсээ илүүтэйгээр бидний дотоодод болон эргэн тойронд орших БУРХАНЫ Хүчинд үргэлж найдах ёстой. Эндхийн төрөлтнүүд асар их үйлийн үр хуримтлуулсан бөгөөд цорын ганц аврал нь Их Багшийн Хүч юм. Их Багшийн Хүчинд хэдий чинээ их итгэнэ, төдий чинээ амьдрал тань саадгүй болж, энэ амьдралдаа БУРХАНЫГ төдий чинээ бүрэн таньж ухаарна. Сүнслэг аялал тань баяр баяслаар дүүрэн байхыг хүсье. Та болон элбэг хангалуун Сингапурын ард түмэн Бүхнийг Чадагч БУРХАНЫ мөнхөд орших Хайрыг сэрж ухаарах болтугай. БУРХАН-ы ХҮСЛЭЭР Хайр, Нигүүлсэл дүүрэн байг.”