Уур амьсгалын өөрчлөлтийн олон улсын бага хурал, нэвтрүүлгийн 18-ын 1-р хэсэгт

Дэлхийн кино урлагийн нийслэл гэгддэг Холливуд нь олон жилийн турш үзэгчдийг зугаацуулж, урам зориг өгч, заримдаа гүн эргэцүүлэл төрүүлэх түүхүүдийг хүргэсээр ирсэн билээ. Гэсэн ч 2008 оны 7-р сарын 26-нд Холливудын анхаарлын төвд өөр төрлийн мэдээллийн хэрэгсэл орсон нь кино урлагийн салбарт бус, харин манай гаригийн ирээдүйн төлөөх үйл явдал байлаа. АНУ-ын Калифорни мужийн Вест Холливуд дахь Номхон Далайн Загварын Төвд Уур амьсгалын өөрчлөлтийн олон улсын бага хурал зохиогдож, Суприм Мастер Телевизээр дэлхий даяар шууд дамжуулагдсан юм. Төгс Гэгээрсэн Их Багш Чин Хай Олон Улсын Нийгэмлэгээс зохион байгуулсан уг бага хуралд байгаль орчинд ухамсартай ханддаг Холливудын алдартнууд, нэр хүндтэй илтгэгчид, эрдэмтэд, дэмжигчид урам зориг өгч, шийдэлд чиглэсэн харилцан яриа өрнүүлжээ. Арга хэмжээг Эммигийн шагналт телевизийн сэтгүүлч, веган Жейн Велес-Митчелл удирдан явуулсан бөгөөд түүний урам зориг, тууштай байдал нь утга учиртай хэлэлцүүлэг өрнүүлэхэд тусалсан билээ.

Jane Velez-Mitchell: Энэхүү дэлхий дахины арга хэмжээний хүрээнд дэлхий нийт уур амьсгалын өөрчлөлт болон хүнсний хямралын эсрэг яаралтай арга хэмжээ авахаар нэгдэж байна. Бид хамтдаа яг одоо болж буй жинхэнэ сүйрлийн гамшгаас урьдчилан сэргийлэхийн тулд ямар нэгэн зүйл хийж чадна.

Нэр хүндтэй оролцогчдын дунд алдарт илтгэгч, зохиолч Ховард Лайман (веган) байсан юм. Үхрийн аж ахуйн дөрөв дэх үеийн эзэн байсан ноён Лайман хожим нь энэрэнгүй, тогтвортой веган амьдралын хэв маягийг цогтой дэмжигч болжээ.

Howard Lyman: Би өнөөдөр хийж буй зүйлээ хатуу зарчимч веган хүний ​​​​хувиар амьтдыг хайрлахын тулд хийдэг. Намайг амьдруулахын тулд ямар ч амьтан үхэх шаардлагагүйг би мэднэ. Хэрэв бид төрөл зүйлийн хувиар амьд үлдэхийг хүсэж байвал бидний ажил бол бүх зүйлийг бус, харин хийж чадах бүхнээ хийх гэдгийг ойлгох ёстой. Өнөөдөр би танд маш энгийн, ойлгомжтой даалгаврыг өгч байна: Та зөвхөн хийж чадах зүйл л хийхэд хангалттай. Цагаан хоолтон болцгооё! Байгальдаа ээлтэй амьдарцгаая! Гараг дэлхийгээ аварцгаая! Маш их баярлалаа.

Тус бага хурлаар уур амьсгалын хямралын гол талуудыг судалсан дараах гурван сонирхолтой хэлэлцүүлгийг өрнүүлсэн юм. Үүнд: дэлхийн дулааралтай холбоотой шинжлэх ухааны яаралтай баримтууд, хүн төрөлхтний байгальтай харилцах харилцааг сэнхрүүлж буй оюун санааны хэтийн төлөв, мэдлэг төлөвшүүлж, урам зориг өгөх үйл ажиллагаан дахь хэвлэл мэдээллийн хэрэгслийн хүчтэй үүрэг багтаж байна.

Тусгай зочин илтгэгчээр уригдсан Төгс Гэгээрсэн Их Багш Чин Хай (веган) уг арга хэмжээнд алсын зайнаас эелдгээр оролцож, хэлэлцүүлгийн оролцогч, үзэгчдийн асуултад хариулсан билээ.

Master: Гараа цусанд хутгалгүй амьдардаг, өөрсдөөсөө, оройн хоолны ширээн дээрээс эхлүүлж буй энх тайвны үлгэр дуурайлал болж амьдардаг эрхэмсэг элитүүдийн хүрээлэлд нэгдсэн веган шинэ ирэгсдэд талархал илэрхийлье. […] Учир нь тэд зүрх сэтгэлээ энэ энэрэнгүй чигт хандуулах мөчид хайр нигүүлслийн энерги асар ихээр үүсдэг билээ. Тийм учраас сөрөг хүчний эсрэг тэмцэж чадна. Тэрхүү сөрөг хүч нь сүнслэг байдлаар сэрж сэхээрэхээс маань ч өмнө манай гарагийг устгахыг хүсдэг юм. […] Бидэнд найдвар бий. Бид ажиллаж байна. Та ажиллаж байна. Бид хамтдаа ажиллаж байна. Магадгүй бид одоо ч гэсэн амжилтад хүрч чадна. […] Гайхамшиг үргэлж тохиолдох боломжтой.

Энэ дугаарт уг бага хурал нь мэндчилгээний үгс, уугуул америкчуудын Эх дэлхийн төлөөх залбирал, уур амьсгалын өөрчлөлттэй тэмцэх асуудлыг яаралтай шийдвэрлэхийг онцолсон захиасаар эхэлж байна.

MC: Jane Velez-Mitchell: Бүгдээрээ тавтай морилно уу! Холливуд, Калифорнийн зүрхнээс би та бүхнийг энэхүү түүхэн шууд дамжуулалтад урьж байна. Бид СОС Уур амьсгалын өөрчлөлтийн талаар ярьж байна. Би эрэн сурвалжлах сэтгүүлч Жэйн Велез-Митчел байна, мөн энэ үнэхээр анхны удаа юм. Яг одоо, 14 телевизийн хиймэл дагуулын платформоор болон интернэтээр энэ нэвтрүүлэг дэлхий даяарх олон сая өрх гэрт хүрч байгаа. Энэ бол Суприм Мастер Телевизийн тусгай дамжуулалт юм. Энэ хүчин чармайлтын төлөө үүнийг сонсоцгооё!

Бид дэлхийг өөрчлөх үү? Бид хүмүүсийг жимс ногоогоо иддэг болгож, ийм олон гамбургер идэхийг болиулах уу? (Тийм ээ.) Тийм ээ! Энэ бол гарцаагүй! Энэхүү дэлхийн нийтийн үйл ажиллагаагаар дамжуулан хяналтаас гарсан уур амьсгалын өөрчлөлт, хүнсний хямралын тухайд дэлхий дахин шуурхай арга хэмжээ авахаар хамтарч байна. Яг одоо боловсорч буй бодит гамшгийг бууруулахын тулд бид хамтдаа ямар нэг зүйл хийж чадна. Исландаас Багам хүртэл, Аризонагаас Стоунхенж хүртэл дэлхий үзэж байна, бид юу хүснэ вэ? Бид үйл хэргийг хүсэж байна, тийм үү? (Тийм ээ!) Үйл хэрэг! (Тийм ээ!)

Сайн байна. Өнөөдөр бид дэлхийг өөрчлөх болно. Залбирлаар эхэлцгээе. Лакота уугуул Америкчуудын Байгаль Эхийн төлөөх залбирлыг тэргүүлэх, Рэд Нэйшн Телевизийн үүсгэн байгуулагч Жоанель Ромерог танилцуулахад таатай байна. (Тийм ээ!)

Romero: Би та нарын өмнө Жеронимогийн үр сад болох өвөг дээдсийнхээ мөрөн дээр зогсож байна. Өнөө өглөө бид Хопи нараас энэ чухал өдөр учраас анхааралтай сонсох дуудлага хүлээн авсан. Миний индиан нэр Ояте Вайанка По Вин – “Хүмүүс энэ эмэгтэйг харж байна”–г надад манай Лакота Үндэстний Ахлагч Леонард Кроу Дог өгсөн. Би залбирлын дуугаар эхлүүлье. Энэ бол Лакота ард түмний “Аянгын дуу” юм. Энэ маш эртний, эртний дуу, энэ өдөр энэ дуу дуулагдах нь маш бэлгэшээлтэй юм учир нь энэ дуу бидэнд туйлын хэрэгцээтэй байгаа усыг – Мини Вакан, ариун усыг авчирна. Ганц л Дэлхий, ганц тэнгэр, ганц Нар, ганц Сар, ганц ус, ганц та, ганц би бий. Бид бүгд хамтдаа энд байна. Бид бүгд хоорондоо холбогдсон.

Энд Найз аа намайг дуудаарай Энд Найз аа намайг дуудаарай Баруунаас Аянгын Үндэстэн Найз аа намайг дуудаарай

Би та бүхний амар амгалан, эрүүл мэндийн төлөө залбирч байна. Бид бүгд хоорондоо холбогдсон.

MC: Jane Velez-Mitchell: Баярлалаа танд. Хөөх. Ямар гайхалтай залбирал вэ, би хүмүүсийн төлөө залбирахдаа мөн дэлхий даяар мал аж ахуйн хавханд орсон амьтдын төлөө залбирсан.

Бидэнд Энэтхэгийн Делигээс байгаль орчны дэлхийд манлайлагч мэргэжилтнээс хүсэл тэмүүллээр дүүрэн зурвас ирсэн байна. НҮБ-ын Байгаль орчны хөтөлбөрийн захирал асан Док. Ашок Хосла байгаль орчны ертөнцийн Нобелийн шагнал гэгддэг шагналаар шагнагдсан, нэр хүндтэй “Club of Rome”-ын ерөнхийлөгч юм. Тэр одоо дэлхийн дулаарлын үр дүнтэй шийдэл санал болгоно.

Dr. Khosla: Сайн уу, би Ашок Хосла байна, алс хол Энэтхэгийн Дели дэх Девелопмент Алтернативс-аас та бүхэнтэй мэндчилж байна. Миний мэндчилгээ онцгойлон та нарын дунд байгаа дэлхийг бүгдийн төлөө илүү сайхан газар болгоход өөрийгөө зориулдаг хүмүүст чиглэж байна. Уур амьсгалын өөрчлөлт түүхийн эхэн үеэс хойш хүн төрөлхтний нүүр тулж буй хамгийн том заналхийлэл болоод байна. Одоо нүүрлээд байгаа асар том төрөл зүйлсийн мөхөл, бидний ой мод, загасны нөөц, бидний эрчим хүч, эрдэс баялгийн нөөцийн барагдалт ч мөн адил. Баримтаар сүүлийн хэдэн сарын турш хамгийн том асуудал бол бидний машины түлшний болон бидний ходоодны хоолны үнэ байсан. Юмс гэнэт л зайлшгүй арга хэмжээ авах шаардлагатай байдалд хүрлээ.

Бидний өнгөрсөн үйлдлүүд, зан төлөв хэдийн биднийг гүйцээд ирлээ. Та бүхний өнөөдрийн уулзалт бол бидний хооллолт дахь махны үүрэг болон түүний дэлхий дахинд үзүүлж буй нөлөөний тухай юм. Өрөөсгөл хандлагыг зөвшөөрөхөөс эхэлье. Би маш удаан хугацааны турш цагаан хоолтон байсан. Үнэн хэрэгтээ, бүх амьдралынхаа турш; Би төрөхдөө цагаан хоолтон байсан. Энэ бол хувийн, хувь хүний шийдвэр байсан, гэр бүлийн шашин эсвэл өөр бусад үүрэг хариуцлагаар тохогдоогүй. Гэтэл саяхныг хүртэл цагаан хоолны талаар бусдад номлох, эсвэл үүнд тэднийг хандуулах хэрэгцээг би огт мэдэрч байгаагүй. Харин одоо бусад хүмүүсийн тухайд энэ нь зөв, шударга эсэх тухайд би эргэлзэж эхлээд байна. Юу вэ гэвэл мах идэх нь маш аюултай болсон. Бүр хөнөөж ч чадна. Бусад хүмүүсийг хөнөөж чадна, жишээ нь тэдэнд зориулагдах хүнсийг үйлдвэрлэхэд шаардлагатай нөөцийг булаах замаар. АНУ-ын ХАА-ны газрын талаас илүү нь үхрийн махны үйлдвэрлэлд зориулагддаг.

250 фунт үхрийн мах үйлдвэрлэхэд нэг акр газар авч байна. Энэ хэмжээний акр газар 40 000 фунт төмс үйлдвэрлэж чадна, 160 дахин их.

Мах таныг хөнөөж чадна. Янз бүрийн төрлийн хорт хавдрын эрсдэл махаар хооллогсдын хувьд гурваас дөрөв дахин нэмэгддэг. Америк хүн зүрхний шигдээс тусвал нас барах эрсдэл дундаж хүний хувьд 50% байдаг. Хэрэв тэр мах иддэггүй бол энэ эрсдэл 15% хүртэл буурдаг. Хэрэв мах, сүүн бүтээгдэхүүн, өндөг иддэггүй бол 4% хүртэл буурна. Мах бид бүгдийг, манай гарагийг түүн дээрх амьдралыг хөнөөж чадна.

Та бүгд мэдэж байгаачлан дэлхийн дулаарлын шалтгаан бол хүлэмжийн хийн нөлөө юм, голчлон нүүрстөрөгчийн давхар исэл, олборлодог түлшнүүдээс ялгарах метан хий бөгөөд эдгээр нь махны үйлдвэрлэлд ихээр нэмэгддэг. Маханд төвлөрсөн хоол үйлдвэрлэхэд махгүй хоол үйлдвэрлэхээс гурав дахин их олборлодог түлш шаардлагатай байдаг. АНУ-д амьд малын үйлдвэрлэл бүх хэрэгцээнд зарцуулагдаж буй усны талаас илүүг ашигладаг. Бодит байдалд нэг үхэр “үйлдвэрлэх”-д жижиг онгоц хөвөхөд хангалттай ус шаардлагатай байдаг.

Хэрэв хүмүүс өнөөдөр мах идэхээ боливол дэлхийн газрын тосны нөөцийг ашиглахад 260 жил шаардагдана. Хэрэв хүн бүр АНУ шиг байдлаар мах идвэл тэрхүү дэлхийн илэрсэн байгаа газрын тосны нөөцийг дуусгахад 13 жил шаардагдана. Энэ жижиг асуудал биш юм.

Цагаан хоолтнууд эрүүл, хүчтэй байж чадна. Цагаан хоолоор маш сайн амжилт гаргасан олонд танигдсан спортын хүмүүс байдаг. 68 жил мах идээгүй ч би энд байсаар л байна. Үндсэндээ махгүй хооллолтыг би хүчтэй санал болгоно. Мах болон сүүний эрэлт бага байхын хэрээр, бид цөөн амьтад үйлдвэрлэж, бага хүлэмжийн хий ялгаруулна; дэлхийн дулаарал, уур амьсгалын өөрчлөлт буурна, иймд одоо бид тус бүрдээ өөрсдийн ирээдүйн төлөө хариуцлага хүлээх цаг болсон байна. Баярлалаа. Сайн хуралдаарай.

MC: Jane Velez-Mitchell: Сайн хэллээ. Мах хөнөөдөг, ялангуяа махны төлөө алагдаж буй амьтдыг. Иймээс “Энх тайван таны тавгаас эхэлдэг” гэж бид хэлэх дуртай. Иймээс амар тайван байна, дэлхийн энх тайвныг хүсэж байна гэж хэлдэг бүх хүмүүс үүнийг шууд тавгаасаа эхлүүлээрэй. Та нар мэднэ, энэ хөдөлгөөнийг Холливуд бодитоор хүлээн авсан. Холливудын олон алдартнууд веган болсон, тэдний зарим нь яг одоо энэ танхимд байна. Одоо бид Уэст Холливудын дарга Жеффри Прангыг урьж байна. Жеффри!

Jeffrey: Өдрийн мэнд дэвшүүлье. Энэ өдөр энд байх урилга өгсөнд маш их баярлалаа. Намайг Жеффри Пранг гэдэг, Уэст Холливудын дарга, мөн энэ улсын хамгийн дэвшилтэт хотуудын нэгийн дэвшилтэт хотын дарга гэж би бахархалтай хэлдэг.

Өнөөдрийн бага хурлыг зохион байгуулж чадсандаа бид үнэхээр бахархаж байна. Уэст Холливуд эдгээр он жилүүдэд олон дэвшилтэт асуудлуудад манлайлагч байсан. Бодитоор, энэ өдрийн хамгийн чухал олон асуудлуудад анхдагч байснаараа бид бахархах дуртай. Бид Хаягдал, Хямд төсөр гар бууг хориглосон анхны хот болсон, мөн зэвсгийн хяналтаар манлайлагч юм. Бид амьтан хамгаалах бүлгэмд тэргүүлдэг. (Хөөх!) Бид нягт хотожсон хот бөгөөд үүний зэрэгцээ байгаль орчны бодлогоороо тэргүүн манлайлагчдын нэг юм. Иймээс уур амьсгалын өөрчлөлтийн талаар ярьж байгаа үед, энэ бага хурал, миний хувьд, энд хотод зохион байгуулагдаж байгаа нь ялангуяа чахал юм. (Тийм ээ!) Гэхдээ өнөөдөрт бэлдэх, эдгээр байгаль орчны асуудлуудын талаар, уур амьсгалын өөрчлөлтийн талаар хамтдаа ярилцах нь нэн чухал юм. Бид олон нийтийн боловсролыг улс даяарх, дэлхий даяарх гишүүдийн дунд, түүнчлэн сонгогдсон манлайлагчдын дунд бүтээдэг. Нэгдүгээр сард бидэнд хийх ёстой асар их хэмжээний ажил бий, би өөдрөг байна. Өнөөдрийн бага хурлын зорилгуудын тухайд, мөн үүнтэй адил бага хурлууд энэ улс даяар явагдах тухайд би өөдрөг байна. Иймээс манай хамт олон, хотын зөвлөл болон нийт Уэст Холливуд хотын нэрийн өмнөөс, би та бүхнийг энд манай нийгэмлэгт тавтай морилохыг хүсэхийн зэрэгцээ та бүхний үзүүлж буй манлайлалд талархал дэвшүүлье. Уэст Холливуд үргэлж энэ тэмцэлд та бүхэнтэй хамт зогсох хүсэл тэмүүлэлтэй мөн бэлэн байна. Маш их баярлалаа.