Арьяабалын бясалгалын хором мөч бүр үнэ цэнтэй. Энэ ертөнцийн ихэнх хүн амьдралынхаа туршид ганц секунд ч гэсэн Бурхантай шууд харьцдаггүй тул бидний бясалгаж чадах мөч бүр үнэхээр нэгэн эрдэнэ мэт үнэ цэнтэй.

Монгол Улсын Улаанбаатар хотоос монгол хэлээр Одцэцэгийн илгээсэн сэтгэлийн үгийг одоо хүргэе:

Сайн байна уу, Хайрт Их Багш аа, Биднийг Хязгааргүй Их Хайраар адисалж, цаг үргэлж хамгаалж, нөхцөл болзолгүй Энэрэн Хайрлагч Майдар Бурхан Таныхаа амрыг эрж, эрүүл энхийг хүсэн шавь бидэнтэйгээ удаан хамт байгаарай гэж хүсэн ерөөе. Өчүүхэн шавь би өөрийн хоёр дотоодын ахуй ойлголтоо авшигтнуудтайгаа хуваалцахаар Улаанбаатар хотоос бичиж байна.

Нэг удаа би бүтэн сайны Арьяабалын нийтийн бясалгалдаа хоцорч ирээд бясалгаж эхлэхдээ дотроо “За, нэг цаг, хэдхэн минут бясалгаж суулаа гээд нэмэргүй байх даа” гэж бодоод бясалгаж эхэлтэл унтсан бололтой. Тэгээд дотоодын ахуй ойлголтдоо Их Багш Таныг манай бясалгалын төвд ном тайлж сууж байхыг олж харлаа. Та яг Тайвань (Формоса)-ийн ашрамд байдаг шиг өндөр хэсэгт суугаад бидэнд ном тайлж байсан ба би таны өөдөөс бусад шавь нарын хамт сонсоод сууж байлаа. Мөн Таны зүүн талд эмэгтэй лам нар тань руу хараад бидний баруун урьд хэсэгт суусан байх нь харагдсан. Үүний дараа би сэрээд өөрийн буруу бодолдоо гэмшсэн. Их Багш Та багахан цаг ч хамаагүй бясалга, бясалгалд тооцогдоно гэж хэлэх тэр үед би бясалгалын төв дээрээ шөнө хоноод үргэлжлүүлэн маргааш өглөө нь нийтийн бясалгалдаа дөрвөн цаг сууж байж л бясалгасан юм шиг санагддаг байхад хэдхэн минут бол хэт багадна гэж дотроо бодож байсан юм. Эзэн Бурхан Та цаг үргэлж зөвийг сургадаг ч шавь бид нар ертөнцийн хэт зууралдаастай амьдралаасаа болоод өөрийнхөөрөө хүлээж аваад байдаг гэмтэй билээ.

2 дахь нь бол: Их Багш та өдөр бүр Суприм Мастер ТВ-ээр Эзэн Бурханы Өдөр тутмын Хамгийн Хүчирхэг Залбирлыг аль ч цагт, бясалгалын өмнө уншихыг зөвлөж байгаа билээ.

Би саяхны нэг өдөр Өдөр тутмын Хамгийн Хүчирхэг Залбирлыг дөрөв болон түүнээс дээш удаа уншсан байх англиар нь. Тэгээд тэр шөнө нь гэртээ бясалгалаа хийгээд үүрээр дуусаад унтаж эхлэх үедээ Их Багш Таныг дотоодын ахуй ойлголтдоо харлаа. Би санамсаргүйгээр нэг жижиг зочны өрөөний хана нэвтлэн ортол Их Багш Та буйдан дээр Сантагийн улаан хувцастай, улаан малгайтай, нүдний шилээ зүүгээд бичмэл зүйлийг уншаад засаж байгаа бололтой сууж байсан. Би Их Багш Таныг харангуутаа санамсаргүй хана нэвтлэн орж ирсэндээ уучлал хүсэж, нүдээрээ гарах хаалга хайсан бөгөөд тэр өрөөнд нэг буйдан, хажууд нь нэг жижиг ширээ бас том савтай нэлээн хэдэн тасалгааны ногоон өндөр ургамлууд байсан. Тэгээд би уучлал хүсээд хаалга хайн, чимээ гаргахгүйгээр мөлхөх гээд хөдлөлөө.

Ингээд би сэрсэн. Сэрэнгүүтээ би Эзэн Бурханы Өдөр Тутмын Хамгийн Хүчирхэг Залбирлыг унших нь ямар их Адислалтайг ухаарлаа. Их Багш Тандаа баярлалаа. Хайрт Их Багш, Оройн Дээд Эзэн Бурхан Таны Адислал, Хайр үргэлж хязгааргүй билээ. Монгол улс, Улаанбаатар хотоос шавь Одцэцэг

Мэдрэх чадвартай Одцэцэг, дотоод ахуй ойлголтуудаа хуваалцсанд баярлалаа.

Их Багш танд сайхан захиас өгөв: “Урам зоригтой Одцэцэг, Бурханы үнэнч шавь байгаад тань баярлалаа. Арьяабалын бясалгалын хором мөч бүр үнэ цэнтэй. Энэ ертөнцийн ихэнх хүн амьдралынхаа туршид ганц секунд ч гэсэн Бурхантай шууд харьцдаггүй тул бидний бясалгаж чадах мөч бүр үнэхээр нэгэн эрдэнэ мэт үнэ цэнтэй. Алдаагаа хүлээн зөвшөөрч чадахуйц даруу байх нь сайн хэрэг. Бид хурдан наманчлах үед Бурхан биднийг амархан засаж чадна. Энэ хорвоод хүмүүс Бурханаас маш хол төөрч, бүрэн эргэх хүртлээ наманчлах ёстой тул энэ цаг үед гэмшсэн хандлага нь маш чухал юм. Үргэлжлүүлэн сайн бясалгаж, өөрийн ба эргэн тойрныхоо хүмүүсийн ухамсрыг өргөхөд туслахын тулд Хамгийн Хүчирхэг Өдөр Тутмын Залбирлыг аль болох байнга ашиглаарай. Та болон сүр жавхлант Монгол улс Буддагийн Ариун Гэгээн Гэрлээр дүүрэн байх болтугай. Танд том тэврэлт, их Хайраа илгээе!”