Тэнгэрт итгэлтэй байгаарай, ялангуяа таны сэтгэл Бурханы хүүхдүүдэд үйлчлэхийг хүссэн үед таны замд туслах болно.

Индонезийн Зүүн Нуса Тенггараас Марселинагын илгээсэн сэтгэлийн үгийг одоо хүргэе:

Хайрт Их Багшийнхаа амгаланг айлтгая Би Индонезийн Зүүн Нуса Тенггарагийн Зүүн Флорес хотын авшигтан. Их Багш аа, манай бүс нутагт Левотоби Лаки-Лаки уулын галт уул дэлбэрч гамшиг болсон бөгөөд энэ нь 967 удаа дэлбэрч байсан гэж бүртгэгдсэн байдаг. 2024 оны 11-р сарын 3-нд болсон аймшигт дэлбэрэлтийн дараа 10 хүн амиа алдаж, олон мянган байшин, олон нийтийн барилга байгууламж сүйдэж, олон арван мянган оршин суугчийг дүрвэхэд хүргэсэн Левотоби Лаки-Лаки уул үргэлжлэн дэлбэрсээр байв.

Үүний дараа би Жакарта, Сурабаяа, Балигийн авшигтан ах, эгч нартай холбогдож, гамшгийн үед тусламж үзүүлэх баг байгуулсан. 2024 оны 11-р сарын 10-нд баг байгуулагдсаны дараа би хэдэн нөхдийн хамтаар Левотоби уулын дэлбэрэлтийн гамшгийн үед тусламж илгээх цэгийн байршлыг судалж үзсэн.

Би гамшгийн бүс рүү явах замдаа асран хамгаалагчид нь дайжихдаа орхисон нохой-хүмүүс гудамжинд өлсөн улихыг олж харсан. Тэдний энэ байдалд би маш их харамсаж, тусламжаар ирэхдээ тэднийг тэжээх санаатай байсан. Бид 2024 оны 11-р сарын 13-нд дүрвэгсдэд тусламж үзүүлсэн. Дэлбэрэх идэвхжил нэмэгдэж байгаа тул улаан бүсэд нэвтрэхийг хориглосон байв. Гэсэн хэдий ч Их Багшийн Ивээлт зохицуулалтаар улаан бүс рүү орохыг зөвшөөрч, би нохой-хүмүүст хоол өгч чадсан юм.

Дүрвэгсдэд тусламж үзүүлсний дараах шөнө нь Арьяабалын бясалгалаа хийж байхдаа надад нохой-хүмүүст үргэлжлүүлэн тусалъя гэсэн хүчтэй хүсэл төрсөн билээ. Маргааш өглөө нь би дотоодын Их Багшийнхаа зааврыг дагахаар шийдэв. Эхлээд би хаана, хэнтэй хамт амьтан-хүмүүст туслахаа, мөнгө санхүү хаанаас олохоо мэдэхгүй байлаа. Гэсэн хэдий ч Их Багшийн Адислал бүх зүйлийг зохицуулсан. Санхүүгийн хувьд тусалсан хэд хэдэн авшигтан байсан ба би гамшгийн үед амьтан-хүмүүст үзүүлэх тусламжийг хариуцаж сургагдсан баг, тухайлбал ОХТ (Орангутан Хамгаалах Төв) байгууллагын багтай танилцсан.

Дараа нь бид байрлалыг илрүүлэн нохой-, гахай-, сармагчин-, үхэр-, ямаа-, тахиа-хүмүүс зэрэг амьтдыг хооллохоор гамшгийн бүс рүү явсан. Нутгийн оршин суугчдын нохой-хүмүүс бол гэрийн манаач гэсэн итгэл үнэмшил нь саад болж, бид зөвхөн хэдхэн нохой-ардыг нүүлгэн шилжүүлж чадсан. Иймд тэд гэрийн хамгаалагчаар үлдэж, нүүлгэн шилжүүлж чадсангүй. Бид тэднийг тэжээхээр гамшгийн голомт руу голын замыг сонгон явсан. Энэхүү тусламж нь тав хоног үргэлжилсэн бөгөөд цаашид амьтан- хүмүүст зориулсан дүрвэгсдийн төвийг нээх найдвар байгаа юм. Их Багш энэ санааг маань ивээж, амьтан-хүмүүсийг аюулгүй гэр оронтой болгох болтугай...

Хүндэтгэсэн, Таны шавь, Индонезийн Зүүн Нуса Тенггарагийн Зүүн Флорес хотоос Марселина

Өгөөмөр Марселина, бид галт уулын дэлбэрэлтийн хор уршгийн талаар сонсоод ихэд харамсаж, веган болох замаар олон хүн амьтдын харгислалын үйлийн үр дагаврыг анхаарч үзнэ гэж найдаж байна.

Их Багш танд тайтгаруулах үгсээ илгээж байна: "Зоригтой Марселина, таны тэмдэглэлийг уншаад сэтгэл минь гүнээ хөндүүрлэж, тийш гүйн очиж, тантай л адилхан тэдэнд туслахыг хүсэж, гамшгийн бусад нөхцөл байдлыг хараад, адилхан мэдрэмж төрж байна! Зовлон, саад бэрхшээлээр дүүрэн, тэр ч байтугай нөхцөл болзолгүй халамжит тусламж үзүүлэхэд бэрх дэлхийд хайрын сэтгэл, хүчин чармайлтаа үзүүлж буй танд болон танай багт баярлалаа! Бүгд Тэнгэрлэг чанарт чиглэн өөрчлөгдөж, бусдад өөрсдөдөө хандахыг хүсэж буйтай адилхан хандах болтугай. Тэнгэрт итгэлтэй байгаарай, ялангуяа таны сэтгэл Бурханы хүүхдүүдэд үйлчлэхийг хүссэн үед таны замд туслах болно. Хүнд хэцүү нөхцөлд байгаа амьтан-ардад тусалж байгаад тань баярлалаа. Хүн төрөлхтөн бүгд нөхцөл болзолгүйгээр хайрлаж, бие биеэ тэтгэж, эв найртай амьдарч сурах хэрэгтэй. Та болон Индонезийн тэсвэр тэвчээртэй ард түмэн маяагийн хуурмаг төөрөгдлөөс хамгаалагдах болтугай. Үргэлж хайртай шүү."