Дэлгэрэнгүй
Татаж авах Docx
Дэлгэрэнгүй уншаарай
Би эсэргүүцлийн жагсаалуудад оролцдог. Би зүгээр л жагсагч байсан ч 10-р сард баривчлагдсан. Миний нүдэн дээр хүмүүсийг ингэж зодож, алж, авч явахыг би харж тэвчээгүй юм.Намайг бүхээгтэй машинд хүчлэн оруулах үед би эргэн тойрноо харав. Баривчлагдсан бүх хүмүүс туйлын ихээр түгшиж, бухимдаж, сэтгэлээр унасан байлаа. Зарим нь хүчтэй эсэргүүцэж байв. Би машины цонхоор гадагш харлаа... Бүх төрлийн зэвсгээр зэвсэглэсэн цагдаа нар, хар хувцастай, янз бүрийн энгийн хувцастай хүмүүсээр дүүрэн байв.Би хэсэг зуур тайван байдлаа хадгалж, бүх дууг чимээг үл тоон, дотоодын Их Багштай ярилцлаа. “Их Багш аа, би Таныг ийм асуудалд оруулсандаа ичиж байна. Би энэ машинаас бууж, зэвсэглэсэн бүх хүмүүсийг давж өнгөрөх нь үнэхээр боломжгүй, гэхдээ энэ танд маш амархан гэдгийг би мэднэ. Та намайг энэ чөтгөрийн муу бүлгээс амар тайван холдох боломж олгож чадна гэдгийг би мэднэ.” гэлээ. Тэгээд намайг нүдээ нээхэд таг чимээгүй болов.Тэр шөнө манай гэр бүл их санаа зовсон байв. Их Багшийн ачаар би IRGC (Исламын хувьсгалын харуулын корпус) тагнуулын газарт очоогүй. Хүмүүс маш их байсан тул бусад олон хүнтэй хамт биднийг өглөө болтол залбирлын өрөөнд байлгасан. Тэд гайхалтайгаар намайг болон бусад 60 орчим хүнийг маргааш нь батлан даалтаар гаргасан.Эгч маань шөнөжин бясалгасан бөгөөд намайг хаашаа аваачсаныг мэдэхгүй ч яг хаана байлгаж байсныг олж харсан байна. Тэрээр энгийн бөгөөд маш том зайтай, өндөр таазтай өрөөнд олон охидын сууж буйг харжээ. Тэр бас Их Багшийг Гэрэл цацруулан, бидний дээр агаарт сууж байхыг харсан байна.Цагдан хорих байр багтаамж муутай учраас биднийг нэг хуарангийн мөргөлийн өрөөнд аваачсан нь яг адилхан өндөр таазтай маш том өрөө байсан ба шалан дээр бид 122 хүн сууж байсан.Тэнд очсон цагаасаа бусад найзуудын надад өгсөн нэг зүсэм талх, алимыг л идсэн. Урд шөнө нь маш бухимдсандаа юу ч идэж чадаагүй болохоор хоёр хоног маш их өлсөж байлаа. Бусад хүмүүст хоол өгсөн. Олон хүмүүс намайг ядаж дан будаа идээрэй гэж шахсан ч тэр хоол нь веган биш зүйлстэй холилдсон байлаа. Би түүнийг нь идэж чадахгүй, хүсэх ч үгүй байв.Их Багшийн Ивээлийн ачаар би бусад олон баривчлагдсан хүмүүсийн хамт тэндээс суллагдан, гэртээ харьсан. Бусад нь шоронд хүргэгдсэн. Би зүрх сэтгэлдээ “Их Багш аа, би хэзээ ч Таны хамгийн сайн шавь байгаагүй, харин Та бүх дэлхийн хамгийн агуу, шилдэг, хамгийн дээд, хамгийн эелдэг Их Багш бөгөөд би Танаас нэг ч хором, бүр шоронд хүртэл байхдаа салаагүй.”Хэд хоногийн дараа тэр шоронд гал гарсан. Ээж минь “Бурханд баярлалаа, хэрэв тэд чамайг суллаагүй бол чи одоо тэр галд байх байв” гэлээ. Би “Гэхдээ Их Багш намайг хэдийн авшиг хүртэх үед аварсан шигээ галын дундаас ч гэсэн аврах байсан гэдэгт итгэж байна!” гэж хэлсэн юм. Рожин ИранаасАдислагдсан Рожин, Таныг аюулгүй байгааг сонсоод бид талархаж байна. Их Багш биднийг мэдсэн ч бай, мэдээгүй ч бай үргэлж хамгаалдаг Аллахын хязгааргүй амар амгалан таныг болон хүчирхэг Иран хүмүүсийг адислах болтугай Суприм Мастер ТВ-ийн багЖич, Бидний Хайрт Их Багш танд зурвас явуулжээ: “Эрхэм Рожин, би таныг аюулгүй байгааг сонсоод маш их тайвширч, баяртай байна. Шударга бус байдлын эсрэг дуугарч, эх орондоо өөрчлөлт бий болгохыг хүсэж байгааг тань би ойлгож байна, гэхдээ битгий гарч явж эсэргүүцээрэй. Таны туулсан энэ явдал эсэргүүцэл бол маш аюултай, эрсдэлд хүргэдэг гэдгийг харууллаа. Танд эргэн тойрныхоо дэлхийд нөлөөлөх илүү сайн арга замууд бий. Өдөр бүр чин сэтгэлээсээ бясалгах нь аливаа зүйлийг илүү өндөр өнцгөөс харах боломжийг танд олгоно. Бусдыг веган хоолтон болохыг урамшуулах нь танай улсыг илүү эерэг газар болгон өргөхөд тусална. Эцсийн дүндээ аливаа улс үндэстний замыг иргэдийнх нь сэтгэл зүрх, үйлийн үр нь тодорхойлдог. Таны бие, амь нас үнэ цэнтэй төдийгүй энэ насандаа Арьяабалын аргаар бясалгах ховорхон боломж мөн танд бий. Гэгээрлийн замналаа үргэлжлүүлэхийн тулд өөрийгөө хамгаалаарай. Та болон Ираны эрэлхэг ард түмэн үргэлж аюулгүй байж, хөгжин цэцэглэх болтугай. Танай ард түмнийг, тэдний сүнсийг Диваажин хамгаалаг хэмээн залбираарай. Бас тамын гал, үүрдийн шийтгэлээс харгис дэглэмийнхнийг өршөөгөөч хэмээн тамд залбираарай.
