Persevering Through a Dark Night of a Soul with Persistence and Faith

Хайрт Их Багшаа, Сүүлийн хэдэн өдөр миний амьдралд хэд хэдэн зүйл тохиолдсон бөгөөд энэ бүхэн хүнд байсан ч гэсэн би амьдралынхаа гол асуудлуудыг нэг дор гайхалтайгаар ойлголоо.

Амьдралаа ашиглах нь хэчнээн чухал болохыг, бид үүнийг өөрөө хэр их бүтээдэг болон амиа хорлох замаар үүнийг дэмий үрэх ёсгүй гэдгийг би ойлгосон. Бид өөрсдийн үйлдлээр бидний эргэн тойронд байгаа бүх хүн, амьтан-хүмүүсийн амьдралд хэчнээн их нөлөөлдөг мөн бид маш болгоомжтой ажиллах ёстойг мэдсэн.

Бид бусдаас хараат биш байж бусдад илүү сайн тусалж, сайн үйлс бүтээж чаддаг мөн мөнгө зээлээд буцааж төлж чадахгүй бол ёс суртахуунаа зөрчих учраас санхүүгийн хувьд баталгаатай байх нь хэчнээн чухал болохыг ойлгосон.

Бид материаллаг амьдралаа өөрсдөө бүтээж, Бурханы тусламжийг хүлээх биш харин сүнслэг бясалгалаар дамжуулан үүнийг хүртэх ёстой гэдгийг мөн бясалгалаар дамжуулан зөвхөн сүнслэг ахуй ойлголтыг хүлээх ёсгүй гэдгийг би мэдсэн.

Би бараг 30 жилийн турш Таныг дагаж, маш их бясалгаж, Танд үнэнч байсаар ирсэн билээ. Гэсэн хэдий ч би улам бүр сэтгэл дундуур байв. Учир нь бясалгалын явцад би ахуй ойлголтдоо сэтгэл ханаагүй бөгөөд материаллаг амьдралаа хяналтдаа байлгаж чадахгүй байсан. Эцэст нь би өөр сүнслэг замаар явах тухай ч бодсон.

Сүүлийн хэдэн өдрийн бүх үйл явдлуудаар дамжуулан би бүх хүмүүс бие биеэ хайрлаж сурахын тулд, орчлон ертөнц үргэлжилсээр байхын тулд Бурхан Өөрөөсөө бүтээсэн Агуу Багш нартай ижил чадавхтай Бурханы хувь хүн гэдгийг мэдэж авсан. Бид зөвхөн хичээнгүй оюун санааны бясалгалаар дамжуулан энэ чадавхыг таньж, амьдралдаа хэрэгжүүлэх ёстой. Би бас Таны жинхэнэ агуу байдал болон Арьяабалын Аргын жинхэнэ утгыг таньсан.

Энэ бүх нандин ойлголтын төлөө би Танд чин сэтгэлээсээ талархаж байна. Мөн миний сэтгэл ханамжгүй байдал улам бүр нэмэгдэж байсан ч энэ олон жилийн туршид Та намайг орхиогүйд талархъя. Хүн төрөлхтөн эцэст нь бусад амьд амьтдыг хөнөөж, тамлахаа мөн үнэт гарагаа сүйрүүлэхээ зогсоож, Алтан эрин үе рүү бүрэн орж, амьдралаа илүү эрхэм аргаар бүрэн дүүрэн байлгахад би сүнслэг байдлаа илүү дадуулах болно гэдгээ би Танд амлаж байна. Австриас Тобиас

Хичээнгүй Тобиас, өөрийн ухаарлаа хуваалцсанд маш их баярлалаа. Таныг үнэнч байсанд бид баяртай байна!

Их Багш танд өгөөмөр хариу илгээжээ: “Сэрсэн Тобиас, би таны захидлыг уншаад маш их баяртай байлаа. Сүнслэг зам нь уулын оргилд хүрэх амаргүй буюу дардан биш зам мөр юм. Ихэнхдээ хэцүү байдаг бөгөөд бид оюун ухаандаа тулгарахад амаргүй зүйлийг даван туулах хэрэгтэй болдог. Таны сүнс харанхуй шөнийг хэрхэн тэвчсэнийг сонсох нь миний зүрх сэтгэлийг маш их дулаацууллаа. Эдгээр цаг хугацаа хэнд ч тэр дундаа сүнслэг бясалгагчдын хувьд энгийн зүйл биш юм. Бясалгалаа дадуулан, итгэлээ хүчирхэгжүүлэхэд хэрэгтэй ухаарлуудыг Диваажин танд өгсөн тул таны тууштай байдал, итгэл таныг авч явсан. Шинээр олж мэдсэн зүйлээ хуваалцсанд баярлалаа. Учир нь энэ нь бусад хүмүүст ч бас тус болно гэж бодож байна. Бурханы Ивээлээр та болон бүтээлч Австрийн ард түмэн үргэлжид дэвших болтугай.”