Дэлгэрэнгүй
Татаж авах Docx
Дэлгэрэнгүй уншаарай
Эрхэм Их Багш аа, Би 2001 оны 9-р сарын 16-нд авшиг хүртсэн билээ. Их Багшийн зохион бүтээсэн “С.М. Тэнгэрлэг Үнэт Эдлэл”-ийн “Өргөгдсөн Ертөнцүүд” цувралаас үүдсэн нэгэн ахуй ойлголтоо хуваалцах гэсэн юм. Бясалгаж байхдаа өөрийгөө Дэлхийн дээр зогсож байгааг болон Их Багшийн Гэрлэн Лагшныг үзлээ. Тэгэхэд Их Багш Та Өргөгдсөн Ертөнцүүд үнэт эдлэл зүүсэн байсан бөгөөд над руу ойртож байв. С.М. Тэнгэрлэг Үнэт Эдлэл рүү хартал асар их хүчтэй давтамж болон Гэрэл цацруулж Ертөнцийг бүхэлд нь бүрхэж байлаа. С.М. Тэнгэрлэг Үнэт Эдлэл агаар мандлыг бүхэлд нь давтамжаараа цэвэрлэж цацруулж буй энерги нь маш хүчтэй байсан тул миний оршихуйд нэвт шингэж байх шиг санагдав. Дараа нь Ертөнцийн эргүүлгүүдийг харсан бөгөөд Их Багш миний сүнсэн биеийг эдгээр эргүүлгээр авч явав. Дэлхийд эргэж ирэхэд “С.М. Тэнгэрлэг Үнэт Эдлэл”-ийн “Өргөгдсөн Ертөнцүүд” яг л бороо орох адил Гэрэл гаргаж байлаа. Энэ Гэрлийн дуслууд Дэлхий даяар бууж, хэд хэдэн төрөлтний зовлон зүдгүүрийг хөнгөвчилж байв. Баярлан талархсан эдгээр хүмүүс Их Багш Тим Ко Тугийн Ивээл, Хайрын өмнө сөгдөж байлаа. Бас олон шилэн лонх үзэв. Тэр лонхнуудад хорон, түрэмгий сүнснүүд түгжигдсэн байсан ба тэд тамын галд үнс болтол шатаагдаж, дараа нь харанхуй газар хүргэгдсэн. Одоо ч гэсэн Диваажин Дэлхийг цэвэрлэхээр ийм сүнснүүдийг бариулах гэж Диваажингийн армиа илгээсээр байгаа бөгөөд ирээдүйд ч илгээсээр байх болно. Тэрхүү сүнснүүд маш өрөвдөлтэй хэдий ч үйлийн үр нь маш хүнд ба наманчлаагүй учраас Диваажин тэднийг шийтгэжээ. Их Багшдаа өөр нэгэн ахуй ойлголтоо хуваалцмаар байна. Бясалгаж байхдаа би Диваажингийн гарцууд нээгдэж байхыг харлаа. Тус бүр нь нэг ертөнц байв. Тэндэх сүнснүүд Арьяабалын бясалгагчид байсан бөгөөд тус гарц руу орохоор дугаарлажээ. Гарц бүрд Их Багшийн Гэрлэн Лагшин оршиж тэднийг халамжилж, сургаж байв. Мөн сүнс бүр оюун санааныхаа дадал бясалгалаар хүрсэн тэрхүү ертөнц рүүгээ явах гэж байгаа нь тэр. Илүү өндөр түвшний ертөнц рүү орох сүнсийг бол сүнслэг бясалгалаа хичээнгүйлэн хийж, веган хоолны дэглэмийг сахин, даруу байж Их Багшийн сургаалыг дадуулж, Таван Сахилаа сахиж уу... гэх зэргээр маш няхуур шалгана. Мөн тэдний сүнснүүд гэрлэн бүрхүүлээ тухайн ертөнцийн давтамжид тохируулан өөрчилнө. Үүний даараа Их Багшийн Гэрлэн Лагшин намайг нэгэн хол орших гарц дээр аваачсан бөгөөд гарцын хоёр талд далавчтай сахиусан тэнгэрүүд алга хавсран хүндлэлтэйеэ бидэнтэй мэндчилж байлаа. Их Багшийн Гэрлэн Лагшин намайг гарцаар авч явахад бид хоёул үзэгдэхгүй болов; тэнд зөвхөн нэвт харагдах, туйлын цэвэр сүнсэн биес оршино. Тэр үед Их Багш намайг Үнэмлэхүй Дээд Бүсэд аваачсаныг би дөнгөж ухаарлаа. Их Багшдаа талархмаар байна. Заларсанд Тань талархъя; бид бүгдийн дотоод дахь агуу чанарыг сэрээсэнд, үүрдийн ертөнцөд биднийг эргүүлэн аваачиж байгаад баярлалаа. Таныхаа агуу их Хайр, эрхэм ариун золиослолд талархъя. Тандаа эрүүл саруул байхыг ерөөе. Диваажингууд болон хамгаас Хүчид Бурхад цаг ямагт Таныг хамгаалах болтугай. Тандаа үүр хайртай. Таны шавь, Тао Фуон Ау Лак (Вьетнам)-аас Дүүлэгч Тао Фуон, С.М. Тэнгэрлэг Үнэт Эдлэл болон өндөр дээд ертөнцүүдийн талаарх ахуй ойлголтуудаа хуваалцсанд баярлалаа. Их Багш танд билиг оюунт хариултаа илгээжээ: “Сэхээрсэн Тао Фуон, С.М. Тэнгэрлэг Үнэт Эдлэлийн хэр Хүчтэйг үзсэнд тань би баяртай байна. Их Багшийн Хүч хүн төрөлхтнийг дэвшүүлж байдаг ба үнэд эдлэлийн загваруудыг зүүхэд хүмүүст төдийгүй дэлхийд бүхэлд нь тусалж байдаг. Манай гараг дээр асар их сөрөг чанар байгаа учраас Их Багшийн хүч аль болох олон хүнд Гэрлийг хүргэх гэж байж болох бүхий л арга замыг ашиглах ёстой. Сайтар бясалгаж Үнэмлэхүй Дээд Бүсэд хүрэх боломж хүртсэнд тань баярлалаа. Та болон сайхан сэтгэлт аулак (вьетнам)-чууд Буддагийн билиг ухааныг дүүрэн хүртэх болтугай.”
