Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хайн Олон Улсын Нийгэмлэгийн Тусламжийн Шинэчилсэн Мэдээ Украинаас... Орос улс Украинд шударга бус дайралт хийж эхэлснээс хойш Төгс Гэгээрсэн Их Багш Чин Хай Өөрийн залбирал, адислал, санхүүгийн олон хандиваар дамжуулан Украинд дэмжлэг үзүүлж, манай Нийгэмлэгийн гишүүдэд мөн тусламж үзүүлэх урам зориг өгсөн билээ. Дараах мэдээ бол манай Нийгэмлэгээс 2022 оны 7,8-р саруудад Украин болон хөрш Польшид хийсэн тусламжийн үйл ажиллагааны багахан хэсгийг харуулсан юм. Хүүхдүүдэд онцгой анхаарал хандуулж, сэтгэл санааг нь өөдрөг болгохын тулд тоглоомын үйл ажиллагаа, хайр, инээд хуваалцав 7-р сарын 18-нд багийнхан Украины Львов дахь “Brave and Happy” дүрвэгсдийн төвд зочлов. Тус төвд нэн шаардлагатай угаалгын нунтаг худалдаж авахад туслах хандив өглөө. Зохицуулагч Юлия Гринчук үүнд талархаж байгаагаа илэрхийлэв. 7-р сарын 20-нд тусламжийн баг 117 хүн амьдарч байгаа Львов дахь Vitan Hostel дүрвэгсдийн төвд очжээ. Энэ төвийг хандиваар санхүүжүүлж, сайн дурынхан ажиллуулдаг. Тус багийнхан тус төвд шинэ жимс, хүнсний ногоо авахад зориулж бэлэн мөнгө хандивлав. Тэд бас “Хайр бол цорын ганц шийдэл” номыг Украины веган хүүхдийн “Гар, Сарвуу эсвэл Туурай” номын хамт тараав. 7-р сарын 23-нд Украины сайхан сэтгэлт нутгийн хүмүүсийн тусламжтайгаар Кропивницкийн эмнэлэгт эмч, хамгаалагчдад мөн өмнө зүгт орших Миколайв мужийн фронтын хамгаалагчдад зориулж унтлагын уут, дэвсгэрээр дүүрэн хоёр фургон хүргэв. Хүлээн авагчид хоёул бэлгэд талархаж буйгаа захидлаар илэрхийлсэн юм. Мөн тус багийнхан Украины веган идэвхтэн Виктор Католиктой уулзаж, алдартай веган баримтат кинонуудыг Украин хэл рүү орчуулах ажилд нь хандив санал болгов. Эх орон нь юуг туулж байгааг эс харгалзан ноён Католик веган амьдралын хэв маягийг сурталчлах хүчин чармайлтаа үргэлжлүүлсээр байна. Манай Нийгэмлэгийн гишүүд орон нутгийн веган бизнес эрхлэгчидтэй хамтран 7-р сарын 24-нд Львов хотын цэцэрлэгт хүрээлэнд веган арга хэмжээг зохион байгуулж, үнэ төлбөргүй энэрэнгүй хоол, танин мэдэхүйн ном, хөгжөөнт үзүүлбэр дэлгэн тавьсан юм. Оролцогчдын дунд дүрвэгсэд, нутгийн иргэдийн төлөөлөл болон веган хоолоор үйлчлүүлсэн асрамжийн газрын хүүхдүүд багтжээ. Тусламжийн баг Львов хотын веган бизнес эрхлэгчидтэй хамтран ажиллаж, хоол хүнс тараан, хүүхдүүдийг хөгжөөсөн үзүүлбэр үзүүлжээ. Тусламжийн баг мөн Гэрэлт Дэлхийн Нигүүлслийн шагналт Every Animal байгууллагын хатагтай Тамара Хуменьтай уулзах завшаан тохиосонд баяртай байв. Every Animal нь Украины хэд хэдэн хотод, мөн Украины Зэвсэгт хүчний 200 гаруй веган цэргүүдэд ургамлын гаралтай хоолыг үнэ төлбөргүй нийлүүлж, фронтод хүртэл хүргэдэг. Тус байгууллагад 5,000 ам долларын хандивыг зарим веган хүнсний хамт түүний сайшаалтай хүнсний хөтөлбөрүүдийн төлөө олгов. Хатагтай Хумень улс оронд нь тулгарч буй сорилтуудыг үл харгалзан үргэлжлүүлэн үйлчлэхээр шийджээ. Түүнчлэн тусламжийн багийн нэг гишүүн Украины хамгийн их сүйдсэн хотуудын нэг Бородянка руу явж, Dariya Sayed санд материал илгээжээ. Гурвалжин будаа, хүүхдийн нухаш, гурил, наранцэцгийн тос зэрэг веган хүнс мөн живх, цэвэрлэгээний хэрэгслээр хангаснаас гадна веган хоол, бензинд зориулж 2,000 ам. доллар хандивлав. Дараа нь тусламжийн баг Львовын Иван Франко цэцэрлэгт хүрээлэнд болсон томоохон наадамд оролцсон бөгөөд 10,000 гаруй хүн оролцсон байна. Манай Нийгэмлэг болон Украинд тусламж үзүүлж буй бидний эрхэм зорилгыг мэдээд олон хүн нулимс унагасан билээ. Үүний зэрэгцээ 8-р сарын 1-нд тусламжийн баг Украин даяар амьтны асрамжийн газруудад хоол хүнс түгээдэг War Animal Care International байгууллагад таван тавиур веган нохой- хүмүүсийн хоол худалдаж авч өгчээ. Хамтран үүсгэн байгуулагч Жон Хилл энэхүү сэтгэл хөдөлгөм бэлэг өгсөн Их Багшид талархав. 8-р сарын 3-нд тусламжийн баг ноён Хиллд 75 веган бэлэгтэй уут авчирсан бөгөөд тэрээр тэднийг Украины Жаремче хотын асрамжийн газарт хүргэж өгчээ. Нүүн шилжсэн тусламж хэрэгтэй гэр бүлүүдэд мөн тус баг жимс, хүнсний ногоо, эрүүл ахуйн бүтээгдэхүүн зэрэг хайр дүүрэн уутнууд илгээж, бүр нэг гэр бүлийг веган дэлгүүрээр авч явав! Every Animal байгууллагын эрхэм алсын харааг дэмжих үүднээс манай Нийгэмлэгийн гишүүд Хатагтай Хумень болон Волынь мужийн хотын зөвлөлийн гишүүн хүндэт Александр Кулаковтой хамтран Карпатын нуруунд 5 хоногийн хугацаатай веган спортын хоёр баазыг ажиллуулжээ. Оролцсон 80 Украин залуусын эцэг эх нь хамгаалагчаар явсан эсвэл түрэмгийллийн үеэр нас барсан байв. Хүүхдүүд веганы тухай мэдлэг, спортын үйл ажиллагаа, ууланд аялах, урлагийн эмчилгээ болон бүжигт оролцсон юм. Баазад үйлчилсэн бүх хоол веган байсан бөгөөд бүх аялагчид энэрэнгүй веган амьдралын хэв маягийн талаар суралцсан. Баазын үйл ажиллагааны төгсгөлд олон хүүхэд амьтан-хүмүүсийн туулдаг харгислалыг мэдсэнийхээ дараа веган болохыг хүсэж буйгаа хэлж байлаа. Мөн эрхэм Александр Кулаковын хүмүүнлэгийн тусламжийн багийн ачаар Унгар дахь манай Нийгэмлэгийн гишүүдээс хандивласан зүрхний дефибриллятор аппаратуудыг 8-р сарын 17-ны өдөр Донецк мужийн Курахове, Селыдове хотын эмнэлгүүдэд аюулгүй хүргэжээ. 8-р сарын 21-нд тусламжийн баг 23 дүрвэгсэд амьдардаг Пидлисне-Тернопил мужийн Ахмадын асрамжийн газарт очив. Тус багийнхан 500 ам. долларын хандив өргөсөн бөгөөд өвлийн улиралд тус газрын жимс ногоог шинэхэн байлгах үүднээс хүнсний ногооны агуулах барихад зарцуулах аж. Төгс Гэгээрсэн Их Багш Чин Хайд Украин дахь түрэмгийлэлд өртсөн хүүхэд, насанд хүрэгчид болон амьтан-иргэдэд хайр халамж тавьж байгаад бид даруухан талархаж байгаагаа илэрхийлье. Мөн бид Украинд үзүүлж буй тусламжид нь манай Олон улсын Нийгэмлэгийн гишүүдэд болон Украины дүрвэгсдэд үзүүлж буй олон улсын дэмжлэгт талархаж байна. Дэлхий иргэд энхтайван, эв найрамдалд нэгдэж, Веган Дэлхий, Энхтайван Дэлхий удахгүй цогцлох болтугай.
