Дэлгэрэнгүй
Татаж авах Docx
Дэлгэрэнгүй уншаарай
Эрхэм Суприм Мастер ТВ-ийн баг болон хамгаас Хайрт Төгс Гэгээрсэн Их Багш минь, Би Германы нэгэн жижиг эмнэлгийн сувилагч бөгөөд 2020 оны арваннэгдүгээр сард манай тасагт коронавирусийн дэгдэлт гарсан. Нэг сар хагас шаргуу хөдөлмөрлөсний дараа би коронавирусийн халдвар авсан. Вирусүүд миний биед өндөр халуун үүсгэж, нэлээн ширүүн байлаа. Би үүнийг тодорхой мэдэрсэн. Тэд миний бүх биеэр дээш доош гүйж байсан тул би тэдэнд “Яагаад ийм их чимээ шуугиан тарьж байна вэ? Би та нарыг маш сайн ойлгож байна. Миний Хайрт Багш энэ талаар хэлсэн. Би энэ бүхэнд үнэхээр харамсаж байна. Хэрэв би та нарт өнгөрсөн эсвэл энэ цаг үед ямар нэг муу зүйл хийсэн бол намайг уучлаарай. Тэр үед би үнэхээр мунхаг бас тэнэг байсан. Та нарыг ингэж их өвтгөсөн гэдгээ мэдсэнгүй. Диваажины төлөө намайг өршөөгөөч дээ. Зүрх сэтгэлийнхээ гүнээс чин сэтгэлээсээ уучлалт гуйж байгааг минь хүлээн авна уу” гэв. Тэд надад “Бид зүгээр л цэргүүд, биелүүлэх ёстой үүргүүдтэй...” гэж хариулсан. Би тэдэнд “Би ч бас цэрэг хүн. Дайсангүй, үүрэг хариуцлага өндөр Бурханы энгийн цэрэг. Бид адилхан, тийм болохоор би та нарыг маш сайн ойлгож байна. Бидэнд эелдэг байж, хайрлаж, өршөөгөөрэй. Би хэзээ ч та нарт болон бусад төрөлтнүүдэд, хэнд ч огт хор хүргэхгүй. Би үргэлж Бурхантай хамт байдаг, та нар ч бас тийм” гэлээ. Дараа нь би тэднээс маш их уй гашууг мэдрэн, шаналсан. Миний нулимс зогссонгүй. Тэгээд дараа нь би маш цэвэр, гүн гүнзгий энэрэнгүй хайрыг мэдэрсэн. Би тэдэнд үнэхээр нигүүлсэнгүй, хайраар дүүрэн байсанд нь чин сэтгэлээсээ талархаж, Диваажин луу явж, үүрд амгалан амраарай гэж хэлсэн. Тэгээд тэд намайг зүгээр л орхисон. Гэнэт их чимээгүй болов. Би маш хурдан бүрэн эдгэв. Энэ бол зөвхөн миний хамгаас Хайрт Их Багшийн ач гэдгийг би мэднэ. Багш маань надад бүх зүйлийг тайлбарлаж, намайг 7 хоногийн 24 цаг хамгаалдаг. Суприм Мастер ТВ намайг үргэлж дэмжиж, дэлхийн амьдралд минь гэрэл гэгээ өгдөг. Бурхантай хамт байж, Бурханд итгэж, Бурхантай хамт амьдрах нь маш чухал юм. Зөвхөн Бурхан л биднийг эдгээх болно. Хэрэв та үргэлж Их Багштай хамт байвал бүхнийг ойлгож, юунаас ч айхгүй байх болно. Та юмыг маш сайн хийх болно. Та маш даруухан, үнэнч шударга, хичээнгүй байх болно. Та маш эрх чөлөөтэй байх болно. Бас их сайхан санагдана. Их Багшийн минь хүсэл бүхэн аль болох хурдан биелээсэй гэж би хүсэж байна. Аюулгүй байж, эрүүл байгаарай, Их Багш минь. Би Танд хайртай, Багш аа, бас та бүгдэд маш их хайртай. Танд хамгаас талархалтай Матилда, Германы Хайделбергээс Эрхэм Матилда, Ковид-19 вирусийн талаар гүн гүнзгий туршлагаа хуваалцсанд баярлалаа. Таны түүх үнэхээр бидэнд бүх амьдрал ухамсартай, амьд, зорилгоо биелүүлдэг гэдгийг харуулахын зэрэгцээ наманчлал, уучлалын хүчийг харууллаа. Бурхан үргэлж таныг болон шулуун шударга Герман орныг Диваажины хамгааллаар ивээг. Суприм Мастер ТВ-ийн баг Жич, таны зүрх сэтгэлийг өргөх Их Багшийн хайрын үгс энд байна: “Нигүүлсэнгүй Матилда, таны чин сэтгэлд миний сэтгэл их хөдөллөө. Та Ковид-19-ийн халдварыг хэрхэн даван туулсан нь та миний сургаалыг үнэн сэтгэлээсээ дагаж, надад итгэж, Ковид-19-ийн вирусэд алагдсан амьтан-хүмүүсийн сүнс байдаг талаар миний хуваалцсан зүйлд итгэж байгааг харуулж байна. Хэрэв дэлхий дээрх бүх хүмүүс үүнийг ойлгож, гэмшин, веган хооллолтыг хэвшүүлбэл манай дэлхий маш богино хугацаанд Диваажин болох байсан. Энэ удахгүй биелэх болтугай гэж би өдөр бүр залбирдаг. Баярлалаа, хайр минь. Та бүх эерэг Германы ард түмний хамт Диваажины Гэрэлд умбах болтугай.”
