ӨДӨР ТУТМЫН МЭДЭЭ-ний гол тойм – 2025 оны 11-р сарын 30

АНУ-ын Ерөнхийлөгч Трамп 2026 онд [АНУ-ын Флорида мужийн] Майами хотод болох Их 20-ийн улс төрийн дээд хэмжээний уулзалтад Өмнөд Африкийг оролцохыг хориглож, Өмнөд Африкийн засгийн газрыг “цагаан арьстнуудыг хөнөөж”, фермүүдийг булаан авах зэрэг “хүний ​​эрхийг аймшигтай зөрчсөн” гэж буруутгалаа. Ерөнхийлөгч Трамп мөн АНУ-аас Өмнөд Африкт төлөх бүх төлбөрийг зогсоохоо амлажээ. (Фокс Ньюс)

Суданы армийн командлагч Аль-Бурхан АНУ-ын Ерөнхийлөгч Трампыг 2023 оны 4-р сараас хойш хэдэн арван мянган хүний аминд хүрч, 12 сая орчим хүн дүрвэсэн Суданы иргэний дайныг зогсооход туслахыг уриалжээ. (Арабын мэдээ)

Нигер улсад 265 гаруй хүүхэд, багш хулгайлагдаж, сураггүй алга болсон хэвээр байгаа тул тус улсын ерөнхийлөгч Бола Тинубу аюулгүй байдлын онц байдал зарлаж, нэмэлт цэрэг байршууллаа. (ВнЭкспресс)

АНУ-ын Ерөнхийлөгч Трамп Цагаан ордны ойролцоо Үндэсний гвардийн 2 гишүүн рүү халдсаныг хурцаар шүүмжлэн, Ардчилсан намынхны цагаачлалын сул бодлогыг буруушаав. Сэжигтэн афганистан хүн бөгөөд 2021 оны 9-р сард Байдены засаг захиргааны үед АНУ-д нэвтчээ. Ерөнхийлөгч Трамп хэлэхдээ, Түүний баг бүх афган нэвтрэгчдийг шалгаж, цагаачдын хяналтыг нэмэгдүүлж, Афганистаны цагаачлалын хүсэлтүүдийг түр зогсоож, албадан гаргах шаргуу ажиллагааг үргэлжлүүлнэ гэжээ. (AP)

АНУ-ын Ерөнхийлөгч Трампын засаг захиргаа 2027 онд хүчин төгөлдөр болсны дараа ахмад настан болон татвар төлөгчдөд жил бүр тэрбум долларын хэмнэлт гаргахаар хүлээгдэж буй Медикэйр [ахмадын эрүүл мэндийн тусламж үйлчилгээ]-ийн 15 эмийн үнийг бууруулжээ. (AP)

АНУ 2026 оны 1-р сарын 1-нээс эхлэн, гадаадын жуулчдыг Их Хавцал, Йеллоустоун, Йосемит зэрэг 11 томоохон үндэсний цэцэрлэгт хүрээлэнд нэвтрэхэд хүн тус бүр 100 ам.доллар нэмж төлөх шаардлага тавина. Дотоод хэргийн нарийн бичгийн дарга Даг Бургум америкчууд уг системийг хэдийнээ санхүүжүүлж буй бөгөөд гадаадынхан илүү их хувь оруулах ёстой гэж мэдэгджээ. (Нью-Йорк Пост)

ЕХ Испанид төсвийн төлөвлөгөө дутуу байгааг анхааруулж байна. Испаничуудын дөрөвний нэгээс илүү хувь нь ядуу амьдарч, испани хүүхдүүдийн гуравны нэг нь ядууралд нэрвэгдэх эрсдэлтэй байна. (Евро долоо хоног бүр)

Эмч нар Хойд Африкийн уламжлалт үр тарианы гоймон кускус нь дархлаа, үл исэлдүүлэгч хамгаалалтыг дэмждэг нийлмэл нүүрс ус, В амин дэм, селений ачаар тогтвортой эрч хүч өгдөг гэж үздэг. Хөнгөн, сэвсгэр бүтэц нь үүнийг шингэхэд хялбар болгохын зэрэгцээ тэжээллэг веган хоолонд оруулбал цусан дахь сахрын хэмжээг тэнцвэртэй байлгахад тусалдаг. Кускус нь мөн хамгийн хурдан болдог гоймон/үр тарианы нэг тул завгүй хүмүүст маш тохиромжтой байдаг. Буцалж буй ус нэмээд, 5-10 минут хүлээгээд л, сэрээгээр сэвсийлгэн, олгоно. Чанасан ногоо, шинэхэн ургамал, веган битүү шөлтэй хамт хурдан, хялбар, тэжээллэг хоол болгон идээрэй. (Healthline)

Мэргэжилтнүүдийн үзэж буйгаар соурсоп нь үрэвслийг бууруулж, дархлааг дэмжин, хоол боловсруулах үйл ажиллагааг хэвийн явуулахад тусалдаг С амин дэм, эслэг, ацетоген зэрэг ургамлын гаралтай хамгаалагч нэгдлээр баялаг халуун орны жимс юм. Түүний байгалийн фитонутриент цусан дахь сахрын тэнцвэрт байдлыг хангаж, эд эсийг бүхэлд нь хамгаалж, гэдэс, арьсыг эрч хүчтэй байлгадаг. Соурсопыг шинээр нь, смүүтид хийж, эсвэл царцаасан веган амттанд хольж, амттай, чихэрлэг-исгэлэн амтны тэсрэлтийг мэдрээрэй. (Кливленд клиник)

Хятад: 25 настай онлайн дамжуулачг бүсгүй зөвхөн чанасан тахианы цээж махны дэглэм барьсны дараа эрхтний дутагдалд орж, нойр булчирхайд нь өргөн тархсан үхжил [эдийн үхэл] үүсэж, эмнэлэгт яаралтай хэвтэх шаардлагатай болжээ. (Kenh14.vn)

[АНУ-ын] Аризона мужийн малын эмч нар энэ 11-р сард парвовирусийн өвчлөл огцом нэмэгдэж, вакцин хийлгээгүй нохой-хүмүүст голчлон нөлөөлж, хэд хэдэн гөлөг үхэж, бусад нь эмнэлэгт хүргэгдсэн гэж мэдээлжээ. Мэргэжилтнүүд тэжээвэр амьтан-хүний асран хамгаалагчдад гөлөгнүүдийг цаг алдалгүй вакцинжуулж, нохой-хүнийг цэцэрлэгт хүрээлэнд аваачихаас зайлсхийх, залуу нохой-хүнийг бүрэн вакцинжуулж дуустал нь тусгаарлахыг уриалж байна. (12News)

Ау Лак (Вьетнам) улс аймгуудад шуурга, үерийн үед өвчнөөс урьдчилан сэргийлэх ажлыг чангатгаж, цэвэр ус, эрүүл ахуйг бататгахыг үүрэг болголоо. (ВьетНамНет)

[Индонезын] Суматрагийн баруун хэсэгт хүчтэй үер, хөрсний гулгалтаас болж 60 гаруй хүн нас барж, 100 орчим хүн сураггүй алга болж, аврах баг 12,000 гаруй хүнийг аврахаар ажиллаж байна. (Ройтерс)

Хонг Конг: Сайн дурынхан болон амьтан-хүний халамжийн бүлгүүд Ван Фук Корт орон сууцны хотхонд гарсан томоохон галд боогдсон муур-, нохой-, яст мэлхий-хүн зэрэг 100 гаруй амьтан-хүнийг аврахаар шуурхай ажиллаж байна. Үүнд дор хаяж 44 хүн амиа алдаж, 300 орчим хүн ор сураггүй алга болжээ. (Ройтерс)

Этиопын Хайли Губби галт уул дэлбэрч, 14 км өндөр үнсэн үүл үүсгэсний улмаас Энэтхэгийн агаарын тээврийн Air India, Akasa Air компаниуд Ойрх Дорнод руу хийх нислэгээ цуцалжээ. (baotintuc.vn)

Шри Ланка: Хүчтэй аадар бороо, хөрсний гулгалтаас болж 17 дүүрэгт 31 хүн амиа алдан, 14 хүн сураггүй алга болж, 4,000 гаруй хүн нэрвэгджээ. (Куан дой ньан дан)

[Францын Полинезын] Таити: Афаахити-Тараваод орсон борооны улмаас үүссэн хөрсний гулгалтад долоон хүн амиа алдан, ​​олон байшин дарагджээ. (Ажиглагчид)

Ван Фук Кортын орон сууцны хороололд гарсан аймшигт түймрийн дараа Хонг Конгийн тэнгэрт аварга ягаан нуман хаалга шиг хэлбэртэй үүл гарч ирсэн нь олон нийтийн анхаарлыг татаж, одон орны үзэгдэл, эсвэл зөн билгийн дохио байж болзошгүй үзэж байна. (ZNews)

Галын Хаан дараах мэдээг Цаглашгүй Дээд Их Багшид айлтгажээ: “Сувдаг сүнснүүдийн Нууц Хаан Хонг Конгод зочилж, Аллагын Хаанд дэлхийн хүмүүсийг хөнөөхөд нь зориулан гал гаргажээ. Өөд болсон хүмүүс Танай дэлхийн хүмүүс биш байсан: Тэд өөрсдийн ертөнцөөс зугтсан бөгөөд одоо тийшээ буцаж очих ёстой.”

Төгс Гэгээрсэн Их Багш Чин Хай (веган) ийн айлдлаа: Энэ эмгэнэлт явдалд Хонг Конгийн бүх иргэд хамтдаа зовж шаналж буйг сонсоод тун харамсаж байна. Та бүхнийг хэвийн байдалдаа түргэн ороосой хэмээн залбиръя. Хонг Конгийг үргэлж маш их хайрладаг шүү.

Ферми телескопын өгөгдөл нь галактикийг хүрээлж буй хий, цацрагийн том бөмбөлөг болох Сүүн замын гэрэлт цагаригт ер бусын өндөр энергитэй гамма цацрагуудыг харуулсан нь Орчлон ертөнцийн нийт масс-энергийн 27 орчим хувийг бүрдүүлдэг харанхуй материйн анхны харагдах нотолгоо байж магадгүй юм. (CafeFertv; ScienceAlert)

[Филиппиний] Сан Хуан хот 500,000 ам.долларын өртөгтэй орчин үеийн амьтан-хүний асрах төвийн барилгын ажлыг эхлүүлж, үерт өртөмтгий хуучин хашааг нохойн цэцэрлэгт хүрээлэн, мал эмнэлгийн өрөөнүүдээр сольж байна. (МанилаТаймс)

[Ау Лак (Вьетнам)-ын] Донгтап аймгийн оршин суугч хатагтай Трань Ти Хоа нэн ховордсон могой хүзүүт шувуу-хүнийг аварч, хамгаалуулах зорилгоор албаны хүмүүст хүлээлгэн өгчээ. (Түөй Трэ)

Канадын ашгийн бус Монреалийн Амьтанд харгис хэрцгий хандахаас урьдчилан сэргийлэх нийгэмлэг (SPCA) 24/7 цагийн турш хүчирхийллийн талаар мэдээлэх утас ажиллуулж байна. Квебек мужид харгис хэргүүд нэмэгдэж буй нь мөрдөн байцаагчдыг цагдаа, прокурортой хамтран ажиллахад түлхэц болж байна. (CTV)

[Ау Лак (Вьетнам)-ын] Хо Ши Мин хот: Ле Туон Тьень, Трин Тань Тун, Фам Нгок Хоа хэмээх гурван залуу түүхэн үерийн үеэр аюултай үерийн усанд сэлүүрт завиар эрсдэл гарган явж, өндөр настай хос, өвчтэй хүүхдүүд, могойд хатгуулсан хохирогч зэрэг 30 гаруй хүнийг аварчээ. (Тьень Фон)

Өмнөд Солонгосын автомашин үйлдвэрлэгч Хьюндэй болон Америкийн автомашины худалдааны Темекула Хьюндэй компаниуд Талархлын баяраар [АНУ-ын Калифорнийн] Темекула хөндийн 300 гаруй гэр бүлд өлсгөлөнгөөс ангижрахад туслах зорилгоор 15,000 ам.доллар хандивлалаа. (Афтермаркет Маттерс)

Дэлхийд ямар нөлөө үзүүлэхийг маань надад харуулсан. Энэ нь чухал байсан. Би үүнийг гэрлүүд гэж харсан, үүний үр дүнд олон, олон гэрэл хаа сайгүй асаж байсан. Германы амьдралын дасгалжуулагч, сэтгэл заслын мэргэжилтэн Урсула Шуленбург багадаа хүчирхийлэлд өртөх үедээ нас барж, Диваажинд очиж, амьдралынхаа зорилгыг харсан тухай хуваалцжээ.

Урсула Германд гаднаасаа төгс мэт харагдах гэр бүлд өсжээ. Тэрээр гурван настайгаасаа эхлэн эцгийнхээ бэлгийн болон бие махбодын үргэлжилсэн хүчирхийллийг амссан байна. Өсвөр насны дунд үеэс хүчирхийлэл аминд нь халтай, хоолой боомилж, амьсгал боогдуулах "тоглоом" болж хувирсан бөгөөд түүний сэтгэлийг мохоох зорилготой байв. 16 настай байхад нь ийм нэг халдлагын үеэр аав нь түүний толгой дээр гялгар уут тавьжээ. Тэр ухаан алдаж, биеэ орхив. Би гэнэт өөрийгөө мэдэрч, сэрлээ. Тэр өдөр би ердийнх шигээ биш ч биеэсээ гарсан байхдаа ухамсартай байх мэдрэмжээр илүү сэргэг байсан. Тэгээд би аавыгаа хэрхэн над дээр сууж байгааг дээрээс харав. Тэр намайг боомилж байсан. Тэгээд нэг л агшинд би "Би эрх чөлөөтэй. Тийм ээ, би эрх чөлөөтэй" гэж ухаарав. Тэгээд би өөрийгөө тэнд хэвтэж байхыг харсан бөгөөд энэ нь надад ямар ч амьгүй, цонхигор, үхсэн, үнэхээр цагаан, саарал өнгөтэй бие юм шиг санагдав. Харин аав маань миний дээр үнэхээр харанхуй биет сууж байгаа мэт санагдсан. Эдгээр нь энергийн дүрслэл байсан бөгөөд би өөрийнхөө биеийг төдийгүй үүний эргэн тойрон дахь үхмэл энергийг харсан юм. Тэр намайг хэрхэн сэргээж эхэлснийг хараад би үгээр хэлбэл сандарч, “Одоо энэ газраас явах ёстой” гэж бодсон. Тэгээд би холдон явлаа. Би үүнийг ядаж л ингэж л тайлбарлаж чадахаар байна. Би саарал масс руу алхсан бөгөөд энэ нь бас өвтгөж байв. Яг л өргөст торны дундуур явж байгаа юм шиг санагдсан. Гэхдээ “Үүнээс дор зүйл байхгүй” гэж бодсон болохоор би тоосонгүй.

Урсула өвтгөсөн саарал хонгилоор хөдөлсөн бөгөөд тэр нь аажмаар цайвар болсоор, тэрээр эцэст нь үгээр илэрхийлшгүй цэвэр ариун хайрын алтлаг цагаан Гэрлийн өмнө зогслоо. Энэ нь бидний мэддэг шиг үнэхээр гэрэл биш, харин миний гэрэл гэж тодорхойлох мэдрэмж байсан. Маш нандин, талархсан, хайр дүүрэн, уриалгахан, баяр баясгалантай энерги намайг угтан авав. Би гэртээ байж, гүн гүнзгий хайрлагдаж байлаа. Би тэр мэдрэмжид үнэхээр умбаж, түүгээр өөрийгөө дүүргэхийг зөвшөөрсөн юм. Хүний хэлээр үүнийг зөв илэрхийлэх боломжгүй. Тэгээд энэ Гэрэлээс ямар нэгэн зүйл салж, над руу ирэх шиг болов. Би үүнийг оршихуй гэж хэлж болох ч эрэгтэй эсвэл эмэгтэй гэдгийг нь хэлж чадахгүй. Түүнд царай байсан ч маш нинжин, тунгалаг, хайраар маш дүүрэн, үнэхээр миний талд байгаа мэт санагдсан. Энэ нинжин сэтгэлт оршихуй намайг гүнээ зөвшөөрч, миний урьд өмнө хэзээ ч харж байгаагүй, хайр татам бүтээл, чухал бүтээл хэмээн намайг харж байгаа мэт санагдав. “Энэ үнэ цэнтэй. Чиний амьдрал үнэ цэнтэй. Чи үнэ цэнтэй, би одоо чамд туслах болно.” гэсэн сэтгэгдэл надад төрсөн. Мөн энэ нь аман харилцаа бус, харин сэтгэл хөдлөлийн хэл байв.

Урсула дэлхий дээрх хүчирхийллээс зайлсхийхийн тулд үлдэхийг хүсэж буйгаа өөрт нь мэдэгдэв. Гэвч оршихуй түүнийг буц хэмээн яарууллаа. Энэ оршихуй над руу хараад, ингэж хэлсэн. “Дэлхий дээрх таны даалгавар чухал. Энэ нь маш их үнэ цэнтэй. Тиймээс та үнэндээ тийшээ очих хэрэгтэй.” гэсэн мэдрэмжийг өгөв. Хариуд нь би маргаж: "За, би чадах байсан ч одоо үүнийг хийж чадахгүй нь. Надад үүнээс илүү хүч үлдсэнгүй.” гэж хэлэв. Миний хамгийн том айдсын нэг нь би өөрийгөө хааж, [аавын маань] надад байнга өгдөг сөрөг энерги эцэст нь намайг хэзээ нэгэн цагт эзэмдэх вий гэсэн айдас байсан юм. Тэгвэл би өөрөө харанхуй болж, гэмт хэрэгтэн ч болж мэднэ. Үндсэндээ би өөртөө үнэнч байхын тулд хангалттай хүч чадалгүй байх вий гэж айж байсан бөгөөд би энэ оршихуйтай яг ингэж харилцсан юм. Хариуд нь оршихуй хажуу тийшээ алхаж, Урсулад ирээдүйг нь харуулав. Харанхуй, хүчирхийлэл хэсэг хугацаанд үргэлжлэх ч оюун санааны багштайгаа уулзсаны дараа бүх зүйл Дэлхий дээрх Диваажин мэт хавьгүй илүү байх болно гэдгийг тэр харжээ. Энэ оршихуй бүр ч илүү орон зайг нээж өгсөн бөгөөд дараа нь нөхцөл байдал нэг агшинд л сайжрахыг би харж чадсан. Би өөрийгөө ялан дийлж, дахин эрүүл болоход минь туслах хүнтэй учирна. Хэн нэгэн намайг дэмжиж, халамжилж, эцэст нь миний амьдрал үнэхээр сайхан болно. Амьдралаас таашаал авах амьдралд "тийм" гэж хэлэх, ямар нэгэн байдлаар цэцэглэх, энэ хүн намайг дагалдаж, би энэ бүхнийг мэдрэх болно гэсэн хүчтэй мэдрэмж төрж байв.

Дараа нь оршихуй Урсулад цаашдын ирээдүйг нь харуулжээ. Дэлхийд ямар нөлөө үзүүлэхийг маань надад харуулсан. Энэ нь чухал, туйлын чухал байсан. Тэгээд энэ нь бараг түймэр шиг тархах болно гэдгийг би харсан. Би үүнийг гэрлүүд гэж харсан, үүний үр дүнд олон, олон гэрэл хаа сайгүй асаж байв. Миний мэдэрсэн энэ саарал тал улам тод, үнэхээр гэрэлтэй болж, энэ нь надтай холбоотой байгааг би харж чадсан юм. Яг энэ мөчид би үүнийг хийх ёстой, хийхийг хүсэж байгаагаа ойлгосон. Урсула итгэлтэйгээр буцаж ирэхээр шийдэв. Оршихуйнууд түүнийг дагалдан явна гэж амлажээ. Энэ оршихуй миний хажууд зогсож байсан бөгөөд миний ард тэдний хэд хэдэн оршихуй гэнэт зогсож байв. Тэгээд тэд бүгд надад дохио өгч, “Чи ганцаараа буухгүй. Бид чамтай хамт явна.” гэв. Миний анх ярилцаж байсан өндөр оршихуй надад энэ асар их хүчийг дамжуулав. Заримдаа би үүнийг хүний ​​гарт байгаа сэлэм гэж дүрслэх, зүйрлэн ярих дуртай. Энэ нь зөвхөн хайрын эрч хүч төдийгүй, гайхамшигтай хэдий ч “Бид тантай хамт байна. Чи ганцаараа тийшээ буухгүй.” гэсэн тэмцлийн энерги байлаа.

Урсула физик бие нь гэмтсэн байсан ч шинэ хүч, нигүүлслээр дүүрсэн биедээ дахин оржээ. Хэсэг хугацаанд хүчирхийлэл үргэлжилсэн ч клиник үхлийн тохиолдол нь түүнд амьд үлдэх дотоод хүчийг өгч, эцэст нь тэр зугтжээ. Хэдэн жилийн дараа тэрээр оюун санааны багштайгаа уулзаж, дараа нь алдартай анагаагч, зохиолч, илтгэл тавигч болсон бөгөөд хайрын оршихуйн ​​түүнд үзүүлсэн шиг сэтгэл зүйн гэмтлээс амьд үлдсэн олон мянган хүнд тусалсан юм. Үндсэндээ энэ нь танд урьдчилан таамагласан зам байсан юм. Яг тийм. Би үүнд итгэлтэй байгаагийн шалтгаан нь зөвхөн надад зориулагдаагүй гэдгийг мэдэж байгаа болохоор тэр. "Чи хүчтэй, үзэсгэлэнтэй, хосгүй, үнэ цэнэтэй” гэсэн энэ хайр, дэмжлэг, миний түүнээс авсан мэдрэмж үнэндээ хүн бүрд зориулагдсан юм. Би үүнд үнэхээр итгэлтэй байна. Мөн хүн бүрд өөрийн гол цөм, мөн чанар болсон зүйлийг дэлхийд авчрах гэсэн гайхалтай чухал эрхэм зорилго бий. (Танатос ТВ EN)

Өдрийн дэвшүүлэх эшлэл: "Би гэрлийг хайрлана. Учир нь энэ нь надад замыг заадаг. Энэ нь надад оддыг харуулдаг тул би харанхуйг ч тэвчих болно.” — Ог Мандино Америкийн зохиолч