ӨДӨР ТУТМЫН МЭДЭЭ-ний гол тойм – 2025 оны 10-р сарын 25

АНУ-ын Ерөнхийлөгч Трамп засаг захиргаа нь 2025 оны 10-р сард Израил улс, Хамас бүлэглэлийн хооронд байгуулсан гал зогсоох хэлэлцээрийг хадгалахын төлөө ажиллаж байгаа тул тус бүлэглэлийг "сайн байх” хэрэгтэй, эсвэл "устгагдах" болно гэж анхаарууллаа. (Нью-Йорк Пост)

Их Британийн Батлан хамгаалахын ​​сайд Жон Хилийн хэлэхдээ, хэрэв АНУ-ын Ерөнхийлөгч Трамп Оростой энхийн хэлэлцээр байгуулбал, Их Британи улс Украин (Урейн)-д цэрэг оруулахад 100 сая фунт.Стерлинг зарцуулахад бэлэн байна гэжээ. (Скай Ньюс)

АНУ-ын Ерөнхийлөгч Трамп, Австралийн ерөнхий сайд Албанез нар Чухал ашигт малтмалын хүрээний хэлэлцээрт гарын үсэг зурж, хоёр улсын эрчим хүч, нөөц баялгийн хамтын ажиллагааг нэмэгдүүлэхээр 3 тэрбум ам.долларын хөрөнгө оруулалт хийхээр төлөвлөж байна. (WhiteHouse.gov)

АНУ-ын Ерөнхийлөгч Трамп AUKUS [Австрали, Их Британи, АНУ]-ын хэлэлцээрийн хүрээнд цөмийн эрчим хүчээр ажилладаг шумбагч онгоцнуудыг Австралид нийлүүлэх ажлыг хурдасгаж, Хятадын ойролцоох Австралийн флотыг бэхжүүлэхийн тулд Виржиниа ангиллын 5 шумбагч онгоцыг 2032 он гэхэд нийлүүлнэ хэмээн мэдэгдлээ. (Фокс Ньюс)

Ерөнхийлөгч Трамп дотоодын эрчим хүчний үйлдвэрлэлээ нэмэгдүүлсний дараа, Түүний удирдлага дор АНУ-ын хийн үнэ сүүлийн дөрвөн жилийн доод түвшинд хүрч, галлон тутамд дунджаар 2.98 ам.доллар болжээ. (WhiteHouse.gov)

АНУ-ын Ерөнхийлөгч Трамп [Мичиганы] Детройт хотын бизнес эрхлэгч Марк Саваяаг Ирак дахь тусгай элчээр томилж, түүний Ойрх Дорнодын туршлага, Ойрх Дорнод-Америкийн нийгэмлэгт үзүүлэх нөлөөг цохон дурджээ. (Фокс Ньюс)

АНУ-ын Дотоодын аюулгүй байдлын нарийн бичгийн дарга Кристи Ноем Мексикийн хилийн хууль бус цагаачлал, гэмт хэргийн үйл ажиллагаанаас хамгаалахын тулд Рио-Гранде мөрний 260 миль [418 километр] орчим хэсэгт эргийн хамгаалалтын 100 гаруй завь ажиллуулж, “Мөрний хана ажиллагаа”-г явуулж байгаагаа зарлалаа. (АНУ-ын Дотоодын аюулгүй байдлын яам)

АНУ: Нью Жерси мужийн Бүгд найрамдах нам Ерөнхийлөгч Трампын Хууль зүйн яамнаас удахгүй болох мужийн амбан захирагчийн сонгуульд Ардчилсан намын удирдлагатай Пассаик муж саналын хуудас хадгалах газарт хамгаалалтын камер суурилуулахаас татгалзсаны дараа хуурамч санал өгөх асуудал гарахаас болгоомжилж, хяналтын ажилтнууд илгээхийг хүсэж байна. (Нью-Йорк Пост)

АНУ-ын Хууль зүйн яам (ХЗЯ) 2026 оны завсрын сонгуулийн өмнө Ардчилсан намын улстөрчид улс төрийн ашиг хонжоо олох зорилгоор гэмт хэргийн статистик мэдээллийг ашигладаг болохыг нотлох баримт олж, Иллинойс мужийн амбан захирагч Ж.Б.Прицкер, Манхэттэн дүүргийн хуульч Алвин Брэгг нар прокуроруудад гэмт хэргийн ялын зэрэглэлийг бууруулж, хүчирхийлэл үйлдсэн этгээдүүдийг жижиг гэмт хэрэгт тооцох боломж олгосон гэж үзжээ. ХЗЯ-ын албаны хүмүүс ийм үйлдэл нь хууль сахиулах зөөлөн бодлогын алдааг нууж байна гэж мэдэгджээ. (Нью-Йорк Пост)

Санаэ Такайчи Япон улсын анхны эмэгтэй ерөнхий сайд болсноор тус улсын түүхэнд бичигдлээ. (CNBC)

Хоол тэжээлийн мэргэжилтнүүд хулсны навчийг хоргүйжүүлэх, дархлааг сайжруулж, арьс, үс, хумсны эрүүл мэндийг дэмждэг гэж магтдаг. Цахиур, флавоноид, эрдэс бодисоор баялаг энэ навч нь үрэвслийг намдааж, цусан дахь сахрын хэмжээг тогтворжуулж, муу холестериныг бууруулахад тусалдаг. 5-15 грамм хулсны навчийг халуун усанд дэвтээн шим тэжээлээр баялаг цай болгон уух, эсвэл халуун ус, уурын эмчилгээнд зөөлөн, ургамлын гаралтай эмчилгээ болгон ашиглаарай. (Фү Ню Өнөөдөр)

Судалгаанаас харахад веган хоол идэх нь хүний 40-60 насны хөгшрөлтийн үр нөлөөг сааруулж чаддаг байна. [АНУ-ын] Стэнфордын Их Сургуулийн судалгаагаар хөгшрөлт нь урьд нь төсөөлж байсан шиг аажмаар бус, харин 44-60 насанд мэдэгдэхүйц хурдацтай явагддаг болохыг тогтоожээ. Энэхүү эгзэгтэй жилүүдэд амьтан-хүний гаралтай мах, цагаан идээ иддэг хүмүүстэй харьцуулахад тоонолжин цэцэгтийн овгийн ногоо, (байцаа, брокколи гэх мэт) бүхэл тариа, самар, үрээр баялаг боловсруулаагүй веган хоол иддэг ахмад настнуудын бөөрний үйл ажиллагаа сайжирч, булчин бэхжиж, үрэвсэл нь багасаж буй нь веган хооллолт нь эрүүл амьдралын гол түлхүүр болохыг харуулж байна. (ВежНьюс)

Японы эрдэмтэд К амин дэмийн сайжруулсан хувилбарыг боловсруулж, тархины шинэ эсийг бий болгосноор тархийг нөхөн сэргээхэд тусалдаг. Ретинолын хүчлээр хийсэн шинэчлэгдсэн молекулууд нь үүдэл эсийг мэдрэлийн эс болгон хувиргах чадварыг гурав дахин их байгааг харуулж, Альцгеймер зэрэг мэдрэлийн доройтлын өвчтэй хүмүүсийн тархины нөхөн сэргэх боломжийг санал болгож байна. (СкайТехДэйли)

Франц улс шувууны томууны сэрэмжлүүлгийн түвшнийг дундаас өндөр болгож, шувуу-хүн үржүүлэх олон үйл ажиллагаанд шинэ дэгдэлт илэрсний дараа улсын хэмжээнд бүх тэжээвэр шувуу-хүнийг дотор байлгахыг тушаажээ. (Ройтерс)

Ау Лак (Вьетнам): Мэргэжилтнүүд 18-24 насны аулак (вьетнам) залуучуудын дунд ходоодны шархлааны өвчлөл 11-15% хүртэл нэмэгдэж, ялангуяа стресс, шөнө оройтож хооллох, энергийн ундаа уух, кино үзэж, тоглоом тоглож байхдаа шарсан хоол идэх зэрэг хооллолтын хэвийн бус зуршлаас шалтгаалж буй бөгөөд энэ нь хоол боловсруулах тогтолцооны эмгэг үүсгэж буйг анхааруулжээ. (ВнЭкспресс)

АНУ-ын судалгаагаар олон нийтийн сүлжээний хэрэглээ нь хүүхдийн танин мэдэхүйн бууралттай холбоотой болохыг тогтоожээ. 9-13 насны 6,500 гаруй хүүхдээс олон нийтийн сүлжээг байнга ашигладаг хүүхдүүд уншсанаа ойлгох чадвар, ой тогтоолт, үгийн сангийн шалгалтаар хамгийн бага оноо авсан бол, хамгийн бага ашигладаг хүүхдүүд хамгийн сайн ажилласан байна. Хүүхдүүд өдөрт дунджаар 5.5 цагийг дэлгэцэд тулгуурласан ажиллагаанд зарцуулдаг бөгөөд ихэнхдээ олон нийтийн сүлжээгээр ажилладаг. Мэргэжилтнүүд дэлгэцэд хэт их цаг зарцуулах нь тархины боловсруулалт, хяналтыг хариуцдаг хэсгүүдэд хэт ачаалал өгч, анхаарал төвлөрөл, хэл ярианы чадварыг бууруулдаг болохыг анхааруулж байна. (Бао Тинь Түк)

Үл үзэгдэх хор: Алт олборлолтоос агаарт дамждаг мөнгөн ус Африкийн хүнсний ургацыг бохирдуулж байгаар судалгаагаар анхааруулжээ. Судлаачид жижиг хэмжээгээр алт олборлож буй мөнгөн ус нь агаарт дамжиж, таримал ургамлын навчинд шингэдэг нь алт олборлох талбайн ойролцоо ургацын бохирдлыг 10-50 дахин ихсэхэд хүргэдгийг тогтоожээ. (Phys.org)

Ау Лак (Вьетнам)-ын өмнөд хэсэгт халдвар өвчнүүд олноор гарч, ялангуяа Хо Ши Мин хотод гар хөл, амны өвчин, денге халуурал, амьсгалын замын өвчний халдварын аюул гурав дахин нэмэгдэж байна. Мэргэжилтнүүд хэд хэдэн өвчин нэгэн зэрэг тархаж, эмнэлгүүдэд ачаалал учруулж байгаа тул "давхардсан тахал” гарч болзошгүйг анхааруулж байна. (Бо И Те)

Бөөрний нууцлаг архаг өвчин Энэтхэгийн хөдөө орон нутгаар, ялангуяа чихрийн шижин, даралт ихсэх өвчингүй тариалангийн ажилчдын дунд тархаж байна. Эрдэмтэд халууны стресс, бохирдсон гүний ус, агрохимийн хордлого зэрэг нь үүний гол хүчин зүйл гэж сэжиглэж байна. (Гави)

Бүгд Найрамдах Чех Улсад хачгийн идэвхжилийн улирал уртсаж, уур амьсгалын өөрчлөлттэй холбоотой дулаарч буй цаг агаарын улмаас Лаймын өвчний тохиолдол сүүлийн арван жилд хамгийн өндөр түвшинд хүрчээ. (TVP World)

Афганистаны Хиндукуш мужид 5.1 магнитудын хүчтэй газар хөдөлж, нийслэл Кабул хотод хүчтэй чичиргээ мэдрэгдсэн байна. (Ройтерс)

[Их Британийн] Брайтон хотод хүчтэй аадар бороо орж, гудамжнууд үерт автжээ. Девон, Корнуолл, Лондон зэрэг бүс нутгуудад үер болж болзошгүйг анхааруулсан бол Арктикийн хүйтэн агаарын урсгалаар 10-р сарын 25-ны бямба гарагт температур -1ºC хүртэл буурах төлөвтэй байна. (Дэйли Мэйл)

[Энэтхэгийн] Шинэ Дели хотын агаарын чанар Дивали [Хиндугийн гэрлийн баяр]-ын дараа салют буудуулах хязгаарлалтыг сул тавьсны улмаас аюултай түвшин рүү хүрэн буурч, агаарын чанарын индекс 442-д хүрч, Дэлхийн эрүүл мэндийн байгууллагын жил бүрийн зөвлөмжөөс 59 дахин ихэсжээ. (Ройтерс)

[Францын] Парис хот: Хар салхины улмаас нэг хүн амиа алдаж, хэд хэдэн хүн хүнд бэртжээ. Гамшгийн ер бусын ноцтой байдал нь улсын хэмжээнд анхаарал татаж байна. (Ройтерс)

ОХУ-ын Омск мужид цас эрт орж, ургац сүйдсэний дараа онц байдал зарлажээ. Үүний улмаас 420,000 га тариалангийн талбай цасаар хучигдсан байна. (Ройтерс)

Ау Лак (Вьетнам): Фэншэн хар салхи 4-6 метрийн өндөр давлагаа үүсгэж, Дананг, Хуэ зэрэг хотуудын орон сууцны хорооллуудыг үерт автуулсан бөгөөд 10-р сарын 22-27-ны хооронд 200-700 миллиметр хур тунадас орох төлөвтэй байна. (ВнЭкспресс)

Халуун орны Мелисса шуурга Бүгд Найрамдах Доминикан, Гаити улсуудыг дайран, хүчтэй аадар бороо оржээ. Ирэх долоо хоногт энэ 4-р зэрэглэлийн хар салхи болж ширүүсэн, [АНУ-ын] Флорида мужид нөлөөлж болзошгүй байна. (WFTV9)

НҮБ-ын Дэлхийн цаг уурын байгууллагын мэдээлснээр, сүүлийн 50 жилийн хугацаанд эрс тэс цаг агаарын улмаас 2 сая гаруй хүн нас барсны 90% нь хөгжиж буй орнуудад тохиолджээ. Бүх улс орнуудын бараг тал хувь нь эрт сэрэмжлүүлэх системгүй хэвээр байгаа нь олон сая хүнийг үер, ган гачиг, ой хээрийн түймрийн аюулд өртөмтгий болгож байна. (ВнЭкспресс)

Амьтан-хүний эрхийн төлөө тэмцэгчид Лондоны Далайн амьдрал аквариумд 14 жилийн турш "нарны гэрэл, цэвэр агааргүй хонгилд" байлгасан нь гэх 15 генту оцон шувуу-хүнийг суллахыг шаардаж байна. “Арван тавыг чөлөөл” хэмээх уг эсэргүүцлийн жагсаалыг Их Британийн “Freedom for Animals” буяны байгууллагаас зохион байгуулж, 250-300 хүн оролцжээ. (УэйлсОнлайн)

АНУ-ын судлаачид 800 ам.долларын хүлээн авагч ашиглан хувийн дуудлага, цэргийн холбоо зэрэг шифрлэгдээгүй дохиог дагуулж буй дэлхийн хиймэл дагуулын холбоон дахь чухал эмзэг байдлыг илрүүлжээ. Тус баг хиймэл дагуулын дамжуулалтын бараг тал хувь нь найдваргүй болохыг тогтоож, засгийн газрууд болон интернэтийн үйлчилгээ үзүүлэгчдэд боломжтой бол харилцаа холбоог шифрлэхийг уриалж байна. (Genk.vn)

United Airlines компанийн Боинг 737 онгоц [АНУ-ын] Юта мужийн дээгүүр нисдэг үл мэдэгдэх биет [НҮМБ]-тэй мөргөлдөж, салхины шил хагарсан тул ослын буулт хийхэд хүрсэн ч 140 зорчигч бүгд эсэн мэнд байжээ. Албаныхан нууцлаг биет юу байсан байж болохыг судалж байна. (Дау тү тай чин)

Олон улсын гурван ажиглагч 7.3 тэрбум гэрлийн жилийн зайд оптик, радио, хэт улаан туяаны дохио гаргадаггүй хачирхалтай харанхуй "сүнс"-ийг илрүүлжээ. Энэ нь харанхуй материйн бөөгнөрөл, эсвэл бүдэг одой галактик байж болзошгүй юм. (Бао Нгуой Лао дон)

Эрдэмтдийн үзэж байгаагаар одоо манай Нарны аймгийг дайран өнгөрч буй од хоорондын 3I/ATLAS биет нь секундэд төмрийн ул мөргүйгээр 4 грамм никель ялгаруулж байгаа нь ер бусын шинж чанартай юм. Учир нь мэдэгдэж байгаа бүх сүүлт од хоёуланг нь ижил хэмжээтэй агуулдаг. Харвардын астрофизикч доктор Ави Лоеб ийм никель хайлш байгальд хэзээ ч ажиглагдаж байгаагүй бөгөөд зөвхөн үйлдвэрийн аргаар үйлдвэрлэсэн материалд л байдаг гэж тэмдэглэсэн нь 3I/ATLAS нь технологийн болон хиймэл гарал үүсэлтэй байх магадлалтайг харуулж байна. (NDTV)

[Индонезийн] Жакарта хотод амьтан-хүмүүсийн харгислалыг таслан зогсоох, галзуу өвчин халдварлахаас урьдчилан сэргийлэх зорилгоор нохой-, муур-хүний мах худалдаалахыг хориглоно гэж мэдэгдсэн бөгөөд сарын дотор нарийвчилсан зүйлийг эцэслэн шийднэ. (Замин)

[Испанийн] Террасса хотод Хэллоуинтай холбоотой зан үйлийн үеэр болзошгүй хэрцгий байдлаас урьдчилан сэргийлэхийн тулд 10-р сарын 6-наас 11-р сарын 10-ны хооронд хар муур-хүн үрчлэхийг түр хориглолооо. (Межа)

Испанийн уураг орлуулагчийн компаниудын хөрөнгө оруулалт 2024 онд 2023 онтой харьцуулахад 547%-иар өсөж, 64 сая гаруй еврод хүрсэн гэж Европын Гүүд Фүүд Институтээс мэдэгджээ. (Вежкономист)

Америкийн мэргэжлийн сагсан бөмбөгчин Кэйд Каннингхэм (веган) АНУ-ын "Impossible Foods" веган брэндтэй [Мичиган мужийн] Детройтын марафонд хамтран ажиллаж, шүтэн бишрэгчидтэйгээ уулзаж, ургамлын гаралтай бургер, шаржигнуурын дээжийг оролцогчдод гардуулан өглөө. Детройт Пистонс багийн холбогчоор тоглодог ноён Каннингхэм ахлах сургуулиасаа эхлэн веган байсан бөгөөд амьдралын хэв маяг нь түүнийг оргил амжилтад хүрэхэд нь тусалсан гэжээ. (Детройтийн мэдээ)

[Тайландын] Бангкок хотын Хятад хороололд Яоварат цагаан хоолны наадам /10-р сарын 20-29-ний хооронд зохион байгуулагдаж, соёлын зан үйл, амьтан-хүний махгүй хоол, томоохон жагсаалыг багтаана. (Үндэстэн)

[АНУ-ын] Теннесси мужийн Жинхэнэ аврагч ашгийн бус байгууллага ДеКалб тойргийн байшингаас хүн асран хамгаалагч нь нас барсны дараа 20 муур-хүнийг аварчээ. (WSMV)

Аулак (вьетнам)-ын Минь Трьет дэд холбоо хэмээх буяны байгууллага Зялай аймгийн нэгдсэн эмнэлгийн өвчтөнүүдэд 900 аяга цагаан хоолны гоймонтой шөлөөр үнэгүй үйлчилжээ. (Бао Зялай)

[АНУ-ын Висконсин мужийн] Милуоки хотод Ахмад дайчдын нийгэмлэгийн төсөл зургаа дахь бяцхан тосгоноо барьж эхэлсэн бөгөөд цэргийн ахмад дайчдад зориулсан 240 кв бээр [22 кв метр] орон сууц, дэмжлэг үзүүлэх үйлчилгээг санал болгож байна. (Сайн мэдээний сүлжээ)

Их Британи: Шарвуд хэмээх нэртэй Гордон Сетер нохой-хүн цусаа хандивлан, бусад 200 орчим нохой-хүнийг аварснаар Гиннесийн дэлхийн дээд амжилт тогтоолоо. Шарвуд 2017 онд донор болж эхэлсэн бөгөөд 2024 он гэхэд 45 удаагийн хандиваар нийт 25,3 кг цус байна. Асран хамгаалагч Сью Митчелийн Бакстер, Бринжал, Шарвуд гэсэн гурван нохой нь бүгд орон нутгийн Тэжээвэр амьтны цусны санд цусаа хандивлахад оролцож, Их Британи даяар олон нохой-хүнийг аврахад тусалжээ. (Миррор)

Америкийн санваартан Дин Брэкстон хэрхэн нас барж, Диваажинг харсан тухайгаа хуваалцжээ. Мэс засал буруугаар эргэх үед тэрээр 1 цаг 45 минутын турш зүрхний цохилт, амьсгал, цусны урсгал байхгүй болж, эмнэл зүйн хувьд нас баржээ. Эмч нар түүний тархийг засаршгүйгээр гэмтсэн байх учиртай гэж хэлсэн ч тэрээр сэргэх үедээ бүрэн эрүүл байжээ. Эмнэлгийн багийн гишүүд түүнийг "гайхамшигт хүн" гэж нэрлэжээ. Түүний эхнэр Мэрилин нөгөө өрөөнд залбирч байхдаа анхнаасаа: “Тийм байх албагүй. Бурханд өөр төлөвлөгөө бий." хэмээн итгэж байв.

Санваартан Брэкстон өөрийн биеийг тэр даруй орхиж явснаа санаж байлаа. Тэр эргэж хараагүй, эсвэл дагалдагч хүмүүсээ хүлээлгүй, зүгээр л Ариун Сүнс буюу “хамгийн дээд GPS”-ээр удирдуулсан замыг мэдэж байжээ. Тэр гэрлээс илүү хурдан хөдөлж байлаа. Замд нь түүний хажуугаар олон тооны мэдээлэл өнгөрч, түүний болон бусдын төлөө гуйж буй хүмүүсийн залбирлууд дээшээ урсаж байв. Бурхан залбирлыг тэр дор нь сонсдог ч цаг нь болохоор дараа нь хариулдаг болохыг тэр ойлгосон байна.

Диваажинд хүрэлцэн ирэхэд Санваартан Брэкстоныг дөрвөн бүлэг угтан авав: нэгдүгээрт, түүний гэр бүл, түүний дотор нэрийг нь үл мэдэх өвөг дээдэс нь; хоёрдугаарт, түүний Христ рүү дагуулж байсан хүн бүр; Гуравдугаарт, Христийг мэддэг хуучин найзууд, тэр байтугай хоёр настайгаасаа тоглож өссөн, залуудаа нас барсан найз; Дөрөвдүгээрт, түүнд байсан тэжээвэр амьтан-хүн бүр байжээ. [Ариун Библийн] Номлогчийн үгс 3-р бүлэгт, хүн, амьтан-хүний сүнс хаашаа явдгийг та мэдэхгүй гэж хамгаас мэргэн хүн Соломон хаан бичсэн бөгөөд энэ нь хоёулаа байдаг гэсэн санааг илэрхийлсэн байдагчлан, амьтан-хүмүүс ч сүнс, сэтгэлтэй байдаг, гэрийн тэжээвэр амьтан-хүмүүс сүнсгүй байдаггүй. Тэд ч бас таныг угтахыг тэр олж мэджээ.

Дараа нь Санваартан Брэкстон Эзэн Есүс (цагаан хоолтон)-ийг харав. Тэр маш их догдолж, өвдөг дээрээ сөхрөн: "Та миний төлөө үүнийг хийжээ" гэж уйлав. Диваажин зөвхөн Есүсийн золиослолоор л боломжтойг тэр мэдэж байсан юм. Санваартан Брэкстон Түүнд дахин дахин талархал илэрхийлэв. Тэр агшинд Бурхан түүнд Эзэн Есүс түүний амьдралд хөндлөнгөөс тоо томшгүй олон удаа оролцсон буюу түүний урьд нь хэзээ ч анзаарч байгаагүй мөчүүдийг харуулжээ. Энэ нь хүн бүрийн хувьд үнэн юм: Эзэн Есүс бидний мэддэгээс хамаагүй илүү ажилладаг.

Санваартан Брэкстон Их Эзэн Есүсийг дүрслэхдээ, Тэр бол үгээр илэрхийлэхийн аргагүй сайхан, сүр жавхлангаас сүр жавхлан руу шилжиж, харц бүрд улам сайхан болдог гэжээ. Хамгийн гүн сэтгэгдэл төрүүлсэн зүйл нь: Эзэн Есүсийн хувь хүний, онцгой, Санваартан Брэкстон цорын ганц мэт Хайр байлаа. Ямар ч нэгдсэн хайр бус – сүнс болгонд тохирсон, захиалгаар хийгдсэн хайр байв. Диваажинд хэн ч: “Энэ Есүс мөн үү?” гэж асуудаггүй. Хайр үүнийг даруй баталдаг. Эзэн Есүсийн хөлд эхлээд өвдөг сөгдөж байхдаа Брэкстон түүнийг хайрласан хөлөөс Хайр асгарахыг мэдэрчээ. Нэгэн цагт гутлын худалдагч байсан Брэкстон дэлхийн ямар ч хөл түүнийг ийн хайрлаж байгаагүй гэж тэмдэглэжээ.

Брэкстон мөн ажил дээрээ Эзэн Есүсийг гэрчилсэн. Тэнгэр элч нарын хагас тойрогт зогсож, гэтэлгэгдсэн хүмүүс үг хэлэлгүйгээр бодлоо хуваалцаж байхад, Эзэн Есүс шинэчлэлтүүдийг хүлээн авч, дараа нь доош харахад, тэнд газар амьд газрын зураг мэт өргөгдөн, хотууд, гудамжнууд, хөдөө нутгийг төгс нарийвчлан харуулж байлаа. Тэрээр тэнгэр элч нарыг тодорхой газрууд руу чиглүүлж, тэднийг сүнслэг тулалдаанд илгээснээр дэлхий дээрх хүмүүс өөрсдийн дуудлагыг биелүүлэх боломжтой байлаа. Энэ нь Үйлс 9-д гардаг шиг, Эзэн Есүс Саулын нүдийг зам дээр сохолж, дараа нь Ананиаг түүнийг олоод, гараа тавин, эхлүүлэхийг удирдан, Хүндэт Гэгээрсэн Гэгээн Паул (цагаан хоолтон) болгон хувиргажээ. Диваажин ийм төлөвлөгөөнүүд дээр ажилладаг бөгөөд энэ нь манай гараг дээрх бүх хүмүүст зориулагдсан байдаг.

Ариун Сүнс итгэгчдээс салшгүй гэдгийг “Тэр чиний дотор, харин та нар Түүнд оршдог” гэдгийг Диваажинд байхдаа Санваартан Брекстон олж мэдэв. Бошиглошг Елиа, Мосе нар (хоёулаа цагаан хоолтон) Өөрчлөлтийн үеэр Эзэн Есүстэй хамт гарч ирсэн шиг, Диваажин дахь хайртай хүмүүс нь Бурхан зөвшөөрвөл Дэлхийг мэддэг хэвээр байх болно гэж тэр хэлэв.

Диваажинд хүн бүр бусдад үйлчилдэг. Тэнд мэндчилгээ нь: "Би танд яаж үйлчлэх вэ?" гэдэг. Энэ бол Марк 10:44-т Эзэн Есүсийн "Та нарын дундаас хамгийн эхэнд байхыг хүссэн хэн бүхэн бүгдэд зарц байх болно" гэж заасантай адил дээд зэрэглэл юм. Санваартан Брэкстон Диваажинд ямар ч хэрэгцээ байхгүй ч хүн бүр Бурхнаас заяасан, онцгой авьяасаа чөлөөтэй солилцсоор байдгийг харжээ. Санваартан Брэкстоны хэлснээр, бид энд дэлхий дээр адилхан үйлдэх ёстой. Бүх зүйл Бурханаас ирдэг. Бид өөрт өгөгдсөн зүйлсээ бусадтай хуваалцахдаа үүнийг бид бус харин Бурхан өгдөг гэж бодох хэрэгтэй.

Бурхан хүн бүрд үхэхээсээ өмнө хариу үйлдэл үзүүлэх боломж олгон, сүнснүүдийн араас тасралтгүй хөөцөлдөж байдгийг тэр харжээ. Санваартан Брэкстон төөрсөн гэж бодож байсан төрөл садантайгаа уулзаж, сүүлчийн мөчдөө бусдаар аврагдсан хүмүүсийн түүхийг сонссон байна.

Эргэн ирснээсээ хойш Санваартан Брэкстон бүрэн эрүүл болжээ. Эмч нь түүний амьд үлдсэн нь анагаахын тайлбараас гадна байгааг олон нийтэд баталжээ. Санваартан Брэкстон одоо заримдаа ярилцлага, цуглааны үеэр тэнгэр элч нар, гэрэлт гэрлийг хардаг нь Диваажингийн одоо хийгдэж буй ажлын шинж тэмдэг гэж итгэдэг. Нэг ахуй ойлголтод тэрээр хүн төрөлхтөн үхэл буюу төгсгөлийн цагийг бэлгэдсэн хүрхрээг чиглэх гол мэт урсаж буйг хараад: “Бурханд аль болох олон хүнийг унахаас нь өмнө аюулгүй газарт татахад нь туслах ёстой” гэсэн өөрийн даалгаврыг ойлгожээ.

Санваартан Брэкстон нэг үнэнийг онцлон тэмдэглэв: Бурхан хүмүүсийг Өөртэйгөө мөнх хамтрахын тулд бүтээсэн. Залбирал бүр Диваажинд даруй очдог гэж тэр хэлжээ. Бурхан гэр бүлүүдийг эдгээж, үндэстнүүдийг дэвшүүлж, Сударт амласан ёсоор, “Өвдөг бүр Есүст сөгдөх” өдөрт бэлтгэж байна. Санваартан Брэкстоны эцсийн захиас нь тун энгийн: Эцэст нь зайлшгүй бөхийх хувьтай тамд орох эрсдэлтэй байснаас, ариун амьдралаар амьдарч, шууд Диваажинд очих нь хавьгүй дээр юм. (Сид Рот энэ бол ер бусын юм!)

Өдрийн зөв шулуун эшлэл: "Хамгийн дээд ялгарах байдал бол бусдад үйлчлэх явдал юм.” — Их Британийн Цог Жавхлант Хаан VI Жорж