ӨДӨР ТУТМЫН МЭДЭЭ-ний гол тойм – 2025 оны 8-р сарын 27

АНУ-ын Ерөнхийлөгч Трамп энэ сарын эхээр байгуулсан Армени–Азербайжаны энхийн гэрээгээр Ираны эсрэг томоохон цохилт өглөө. Тэрээр тус гэрээгээр Ираны хил орчимд байрлах чухал худалдааны зам болох Занзегурын коридорыг АНУ-ын хяналтад авчээ. Иран-Америкийн сэтгүүлч Банафше Занд үүнийг АНУ-д зориулсан “том ялалт”, харин Иранд өгсөн “чанга алгадалт” хэмээн нэрлэж, цаашид Иран болон Оросыг шахалтад оруулах АНУ-ын цэргийн баазууд бий болох магадлалтай гэж таамаглав. (Нью-Йорк Пост)

АНУ-ын цэргүүд ерөнхийлөгч Трампын терроризмын эсрэг стратегийн нэг хэсэг Сирийн хойд хэсэгт ISIS [Исламын улс] бүлэглэлийн томоохон удирдагч, санхүүчийг устгалаа. (АНУ-ын Төрийн департамент)

[АНУ-ын] Нью-Йорк хотноо НҮБ-ын Аюулгүйн зөвлөлд Ливийн энх тайвны замын зураглалыг танилцуулснаас хэдхэн цагийн дараа Ливийн нийслэл Триполи дахь НҮБ-ын байр руу халдах төлөвлөгөөг таслан зогсоов. (VTV.vn)

АНУ-ын Ерөнхийлөгч Трамп хэрэв Путин төлөвлөсөн энхийн хэлэлцээрт оролцохгүй бол Оросын эсрэг өндөр татвар татвар ногдуулна гэж сүрдүүлээд, Украин (Урейн)-ы нутагт байрлах АНУ-ын эзэмшлийн электроникийн үйлдвэрт Оросын хийсэн цохилтыг шүүмжиллээ. (Нью-Йорк Пост)

Канадын Ерөнхий сайд Марк Карни Ерөнхийлөгч Трамптай хэлэлцээ хийсний дараа АНУ-ын импортын бараанд ногдуулах 20 тэрбум ам.долларын татварыг цуцалж, худалдааны хурцадмал байдлыг намжаав. (Нью-Йорк Пост)

Саудын Араб АНУ-тай харилцаагаа бэхжүүлэх зорилгоор Төрийн түншлэлийн хөтөлбөрт нэгдлээ. Одоогоор тус хөтөлбөрт 115 улс багтан, АНУ-ын Үндэсний гвардийн анги нэгтгэлтэй хамтран цэргийн сургуулилт хийж, кибер төслүүд хэрэгжүүлдэг юм. (АНУ-ын Батлан Хамгаалах Яам)

АНУ-ын Үндэсний гвард 8-р сараас 11-р сарын дунд хүртэл 19 мужид дайчлагдан, Ерөнхийлөгч Трампын хууль бус цагаачлал, гэмт хэргийн эсрэг тэмцэлд дэмжлэг үзүүлэхээр болжээ. (Фокс Ньюс)

АНУ-ын хагас дамжуулагч үйлдвэрлэгч Intel компанийн хувьцааны үнэ Ерөнхийлөгч Трамп АНУ тус компанид дэмжлэг үзүүлэх зорилгоор 10%-ийн хувьцааг нь авахаа зарласны дараа өсөв. Ерөнхийлөгч Америкийн технологийн манлайллыг баталгаажуулах шаардлагатайг онцлоод, үйлдвэрлэлээ гадаад руу шилжүүлснээр хоцрогдсон хэмээн Intel-ийг шүүмжилжээ. (Нью-Йорк Пост)

Бэлгийн хүчирхийллийн гэмт хэрэгтэн Жеффри Эпштейнтэй холбоотой, бэлгийн хүчирхийллийн гэмт хэрэг үйлдсэн Гислейн Максвелл Ерөнхийлөгчийг хэвлэл мэдээллийн хэрэгслээр ор үндэсгүй буруутгаж байгаагийн эсрэг Ерөнхийлөгч Трампыг “ямар нэгэн зохисгүй орчинд” хэзээ ч хараагүй гэж мэдэгдэв. (Фокс Ньюс)

[АНУ-ын] Кентакки муж сэтгэцийн эрүүл мэндтэй холбоотойгоор сургуулиудад утас хэрэглэхийг хориглож, хичээлийн үеэр төхөөрөмж ашиглахыг хязгаарласан АНУ-ын 30 гаруй мужтай нэгдсэн байна. (VTV.vn)

АНУ-ын Ерөнхийлөгч Трампын засаг захиргаа 25% ба түүнээс дээш испани гаралтай оюутнуудтай коллежуудад зориулсан холбооны санхүүжилтийг хамгаалахгүй гэж мэдэгдэв. Учир нь уг хөтөлбөр нь үндэстний ялгаанд тулгуурласан давуу тал олгодог тул Үндсэн хууль зөрчиж байна гэж үзжээ. (Нью-Йорк Пост)

[Ау Лак (Вьетнам)]-ын Хошиминд эрх баригчид оршин суугчдыг залилан мэхлэх зорилгоор хуурамч гар утасны цамхаг ашиглан банк болон шуудангийн нэрийн дор хуурамч мессеж илгээж байсан дотоод, гадаадын иргэдийг илрүүлэв. (ВнЭкономи)

Хятадын Шар мөрөн дээгүүр баригдаж байсан гүүр ган татлагын эвдрэлээс болж нуран унаж, дор хаяж 12 хүн нас барж, 4 хүн сураггүй алга болжээ. (Бао Лао Дон)

Каспийн тэнгис хурдацтай татарч, далайн боомт, газрын тосны тээвэрлэлт саатан, нэн ховордсон хилэм загас-, далайн хав-хүмүүс зэрэгт заналхийлж байгааг Азербайжан улс анхаарууллаа. (Ройтерс)

Энэтхэгийн шилдэг эмч нар зүрхний өвчин, чихрийн шижин зэрэг амьдралын хэв маягийн өвчлөл нэмэгдэж буй нь тус улсыг урьдчилан сэргийлэх боломжтой эрүүл мэндийн томоохон хямрал руу түлхэж байгааг анхааруулав. (Press Trust of India)

[Балбын] Навалпур: Тавин хоёр настай эрэгтэй Японы энцефалит [тархины хаван] өвчнөөр нас баржээ. Шумуулын улирал дэгдэлтийн ноцтой эрсдэлийг нэмэгдүүлж буй тул наад зах нь зургаан хүн халдвар авсан байна. (Катманду Пост)

Филиппиний Эрүүл мэндийн газар 2025 онд гар хөл, амны өвчний 37,000 гаруй тохиолдол бүртгэгдсэн бөгөөд гол төлөв 1-ээс 3 хүртэлх насны хүүхдүүд өртөж буйг мэдээлэв. (GMA Network)

Дэлхийн Эрүүл Мэндийн Байгууллага [ДЭМБ] үерийн улмаас 9 хүн амиа алдаж, дэгдэлтийн эрсдэлийг нэмэгдүүлсний дараа [Кэйп Верде дэх] Сао Висенте аралд өвчнийг яаралтай хянахыг уриаллаа. (Chinaview.cn)

Антарктидын ойролцоох Дрейкийн гарцад 7.5 баллын хүчтэй газар хөдөлж, Чилид цунамийн аюулыг сэрэмжлүүлэв. (Ройтерс)

Энэтхэг, Мьянмарын хил дээр 5.6 баллын хүчтэй газар хөдлөлт болжээ. (Ройтерс)

Мэргэжилтнүүдийн үзэж байгаагаар кажики хар салхи маш ховор тохиолдол бөгөөд Өмнөд Хятадын тэнгис дээр шууд үүсэж, маш хүчтэй салхи, түргэн хөдөлгөөнөөр тодорхойлогдож байна. Энэ нь доксури хар салхинаас хүчтэй салхилж, хур тунадасны хэмжээ 700 мм-ээс даван, Ау Лак (Вьетнам)-ын төв хэсэгт заналхийлж байна. (ВьетНамНэт)

Эрин хар салхины улмаас их хэмжээний бороо орсны дараа [АНУ-ын] Чарлстон хот болон зүүн өмнөд эрэгт үер бууж байгаа тул үерийн аюул үргэлжилж байгааг албаныхан анхааруулж байна. (Фоксын цаг агаар)

[Энэтхэгийн] Жамму ба Кашмир: Катуа дахь цэцэрлэгт хүрээлэнгийн ойролцоо нэг машин үерт хамагдсаны улмаас үүссэн хөрсний гулгалтад 1 хүн нас барж, 2 хүн гэмтэж бэртжээ. (Хиндустан Таймс)

Португал: Салхины улмаас гал сөнөөгчийн машин галаар бүслэгдэн дүрэлзэж, нэг гал сөнөөгч түлэгдсэн байна. Үүний улмаас багийнхан амиа аврахын тулд орхин зугтахаас өөр аргагүй болжээ. Энэ нь уур амьсгалын өөрчлөлтөөс үүдэлтэй гамшгийн аюул улам нэмэгдэж буйг харуулж байна. (Ройтерс)

Нэгдсэн Үндэстний Байгууллагаас ажилчдаа дулаарч буй дэлхий дээрх халууны стрессээс хамгаалахын тулд яаралтай арга хэмжээ авах шаардлагатайг анхааруулж байна. (Ройтерс)

Их Британийн София салхин цахилгаан станц далайд дахин боловсруулах боломжтой 75 роторын далавч суурилуулсан нь цэвэр, дугуй салхины эрчим хүчний дизайн руу чиглэсэн Европын хамгийн том алхам боллоо. (Сонирхолтой инженерчлэл)

Германы эрдэмтдийн хэлснээр Сугар, Дэлхий, Бархасбадь гаргуудын татах хүч Нарны соронзон орныг “зүрхний хэмнэл тогтоогч” шиг тогтворжуулж, төстэй ододтой харьцуулахад Нарыг илүү тайван байлгасны үр дүнд нарны шуурганы асар их эрсдэлийг бууруулдаг ажээ. Нар 11 жилийн мөчлөгийнхөө оргил үед байгаа хэдий ч хамгийн хүчтэй дэлбэрэлтүүд нь ижил төстэй оддынхоос 10-100 дахин сул хэвээр байгаа нь дэлхий дээрх амьдралыг дэмжсэн тогтвортой орчныг бүрдүүлж байна. (Space.com)

[АНУ-ын Нью Жерси мужийн] Филипсбург дээгүүр нэгэн ҮМНБ [үл мэдэгдэх нисдэг биет] тод, чиглэсэн туяа цацруулж, тогтворгүй хөдөлгөөн хийж байгаа нь ажиглагдсан нь энгийн дронд байдаггүй дэвшилтэт технологийн шинжийг харуулж байна. (Хачин тэнгэр)

Цацагдсан нэгэн бичлэгт 1 настай бяцхан хүүхэд “үл үзэгдэгч оршихуй”-тай тоглож байгаа мэт харагдаж, бүр гижигдүүлж байгаа юм шиг хариу үйлдэл үзүүлж буй нь дүрслэгджээ. Энэ нь хүүхдүүд насанд хүрэгчдийн харж чадахгүй зүйлийг харж мэдэрч чаддаг байх магадлалтай гэсэн таамгийг төрүүлэв. (Бань Ко Зам Сэм)

ProVeg Czechia хэмээх ашгийн бус веган байгууллага чех эмч нарт ургамлын гаралтай хооллолт зүрхний өвчин, чихрийн шижин, хорт хавдар зэрэг томоохон өвчнийг эмчлэхэд хэрхэн тусалдаг тухай шинэ сургалтыг эхлүүллээ. (Vegconomist)

Дэлхийн хүн амын 25 орчим хувь нь эрүүл мэнд, байгаль орчны шалтгаанаар амьтан-хүний махыг бага иддэг бөгөөд 5 хүн тутмын нэг нь амьтан-хүний мах огт хэрэглэдэггүй нь амттай, байгалийн гаралтай ургамлын уургийн эрэлтийг нэмэгдүүлж байна. (Ургамлын гаралтай мэдээ)

[Ау Лак (Вьетнам)-ын] Дон Наи: Бэү Ти Диень, Трань Ти Түи хэмээх хоёр төмөр замын хамгаалагч төмөр зам дээр унасан өсвөр насны хүүхдийг аврахын тулд галт тэргийг яг цагт нь зогсоожээ. (Дань Три)

АНУ-ын үсчин Бералдо Габалдон 15 жил архи, хар тамхинд донтож, гарсныхаа дараа өдөр бүр дөрвөн цагийг Лос Анжелес хот дахь орон гэргүй хүмүүсийн үсийг үнэгүй засахад зориулж байна. (Ройтерс)

Энэтхэгийн Дээд шүүх Дели хотын вакцинжуулсан, ариутгал хийсэн гудамжны нохой-хүмүүсийг амьдардаг газар руу нь буцаах шийдвэр гаргалаа. Энэ нь гудамжны нохой-хүмүүсийг нүүлгэн шилжүүлэхийг шаардсан өмнөх бүх шийдвэрийг хүчингүй болгож буй хэрэг юм. Мөн амьтан-хүн ба хүний аль алиных нь сайн сайхныг тэнцвэржүүлсэн үндэсний түвшний гудамжны нохой-хүмүүсийн менежментийн бодлого боловсруулахыг уриалав. (IG Wild beim Wild)

Их Британийн Далайн аврах ангийн шумбагчид болон Корнуолл дахь нутгийн иргэд голын шаварт гацсан далайн гахай-хүнийг хийлдэг гудас, хөнгөн завь ашиглан суллажээ. (Мэдэх хэрэгтэй)

Швейцарын нэгэн гэр бүлийн дарвуулт онгоц Өмнөд Африкт живсний дараа тэдний хамтрагч Ачи хэмээх нохой олон нийтийн дэмжлэг, 3000 хүний гарын үсэг цуглуулсан өргөдлийн ачаар өвдөлтгүй унтуулах явдлаас аврагдлаа. (Good Things Guy)

[АНУ-ын] Нью-Жерсийн эрх баригчид хоол тэжээлийн дутагдалд орсон 45 муур-, нохой-хүнийг нэгэн эдлэнгээс аварчээ. Олонх нь асрах газарт тэнхэрч байна. (Мэдээ 12)

Сатаныг шүтэгчдийн гишүүн асан Дэйли Варгас клиник үхэлд орж, тамд тарчлан, түүнийг Есүс Христ (цагаан хоолтон) аварсан тухай өгүүлжээ.

Дэйли олон жил хүчирхийлэлд өртөж, сатаныг шүтэгчид, католик шашинтнууд, агностик болон бурхангүй үзэлтнүүдийн дунд салсан гэр бүлд өссөн байна. Католик шашны нэгэн санваартан түүнийг мөн харгис хэрцгийгээр хүчирхийлж, Бурханд уурлах хилэнг нь улам нэмэгдүүлжээ.

Дэйли хүүхэд байхдаа ер бусын үйл явдлуудыг туулсан юм. Нэгэн удаа хүчирхийлэлд өртөж, нүхэнд гацсан тэрээр Бурханы тэнгэрийн элч нараас өөрийг нь аврахыг гуйн залбирч, санаанд оромгүй байдлаар аврагдсан байна. Есөн настайдаа өөр охинтой хамт хулгайлагджээ. Салахаас өмнө тэр охин үнэн сэтгэлээсээ залбирав. Дэйли хотдоо буцаж ирсэн боловч нөгөө охин нь үүрд алга болсон байна. Хожим нь 14 тохой [4.2 метр] өндөр гүүрнээс амиа хорлохыг завдахад тод дуу хоолой “үгүй” гэж хэлсэн бөгөөд юүдэнтэй цамц нь мөчирт тээглэн амийг нь аварчээ. Энэ хоолой түүнийг аюулгүй газар хүргэж, Дэйли уурлаж байсан ч Бурхан түүнд санаа тавьдаг эсэхийг эргэцүүлэн бодов.

Өсвөр насандаа Дэйли сатаны шүтлэгт орсон байна. Тэрээр нэг удаа “эдгээх” үйлдлийг харсан нь түүнд буруу мэт санагджээ. Дараа нь сүмийн нэг гишүүн ямар нэг зүйл сонссон аутизмтай залууг санаатайгаар алахыг харсан нь сүмийн аюултай хүчийг түүнд ойлгуулсан байна. Дэйли өөрийгөө хянахын тулд хар тамхины наймаанд оролцсон боловч гэмшил, цөхрөлд автжээ.

Арван зургаан настайдаа үеэлтэйгээ дурамжхан хар тамхи хэрэглэсний дараа тэр зүрхээ муудаж байгааг мэдрэв. Гэр нь эргэлдэн, тэр орон дээрээ унаж, бүх зүйл харанхуйллаа.

Дэйли гэрэлтэх хавтан, тааламжтай агаар, асар өндөр шатнууд бүхий гэгээтэй, хэлэхийн аргагүй сайхан үүдний өрөөнд сэржээ. Тэрээр алсад цагаан үстэй, гялалзсан нөмрөг нөмөрсөн, нүүр царай нь гэрэлтсэн гэрлээр бүрхэгдсэн сүрлэг дүрийг олж харав. Хэт их догдолж, тэр тэнд үүрд сөхрөхийг хүсэж гэнэ. Шатаар өгсөхийг хүссэн тул тэр айдастайгаа алхаж, дээд талд нь очин, тэнд Эзэн Есүс Христтэй уулзжээ.

Тэрээр Түүнийг нөмрөг, сахал, ​​нүдээр нь таньсан бөгөөд Түүний нүд бүх өнгийг агуулж байсан нь хүн бүр Түүний нэг хэсгийг авч явдаг болохыг харуулна. Эзэн Есүс Дэйлийн хорсол, уучлахгүй байгаатай нүүр тулж, түүний сонголтууд яагаад уур хилэн, айдсаас үүдэлтэйг, ялангуяа сатаныг дагасан нь хорсол занал, өширхлөөс болсныг нь тод харуулсан байна.

Дараа нь хар ангал руу хаалга нээгдэв. Эзэн Есүс уйлж, түүнд сонголт хийх замыг нь зааж өгчээ: Түүнийг үгүйсгэх нь харанхуй руу унана гэсэн үг юм. Дэйлигээс шийдвэрээ буцаахыг гуйв. Есүс түүний хацрыг үнсэн, зүрх нь шархалж, татгалзсан нь дэндүү их зовлонтой гэж хэлээд хаалгыг хаалаа.

Гэнэтхэн костюм өмссөн нэгэн царайлаг эр гарч ирсэн нь “люцифер” байлаа. Тэр хуурмаг байдлаа цацруулж байв. Тэр түүнийг хүхэр, цусны өмхий үнэрээр дүүрэн агуйд оруулжээ. Түүнийг тамын түвшинд уруудан уруудах үед тахийж мурийсан мөчтэй, урт хумстай гартай хачин эв хавгүй төрөлтнүүд түүн рүү дайран, тасчин хэмлэж байлаа. Тэрээр галд бүрэн автсан, эцэс төгсгөлгүй ажиллангаа хашхирч буй эр, мөн улайссан халуун галаар дүүрсэн асар том тогоон хонхорт зомби мэт сая сая хүмүүс өөрсдөө шидэгдэж орон шатаж, дахин гарч ирээд дахин үсэрч байгааг харав. Сатан зовлон зүдгүүрээс улам хүчирхэгжиж, үүнээс зугтах арга байхгүй гэж сайрхаж байлаа.

Хэдэн зуун мянган чөтгөр шоолон инээж, Дэйли айдаст автан, сөхрөн унажээ. Тэр анх удаа “Есүс минь, надад туслаач.” гэж чин сэтгэлээсээ хашхирав. Тэнгэр баганадсан барилга шиг асар том гар тэр даруй харанхуйг нэвтлэн, тэдгээр төрөлтнийг тарааж, түүнийг аюулгүй газарт өргөн аваачжээ.

Дэйли орондоо сэрээд түүний өмнө Эзэн Есүс зогсож байхыг харав. Тэрээр эхлээд библийн хэл шиг сонсогдох үгээр ярьсан бөгөөд Дэйли тэр үгийг өөрийн мэдэлгүй давтаж байлаа. Тэгээд англиар “Наманчлагтун, намайг дага. Би чамд хайртай. Найзууддаа хэлээрэй.” гэв. Тэр хацар дээр нь үнсээд алга болсон байна.

Үүний дараа Дэйли Библи барьж эхэлсэн нь нутгийнхаа хүмүүсийг гайхшируулжээ. Жирэмсний хямралын төвд грек, еврей, араб хэл мэддэг Фло гэх эмэгтэй Эзэн Есүсийн өмнөх үгсийг орчуулсан: “Намайг дага, наманчил, би чамайг уучилна. Би чамд хайртай. Амар амгалан байгаарай (Шалом) Хожим нь Дэйли Шалом нэртэй хөгжлийн бэрхшээлтэй охинтой тааралдсан бөгөөд тэрээр ихэвчлэн гэнэт “Есүс чамд хайртай!” гэж хэлдэг байсан нь Дэйлид тохиолдсон явдлын баталгаа юм.

Хэдэн жилийн дараа Дэйли [АНУ-ын] Луизиана мужид Христэд итгэгчдийн дүрд хувирсан ч сатанизмтай холбоотой өөр нэг хуурамч бүлэгтэй таарчээ. Түүний итгэл сорилттой тулгарсан ч тэрээр үзэн ядалтыг эдгээж, уучлах хүчийг өгсөн Эзэн Есүсийн хайр, золиослолд наалдсан юм. Өнөөдөр Дэйли өөрийн үзэж харсан зүйлийг буюу Эзэн Есүсийн хайр тамын галаас ч гэсэн гэтэлгэж, аварч чадна гэдгийг хуваалцахад амьдралаа зориулж байна. (Рэнди Кэй)

Энэ өдрийн өөрийгөө ухаарах эшлэл: “Бясалгал гэж юу вэ? Сүнстэйгээ нэг цул болохыг хэлнэ. Энэ нь өөрийгөө зөвхөн бие махбод, хүний хязгаарлалтаас хамааралтай гэсэн ухамсраас ангижруулж, өөрийгөө сүнс гэдгийг санахыг хичээх явдал юм. Бясалгал нь Бурханы оршихуйг батлан харуулдаг.” — Хүндлэгдсэн Гэгээрсэн Их Багш Парамаханса Йогананда (цагаан хоолтон)