ӨДӨР ТУТМЫН МЭДЭЭ-ний гол тойм – 2025 оны 8-р сарын 8

Төгс Гэгээрсэн Их Багш Чин Хай (веган)-н айлдсан яаралтай захиас: “Хэрвээ та Нарны тэсрэлтийн үеэр гэнэт өвдөлт мэдэрвэл цахилгаан төхөөрөмжүүдийг хэрэглэхээ зогсоож, шууд холдоорой, учир нь тэр өвдөлт биеийн бусад хэсэгт хурдан тархаж болзошгүй юм. Та тэр газрыг орхисны дараа өвдөлт тэр дороо зогсох болно. Хэсэг хугацааны дараа эргэж ирэхэд өвдөлт мэдрэгдэхгүй бол үргэлжлүүлж болно... Энэ нь надад тохиолдсон бөгөөд холдох нь өвдөлтийг зогсооход тусалсан ... Та бүхнийг Диваажингууд хамгаалах болтугай.”

Ерөнхийлөгч Трамп цагаачдын халдлагыг зогсоон, гэмт хэрэг үйлдсэн хууль бус цагаачдыг албадан гаргана гэсэн амлалтаа биелүүлснээр АНУ сүүлийн тавин жилийн хугацаанд анх удаа цагаачлал цэвэр болох [орж ирж буй хүмүүсээс олон хүн гарах] замдаа орж байна гэж CNN мэдээлэв. (WhiteHouse.gov)

CNN-ийн мэдээний шинжээч Харри Энтен Ерөнхийлөгч Трампыг “энэ зууны хамгийн нөлөө бүхий Ерөнхийлөгч бөгөөд магадгүй өнгөрсөн зууны ихэнх хугацаанд ч Түүний нөлөөтэй харьцуулах хүн үгүй” гэж нэрлэжээ. (WhiteHouse.gov)

Ерөнхийлөгч Трамп америкчуудад дэлхийд хамгийн хямд үнээр жороор олгодог эм авах боломжийг олгох зорилгоор эмийн тэргүүлэх үйлдвэрлэгч нарт дараах арга хэмжээг авахыг мэдэгдлээ. Үүнд: + Ядууст зориулсан үнэ төлбөргүй эмнэлгийн тусламж авах өвчтөн бүрийг бусад өндөр хөгжилтэй орнуудад байдаг хамгийн хямд эмийн үнээр хангах. + Бусад өндөр хөгжилтэй орнуудад шинэ эмийг АНУ-д санал болгож буй үнээс илүү хямд үнээр санал болгохыг хориглох. + Өндөр хөгжилтэй орнуудын үнээс өндөр биш бол зуучлагчдаар дамжуулалгүй өвчтөнүүдэд шууд зарах. + АНУ-ын худалдааны бодлогын тусламжтайгаар нэмэлт орлогыг америкчуудын зардлыг бууруулахад дахин хөрөнгө оруулах тохиолдолд олон улсын эмийн үнийг өсгөх. (WhiteHouse.gov)

Ерөнхийлөгч Трамп дэлхий даяарх бүх арилжааны тээвэрлэлтэд хамаарах 800 ам.доллароос доош үнэтэй импортын барааг татваргүйгээр оруулж ирэх боломж олгодог “de minimis” хэмээх гаалийн татварын чөлөөлөлтийг түр зогсоов. Энэхүү арга хэмжээ нь тарифаас зайлсхийх, фентанил эм, хуурамч бүтээгдэхүүн, хямд хортой барааг хууль бусаар хил нэвтрүүлдэг цоорхойг арилгах замаар АНУ-ын үндэсний аюулгүй байдал, эдийн засгийг хамгаалах зорилготой юм. 2024 оны санхүүгийн жилд ийм тээвэрлэлт нь хураагдсан нийт ачааны 90%-ийг, тэр дундаа мансуурах бодисын 98%-ийг, хуурамч бүтээгдэхүүний 97%-ийг эзэлжээ. (WhiteHouse.gov)

АНУ-ын Ерөнхийлөгч Трамп Чак Шумер тэргүүтэй Сенат дахь Ардчилсан намын гишүүдийг Өөрийнх нь нэр дэвшүүлсэн 150 гаруй хүнийг батлахыг зориуд удаашруулж, улс төрийн төслүүддээ мөнгө гаргуулахыг зорьж байна гэж буруутган, Бүгд найрамдах намынхан үүнийг “улс төрийн дарамт шахалт” гэж нэрлэн шүүмжиллээ. (Фокс Ньюс)

[Ау Лак (Вьетнам)-ын] Хошиминд цагдаа нар онлайн хулгайн луйврын хэрэгт хууртагдсан хоёр эрэгтэй оюутныг аварчээ. Хохирогчдыг зочид буудал зэрэг газар руу дуудан, гадаадад тэтгэлэгт хамруулна гэх мэт хуурамч амлалт өгч, онлайнаар мөнгө илгээхийг шаарддаг залилангийн хэрэг нэмэгдэж буйг мэргэжилтнүүд анхаарууллаа. (VOV.vn)

[Ау Лак (Вьетнам)-ын] Ханой: 18 настай залуу найзтайгаа гар барилдаан хийж байгаад гараа хугалжээ. Эмч нар гар барилдаан нь гар хугарах, мөр мултрах, түр зуурын саажилт үүсэх зэрэг ноцтой гэмтэл учруулж болзошгүйг анхааруулж байна. (Түөи Трэ)

[Ау Лак (Вьетнам)-ын] Хошимин: Эхнэр нь “тархины цус харвалтыг эмчлэх” гэж цахим ертөнцөөс харсан аргаараа хурууны өндгийг нь оёдлын зүүгээр хатгасны улмаас нэгэн эрэгтэйн биеийн байдал маш хүнд байна. Эмч нар ийм төрлийн ардын уламжлалт арга хэрэглэхгүй байхыг сэрэмжлүүлж, цус харвасан хүмүүсийг хажуу тийш нь харуулан хэвтүүлж, толгойг нь 30-40 градусаар дээшлүүлэн, хувцсыг нь суллаж, хамгийн ойрын эмнэлэгт яаралтай хүргэхийг зөвлөв. (ВнЭкспресс)

Франц улс үхрийн арьсны бөөгнөрөл хэмээх вируст өвчний хурдацтай тархалтын эсрэг тэмцэж байгаа ба бяслаг үйлдвэрлэдэг бүс нутагт 50 гаруй дэгдэлт бүртгэгджээ. (Ройтерс)

[Ау Лак (Вьетнам)-ын] Дон Наид он гарснаас хойш денге өвчний 9,000 тохиолдол бүртгэгдэж, дэгдэлтийн талаар сэрэмжлүүлэг хүргээд байна. (Вьетнам өдөр тутам)

Пакистанд дараалан газар хөдлөлт болж, Исламабад, Пенжаб болон бусад газруудад чичирхийлэв. (VOV.vn)

Судан: Үер 21 бүс нутагт нөлөөлж, эрүүл мэндийн тогтолцоо нурсан энэ үед халдварт өвчний аюул нэмэгдэж байна. (Судан Трибуне)

Тайвань (Формоса): Өнгөрсөн долоо хоногт орсон аадар борооны улмаас дор хаяж дөрвөн хүн амиа алдаж, 6000 орчим хүнийг нүүлгэн шилжүүлэхээс өөр аргагүйд хүрлээ. (Phys.org)

Итали: Ром хотоос баруун тийш 30 км-ийн зайд орших Маккарезе далайн эрэг дээр гэнэт хүчтэй усан хуй гарч ирэн, бүх зүйлийг хийсгэж, жуулчдыг зугтахад хүргэв. (Kenh14.vn)

Португал, Испани улсууд шинэ халууны долгионд бэлдэж байна. Энэ нь 8-р сарын 10 хүртэл үргэлжилж, агаарын хэм хэвийн хэмжээнээс 5-10ºС-ээр нэмэгдэн, ой хээрийн түймрийн эрсдэлийг нэмэгдүүлж болзошгүй байгаа ажээ. (baotintuc.vn)

Канадын ой хээрийн түймрээс үүдэлтэй утаа Америкийн баруун төв хэсгийн томоохон бүсэд эрүүл бус агаарыг гурав дахь өдрөө дараалан авчирч байна. (AP)

[Японы] Кобегийн Их Сургуулийн судалгаагаар ирээдүйг төсөөлөхөд өөдрөг үзэлтнүүдийн тархины үйл ажиллагааны хэв маяг маш төстэй байдаг бол гутранги үзэлтнүүдийнх илүү олон янз, хувь хүний онцлогтой хэв загвартай байдгийг тогтоожээ. Энэ нь өөдрөг үзэлтнүүд яагаад нийгмийн орчинд бусадтай илүү амархан холбогддогийг тайлбарлахад туслах магадлалтай. (SciTechDaily)

[АНУ-ын] Харвардын Их Сургуулийн эрдэмтэд квант компьютерт зориулсан маш нимгэн гадаргуутай материал боловсруулжээ. Энэ шинэ гадаргуу нь уламжлалт томоохон бүрэлдэхүүн хэсгүүд болох толь, гэрлийн туяаг салгах төхөөрөмжүүдийг орлож, илүү нимгэн, тогтвортой, зардал багатай квант компьютер бий болгох боломжийг нээж байна. (SciTechDaily)

Эрдэмтэд дэлхийн соронзон орон төсөөлж байснаас эрт үүссэнийг тогтоон, энэ нь анхны амьдрал үүсэх нөхцөлийг бүрдүүлсэн байж магадгүй гэж үзэж байна. Тус ололт нь бусад гараг дээр амьдрал буйг эрэлхийлэх судалгаанд тус нэмэр болох юм. (Earth.com)

Их Британи: “Анхны болзоо” киноны од Фред Сириекс хүнсний бүтээгдэхүүн үйлдвэрлэгч Boursin Plant Based компанитай хамтран веган бяслагийн сохор амталгааг зохион байгуулжээ. Англичуудын арван хүн тутмын нэгээс бага нь ялгааг олж мэдэж чадсан бөгөөд хамгийн нарийн амтлагч хүртэл тус веган бяслаг сүүгээр хийсэн бяслагтай яг адилхан харагдаж, амтагддаг гэж үзсэн байна. (Vegan Food & Living)

Филиппиний алдарт хос Маттео Гуидичелли, Сара Жеронимо хоёр Италийн I Pini хэмээх веган амралтын газарт очжээ. Тэд тус амралтын газрын тогтвортой, байгальд ээлтэй үйл ажиллагааг магтан, дөрвөн төрлийн бүрэн веган хоолыг “маш сайн” гэж хэлэв. (GMA Entertainment)

Оскарын шагналт америк жүжигчин Хоакин Финикс (веган) өөрийн веган аав Жон Ли Финиксийн тухай ярьж, гурван настайгаасаа эхэлсэн веган замналд нь нөлөөлсөн мэдрэмжтэй, бодолтой хүн хэмээн тодорхойлжээ. (Ургамлын гаралтай мэдээ)

Дэлхийн байгаль хамгаалах “Далайн хоньчин” бүлэг Грекийн хууль бус загас агнуураас олон мянган наймаалж-хүнийг аварч, Фракын тэнгис дэх хууль бус олон мянган хавхыг олж авахаар орон нутгийн эрх баригчидтай хамтран ажиллаж байна. (Грек сурвалжлагч)

Баатарлаг албаны нохой-хүн Томми өөрийн асран хамгаалагч, цэргийн ахмад Хэнк Фордыг хүнд цус харвалтаас аврав. Томми Хэнкийн зүрхний цохилт ихсэж байгааг мэдэрч, түүнийг байнга сэрээн, амин чухал үзүүлэлтүүдээ хянаж, эмнэлэг рүү явахыг шаарджээ. (Сайн мэдээний сүлжээ)

[Ау Лак (Вьетнам)-ын] Нинь Туань нэгдсэн эмнэлэг урт хугацааны эмчилгээ хийлгэж буй ядуу хүмүүсийн гэр бүлд зориулан ойролцоо газар өвчтөний үнэ төлбөргүй зочид буудал барьж байна. (Түөи Трэ)

[АНУ-ын Теннесси мужийн] Афин дахь 40 гаруй нохой-хүнийг нууцаар хадгалж байсан байдлаас аварчээ.(WDEF)

Нидерландын шүүх өмнө нь төлөвлөснөөр 2029 он хүртэл хүлээхийн оронд Велюве муж дахь чоныг нэн даруй хамгаалахыг засгийн газарт үүрэг болгосон нь зэрлэг амьтдыг хамгаалах томоохон дэвшил юм. (NL Times)

Хятадын Цилянь нурууны зэрлэг амьтан-хүмүүсийг аврах станц 2022 оноос хойш цоохор ирвэс-, цөлийн муур-хүн зэрэг 36 зүйлийн 211 амьтан-хүнийг эмчилжээ. (Борнео Пост)

[АНУ-ын Пенсильвани мужийн] Доод Бурреллд “Авралын төлөө нэгдэцгээе” арга хэмжээ тус бүс нутгийн амьтан-хүмүүсийг аврах бүлгүүдэд санхүүгийн дэмжлэг үзүүлэх, олон нийтийн анхаарлыг хандуулах зорилготойгоор болов. (TribLIVE.com)

Америкийн урлагийн профессор асан, Христийн шашны номлогч Санваартан Ховард Сторм клиник үхэлд орж там хийгээд Диваажиныг харж, тууштай шашингүй үзэлтэн байснаа итгэгч болон өөрчлөгдсөн тухайгаа өгүүлсэн байна. 1985 онд Ховард [Францын] Парист байхдаа гэдэс нь цоорч, мэс засалчгүйн улмаас арван цагийн турш өвдөж шаналжээ. Ердөө нэг цагийн настай гэхийг сонсоод эхнэртэйгээ уйлан салах ёс гүйцэтгээд ухаан алдсан байна. Үхэх гайхалтай амар амгалан мэт санагджээ.

Ховард ухаан орохдоо өөрийгөө эмнэлгийн орныхоо дэргэд зогсож буйгаар мэдэрч, урьд хожид байгаагүйгээр амьд, бүрэн эдгэрсэн мэт мэдрэмж төрөн, мэдрэхүй нь огцом хурц болсон байв. Тэрээр агаарт хөвж буй мэт санагдаж байлаа. Эхнэр нь уйлж, өөрийнх нь бие хөдөлгөөнгүй хэвтэж буйг харсан ч, үгүйсгэн, лааны тосон хүүхэлдэй байх гэж боджээ. Харилцахыг хичээсэн ч хэн ч түүнийг анзаарахгүй, харж, сонсохгүй байгааг мэдэв.

Дараа нь хонгилоос түүний нэрийг дуудсан хоолой сонсогдож гэнэ. Ховард саарал, бүдэг гэрэлтэй хонгилд ороход тэнд тод бус дүрсүүд өөрийг нь таньдаг, хүлээж байсан хэмээн хэлж, дагуулан явжээ. Тэднийг эмнэлгийн ажилтнууд гэж бодоод, харанхуй руу холын аянд даган явав. Энэ нь үзэсгэлэн, байгаль, баяр хөөр үгүй, БУРХАН-аас тусгаарлагдсан тамын орон руу хөтөлсөн байна. Тэнд олон зуун чөтгөр зугаацахын тулд Ховардыг бие, сэтгэл санааны хувьд тарчлаажээ.

Цөхрөнгөө баран, бүрэн бүтэн юмгүй болсон Ховардын дотроос нэгэн дуу залбирахыг яаруулав. Шашнаас олон жил хөндийрсөн байсан ч тэр багадаа цээжилсэн “Миний хоньчин Эзэн”, “Бидний Эцэг” гэх мэт залбирлын хэсгүүдийг санан, давтаж эхэлжээ. Чөтгөрүүд түүний залбиралд уурсаж, аажмаар холдон одсон байна. Тамын харанхуйд ганцаараа үлдсэн Ховард хувиа хичээсэн, би үзэлд хөтлөгдсөн амьдралаа эргэцүүлэн бодож, гэр бүл, оюутнууд, бусдыг орхигдуулсандаа F, D гэсэн муу оноо өгч, өөрийгөө маш хатуу дүгнэжээ.

Асар их цөхрөл дунд гэнэт Ховардын сэтгэлд багадаа дуулаад мартчихсан “Есүс намайг хайрладаг” дуу сэргэн орж иржээ. Тэрээр уйлан, “Есүс минь, намайг авраач!” хэмээн хашхирлаа. Тэр даруйд санаанд багтамгүй хурц Гэрэл гарч ирэн, Их Эзэн Есүс (цагаан хоолтон) өмнө нь илрэн, түүнийг тэврэв. Их Эзэн Есүс түүний эвдэрч хэмхэрсэн сүнсийг эдгээн, түүнийг бүх сүнсний нэгэн адил хамгийн хайртай хүн минь гэж нэрлэхэд нь хайр, баяр хөөр түүнийг бүрхжээ. Тэгээд тэд хамтдаа гайхамшигт, гялалзсан Гэрлийн Тэнгэрийн Орон руу дээш явав.

Ховард өмнө нь БУРХАН-ыг үгүйсгэж байснаасаа болж өөрийгөө Диваажинд харьяалагдахгүй гэж айж байлаа. Их Эзэн Есүс түүнд “Бид алдаа гаргадаггүй. Чи энд харьяалагддаг.” хэмээн Ховардын бүх бодлыг мэдэж байснаа харуулжээ. Тэнгэрийн элч нараар хүрээлэгдсэн Ховард амьдралынхаа голографыг эргэн харах үзлэгт орж, амьдралаа дахин харж, үг, үйлдэл нь бусдад ямар сэтгэгдэл төрүүлж байсныг мэдэрсэн байна. Тэнгэрийн элч нар түүний заль мэх, хувиа хичээсэн амьдралд уурлах бус сэтгэл дундуур буйгаа илэрхийлж, дэлхий дээрх хүн төрөлхтний зорилго бол бие биеэ хайрлах явдал гэдгийг онцлон хэлжээ. Түүний амжилт, профессор цол, шагнал, эд баялаг хайрлах сэтгэлгүй байсантай нь харьцуулахад юу ч биш байв.

Ховард Их Эзэн Есүсээс олон асуулт асууж, дараах үнэнийг мэдэж авчээ: Орчлон ертөнц ухаалаг, хайр дүүрэн төрөлтнүүдээр дүүрэн; Үр хөндүүлсэн, эсвэл амьгүй төрсөн нярай амьдралын өөр боломжийг авдаг; Хүмүүс ихэвчлэн нас барснаа мэддэггүй, харин оронд нь тайвшралыг мэдэрдэг. Амьдралаас олж мэдсэн зүйл бол хайр, эсвэл харгислал гэсэн зүрх сэтгэлдээ тээж явдаг зүйл гэдгийг Эзэн Есүс онцолсон байна. Ховард тэнд үлдэхийг гуйсан ч Их Эзэн Есүс дэлхий рүү буцаж ирэн, хувь тавилангийнхаа дагуу амьдрах ёстой гэдгийг хатуу хэлээд хэрэв эрэлхийлбэл тэрээр хайр, гоо үзэсгэлэнг олж авна гэж Тэр амлажээ.

Сэхээн амьдруулах өрөөнд буцаж очиход нь ногоон хагалгааны өмссөн нууцлаг залуу Ховардыг эдгэрэх хугацаанд хамгаалан, анхаарал тавих болно гэж амлаад алга болсон байна. Ховард сувилагчаас тэрхүү “эмч”-ийн талаар асуухад тэрээр хаалга харж байсан тул хэн ч дотогш ороогүй гэж хэлэв. Энэхүү Тэнгэрийн оршихуйтай хийсэн уулзалт нь Ховардыг шашингүй үзэлтнээс итгэл бишрэлээр удирдуулсан, хайр, итгэл найдвараар дүүрэн, мөнхийн авралын төлөө Бурханд итгэдэг хүн болгон хувиргах үйл явцыг бэхжүүлсэн юм. (Шаман Оакс)

Энэ өдрийн урам зоригтой эшлэл: “Бүгд эрх чөлөөтэй болтол хэн ч төгс эрх чөлөөтэй байж чадахгүй. Бүгд ёс суртахуунтай болтол хэн ч төгс ёс суртахуунтай байж чадахгүй. Бүгд аз жаргалтай болтол хэн ч төгс аз жаргалтай байж чадахгүй." - Герберт Спенсер