Хайх
Монгол хэл
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
Гарчиг
Тайлбар
Одоо үргэлжлүүлэн
Цааш бий
ӨДӨР ТУТМЫН МЭДЭЭ-ний гол тойм – 2026 оны 11 дүгээр сарын 20
АНУ-ын ерөнхийлөгч Дональд Трамп Иранд дахин цохилт өгөх эсэхийг хэлэлцэж буй энэ үед USS Теодор Рузвельт нисэх онгоц тээгчийн бүлэг Ойрх Дорнодод хүрэлцэн ирснээр, тус бүсэд ажиллагаа явуулж буй АНУ-ын нисэх онгоц тээгчдийн тоо 3 боллоо. Тус бүлэг Ираны усан тээврийг тэнгисийн цэргийн хүчээр бүслэх ажиллагааг дэмжин байрласан USS Жорж Х. У. Буш, USS Жорж Вашингтон хөлөгтэй нэгдэж байна. (New York Post, Associated Press)
Европын Холбооны Зөвлөл 11-р сарын 16-нд Украин (Урейн)-д бараг 8.8 тэрбум ам.долларын санхүүгийн тусламж олгохоор баталлаа. Энэ нь тус улсын сэргэлт, сэргээн босголт, шинэчлэлийг дэмжихээр 2024 онд эхлүүлсэн Европын Холбооны санхүүжилтийн хөтөлбөр болох Украины дэмжлэгийн механизмын хүрээн дэх хамгийн том нэг удаагийн төлбөр юм. Шинэчлэлийн 20 гаруй зорилтыг биелүүлсний дараа олгож буй уг санхүүжилт нь Оросын дайны үед санхүүгийн тогтвортой байдлыг хадгалах, засгийн газрын зайлшгүй хэрэгцээг хангахад зориулагдсан байна. (UNITED24 Media)
11-р сарын 17-ны үүрээр Оросын цэргийнх гэж сэжиглэж буй цэргийнх онгоц Фүкүока мужийн Окиношима арлын ойролцоо Японы агаарын орон зайд түр нэвтэрсний дараа Япон сөнөөгч онгоцнуудаа яаралтай хөөргөжээ. Японы сөнөөгч онгоцнууд радиогоор анхааруулга өгсөн бөгөөд Япон улс Орост хатуу эсэргүүцэл илэрхийлж, дахин ийм зөрчил гаргуулахгүй байх арга хэмжээ авахыг шаарджээ. (The Japan Times, Jiji Press)
Хойд Солонгос улс 11-р сарын 11-нд шинэчилсэн үндсэн хуулиа нийтэлж, Өмнөд Солонгосыг тусдаа хөрш улс хэмээн албан ёсоор тодорхойлон, эргэн нэгдэхийг дэмжсэн заалтуудыг хасжээ. Мөн уг эх бичвэрт Хойд Солонгосын удирдагч Ким Жон Уны цөмийн хүчинд тавих эрх мэдлийг, тэр дундаа цөмийн зэвсэг хэрэглэх зөвшөөрөл олгох эрхээ бусдад шилжүүлэх эрхийг бэхжүүлсэн ч Өмнөд Солонгосыг дайсан хэмээн шууд тодорхойлоогүй байна. (Korea JoongAng Daily)
Аврагчид 11-р сарын 14-нд Испанийн Канарын арлуудад 14 завинаас 1,488 цагаачийг эрэгт гаргасан нь сүүлийн 32 жилд энэ замаар нэг өдөрт хамгийн олон хүн ирсэн тохиолдол болжээ. Эрэгт ирэгсдийн тоо огцом нэмэгдсэнээр хүлээн авах байгууламжуудын ачаалал өсөж, тэднийг эх газар дахь байрлах газруудад шилжүүлж байгаа бөгөөд тэнд хүмүүнлэгийн байгууллагууд орон байр, хоол хүнс, эрүүл мэндийн тусламж үзүүлж байна. (EuroWeekly News)
АНУ-ын Чейс банк, программ хангамжийн Майкрософт компани, зорчигч тээврийн Юнайтед Эйрлайнз компанид саяхан гарсан тасалдлууд нь хуучирсан, нарийн төвөгтэй компьютерын системүүдийн эмзэг байдлыг харууллаа. Яаруу шинэчлэл, баярын үеийн өндөр эрэлт тасалдлын эрсдэлийг нэмэгдүүлж болзошгүйг мэргэжилтнүүд анхааруулж байна. Чейс программын алдаанаас болсон гэж мэдээлсэн бол дэлхий даяарх хэрэглэгчид нь тасалдалд өртсөн Майкрософт өмнө нь илрээгүй доголдол серверийн эрэлт нэмэгдсэнтэй давхацсанаас болсон гэж тайлбарлажээ. (New York Post)
Их Британийн Лондон хотын Андерграунд метроны жолооч нар 2026 оны 11-р сарын 26-наас 2027 оны 2-р сарын 25-ны хооронд тус бүр 24 цагийн 8 ажил хаялт хийхээр төлөвлөжээ. Тэдний үйлдвэрчний эвлэлийн мэдэгдсэнээр ажлын шинэ зохицуулалтын санал нь нөхцөлийг дордуулж, ажлын байранд аюул учруулах аж. Ажил хаялтууд баярын үеийн зорчих хөдөлгөөн болон Хитроу нисэх буудалтай холбогдох тээврийг тасалдуулж болзошгүй байна. (Euro Weekly News, RMT union)
Зимбабвегийн 1,200 гаруй эрүүл мэндийн байгууллагад нарны эрчим хүчний систем суурилуулсан нь зайлшгүй шаардлагатай тусламж үйлчилгээг хэвийн үргэлжлүүлэх, цахилгаан тасарсан үед вакцин болон температурт мэдрэмтгий бусад эмийг хөргүүрт хадгалахад дэмжлэг болж байна. Засгийн газар, НҮБ-ын Хөгжлийн хөтөлбөр, Глобал сангийн дэмжлэгтэйгээр суурилуулсан эдгээр систем нь дизель үүсгүүрийн хамаарал болон эрчим хүчний зардлыг мөн бууруулж байна. (The Cool Down, Yahoo News)
Канадын өвчлөлийн дарамтад [өвчин, хөгжлийн бэрхшээл, цаг бус нас баралтаас үүдэх эрүүл мэндийн алдагдал] хийсэн шинжилгээгээр 2023 онд хорт хавдар, зүрх судасны өвчин, яс булчингийн эмгэг, санамсаргүй гэмтэл нь эрүүл мэндийн алдагдлын тэргүүлэх 4 шалтгаан болж, нийт алдагдлын талыг эзэлжээ. (Medical Xpress)
Британийн Зүрхний сан болон түнш байгууллагуудын тайлангаар [Их Британийн] Англид сэтгэцийн хүнд өвчтэй хүмүүс зүрх судасны өвчнөөр цаг бусаар нас барах магадлал 4 дахин өндөр байгааг тогтоожээ. Тэд Их Британийн Засгийн газар, NHS [Үндэсний эрүүл мэндийн алба] болон орон нутгийн эрүүл мэндийн тогтолцоонуудад тамхидалтыг бууруулах, эрүүл хүнсний хүртээмж, жингээ зохицуулах дэмжлэгийг сайжруулах, эрүүл мэндийн үзлэгийг эрчимжүүлэх, сэтгэцийн болон биеийн эрүүл мэндийн тусламжийг нэгтгэх, Лестерийн аргачлал [биеийн эрүүл мэндийг хянах удирдамж]-ын хэрэглээг өргөжүүлэхийг уриалжээ. (Medscape, British Heart Foundation)
Тогтмол алхах нь тархины эрүүл мэнд, ой санамж, сэтгэн бодох чадварыг дэмжихийн зэрэгцээ стрессийг бууруулж, нойрыг сайжруулж болно. Насанд хүрэгчид долоо хоногт 150 минут дунд зэргийн эрчимтэй хөдөлгөөн хийхийг зорих хэрэгтэй. Хөдөлгөөн багатай хүмүүс өдөрт 10-15 минутаас эхэлж, хурдаа болон хугацаагаа аажмаар нэмэгдүүлж болно. Зүрхний цохилт, амьсгалын давтамж бага зэрэг нэмэгдсэн ч ярилцах боломжтой хэвээр байх хэмжээнд хурдан алхах нь олон хүнд тохирох ачаалал юм. (VnExpress)
Сонирхогчийн түвшний гүйгч 7 эрэгтэйг хамруулсан судалгаагаар 21 хоног веган хоол идэх нь биеийн өөхний хувь болон өөхний жин буурахтай холбоотой байсан ч өөхгүй биеийн жин мэдэгдэхүйц буураагүй байна. (Bioengineer.org, Frontiers in Nutrition)
11-р сарын 14-нд Балбын Горкха дүүрэгт асар том хуурай хөрсний гулгалт болжээ. Яру гүүрийн ойролцоох Гималайн нурууны эгц хажуугаас хад чулуу, нуранги Будхи Гандаки гол руу асгарч, асар том тоосон үүл босгожээ. Эрх баригчид хүний амь эрсдэж, эд хөрөнгийн хохирол гарсан тохиолдол бүртгэгдээгүй гэж мэдээлжээ. (Reuters Connect)
11-р сарын 14-15-ны хооронд Аргентины Парана голын дагуу хүчтэй үер болж, 4 мужийн 4,500 гаруй хүн орон гэрээсээ дайжсан бөгөөд 10 сууринд усны түвшин нүүлгэн шилжүүлэх босгоос давжээ. Цаг уурын Эль Ниньо үзэгдлээс үүдсэн бороо 11-р сарын турш голын доод урсгалд дахин үерлэх аюул учруулж байна. (The Watchers)
Даваа гарагт Ливийн баруун эргээс зайдуу Газар дундын тэнгист, [Ливи] Триполигоос 38 километр орчим зайд, 15 километрийн гүнд 4.1 магнитудын хүчтэй газар хөдлөлт болжээ. Баруун эргийн дагуу чичирхийлэл мэдрэгдсэн ч барилга байгууламжид ноцтой хохирол гараагүй гэж оршин суугчид мэдээлжээ. (The News of Bahrain)
[АНУ-ын] Флорида мужид 11-р сарын 15-нд амьтан-хүмүүст хүчирхийлэл үйлдсэн, хайхрамжгүй хандсан, эсвэл тэднийг хаяж явсан байж болзошгүй тохиолдлыг мэдээлэх үнэ төлбөргүй, нууцлалтай, муж даяар үйлчлэх шуурхай утсыг нээлээ. Тус шуурхай утсыг ашгийн бус Биг Дог Ранч Рескью байгууллага Флоридагийн Хөдөө аж ахуй, хэрэглэгчийн үйлчилгээний газартай хамтран ажиллуулж байна. (WCTV)
[АНУ-ын] Харвардын Их Сургуулийн судалгаагаар АНУ даяарх томоохон 403 өгөгдлийн төвийн цахилгааны хэрэглээнээс 2024 оны 5-р сараас 2025 оны 4-р сарын хооронд 25.7 сая тонн нүүрстөрөгчийн давхар исэл ялгарсан нь Дани улсын жилд ялгаруулсан хэмжээтэй ойролцоо байжээ. (Reuters)
PETA [Амьтадтай ёс зүйтэй харьцдаг хүмүүс] нийгэмлэгийн Энэтхэг дэх салбар Бхопалыг 2026 оны Веганд хамгийн ээлтэй [Энэтхэгийн] хотоор нэрлэжээ. Үүнд веган нийгэмлэг нь өргөжиж, уламжлалт хоолыг веган хувилбараар идэх боломжтой болж, ресторанууд веган сонголтоо нэмэгдүүлж буйг онцолсон байна. (PETA India)
[ИБУИНВУ-ын Английн] Грийнвичийн Их Сургууль, [ИБУИНВУ-ын Шотландын] Хериот-Ваттын Их Сургуулийн судлаачид төмс, эгэл гишийн уургаар цавуулаггүй, амьтан-хүний махыг орлох бүтээгдэхүүн бүтээжээ. Өндөр чийгшилтэй шахаж хэлбэржүүлэх аргаар ширхэглэг бүтэц бий болгосон ч гашуун амт болон идсэний дараа үлдэх амтыг сайжруулах шаардлагатай байна. (Plant Based News)
11-р сарын 3-нд [АНУ-ын] Калифорнийн Лемон Гроув хотын сонгогчид И хэмжээсийг баталж, үүгээр хотын тэжээвэр амьтан-хүний дэлгүүрүүд зөвхөн асрамжийн газар, төрийн амьтан хамгааллын байгууллага, хүмүүнлэг нийгэмлэг, ашгийн бус аврах байгууллагуудаас ирсэн шувуу-ардыг санал болгож болох бөгөөд дэлгүүрүүд санхүүгийн ашиг хүртэхгүй байхаар хязгаарлажээ. Сонгогчид баталснаас хойш 6 сарын дараа хэрэгжилтийг хангаж эхэлнэ. (World Animal Protection)
Пакистаны бизнес эрхлэгчид хүмүүнлэгийн санаачилгын хүрээнд [Угандагийн] Кампалагийн ойролцоо өнчин хүүхдүүдэд зориулсан сургууль байгуулжээ.
Уг хөтөлбөр залуучуудад илүү гэрэл гэгээтэй амьдрал бий болгоход шаардлагатай боловсрол эзэмшихэд нь тусалдаг. (Biz Today)
[АНУ-ын] Сан-Францискод төвтэй, байр захиалгын цахим платформ Airbnb-ийн гүйцэтгэх захирал Брайан Чески Сан-Францискогийн нийтийн цэцэрлэгт хүрээлэнгүүдийг сайжруулахад хувиасаа дээд хэмжээний буюу 100 сая ам.доллар өгөхөө амлажээ. Үүнээс 39 сая ам.долларыг 5 төсөлд хуваарилж, үлдсэн 61 сая ам.долларыг ирэх онд хотын цэцэрлэгт хүрээлэнгийн газраас тодорхойлох бусад төсөлд зориулан нөөцөлнө. (Good News Network)
[АНУ-ын] Корнеллийн Их Сургуулийн биоакустикийн судлаач, доктор Леа Буффо [АНУ-ын] Аляскийн эргийн ойролцоох одоо ашиглаж буй далайн доорх харилцаа холбооны кабелиар туйлын халим-хүний дууг илрүүлжээ. Энэ нь цэнхэр болон сэрвээт халим-хүмүүсийг илрүүлэхэд шилэн кабелийн технологи ашиглаж болохыг өмнө нь харуулсан туршилтуудыг нэг алхам урагшлуулж, халим-хүний тоо толгой, нүүдлийн хяналтыг сайжруулах боломжийг нь харуулсан байна. (Popular Science)
Өдрийн урам өгөх эшлэл: “Эцэг эхчүүд хүүхдүүдээ Диваажингийн төлөө хүмүүжүүлэхээр өөрсдөд нь даатгасан Эзэний гэр бүлийн бага гишүүд гэж харах ёстой.” – Америкийн долоо дахь өдрийн Адвентист сүмийг хамтран үүсгэн байгуулагч Эллен Ж. Уайт (цагаан хоолтон) (Үе үеийн хүслэн)
Лоуренс Халушкагийн клиник үхлийн тухай энэхүү 3 хэсэгт цувралын өмнөх 1, 2-р хэсэгт Лоуренс зүрх нь нэг өдөрт 3 удаа зогссон тухай ярьсан. Тэрээр цэвэр Хайрын Оршихуйтай учирснаа өгүүлсэн бөгөөд үүнийг Христийн шашинд дүрсэлдэг БУРХАН болон Ариун Сүнстэй хамгийн ойролцоо гэж үздэг. Мөн тэрхүү Хайрыг бүрэн хүлээн авахад нь саад болсон өөрийн дотоод хязгаарлалтуудыг олж мэджээ. Төгсгөлийн 3-р хэсэгт Лоуренс өдөр тутмын амьдралдаа эргэн ороход тулгарсан бэрхшээл, дараа нь эргэн санасан цөхөрсөн залбирал болон бусдад илүү их Хайр, нээлттэй сэтгэлээр хандаж амьдрахын төлөөх тасралтгүй хичээл зүтгэлийнхээ тухай өгүүлнэ.
Клиник үхэлд орсон тохиолдлуудынхаа дараа Лоуренс тэрхүү Оршихуйд эргэн очихыг удаан хугацаанд хүсэмжилжээ. Гэвч Түүний Хайрт илүү нээлттэй болж чадахгүй бол хагацлын тэр шаналант мэдрэмжийг дахин мэдэрнэ гэж айж байв. Би энд байхыг хүсээгүй. Тэнд байхыг хүссэн ч тэнд очвол дахиад л тэр холбоо тасарсан мэт байдалд орно гэдгээ мэдэж байсан. Энэ үнэхээр аймшигтай. Учир нь хамгийн үзэсгэлэнтэй эмэгтэйтэй учирсан мэт байсан. Тэр бүх талаараа төгс, таны хийж буйг ойлгодог, танд санаа тавьдаг, тэр бүхнийг цогцлоосон болохоор та “Хорвоогийн өөр юу ч надад хамаагүй.” гэж бодно. Тэгтэл тэр “Би явах ёстой, чи намайг дахиж хэзээ ч харахгүй.” гэж хэлнэ. Тэгээд тэр завинд сууж явахад та үүнийг хүлээн зөвшөөрч амьдрах ёстой болно. Тэр тэнд байсан, харин одоо танд байх боломжгүй. Одоо та түүнийг мэддэг ч хүртэж чадахгүй. Яг тийм мэдрэмжийн туйл нь байсан.
Лоуренс клиник үхэлд орох үеийн ухамсар нь ердийн сэрүүн үеийнхээс хавьгүй тод байсан гэж тайлбарласан юм. Тэрээр энэ ялгааг америк хөл бөмбөгөөр жишээлэн тайлбарлав. Эндхийн амьдрал анхан шатны лигт тоглож буй хүүхэд шиг байсан бол тэнд очиход намайг NFL [Үндэсний хөл бөмбөгийн лиг]-ийн Супер Боулын талбайд гаргасан мэт байлаа. Тийм ээ, тэр бодит. Эндхийнх маш дутмаг. Надад хүчтэй мэдрэгддэг зүйлсийн нэг нь энэ. Миний нэг хэсэг тэнд байхыг хүсдэг учир энд байхыг хүсдэггүй ч тэнд би асар ихээр хайрлаж чаддаг байх ёстой. Буцаж очихыг хүсэмжилдэг ч Лоуренс Хайрыг илүү бүрэн дүүрэн өгч, хүлээн авч сурах ёстой гэж үздэг. Энэ нь эндээс, эргэн тойрныхоо хүмүүст, бүр харилцахад хэцүү санагддаг хүмүүст ч бүх анхаарлаа хандуулахаас эхэлнэ.
Клиник үхэл туршлагуудаасаа хэдэн долоо хоногийн дараа Лоуренс зүрх нь зогсохын өмнөх өдөр цөхрөн залбирснаа санажээ. Тэрээр дэлгэрэнгүй ярихыг хүсээгүй хувийн нэгэн шаналант асуудалдаа дарагдаж, ганцаараа нүүрээ газарт наан мэгшин уйлж байжээ. Үүнийг шийдэхийн тулд чадах бүхнээ хийсэн гэж бодож байсан тэрээр БУРХАНААС тусламж гуйн залбирчээ. Миний үүнээс салах цорын ганц арга бол Та үүнийг зүрхнээс минь шатаан арилгах явдал. Би Танаас гуйж байна. Би яг ингэж хэлсэн юм. […] Тэгтэл миний зүрх зогссон. Тэгээд танд гэнэт: “Бурхан минь! Юу хүсэж буйгаа сайн бодох хэрэгтэй юм байна.” гэж бодогдоно.
Лоуренс клиник үхлийн тохиолдлууд нь ямар нэг гавьяагаар хүртсэн, эсвэл тэдгээр нь өөрийг нь бусдаас илүү болгосон гэж боддоггүй. Хүмүүс үүнийг бэлэг гэхэд тэр зөвшөөрдөг ч сурсан зүйлээ амьдралд хэрэгжүүлэх үүрэгтэй гэж бас мэдэрдэг. Тэр алдаа дутагдалтайгаа тэмцсээр байгаа бөгөөд одоо мэдээгүй хэмээн үйлдлээ зөвтгөх аргагүй болсон гэж санагддаг. Энэ хичээл зүтгэлд бусдад учруулсан хор хохирлоо хүлээн зөвшөөрч, боломжтой үедээ засаж залруулахыг оролдох нь багтана. Лоуренс нүүр тулахад хэцүү санагдсан өөрийнхөө зарим хэсгээс тасарсан байсан гэж үздэг. Клиник үхлийн тохиолдлуудын үеэр тэрээр энэ нь Оршихуйн Хайрыг бүрэн хүлээн авахад нь саад болж байгааг мэдэрчээ. Тэнд байхдаа би ичгүүр, надад тохиолдсон ямар нэг явдал, залхуурал, эгоноос болж өөрийн минь нэг хэсэг байхаа больсон талуудыг мэдэрсэн. Тэр хэсгүүдээ өөрийнх гэж хүлээн зөвшөөрөөгүй учраас тэр хайрыг буцаан тусгаж, хүлээн авч чадаагүй. Би өөрийнхөө зарим хэсгийг удирдах эрхээсээ татгалзсан байсан.
Зүрх нь анх зогссон тэр орондоо сэрэх нь дахин нэг өдөр амьдрах баталгаа байхгүйг Лоуренст байнга сануулдаг. Тэр өдөр бүрийг нээлттэй сэтгэлээр угтаж, өмнөө байгаа хүмүүст анхаарлаа хандуулахыг хичээдэг. Намайг тэр өдөр үхнэ гэж хэн ч хэлээгүй. Тэгээд би сэрээд: “Би дахиад 1 өдөр энд байна. Энэ өдрөөс би юу олж авах бол?” гэж боддог. Лоуренсын хувьд тэр нэмэлт өдөр нь зорилго тээж байдаг. Бид яагаад энд байгаа вэ? Жинхэнэ Хайраар Хайрлаж сурахын тулд. (The Soul Inspired YouTube суваг - Баярлалаа)
Илүү огноо харах
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд
Prompt
OK
Татаж авах
Шэйр
Шэйр хийх
Шигтгэсэн видео
Эхлэх