ӨДӨР ТУТМЫН МЭДЭЭ-ний гол тойм – 2026 оны 11 дүгээр сарын 17
Оросын ерөнхийлөгч Владимир Путин, Хятадын ерөнхийлөгч Ши Жиньпин нар энэ долоо хоногийн сүүлээр [Хятадын] Шэньжэнь хотод болох Ази-Номхон далайн эдийн засгийн хамтын ажиллагаа (АПЕК)-ны дээд хэмжээний уулзалтын үеэр анхны хамтарсан уулзалтаа хийхээр төлөвлөж буйг АНУ мэдэгджээ. Хэлэлцэх асуудалд цөмийн зэвсгийг хорогдуулах, мөн Ираны асуудал багтаж болзошгүй байна. (BBC)
Европын удирдагчид Украин (Урейн)-ы энхийн хэлэлцээрт цаашид Их Британи, Франц, Герман, Итали, Польш, Европын Комисс, Европын Зөвлөл хамтран Европыг төлөөлөхөөр тохиролцсон бөгөөд НАТО [Умард Атлантын гэрээний байгууллага] мөн оролцох төлөвтэй байна. (Reuters)
Украин (Урейн)-ы ерөнхийлөгч Володимир Зеленський 11-р сарын 12-нд [Ирландын] Дублин хотод 20 орчим улс, байгууллагын төлөөлөгчтэй уулзаж, Оросын довтолгооны үед дэмжлэгийг нэмэгдүүлэх талаар хэлэлцжээ. Агаарын довтолгооноос хамгаалах, эрчим хүчний тусламж үзүүлэх, бөмбөгдөлтөөс хоргодох шинэ байр байгуулах, санхүүгийн тогтвортой байдал болон дайны дараах аюулгүй байдлын баталгааг нэн тэргүүнд тавьсан байна. (The New Voice of Ukraine)
Их Британи улс 11-р сарын 12-нд Оросын эрчим хүчний салбарт шинэ хориг зарласнаар Оросын хамгийн том 10 газрын тос үйлдвэрлэгч компани бүгд тус улсын хоригт оржээ. Эдгээр арга хэмжээ нь Оросын газрын тос, шингэрүүлсэн байгалийн хий (ШБХ) тээвэрлэгч хөлөг онгоцнууд, Оросын нүүрсний томоохон компаниуд, Арктикийн газрын тос, хийн том төсөл болох Восток Ойлд мөн чиглэжээ. Үүний зорилго нь Оросын эрчим хүчний экспортын орлогыг бууруулж, Украин (Урейн)-д явуулж буй дайныг санхүүжүүлэх хөрөнгийг нь хязгаарлахад оршиж байна. (Gov.uk)
Украин (Урейн)-ы наранцэцгийн тосны хамгийн том үйлдвэрлэгч, экспортлогч Кернел компанийн байгууламжууд Оросын цохилтод өртөн гэмтэж, аюулгүй байдалд эрсдэл үүссэн тул тос ялган авах бүх 8 үйлдвэрийнхээ үйл ажиллагааг түр зогсоожээ. Тус компани бүх ажилтан нь эсэн мэнд байгааг мэдэгдсэн байна. (The Kyiv Independent)
Олон улсын атомын энергийн агентлаг (ОУАЭА) [Ираны] Исфахан дахь өнөөг хүртэл шалгаж үзээгүй Ираны уран баяжуулах үйлдвэрийн талаар санаа зовниж буйгаа улам хүчтэй илэрхийлжээ. Иран улс нэвтрэх зөвшөөрөл, зураг төслийн мэдээлэл өгөөгүй тул тус агентлаг үйлдвэрийн яг байгаа байршил, үйл ажиллагааны төлөв, цөмийн материал байгаа эсэхийг тогтоож чадахгүй байна. Тус агентлаг Иран улсад бөмбөгдөлтөд өртсөн цөмийн байгууламжуудад дахин нэвтрэх боломж олгож, баяжуулсан ураны нөөцийг нь шалгахыг зөвшөөрөхийг уриалжээ. (Channel News Asia, Reuters)
Туркийн Ерөнхийлөгч Режеп Тайип Эрдоган, Катарын Эмир Эрхэм Дээд Шейх Тамим бин Хамад Аль Тани нар 11-р сарын 13-нд [Туркийн] Истанбул хотод уулзах үеэрээ харилцан батлан хамгаалах гэрээнд гарын үсэг зуржээ. Ноён Эрдоган Персийн булангийн бүсэд дахин дайн гарахаас сэргийлж, яриа хэлэлцээр, энх тайвныг дэмжихийн төлөө хоёр улс хамтран ажилласаар байхаа мэдэгдсэн байна. (Fox News)
НҮБ-ын Дүрвэгсдийн асуудал эрхэлсэн дээд комиссарын газар [UNHCR] 2026 он гарснаас хойш Нигерийн хойд нутгийн хүчирхийллээс зугтсан бараг 64,000 хүн хөрш Нигер улсад очсоноор аюулгүй байдлын асуудал, хүнсний хомсдолтой хэдийн нүүр тулсан орон нутгийн иргэдэд нэмэлт дарамт учирч байгааг анхаарууллаа. (JURIST)
АНУ-ын Холбооны нисэхийн захиргаа [FAA] бүс нутгийн нислэгийн хөдөлгөөний удирдлагын төвүүдэд холбооны доголдол гарсны улмаас 11-р сарын 13-нд улс даяар нислэг үйлдэхийг түр зогсоожээ. Тухайн өдрийн орой онгоц нисгэх хоригийг цуцалсан ч нислэгийн доголдол үргэлжилсээр байжээ. (NBC News, Associated Press)
Үр хөндөлтийн үйлчилгээ үзүүлдэг Planned Parenthood байгууллага санхүүгийн дарамт, эрүүл мэндийн зардлын өсөлт, холбооны санхүүжилтгүй болсонтой холбоотойгоор [АНУ-ын] Нью-Йорк мужийн хойд хэсэгт орших Огденсбург, Лоувилл дахь эрүүл мэндийн төвүүдээ 12-р сарын 31 гэхэд хаахаар төлөвлөсөн байна. (LifeNews)
[Испанийн] Барселона хотын Клиник эмнэлэг 2026 онд монки даст мансууруулах бодисын хордлогын 130 тохиолдлыг эмчилсэн нь 2024 оны 28 тохиолдлоос бараг 5 дахин их байна. Мэргэжилтнүүд донтуулах өндөр чадвартай, хууль бусаар борлуулдаг уг нийлэг сэргээш нь хэт цочрол, хардах төөрөгдөл, сэтгэцийн солиорол үүсгэж болзошгүйг анхааруулжээ. (EuroWeekly News)
Өтгөний ноцтой бохирдлоос үүдэлтэй өвчний дэгдэлтээр 9 хүүхэд гэдэсний савханцрын O157 хэв шинжийн нянгаар халдварласны дараа 11-р сарын 10-нд [АНУ-ын] Калифорни мужийн Капитола далайн эргийг хаажээ. Тэдний 2 нь эмнэлэгт хэвтэх шаардлагатай болж, нэгэнд нь бөөрийг гэмтээж болзошгүй ноцтой эмгэг болох цус задралт-уремийн хам шинж [HUS] илэрсэн тул олон нийтэд эрүүл мэндийн сэрэмжлүүлэг гаргасан байна. (Daily Mail)
[Австралийн] Австралийн Ерөнхий Эмч нарын Хааны Коллеж [Австралийн] ашгийн бус Хүн ба цэцэрлэгт хүрээлэн сангийн боловсруулсан, эмч нарт өвчтөнүүдээ долоо хоног бүр дор хаяж 120 минут байгальд байхыг зөвлөхийг уриалдаг, Байгалийн тун гарын авлагыг дэмжжээ. Сэтгэцийн эрүүл мэндийн бэрхшээлтэй 62 залууг хамруулсан Хүн ба цэцэрлэгт хүрээлэн сангийн хөтөлбөрийн Австралид хийсэн 6 долоо хоногийн судалгаагаар байгальд түшиглэсэн үйл ажиллагаа нь сайн сайхан байдлыг дээшлүүлж, сэтгэл зүйн шаналал, ганцаардлыг багасган, олон нийттэй тогтоосон холбоог бэхжүүлснийг тогтоожээ. (The Conversation, News GP)
[АНУ-ын] Филадельфийн бүс нутгийг 11-р сарын 12-нд хүчтэй шуурга дайрч, Делавэр мужийн Нью-Касл тойрог, Нью-Жерси мужийн Берлингтон тойргийн Честерфилдийн ойролцоо тус тус хар салхи үүсжээ. Шуурганы улмаас автомашинууд дарагдан эвдэрч, эмнэлгийн 2 нисдэг тэрэг гэмтэн, үер бууж, байшингууд эвдэрч, мод, цахилгааны шугамууд унасан бөгөөд тус бүс нутагт мөн хүчтэй мөндөр орсон байна. (6ABC, CBS Philadelphia, NBC10 Philadelphia, National Weather Service)
ДЦУБ [Дэлхийн цаг уурын байгууллага]-ын “ДЦУБ-ын 2026 оны уур амьсгалын төлөвийн шинэчилсэн мэдээлэл” шинэ тайланд 2026 оны 1-9-р сард дэлхийн дундаж температур аж үйлдвэржилтийн өмнөх үеийнхээс 1.47°C-ээр өндөр байж, 2026 он хэмжилтийн түүхэн дэх хамгийн дулаан 4 жилийн нэг болж буйг онцолжээ. Тайланд дурдсанаар, 4-р сард Энэтхэгт ойролцоогоор 146.5 сая хүн хэт халуунд өртсөн бөгөөд урьдчилсан тооцоогоор Европын халалтын давлагаа, ган, ой хээрийн түймэр нь хэвийн түвшнээс давсан 30,000 гаруй нас баралттай холбоотой байна. Цаг уурын Эль-Ниньо үзэгдэл 2027 онд ч цаг агаарын эрс тэс үзэгдлийн эрсдэлийг нэмэгдүүлэх төлөвтэй байна. (The Nation Thailand, World Meteorological Organization)
Чарльз шуурга 11-р сарын 10-нд [Португалын] Мадейра хотод, 11-р сарын 11-нд Португалийн эх газрын хэсгийг дайрч, их хэмжээний хохирол дагуулсан бороо, хүчтэй салхины улмаас өргөн хүрээнд үер буужээ. Шуурга өмнөд Европыг дайран өнгөрөхдөө Испанийн өмнөд хэсэгт үер, Францын Ривьера, тэр дундаа Канн, Мандельё-ла-Напульд хүчтэй үер үүсгэсэн бөгөөд Ницца орчимд зам хаагдаж, аврах ажиллагаа явуулсан, хохирол учирсан тухай мэдээлсэн байна. (The Guardian, Riviera Radio)
Европын Холбоо 2050 он гэхэд нүүрстөрөгчийн ялгарал, шингээлтийг тэнцвэржүүлэх зорилгынхоо хүрээнд 2040 он гэхэд хүлэмжийн хийн ялгарлыг 1990 оны түвшнээс 90%-иар бууруулах зорилтоо дахин баталжээ. Европын Комиссын ерөнхийлөгч Урсула фон дер Ляйен тус холбооны хүлэмжийн хийн ялгарлыг 2030 он гэхэд талаас илүүгээр бууруулах зэрэг уур амьсгалын зорилтуудаа биелүүлэх явц хэвийн үргэлжилж байна гэжээ. (VTV)
Их Британи, Норвег, Канадын төрийн дэмжлэгтэй хөгжлийн санхүүгийн байгууллагууд 2030 он гэхэд хөгжиж буй зах зээлүүдийн уур амьсгалын төслүүдэд 10 тэрбум ам.долларын хөрөнгө чиглүүлэх санаачилга эхлүүллээ. [Туркийн] Анталья хотод болсон НҮБ-ын Уур амьсгалын өөрчлөлтийн бага хурал [COP31]-ын үеэр зарласан уг зорилтот хөрөнгөнд түншүүдийн татахаар зорьж буй хувийн хөрөнгө оруулалт мөн багтах бөгөөд сэргээгдэх эрчим хүч, цахилгаан сүлжээ, эрчим хүчний хуримтлуур, тогтвортой түлш, илүү цэвэр аж үйлдвэрийн үйлдвэрлэлийг дэмжинэ. (Reuters)
Их Британийн THIS веган брэнд 11-р сарын 30-нд Зул сарын баярт зориулсан хамгийн өргөн нэр төрлийн бүтээгдэхүүнээ томоохон супермаркетуудаар худалдаалж эхэлнэ. Баярын 4 бүтээгдэхүүнд шар дэрний сүмстэй веган Цацагт хяруулын шарсан цээж мах, Шарсан самар, веган Гурилд ороосон гахайн мах багтжээ. (Vegan Food & Living)
[Аргентины] Буэнос-Айрес хотод төрийн болон хувийн сургуулиудын боловсролын төрөл бүрийн түвшинд амьтан-хүмүүсийг хамгаалах боловсролыг заавал олгох Энэрэнгүй сэтгэлийн тухай хуулийг санал нэгтэй баталжээ. Синтиентес төрийн бус байгууллага [ТББ]-ын боловсруулж, Буэнос-Айрес хотын хууль тогтоогч Эммануэль Феррариогийн өргөн барьсан уг хууль нь амьтан-хүмүүсийн мэдрэх чадвар, хариуцлагатай асаргаа, харгислалаас урьдчилан сэргийлэх талаар заана. (Plant Based News)
[Кенийн] Кижабегийн Кижабе эмнэлэг АНУ-д төвтэй ашгийн бус PCRM [Хариуцлагатай анагаах ухааны эмч нарын хороо]-оос 35,000 ам.долларын буцалтгүй тусламж авч, мэс заслын сургалтад ашигладаг ямаа-, тахиа-, туулай-хүмүүсийг 54 дадлагын дадлагын төхөөрөмжөөр сольж, мэс заслын практик сургалтаа хадгалахын зэрэгцээ анагаахын энэрэнгүй боловсролд ахиц гаргажээ. (PCRM)
Чапарраль 7 нэрээр танигдсан 7 найз 11-р сарын 10-13-нд Испанийн Коста-дель-Солын дагуу Нерхагаас Ла-Кала-де-Михас хүртэл 100 километрийн буяны алхалт хийж дуусгажээ. 11-р сарын 14-ний байдлаар тэд амьтан-хүмүүсийг аврах ACE-SHIN буяны байгууллага, илжиг-ардыг нөхөн сэргээх Донки Дримлэндэд асрамжийн газарт зориулан 17,080 евро цуглуулаад байна. (EuroWeekly News, Chaparral for Good)
20 хүртэлх сайн дурын ажилтны арчилдаг, Сингапур дахь 300 ам.метр талбайтай Букит Батокийн төв сургалтын цэцэрлэг нь цэцэрлэгжүүлэлтийн сургалт, ургацаа хуваалцах, нөхөрлөх боломжоор хөршүүдийг нэгтгэдэг. Ургацаас оршин суугчдад мөн өгдөг нь олон нийтийн холбоог бэхжүүлж байна. (Channel News Asia)
17 настай, аутизмтай Уильям хүүг [Австралийн] Викториа мужийн Валхалла-Истийн ойролцоох бутлаг ойд 6 хоног төөрсний дараа 11-р сарын 12-нд цагдаагийн нисдэг тэрэг олжээ. 100 гаруй хүн хүүг эрэн хайхад тусалсан бөгөөд эмнэлэгт хүргэж эмчлүүлэхээс өмнө ээжтэй нь уулзуулсан байна. (Daily Mail)
Өдрийн ухаарал хайрлах эшлэл: “Алдаа дутагдалтай бол түүнийгээ орхихоос бүү эмээ.” Хүндэт Гэгээрсэн Их Багш Күнз (цагаан хоолтон) (Шүүмжлэл өгүүлэл)
Рийд Мурсын клиник үхлийн тухай энэхүү 3 хэсэгт цувралын өмнөх 1, 2-р хэсэгт Рийд хонгилд орж, биеэсээ гарсан үедээ байраараа алхсан, мөн энэ ертөнцтэй салах ёс хийхийг хүссэн энэрэнгүй дуу хоолой сонссон тухайгаа ярьсан. Асар том хаалганы дэргэд очоод тэрээр түүнийг давбал хэзээ ч буцаж ирж чадахгүйгээ ойлгожээ. Сүйт бүсгүйгээ бодоод тэр явах цаг нь болоогүйг мэдэрсэн байна. Төгсгөлийн 3-р хэсэгт Рийд гэнэт биедээ буцаж орсон, мэдэрсэн тэрхүү хэмжээлшгүй Хайрыг үгүйлсэн, амьдралд юу чухал болох тухай ойлголт нь хэрхэн өөрчлөгдсөнийг ярьж байна.
Тэгтэл би гэнэт биедээ буцаж унаад, биеийн дотор минь нүргэлэх мэт аниргүй болсон. Тэгээд сэрээд би: “Үгүй! Үгүй! Үгүй! Үгүй! Үгүй!” гэсэн. Би буцаад унтахыг оролдсон. […] Тэгээд л би: “Үгүй. Үгүй. Ийм байж болохгүй. Би буцаж очмоор байна!” гэсэн. Учир нь Хайрын мэдрэмж, ямар ч болзолгүй тэр бүх сэтгэл хөдлөлийг би тайлбарлаагүй. Учир нь тэр ертөнцөөр дамжин өнгөрөхөд хүн бүрийг хүрээлдэг тэрхүү агуу Хайрын мэдрэмжийг нь үүнийг туулсан бүх хүн мэднэ. Түүнийг төсөөлөхийн аргагүй, бүр үгээр ч илэрхийлэх боломжгүй ч тэр бүхэн тэнд байдаг.
Рийд цаг руу харахад өглөөний 5:30 болж байв. Болсон явдлыг хэн нэгэнд ярихыг хүссэн тэрээр шөнийн ээлжээсээ буусан байх гэж бодсон АНУ-д байгаа найз бүсгүй рүүгээ залгажээ. Намайг залгахад тэр утсаа аваад: “Чи ийм эрт юу хийж байгаа юм бэ?” гэсэн. Би: “Чи итгэхгүй дээ. Би үхээд саяхан буцаж ирлээ.” гэж хэлсэн. Ярилцаж байхдаа ч амьсгаадсан хэвээр байснаа Рийд дурсав. Утсаа тавьсныхаа дараа тэр байшингаа өөр өнцгөөс харжээ.
Энэ үнэхээр гүн гүнзгий байсан. Надад тохиолдсон бүхэн бүх зүйл хоосон гэдгийг харуулсан. Шүүгээ, үнэт эдлэл, машинууд гээд энэ бүхнээ хараад би: “Эдгээрийн аль нь ч чухал биш юм байна.” гэж бодсон. Мөн энэ явдал түүнд шинэ чадварууд болон бусад бэлэг авчирсан гэж Рийд өгүүлжээ. Би үхэл тохиох гэж буйг мэдрэх чадвартай болсон ч хэн үхэхийг мэдэж чаддаггүй. Рийд эдгээр чадвараас илүү чухал зүйл юу болохыг онцолж байна. Цорын ганц чухал зүйл нь бусадтай зөв харьцаж, зөв зүйлийг [хийж], бие биеэ хайрлах юм. (UFO Paranormal Radio UFO Paranormal Radio YouTube суваг – Баярлалаа)