Хайх
Монгол хэл
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
Гарчиг
Тайлбар
Одоо үргэлжлүүлэн
Цааш бий
ӨДӨР ТУТМЫН МЭДЭЭ-ний гол тойм – 2026 оны 11 дүгээр сарын 16
Украин (Урейн), Орос улсууд энхийн хэлэлцээрийн дараагийн шатанд Европын орнуудыг оролцуулахаар тохиролцсон гэж АНУ-ын элч Жаред Кушнер мэдэгджээ. Ингэснээр нутаг дэвсгэрийн асуудлаас гадна Европын аюулгүй байдлыг өргөн хүрээнд хэлэлцэх боломж бүрдэнэ. Украин (Урейн)-ы ерөнхийлөгч Володимир Зеленський Европын оролцоог сайшааж, гал зогсоохын төлөө ажиллахыг уриалсан бол Оросын ерөнхийлөгч Владимир Путин нутаг дэвсгэрийн шаардлагаасаа ухарсангүй. (The Guardian)
ЕХ [Европын Холбоо]-ны удирдагчид 11-р сарын 13-нд [Ирландын] Дублин хотод уулзаж, Украин (Урейн) улс болон хиймэл оюуны асуудлыг хэлэлцжээ. Тус холбоо Оростой хийх энхийн хэлэлцээрт оролцох ахлах хэлэлцэгчээ хайж байна. (The Guardian)
Польшийн иргэдийн санаачилгаар Украин (Урейн)-ы ерөнхийлөгч Володимир Зеленський болон Украин (Урейн)-ы нийт ард түмнийг 21,000 гаруй польш хүний дэмжсэн, иргэдийн санаачилгатай Ирээдүйн иргэний одонгоор шагнаж байна. Польшийн ерөнхийлөгч Кароль Навроцкий ерөнхийлөгч Зеленськийгээс Цагаан бүргэдийн одонг хураах шийдвэр гаргасны хариуд зохион байгуулагчид уг шагналыг бий болгож, улс төрийн хуваагдлыг үл харгалзан хоёр орны ард түмний эв санааны нэгдэл, найрамдал хэвээр байгааг онцолжээ. Шагналыг 11-р сарын 12-нд [Польшийн] Варшав хот дахь Украин (Урейн)-ы Элчин сайдын яаманд гардуулсан бөгөөд Украин (Урейн)-ы шадар сайд Всеволод Ченцов шагнал хүртэгчдийг төлөөлөн хүлээн авсан байна. (The New Voice of Ukraine)
АНУ-ын Ерөнхийлөгч Дональд Трамп 11-р сарын 12-нд тус улс Иран улстай тохиролцоо хийх шаардлагагүй болсон гэж мэдэгдэж, дэд ерөнхийлөгч Жей Ди Вэнст Ардчилсан намын удирдлагатай хот, мужуудад гарсан гэх залилан, авлигын асуудалд анхаарахыг үүрэг болгожээ. Түүний засаг захиргаа бүслэлт, эдийн засгийн хориг арга хэмжээ үр дүнгээ өгч байгаа тул цэргийн ажиллагааг эрчимжүүлэх, дипломат хэлэлцээ хийх шаардлагагүй гэж үзэж байна. (Reuters)
Хятад болон АСЕАН [Зүүн Өмнөд Азийн орнуудын холбоо] маргаантай Өмнөд Хятадын тэнгис дэх сөргөлдөөнийг мөргөлдөөн болгон даамжруулахаас сэргийлэх зан үйлийн дүрмийн төслийн 80 орчим хувьд урьдчилсан тохиролцоонд хүрсэн гэж бүс нутгийн 3 дипломатч мэдээлжээ. Гэвч хэлэлцээр товлосон хугацаа болох 2026 онд дуусахгүй, 2027 онд үргэлжилнэ. Гэрээний газар зүйн хамрах хүрээ, эмзэг нэр томьёоны тодорхойлолт, эрх зүйн хувьд заавал дагаж мөрдөх эсэх талаар санал зөрөлдөөн хэвээр байна. (AP)
Испани улс нохой-, муур-, үен-бодгалийн бүс нутгийн бүртгэлийг үндэсний таних системтэй холбох тогтоол батлав. Энэ нь тэдний гарал, шилжилт хөдөлгөөнийг мөшгөх боломжийг сайжруулж, хууль бус наймаа, хаяж орхих явдалтай тэмцэхэд тустай. Худалдааны бус зорилгоор гадаадаас авчирсан эдгээр амьтан-хүмүүс 6 сараас удаан хугацаанд байх бол бичил чиптэй байсан ч Испанид бүртгүүлэх ёстой. Испанийн албан ёсны эмхэтгэлд 11-р сарын 13-нд нийтэлсэн тогтоолын ихэнх заалт 2027 оны 1-р сарын 2-нд хүчин төгөлдөр болох бөгөөд энэ нь бүс нутгийн эрх баригчид бүртгэлээ нийцүүлэх 12 сарын хугацаа, үүний дараа асран хамгаалагчид шаардлагатай мэдээллээ шинэчлэх дахин 12 сарын хугацаа олгоно. (EuroWeekly News, Boletín Oficial del Estado)
Хакерууд Тайвань (Формоса)-ийн Консулын газрын ажиллуулдаг цахим хуудаснуудаас паспортын 72,702 зургийн файл, сканнердсан 26,072 зөвшөөрлийн баримт бичиг, бизнес аяллын картын 774 өргөдлийн мэдээллийг хулгайлжээ. Тус газар 11-р сарын 4-нд халдлагыг илрүүлж, өртсөн серверүүдийг тусгаарлан, засвар болон аюулгүй байдлын шалгалт хийсний дараа цахим хуудаснуудаа сэргээжээ. Халдлагад өртсөн өргөдөл гаргагчдад хувийн мэдээллийг нь буруугаар ашиглаж болзошгүйг анхааруулж, уг халдлага өмнө олгосон паспортын хүчинтэй байдал болон хэвийн хэрэглээнд нөлөөлөхгүйг онцолсон байна. (Taiwan News)
АНУ Ираны эсрэг цэргийн ажиллагаагаа эрчимжүүлэхийн оронд эдийн засгийн шахалтаа үргэлжлүүлнэ гэсэн хүлээлт дахин байлдаан дэгдэх вий гэсэн болгоомжлолыг бууруулснаар 11-р сарын 13-ны байдлаар газрын тосны үнэ 2 дахь долоо хоногтоо дараалан буурах төлөвтэй байжээ. (Reuters)
АНЭУ [Арабын Нэгдсэн Эмират Улс]-ын ерөнхий сайд, дэд ерөнхийлөгч, [АНЭУ-ын] Дубайн захирагч Эрхэм дээд шейх Мохаммед бин Рашид Аль Мактум өвлийн хүйтнээс 50,000 палестин хүнийг хамгаалах майхныг Газын зурваст илгээхийг үүрэг болгожээ. (The National)
Дэлхийн эрүүл мэндийн байгууллагын 2026 оны Халуун орны үл хайхрагдсан өвчний дэлхийн тайланд дурдсанаар, 2024 онд 1,41 тэрбум хүн эдгээр өвчний эсрэг арга хэмжээнд хамрагдах шаардлагатай хэвээр байсан нь 2020 оноос 19%-иар буурсан үзүүлэлт юм. 2026 оны 6-р сар гэхэд 63 улс наанадаж 1 өвчнийг устгасан бөгөөд Того улс 4 өвчнийг устгажээ. Гэвч санхүүжилт нь КОВИД-19-өөс өмнөх түвшнээс 30%-иар бага хэвээр байжээ. (Health Policy Watch)
Ау Лак (Вьетнам) дахь хүүхдүүдийн дунд аденовирусээр үүсгэгдсэн амьсгалын замын халдвар нэмэгдэж буй тухай мэдээлж байгаатай холбогдуулан, Ау Лак (Вьетнам)-ын эрүүл мэндийн мэдээлэл түгээдэг Сык кхоэ ва Дой сонг [Эрүүл мэнд ба амьдрал] хэвлэл эцэг эхчүүдэд хүүхдийнхээ эдгэрэлтийг дэмжихийн тулд ойр ойрхон шингэн уулгах, өдөрт 5–6 удаа бага хэмжээгээр хооллох, зөөлөн, залгихад хялбар хоол, хангалттай уураг, төрөл бүрийн ногоон ногоо, жимс өгөхийг зөвлөжээ. Өндөр халууралт үргэлжлэх, амьсгалахад хүндрэлтэй болох, шингэн ууж чадахгүй байх, шээс багасах, олон дахин бөөлжих, хэвийн бус нойрмоглох шинж илэрвэл яаралтай эмнэлгийн тусламж авахыг уриалсан байна. (Sức khỏe & Đời sống)
Австралийн анагаах ухааны судалгааны байгууллага болох Бөрнет хүрээлэнгийн тайлангаар [Австралийн] Викториа мужид архины шалтгаант элэгний үрэвслээр эмнэлэгт хэвтэх тохиолдол цар тахлын өмнөх түвшнээс өндөр хэвээр байгааг тогтоожээ. Өвчтөнүүдийн 40 орчим хувь нь 46-аас доош настай, нийт өвчтөний гуравны нэг нь эмэгтэйчүүд байжээ. Архины шалтгаант элэгний өвчтэй хүмүүсийн тал нь 6 жилийн дотор цирроз [элэгний сорвижилт]-той болжээ. Судалгааны гол зохиогч, профессор Жессика Хауэлл архины хэрэглээндээ санаа зовж байвал эмчтэй зөвлөлдөхийг зөвлөж байна. (ABC News Australia, Foundation for Alcohol Research and Education)
Антарктидын далайн мөс багассанаар дэлхий даяар дулаан, цэнгэг ус, нүүрстөрөгчийг түгээхэд чухал үүрэгтэй Антарктидын завсрын ус 2016 оноос хойш мэдэгдэхүйц давслаг, нягт болжээ. Нэйчер Клаймат Чейнж сэтгүүлд саяхан нийтэлсэн судалгаанд эрдэмтэд робот хөвүүрээр эсрэг чиглэлд гарсан энэхүү огцом өөрчлөлтийг илрүүлжээ. Далайн урсгал сулрах нь гүний ус руу илүү их дулаан зөөж, далайн дулаарлыг нэмэгдүүлэн, далайн түвшин болон дэлхийн уур амьсгалын хэв шинжид нөлөөлж болзошгүйг анхааруулсан байна. (SciTech Daily)
NASA [АНУ-ын Агаарын нислэг, сансрын уудмыг шинжлэн судлах үндэсний төв] Номхон далайд бүрэлдэж буй Эль Ниньо үзэгдэл нь дэлхийн цаг агаарыг ихээхэн өөрчилсөн 1997–1998 оны түүхэн үзэгдэлтэй төстэй бөгөөд түвшин нь дээшилсэн бүлээн ус Өмнөд Америк руу тэлж байна гэж мэдээлжээ. NOAA [АНУ-ын Далай, агаар мандлыг судлах үндэсний төв] 2027 оны 1-3-р сарыг дуустал уг үзэгдэл хүчтэйгээс маш хүчтэй түвшинд үргэлжлэх магадлал 79%-иас их гэж тооцоолсон бөгөөд энэ нь хур тунадасны горимыг алдагдуулж, дэлхийн цаг агаарт ихээхэн нөлөөлж болзошгүй юм. (SciTech Daily, NOAA)
11-р сарын 11-нд хүчтэй шуурганы улмаас [Австралийн] Шинэ Өмнөд Уэльсийн Дундад хойд эрэг мөндөрт хучигдаж, яаралтай тусламжийн 125 дуудлага иржээ. Вохоп, Ямба, Илука хотуудад эд хөрөнгө эвдэрч, мод унан, цахилгаан тасарсан бөгөөд 1–3 сантиметр хэмжээтэй мөндөр орсон байна. (ABC News Australia)
Шинэ Зеландын Окландад төвтэй Сэйвор Виган Кримери компани өсгөврөөр исгэсэн, кешью самрын веган бяслагаа Австрали руу экспортолж эхэллээ. Тус компанийн камамбер маягийн Кэшберт бяслаг 2026 оны үндэсний веган бяслагийн шагнал хүртжээ. Компани сар бүр бүтээгдэхүүнээ нийлүүлэхээр төлөвлөж, 2027 онд Сингапурын зах зээлд гарах боломжийг хэлэлцэж байна. (PlanetFood.News)
Канадын веган уургийн коктейль, ундаа үйлдвэрлэгч Good Protein компани АНУ-ын хүнс, хоол тэжээлийн салбарын хөрөнгө оруулалтын SEMCAP компанийн тэргүүлсэн 128 сая канад доллар [ойролцоогоор 90 сая ам.доллар]-ын хөрөнгө оруулалт татаж, шинэ бүтээгдэхүүн хөгжүүлэх, Канадын зах зээл дэх байр сууриа бэхжүүлэх, олон улсад өргөжихөд зарцуулахаар болжээ. (Green Queen)
[АНУ-ын] Флорида мужийн Палм Бич тойргийн Пегги Адамсын амьтан аврах холбоо 11-р сарын 27-нд муурын зулзага, гөлгийг оруулаад муур-, нохой-хүнийг үрчлүүлэх хураамжаас чөлөөлнө. Өнгөрсөн жилийн АНУ-ын Талархлын баярын энэ үеэр 117 амьтан-хүн үрчлүүлсэн тус холбоо илүү олон амьтан-хүмүүсийг хайр халамжтай гэр бүлтэй болгохыг зорьж байна. (25 WPBF News)
Кирибатийн Фаннинг арлын тосгоны иргэд олж харснаар шуурганы дараа Номхон далайгаар 3 сарын турш ойролцоогоор 5,400 километр хөвсөн завинаас 2 хүүхдийг оруулан, 5 хүнийг аварчээ. Усны ноцтой дутагдал, хоол тэжээлийн дутагдалд орсон амьд үлдэгсдэд дараа нь эмнэлгийн тусламж үзүүлсэн бөгөөд бусад 4 зорчигч сураггүй хэвээр байна. (euronews)
Амьтан-хүн аврагчид [АНУ-ын] Мичиган мужийн Уэстлендэд аманд нь Хэллоуины хуванцар хулуу гацсан байдалтай 10 хоног тэнүүчилсэн илий-хүнийг олж чөлөөлжээ. Детройтын амьтны сайн сайхны төлөөх бүлэг буга-иргэнийг барьж, савыг салган, шингэн сэлбэж, байгальд нь эсэн мэнд буцаан тавьсан байна. (UPI)
Өдрийн урам өгөх эшлэл: “Хүн төрөлхтний ирээдүйн хамгийн том найдвар нь өрөвч сэтгэлийн цар хүрээ, хүчийг нэмэгдүүлэх арга замыг олоход оршиж болох юм.” – Британийн математикч, гүн ухаантан, нийгмийн шүүмжлэгч Бертран Расселл (1950 оны Утга зохиолын Нобелийн шагналын лекц)
Рийд Мурсын клиник үхлийн тухай энэхүү 3 хэсэгтэй цувралын 1-р хэсэгт Рийд үхлийн тухай хариулт хайсан, хонгилд орсон, улмаар орон сууцандаа биеэсээ гарсан байснаа ярьсан билээ. Тэр эд зүйлсээ ажиглаад, эзэмшдэг зүйлсийнх нь аль нь ч түүнийг амьдралд буцааж авчирч чадахгүйг ухаарчээ. 2-р хэсэгт Рийд байшингаасаа цааш аялсан, энэрэнгүй дуу хоолой түүнээс дэлхийтэй салах ёс хийхийг хүссэн, мөн асар том хаалгаар орвол дахин хэзээ ч буцаж чадахгүйгээ ухаарснаа өгүүлнэ.
Өөрийн гэртээ биеэсээ гарсан хэвээр байсан Рийд номууддаа анхаарлаа хандуулав. Тэгээд би зочны өрөөнд орж, эргэн тойрноо хараад номын сангаа олж харсан. Тэр үед сэтгэлд гуниг төрсөн. Учир нь миний хувьд дэлхий дээр байхдаа аль болох ихийг сурч мэдэх, мэдлэгтэй болох нь л хамгийн чухал. Тавиур дээрх энэ бүх номоо уншаагүйгээсээ болж маш их мэдлэгийг олж авч чадаагүйдээ би их гунигласан. Гэсэн ч биеэсээ гарч, байшингаараа алхах нь гайхалтай туршлага мэт санагдсан учир тэр сэтгэл хангалуун ч байв. Энэ нь удаан үргэлжилсэнгүй. Түүнийг өөр ертөнц рүү эргүүлэн татахад тэр тайз мэт тэгш өндөрлөг дээр зогсож байсан ба нэгэн дуу хоолой түүнд хандав.
Энэрэнгүйг нь хоолой гэж тодорхойлж болох тэр хоолой: “Мэхийгээд, дэлхийтэй салах ёс хийвэл ямар вэ?” гэсэн. Тэгэхэд нь би: “Юу болоод байна вэ? Би яагаад тэгэх ёстой гэж?” гэв. Тэр: “Мэдэж байна уу? Чи ердөө жүжигчин байсан, дэлхий бол жүжиг. Одоо мэхийн ёслох цаг болсон” гэсэн. Тэгээд би “Тэгье, асуудалгүй.” гэсэн. Би хошин шогийн жүжигчин шиг мэхийсэн. Дараагийн зүйл гэвэл, нэг хөшиг байсан […] тэр хөшиг ч бас хаагдсан. Учир нь бид бүгд энэ дэлхийн тайзан дээрх жүжигчид шүү дээ. Дараа нь Рийд Орчлонгийн ертөнцүүдээр аялж, ярихад цаг орохоор олон газраар зочилсон гэв.
Эцэст нь би нэг газар хүрээд, эргэн тойрноо хартал энэ асар, асар том хаалга харагдсан. Тэр хаалга бас үзэсгэлэнтэй байсан. Би хүлээж байсан ч ямар ч дарамт, өвдөлт, айдас, ер нь юу ч мэдрээгүй. Тэгээд би өөрөөсөө [нэг] асуулт асууж байлаа. “Ашгүй, эцэст нь би олон асуултынхаа хариуг авах нь.” Эцэст нь би Есүстэй уулзах гэж байлаа. […] Тэнд зогсоод, хаалгыг биширч байхдаа, тэр маш өндөр, тэнгэр өөд асар өндөр сүндэрлэж байсан болохоор би үнэхээр их гайхсан. Рийд үзвэр үйлчилгээний салбарт байгууламж барьж, техникийн тоног төхөөрөмж ашиглан ажилладаг тул хаалганы сүрлэг өндөр байдал нь түүний анхаарлыг татжээ. Тэгтэл түүнд “Тэр хаалгаар орвол дахин хэзээ ч буцаж чадахгүй” гэсэн бодол төржээ.
Яг тэр үед би: “Би үхэж болохгүй. Би тэгж болохгүй. Миний цаг болоогүй” гэж ухаарсан. […] “Миний сүйт бүсгүй гэртээ ирнэ. Тэр над руу залгана. Намайг олохгүй болохоороо гэртээ ирээд, хаалгаа онгойлгоод, намайг энд үхчихсэн хэвтэж байгааг харна. Түүнийг ийм зүйл туулаасай гэж би хүсэхгүй. Энэ түүнд дэндүү аймшигтай.” гэж санагдав. Тэгээд гэнэт би бие рүүгээ буцаад унасан. Бие рүүгээ чанга нүргэлэх аниргүйд унах шиг болсон. Маргааш Рийд Мурсын клиник үхлийн тохиолдлын төгсгөлийн 3-р хэсэгт бидэнтэй хамт байгаарай. Үүнд тэр гэнэт буцаж ирсэн, мэдэрсэн хэмжээлшгүй Хайраа үгүйлсэн тухайгаа болон энэ явдал амьдралыг нь хэрхэн өөрчилснийг ярина. (UFO Paranormal Radio UFO Paranormal Radio YouTube суваг – Баярлалаа)
Илүү огноо харах
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд
Prompt
OK
Татаж авах
Шэйр
Шэйр хийх
Шигтгэсэн видео
Эхлэх