ӨДӨР ТУТМЫН МЭДЭЭ-ний гол тойм – 2026 оны 11 дүгээр сарын 15
АНУ-ын зуучлалаар [Арабын Нэгдсэн Эмират Улсын] Абу Даби хотод Орос, Украин (Урейн) улсуудын хооронд 2 өдөр үргэлжилсэн энхийн хэлэлцээр 11-р сарын 11-нд өндөрлөж, дайны олзлогдогсдыг олноор солилцохоор зарчмын тохиролцоонд хүрчээ. Украин (Урейн)-ы хэлэлцээрийн ахлах төлөөлөгч Рустем Умеров аюулгүй байдал, хөгжил цэцэглэлтийн асуудлаар “асар их ахиц” гарсныг мэдээлсэн ч дэлгэрэнгүй тайлбарлаагүй бол АНУ-ын зуучлагчид харилцан үл итгэх байдал, газар нутгийн маргаан гол саад хэвээр байна гэж мэдэгджээ. Хэлэлцээрт Украин (Урейн)-ыг Оросын ирээдүйн халдлагаас хамгаалах аюулгүй байдлын баталгаа болон Зүүн Европ дахь НАТО [Умард Атлантын гэрээний байгууллага]-гийн нөлөөг хязгаарлах Оросын шаардлагыг авч хэлэлцсэн байна. Украин (Урейн) улс болон Европын холбоотнууд нь аюулгүй байдлын өргөн хүрээний хэлэлцээрийг хэлэлцэхээс өмнө гал зогсоохыг хүсэж байгаа бол Орос байлдааныг зогсоохоос өмнө тохиролцоонд хүрэхийг шаардаж байна. АНУ-ын элч Стив Уиткофф, Жаред Кушнер нар цаашдын хэлэлцээрт Европыг оролцуулахыг мөн дэмжсэн бол Украин (Урейн)-ы хэлэлцээрийн төлөөлөгчид он дуусахаас өмнө шийдэлд хүрнэ гэж найдаж байгаагаа илэрхийлжээ. (The New Voice of Ukraine, Anadolu Agency, Reuters, BBC, Politico)
АНУ-ын Ерөнхийлөгч Дональд Трамп 11-р сарын 9-нд Ирантай хийж буй дайн цэргийн хувьд “үндсэндээ дууссан” гэж мэдэгдсэн ч АНУ-ын бүслэлт үргэлжилж, дахин цэргийн ажиллагаа явуулах боломж хэвээр байгааг баталжээ. (Al Jazeera)
Иран улс Ормузын хоолойгоор газрын тос тээвэрлэгч хөлгүүдийг чиглүүлэхэд тусалдаг Оманы Дидамар арлын навигац, холбооны тоног төхөөрөмжид халдсаныхаа хариуцлагыг хүлээжээ. Уг халдлага АНУ Ираны Кешм аралд цохилт өгсний дараа буюу 11-р сарын 8-нд болсон гэгдэж буй бөгөөд газрын тос тээвэрлэхэд ашигладаг дэд бүтцийн аюулгүй байдалд санаа зовних шалтгаан болсон байна. Хохирлын хэмжээ тодорхойгүй хэвээр байсан бөгөөд худалдааны хөлгүүд Оманы усан хилээр дайрах өмнөд чиглэлийн замаа үргэлжлүүлэн ашиглаж байжээ. (Fox News)
АНУ, Хятад улс хиймэл оюун [ХО]-ы эрсдэлийг удирдах талаар яриа хэлэлцээр эхлүүлсэн гэж АНУ-ын Сангийн сайд Скотт Бессент 11-р сарын 10-нд мэдэгдлээ. Тус улсууд ХО-ны дэвшилтэт загваруудыг нийтэд гаргахаас өмнө турших, хүний хяналтыг хадгалах шилдэг туршлагаа солилцохоор төлөвлөж, ХО-ны загваруудтай холбоотой ноцтой тохиолдлын талаар харилцан анхааруулах шууд суваг байгуулж байна. Ноён Бессент 2 улсын хооронд санал зөрөлдөөн үргэлжилж буйг хүлээн зөвшөөрөхийн зэрэгцээ энэхүү хамтын ажиллагаа нийтлэг эрсдэлийг бууруулж, үл ойлголцлоос сэргийлэх зорилготой гэж мэдэгдсэн байна. (Anadolu Agency)
Их долоогийн гадаад хэргийн сайд нар Тайвань (Формоса) хоолой, Зүүн болон Өмнөд Хятадын тэнгис дэх хяналтын тэнцвэрийг хүч хэрэглэх, албадлагаар өөрчлөхийг эсэргүүцэж байгаагаа дахин нотолжээ. 11-р сарын 9-нд [Францын] Парис хотод хийсэн уулзалтаараа тэд хууль дээдлэх зарчимд суурилсан чөлөөт, нээлттэй Энэтхэг-Номхон далайн бүсийг хадгалахын ач холбогдлыг онцолсон гэж Японы Гадаад хэргийн яам мэдээлжээ. (Taipei Times)
Үйлдвэрчний эвлэлүүдийн мэдээлснээр 11-р сарын 11-нд Испанид 14 жилийн дараах анхны бүх нийтийн ажил хаялтад 4 сая ажилчин нэгдэж, түрээсийн өсөлт, албадан нүүлгэлт, орон сууцны хэт өндөр үнийг эсэргүүцэв. Ажил хаялт үйлдвэр, боомт, нийтийн тээвэр, дэлгүүрийн үйл ажиллагааг саатуулсан ч оролцоо нь улс даяар харилцан адилгүй байжээ. Испанид ойролцоогоор 750,000 орон сууц дутагдаж байгаа бол түрээсийн дундаж төлбөр залуу хүний сарын дундаж цалинтай бараг тэнцэж байна. шг (CNN, Reuters)
Дани хорих ял эдэлж буй хүмүүст хүүхдүүдтэйгээ холбоотой байхад нь туслах зорилгоор биечлэн уулзах боломж дээр нэмээд долоо хоног бүр дүрст дуудлага хийх үйлчилгээг нэвтрүүлж байна. Энэ санаачилга хүүхдүүдэд хорих ангид очилгүйгээр эцэг эхтэйгээ ярилцах боломж олгож, гэр бүлийн холбоог бэхжүүлэх, хүүхдийн сайн сайхан байдлыг дэмжих зорилготой. Хэдхэн долоо хоногийн дотор Данийн бүх хорих ангид ийм дуудлага хийх боломж бүрдэх төлөвтэй байна. (The Copenhagen Post)
11-р сарын 11-нд [АНУ-ын] Нью-Йорк хотын Бруклинд 3 давхар орон сууцны барилга зэргэлдээх барилгын талбай руу нурсны улмаас наад зах нь 8 хүн амиа алдаж, 19 хүн бэртэж гэмтсэнээс 4 хүний биеийн байдал нэн хүнд байна. Нурангид өртсөн хүмүүсийн дунд 7 хүүхэд байсан бөгөөд аврагчид нурах аюултай нурангид шөнө болтол эрэн хайх ажиллагаа явуулжээ. Тухайн үед хэдэн хүн сураггүй хэвээр байгааг албаныхан мэдээгүй байжээ. Эрх баригчид шалтгааныг тогтоох шалгалт эхлүүлж, Улаан загалмайн байгууллага орон гэргүй болсон оршин суугчдад түр хоргодох байр олоход тусалсан байна. (New York Post, TVA Nouvelles)
Италийн ойролцоогоор 6,300 сургуульд тэсрэх бөмбөг тавьсан тухай сүрдүүлэг цахим шуудангаар ирсний дараа урьдчилан сэргийлэх зорилгоор хэдэн зуун сургуулийг нүүлгэн шилжүүлжээ. Шотланд, Умард Ирландын сургуулиуд ч ижил төстэй сүрдүүлэг хүлээн авсан боловч нүүлгэн шилжүүлсэн тухай мэдээлэл гараагүй. Эрх баригчид эдгээр сүрдүүлэг хуурамч бололтой гэж мэдэгдсэн бөгөөд Шотландын цагдаа олон нийтэд бодит аюул учирсан гэх шинж тэмдэг байхгүйг мэдээлжээ. (CNBC, Sky News)
Европын цагаан хоолтнуудын холбооны тайланд дурдсанаар, ЕХ [Европын Холбоо]-ны 27 гишүүн улсын 12 нь дор хаяж 1 төрлийн ургамлын гаралтай хүнсэнд амьтан-хүмүүсийн гаралтай ижил төрлийн бүтээгдэхүүнээс нь өндөр НӨАТ [нэмэгдсэн өртгийн албан татвар] ногдуулдаг байна. Тухайлбал, Италид ургамлын гаралтай ундаанд 22%-ийн НӨАТ ногдуулдаг бол үнээ-хүний сүүнд 4%-ийн татвар ногдуулдаг. Тус байгууллага татварын эдгээр зөрүүг арилгахыг засгийн газруудад уриалж, татварын нэгдмэл байдлыг сайжруулан үнийг боломжийн болгохын тулд ургамлын гаралтай хүнсэнд хэрхэн татвар ногдуулах талаар нэгдсэн чиглэл гаргахыг Европын Комиссоос хүсэж байна. (Food Ingredients First)
Шувуу-хүний H5N1 томууны улмаас олон сая зэрлэг амьтан-хүн нас баржээ. Дэлхийн үржлийн популяцын талаас илүү нь нутагладаг [Өмнөд Жоржиа ба Өмнөд Сандвичийн арлуудын] Өмнөд Жоржиа аралд 2025 он гэхэд өмнөдийн 53,000 гаруй эмэгчин заан далайн хав-хүн үхсэн, эсвэл үржлийн нутагтаа эргэн ирээгүй гэж тооцоолсон тул Байгаль хамгаалах олон улсын холбоо уг зүйлийг эмзэг ангилалд шилжүүлсэн байна. (The Guardian)
Бүгд Найрамдах Ардчилсан Конго Улсад 2026 оны 11-р сарын 10-ны байдлаар дэгдсэн Эбола вирусийн батлагдсан тохиолдол 8 мужид 11,042, нас баралт 5,387-д хүрчээ. Бундибугьо хувилбарын эсрэг батлагдсан вакцин, тусгай эмчилгээ байхгүй бөгөөд мөргөлдөөн, эрүүл мэндийн тусламжийн хязгаарлагдмал байдал нь халдварыг тогтоон барихад саад болж байна. (Bastille Post Global, ECDC)
Энэтхэгийн Хиндустан Таймс хэвлэлд нийтэлсэн мэдээнд сонсголын мэргэжилтнүүд сонсгол бууралтын тэр бүр анзаарагддаггүй шинжүүдийг онцолжээ. Тэд дараах шинж тэмдэгт анхаарахыг зөвлөсөн байна: 1. Бусдаас хэлснээ давтахыг байнга хүсэх 2. Зурагт, утасны дууг чангаруулах 3.Шуугиантай орчинд яриа сонсоход хүндрэлтэй байх 4. Хаалганы хонх, шувууны жиргээ зэрэг өдөр тутмын чимээг сонсохгүй өнгөрөх 5. Сонсох гэж хичээснээс ядрах эсвэл чих шуугих. Шинж тэмдэг удаан үргэлжилбэл сонсголоо шалгуулах, сонсгол гэнэт муудвал нэн даруй эмнэлэгт хандахыг мөн зөвлөсөн байна. (Hindustan Times, Thanh Niên)
11-р сарын 11-нд [Египетийн] Табагийн ойролцоо 4.5 магнитудын хүчтэй газар хөдлөлт болж, Израилын өмнөд хэсэгт чичиргээ мэдрэгдэн, [Израилын] Эйлатад түгшүүр зарлаж, тус хотын ойролцоох Рамон нисэх буудлыг нүүлгэн шилжүүлжээ. Аюулгүй байдлын шалгалтын дараа нислэгүүдийг сэргээсэн ба шил хагарсан тухай мэдээлсэн ч хүн бэртэж гэмтээгүй, ноцтой хохирол гараагүй байна. (VietnamPlus)
Дэлхий нийтийг хамарсан судалгаагаар цаг агаарын Эль Ниньо үзэгдэл маш хүчтэй илрэх нь саармаг нөхцөлтэй харьцуулахад жил бүр халуунаас шалтгаалсан нас баралт 107 035-аар нэмэгдэх, хүйтнээс шалтгаалсан нас баралт 112 681-ээр буурахтай холбоотой байгааг тогтоожээ. ХХИ [Хүний хөгжлийн индекс, эрүүл мэнд, боловсрол, амьжиргааны түвшнийг хэмжих үзүүлэлт] бага, дунд орнуудад халуунаас шалтгаалсан нэмэлт нас баралтын 67.65% нь ногдож байна. (Daily Mail, Nature Medicine)
Судалгаагаар 2025 он гэхэд IPCC [Уур амьсгалын өөрчлөлтийн асуудлаарх Засгийн газар хоорондын мэргэжилтнүүдийн хороо] 46 бүс нутагт дэлхийн дулаарал 1.5°C хүрэхэд таамагласан бүс нутгийн дулаарлын 90%–94%, 2°C-т хүрэхэд таамагласан дулаарлын 65%–76% нь аль хэдийн явагдсаныг тогтоожээ. Бүс нутгийн дулаарлын бараг бүхэлд нь хүний үйл ажиллагаа нөлөөлсөн бөгөөд гол хүчин зүйл нь хүлэмжийн хий юм. Хойд хагас бөмбөрцгийн өндөрлөг өргөргийн бүсүүдэд хамгийн их дулаарал ажиглагдаж, Оросын Арктик (3.3°C) тэргүүлж, Хойд Америкийн зүүн хойд хэсэг (2.6°C), баруун хойд хэсэг (2.4°C) удаалжээ. (Phys.org, Nature Climate Change)
[АНУ-ын] Массачусетсийн Их Сургуулийн Массачусетс Дэйли Коллижиан хэвлэлийн сэтгүүлч, нийтлэлч Люси Петерсон (веган) веган хооллолт нь булчингийн өсөлт, бие бялдрын чадавхыг дэмждэг нотолгоог дурдаж, амьтан-хүний мах идэхийг эршүүд байдалтай холбодог хэвшмэл ойлголтыг шүүмжилжээ. Тэрээр шар буурцаг идэхийг эмэгтэйлэг гэж үздэг ойлголтыг няцааж, орчин үеийн эршүүд байдлыг бусдыг ойлгон энэрэх чанар илүү сайн тодорхойлно гэжээ. (Massachusetts Daily Collegian)
Францын амжилттай ажиллаж буй BIG Sister Café веган хоолны газар [Их Британийн] Лондон хотын Марбл-Арчид 1970-аад оны хэв маягтай түр хоолны газар нээж, өглөө, өдрийн хоолыг хослуулсан шинэлэг веган хоолоор үйлчилжээ. Үйлчлүүлэгчдийн эрэлт их байсан тул үүсгэн байгуулагч Николя, Майлис (хоёулаа веган) нар Лондонд байнгын байр хайж байна. (Vegan Food & Living)
Дүпүг хөлдөөхөд дотор нь жижиг хөндийнүүд үүсэж, бүтэц, амт, сүмс шингээх чадвар нь сайжирдаг гэж VegNews мэдээлжээ. Дүпүг үйлдвэрийн савлагаатай нь бүхлээр хөлдөөх, эсвэл хурдан гэсгээхийн тулд эхлээд хэрчихийг зөвлөсөн байна. Хөргөгчид хийж гэсгээгээд, хоол хийхээс өмнө илүүдэл усыг нь шахаж гаргаарай. Дүпүг хоол хийхээс өмнө гэсгээж, усыг нь шахахад илүү нягт, зажлууртай болж, веган шаржигнуур тахианаас эхлээд веган загас, шарсан төмс хүртэлх хоолыг улам сайхан болгодог. (VegNews)
Украин (Урейн)-й эх “Таня ээж” хэмээн танигдсан Тетяна Вишняк дайны олзлогдогсдыг суллуулахын төлөө үйл ажиллагаагаа үргэлжлүүлж, хайртай хүмүүсээ хүлээсээр буй гэр бүлүүдтэй мөр зэрэгцэн зогсож байна. 4 жилийн турш 400 гаруй цуглаанд оролцсон тэрээр хүү Артем нь энэ оны 5-р сард суллагдсан ч уг үйл хэрэгтээ үнэнч хэвээр байна. (Kyiv Post)
11-р сарын 2-нд орсон аадар борооны улмаас [АНУ-ын] Флорида мужийн Палм-Бей дэх нэгэн айлын гэр усанд автахад хөрш Стефани Фангай тэдний Фэйсбүүк дэх тусламж хүссэн нийтлэлийг хараад 17 настай Лукас, 15 настай Жона хөвгүүдээ туслуулахаар явуулжээ. Ах дүү 2 өөр нэг хөршийн хамт сэлүүрт хавтан, зээлсэн каяк завь ашиглан эх, хүү хоёр болон 3 нохой-хүнийг аварсан байна. (ClickOrlando, WKMG News 6)
[Египетийн] Каир муж Каирын өмнөд хэсгийн Эль-Теббинд 700 гаруй нохой-хүнийг багтаах хүчин чадалтай, гудамжны нохой-хүмүүст зориулсан анхны жишиг асрамжийн газраа нээжээ. Тус газар мал эмнэлгийн тусламж, үргүйжүүлэх мэс засал, галзуугийн вакцин, нөхөн сэргээх үйлчилгээ үзүүлээд эрүүл болсон нохой-хүмүүсийг анх байсан орчинд нь буцаадаг. Мөн эрүүл, вакцинд хамрагдсан нохой-хүмүүсийг үрчлүүлдэг байна. (Egypt Independent, Ahram Online, Cairo Scene)
Өдрийн гэгээрүүлэх эшлэл: “Амар тайвныг тогтоогчид ерөөлтэй еэ. Учир нь тэд БУРХАНЫ хүүхдүүд гэж нэрлэгдэх болно.” - Эзэн Есүс Христ (цагаан хоолтон) Шүтэн бишрэгдсэн Гэгээрсэн Их Багш. БУРХАНЫ Хүү. (Матай 5:9, Ариун Библи)
Рийд Мүүрсийн клиник үхлийн тухай энэхүү 3 хэсэгтэй цувралын 1-р хэсэгт тэрээр үхлийн тухай хариулт хайж өнгөрүүлсэн он жилүүдээ болон нойрондоо нас барж, хонгилоор дамжин, өөрийн байрандаа сүнс болон алхаж явснаа мэдэрсэн тэр өглөөг эргэн дурсана. Рийд Гаитид өссөн бөгөөд эцэг эх нь христийн шашинтай ч хатуу чанд бус, чөлөөт үзэлтэй байв. Тэрээр багаасаа хүчирхийлэл, үхэл хагацлыг нүдээр үзэж өсжээ. Түүнийг 12 настай байхад нагац эгч буюу ээжийнх нь 28 настай эмэгтэй дүү халуурч эхлээд, ердөө 2 хоногийн дотор нас баржээ. Ээж нь уйлж, өөрөө гүн гашуудсанаа тэрээр санадаг бөгөөд үхэл гэж юу болохыг эргэцүүлж эхэлсэн байна. Тэрээр шашнуудыг судалж, ном цуглуулсан ч эрж байсан хариултаа олж чадсангүй. Зөвхөн итгэх нь Рийдэд хангалтгүй байв. Тэрээр өөрийн туршлагаар мэдэхийг хүсэж байлаа.
2009 онд Рийд Канад руу нүүжээ. Эхэндээ амьдрал хэцүү байсан ч сүйт бүсгүйтэйгээ учирсны дараа аажмаар тогтворжсон байна. Тэрээр мөн хожмын бэрхшээлүүд эхлэхээс өмнө тохиолдсон сүнслэг туршлагаа дурссан юм. Нэг өглөө тэрээр сүнслэг байдлаар маш их өргөгдсөн мэт мэдрэмжтэй сэрж, найз руугаа утасдан, билиг ухааныг оллоо гэж хэлжээ. Гэвч хожим нь түүний нөхцөл байдал дордов. Тэрээр сэтгэлээр унаж, санхүүгийн бэрхшээлд орж, уур бухимдалтай болж, хараал хэлэн, тэр ч байтугай Библи урж хаяжээ. Бэрхшээл улам нэмэгдэхэд амьдрал дэндүү хүнд санагдаж, тэр үхэхийг хүсэмжлэн гуйж эхэлжээ.
2014 оны 1-р сарын 10-ны өглөө сүйт бүсгүйтэйгээ гадуур үдшийг өнгөрүүлсэн Рийд хамт амьдардаг гэртээ орондоо оржээ. Дараа нь болсон явдал түүний хэзээ ч төсөөлж байгаагүй зүйл байлаа. Би өөрийгөө [нэг] зүүдэнд байгааг харсан ч тэр зүүд биш байлаа. Харин эргэн хартал би тэр хонгилд байсан. Тэгээд үүнийг ухаараад би: “Хөөх, хүмүүсийн ихэнх нь үхэх үедээ харсан гэж ярьдаг тэр хонгил биш гэж үү?” гэж бодсон. Эргэн тойрноо харж, юмсыг ажиглаж байтал би өөрийгөө өөр олон хүнтэй нэг зүгт явж байгааг харсан. Рийд болон бусад нь хонгилын гүн рүү явж, төгсгөлд нь ойртлоо.
Гэтэл гэнэт ээжийнхээ дууг сонсоод гайхаж, “Ээж минь Флоридад амьдардаг, харин би Канадын Монреальд байна шүү дээ. Ээж надтай яг одоо яаж ярьж чадаж байна аа?” гэж бодсон. Тэгтэл ээж “Үгүй ээ, бид үхчихжээ!” гэж хэлсэн. Тэгээд гэнэт бидний тээж явдаг, үнэндээ сүнсийг маань тээдэг тэр бие зүгээр л хий нь гарсан мэт шалчийж, би гэнэт үхсэн. Тэгэхэд үхэл өөрийн гэсэн чимээтэйг мэдсэн. Яг л 1980-аад оны зурагтуудыг унтраахад голд нь жижиг лазерын цэг шиг зүйл үүсээд үл ялиг дуу гардаг даа, тийм чимээ сонсогдсон. Гэтэл гэнэт […] би өөрийгөө босоод зогсчихсон, өрөөгөө тойруулан харж, эд зүйлсээ шалгаж, бүх юмаа нэгжин, хувцасны шүүгээ рүүгээ очиж буйг харсан. Эд зүйлсээ үзэж байхдаа Рийд тэдгээрийн аль нь ч одоо чухал биш болсныг ухаарчээ. Одоо тэр нас барсан тул эзэмшиж байсан ямар ч зүйл нь түүнийг амилуулж чадахгүй байв.
Тэгтэл энэрэнгүй хоолой гэж тодорхойлж болох нэг хоолой: “Сөгдөн мөргөөд, ертөнцтэй салах ёс гүйцэтгэвэл ямар вэ?” гэж хэлсэн. Би “Юу болоод байна аа? Би яагаад тэгэх ёстой гэж?” гэж асуусан. Рийд Мүүрсийн клиник үхлийн тухай энэхүү 3 хэсэгт цувралын 2-р хэсэгт маргааш бидэнтэй хамт байгаарай. Үүнд тэрээр байраа орхин гарч, энэрэнгүй дуу хоолой сонсон, асар том хаалганд хүрсэн тухайгаа өгүүлнэ. (UFO Paranormal Radio UFO Paranormal Radio YouTube суваг - Баярлалаа)