ӨДӨР ТУТМЫН МЭДЭЭ-ний гол тойм – 2025 оны 11-р сарын 25

АНУ Ираны армийг дэмждэг нефтийн сүлжээнд тавьсан хоригоо чангатгаж байна. Энэхүү сүлжээнд АНЭУ, Панам, Герман, Энэтхэгт хууль бусаар түүхий нефтийн худалдаа эрхэлдэг хуурамч, “цаасан дээрх” компаниуд, мөн Ираны нефтийг тээвэрлэдэг хөлөг онгоцнуудын “сүүдрийн флот” багтдаг бөгөөд Ираны цэргийн төсөв болон итгэмжлэгдсэн хүчинд тэрбум тэрбумын орлого бий болгодог. АНУ мөн Ойрх Дорнод дахь Ираны дэмжлэгтэй террорист бүлэглэлүүдэд зэвсэг, тээвэрлэлтийн дэмжлэг үзүүлдэг Махан Эйр болон түүний охин компани Язд Эйрвэйзэд хориг тавьжээ. (АНУ-ын Сангийн яам)

АНУ-ын Ерөнхийлөгч Трамп 738 хоногийн турш Хамас бүлэглэлийн барьцаанд байж, Өөрийнх нь баталгаажуулсан гал зогсоох хэлэлцээрийн дагуу өнгөрсөн сард суллагдсан Израилын арав гаруй иргэнтэй уулзлаа. Цагаан ордонд Ерөнхийлөгч тэднийг “баатрууд” гэж нэрлэн, хүн тус бүрд үндэсний дээд шагналын нэг болох ерөнхийлөгчийн нэрэмжит зоосыг бэлэглэсэн байна. (Нью-Йорк Пост)

АНУ-ын Ерөнхийлөгч Трамп Украин (Урейн)-д 28 зүйл бүхий энхийн төлөвлөгөөний төслийг танилцууллаа. АНУ, ОХУ-ын хамтран боловсруулсан уг саналд дараах зүйлс багтаж байна: + Украин (Урейн)-ы бүрэн эрхт байдлыг баталгаажуулна. + Орос, Украин (Урейн), Европын хооронд үл довтлох гэрээ байгуулна. + Украин (Урейн) НАТО-д элсэхгүй байх үндсэн хуулийн амлалт өгнө. + Украин (Урейн)-ы зэвсэгт хүчнийг 600,000 хүнээр хязгаарлаж, Барууны холбоотнуудаас аюулгүй байдлын баталгаа, ЕХ-нд элсэх эрх олгоно. + Оросыг дэлхийн эдийн засагт дахин нэгтгэж, хориг арга хэмжээг үе шаттайгаар цуцлан, Их наймын засгийн газар хоорондын улс төрийн форумд дахин уригдах болно. + Оросын царцаасан хөрөнгийг ашиглан Украин (Урейн)-ы сэргээн босголтын томоохон суурийг бий болгоно. + Газрын тухайд: Крым, Луганск, Донецк мужуудыг де-факто Орос гэж хүлээн зөвшөөрнө. Херсон, Запорожье мужууд фронтын шугамын дагуу хөдөлгөөнгүй байна. Донецкт цэрэггүй хамгаалалтын бүс байгуулна. + Украин (Урейн) 100 хоногийн дотор сонгууль явуулна. + Мөргөлдөөнд оролцсон бүх талууд өршөөлд хамрагдана. + Ерөнхийлөгч Трампаар ахлуулсан Энх тайвны зөвлөл хэрэгжилтэд хяналт тавина.

Ерөнхийлөгч Трамп Украин (Урейн) улсад 11-р сарын 27 хүртэл уг саналыг хүлээн авах хугацаа өгчээ. (AP)

Ерөнхийлөгч Трамп Саудын Араб улсад цахим нийтлэлийнхээ улмаас олон жилийн турш хоригдож байсан Америкийн иргэн Саад Алмадиг суллууллаа. Ерөнхийлөгч Трамп Саудын Арабын угсаа залгамжлах хунтайж Мохаммед бин Салмантай [АНУ-ын] Вашингтон хотод уулзсанаас нэг өдрийн дараа түүнийг сулласан юм. Ноён Алмадийн гэр бүл Ерөнхийлөгч Трамп, аюулгүй байдлын албаныхан болон Төрийн департаментад баярлаж, талархаж байгаагаа илэрхийлжээ. (Фокс Ньюс)

[Тайландын] Пукет хотын цагдаа нар Америк, Европын агентлагуудад кибер халдлага үйлдсэн хэргээр АНУ-аас эрэн сурвалжлагдаж байсан, 35 настай, Оросын хакер Денис Обрезког баривчиллаа. (Евроньюс)

Өмнөд Солонгос улс Ау Лак (Вьетнам) улсад цахим залилангийн гэмт хэрэгтэй хамтран тэмцэх санал тавьжээ. Хоёр тал эдийн засаг, худалдаа, шинжлэх ухаан/технологи, дижитал шилжилт, ХОУ (хиймэл оюун ухаан)-ы дэд бүтэц, хүний ​​нөөцийн сургалт, ард иргэд хоорондын солилцооны чиглэлээр илүү нягт хамтран ажиллахаар тохиролцсон байна. (ВнЭкспресс)

АНУ-ын Ерөнхийлөгч Трамп Нью-Йорк хотын даргаар сонгогдсон [Ардчилсан социалист] Зохран Мамданитай Цагаан ордонд уулзлаа. Тэд орон сууцыг сайжруулах, амьжиргааны зардлыг бууруулах зэрэг нийтлэг зорилтуудад төвлөрсөн найрсаг яриа өрнүүлжээ. Ерөнхийлөгч Трамп улс төрийн үзэл бодлын хувьд ялгаатай ч тэд хоёулаа Нью-Йорк хотыг сайн сайхан байлгахыг хүсдэг гэв. Тэрээр ноён Мамданыг “ухаалаг” хэмээн нэрлэж, түүнийг консерватив болон либералуудын аль алиныг нь сайн замаар гайхшируулна гэж бодож буйгаа илэрхийлсэн байна. (Фокс Ньюс)

АНУ-ын Ерөнхийлөгч Трамп сонгуульд хөндлөнгөөс оролцсон талаарх нэхэмжлэлээ Айова мужийн шүүхэд хэвээр үлдээж, хууль ёсны ээлжит ялалтаа байгууллаа. Ерөнхийлөгч Трампын хуулийн баг санал асуулга явуулагч Ж.Анн Селзер болон The Des Moines Register сониныг 2024 оны эцсийн санал асуулгаар “сонгуулийн увайгүй хөндлөнгийн оролцоо” хийсэн гэж үзэж байна. Тус сонинд Камала Харрисыг Ерөнхийлөгч Трампаас 3 оноогоор давуу байсан гэж харуулсан бол бодит байдалд Ерөнхийлөгч Трамп Айова мужид 13-аас дээш оноогоор ялсан юм. (Фокс Ньюс)

АНУ-ын Нийгмийн хамгааллын алба Конгресст албан бичиг илгээж, АНУ-ын Ерөнхийлөгч Трампын удирдлага дор томоохон ахиц дэвшил гарсан тухайгаа илэрхийлж, америкчуудын тэтгэмж, бичиг баримт боловсруулах хугацаа, үйлчлүүлэгчдэд үзүүлэх үйлчилгээ нь “сүүлийн хэдэн арван жилд хамгийн хүчтэй түвшин”-д хүрсэн гэж мэдэгджээ. (Фокс Ньюс)

АНУ 45 муж, навахо үндэстэн, Хойд Марианы арлууд дахь уурхайчдын аюулгүй байдал, эрүүл ахуйн сургалтад 10.5 сая гаруй ам.долларын шагнал олголоо. (АНУ-ын Хөдөлмөрийн яам)

Их Британийн тойм судалгаагаар веган мах, шар буурцгийн сүү зэрэг хэт боловсруулсан веган хоол хүнс нь стейк, тахианы цээж зэрэг амьтан-хүний гаралтай “боловсруулаагүй” бүтээгдэхүүнтэй харьцуулахад зүрхний эрүүл мэндэд илүү ашигтайг тогтоожээ. Судалгаагаар веган ХБХ (хэт боловсруулсан хүнс) нь боловсруулаагүй веган хүнс шиг эрүүл биш хэдий ч амьтан-хүний гаралтай бүтээгдэхүүнээс илүү эрүүл хэвээр байгааг тогтоов. Энэ нь веган хоол хүнс урт удаан, эрүүл амьдралын түлхүүр болохыг нотолсон, өсөн нэмэгдэж буй баримтууд дээр нэмэлт болж байна. (Ургамалд суурилсан мэдээ)

Төмсний чипстэй хачиртай талх нь зөөлөн талх, цөцгийн тос, шаржигнасан чипс бүхий англи, ирланд уламжлалт зууш юм. Үүний веган хувилбар нь амтыг хадгалж, эрүүл мэндийг дэмждэг. Веган цөцгийн тос нь ханасан тос багатай, холестерингүй байдаг ба судалгаагаар ургамлын түрхлэг нь сүүн цөцгийн тостой харьцуулахад цусан дахь липидийн үзүүлэлтийг сайжруулдаг болохыг харуулжээ. Талхан дээрх веган цөцгийн тосыг угаасаа веган төмсний чипстэй хослуулснаар сонирхолтой, илүү эрүүл, дурсамж сэргээсэн амттаныг бий болгодог. (ВегНьюс)

Туркийн профессор Исмаиль Йылмаз Турк улсад тахиа-хүний мах, чигжмэл хясаа, цөцгийтэй амттан, өндөг агуулсан майонез зэрэг өндөр эрсдэлтэй хүнсний бүтээгдэхүүнүүд бүгд нийлүүлэлтийн сүлжээнд муудаж, бохирдох магадлалтайг анхааруулж байна. (Турк Өнөөдөр)

[Бангладешийн] Нарсингдид 5.7 магнитудын хүчтэй газар хөдлөлт болж, наад зах нь 5 хүн амиа алдаж, 100 орчим хүн бэртэж гэмтжээ. Газар хөдлөлтийн чичиргээ Энэтхэгийн зүүн мужуудад мэдрэгдсэн байна. (Ройтерс)

[Бангладешийн Нарсингди дүүргийн] Горашалд 5.5 магнитудын хүчтэй газар хөдлөлт болж, нийслэл Дака хотод барилгууд ганхаж, дор хаяж 8 хүн амиа алдаж, 300 гаруй хүн бэртэж гэмтжээ. (AP)

[Индонезын] Төв Жава муж: Чилакап, Банжарнегарад болсон хөрсний гулгалтын улмаас амь үрэгдэгсдийн тоо 30-д хүрсэн бөгөөд аврах ажиллагаа үргэлжилж байна. (Ройтерс)

Ау Лак (Вьетнам): Дон Най, Лам Дон аймгуудад голын усны түвшин нэмэгдэж, Дон Най мөрний дагуух 366 айл, 357 га талбай үерт автжээ. (ВнЭкспресс)

Өнгөрсөн баасан гарагт [ИБУИНВУ-ын] Шотландад намрын хамгийн хүйтэн шөнө тохиож, агаарын хэм -11ºC-т хүрч буурав. (Үндэстэн)

Галын дохиолол COP30-ын хэлэлцээрийг зогсоож, бүх хүнийг нүүлгэн шилжүүлэх ажлыг эхлүүлжээ. [Бразилын] Белем хотын хурлын төвд гал гарсны улмаас төлөөлөгчид яаравчлан гарч, гал сөнөөгчид тус газрыг аюулгүй болголоо. Энэхүү саатал нь уур амьсгалын санхүүжилт болон чулуужсан түлшний шилжилтийн асуудлаар тохиролцоонд хүрэхээр тэмцэлдэж, хуваариасаа хэдийн хоцорсон байсан дээд хэмжээний уулзалтад нөлөөлөв. (Ройтерс)

[Их Британийн] Лондоны аквариумын эзэд амьтан-хүний сайн сайхны асуудлыг сонсохоо амлажээ. Энэ нь эсэргүүцэгчид 15 ширхэг женту пингвин-хүнийг хонгилын давхрын шахцалдаантай нөхцөлөөс чөлөөлөхийг шаардсантай холбоотой юм. Тус маргаан Ирланд, Их Британид этгээд амьтан-хүмүүсийг олноор нь хорьж буй асуудалд өргөн хүрээтэй анхаарал хандуулахад хүргэж байна. (Irish Examiner)

АНУ-ын Тэнгисийн цэргийн Lightfish нэртэй дрон түүхэндээ хамгийн хурдан хугацаанд Атлантын далайг туулсан, хүнгүй гадаргуугийн хөлөг онгоц болжээ. Энэ нь 4,000 бээр [6,437 км]-ийг ойролцоогоор 60 хоногт туулан Португалд хүрсэн бөгөөд өмнөх дээд амжилтаас 12 хоногоор хурдан байсан байна. (АНУ-ын Дайны яам)

[Их Британийн] Саутхэмптон хотын нийтийн хоолны үйлчилгээ сургуулиудад мексик маягийн амтат чинжүүтэй “non carne” зэрэг байгальд ээлтэй, эрүүл веган хоолоор үйлчилсний учир Их Британийн ProVeg School Plates Awards-аас мөнгөн шагнал хүртлээ. (DE)

Голландын ургамалд суурилсан хоолны брэнд Lazy Vegan илүү олон веган бус хэрэглэгчдэд хүрч, уян хатан байхын тулд нэрээ LAZY болгон өөрчлөв. Хэдийгээр нэр нь өөрчлөгдсөн ч бүх хоол нь 100% веган хэвээр байна. (Vegconomist)

[АНУ-ын] Калифорнийн Их Сургуулийн Риверсайд кампус Амьтдын төлөөх хүмүүнлэг ертөнц байгууллагатай хамтран кампус дахь арга хэмжээгээр веганизмийг сурталчилж, 2027 он гэхэд хоолны 50%-ийг веган болгох амлалтаа тэмдэглэж байна. (Амьтдын төлөөх хүмүүнлэгийн ертөнц)

Дэлхийн веган түрхлэгийн зах зээл 2034 он гэхэд бараг хоёр дахин өсөж, 843 сая ам.доллароос давна гэж таамаглаж байна. Жил бүр ойролцоогоор 6%-ийн өсөлттэй байх бөгөөд энэ нь веган тос, самрын тос, буурцгийн түрхлэг, хумус, гуакамоле, веган цөцгийтэй бяслаг зэрэг алдартай бүтээгдэхүүнүүдийн эрэлтээс үүдэлтэй. (Insightace Analytic Pvt Ltd.)

Голландын судалгаагаар хэрэглэгчдийн 96% нь веган бургер гэх мэт нэр томьёог амархан ойлгодог бөгөөд худалдан авагчид ургамлын гаралтай бүтээгдэхүүнийг амьтан-хүний гаралтай махнаас ялгаж чаддаг болохыг харуулжээ. Хүмүүс танил, ойлгомжтой нэрийг илүүд үздэг бөгөөд ургамлын гаралтай бүтээгдэхүүнийг эвгүй, хэт албан ёсны шошго дор нуусан байхыг хүсдэггүй. Судалгааны үр дүн ЕХ-ны “махтай” гэсэн нэршил худалдан авагчдыг төөрөгдүүлдэг гэсэн мэдэгдлийг няцааж, веган хоолны нэрийг өөрчлөх сүүлийн үеийн оролдлого нь ихэвчлэн мах, сүүн бүтээгдэхүүний салбарыг хамгаалж байгаа болохоос хэрэглэгчдийг хамгаалж байгаа биш гэдгийг харуулж байна. (Planet Food)

Дани улс үндэсний тогтвортой хөгжил, уур амьсгалын төлөвлөгөөнийхөө хүрээнд веган хооллолтыг дэмжих зорилгоор 200 сая ам.долларын санг байгууллаа. Энэ нь залуу тогооч нарыг веган хоолны урлагт сургаж, веган хоолыг илүү сонирхолтой, бүтээлч болгох шинэ үеийг бий болгоход чиглэж байгаа юм. (Channel News Asia)

Эйр Индиа компани цагаан хоолыг тусгай сонголт бус, харин үндсэн стандарт болголоо. Бүх ангилалд веган болон цардуулгүй сонголтуудыг багтаасан нь дэлхийн агаарын тээврийн салбарт шинэ хүлээлт бий болгож байна. (Planet Food)

Норвег улс Украин (Урейн)-д хүнсний аюулгүй байдалд зориулж өмнө нь олгосон 11.7 сая ам.доллар дээр нэмээд 45 сая ам.долларын хүмүүнлэгийн тусламж үзүүлэхээр болов. (Одесса сэтгүүл)

Бүгд Найрамдах Чех улс Ау Лак (Вьетнам) улсад шуурга, үерийн гамшгийн дараах сэргээн босголтод зориулан 132,000 ам.долларын тусламж үзүүллээ. (VnExpress)

АНУ-ын Recruiting for Good фирм веган шагналын хөтөлбөрийг эхлүүлж, олон жилийн турш нийгэмдээ хувь нэмэр оруулсан 10 сайн дурын ажилтанд бүх зардлыг багтаасан веган хоолны болон эрүүл мэндийн багц олгож байна. Энэхүү хөтөлбөрийн бүх хөрөнгө Girls Design Tomorrow нэртэй залуу охидын зөвлөгч хөтөлбөрийг дэмжихэд зориулагдана. (CBS42)

Германд үүрэг гүйцэтгэж буй АНУ-ын Агаарын цэргийн хүчний ахлах ажилтан Ханна Лиллунд хөршийнхөө гэрт амьсгал боогдож байсан 9 сартай нярай Эумиг аварчээ. Хатагтай Лиллунд туслахаар унтлагынхаа хувцастай доошоо гүйж очин, хүүхдийг гурван удаа зөөлөн цохисны дараа хүүхэд ханиалгаж, өнгө нь сэргэсэн байна. (АНУ-ын Дайны яам)

[Ау Лак (Вьетнам)-ын Хошимин хотын] Ба Дием дүүргийн багш Нгуиень Хоан бараг 15 жилийг хөгжлийн бэрхшээлтэй сурагчдыг уран зураг сонирхолтой болгоход зарцуулжээ. Олон сурагч түүнийг “хоёр дахь эцэг” гэж үзэхийн хамт тэвчээр, үнэнч зүтгэлийг нь өндрөөр үнэлдэг. (baotintuc.vn)

Есүс миний төсөөлж байсан шиг харагдаагүй. Тэр богино бор үстэй, нэвт ширтсэн ногоон нүд, нүүр дүүрэн инээмсэглэлтэй байлаа. Гэхдээ зүүн гар, баруун гараа мэддэг шиг, толинд хараад өөрийгөө таньдаг шигээ би Тэр бол Есүс гэдгийг мэдсэн. Америкийн Агаарын цэргийн хүчний ахмад дайчин Чейс ДеМайо хэрхэн нас барж, Эзэн Есүс (цагаан хоолтон)-тэй гэрэлтсэн цэцэрлэгт уулзан, амьдралын шинэ даалгавартайгаар буцаж ирсэн тухайгаа өгүүлсэн юм.

Чейс 17 настайдаа Агаарын цэргийн хүчинд элсжээ. Нэг өглөө ахлагч нь дотуур байрных нь өрөөг онгойлгоход Чейс шалан дээр ухаангүй хэвтэж байв. Түүнийг баазын эмнэлэгт яаралтай хүргэж, олон шинжилгээ хийсэн ч гэнэт ухаан алдалтын шалтгааныг тайлбарлаж чадсангүй. Дараа нь энгийн судсаар шингэн хийх гуурсыг тохируулах үед түүний хяналтын дэлгэц дохиоллоор дүүрэв. Эмнэлгийн багийнхан сандран ажиллаж байх үед Чэйс гэнэт тайвшруулсан Нэгэн Оршихуйг мэдэрсэн бөгөөд тэрхүү Оршихуй болох гэж буй зүйлсийг тайлбарлаж өгсөн байна.

“Эмч сувилагч нар бүгд миний бие дээр бөөгнөрөн ажиллаж эхлэх үед хэн нэгэн миний зүүн талд сууж бүх зүйл сайхан болно гэж хэлээд гарыг минь илсэн. Дараа нь тэрхүү зүүн талын дуу хоолой “Чиний гар руу агаар орно. Энэ маш их өвдөлттэй байх болно. Гэхдээ бүх зүйл зүгээр болно.” гэв. Өвдөлт нь тэр судсанд 5-10 дахин том зүйл орж байгаа мэт санагдсан. Зүрх рүү чиглэсэн галт тэрэг шиг л санагдаж байлаа. Гэхдээ миний зүүн талын тайван дуу хоолой үнэхээр итгэлтэй байсан.”

Эцэст нь Чейс зүүн тийшээ харахад тэнд хэн ч байгаагүй.

Миний зүүн талд хэн ч байсангүй. Түүгээр ч барахгүй би дэлгэц бүрэн шулуун болсон (зүрхний бичлэг тасарсан) байгааг харсан. Тэр мөчид би дээшээ хөвж эхэллээ. Бие дэх бүх зүйл чөлөөлөгдөж эхлэх шиг санагдсан. Миний бие сайхан сэрүүхэн, гайхалтай мэдрэмжээр дүүрч, цээжнээс минь сулран гарч байгаа мэт, бүр цээжнээс минь гэрлийн хонгилоор цацран гарч байгаа юм шиг мэдрэгдсэн. Энэ бол миний мэдэрч чадах хамгийн сайхан мэдрэмж байлаа. Яг л энэ сайхан, аз жаргалтай хайрын мэдрэмж миний биеийг тойрон хүрээлсэн мэт байсан. Би дээшилж байсан ч хаашаа явж байгаагаа харах боломжгүй байв. Гэхдээ би “Миний явж байгаа газар үнэхээр үзэсгэлэнтэй” гэдэгт бүрэн итгэж байсан.

Чейс дэлхий дээр байхгүй гайхалтай, хурц гэрэлтэй цэцэрлэг рүү оржээ. Цэцэг, ургамлууд нь амар амгалан, хайраар дүүрэн долгионыг цацруулж байсан агаад Чейс тэднийг өөрийнхөө нэг хэсэг мэт мэдэрч байлаа. Дараа нь тэр хоёр төрхийг харав.

Өмнөө би урт нөмрөг нөмөрсөн Эрхэмийг харсан. Тэрээр гурав дөрвөн настай, буржгар шаргал үстэй хүүгийн араас хөөж байлаа Бяцхан хүү эргэж харан урагшаа гүйж байв. Нэг л эрх танхи байдалтай байсан. Яг л аав, хүү хоёрынх шиг энэ сайхан харилцааг харж байлаа. Тэр бяцхан хүү үнэхээр аз жаргалтай, зүгээр л амьдралаас таашаал авч байхыг харсан. Би ойртож очтолоо доошоо хараад “Өө, Бурхан минь, энэ чинь би байна шүү дээ!” гэж бодов. Буржгар шаргал үстэйгээ мартчихсан байсан. Би бас тийм аз жаргалтай байсан. Би 19 нас хүрээд амьдралыг маш нухацтай авч үзсэн. Ажил мэргэжил, цэрэг арми болон энэ бүх зүйлд маш их санаа зовдог болсон. Тэгээд энэ нь миний өмнө нь ямар байсныг сайхан сануулсан хэрэг байлаа.

Дараа нь тэр Хүн Чейз рүү эргэхэд тэрээр Хэн болохыг шууд таньжээ.

Би тэр даруй Тэр бол Есүс гэдгийг мэдсэн. Би бас үүнийг хэлэх ёстой. Есүс миний төсөөлж байсан шиг харагдаагүй. Тэр богино бор үстэй, нэвт ширтсэн ногоон нүд, нүүр дүүрэн инээмсэглэсэн, эрүүл, амар тайван байлаа. Нөмрөг нөмөрсөн Хүн. Гэхдээ зүүн гар, баруун гараа мэддэг шиг, толинд хараад өөрийгөө таньдаг шигээ би Тэр бол Есүс гэдгийг мэдсэн. Тэгээд тэр агшинд Есүс над руу эргэж “Чиний амьдрал гэрэл, хайр, инээдийг түгээн, ийм байх ёстой.” гэдгийг надад үндсэндээ харуулсан. Бараг л чи энд байсан бөгөөд үүнийг аль хэдийн мэдэж байгаа гэдгийг сануулах шиг. Үүнийг мартсан ч үргэлж мэддэг байсан гэж сануулах шиг. Амьдралыг хэтэрхий нухацтай авч үзэж байгааг сануулж байлаа. Би ажил мэргэжил, мөнгө, машины төлбөрөө хийж чадах болов уу гэсэн бүх буруу зүйлд анхаарлаа хандуулж байжээ. Эцэст нь эдгээр нь үнэндээ чухал биш. Хамгийн чухал нь би сэтгэл хангалуун байж, хүмүүсийг инээмсэглүүлж, дэлхийд буцааж өгч буй мэдрэмж юм.

Тэд цаг хугацааг мэдрэхгүйгээр хамт зогсож байх үед Эзэн Есүс билиг ухаан, гүн мэдлэгийг дамжуулжээ.

“Тийм их мэдлэг өгсөн ч надад хэдийн мэддэг юм шиг санагдсан. Гэхдээ өнгөрсөн хугацаанд Түүнтэй маш их цагийг өнгөрөөсөн юм шиг тийм нөхөрсөг харилцаа байсан.”

Дараа нь Чейсийн буцаж ирэх цаг болжээ.

Тэгээд намайг мэдээгүй байтал тэр янзтай хошигнон инээмсэглээд “Чи мэдэж байгаа, чи буцах ёстой.” гэж хэлэв. Би маргаагүй. “Тийм ээ, би мэдэж байгаа.” гэсэн. Энэ нь надад би энд олон удаа ирж байсан гэдгийг сануулсан. Магадгүй клиник үхэлд орсон үе шиг тийм аймаар биш. Гэхдээ би тэнд олон удаа байсан. Яг л найздаа түр баяртай гэж хэлж байгаа мэт. Түүнийг өмнө нь харж байсан, дахин харах болно гэдгээ мэдэж байгаа, зүгээр л одоохондоо түр баяртай гэж хэлж байгаа юм шиг. Би буцах ёстой, хийх зүйл маш их байгаа гэдэг нь маш тодорхой, ойлгомжтой байлаа.

Тэр даруйд Чейз биедээ эргэн ирсэн боловч цэргийн баазаас огт өөр эмнэлэгт хүргэгдсэн байсан бөгөөд тэнд түүнийг нас барсан гэж зарлах гэж байжээ. Хожим нь тэрээр эмнэлгийн алдаанаас болж судсанд нь агаар орж, зүрх нь зогссон байсныг мэдсэн байна.

Дараа нь Чейз цэцэрлэгийн тухай дурсамж, өөрөө байсан балчир хүүхдийг, Эзэн Есүсийн захиасыг тээн явав. Энэ явдал амьдралд хандах хандлагыг нь бүхэлд нь өөрчилж, баяр баясгалан, хөнгөн байдал, хайр руу эргэн ирж, энэ гэрлийг бусадтай хуваалцахыг сануулсан юм.

Амьдралын утга учир бол суралцах, хувьсаж хөгжих, бүх зүйлийг ирснээсээ илүү сайхан болгож үлдээх явдал гэж би бодож байна. (Гэртээ харьсан нь)

Энэ өдрийн урам зориг өгөх эшлэл: “Бусдаас хайрыг хүсдэг ч өөрөө өгдөггүй хүн хайрлуулж чадахгүй. Үргэлж хамгийн түрүүнд хайраа өг. Тэгвэл танд эргэн ирэх болно.” - Хүндлэгдсэн Гэгээрсэн Их Багш Бейнса Дуно (цагаан хоолтон)