ӨДӨР ТУТМЫН МЭДЭЭ-ний гол тойм – 2025 оны 11-р сарын 21

Украин (Урейн)-ы ерөнхийлөгч Зеленський Грек улстай шингэрүүлсэн байгалийн хий (ШБХ)-н гэрээ байгуулснаар, Грек улс Оросын хийг Америкийн ШБХ-ээр солих АНУ-ын мөрийн хөтөлбөрийг баталсан ЕХ-ны анхны орон боллоо. (Евроньюс)

Улаан хавирган сар нийгэмлэгийн мэдээлснээр, 95 цагаач тээвэрлэж явсан хоёр завь [Ливийн] далайн эргийн Аль Хумс хотын ойролцоо хөмөрч, дор хаяж 4 цагаач амиа алджээ. (Ройтерс)

Дэлхийн хамгийн том нисэх онгоц тээвэрлэгч USS Gerald R Ford хөлөг хар тамхины наймаатай тэмцэхэд туслах зорилгоор Карибын тэнгист иржээ. Энэ нь тус бүс нутагт үе үеийн турш нэмэгдэж буй, тэнгисийн цэргийн флотын арав орчим хөлөг онгоц, 12,000 албан хаагч бүхий АНУ-ын цэргийн хамгийн том хүч болж байна. (Скай Ньюс)

Венесуэлийн ерөнхийлөгч Николас Мадуро АНУ-ын байлдааны хөлөг онгоцнууд улсынх нь эрэгт ойртож буй энэ үед АНУ-ын Ерөнхийлөгч Трамптай нүүр тулан ярилцахад бэлэн байгаагаа мэдэгдлээ. (CBS)

Карибын тэнгист дарамт шахалт, АНУ-ын цэргийн хүч нэмэгдэж буй энэ үед АНУ Венесуэлийн ерөнхийлөгч Мадуротой хэлэлцээр хийх боломжтой хэмээн АНУ-ын Ерөнхийлөгч Трамп мэдэгдлээ. (Ройтерс)

АНУ-ын Ерөнхийлөгч Трамп 200 гаруй хүнсний бүтээгдэхүүнд ногдуулсан гаалийн татварыг цуцалснаар, 50 хүртэлх хувийн татварын ачаалалтай тулгарч байсан Энэтхэгийн хөдөө аж ахуйн экспортлогчдод хөнгөлөлт болж байна. (Ройтерс)

АНУ-ын Ерөнхийлөгч Трамп Диваажин, хойд насны талаар улам ихээр дурдах болсон нь 2024 онд Түүний амь насыг хохироох хоёр оролдлогоос амьд үлдсэнтэй холбоотой гэж шинжээчид үзэж байна. (Чосун)

Засгийн газрын үйл ажиллагаа дахин нээгдсэний дараа агаарын тээврийн ажилтнууд ажилдаа эргэн орсноор АНУ яаралтай нислэгийн хязгаарлалтыг цуцалж, улс даяар хэвийн үйл ажиллагааг сэргээх боломж бүрджээ. (Фокс Бизнес)

Улс төрийн шинжээч Марк Тиссен Ерөнхийлөгч Трампыг 11 сарын хугацаанд Байдены 4 жилийн хугацаанд хийснээс илүү их ажил хийсэн гээд, Ерөнхийлөгч Трампын олон ололт амжилтыг заримаас дурджээ: + 2021 онд [Афганистаны Кабулын] Аббей Гэйт дэх бөмбөгдөлтийг зохион байгуулсан террористыг зургаан долоо хоногийн дотор аюулгүй болгосон. Байден гурван жилийн турш үүнийг хийж чадаагүй. + НАТО-г ДНБ [Дотоодын нийт бүтээгдэхүүн]-ий 2%-ийг батлан ​​хамгаалахад зарцуулдаг болгож, 5%-д хүргэх амлалт авсан. + Венесуэлийн хар тамхины 21 хөлөг онгоцыг аюулгүй болгосон, энэ тоо нэмэгдсээр байна. + Хууль бус хил нэвтрэлтийг бараг тэг болгож бууруулсан. + Дээд шүүх дээр 16 том ялалт байгуулсан. + Их Британи, Индонези, Ау Лак (Вьетнам), Өмнөд Солонгос, Япон, ЕХ-той найдвартай худалдааны гэрээ байгуулсан. + Украйн (Урейн), Австрали улсуудтай газрын ховор элементийн гэрээ байгуулсан. + Оюутны хотхон дахь еврей, консерватив үзлийг эсэргүүцдэг хандлагыг арилгах зорилгоор Пенсильванийн Их Сургууль, Колумбын Их Сургуультай гэрээ байгуулсан. + Нэг Агуу Сайхан хуулийн төслийг баталж, татварын хөнгөлөлтөө байнгын болгож, цайны мөнгөний татварыг зогсоож, сонгуулийн сурталчилгааны бусад амлалтуудыг биелүүлсэн. + Трампын батлан ​​хамгаалахын 2 дахь өргөтгөлийн эхлүүлж, 156 тэрбум ам.долларын батлан хамгаалахын төсөв баталсны дотор, 25 тэрбум ам.долларыг "Алтан бөмбөгөр" пуужингаас хамгаалах бамбайд зориулсан. + АНУ-ын Арми, Тэнгисийн цэргийн хүчин, Агаарын хүчин, Сансрын хүчин бүгд элсүүлэх зорилгоо хэдэн сарын өмнө биелүүлсэн. + Өнөөг хүртэл 8 дайныг зогсоож, Ойрх Дорнодод түүхэн энхийн гэрээ байгуулсан. + АНУ-ын татвар төлөгчдийн долларын оронд НАТО-гийн мөнгөөр ​​ Украин (Урейн)-ыг зэвсэглэж байна. + Үндэсний гвардийг хотуудад гэмт хэргийг цэвэрлэхээр илгээв.

Ноён Тиссен төгсгөлд нь “Тэр [Ерөнхийлөгч Трамп] 11 сарын хугацаанд Жо Байдены 4 жилийн хугацаанд хийснээс хавьгүй ихийг, бүр маш их зүйл хийсэн. Энэ бол миний амьдралдаа харж буй ерөнхийлөгчөөр сонгогдсон эхний жилдээ гүйцэтгэсэн хамгийн том амжилтуудын нэг юм.” гэжээ. (Фокс Ньюс)

АНУ-ын ТВ-ийн реалити шоуны од Рик Харрисон Ерөнхийлөгч Трампыг фентанил хар тамхины хямралтай тэмцэхийн тулд Карибын тэнгист цэргийн ажиллагаа явуулсныг нь сайшаажээ. Тэрээр жил бүр 100,000 гаруй америк хүн хар тамхи хэтрүүлэн хэрэглэсний улмаас, түүний дотор 70,000 гаруй нь фентанилаас болж нас бардаг гэж тэмдэглэжээ. Ноён Харрисон эдгээр үхлийг АНУ-ын хотуудад олон тооны цөмийн бөмбөг дэлбэрсэнтэй адил зүйрлэж, хэрвээ гадаадын картелууд бөмбөг, химийн зэвсэг хууль бусаар тээвэрлэж байсан бол хэн ч цэргийн ажиллагааг эсэргүүцэхгүй байх байсан, одоогийн хар тамхины хямрал ч ялгаагүй гэж нотолж байна. (Фокс Ньюс)

АНУ-ын Ерөнхийлөгч Трамп Төлөөлөгчдийн танхимын БНН-ын гишүүд бэлгийн гэмт хэрэг үйлдсэн Жеффри Эпштейнтэй холбоотой бүх материалыг ил болгохын төлөө санал өгөх хэрэгтэй, Бүгд найрамдах намынханд "нуух зүйл байхгүй” гээд, Ардчилсан намынхан энэ асуудлыг анхаарал сарниулах зорилгоор ашигласан гэж буруутгажээ. (Нью-Йорк Пост)

АНУ-ын Ерөнхийлөгч Трамп IEEPA [Олон улсын онц байдлын эдийн засгийн эрх мэдлийн тухай хууль]-ийн дагуу баталсан татварыг нь Дээд шүүх батлах эсэхээс хамаарч, 2026 онд америкчуудад ногдол ашгийн 2000 ам.долларын чек олгоно гэж мэдэгджээ. Хэрэв татварыг батлахгүй бол Ерөнхийлөгч Трамп “өөр хувилбар хэрэгжүүлнэ" гэжээ. (Нью-Йорк Пост)

АНУ-ын Хөдөө аж ахуйн сайд Брук Роллинз 186,000 орчим залилангийн хэргийг илрүүлснийхээ дараа үрэлгэн зардал, завшилтыг бууруулахын тулд хүнсний нэмэлт тусламж (SNAP) авсан хүн бүр дахин өргөдөл гаргах шаардлагатай болно гэж мэдэгджээ. (Нью-Йорк Пост)

Их Британи цагаачлалын асуудал сонгогчдын анхаарлын төвд байсаар байгаа тул хууль бус шилжилт хөдөлгөөнийг зогсоох зорилгоор ажиллах боломжтой гэж үзсэн орогнол хүсэгчдэд үзүүлэх санхүүгийн дэмжлэгийг танаж байна. Энэхүү өөрчлөлт нь Их Британийг Дани улсын загварт ойртуулж байгаа бөгөөд үүний дагуу цагаачид богино хугацааны зөвшөөрөл авч, байнга дахин хүсэлт гаргах ёстой бөгөөд тэдний эх орон аюулгүй гэж үзвэл буцааж илгээх боломжтой болж байна. (Евроньюс)

Эмч нар хэрээний нүд ургамлыг эслэгээр баян, үл исэлдүүлэгчээр дүүрэн супер хүнс бөгөөд хоол боловсруулах үйл ажиллагааг хэвийн болгох, элэг хоргүйжүүлэх, цусны даралт тэнцвэржүүлэх үйлчилгээтэй гэж магтдаг. Үүнд агуулагдах фолат, К амин дэм нь зүрх хамгаалан, ясыг бэхжүүлэхэд тусалж, байгалийн пребиотикууд нь гэдэсний бичил биомыг тэжээдэг. Амь насыг тэтгэх веган хоолонд ухаалаг нэмэлт болгох зорилгоор бага зэрэг жигнэж, эсвэл хуурч идээрэй. (Healthline)

Мэргэжилтнүүдийн үзэж буйгаар манжин нь C амин дэм, эслэг, глюкозинолат хэмээх ургамлын нэгдлүүдээр хангадаг бөгөөд энэ нь үрэвслийг бууруулж, элгийг хоргүйжүүлж, эсийг гэмтлээс хамгаалахад тусалдаг нь тогтоогджээ. Үүний илчлэг багатай, удаан шингэдэг нүүрс ус нь тогтвортой энерги өгдөг бол навчит орой нь кальци, төмрөөр баялаг юм. Олон талын амт, шим тэжээл өгөх зорилгоор эрүүл веган шөл, битүү жигнэсэн, эсвэл энгийн шарсан хоолонд манжин нэмээрэй. (WebMD)

Ау Лак (Вьетнам)-ын төв хэсэгт хүчтэй аадар бороо орсны улмаас гол төлөв Ханьхоа аймаг, Да Нанг хотод хөрсний гулгалт үүсэж, 7 хүн амиа алдаж, 4 хүн сураггүй алга болжээ. ​(Тань Ньень)

[Ау Лак (Вьетнам)-ын Куанчи аймгийн] Ба Лонг коммунд үерийн улмаас зарим байшин дээвэр нь далд ортол живсэн тул эрх баригчид1000 орчим оршин суугчийг нүүлгэн шилжүүлжээ. (Тань Ньень)

Кенийн Зэрлэг амьтан хамгаалах алба Найваша нуурын ойролцоох үерт автсан тариалангийн талбайгаас эрээн тахь-, анааш-, конгони-хүн зэрэг амьтан-хүмүүсийг тусгай хамгаалалттай газарт нүүлгэн шилжүүлэхээр яаравчлан ажиллаж байна. (Стандарт)

[Ау Лак (Вьетнам)-ын] Ханьхоа аймаг: Хань Сонгийн даваанд үүссэн хөрсний гулгалтад хуаран булагдаж, нэг хүн сураггүй алга болжээ. (Дан Три)

[Ау Лак (Вьетнам)-ын Да Нанг хотын] Хунг Сон коммун: Үргэлжилсэн хөрсний гулгалтаас болж эрх баригчид 670 гаруй оршин суугчийг аюулгүй газарт нүүлгэн шилжүүлэхэд хүрчээ. (Дан Три)

11-р сарын 16-ны шөнө [Ау Лак (Вьетнам)-ын] Да Нанг хотыг ер бусын гэрлүүд дагалдсан хар салхи дайрч, 55 байшин сүйдэж, 4 хүн бэртэж гэмтжээ. (Тань Ньен)

Төгс Гэгээрсэн Их Багш Чин Хай (веган)-н хүсэлтээр цаг уурын Хаанаас ирүүлсэн тайлан: Ер бусын гэрэл нь гамшгийг аль болох бага байлгахын тулд сөрөг хүчний эсрэг хүчнээс ирдэг. Хамгаалагчдын хүч хүчтэй тэмцэж, улмаар хохирлын ихэнх хэсгийг буурууллаа. Бурханы Ивээл дор Тэдний халамжит үйлсэд Тэдэнд чин сэтгэлээсээ талархъя!!!

Амьтан-хүний эрхийг хамгаалах бүлгүүд ФИФА (Олон улсын хөл бөмбөгийн холбоо)-нд Марокко улс долоо хоног бүр 10,000 орчим гудамжны нохой-хүнийг олноор нь хөнөөсөөр байвал 2030 оны Дэлхийн аварга шалгаруулах тэмцээнийг хамтран зохион байгуулагч орны статусыг нь хасахыг уриалж байна. (Метро)

[АНУ-ын Нью-Йорк мужийн] Чемунг тойрог: ​​Гурван хүн амьтан-хүмүүст харгис хандсан хэргээр буруутгагджээ. Үүнд нэг нь жижиг нохой-хүнийг зоос, самбарын хадаасаар хүчээр хооллосон гэх үндэслэлээр, нөгөө хоёр нь амьтан-хүмүүсийг хэт ядрааж, тамлан зовоож, гэмтээсэн, түүнчлэн зохистой хооллоогүй зэрэг А зэрэглэлийн гэмт хэргээр буруутгагджээ. (WKRC)

Их Британийн Мишелин одтой Плэйтс веган ресторан нь Тайм Аут сэтгүүлээс Лондон дахь веган хоол идэх хамгийн шилдэг газраар шалгарсан бөгөөд тус ресторан нь “хуучин ертөнц/ шинэ санааны философи”, хүнсний ногоогоор сайхан хийсэн хоолоороо таван одоор шагнуулсан байна. (Тайм Аут)

Их Британийн мэс засалч доктор Лео Ченг Глобал Мерси хэмээх ашгийн бус эмнэлгийн хөлөг онгоцонд [Сьерра Леоны] Фритаун хотын нярайгаас нүүрнийх нь хэмжээтэй хавдрыг үнэгүй авч, амь насыг нь аварчээ. Тус хөлөг нь 2023 оноос хойш Сахарын цөлөөс урагш орших Африкийн бүсэд 3,600 гаруй удаа үнэ төлбөргүй мэс засал хийсэн байна. (Сайн мэдээний сүлжээ)

АНУ-ын Дэливерин Гүүд хэмээх ашгийн бус байгууллага нь ядуурал, байгалийн гамшигт нэрвэгдсэн нийгмийн бүлгийг дэмжих зорилгоор олон мянган брэндтэй хамтран ажиллаж, тусламж хэрэгтэй хүүхэд, гэр бүлүүдэд нийт 3 тэрбум гаруй ам.долларын шинэ бараа бүтээгдэхүүн түгээснийхээ 40 жилийн ойг тэмдэглэж байна. (Сайн мэдээний сүлжээ)

Их Британи: Орео, Бисквит, Миттенс, Боб хэмээх 4 зулзагыг Йоркийн ойролцоох Танкред хаягдал тээвэрлэх станцад 2 тонн модон овоолгын дундаас аварч, Yorwaste компанийн ажилтнууд үрчлэн авчээ. (BBC)

“Тэр Бурхандаа залбирч эхлэв. Тэгтэл миний удирдаж чаддаг гэж бодож байсан бүх чөтгөрийн хүч үндсэндээ ил гарч ирсэн. Тэд надад заналхийлж эхэлсэн. Учир нь би тэднийг өөрсдөд нь ялагдашгүй Хүчний эсрэг авч орсон байсан юм.” Сатаны бүлгийн ахлах тахилч асан Лиза Гуинн Христийн шашны нэгэн номлогчийг устгах даалгаварт явахдаа харанхуйн хүчнээс дээгүүр Агуу Хүч оршин байдгийг нээж, ариун хүчний нөлөөгөөр 20 жилийн нууцлаг шидийн дадлаасаа ангижран жинхэнэ эрх чөлөөг олсноо ярьсан юм.

Лиза хүчирхийлэлтэй гэр бүлд өссөн ба багаасаа л аймшигтай хүчирхийлэлд өртдөг байжээ. Дахин хэзээ ч гэмтэхгүй байх, хүчтэй, хяналттай болохын тулд тэрээр илбэ, хараалын ертөнцөд хандаж эхэлсэн байна. Хэвлэл мэдээлэл, сургуулийн номын санд байсан нэмэлт мэдрэхүй, ид шидийн тухай номууд, мөн нууцаар сатаны бүлгийн тахилч хийж байсан авга ах нь Лизаг тэр ертөнцөд алхам алхмаар оруулжээ. 12 настайдаа Лиза сатаны ёсны авшиг хүртэв. Удалгүй тэр өөртэй нь гэрээ байгуулсан сүнслэг хүчнүүдийн нөлөөгөөр эцэг эхийнхээ хүчирхийллийг зогсоох хэмжээний хүчтэй болов. Тэр нэг удаа над руу дайрч ирэх үед би нэг зүйлийг төсөөлсөн. Тэр үед ганцхан би өөрөө хардаг ‘төсөөллийн найзууд’-тай болсон байсан. Гэхдээ миний төсөөллийн найзууд үнэхээр хүчирхэг байсан гэж би итгэдэг байсан. Үнэн хэрэгтээ тэд бол би өөрөө зөвшөөрөл/гэрээ байгуулсан сүнслэг хүчнүүд байсан юм. Тэд намайг хамгаалсан мэт нэгэн төрлийн бүрхүүл, хүч бүрдүүлж өгсөн. Түүнийг над руу ирэх үед би “Үгүй, боломжгүй” гэж бодмогц тэр үнэхээр зогсож, ухарч харагдсан.” (“Та тэр үед хэдэн настай байсан бэ?”) Би 13 настай байсан.” Лизагийн хувийн шинж чанар бүхэлдээ эрх мэдэл, хяналтад хүрэх хүсэлд автжээ. Тэр шат ахисан ахисаар эцэст нь ахлах тахилч болж чадсан байна. Сатанизм нь нүдийг нүдээр гэдэг “хуучин хуульд” үндэслэсэн бөгөөд цусан тахил шаарддаг гэж тэрээр тайлбарласан юм. Анх удаа хүний амь авахыг харсан тэр мөчдөө Лиза үнэхээр цочирдож, энэ бүхнийг хэдэн жил ухаанаасаа арчиж дарсан байна. Гэвч цаг хугацаа өнгөрөхөд тэр сэтгэл хатуурч, хүн ямар ч зовлон амссан бай зорилгодоо хүрэхийн төлөө золих үнэ мэтээр харах болжээ. “Харанхуйн хаант улсад нэгэнт орсон бол энэ нь нохойгоо барьдаг нохойн, буутай дээрэмчний сэтгэлгээтэй адил юм. Тиймээс хүчнээс хүч рүү дамжсаар явна. Өөрийг тань унагахыг зорьж байгаа нэгэн ямагт байна. Гэхдээ мөн чанар тань бүхэлдээ өөрийн тань юунд хүрч чадах, өөртөө хэр их хүч чадал олж авах, бусдыг хянах чадвараас хамааралтай болдог.”

Лиза харанхуйн хаант улс бол туйлын хүч бөгөөд үхсэнийхээ дараа тэрээр өөрөө тэнд захирна гэдэгт итгэдэг байв. Тэрээр Есүс (цагаан хоолтон) бол зүгээр л Өөрийгөө хөнөөлгөсөн сайн хүн байсан бөгөөд сургаал нь хүмүүст тустай боловч өөрийг нь эсэргүүцэх эрх мэдлийн эх сурвалж биш гэж боддог байжээ. Хэрэв Христэд итгэгчид түүнийг хэрхэн зогсоохоо мэдэхгүй бол тэр хүссэн бүхнээ авах нь зөв гэж үздэг байв. Түүний даалгаварт номлогч, санваартнуудыг хагаралдуулах, устгах зэрэг багтаж байлаа. Тэр болон түүний сүлжээ аль хэдийн таван номлогчийг унагааж амжсан байв. Тэд сүм хийдэд зүсээ хувирган нэвтэрч, сул тал, муу муухайг эрэлхийлж, удирдагчдыг хооронд нь хагаралдуулдаг байлаа. Нэгэн удаа Лизаг сүнслэг дайн заадаг гэж нэрлэгддэг пасторыг сүйрүүлэхээр илгээжээ. Тэр эхлээд өөрийн хүмүүсийг шургалуулахаар явуулав. Гэвч тэд буцаж ирсэнгүй. Тэднийг бүтэлгүйтсэн гэж бодоод Лиза үүнийг өөрөө шийдэхээр шийдсэн нь түүний амьдралыг өөрчилсөн юм.

“Би энэ пастороос тусламж хүсэж байгаа мэт дүр эсгэн орсон. Тэр пастор бол нууц ид шидийг дадуулдаг байсан хүмүүст зөвлөгөө өгч, тусалдаг гэдгээрээ алдартай хүн байсан. Намайг хаалгаар орсноос хойш таван минутын дараа тэр Бурхандаа залбирч эхлэв. Тэгээд тэр залбирал нь надад үнэхээр их сүйрэл авчирсан. Миний удирдаж чаддаг гэж бодож байсан бүх чөтгөрийн хүч бараг бүгд ил гарч, өөрсдийгөө илчлээд эхлэв. Түүнийг залбирах үед өрөө дүүрч эхэлсэн. Үнэхээр тэд намайг сүрдүүлж эхэлсэн шүү. Учир нь би тэднийг өөрсдөд нь ялагдашгүй Хүчний эсрэг авч орсон байсан юм. Тэгээд тэр мөчөөс хойш би харанхуйн доторх ‘дээд захирагч’ буюу ‘дээд хүч’-нд үйлчилдэг гэж заалгасан учраас харанхуйн хүчний талаар сатанизмд заасан бүх зүйлд эргэлзэж эхэлсэн.” Номлогч түүнийг Эзэн Есүсийг хүлээн зөвшөөрөхийг уриалсан ч Лиза татгалзаж, харанхуй “хүч”-тэйгээ зууралдсан хэвээр байв. Гэвч Бурхан түүний амьдралд гайхамшигт учралуудыг зохион байгуулж эхэлжээ.

Түүний сатаны удирдагчид түүнээс золиослох хүүхэд төрүүлэхийг шаардахад Лиза эсэргүүцэн, зугтав. Тэрээр өөрийг нь хянахаар илгээсэн Сатаны тэргүүн тахилч болж таарсан нэгэнд дурлажээ. Түүнтэй нүүр тулж, харилцаагаа тасалсны дараа тэр эрэгтэй найзуудынхаа хамт түүний байранд нэвтэрч, бүх зүйлийг нь сүйтгэж, эмч нар түүнийг хэзээ ч хүүхэдтэй болохгүй гэж хэлсэн тул түүнийг маш их зодсон байна. Лиза өөр хот руу зугтав. Лизагийн эмээ залбирахаа хэзээ ч больсонгүй. Тэр утсаар залгаж, Их Эзэн түүнд гараа сунгана гэж хэлсэн гээд, Лизад Бурханы хүчинд итгэдэг санваартныг олж, тусламж гуйхыг уриалжээ.

Эцэст нь Лиза номлолд оролцжээ. Пастор чөтгөрийн оршихуйтай учирч байсан тухайгаа тайлбарлан ярихад энэ нь түүний анхаарлыг татжээ. Тэрээр Бурханы Хүчийг мэдэрсэн хүмүүсийг урагш гарч ирэхийг уриалав. Лиза юу ч мэдэрсэнгүй, гэхдээ хэн нэгэн түүнийг коридор руу түлхэж, тэр тайзан дээр гарч ирэв. Пастор түүний төлөө залбирсан ч юу ч болсонгүй. Лиза явахаар оролдож байх үед нэгэн өсвөр насны хүү түүнийг хоёр удаа зогсоож, “зорьж ирсэн зүйлээ авах” хэрэгтэй гэж ятгаснаар, эцэст нь пастороо дагуулан иржээ. “Тэр пастор надад нэг асуулт тавьсан. Тэр: ‘Та юу хүсэж байна вэ? Хэрэв Бурхан эсвэл Есүс энд зогсоод юу хүсэж буйг тань асуувал, та Түүнд юу гэж хэлэх байсан бэ?’ гэв. Тэгээд би өөрийнхөө жагсаалтыг хэлж эхэлсэн. Би сэтгэлийн амар амгалан гэж юу байдгийг, ‘сайхан’ гэдэг үгийг дахин хэлэх ямар байдгийг, өрөөндөө ямар нэгэн зүйл хөдөлж, дуу чимээ гарахыг сонсохгүйгээр шөнөдөө хоёр, гурван цаг гаруй унтах ямар байдгийг мэдэхийг хүссэн. Би амар амгалан гэж юу болохыг мэдэхийг хүссэн. Тэгээд би түүнд жагсаалтаа өгөхдөө нүүр минь норсныг анзаарч, гараа хүргэн, нулимсаа арчив. Цочирдсон маань үнэхээр ил харагдсан бололтой. Учир нь энэ номлогч ‘Юу болов?’ гэсэн. Би зөвхөн ээрч мууран, ‘Тэднийг дахиж ажиллана гэж бодсонгүй’ гэж л хэлсэн. (“Яагаад?”) Би уйлж байгаагаа ойлгосон. Би олон жилийн өмнө хамгийн сүүлд найман настайдаа намайг ямар нэг зүйлээр хилс хэрэгт буруутгаж, уйлж байхдаа, дахин нулимс асгаруулахгүй гэж өөртөө хэлсэн байсан юм.” Пастор хэрэв Бурхан эдгээр зүйлсийг өгч чадвал Түүнд боломж олгох эсэхийг асуув. Лиза зөвшөөрчээ. Тэр чөтгөртэй нэг удаа хэлцэл хийсэн, Бурханыг туршиж үзэх нь гарцаагүй. Тэр түүнийг нүгэлтэн байсныг хүлээн зөвшөөрч, Их Эзэнээс түүнийг өршөөхийг хүсэн, залбиралд хөтлөв. Гэртээ харихдаа Лиза сүүлийн жилүүдэд анх удаа цэвэр баяр баясгаланг мэдэрчээ. Тэр шөнө тэрээр 13 цаг тасралтгүй аз жаргалтай унтаж, Бурхантай хийсэн гэрээгээ биелүүлэв.

Гэвч Лиза зүгээр л холдож чадсангүй. Дэлхийн шилдэг сатаны тахилчдын охин болох түүнийг хороохоор хууль хэрэгжүүлэгчдийг илгээжээ. Гурван эр түүнийг цөлөөс олжээ. Лиза тэдэнд Есүсийн нэрээр өөрийг нь явуулах ёстой гэж хэлсэн бөгөөд тэд түүнийг маш их зодсон ч явуулжээ. Бүтэлгүйтсэнийхээ төлөө алагдах ёстой байтлаа тэд хэрхэн түүнийг алаагүйг тэр Их Эзэнээс асуув. Бурхан түүнд [Ариун Библийн] Ромын Номыг уншихад хөтөлжээ. Үүнд тэрээр Христийг хүлээн авахдаа Түүнтэй хамт үхэлд оршуулагдсан тухай тайлбарласан байв. Тэдний алахыг зөвшөөрсөн хуучин Лиза үхсэн, тэр шинэ бүтээл болсон байлаа. Тэр хуучин өөрийгөө үхсэн хэвээр үлдээсэн цагт Бурхан шинийг нь амьд байлгах болно.

"Чөтгөрт хүч бий, та үүнийг мэдэж байгаа. Та Бурханы Хүчтэй харьцуулахад чөтгөрт юу ч байхгүй гэж надад хэлж байна уу?" “Юу ч байхгүй, сайханд баглаанд ороосон хуурамч зүйлс л түүнд бий. Эрт дээр үеэс л тэр өөрийгөө дээд зэргийн хүч чадалтай гэж хүмүүсийг хууран мэхлэхийн тулд ингэсээр ирсэн. Ингэснээр хүмүүс Бурханд Туйлын Хүч байгаад зогсохгүй, энэ хүчний нэг хэсэг нь Бурханы хүмүүст зориулсан Хайрын хүч гэдгийг хэзээ ч мэдэхгүй.” “Хэрэв та Бурханыг мэдэхгүй бол хайрыг ч мэдэхгүй. Хэрэв та хүлээн зөвшөөрөгдөхийг мэдэхгүй бол энэ ертөнцөд болж буй үйл явдалтай тэмцэх арга байхгүй. Бурханыг мэдэх нь хайрыг мэдэх явдал юм.” (Сид Рот Энэ бол ер бусын зүйл!)

Өдрийн дэвшүүлэх эшлэл: "Сэрэмжгүй хүн бүх зүгээс айдаст автдаг. Сэрэмжтэй хүн хаанаас ч айхгүй.” — Хүндэт Гэгээрсэн Эзэн Махавира (веган)