ӨДӨР ТУТМЫН МЭДЭЭ-ний гол тойм – 2025 оны 9-р сарын 22

Израил улс 2023 оны 10-р сарын 7-ноос хойш шархадсан 20,000 цэргийг эмчилсэн бөгөөд тэдний талаас илүү хувь нь гэмтлийн дараах стрессийн эмгэг (PTSD)-ээр өвджээ. Тус улсад 2028 он гэхэд 100,000 цэрэг шархадна гэж таамаглаж байгаа бөгөөд АНУ-ын Ерөнхийлөгч Трамп болон дэлхийн бусад удирдагчид Газын зурвас дахь дайныг нэн даруй зогсоохыг уриалж байна. (Израилын цаг үе)

Их Британи газар хөдлөлтөд нэрвэгдсэн Афганистан улсад 3 сая фунт.стерлингийн тусламж үзүүлэхээ амлажээ. Орон нутгийн захиргаа өвөл болохоос өмнө орон байр, эрүүл мэндийн тусламж үйлчилгээ үзүүлэхээр тэмцэж байна. (Пажвок Афган Ньюс)

АНУ-ын ипотекийн зээлийн хүү 3 долоо хоног дараалан буурч, сүүлийн 3 жилийн хамгийн доод хүрсэн байна. Ерөнхийлөгч Трамп Америкийн ард түмний амьжиргааны зардлыг бууруулах амлалтаа үргэлжлүүлэн биелүүлсээр байна. (WhiteHouse.gov)

АНУ-ын ABC суваг консерватив нөлөөлөгч Чарли Киркийн амь насыг хөнөөсөн тухай хөтлөгчийн тайлбарыг хүчтэй эсэргүүцсэний дараа "Жимми Киммел Шууд нэвтрүүлэг"-ийг тодорхойгүй хугацаагаар зогсоожээ. Холбоотнуудын шүүмжлэл, FCC (Холбооны Харилцаа Холбооны Комисс)-ийн мөрдөн шалгалтын дараа энэхүү алхмыг хийсэн байна. (Нью-Йорк Пост)

АНУ-ын Холбооны нөөцийн банк хөдөлмөрийн зах зээлийг тогтворжуулахын тулд бодлогын хүүгээ 0.25 нэгжээр бууруулжээ. Дарга Пауэлл энэ оны сүүлээр дахин хоёр удаа бууруулах боломжтой гэж мэдэгдсэн бол Ерөнхийлөгч Трамп хүүг бууруулах шахалтыг үргэлжлүүлэн үзүүлж, Пауэлл даргыг "чадваргүй" гэж нэрлэсэн байна. (Нью-Йорк Пост)

АНУ-ын Ерөнхийлөгч Трамп АНУ-ын шинэ иргэддээ баяр хүргэж, үндэстнийхээ уламжлал, түүх, соёл, үнэт зүйлийг эрхэмлэн дээдлэх тангараг өргөхийг сануулсан мэндчилгээний захидал бичжээ. (Фокс Ньюс)

[Ау Лак(Вьетнам)-ын] Биньзыонг аймаг дахь будгийн үйлдвэрт хүчтэй дэлбэрэлт болж, их хэмжээний гал гарчээ. Түймэр хүчтэй халуун үүсгэсэн бөгөөд шалтгааныг нь судалж байна. (Нгуен Нгок ТВ)

Ау Лак (Вьетнам) улс 2025 оны Дэлхийн Инновацын Индексийн дагуу бизнесийн манлайлсан хүчтэй Х&С (Хөгжүүлэлт, Судалгаа), хүлээлтээс тогтмол давсан гүйцэтгэлийн ачаар өндөр технологийн импорт, экспорт, бүтээлч бүтээгдэхүүний экспортоор дэлхийд нэгдүгээрт жагслаа. (ВнЭкспресс)

82 настай залуухан аулак (вьетнам) эмэгтэй Нгуен Ти Хуэ 62 жилийн турш нимбэг, хүнсний ногоо, жимсний веган хоолны дэглэм барьжээ. Тэрээр цусан дахь сахрын хэмжээ багатай, эрүүл чийрэг, толигор арьстай, хар үстэй, шүд нь бүрэн бөгөөд хэдэн арван жилээр залуу харагддаг байна. (Док ла Бинь Дуон)

Уламжлалт анагаах ухааны эмч нарын үзэж буйгаар хуурсан хар шошийн цай нь антоцианин зэрэг ургамлын гаралтай байгалийн нэгдлүүдээр бөөрийг хоргүйжүүлж, шээс ялгаруулахад тусалдаг. Цайг чанахаасаа өмнө шошийг зөөлөн гал дээр хуурч, ашиг тусыг нь хадгалахын тулд илүүдэл давс, элсэн чихэр хэрэглэхээс зайлсхий. Өдөр бүр энэ цайг ууж, бөөрний эрүүл мэндэд тустай веган хоол идээрэй. (Тү түөк түөй зиа)

Хоол тэжээлийн мэргэжилтнүүд гадил жимс нь харааг хамгаалж, нойрыг сайжруулдаг гэж үзэж байна. Үүнд агуулагдах А аминдэм нь шөнийн харааг дэмжиж, кали нь нүдний даралтыг тэнцвэржүүлж, триптофан нь нойрны гормон болон хувирснаар шөнийн цагаар нүдийг илүү үр дүнтэй сэргээх боломжийг олгодог. Хараагаа байгалийн аргаар хамгаалахын тулд өдөрт нэг гадилыг уургаар баялаг веган өглөөний цайтай хамт идээрэй. (Хань Тринь Хоэ Вэ Зиа)

Эмч нар үзэж буйгаар балжингарам цэцгийн цай нь ургамлын гаралтай тайвшруулах нэгдэл апигенинаар дамжуулан сэтгэлийн түгшүүрийг бууруулж, сайн унтаж амрахад тусалдаг. Мөн ургамлын гаралтай тэжээллэг хоолтой хослуулах үед хоол боловсруулалтыг дэмжиж, үрэвслийг намдаадаг. Оройд нэг аягаар, долоо хоногт гурваас таван удаа уугаарай. (Хань Тринь Ань Лань)

АНУ-ын эрдэмтэд гуава жимснээс элэгний хорт хавдрыг эмчлэхэд тустай байж болох, ургамлын гаралтай молекулыг хямд өртгөөр гаргах аргыг боловсруулжээ. Мэргэжилтнүүдийн үзэж буйгаар энэ арга нь дэлхий даяар хямд өртөгтэй эмчилгээний хүртээмжийг өргөжүүлж болох аж. (Энэтхэгийн цаг үе)

Бразилын судлаачид гуава жимс, алимын хальс, цайнаас гаргаж авсан ургамлын гаралтай морин нунтгаар буйлны өвчнийг эмчлэх аргыг боловсруулж, мэс заслын бус эмчилгээнд антибиотикийг орлуулах байгалийн гаралтай аргыг санал болгож байна. (Медикал Экспресс)

Аулак (вьетнам) эр гүн далайн загасыг байнга идсэнээс болж бөөрний хэсэгчилсэн дутагдалд орсон бөгөөд биед нь хүнцлийн агууламж аюулгүй хэмжээнээс бараг зургаа ихэссэн байжээ. (CafeF)

Европт худалдаалагдаж байсан лаазалсан алтан жад загасанд загас-хүмүүст хуримтлагддаг хорт металл болох мөнгөн ус аюултай өндөр түвшинд байгааг илрүүлсний дараа Францын Парис зэрэг найман хотын сурагчдын үдийн хоолонд алтан жад загас хэрэглэхийг хоригложээ. Энэ нь Францын сургуулиуд сургуулийн илүү эрүүл үдийн хоолонд чиглэсэн дэлхийн чиг хандлагын нэг хэсэг болох веган хоолыг санал болгож буйтай холбоотой юм. (ПЕТА)

Энэтхэгийн Керала мужид энэ онд тархи иддэг амёбын халдвар 69 бүртгэгдсэний 19 нь нас барсан тул цаашид тархахаас урьдчилан сэргийлэх зорилгоор усыг халдваргүйжүүлэхэд хүргэсэн байна. Орон нутгийн иргэдийн амьд үлдэх түвшин нь дэлхийн дундаж 3% -тай харьцуулахад 24% хүрчээ. (Ройтерс)

Бангладеш улсад 2025 онд Нипа вирусийн халдвараар 4 хүн нас барсныг баталсны дотор нэг нь ердийн дэгдэлтийн улирлын бус үед бүртгэгджээ. Дэлхийн Эрүүл Мэндийн Байгууллага (ДЭМБ) улсын хэмжээнд эрсдэлийг нь дунд зэрэг хэмээн үнэлж буй бөгөөд одоогоор вакцин гараагүй байна. (CIDRAP)

Энэтхэгийн хойд хэсэгт хүчтэй аадар бороо орж, үер буун, хөрсний гулгалт үүссэний улмаас дор хаяж 15 хүн амиа алдаж, Гималайн олон мужид нүүлгэн шилжүүлэлт хийхэд хүрчээ. (VTV)

Ау Лак (Вьетнам): Хо Ши Мин хотод орсон хүчтэй аадар борооны улмаас томоохон гудамж үерт автаж, зорчигчид гацан, мотоциклууд усанд живж, орой болтол усны түвшин бараг тээврийн хэрэгслийн өндөртэй тэнцсэн байна. (Бао Тань Ньень)

[Хятадын] Тяньжин хотын гудамжаар шөнийн цагаар олон мянган мэлхий-, бах-хүмүүс багширч, оршин суугчдыг цочирдуулжээ. Газар хөдлөлтийн товчоо үүний газар хөдлөлтийн идэвхжилтэй холбогдох холбоос олоогүй ч шалтгаан нь тодорхойгүй хэвээр байна. (Saostar.vn)

АНУ-ын судалгаагаар зуны агаарын хэм нэмэгдсэний улмаас Колорадо мужийн алслагдсан нуга дахь шавжийн тоо 20 жилийн дотор 72%-иар буурсан тул “хүн хүрээгүй” экосистемүүд ч уур амьсгалын өөрчлөлтөд өртөмтгий байгааг анхааруулж байна. (SciTechDaily)

Палау улсын ойролцоо Номхон далайд далайн ёроолоос 4.2 км-ийн өндөрт сүндэрлэсэн, Хойд Америкийн Роки дахь зарим уулсаас өндөр, усан доорх асар том уул олдсон байна. Энэхүү нээлт нь далайн биологи болон Палаугийн үндэсний далайн дархан цаазат газрыг ирээдүйд хадгалахад чухал ач холбогдолтой мэдээллийг санал болгож байна. (Earth.com)

[Арабын Нэгдсэн Эмират Улсын] Абу Даби хотын эрдэмтэд нарны салхийг дөрвөн өдрийн өмнө, одоогийн загваруудаас 45%-иар илүү нарийвчлалтай урьдчилан таамаглаж, хиймэл дагуул болон эрчим хүчний системийг сансрын шуурганаас хамгаалахад тусалдаг хиймэл оюун ухаан (ХОУ)-ы хэрэгслийг танилцууллаа. (Phys.org)

Германы ALDI SÜD хүнсний дэлгүүр 2021 оноос хойш ургамлын гаралтай нэр төрлөө 2 дахин нэмэгдүүлж, веган шошготой 1400 гаруй бүтээгдэхүүн санал болгож байна. Тус дэлгүүрийн бүтээгдэхүүний 56.4% нь одоо ургамлын гаралтай бөгөөд жижиглэнгийн худалдаалах газар нь байгальд ээлтэй ургамалд суурилсан худалдан авалтыг дэмжих зорилгоор веган бүтээгдэхүүний нэмэгдсэн өртгийн албан татвар [НӨАТ]-ыг бууруулахыг дэмжиж байна. (Вежкономист)

АНУ-ын ургамлын гаралтай бургерийн зах зээл 2031 он гэхэд бараг хоёр дахин өсөж, 10.34 тэрбум ам.доллар болох төлөвтэй байна. Энэ нь эрүүл мэндэд тустай тогтвортой, амтлаг инновацын эрэлт нэмэгдэж буйтай холбоотой бөгөөд томоохон брэндүүд дэлхий даяар өргөжин тэлж байна. (DataM intelligence 4 Market Research ХХН)

[АНУ-ын] Апекс: ​​10 настай Бруклин Кэррол усан онгоцны ослоор харамсалтайгаар өнгөрөхөөс өмнө нимбэгийн ундааны мухлагаас олсон 30 ам.доллароо амьтан-хүмүүст туслахаар хандивлахыг хүсэж байжээ. Гармоны амьтдыг аврах эмнэлэг үүнд сэтгэл хөдөлж, түүний нэрэмжит сан байгуулж, олон тэжээвэр амьтан-хүмүүсийг аврахын тулд Бруклины 30 ам.долларын бэлгийг 30 ам.долларын 1,000 хандив (30,000 ам.доллар) болгон хувиргахыг олон нийтээс хүсжээ. (WRAL)

Австралийн аврагчид Өмнөд Голден эрэг орчимд загас агнуурын утсанд орооцолдсон бөгтөр халим-хүнийг суллажээ. Тэд хүчтэй салхитай нөхцөлд нэг цагийн турш хүчин чармайлт гарган, түүнийг чөлөөтэй сэлэхэд тусалсан байна. (Хүмүүс)

[Канадын] Нова Скотиагийн "Зэрлэг амьтдын итгэл найдвар" хэмээх байгууллага бууны суманд оногдон шархадсан үхэр зараа-хүнийг аварчээ. Уг амьтан-хүн мэс заслын дараа эргэн сэргэж буй бөгөөд зэрлэг байгальд буцаан тавина. Албаны хүмүүс ойд шилжүүлэн тавьсан амьтан-хүмүүсийг хүндэтгэхийг уриалж байна. (CTV)

Эртний мэргэн ухаанд дурдсанаар өндөр настнууд дараагийн амьдралдаа шилжихээр бэлтгэж буй амьдралынх нь сүүлийн жилүүдэд илэрч болох таван үндсэн шинж тэмдэг байдаг: 1) Тайлбаргүй жин хасах + Шим тэжээлийн шингээлт муудаж, булчин нууцаар алдагдаж буйг илтгэнэ. Эрүүл веган хоолны дэглэм нь өвчний шинж тэмдгийг арилгахад тусалдаг. 2) Байнгын ядаргаа + Өдөр тутмын амьдралыг тасалдуулж буй бүрэн ядаргаа. Гэр бүлүүд засах гэж оролдох биш, харин тайвшруулж, дэмжлэг үзүүлэх ёстой. 3) Танин мэдэхүйн бууралт + Давтагдсан асуултууд тавих зэрэг шинж тэмдгүүд үзүүлдэг. Гэр бүлүүд нь тэвчээртэй, хүлээн зөвшөөрсөн байдлаар хариу үзүүлэх ёстой. 4) Амьсгалын өөрчлөлт + Гүехэн, жигд бус амьсгалах нь зүрх, уушгийг сулруулдаг. Тайван орчин нь тав тухаар хангадаг. 5) Арьс, температурын өөрчлөлт + Хүйтэн, толботой арьс нь цусны эргэлт муу байгааг илтгэнэ. + Дараагийн амьдралд орох энэ жам ёсны шилжилтийн үед халуун дулаан сэтгэл, нөхөрлөл чухал юм. (Сон Хон Нгоан)

Америкийн зохиолч Билл Визийг Бурхан тамд аваачиж, там байдаг эсэхийг мэдэхгүй байгаа үеийнхэнтэй туршлагаа хуваалцахаар сонгосон юм. Энэ бол түүний түүх юм.

1998 оны 11-р сарын 23-ны өглөөний 3:00 цагт Билл нэг аяга ус уухаар ​​орноосоо босов. Гэнэт түүний сүнс биеэсээ суга татагдан харанхуй хонгил руу унасан байна. Барзгар чулуун ханатай, тортой хаалгатай, бохир, утаагаар дүүрсэн гяндангийн чулуун шалан дээр буув. Бүрэн ухамсартай тэрээр тамд байгаагаа ойлгов.

12-13 тохой [3.6-4 метр] орчим өндөр, хайрстай, хонхойсон нүдтэй, асар том эрүүтэй, хөл хүрсэн урт хумстай, мөлхөгч хэлбэртэй хоёр чөтгөрийн төрөлтөн торонд хоригдсон амьтад шиг алхаж, Бурханд хорссон үзэн ядалтаар дүүрэн, Биллийг зүглэн явав. Нэг нь түүнийг асар хүчтэйгээр хана руу шидэж, нөгөө нь цээжийг нь урж, махыг нь тууз маягаар өлгөв. Хэдийгээр цус, ус урсаагүй ч тэр өвдөлт мэдэрсэн бөгөөд хожим нь үүний ихэнх хэсгийг өршөөлөөр хаасан гэж Бурхан тайлбарласан байна. Гэсэн хэдий ч зовлон нь жинхэнэ байв. Гэсэн ч Билл хамгийн аймшигтай зовлон бол хэзээ ч зугтаж чадахгүй, хэзээ ч ямар ч аврал ирэхгүйг мэдрэх мэдлэг буюу найдваргүй байдал гэдгийг ойлгожээ.

Олон сая заналт сүнснүүдийн хашхирах чимээ агаарыг дүүргэж, чих дүлийрэм, байнгын, зайлсхийх боломжгүй байлаа. Өмхий үнэр нь тэвчихийн аргагүй, шатаж буй хүхэр, ялзарсан мах, ямар ч бохир усны хоолойноос ч дор байв. Хортой агаарыг арай ядан амьсгалж, амьсгал давчдах болгонд тэмцэлдэж байв. Түүнд эсэргүүцэх тэнхэл байхгүй, амрах ч үгүй, унтах ч үгүй, мурилзсан өтнүүд дээр зогсож байв. Түүний эргэн тойронд сүнснүүд жинхэнэ галтай ширүүн нүхэнд шатаж, мах нь яснаасаа салан унаж, чөтгөрүүд тэднийг эцэс төгсгөлгүй тарчлааж байлаа. Энэ нь Бурханаас мөнхөд тусгаарлагдах явдал гэдгийг тэр мэдсэн бөгөөд үүнд Түүний Тэнгэрлэг шинж чанарууд болох Амар амгалан, Хүч чадал, Нөхөрлөлийн аль нь ч үлдсэнгүй.

Билл гэнэт хонгилоор дээшээ татагдав. Гялалзсан Гэрэл гарч ирлээ. Тэр Түүнийг шууд таньж, “Есүс” хэмээн хашхирав. Христ: “Би байна.” гэж хариулав. Билл хөлд нь сөхрөн унахдаа зөвхөн цэвэр ариун Туяанд байгаа хүний ​​дүрсийг л харжээ. Их Эзэн Есүс (цагаан хоолтон) түүнд хүрэхэд, ухаан санаа нь бодлуудаар дүүрэв. Билл өөрийг нь яагаад тийшээ явуулсныг асуулаа. Эзэн Есүс хариуд нь: “Учир нь олон хүн, тэр ч байтугай Миний өөрийн зарим хүмүүс там жинхэнэ гэдэгт итгэдэггүй.” гэв. Тэр Биллд үүрд аврагдахгүй байх нь юу болохыг ойлгох найдваргүй байдлыг харуулсан юм гэж тайлбарлажээ. Тэрээр: "Намайг тун удахгүй ирнэ гэж тэдэнд хэлээрэй" гэж онцолж, энэ хэллэгийг баттай давтав.

Эзэн Есүс Биллд өөрийн мэдэрснийг бусдад итгүүлэх нь түүний үүрэг биш, харин зөвхөн гэрчлэх л үүрэгтэй гэж хэлжээ. Итгүүлж үнэмшүүлэх нь Ариун Сүнсний ажил байв. Тэр там бол хүмүүст бус, харин чөтгөр болон түүний харанхуй тэнгэр элч нарт зориулж бэлтгэгдсэн боловч хүмүүс Бурханы Замыг үгүйсгэснээр үүнийг сонгодог гэж тайлбарлажээ. Хэн нэгэн танихгүй хүний ​​гэрт зүгээр л “сайн хүн” байснаар нүүж орж чадахгүйн адил Бурхантай хувийн харилцаагүйгээр хэн ч Диваажинд орж чадахгүй. Гал мөн чанараараа гарыг шатаадаг шиг Бурханы шатаагч Гал нь мөн чанар нь нүгэлтэй нийцдэггүй. Гэсэн хэдий ч хүмүүс тамыг сонгох үед Их Эзэн Есүс уйлдаг. Тэр тэднийг аврахын тулд амиа өгсөн.

Энэ хооронд Биллийн эхнэр Аннетт тэдний зочны өрөөнөөс хашхирах чимээ сонсогдож эхэлснээс хойш 23 минутын дараа сэржээ. Тэр нөхрөө шалан дээр цочирдон хэвтэж, "Миний төлөө залбираарай, Их Эзэн намайг там руу аваачиж байна” гэж хашхирч байхыг олж харав. Түүний зан чанарыг ойлгоод тэр даруй итгэсэн байна.

Уг туршлага нь тэдний амьдралыг өөрчилжээ. Хоёулаа шуурхай байдал, нигүүлсэх сэтгэлээр хөтлөгдөн гэрчлэхийн тулд амжилттай карьераа орхижээ. Билл тамын харц, хашхирааны тухай дурсамжийг тээж явдаг ч, ямар ч сэтгэлзүйн гэмтэлгүй, зөвхөн бусдад сэрэмжлүүлэх хүсэл эрмэлзэлтэй байдаг. Тэр бас Бурханы өөрийнх нь уй гашуугийн нэг хэсгийг буюу ганцхан сүнс тамд ороход тэвчихийн аргагүй уй гашууг мэдэрснээ санаж байв.

Билл эцэст нь там бол жинхэнэ, мөнхийн, аймшигтай, гэсэн ч Бурханы Хайр илүү агуу гэж дүгнэжээ. Их Эзэн Есүс аврахын тулд хэдийнээ төлбөр төлсөн. Тэрээр ийн анхааруулж байна: Христийг сонго, тамаас зайлсхий, учир нь Тэр тун удахгүй ирнэ гэсэн байна. (Сид Ротын Энэ бол ер бусын!)

Өдрийн урам зориг өгөх эшлэл: “Бурханы амлалт: Намайг дуудах бүрд чинь би чамайг сонсох болно. Учир нь би бол Ариун Бурхан, хүчирхэг Сүнс бөгөөд хурдан тусална. Шударга ёс, Цэвэр ариун байдал, Сүсэг бишрэл, Итгэл найдвар, Хайр нь ямар ч эргэлзээ, хоёр нүүрт байдлыг тэвчдэггүй." — Хүндэт Гэгээрсэн Их Багш Бейнса Дуно (цагаан хоолтон)