Дэлгэрэнгүй
Татаж авах Docx
Дэлгэрэнгүй уншаарай
Одоо та нар миний багийнхан, ажилтнууд болон миний нохой-, миний шувуу-хүмүүст хийсэн зүйлсийнхээ талаар надад хэдэн асуултад хариулах ёстой. Та нар тэднийг дарамталж, өөр бусад түвэг учруулсан. Та нар тэдний толгойг эргүүлж, өөрсдийгөө ч мэдэхгүй байдалд оруулж; эсвэл тэднийг өвтгөж, зовоосон гэх мэт зүйл хийсэн. Энэ бүгдийг та нар болон танай хүмүүс хийсэн. Тийм үү, үгүй юу? Нэг үгээр.” Тэд толгойгоо гудайлган, шалан дээр сөхөрч, “Тийм ээ. Биднийг өршөөгөөч. Бид дахин ингэхгүй.” гэв. “За, би та нарт итгэж байна. Учир нь энэ бол та нарын цорын ганц боломж. Ойлгов уу? Үүнээс хойш хэрэв та нар ямар нэгэн муу үйл үргэлжлүүлэн хийвэл, муугийн миллиметрийн нано төдийхнийг ч хийсэн боломжоо бүрэн алдаж, устгагдана. Үүнийг ойлгов уу?” Тэд бүгд мөргөж, “За.” гэв. “За, одоо та бүхэн тарцгаа. Чадах бүхнээ хийхийг хичээ. БУРХАН, бүх Гэгээнтнүүдэд үргэлж залбирч, та нарыг өршөөхийг, өршөөхийг, өршөөхийг гуй, мөн ариун чанар, эр зориг, сайн мөн чанараа сэргээхэд туслаач гэж гуй. Та бүхэнд аз хийморь хүсье. Мөн та нарыг сайн үйл хийх, сүнсээ цагаатгах, буян, эрхэм чанараа буцаан олж авахад чинь туслахын тулд би Өөрийн Хүчээр дэмжинэ. БУРХАН Ивээг.” Би үүнийг бичиж авахаа бас мартжээ: Би тэдэнд “Хүмүүсийн төлөө та нарыг би ийм амархан өршөөж байна. Та нарт ‘өршөөл’ гэдэг үгийг санах буян хангалттай бий гэж бүү бод, өршөөгдөх тухай бол бүр ярих ч хэрэггүй. Учир нь та нарын болон бусад муу хүчин зүйлсийн нөлөө хайртай хүмүүсийг бие биеэс нь салгаж, БУРХАНЫГ мартуулан, хамаг Орчлон даяарх өнгөрсөн үеийн Их Багш нар, Гэгээнтэн Мэргэдийн бүх золиосыг мартуулж, бие биетэйгээ дайтан, хөрш нь хөршийнхөө эсрэг босоход хүргэж, нүдээ ч цавчилгүй бие биеэ хөнөөн, зүрх нь өчүүхэн ч харуусал эмзэглэл мэдрэхгүйгээр улам олон үхлийн зэвсэг бүтээж, өөрсдийн нялхсаа алах гэх мэт зүйлсэд хүргэн, мөн миний ажилд саад болж, энх тайвныг хойшлуулан, сүнснүүдийг Гэр рүүгээ буцахыг нь удаашруулж байна. Хүмүүсийн төлөө, тэднийг энэ бүх аймшигт урхинд дахин унагахгүйн тулд уучилж байна. Та нарын нөлөө иймийн улмаас би хүмүүсийг аврахыг хүсэж байна. Тиймээс би та нарыг болон та нарын төрлийн хэнийг ч өршөөж, та нарт зориулан сайн сайхан сүнслэг орон, амар амгалан, жаргалтай, гайхамшигт орныг бүтээсэн. Тиймээс та нарыг хүмүүс өршөөж байгаад нь талархаж, чадах бүх хүнд БУРХАНЫ зам мөрийг дагахад нь туслах ёстой. Таван Сахилыг сахиж, веган болж, амгалан тайван төрөлтнүүд бол. Тэгвэл та нар Бүхнийг Чадагч Эцэг, Эх, БУРХАН, МАПА-гийн Ивээлээр миний та нарт зориулан бүтээсэн тэр гайхамшигт орон руу явах буян хүртэнэ. Санаж яв, зүрх сэтгэлдээ үргэлж Бүхнийг Чадагч БУРХАНД таларх. Одоо мэдээж Гурвал ч үүнд багтана. Мөн бүх Гэгээнтэн, Мэргэдэд таларх, бүх хүнд таларх.” гэж хэлсэн. Өө тийм, би тэдэнд мөн удирдагч хүн бол албат, дагалдагчдаа халамжилж, тэднийг аз жаргалтай болгон, амьдрахад нь хэрэгтэй бүх сайн зүйл нь элбэг хангалуун байхад туслах ёстой гэж хэлсэн. Тэдэнд муугаар нөлөөлж, цаг агаар хүртэл муудаж, ургац үерт урсан, хэрэгтэй бүх сайн зүйл нь тэднээс булаагдахад хүргэх ёсгүй. Удирдагч ийм байдаггүй юм. Тиймээс тэд энэ бүхнийг ойлгосон. Би “Магадгүй бас хэн ч та нарт сайн зүйл заагаагүй учраас, мөн та нар муу зүйл хийх тусам Үнэнээс, БУРХАНЫ адислал болон Ивээлээс улам холддог учраас би өршөөж байгаа юм. Тиймээс зүгээр л толгойгоо эргүүлж, буцан эргэж, эсрэг зүг рүүгээ яв. Сүнснүүдийг тамд унахад хүргэдэг бүх муу үйлээ хийхийн оронд тусалж, адислан, аврахыг хичээ. Тэд амьд байхдаа ч тамд буй мэт, дайн, өлсгөлөн, гамшигт нэрвэгдэж, байгаа бүхнийг нь таагүй цаг агаар сүйтгэж, харь нутагт дүрвэж, хоол унд гуйхад хүрч байна.” гэж хэлсэн. Үүний зарим хэсгийг би тухайн үед нь бичиж авсан, харин зарим хэсгийг нь олон ярианы адил дараа нь бичиж авсан. Үүнийг та нарт байгаагаар нь хүргэж байна. Гайхамшигт сүнснүүд минь, хайртууд минь, энэ яриаг та бүхэнд яг байгаагаар нь хүргэж байна. Ямар ч засвар, өөрчлөлт хийгээгүй. Зөвхөн энд тэнд хэлэгдсэн нэг хоёр үг зөв сонсогдоогүй тохиолдолд л дахин хэлж зассан. Тэгээд л тэр. Өнөө өглөө би уг нь Эрхэм Дээд Хаан Саитай хийсэн яриаг зохицуулахыг хүсэж байлаа. Гэвч би нэгэн Гэгээнтэнтэй ярих шаардлагатай болсон юм. Тэгтэл сувдаг чөтгөрүүд орж ирээд үймүүлсэн. Ингэж энэ яриа өрнөсөн юм. Одоо би үүнийг та бүхэнд мэдээлэх үү, эсвэл Эрхэм Дээд Хаан Саитай хийсэн яриаг зохицуулах уу гэдгээ шийдэх хэрэгтэй байна. Үнэндээ би сүнснүүдтэй ярьсан нь анхны удаа биш, өмнө нь зүгээр л товч дурддаг, эсвэл тэднийг там руу буулган хорьдог байсан. Гэвч өнөөдөр яагаад ч юм тэдэнтэй арай илүү дэлгэрэнгүй яримаар санагдлаа. Тэд даруй гэмшсэн нь үнэхээр Бурханы Ивээл юм. Өмнө нь олонтоо тэд өөрсдийгөө хүчтэй хэвээр гэж мэдэрч байсан тул үүнийг үнэхээр ноцтой авч үздэггүй байсан. Саяхан тэдний олонх нь Хайранд уяран хайлсан. Өөрөөр хэлбэл сэтгэл нь хөдөлж, догдолж, хайлсан. Тэд “Миний Хайр” гэж хэлсэн. Тиймээс тэднийг ялахад илүү амар болсон. Энэ нь тэдний бүх тогтолцоог бас доргиодог. Магадгүй тиймээс өнөөдөр тэд илүү даруу болж, зарим зөвлөгөөг илүү амархан хүлээн авсан байх. Тиймээс тэднийг өршөөж, ямар нэг байдлаар туслах нь надад ч илүү амар байна. Тэгэхээр одоогоос тэд хүмүүс, хүн төрөлхтөн, амьтан-хүмүүст тусалж, хүмүүсийг хамгаалан, амьтан-хүмүүс болон бусад гэм зэмгүй, туслалцаа хэрэгтэй оршихуйг хамгаалан, буянаа илүү хурдан олох болтугай гэж найдаж байна. Мөн манай дэлхий өмнөхөөсөө илүү хурдан амар амгалан болж, илүү хөгжиж цэцэглэн, олон талаараа илүү эрх чөлөөтэй болно. Төгс Хүчит БУРХАН, бидний MAПA минь, Таны Энэрэл, Нигүүлсэл, Ивээлд бид чин сэтгэлийнхээ угаас гүнээ талархаж байна. Та бидэнтэй, сул дорой хүмүүс, хөөрхий амьтан-хүмүүс, энэ дэлхийн бусад бүх төрөлтөнтэй хамт баяртай байх болтугай. Баярлалаа, ЭЗЭН минь. Өө, үнэндээ өнөөдөр 7-р сарын 5. Хэрэв би 7-р сарын 4 гэж хэлсэн бол 5 болгож өөрчлөөрэй. Өглөө эрт хүн их зүйлийг санадаггүй. Мөн өнгөрсөн шөнө би сайн унтаж чадсангүй. Учир нь холын, тийм ч холын биш ч холын нохой-хүмүүс ойр орчимд хулгайч нар ирж байна гэж надад хэлсэн. Тиймээс би ажлын зарим зүйлээ хамгаалахыг хичээсэн. Үнэндээ тийм ч их зүйл биш. Би зүгээр л утас, ажлын утсаа нуухыг оролдлоо. Би өөр юу нуусан гээч, засварлаж амжаагүй тул илгээгээгүй, миний хэдэн зуун гэрэл зураг хадгалагдсан байгаа гэрэл зургийн аппаратаа. Тиймээс тэд одоо ч түүхий хэвээр байна. Би ямар ч мөнгө хадгалах гэж оролддоггүй нь инээдтэй. Энд мөнгө байхгүй. Харин гэрэл зургуудаа л хамгаалахыг оролдсон. Үнэндээ миний хувьд энэ маш эрхэм нандин зүйл. Надад ойр орчимдоо гэрэл зураг авах зав тэр бүр байдаггүй. Хэдхэн хоногийн өмнө би намхан бутан дээр ургасан, гэхдээ үзэсгэлэнтэй сайхан жимснүүд харсан. Тэд улбар шар, маш тод улбар шар, жижигхэн боловч үнэхээр үзэсгэлэнтэй байсан. Би зургийг нь авна гэж бодсон юм. Гэвч би хэтэрхий завгүй байлаа. Тэгээд бүр мартчихаж. Хэд хоногийн дараа тэр газар руугаа дахин очиход бүгд алга болсон байлаа. Учир нь урд шөнө нь хүчтэй салхилж, бүхнийг, олон зүйлийг, тэр жимснүүдийг хүртэл хийсгэчхэж. Надад маш харамсалтай, маш харамсалтай санагдсан. Учир нь тэдгээр нь маш ховор. Би өмнө нь тэдгээрийг ойр орчимдоо харж байгаагүй. Анх удаагаа харсан, цорын ганц тохиолдол тэр байсан юм. Харамсалтай. Хэрэв би ирэх жил хүртэл эндээ байж, дахин нүүх шаардлагагүй бол тэдгээрийг харах боломж гарч магадгүй. Одоо өглөөний зургаан цаг өнгөрч байна. Гэхдээ үүнийг илгээгээд нэг мөр дуусгая гэж бодож байна. Дахиж хэт их бодох шаардлагагүй болно. Манай багийнхан ажиллахад дэндүү эрт гэж дургүйцэхгүй гэж найдаж байна. Баярлалаа, багийнхан минь. Photo Caption: “Эндхийн Амьдрал Богинохон, Өнөөдөр Амьд Сайхан Байна, Маргааш... ҮГҮЙ!”
