Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 7-р сарын 4-нд сувдаг чөтгөрүүд болон тэдний Хаантай ярилцлаа. Би Тавдугаар Түвшний нэгэн дээд Гэгээнтэнтэй ярилцаж байсан юм. Тэгтэл сувдаг чөтгөрүүд ирэв. Тэд олуулаа хүчээ нэгтгэн тэрхүү Гэгээнтний дүрд хувирахыг оролдлоо. Тэгэхэд нь би тэдэнд анхааруулж, “Хэрэв та нар энэ Гэгээнтний ариун нэрийг хуурамчаар ашиглавал тамд үүрд шатаж, эцэс төгсгөлгүй зовно, эсвэл бүрмөсөн устгагдана. Сонголтоо хий. Өөрийгөө танилцуул. Чи миний ярилцах гэж буй тэр Гэгээнтэн мөн үү? Эсвэл чи хэн бэ? Бүх Орчлонгийн ил тод байдлын өмнө өөрийгөө илчил. Чи хэн бэ?” гэв. Ингээд тэр бүлгийн удирдагч өөрийгөө сувдаг чөтгөр гэдгээ хүлээн зөвшөөрсөн. Тэр бол “эрэгтэй.” Тэгэхэд нь би түүнд “Ядаж л та нар үнэнч юм. Одоо тэгээд юу хүсэж байгаагаа хэл дээ? Учир нь би та нарт хаан болон ард түмэнтэйгээ үүрд жаргалтай, амгалан амьдрах нэгэн оршихуйг бүтээсэн. Яагаад тийшээ яваагүй юм бэ? Яагаад та нар энэ тодорхойгүй, зовлонтой гараг дээр, заналхийлэл дүүрэн амьдралтай энэ ертөнцөд — энэ ертөнцийг та нар юу гэдгийг мэдэхгүй — ийм эмх замбараагүй, зовлонтой, сэтгэл ханамжгүй сэтгэлгээтэй, байнга тэмцэлдэж байдаг газар эргэлдсээр байна вэ?” гэж асуулаа. Тэгэхэд сувдаг удирдагч тэд тэнд байхыг хүсэхгүй байна гэж хэлэв. Тэд Дэлхий дээр байхыг хүсдэг. Би “Гэхдээ та нар Дэлхий дээр юу хийхийг хүсээ вэ?” гэв. Тэр өөрөө сүнснүүдийг удирдахыг хүсдэг гэж хэлсэн. Би “Чи тэднийг яах гэж удирдахыг хүснэ вэ? Тэднийг хааш нь залахыг хүсээ вэ? Чи тэднийг удирдах нэрээр хооронд нь алалцуулж байна. Чи буруу номлож, тэднийг өөрсдийн үрсээ, нялхсаа, гэмгүй нялхсаа ч хөнөөхөд хүргэж байна. Тэд бие биеэ дээрэмдэж байна. Бие биетэйгээ дайтаж байна. Ахмад настнуудын шаргуу хөдөлмөрлөж хадгалсан мөнгийг хүртэл зальдан хулгайлж, дээрэмдэхээр төлөвлөж, хүүхдүүдээр буруу зүйл хийлгэж, буруу бодол бодуулж, бүр энэ бүхнээс болж амиа хорлоход хүргэж байна. Чиний удирдлагад тэдэнд амар амгалан үгүй. Тэд буруу амьдралын хэв маягт уруу татагдаж, энэ бүхнээс болж бүр амиа хорлодог. Тэгэхээр та нар энд хүмүүсийг, энэ гаргийн сүнснүүдийг удирдаж буй арга чинь сайн гэж бодож байна уу? Та нар үүнийг сайн гэж бодож байна уу?” гэв. Тэд “Үгүй.” гэж хэлсэн. “Та нар үүнийг үнэхээр ойлгож, ухаарсанд би их баяртай байна. Учир нь та нарын удирдаж буй байдлаар сүнснүүд бүх буруу зүйлийг хийж, бие биеэ хөнөөн, амьтан-хүмүүсийг хүртэл алж, бие биеэ дээрэмдэн, дарамталж, өөрсдөдөө болон бусдад элдэв харанхуй, муу зүйл учруулбал сүнс нь харанхуй дахь буруу замаа үргэлжлүүлсээр эцэстээ тамд үүрд яллагдана. Та нар тэднийг тийш нь л залж байна. Зарим сүнс нь та нарын төрөл садан, найз нөхөд байж мэднэ. Тиймээс эрт орой хэзээ нэгэн цагт чамд удирдах сүнс ч үлдэхгүй. Одоо та нар энэ талаар юу гэж бодож байна вэ? Надад хэл дээ.” Тэгэхэд тэд – энэ бол миний биш, тэдний өөрсдийнх нь хэлсэн үг шүү. – “Хаадын Хаадын Хаадын Хаан…” Өө, үүнээс өмнө би бас “Одоо та нар энэ буруу гэдгийг мэдлээ. Одоо та нар яамаар байна?” гэж асуусан. Тэд надад “Хаадын Хаадын Хаадын Хаан минь, биднийг өршөөгөөч. Биднийг өршөөгөөч. Биднийг өршөөгөөч” гэв. Би “За, гэхдээ та нарын төлөө ямар нэгэн зүйл хийж болох эсэхийг Бүхнийг Чадагч БУРХАНААС асууя. Би бүх Гэгээнтэн, Мэргэд болон та нар нэр, алдрыг нь дуурайсан тэр Гэгээнтнээс ямар нэг зүйл хийж болох эсэхийг асууна” гэв. Би тэднийг тэр Гэгээнтний өмнө мөргөж, өршөөл гуй гэж хэлсэн. Тэднээс БУРХАНД мөргөж, шүтэн, өршөөл гуйхыг хүслээ. Дараа нь би Бүхнийг Чадагчийн арвин Их Ивээлээр тэдэнд зориулан бүтээсэн орондоо тэднийг хүргэхэд тусалж болох эсэхээ Бүхнийг Чадагч БУРХАНААС асуув. Тэгэхэд БУРХАН үүнийг зөвшөөрч, тэр Гэгээнтэн ч тэднийг өршөөсөн. Тиймээс би тэдэнд “Нэг болзол байна, эрхэм сувдаг чөтгөрүүд минь. Танай Хаан бүх албатуудынхаа хүч чадал, эрч хүчийг нэгтгэн, та нарыг миний та нарт зориулан бүтээсэн тэр орон руу дээш хүргэхийг хичээнэ. Тэгвэл та нар тэнд хамтдаа жаргалтай, санаа зовох зүйлгүй бүгд эрх чөлөөтэй байх болно. Чөлөөлөлт, эрх чөлөө бол та нарын авч болох хамгийн сайн бэлэг. Ялангуяа бүх сүнсийг там руу унагах буруу зам руу хөтлөхөөс хавьгүй дээр. Би та нарыг өршөөж байна. Гэхдээ нэг болзолтой: та нар бусад сувдаг чөтгөрүүдийг хорон муу замаа орхиж, хүмүүсийг тайван байлган, бүх оршихуйг мөн амгалан орхихыг ятгахыг хичээх ёстой. Тэгвэл та нар чөлөөтэй явж болно. Эс тэгвээс та нарын үйлдсэн бүх муу үйлийн үрээр хэн ч та нарыг өршөөж чадахгүй байсан. Харин бидний Өгөөмөр, Энэрэнгүй, үргэлжийн Нигүүлсэнгүй БУРХАНЫ ачаар та нарыг өршөөж, нэг боломж, сүүлчийн боломж олгож байна. Та нар энэ болзлыг хүлээн зөвшөөрөх үү?” гэв. Тэд бүгд нэгэн дуугаар: “Тийм. Тийм ээ, Хаадын Хаадын Хаадын Хаан минь. Бид энэ болзлыг хүлээн зөвшөөрч байна” гэсэн. “Маш сайн, тэгвэл явж ажлаа хий, намайг тайван орхи. Дашрамд нь асуухад та нар яаж үргэлжлүүлэн дүрээ хувиргаж, миний ажил, миний үйл хэрэгт оролцож чадсан юм бэ?” “Эзэнтэн минь, үүнийг хийх хүчийг бидэнд олгож буй нь дэлхийн үйлийн үр юм.” “Тэгвэл энэ бүхэн буруу байна. Та нар үүнийг мэднэ. Бүгд буруу. Одоохондоо сүнстэй хэвээр байгаа та нарыг би өршөөе. Дахин хэзээ ч бүү уна. Энэ бүгд та нарын буруу биш гэдгийг би мэднэ. тиймээс би та нарыг өршөөе. Хэрэв та бүхэн Бүхнийг Чадагч БУРХАНЫ тогтоосон зөв шударга амьдралын замыг дагавал дэлхий амар амгалан болно. Хүмүүс та нарын муу хүч, зөвлөгөөнд автахгүй. Тэгвэл би там руу чирэгдэн очиж, тэнд шийтгүүлсэн та нарын төрөл садан, найз нөхөд, сувдаг чөтгөрүүдийг ч мөн өршөөнө. Би үүнийг амлаж байна. Гэхдээ эхлээд та нар ажлаа хийж, нүгэлт үйлдлээ цэвэрлэн, бусдад элбэг хангалуун сэтгэл ханамж, зөв шударга байдал, гэгээрлийн амьдралын төлөө зөв зам мөрд эргээд ор гэж хэлээрэй. Ер нь бол та нарын хийж буй зүйлсээр, хийсээр ирсэн, хийсээр байх зүйлсээр бол, хэрэв та нар гэмээ наманчилж, буцаад эргэхгүй л бол тамын галд үүрд шийтгүүлэх юм уу үүрд арчигдах болно, хэзээ ч оршин байхгүй. Гэхдээ хүмүүсийн төлөө би та нарыг өршөөж байна. Яагаад гээч? Яагаад гэвэл би та нарыг энэ гараг дээр эргэлдэн, энэ дэлхийг үймүүлж, муу нөлөөнөөсөө болж хүмүүс, амьтан-хүмүүсийг хүртэл зовооход хүргэхийг хүсэхгүй байна. Тиймээс та нар мөн хүмүүст талархаж, тэд бүгдээс өршөөл гуйх ёстой. Тэд бүгд та нарыг өршөөнө гэж найдаж байна. Тэгвэл миний та нарт зориулан бүтээсэн Оронд та нарыг хүргэхэд надад илүү амар болно. Хэрэв хэдэн жилийн өмнө би тэр боломжийг олгох үед та нар Хаантайгаа хамт явсан бол маш амар, үнэхээр амар байх байлаа. Учир нь би та нарыг Гурван Ертөнцөөр саадгүй нэвтрүүлэх тээврийн хэрэгслийг хүртэл бүтээсэн байсан. Тэгээгүй бол тэндээс гарна гэж та нар төсөөлөх ч боломжгүй. Гэхдээ би хүмүүс, амьтан-хүмүүс болон бүх гэм зэмгүй оршихуйн төлөө энэ бүхнийг хийсэн. Гэсэн ч та нар явахаас татгалзсан. Тиймээс одоо нөхцөл илүү хэцүү болсон. Та нарыг дээш явуулах нөхцөл, нэг төрлийн боломжийг бүрдүүлэхийг оролдох нь надад хүртэл хэцүү байна. Иймд та нар энэ бүхнийг ухаарч, хоёр дахь удаагаа олдсон асар их аз завшаандаа талархана гэж найдъя. Үүнд миний маш их эрч хүч зарцуулагдсан. Энэ бүхнийг та нарт зориулж бүтээхэд их буянаа зарцуулдаг. Photo Caption: “БУРХАНЫГ Хамгаас Гайхалтай Шүтэж Буйг Тунхаглах Даруухан Туг
