Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хайн Олон Улсын Нийгэмлэгийн Украин (Урейн) дахь тусламжийн сүүлийн үеийн мэдээ...2022 оны 2-р сард Орос улс Украин (Урейн) руу дайрснаас хойш хоёр дахь зунаа үзэж байна. Олон оршин суугч нүүн шилжиж байгаагийн зэрэгцээ нутаг орондоо байгаа хүмүүс хүнд хэцүү нөхцөлд байгаа хэвээр байна. Эхний дайралт болсон цагаас Төгс Гэгээрсэн Их Багш Чин Хай (веган) Украин (Урейн)-ы зоригт ард түмний төлөө тасралтгүй залбирлаа зориулж, даруухнаар тусламж илгээсээр байгаа билээ. Украин (Урейн) болон Хорватад 2023 оны 5-р сард үзүүлсэн тусламжийн сүүлийн үеийн мэдээг Нийгэмлэгийн гишүүдээс хүргэж байна. Манай нийгэмлэгийн Украин (Урейн) дахь итгэлт хамтрагчид болох Мариа Башук (веган), Александр Кулаков (веган) нар амин чухал тусламжаа үзүүлсээр байна.Манай Луцк дахь хамтрагч анх удаа Киев мужийн Буча хотод очсон юм. Тэнд Оросын бөмбөгдөлтийн эхэн үеийн хамгийн ширүүн дайралт болсон юм. Тэндэх орон сууцны оршин суугчдыг орон гэрээ сэргээн засварлахад туслах нь бидний зорилго байв. Хамгийн ихээр эвдэрсэн дөрвөн орон сууцыг эхний ээлжид сэргээн засахаар болсон юм. Тайвань буюу Формоса дахь манай Нийгэмлэгийн гишүүдээс 19,000 орчим ам. долларын тусламж илгээсэнд талархаж байна. Үүгээр ихээхэн эвдэрсэн хэсгийг засах ажлыг эхлүүлсэн юм. Сүүлийн нэг жилийн хугацаанд эндэх оршин суугчид орон гэргүй байсан тул энэ тусламжид гүнээ талархал илэрхийлж байв.Дараа нь тэд Запорожжя дахь агуулах руу эргэн ирсэн юм. Тэнд Злагода хэмээх буяны байгууллага 1,000 гэр бүлд зориулсан веган хүнсний багц бэлтгэхэд тусалсан. Үүнд кокосын сүү, жакфрут, помело зэргийг багтаасан бөгөөд Тайланд дахь манай Нийгэмлэгийн гишүүдийн тусламжаар бэлдлээ. Үүнд мөн веган гоймон, вандуй, улаан буудай, сувдан арвай, наранцэцгийн тос, овьёосны нэвс, ногооны шош, ургамлын гаралтай веган машиндсан мах зэрэг багтсан. “Хайр бол цорын ганц шийдэл” ном, веган хүүхдийн номууд, Суприм Мастер Телевизийн сурталчилгаа, хамгаалах маск зэргийг тус багцад мөн багтаасан юм.Эхний 500 багцыг Херсон мужийн Калинивский, Блаходативка зэрэг тосгодод түгээсэн бөгөөд оршин суугчид тусламжийг маш дуртайяа хүлээн авлаа. Үлдсэн 500 багцыг Херсон хотын оршин суугчдад түгээсэн бөгөөд газар доорх нуувчинд байсан тэдний ихэнх нь тусламж ирж байгаа сургаар гарч ирцгээсэн юм. Маш их хэрэгтэй байсан зүйлс өгсөнд тэд мөн маш их талархсан.Львов дахь 15 гэр бүлд 5-р сард тусламж үзүүлсэн бөгөөд заримд нь хэд хэдэн удаа веган хүнсний багц хүргэсэн юм. Львов дахь нэг гэр бүлд тусламжийн багцыг гардуулж өгсөн бол 14 гэр бүлд нь илгээмжийг хүргэхээр Украин (Урейн)-ы бусад хэсэгт илгээлээ. Тусламжид веган хүнсний зүйлс, ариун цэврийн зүйлс, гутал болон Их Багшийн “Хайр цорын ганц шийдэл” ном багтсан юм.Манай Киев дэх Лавин Хат 5-р сарын туршид Тайвань (Формоса) дахь манай Нийгэмлэгийн гишүүдтэй хамтарч веган хоол хийх ур чадвараа гарган бүх талаар тусалсан юм. Мөн Киевийн Лавин Хатад Тайвань (Формоса)-гийн уламжлалт цайны ёслол болж, Украин (Урейн)-ы амьд хөгжимтэй энэ ёслолд цай амсахаар ирсэн хүмүүс дүүрэн ирж талархалтайяа оролцлоо. Манай Киев дэх Нийгэмлэгийн гишүүд мөн уламжлал ёсоор долоо хоног бүр эмнэлэгт хэвтэж буй цэргүүдийг эргэн веган хоол хүргэлээ. Сарын сүүлээр орон нутгийн засаг захиргааныхан Тайвань (Формоса)-ийн цайны ёслолд уригдан ирээд энэ хүнд хэцүү цагт тусалж байгаад талархлаа илэрхийлсэн юм. Тэдэнд мөн амттай, эрүүл веган хоол маш их таалагдсан. Манай Лавин Хатын баг Их Багшийнхаа хайрыг түгээх боломж олдсонд тун олзуурхаж байгаа.Мөн Киевт манай Нийгэмлэгийн Тайвань (Формоса) дахь гишүүдээс илгээсэн 5,000 еврогийн тусламжийг Гэрэлт Дэлхийн Нигүүлсэл Шагналын эзэн, СОС Шелтерийн Тамара Тарнавска (цагаан хоолтон)-д гардууллаа. Үүгээр Оросын дайралтаас болж орон гэрээсээ дүрвэхээс өөр аргагүй болсон халамжлагчдадаа орхигдсон 1,000 гаруй нохой- хүмүүс, муур-хүмүүсийн асрамжид зориулагдах юм. Хатагтай Тарнавска энэ санхүүгийн тусламжид амьтан-хүмүүсээ төлөөлөн талархлаа илэрхийлсэн юм. Тэрээр мөн гадуур хамт алхаж яваад газар булсан тэсрэх бөмбөгт өртөн саяхан амиа алдсан нохой-хүнээ дурсан ярьсан юм. Тэр амьт нарыг нь аврахын тулд амиа золиосолсон гэдгийг ойлгожээ.Манай Нийгэмлэгийн Хорват дахь гишүүд Дурдевак, Копривника суурингууд дахь дүрвэгсдийн төвүүдэд очлоо. Унгарын хилийн ойролцоох эдгээр хотуудад Украин (Урейн) дүрвэгсэд ирсээр байна. Энэ хоёр сууринд бид гэр бүлүүдэд зориулсан жимс, веган хүнс, ариун цэврийн зүйлс, хүүхдийн хувцас, тоглоом сэлттэй багцыг бэлтгэн хүргэлээ. Бид мөн Суприм Мастер ТВ-ийн сурталчилгаа, украин (урейн) хэл дээрх Их Багшийн “Хайр цорын ганц шийдэл” ном, веган хүүхдийн ном тараалаа.Манай Нийгэмлэгийн Унгарын Будапешт дахь гишүүд украин (урейн) иргэдэд тусламж үзүүлдэг Канадын визийн хүсэлт хүлээн авах төвд Их Багшийн “Хайр цорын ганц шийдэл” номыг байршуулсан билээ. Хүмүүс номыг баяртай авч уншиж байна.Бид Төгс Гэгээрсэн Их Багш Чин Хай (веган)-д хайр, залбирлаа украин (урейн) ард түмний төлөө залбирлаа зориулсаар байгаад нь гүнээ талархаж байна. Мөн бид энэ бүх тусламж хэрэгтэй хүмүүс болон амьтан-хүмүүст зориулж буй халамж тусламжид талархлаа илэрхийлье. Бид дулаан сэтгэлт тэвчээртэй украин (урейн) ард түмэнд амар амгалан хурдан ирээсэй хэмээн залбирч, мөн тэд удахгүй ая тухтай, тогтвортой ердийн амьдралаа хурдан сэргээгээсэй гэж ерөөе.
