ӨДӨР ТУТМЫН МЭДЭЭ-ний гол тойм – 2025 оны 10-р сарын 6

Дохад зургаан хүний ​​аминд хүрсэн Израилын цохилтын дараа АНУ-ын Ерөнхийлөгч Трамп Катарт НАТО маягийн аюулгүй байдлын баталгаа олгосон байна. АНУ цаашид Катарын газар нутаг, чухал дэд бүтцэд халдсан аливаа халдлагыг АНУ-ын аюулгүй байдалд заналхийлж байгаа гэж үзэн, дипломат, эдийн засаг, цэргийн хариу арга хэмжээ авах болно. (Нью-Йорк Пост)

АНУ-ын Ерөнхийлөгч Трамп Оросын гүнд Украин (Урейн)-ы пуужингийн цохилт өгөхөд тагнуулын дэмжлэг үзүүлэхийг зөвшөөрлөө. (Нью-Йорк Пост)

НАТО зүүн хилээ бэхжүүлж байгаа тул ЕХ Украин (Урейн)-ы нисгэгчгүй онгоцонд 2 тэрбум евро хуваарилав. (Киев Индепендент)

Европ Украин (Урейн) улсад нисгэгчгүй онгоцны үйлдвэрлэлийг нэмэгдүүлэхийн тулд Оросын хөрөнгийг царцаасан ашгаас дахин 4 тэрбум евро бэлэглэжээ. (Түөй Трэ)

Их Британийн гүнж Анна Украинд (Урейн)-д айлчилж, Ерөнхийлөгч Зеленскийтэй уулзан, Орост албадан шилжүүлсэн украин (урейн) хүүхдүүдийн зовлон зүдгүүрийг онцолжээ. (Royal.uk)

Японы ерөнхий сайд Ишиба, Өмнөд Солонгосын ерөнхийлөгч Ли нар цөмийн зэвсгээс ангижрах, бүс нутгийн асуудлаар хамтран ажиллах амлалт өгч, хамтын ажиллагааг бэхжүүллээ. (VTV)

[АНУ-ын] Цагаан ордноос Ерөнхийлөгч Трамп БНАСАУ-ын удирдагч Ким Жон Унтай Ерөнхийлөгчийн анхны бүрэн эрхийн хугацаанд 3 удаагийн түүхэн дээд хэмжээний уулзалт хийсний үргэлжлэл болгон “ямар ч урьдчилсан нөхцөлгүйгээр” хэлэлцээ хийхэд нээлттэй хэвээр байна гэж мэдэгджээ. (Фокс Ньюс)

Эквадорын цагдаа нар АНУ-ын үндэсний аюулгүй байдлыг хамгаалах Ерөнхийлөгч Трампын амлалтын нэг хэсэг болох мөнгө, нисгэгчгүй онгоц, төлөвлөсөн цэргийн бааз зэрэг АНУ-ын дэмжлэгтэйгээр Гуаякиль боомт хотод хар тамхины бүлэглэлийн эсрэг хийх нэгжлэгийг эрчимжүүлжээ. (Скай Ньюс)

Цагаан ордноос гэмт хэргийн гаралт хурдтай ихсэж буй энэ үед хууль, дэг журмыг сэргээх зорилгоор [Орегоны] Портландад цэргээ байршуулсны төлөө Ерөнхийлөгч Трампт талархаж буй америкчуудын ТикТок бичлэгийг хуваалцжээ. (Фокс Ньюс)

Дүн шинжилгээ: Ардчилсан намын шалтгаант төсвийн мухардмал байдал нь АНУ-ын засгийн газрыг орон даяар зогсоож, үндсэн ажилчдыг цалингүй болгон, холбооны үйлчилгээг зогсоож, хүнсний нэмэлт тусламж гэх мэт гол хөтөлбөрүүдийг эрсдэлд оруулсан байна. - Аризона, Жоржиа мужуудад холбооны хэдэн арван мянган ажилчин ажилгүй болж, нисэх онгоцны буудал, ахмад дайчдын хөтөлбөр, үндэсний цэцэрлэгт хүрээлэнгийн үйл ажиллагаа тасалджээ. - Мичиган, Миннесота мужуудад хүнсний тусламж, хяналт шалгалт, төрийн сургуулийн өмнөх боловсролын байгууллагууд зогсжээ. Цэргийн болон нисэх онгоцны буудлын хамгаалалтын ажилтнууд цалингүй ажилласаар байна. - Невада, Нью Хэмпшир мужуудад жижиг бизнесийн зээлийг царцааж, цэргийн болон усан онгоцны үйлдвэрийн ажилчид үүрэг гүйцэтгэж байгаа ч цалингүй ажиллаж байна. - Улсын хэмжээнд үндэсний цэцэрлэгт хүрээлэн, музей, түүхийн дурсгалт газрууд хаагдаж, аялал жуулчлал саатаж, хүнсний тусламж аюулд өртөж, ахмад дайчид, ахмад настнуудад хамгийн хүнд тусаж байна.

Цагаан ордноос уг зогсолт нь Америкт долоо хоног бүр ДНБ [Дотоодын нийт бүтээгдэхүүн]-д 15 тэрбум ам.долларын хохирол учруулж болзошгүйг анхааруулж буй бол, Ардчилсан намын улс төрийн бузар булай тоглоомын улмаас олон сая гэр бүл, ажилчид, үйлчилгээний гишүүд хүнд хэцүү байдалд орж байна. (WhiteHouse.gov)

[АНУ-ын] Жорж Мэйсоны Их Сургуулийн судалгаанаас харахад, чихрийн агууламж ихтэй хэдий ч өдөр бүр нэг манго идэх нь чихрийн шижин тусах хандлагатай насанд хүрэгчийн цусан дахь сахрын хяналт, инсулинд мэдрэг байдлыг сайжруулж, биеийн өөхийг хайлуулдаг аж. Судлаачид хүнсний эрүүл мэндэд үзүүлэх нөлөө нь зөвхөн чихрийн агууламжаас бус, шим тэжээлийн бүрэн багцаас хамаардаг болохыг онцолж байна. Манго нь чихрийн шижингийн эрсдэлээс хамгаалахад тусалдаг ургамлын гаралтай эслэг, амин дэм, үл исэлдүүлэгчээр хангадаг бөгөөд энэ нь жимсийг бүхэлд нь болон бусад веган хоолыг эрүүл мэндийг хамгаалах үнэ цэнтэй арга болгодог. (СкайТехДэйли)

Эмч нар ангаахай самар нь эрүүл мэндийн маш олон ашиг тустай эртний зууш гэж үздэг. Ангаахай самар нь уураг, эрүүл тос, ургамлын гаралтай пребиотик эслэг агуулдаг бөгөөд энэ нь хоол боловсруулах болон дархлааны үйл ажиллагааг дэмждэг. Тэд мөн кали, коэнзим Q10, В6 амин дэм, лютейн, зеаксантинаар хангадаг тул энерги үйлдвэрлэх, нүдний эрүүл мэндэд тустай. Үүнийг тэнцвэртэй, тэжээллэг веган хооллолтын нэг хэсэг болгон өдөрт багахан хэмжээгээр идээрэй. (Фокс Ньюс)

Эмч нар банаба навчийг ихэвчлэн цай хэлбэрээр идээшүүлж хэрэглэх нь цусан дахь сахрын хэмжээг бууруулж, инсулины мэдрэг байдлыг сайжруулахад тусалдаг корозолын хүчил, эллагитанинаар баялаг гэж үздэг. Эдгээр нь исэлдэлтийн стрессийг бууруулж, жингийн хяналтыг дэмжиж, зүрхийг хамгаалж чаддаг болохыг судалгаагаар харуулжээ. Зүүн Өмнөд Азид чихрийн шижин өвчнийг эмчлэхэд ашигладаг уламжлалт банаба навчны цай нь энерги, бодисын солилцоог тэнцвэржүүлэх зөөлөн, ургамлын гаралтай арга юм. (ЧАНЬ ТЬЕНЬ МЫ БАХ НЬЕН)

Хоёр дахь халдварын дараа хүүхдэд КОВИД-ын дараах синдромын эрсдэл хоёр дахин их байна гэж Лансетийн 460,000 өвчтөнд хийсэн шинэ судалгаанд мэдэгджээ. (Анагаахын Экспресс)

Туркийн 16 сая хүн амтай, хамгийн том хот Истанбулд 5.0 магнитудын хүчтэй газар хөдлөлт болж, барилгууд доргисон байна. (VOV)

[Италийн] Агригенто: Шуурганы үерт тээврийн хэрэгслүүд урсаж, аврах багийнхан сураггүй алга болсон нэг эмэгтэйг хайлаа. (Дэйли Мэйл)

[АНУ-ын] Айова мужид хөрсний гулгалтаас болж байшин руу нь том чулуу унасны улмаас нэг хүн амиа алджээ. Цагдаа нар шалтгааныг мөрдөн шалгаж байна. (ДЭМБ-ТВ Дес Мойн)

[Ау Лак (Вьетнам)-ын] Тайнинь аймаг: Хар салхи 14 байшинг сүйтгэж, 2,000 гаруй ам.долларын хохирол учруулжээ. (Лао Дон)

Камбож улсад Буалой хар салхинаас үүдэлтэй үерт 11 мужийн 32,000 өрх өртсөний дараа эрүүл мэндийн онц байдал зарлалаа. Оршин суугчдад могойд хазуулах, хумхаа, денге халууралтын халдвар, гэдэсний халдварт өвчин, мөн хүүхдүүд живэх эрсдэлээс сэргийлэхийг зөвлөсөн байна. (VOV)

Данийн ургамалд суурилсан дипломат санаачилга 10-р сарын 7-нд төлөөлөгчөө [Испанийн] Мадрид руу илгээн, Дани улсын веган бодлого, тэр дундаа 2030 он хүртэл 170 сая еврогоор дэмжигдсэн 2023 оны Ургамалд суурилсан хүнсний үйл ажиллагааны төлөвлөгөөг танилцуулах гэж байна. Данийн тариаланчид ургамалд суурилсан хөгжлийн санхүүжилт, бодлогыг яагаад дэмжиж байгааг сонсохоор Испанийн сонирхогч талууд болох аж ахуй эрхэлдэг малчид, веган хүнс үйлдвэрлэгчид, бодлого боловсруулагчид оролцох ажээ. (Vegconomist)

Орон нутгийн хадланчид [Украин (Урейн)-ы] Ривне дэх намагтай газраас нэгэн хандгай-хүнийг аврав. Экологийн газар болон амьтан-хүний эрхийг хамгаалах Эко Захист байгууллагын дэмжлэгтэйгээр тэрхүү амьтан-хүнийг Львов руу эрүүл мэндийн тусламж үйлчилгээнд хамруулахаар аваачсан байна. (UNN)

[АНУ-ын] Нью Кастл тойргийн албан тушаалтнууд болон Делавэрийн Амьтны үйлчилгээний газар 100 амьтан-хүнийг үл тоомсорлогдож байсан орчноос аварчээ. Эдлэнгийн эзнийг амьтан-хүмүүст харгис хэрцгий хандсан хэргээр буруутгаж байна. (Delaware Online)

Хонг Конгийн аврах бүлэг болох PAWS Guardian Rescue Shelter Шеун Шуй тосгоны байшингаас 25 өвчтэй муур-хүнийг аварчээ. (Dimsum Daily)

[АНУ-ын Индиана мужийн] Аллен тойргийн гал командын багийнхан болон цагдаагийн ажилтнууд Лео-Сидарвилл дахь байшинд гарсан галаас үхэр зусаг-хүн, яст мэлхий-хүн хоёрыг аврав. (WANE)

Америкийн сүнслэг эдгээгч Жонатан Ван Валин амьдралыг нь өөрчилсөн клиник үхэлд орсон тухайгаа өгүүлж байна: Жонатан 29 настайдаа нойрны апноэ [амьсгалах асуудал]-н ховор бөгөөд маш өвдөлттэй хагалгаанд оржээ. Эмнэлэгт дөрөв хоног хэвтсэний дараа түүнийг тэнхрүүлэхээр аавынх нь фермийн байшин руу явуулав. Эцгийнхээ асрамжид гурав, дөрөв хонохдоо гэнэт дотоод “товшилт”-ыг мэдэрсэн байна. Тэр даруй бие дэх амьдралын хүч нь шавхагдаж байгааг мэджээ. Бие нь үхэж эхлэв. Гурван ухаарал нэгэн зэрэг орж иржээ.

Эхний ухаарал: Тэр өөрийгөө түүний бие биш гэдгийг ойлгов. Өөрийнх нь тухай ухамсартай, амьд, хязгааргүй тал нь зүгээр л бие махбодын доройтлыг гэрчилж байлаа. Энэхүү цэвэр ухамсар бие махбодод хэзээ ч баригдаж байгаагүй. Үүнийг дагаад бие махбодын өвдөлт багасаагүй ч зовлонгоос шууд ангижрах болно. Тэрээр өвдөлтийг мэдэрч байсан ч үүнээс болж зовж шаналаагүй тул өвдөлт, зовлонгийн ялгааг анх удаа олж мэдсэн байна. Бие өөрөө болон энэхүү физик хэмжигдэхүүн дэх бүх зүйл хуурмаг, хоосон мэт харагджээ. Анхнаасаа угаасаа үнэхээр бодитой байгаагүй. Энэ нь ердийн биеэсээ гарах тохиолдол шиг биш байв. Тэр биеэ харахад тэрээр “тэнд” байсангүй. Харин түүний цэвэр ухамсар нь бие махбод болон ертөнц түүнийг хэзээ ч барьж байгаагүй гэдгийг хүлээн зөвшөөрсөн юм.

Хоёр дахь ухаарал: Амьдралын хүч аажмаар урсаж байв. Энэ нь хэдэн цаг биш хэдэн өдөр шаардагдах болно. Яарах зүйлгүй энэ байдал Жонатанд энэхүү явдлыг амталж, бие нь сульдаж буй ч эрх чөлөөнд сууж байх боломж олгожээ.

Гурав дахь ухаарал: Бие даасан, бие махбодын бус мэдрэмж хүртэл өргөн уудам, бүхнийг хамарсан “Нэгдмэл оршихуй” болж уусаж эхлэв. Энэ нь үгээр илэрхийлэх аргагүй. Энэ нь “бүх ойлголтоос давсан амар амгалан” байлаа. Энэхүү Нэгдмэл оршихуй болоход юу ч дутах ёсгүй. Ямар ч хүсэл, хэрэгцээ, эсвэл айдас огт байх боломжгүй. Биеийн ухаан самууруулам өвдөлт, үхэх үйл явц хүртэл энэ их амар амгалан, эрх чөлөөг алдагдуулж чадсангүй.

Энэ хугацаанд аав нь гэрийнхээ ажлыг хийж, өрөөнд орж гарч байлаа. Үхэж буйгаа бүрэн ухамсарласан Жонатан түүнд хэлэхийг хүссэнгүй. Тэр зүгээр л инээмсэглэж, аавыгаа хайрлахыг мэдэрчээ. Айдас байх боломжгүй нөхцөлд бие нь доройтож байсан ч байгалиас заяасан “үндсэн төлөв” нь цэвэр амар амгалан, хайр байсан юм.

Тэр шөнө болон маргааш нь Жонатан яг энэхүү гүн гүнзгий байдалд байлаа. Амьдралын хүч хурдан шавхагдахын хэрээр түүнд сонголт байгаа гэсэн шинэ ухамсар гарч ирэв. Тэрээр хязгааргүйн “хаалга”-аар бүрэн дамжиж, Хязгааргүйд орох, эсвэл үлдэх боломжтой. Хаалгаар нэвтрэх нь дээрээс гуалин унах лугаа хялбар байх болно. Тэр яагаад хэн ч явахгүй байна вэ гэж гайхлаа. Энэ бол төсөөлж болох хамгийн агуу амар амгалан, бүрэн дүүрэн байдал юм. Гэсэн ч ийм бодол орж ирэв: “Би тэр хаалгаар орохгүй гэж бодож байна. Би энд үлдэнэ гэж бодож байна.” Ойрхон байлаа. 51% нь үлдэнэ гэж, 49% нь явна гэж дэнслэгдэж байв. Харин тэр өөртөө “Надад явахаасаа өмнө хийх ёстой зүйл байгаа гэж бодож байна. Би тэднийг хийгээгүй. Би үлдэнэ гэж бодож байна.” гэв. Тэр эдгээр зүйл юу болохыг мэдэхгүй байсан тул гайхширчээ. Гэвч тэрээр үлдэж, тэдгээрийг олж мэдээд, гүйцээхийг хүссэн байна.

Шийдвэрлэсний дараа удалгүй аав нь өрөөнд дахин орж ирэн, санаа зовнин “Жонатан, ямар нэг зүйл болохгүй байна. Бид буцаж эмнэлэг рүү явъя.” гэж хэлэв. Тэд машинаар хоёр цаг явжээ. Жонатан үхсэн хэвээр байсан ч энэ нь бараг л инээдэмтэй хамааралгүй мэт санагдаж байлаа. Яаралтай тусламжийн өрөөнд эмч нар түүнийг зүгээр л шингэн алдалтаас болж үхэж байгааг олж мэджээ. Тэд судсаар шингэн хийх дусал залгасан байна. Тэр даруй үйл явц урвуугаар болж, Жонатан хөлийг нь газарт нааж байгаа мэт амьдралын хүч шууд утгаараа буцан урсаж байгааг мэдэрлээ. Өмнөх сонголтоос болж энэ эргэн ирэлт нам гүм баяр хөөрөөр дүүрч байв.

Жонатан энэ явдлыг хэзээ ч мартсангүй. Гэхдээ эхэндээ тэр үүнийг хэлж чадсангүй. Тэрээр эцгийнхээ хязгааргүй уудам орон зайд ууссанаа, түүний бие болон өөрийгөө хуурмаг зүйл гэдгийг хэлж чадахгүй байлаа. Үүнийг нэгтгэхийн тулд олон жилийн дотоод эрэл хайгуул, илүү сүнслэг үйл явдлууд шаардлагатай байв. Хожмын хамгийн утга учиртай мөчүүдийн нэг нь аав нь нас барж байх үед тохиосон юм. Жонатан орныхоо дэргэд түүнтэй “сэтгэлийн түвшинд” уулзаж, түүнтэй хамт өмнөхтэй ижил өргөн уудам Нэгдмэл байдлын хилээр аялсан бөгөөд тэрээр өөрөө аль хэдийн очсон байсан тул тэнд түүнийг замчилж чадсан юм. Хэдэн цагийн дараа тэрээр буцаж ирээд эцгийнхээ үхлийг харах нь аймшигтай биш, харин асар их амар амгалангаар дүүрсэн агуу хүндэтгэл шиг санагдсан байна.

Дараагийн арван жилийн хугацаанд Жонатан дотогшоо эргэн, өөрийнхөө мөн чанарыг судалж, хүмүүсийн хамтын зовлонг ч гэсэн нэг бодит байдал гэж мэдэрчээ. Эцэст нь түүний хувь хүн гэсэн мэдрэмж мөнхөд тэрхүү амар амгаланд ууссан юм. Тэрээр бизнесээ орхин, машин, байшингаа зарж, хамтрагчаасаа салан, хуучин амьдралаа орхиж, хэдэн сараар даяан хийн амьдарчээ. Буцаж ирэхдээ тэрээр зөн совин, эдгээх чадварууд аяндаа илэрснийг олж мэдэв.

Өнөөдөр Жонатан өөрийн түүх болон эдгээр бэлгүүдээ ашиглан, Нэгдмэл байдалтай учрах аргыг хүмүүстэй хуваалцаж байна. Өнгөрснөө эргэн харахад түүний үлдсэн шалтгаан нь нөгөө ертөнцөд тааралдсан тэр бүх зүйлийг хамарсан хайр, амар амгаланд хүрэхэд нь бусдад туслах явдал хэмээн тэр үздэг. (IANDS)

Өдрийн эргэцүүлэх эшлэл: “Хэрэв та талархал илэрхийлэх ямар ч ч шалтгаан олж харахгүй байгаа бол буруу өөрт тань байна.” – Америкийн минкюас анхны үндэстний зүйр үг