Бурханыг үнэхээр мэдэх энэ боломжийг бүү алдаарай – энэ бол хүн бүрийн төрөлх эрх юм.

Сириэс Салма-гийн араб хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэё:

Сайн байна уу, Эрдэнэт Их Багш аа. Би Сириэс гаралтай. Би 13 настай. Миний ээж бол Таны шавь нарын нэг бөгөөд тэр Танд маш их хайртай бас чин сэтгэлээсээ ханддаг. Намайг төрөх үед хамгийн түрүүнд сонссон дуу бол Таны үзэсгэлэнтэй, адислалтай дуу хоолой байсан, Их Багш аа, учир нь ээж маань төрөх үедээ утсан дээрээ Таны дуунуудын нэгийг тоглуулж, хажуудаа тавьсан юм. Би гурван настайгаасаа эхлэн өөрийн хүслээр цагаан хоолтон болсон.

Веган хоолтон ээж, эгч нар шигээ сүнслэг, веган орчинд төрсөндөө би үнэхээр талархаж байна. Заримдаа би хичээлдээ явахаар босохдоо өдрийг адислалтай өнгөрүүлэхийн тулд Суприм Мастер ТВ Макс-ыг асаадаг. Эрдэнэт Их Багш минь, бидэнтэй хамт байгаад би үнэхээр хайр, энхрийлэл, талархлыг мэдэрдэг. Дэлхий гараг дээр Тантай хамт байгаа бид үнэхээр их азтай. Хайраараа, Сириэс Салма

Талархалтай Салма, Таны зурваст бид талархаж байна. Энэ цаг үед Эрхэм Их Багштайгаа хамт энэ Дэлхий дээр байгаадаа бид бас хязгааргүй талархдаг. Их Багшид танд зориулсан эелдэг үгс байна:

“Хайр татам Салма, сэтгэлээсээ гарсан мэдрэмжүүдээ хуваалцсанд болон хайр дүүрэн охин бас дүү байгаад тань баярлалаа. Өмнөх амьдралуудад олж авсан буян, эсвэл түүний хомсдол нь Дэлхий дээр бидний туулж буй эерэг эсвэл сөрөг үйлийн үрийг ихээхэн тодорхойлдог. Арьяабалын бясалгал хийдэг ээжээс төрсөн тань төсөөлж байснаас тань ч илүү их адислагдсан хэрэг. Үргэлж веган байгаарай. Та бол Бурханы хүүхэд учраас сүнслэг бясалгалдаа бат зогсож сураарай. Бурхан таны дотор буй. Танд сүнслэг гэр бүлийн хайр байгаа бөгөөд Их Багшийн Хайр үүрд тантай хамт байдаг. Бурханыг үнэхээр мэдэх энэ боломжийг бүү алдаарай – энэ бол хүн бүрийн төрөлх эрх юм. Та, таны ээж, эгч нар болон Сирийн буянтай хүмүүс Бүхнээс Агуу Бурханы Ивээлээр сүнслэг бясалгалаар дамжуулан энэ дэлхий дээр хайр, элбэг хангалуун байдлыг эдлэх болтугай. Танд, таны хайртай бүгдэд нь хайртай.”