Амьдралдаа байгаа бүх зүйлд талархаж сурах нь гайхалтай дадал юм.

Коста Рикагаас Андреагийн испани хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Төгс Гэгээрсэн Их Багш Чин Хай Танд аа, Суприм Мастер ТВ-ийн багт хайр дүүрэн мэнд хүргэе. Их Багш аа, Танд талархах зүйл бидэнд маш их байна. Хэдийгээр бид эгзэгтэй цаг үед байгаа ч, биднийг үргэлж харж анхаарч, хамгаалж байдаг Эргэн Нэгдсэн Хамгаас Хүчирхэг Гурав, Бурхад, Тэнгэр элч нар болон Гэрлийн бүх Оршихуйд талархаж байна. Их Багш нарны идэвхжилийн нөлөөний талаар зарласнаас хойш, Нар идэвхжилээ нэмэгдүүлж эхлэх үеэс, нарны идэвхжил болох бүрд миний толгой эргэх болон өөр таагүй мэдрэмж мэдэрч байв.

Нарны дэлбэрэлт олон удаа болох үед энд үргэлж бороо орж байдгийг би анзаарч, баталгаажуулсан. Өчигдөр (11-р сарын 4)-ийн байдлаар нарны идэвхжил маш их байсан ба бүр X1.8 ангиллын түвшинд хүрсэн хүчтэй нарны дэлбэрэлт гарсан ч, шөнө болтол өдөржингөө бороо, шиврээ бороо орсоор байв. Энэ бол бүхэл бүтэн бүс нутгийг хамарсан нэмэлт хамгаалалтын давхарга адил юм. Ийм байдлаар, Хамгаас Хүчирхэг Гурвын ачаар би сөрөг нөлөөнүүдийг мэдэрсэнгүй.

Бороо бол Адислалтай адил мөн Тэнгэртэй холбодог гэж Их Багш бидэнд хэлснийг би санаж байна, мөн энэ нь бидэнд Таныг санагдуулдаг. Энэхүү хамгаалалт нь үл мэдэгдэх, маш нарийн хэр нь асар хүчтэй! Хэрэв бид арай илүү анхаарал хандуулж, нарийн ширийн зүйлсийг ажвал Хамгаас Хүчирхэг Гурвал нь янз бүрийн төрлийн байгалийн үзэгдлүүдийг ашиглан дэлхийн өнцөг булан бүрийг хамгаалж байгааг бид мэднэ.

Биднийг ямагт хамгаалж байгаа, биднийг болон дэлхийг хамгаалж, дэмжихийн тулд Суприм Мастер ТВ Maкс болон Хамгийн Хүчирхэг Өдөр Тутмын Залбирал зэрэг олон хэрэгслийг бидэнд өгсөн Хамгаас Хүчирхэг Гуравт хязгааргүй талархлаа илэрхийлье. Веган дэлхий удахгүй бодит болохын тулд бүгдээрээ өөрсдийн хувь нэмрээ оруулсаар байцгаая! Таныг Их Багшаа болгон дагах аз жаргалтай, зол завшаантай нэгэн шавь нь байна. Коста Рикагаас Андреа

Дөлгөөн Андреа, бороон адислал таныг авран хамгаалсныг бид мэдээд баярлаж байна, ойрын ирээдүйд мөн нарны тэсрэлтийн давтамж болон эрчим эрс буурна гэж найдаж байна. Бурханлаг Хүчний ачаар энэ физик ертөнц одоо хүртэл бүрэн бүтэн хэвээр байна. Танд болон ногоон Коста Рика улсад хязгааргүй сэтгэл ханамж гэрэлтэн тусах болтугай, Суприм Мастер ТВ-ийн хамт олон

Жич. Их Багш танд хайраар хариулж байна: “Талархалтай Андреа, таны захидлыг уншаад Арьяабалын бясалгалын дадлыг тууштай баримталж байгааг нь мэдээд баяртай байна, ингэснээр та Бурханы мөнхийн Хайранд үргэлж өлгийдүүлж, хамгаалагдсан байдаг. Амьдралдаа байгаа бүх зүйлд талархаж сурах нь гайхалтай дадал юм. Амьтан-хүмүүсийг хоол хүнс биш, харин найз нөхөд гэж үзэх ёстой гэдгийг олон хүн ойлгож байгаа боловч дэлхийн хүн амын нэлээд хэсэг нь сэтгэлгээний энэ өөрчлөлтийг хараахан хийгээгүй хэвээр байна. Хамгаас Хүчирхэг Гурав энэ дэлхийг хамгаалахын тулд бүх бэрхшээлийг үл хайхран, бүхий л боломжоо дайчлан ажиллаж байгаа ч, бид ч мөн адил хамтын хариуцлага үүрэх учиртай. Амьтан-хүний мах хэрэглэхийн хортой нөлөөг ухамсарлаагүй байгаа хүмүүст веган хооллолтын талаар мэдээлж, ойлгуулах дадлыг хэвшүүлж, тэднийг эрүүл, зөв, веган хооллолтыг сонгоход нь урамшуулан дэмжээрэй. Та болон Коста Рикагийн найрсаг ард түмэн энэрэнгүй гарагийн өргөгч аураг удахгүй мэдрэх болтугай. Бурхан таныг үүрд хайрладаг.”