Саад тотгорууд нь биднийг устгах зорилготой биш, харин биднийг сэрээж, сүнснийхээ гүнд нэвтрэн ороход хүргэдэг бөгөөд ингэснээр бид өөрсдийгөө илүү бүрэн дүүрэн мэдэж чаддаг.

Одоо бид Германаас Тамарагын герман хэл дээр илгээсэн сэтгэлийн үгийг одоо хүргэе:

Эрхэм Суприм Мастер ТВ-ийн хамт олон, миний хамгаас Хайртай Их Багш аа, Цаглашгүй Дээд Их Багшийн хэмжээлшгүй их Ерөөлөөр, бид өдөр шөнийн аль ч цагт бидэнтэй хамт байдаг Суприм Мастер Телевизийн гайхамшигт нэвтрүүлгүүдийг үзэж таашаал авдаг. “Ухаарал хайрласан уран зохиол” шоунд нэг удаа Доктор. Жеффри Лоны “Бурхан ба хойд нас” номыг танилцуулсан билээ. Энэ бол сэтгэл татам яриа, туйлын сонирхолтой, сүнслэг шинжлэх ухааны онцгой хөтөлбөр байлаа. Доктор. Жеффри Лонгын сэтгэл хөдөлгөм, үнэнч яриа нь надад урьд өмнө тохиолдсон, үүнтэй яг адил биш ч төстэй дурсамжийг минь тэр дор нь сэргээн сануулсан юм.

Олон жилийн өмнө би амь насанд аюултай нөхцөл байдал болох төрсний дараах хүнд хэлбэрийн сэтгэл гутралд орсон. Тэр үед намайг амьд үлдээж байсан цорын ганц зүйл бол би асрах ёстой нялх хүүхэдтэй байсан явдал юм. Ээжийн хайр л үнэхээр тэр нарийн утас болж байсан ба Бурханы авралаар би хэцүү байдлынхаа талаар илэн далангүй ярьж, цаашдын тусламж хүссэн. Дараа нь сайн найз маань Доктор. Алекс Лойд, Доктор. Бен Жонсон нарын “The Healing Code” буюу “Эдгээх код” хэмээх номыг надад санал болгов. Би үүнийг маш нухацтай хүлээж авсан тул өөрийгөө эмчлэхийн тулд зургаан минутын Эдгээгч Кодыг тэр даруй хэрэгжүүлсэн. Анхны сэтгэл заслын дараа үнэхээр үгээр илэрхийлэхийн аргагүй, гайхалтай сайхан мэдрэмж төрсөн. Миний дотор ямар нэгэн зүйл чөлөөлөгдөж, бүх биеэр минь дулаан урсгал тархсан нь илт мэдэгдэж байв. Энэ өөрчлөлт нь яг л би хайранд умбаж буй мэт үнэхээр гоё, сайхан байв. Мөн энэ нь надад амьдралаа үргэлжлүүлэх хүчийг шууд өгсөн. Зөвхөн хэдхэн хоногийн дараа би энэхүү Эдгээгч Кодоор дамжуулан бүх айдас хүйдсээ гайхалтайгаар давж чадсан. Үнэндээ энэ хайр нь маш хүчтэй байсан тул хүн болон амьтан-хүний зовж байхыг харах үедээ би тэдний өвдөлтийг маш хүчтэйгээр, зүрх шимшрэн мэдэрч, би шууд уйлахад хүрдэг болсон.

Бурхан бүх зүйлийг маш гайхалтай зохицуулдаг! Дараа нь би Төгс Гэгээрсэн Их Багш Чин Хайгаас бяцхан ногоон товхимлыг хүлээн авсан. Миний бүх л амьдралынхаа туршид хайж байсан бүх зүйлийн хариултууд энд байсанд нь маш их тайвширсан. Гэхдээ даруухан хэлэхэд Арьяабалын бясалгалын аргын үгээр илэрхийлэхийн аргагүй гайхамшигтай ахуй ойлголтын мэдрэмж нь, мэдээжийн хэрэг бусад бүх зүйлээс мянга дахин илүү хүчтэй, илүү гайхамшигтай, гоё байсан. Хүн бүр Бурхан ба авралд хүрэх өөрийн гэсэн замтай билээ. Бурхантай харилцсан өөрийн туршлагаараа, бусдад мөн үүнтэй адил зүйлийг мэдрэх боломжийг олгодог хайраар дүүрэн хүмүүст би хязгааргүй их талархаж байна. Зөвхөн Суприм Мастер ТВ-д л ийм урам зоригтой нэвтрүүлэг гардаг. Эрхэмсэг Суприм Мастер ТВ-ийн хамт олондоо хязгааргүй талархъя. Эрхэм Хайрт Төгс Гэгээрсэн Багш Чин Хай Та минь, эрүүл саруул сайн сайхан байгаарай. Би Тандаа хайртай, бүхий л зүйлд Тандаа би их баярлалаа. Германаас Тамара

Чин үнэнч Тамара, зовлон зүдгүүрийнхээ дунд Бурханыг хэрхэн олсон тухай сүнслэг түүхээ хуваалцсанд талархаж байна. Хамгийн хүнд сорилтууд л биднийг ихэнхдээ хамгийн утга учиртай ялалтад хүргэдэг. Хамгийн цөхрөнгөө барсан үедээ Бурханд хандан дуудаж, залбирч хариулт авсан олон хүнд энэ үнэн юм. Та болон Герман улсын тууштай ард түмэн Тэнгэрийн Нигүүлслээр амар амгаланг олох болтугай, Суприм Мастер Телевизийн хамт олон

Жич, Багш танд хайрын захиас өглөө: “Мятрашгүй Тамара, таны сэтгэл хөдөлгөм түүх хүний ​​оюун санааны тэсвэр тэвчээрийг харуулж байна. Та үнэхээр хамгийн хэрэгтэй цагтаа Бурханы Удирдамжийг дагаснаар маш хэцүү нөхцөл байдлыг даван туулж чаджээ. Саад тотгорууд нь биднийг устгах зорилготой биш, харин биднийг сэрээж, сүнснийхээ гүнд нэвтрэн ороход хүргэдэг бөгөөд ингэснээр бид өөрсдийгөө илүү бүрэн дүүрэн мэдэж чаддаг. Хэрэв танд тийм хэцүү үе хэзээ ч тохиолдоогүй бол амьдрал тань одоо хаана байх байсныг төсөөлөөд үз дээ? Иймээс амьдрал бидэнд бэлэглэсэн зүйлийг үргэлж хүлээн авч, Бурхантай ойр байх ёстой. Ингэснээр бид хором мөч бүрийг өөрийн жинхэнэ дүрээрээ туулж өнгөрүүлэн, амьдралыг бидний хамгийн сайн сайн талуудыг гаргаж ирдэг гайхамшигт адал явдал мэт мэдрэх болно. Таныг ариун аяллаа үргэлжлүүлэхэд амьдралд тань өндөр амжилт, адислалыг хүсэн ерөөе! Та болон үзэсгэлэнт Герман улс өдөр бүр Диваажингийн Гэрлийг мэдэрч байх болтугай. Танд үүрд хайртай!”