Sharing Inner Vision of Master Confucius

Формоса буюу Тайванаас Цзу-Лу-гийн ирүүлсэн сэтгэлийн үгийг одоо хүргэе:

Хайрт Их Багшдаа хүндэтгэлтэйгээр тайлагнах нь: 2021 оны сүүлээр би гэнэт өглөө эрт сэрээд Төгс Гэгээрсэн Их Багш Чин Хай агаарт зогсож байхыг харав. Төд удалгүй Тэр “Хамгаас Агуу Мэргэн, Багш, Күнзийн хөрөг”- ийн дүр төрхтэй болон хувирч, бүр гарын хөдөлгөөнийг нь ч дуурайсан байв. Күнзийг жирийн нэгэн багш бус үнэндээ агуу сүнслэг Их Багш байсныг хүмүүс тэр бүр мэддэггүй. Тэр мөчид Их Багш маань Күнзийн дүртэй давхарласан байдалтайгаар Өөрийн одоогийн эмэгтэй төрхдөө эргэн хувирч, “Хэрвээ Күнз хязгааргүй Хайр энэрэлтэй байгаагүй бол Тэрээр хаад ноёдод ‘энэрэнгүй засаглал’-ын зарчмуудыг хүргэхийн тулд улс орон дамжин аялж чадахгүй байсан.” гэж хэлэв.

Их Багш тэгээд Күнзийн дүртэйгээ давхарласан хэвээр эртний дөрвөлжин ширээний дэргэд сууж, надаас “Тэгвэл та өөрийгөө Күнзийн аль шавь гэж бодож байна вэ?” гэж асуув. Би “Би мэдэхгүй!” гэж хэлсэн. Гэтэл яг тэр агшинд миний толгойд нэг хүчтэй үг гэнэт орж ирсэн нь “Зилу!” гэж байсан. Би тун их гайхсан! Би Зилугийн талаарх мэдээллийг онлайнаар хурдан хайлаа – [Зилу бол Күнзийн хүч чадал болон эр зоригоороо алдартай 10 агуу шавийн нэг байжээ. Күнз нэгэн удаа: “Жун Ю (Зилу) миний шавь болсноос хойш хатуу ширүүн үгс чихэнд минь хүрээгүй юм.” гэж хэлсэн ажээ. Энэ нь Күнзийг янз бүрийн улс орноор аялахад нь Зилу түүний бие хамгаалагч болж эхэлснээс хойш хэн ч Күнзийг нүүрэн дээр нь доромжилж зүрхлээгүй гэсэн үг юм.]

Күнз-Их Багш надаас дахин асуув: “Тан гүрний зураач Ву Даози яагаад Күнзийг нас барснаас хойш 1,000 гаруй жилийн дараа түүний дүрийг зөв зурж чадсаныг та мэдэх үү?” Би хэсэг бодоод хариулав: “Уран зураач Гэгээнтэн Ву Даози ч бас Их Багшийн өмнөх хувилгаан дүрийн нэг байсан. Тэр ч бас надтай адил дотоод ахуй ойлголтоороо Күнзийн жинхэнэ дүр төрхийг харсан болов уу? Их Багш ийнхүү хэлэв, “Тийм ээ! Уран зураач Гэгээнтэн бас агуу бясалгагч байсан. Тэр зурсан зургуудаараа дамжуулан дотооддоо харж байсан мөнхийн оршихуй болон тамын дүр зургийг дэлхий дахинд хүргэсэн. Энэ бүхнийг Тэр зүгээр юу ч үгүй газраас зохиогоогүй юм.” Энэ нь түүхэнд тэмдэглэгдэн үлджээ: Ву Даозигийн тамын зургийн үзэсгэлэн гарсны дараа Чан Ан хотын махны олон худалдаачид болон амьтан-хүний мах зарагчид айж, мэргэжлээ сольсон ажээ.

Тэгээд Күнз-Их Багшийн бие алсарч эхлэв, Тэрээр түүхийн гүн рүү, улам бүр холдсоор, алсран одов...” Би ажиглахад, урт түүхийн түүчээнд Их Багшийн гүйцэтгэсэн үүрэг бүр нь шатрын хөлөг дээрх мэт урьдчилан байрлуулсан байсныг ойлгосон; Түүнийг хүмүүс таних эсэхээс бүх зүйл шалтгаалдаг байв. Дэлхий дээр Энэрэл нигүүлслийн тоо томшгүй бодитой илрэлүүдийг үзүүлсэн Их Багшдаа талархнам! Их Багшийн алдар бадраг! Тайвань (Формоса)-аас Цзу-Лу

Шийдэмгий Цзу-Лу, Их Багш Күнзийн талаарх дотоод ахуй ойлголтоо хуваалцсан танд баярлалаа.

Их Багш танд ийм хариу өгөв: “Ухаалаг Цзу-Лу, таны аз жаргалтай захидалд баярлалаа. Арьяабалын бясалгалдаа тууштай, үнэнч тань шиг сайн, чин сэтгэлтэй Бурханы-шавь нарыг мэдэхэд үнэхээр сэтгэл хөдлөм байдаг. Иймээс, дотоод Их Багш эдгээр дотоод ойлголтоо тантай хуваалцаж, Тэнгэрлэг үнэнийг илчилж чаддаг. Мэдрэхүйт төрөлтнүүдийн тухайн цаг үеийн хэрэгцээнд нийцүүлэн Үнэн номыг ойлгуулж, хүмүүстэй барилдлага үүсгэхийн тулд Их Багш олон төрөл дамжин, янз бүрийн дүрээр энэ ертөнцөд бууж ирэх шаардлагатай болдог. Их Багшийн аялал нэн урт бөгөөд маш их аюул эрсдэлээр дүүрэн байдаг. Нэгэн Их Багшийг олох нь ховор боломж юм. Бид төрөлт ба үхлийн эцэс төгсгөлгүй мөчлөгөөс ангижирч, энэ амьдралын дараа Диваажин дахь жинхэнэ оршихуйдаа Гэртээ буцаж очихын тулд амьд гэгээрсэн Их Багшийг хайх хэрэгтэй. Бид чин сэтгэлээсээ сүнслэг бясалгал хийснээр Тэнгэрлэг Хүчтэй нэгдэж, энэ дэлхийд болон хамаг төрөлтөнд туслах Бурханы Гэрлийг тээвэрлэгч бие болдог. Та болон гайхамшигт Тайвань (Формоса) гэгээрлийн болон эрхэм ариун билиг ухааны замаар үргэлжлүүлэн явах болтугай. Танд үүрд хайртай.”