Feeling How Master Strives Against Evil, Dark Forces Which Work in Webs

Хүндэт Их Багш аа, би өнөөдөр нэг зүүд зүүдэлсэн. Энэ үнэхээр бодит харагдсан. Байденыг дэмжигчид болон тэдний харьяат хүмүүс шиг энэ дэлхийн сөрөг хүч энергийн хэлбэрээр өөр төвшинд ажиллаж ийм сөрөг, харанхуй, муу энергийг цацаж, ийм аргаар дамжуулан холбогдож байв. Гар утасных шиг сүлжээгээр тэд надтай алсаас холбогдож буйг хараад би үнэхээр айж, тэднээс холбоогоо салгасан. Эдгээр хар хүчний хүмүүсийн эргэн тойронд байх нь хүртэл биднийг өвчлүүлдэг гэж Таны хэлсэн шиг л байсан... Дараа нь би сэрээд Их Багш ийм муу ёрын хүч, ракшаса, тэдгээрийн дагалдагч хүмүүстэй өөр төвшинд ч бас хэрхэн тулалдаж буйг ухаарсан.

Энэ биет ертөнцөд эерэг, сөргийн хоорондох дайн тайлбарлахын аргагүй ийм байдлаар өрнөж байна. Яг энэ мөчид, энэ гараг дээр сөрөг байдал бас оргилдоо хүрч, бүх хүчээрээ дайрч байна. Энэ нь яг л Рамаяна судрын Равана болон түүний бүх харьяат хүмүүс Рамтай физик төвшнөөс асурын төвшин хүртэлх бүх хүч чадлаараа хийж буй тулаан шиг санагдсан. Их Багш аалзны торонд ажиллаж буй ийм хорон, хар хүчний эсрэг хэрхэн ажиллаж буйг би мэдэрч байлаа.

Өө, Хүндэт Их Багш аа, энэ гараг дээр заларсанд Тань болон Таны бүхий л хүчин зүтгэлд баярлалаа. Таны маш агууг илэрхийлэх үгс минь өчүүхэн билээ. Баярлалаа, Хүндэт Их Багш аа. Диваажин Таныг үргэлж хамгаалж байг. Та бүхий л талаараа амжилттай байх болтугай. Веган болох нь сөрөг талыг саармагжуулж, эерэг энергийг түгээдэг гэж Таны хэлсэнчлэн эерэг байдал тархаж, сөрөг байдлыг саармагжуулахын тулд хүмүүс удахгүй сэрэх болтугай.

Баярлалаа, Хамгаас хайрт Их Багш аа. Энэ гараг дээр хийж буй бүх зүйлсэд Тань, төсөөлж баршгүй, тайлбарлаж ч чадамгүй бүхий л хүчин зүтгэлд Тань баярлалаа... Балба улсаас Бхависана

Ажигч Бхависана, дотоод ахуй ойлголтоо ярьсанд баярлалаа. Манай дэлхийд одоо сорилтуудын тулгарч буй шалгуурын дунд биднийг аюулгүй, тэнцвэртэй байлгаж, бясалгал, өдөр тутмын амьдралд өгсөн энэрэнгүй Хайрын хүч, сүнслэг хэрэгслийнх нь төлөө Их Багшдаа талархаад баршгүй.

Хамгаас Эрхэм Их Багш маань эдгээр мэргэн үгсээр хариуллаа: “Чадварлаг Бхависана, энэ дэлхий зөвхөн худал хуурмаг гэдгийг санаарай. Та бол Арьяабалын Бясалгалын Аргаар адислагдсан азтай хүмүүсийн нэг юм. Сүнслэг дадлаа үргэлжлүүлж, чадах чинээгээрээ бясалган бусдыг гэтлэхэд нь тусалж, өөрийн сүнслэг байр суурийг дэвшүүлээрэй. Дэлхий, бүх хүн төрөлхтөн веган болог хэмээн залбираарай. Танд Хайраа илгээе, Бурхад бидний залбирлыг сонсож, манай гарагт болон Балбын халамжтай ард түмэнд зөвхөн амар амгалан, Гэрлийг авчрахад туслахаар Хүч чадлаа илгээх болтугай.”